مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، نوفمبر 17، 2006

خد الامور ببساطة وبلاش حكاية العنب

لو واحد قال ليك واحد +واحد= كم هتواجب صح ولا هتقع فى فخ وتقول دة سؤال صعب وضعنى فى وضع محرج ياخيبتى وياشماتة ابلة حكمت وهيئة المدرسين وممكن تكتئب وتصدر منك اعمال مش مفهومة ومش بعيد تنتحر
وممكن تجنن ويجى ليك حالة هيستريا وتمشى فى الشارع وتغنى وتقول اى كلام واحد اثنين سرجى مرجى وياسلام عليك وانت واقف فى وسط الشارع وتصرخ وتقول دمرونى لانى طيب النيبة سالونى سؤال صعبا مفتريا
ووبعدين الواحد لو جلس مع نفسة هيقول انا عملت كدة لية وهو السؤال صعب ولا انا ما فكرتش كويس ولا خدنة على انة استهزاء بيا وبعقلى عشان كدة رد فعلى كان فية شىء من العصبية والجنون
مع ان الواحد لازم يكن هادى وعندة استعداد يستقبل اى حاجة لاننا عايشين فى دنيا والدنيا فيها وفيها يعنى مثلاا فية اللى يقول العنب العنب العنب ويقولك فن والناس هايصة ولا مش عارف لايصة بس مبسطوطة وفية ناس تقول كلام زى اهواك واتمنى لو انساك وايضا دة فن الاختلاف بس فى التوقيت
لو كان صاحب اهواك عايش وشاف صاحب العنبب كانت حصلة قفلة وكان كل واحد فيهم جرى من التانى لان هحيس انة فى عالم مجنون او عندة حالة انعدام اللا اية مش عارف لما افتكر هقول المهم كان هيبقى فية تنافر وليس تجازب
وحال الدنيا على دة الحال مرة فوق ومرة تحت مرة سهل ومرة صعب واحنا بقى لو خدنا كل حاجة بجدية اكثر من الازم ممكن نجنن ويحصل لينا زى الواد اللى سال الواد بردوا واحد + واحد= كم فتجنن لانة عقلة لم يقبل ان يستخف بية حد ولو كان خدالامر بسهولة وقال اثنين كان خلاص كل شىء اتحل
لكن باين علينا احنا اللى بنعمل من الحبة قبة وفى الاخر بنركب المراجيح وعلى اعتقاد انها هتوصلنا المريخ وياريت بقىنخد الامور ببساطة ولا عايزين تبقى زى الاخ انتم حورين والعنب العنب العنب

هناك 23 تعليقًا:

مـحـمـد مـفـيـد يقول...

انت جبت من الخر يا تامر
بنركب المراجيح وعايزنها تطلعنا المراجيح
رائع كالعاده يا تامر

tamer يقول...

مـحـمـد مـفـيـد

ربنا يخليك ياريس

نورت المدونة

تحياتى

smraa alnil يقول...

يلا يلا يلا
يلا هنرقص يلا
يعني هي جت علي بتوع العنب ما هو بيغني البلح البلح البلح
ولا اه يا جفا
يعني الموضوع مش موضوع واحد ولا اتنين ولا حتي عشرين
الموضوع فينا احنا
واحسرتاه علي العباد
اهو الواحد يقولك يا سيدي خلينا نرقص ونهيس عشان ننسي هموم الدنيا
يعني من الاخر اي كان اللي احنا فيه بنركب المرجيحة عشان نطلع المريخ زي مانت قلت ونهرب من اللي احنا فيه
كنت مبسوطة انك زرتني

gamal يقول...

تــامــر باشا
أفكـارك جميلة حقيقى وتخـيـلاتك
رائـعـةوخاصة اليومين دول العنب مغرق السوق ومش عايز يخلص وكمان معاه البلح .... احنا ح نلاقيها منين ولا منين
شكرا على زيارتك لى
ولك تحياتى

ادم المصري يقول...

ياباشا واحشني جدا


تعرف انت جبت المفيد

فعلا احنا لازم ناخد الامور ببساطة


ده الحل الوحيد علشان ما نتشلش

tamer يقول...

smraa alnil

طبعا مش على العنب وزى ما قولتى فية البلح وغيرة والعنب ما كان الا مثال ةمدام انتى مبسوطة خلاص اهم حاجة الانسان يكون مستريح

تحياتى









gamal

اهلا ياريس

والله عندك باين عليهم هيشجعونا نعمل جناين فاكهة

تحياتى










ادم

عشرة على عشرة فعلاا لاننا لو عقدنا الامور الحياة مش هنعرف نعيش فيها

تحياتى

18goosebumps يقول...

تامر ... ميضورش ابدا ان الواحد
يحس ويستغرب في زمن كترت فيه علامات التعجب

لكن مهم جداا انه يتقبل ان فيه غيره مختلف عنه في الثقافه او الدين او العقائد او التربيه او المستوى التعليمى

مفهوم الصح بقا شيء نسبي وضروري نتقبل ده ولكن من غير ما نتبلد

ملحوظه مؤخرا في اصدار في الاسواق بيقول السمك السمك السمك
البياعين في السوق حيتنبسطوا اوى جدا خالص

تحياتى

tamer يقول...

18goosebumps

اتفق معاكى لان الانسان الطبيعى فعلاا هو من يسمع لااخرين مش شرط نتفق معهم فى كل حاجة بس يكون فية مجال للحوار


بالنسبة للسمك طبعا لان هتحقق ليهم مبيعات خرافة

تحياتى

غير معرف يقول...

انا عايز اطلع المريخ من غير مركب المراجيح ياسلام على المراجيح بتاعه زمان
زمان كان الواحد بيحب العنب

العنب العنب العنب

يا سلام على العنب والله انا اتجننت لدرجه انى بهلوس

ناخد الامور ببساطه بس افرض بساطه كانت مسافره ناخد الامور بايه
ولو ايه مش موجوده هى كمان ناخد الامور ازاى

ولو ازاى عملت حادثه ناخد الامور بانهى شكل
بقول ايه كفايه كده لحسن انا محتاج يتعملى ريفرش عشان انا هنجت

بوست لذيذ

والمدونه المرعبه بتاعتك ديه يا عم تنفع تتعمل فيلم رعب

Abdou Basha يقول...

معاك حق ان الواحد يعمل حسابه على اي حاجة ممكن تحصل اليومين دول، بس للأسف الواحد بينسى برضه وياخد الأمور جد
:)

tamer يقول...

yasser


اهلا بيك

طبعا العنب بتاع زمان غير دلوقتى كان لية تخصص دلوقتى لكل حاجة اكل وشرب وغنى وعلى كيفك


وبعدين ما ادام حصل عندك تهنيج لازم فرش وتحديث وممكن تغير بقى نسخة وينذز كاملةههههههههه


المدونة تبقى فيلم رعب موافق بس تكون البطل يامعلم


تحياتى







Abdou Basha

نورت المدونة

بص اكيد طبعا ممكن ننسى ونخد تانى الامور جد ممكن يكون راجع لطبع فينا

بس البساطة مفيش افضل منها وعن تجربة

تحياتى

BEL3ARABY يقول...

اولا شكرا لزيارتك مدونتي .المهم ان واحد بدأ بالعنب التاني قلب علي البلح والفاكهة وياعالم ايه اللي هيحصل بعد السمك. ربنا يريحنا منهم بقي

MAKSOFA يقول...

بوست حلو ومسكر زي العنب

بس أوعي تكون كتبته تأثرا بأغنيه العنب بتاعه المدعو سعد الصغير

tamer يقول...

BEL3ARABY

العفوا لاشكر على واجب

ممكن نرتاح منهم عن طريق المقاطعة الفنية ليهم لان دول تشوية لينا قبل ما يكون لنفسهم

لكن طول ما فية اللى مبسوط منهم هيظهر منهم كتيرر


تحياتى









MAKSOFA

مش تأثير ولاحاجة هو مجرد الموضوع بيتكلم عن التعقيد واخد كا شىء جد جدااا دة بيعمل عملية تهنيج لينا لازم يكون فية بساطة فى التعامل مع الامور

وبالنسبة للعنب وسعد اللى هو سرق الاغنية من واحد اسمة بعرور المقاطعة لااغانى دى حل لانهم هيختفوا خالص بعدها

تحياتى

حائر في دنيا الله يقول...

آه يادماغي
يعني أنا أسيب الدنيا الملخبطة في الشارع
آجي هنا تلخبطني أكتر ممنا متلخبط
روووووح ياشيخ
وتعالي تاني
سلام

tamer يقول...

حائر في دنيا الله

ههههههههه

سلامتك يابشا من اللخبطة

نورت المدونة

تحياتى

عمر يقول...

حلو جدا والله يا تامر، فعلا احنا بنعقد ونلف وندور والمفروض ناخد الأمور ببساطة لأن في الآخر كل ما الواحد يفهم حاجة يتأكد أنه مش فاهم أي حاجة! وعلي رأي واحد صاحبي سواق مكروباص معرفوش كاتب علي قفا عربيته "ماحدش فاهم حاجة".. هو الراجل دة بقي اللي فاهم كل حاجة! واستمر يا باشا

Heba Al_Menshawy يقول...

فعلا الواحد بيعمل من الحبة قبة وبيكبر اي موضوع مهما كان بسيط ويقعد يضرب اخماس في اسداس ووجع دماغ في حاجة بسيطة ومش مستاهلة كل دا
جبت المفيد يا استاذ تامر ... " خد الامور ببساطة"

توتة توتة يقول...

على فكرة ده رأيي دايما ان احنا لازم نهدي

tamer يقول...

عمر


اشكرك على التقيم دة سواق مكروباص

فعلاا عندة حق لان فعلا احنا فى زمن محدش فاهم فية حاجة والاسهل والاريح نخد الامور ببساطة


تحياتى






&HEBA&

ايوة الواحد لو شعل دماغة بكل حاجة ومسك على الواحدة هيلحق على اية ولااية


تحياتى













توتة توتة

كلام جميل وانا مقتنع بية لانة راى انا كمان

تحياتى

غير معرف يقول...

انت مش مدرك اد إيه ذوق المجتمع المصري منحدر أو انحدر
لو نزلت الشارع و اتفرجت على مدى تناسق الالوان في ملابس كل الناس هتفهم!!
للأسف مافيش تربية جمالية و لا حس ذوقي للجمال و الفن أصلا
و ده أعتقد سبب من اسباب اختيارات الناس التافهة
مش موضوع الناس عايزة تضحك و عندها كبت و بس الموضوع أكبر من كده بكثير

tamer يقول...

Carol

الموضوع فعلاا اكبر من كدة اتفق معاك لكن الناس هتعمل اية


انت عارف ان حتى انعدام الزوق دة انا اشوفة اعتراض على شىء ما كبت وطلع فى الصورة دى

ممكن لاتتفق على ما يشاعة عنة من زوق وتناسق ولكن كما نقول قدر اخف من قدر

ربنا يصلح الحال

تحياتى

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير