لو واحد قال ليك واحد +واحد= كم هتواجب صح ولا هتقع فى فخ وتقول دة سؤال صعب وضعنى فى وضع محرج ياخيبتى وياشماتة ابلة حكمت وهيئة المدرسين وممكن تكتئب وتصدر منك اعمال مش مفهومة ومش بعيد تنتحر
وممكن تجنن ويجى ليك حالة هيستريا وتمشى فى الشارع وتغنى وتقول اى كلام واحد اثنين سرجى مرجى وياسلام عليك وانت واقف فى وسط الشارع وتصرخ وتقول دمرونى لانى طيب النيبة سالونى سؤال صعبا مفتريا
ووبعدين الواحد لو جلس مع نفسة هيقول انا عملت كدة لية وهو السؤال صعب ولا انا ما فكرتش كويس ولا خدنة على انة استهزاء بيا وبعقلى عشان كدة رد فعلى كان فية شىء من العصبية والجنون
مع ان الواحد لازم يكن هادى وعندة استعداد يستقبل اى حاجة لاننا عايشين فى دنيا والدنيا فيها وفيها يعنى مثلاا فية اللى يقول العنب العنب العنب ويقولك فن والناس هايصة ولا مش عارف لايصة بس مبسطوطة وفية ناس تقول كلام زى اهواك واتمنى لو انساك وايضا دة فن الاختلاف بس فى التوقيت
لو كان صاحب اهواك عايش وشاف صاحب العنبب كانت حصلة قفلة وكان كل واحد فيهم جرى من التانى لان هحيس انة فى عالم مجنون او عندة حالة انعدام اللا اية مش عارف لما افتكر هقول المهم كان هيبقى فية تنافر وليس تجازب
وحال الدنيا على دة الحال مرة فوق ومرة تحت مرة سهل ومرة صعب واحنا بقى لو خدنا كل حاجة بجدية اكثر من الازم ممكن نجنن ويحصل لينا زى الواد اللى سال الواد بردوا واحد + واحد= كم فتجنن لانة عقلة لم يقبل ان يستخف بية حد ولو كان خدالامر بسهولة وقال اثنين كان خلاص كل شىء اتحل
لكن باين علينا احنا اللى بنعمل من الحبة قبة وفى الاخر بنركب المراجيح وعلى اعتقاد انها هتوصلنا المريخ وياريت بقىنخد الامور ببساطة ولا عايزين تبقى زى الاخ انتم حورين والعنب العنب العنب
انت جبت من الخر يا تامر
بنركب المراجيح وعايزنها تطلعنا المراجيح
رائع كالعاده يا تامر
مـحـمـد مـفـيـد
ربنا يخليك ياريس
نورت المدونة
تحياتى
يلا يلا يلا
يلا هنرقص يلا
يعني هي جت علي بتوع العنب ما هو بيغني البلح البلح البلح
ولا اه يا جفا
يعني الموضوع مش موضوع واحد ولا اتنين ولا حتي عشرين
الموضوع فينا احنا
واحسرتاه علي العباد
اهو الواحد يقولك يا سيدي خلينا نرقص ونهيس عشان ننسي هموم الدنيا
يعني من الاخر اي كان اللي احنا فيه بنركب المرجيحة عشان نطلع المريخ زي مانت قلت ونهرب من اللي احنا فيه
كنت مبسوطة انك زرتني
تــامــر باشا
أفكـارك جميلة حقيقى وتخـيـلاتك
رائـعـةوخاصة اليومين دول العنب مغرق السوق ومش عايز يخلص وكمان معاه البلح .... احنا ح نلاقيها منين ولا منين
شكرا على زيارتك لى
ولك تحياتى
ياباشا واحشني جدا
تعرف انت جبت المفيد
فعلا احنا لازم ناخد الامور ببساطة
ده الحل الوحيد علشان ما نتشلش
smraa alnil
طبعا مش على العنب وزى ما قولتى فية البلح وغيرة والعنب ما كان الا مثال ةمدام انتى مبسوطة خلاص اهم حاجة الانسان يكون مستريح
تحياتى
gamal
اهلا ياريس
والله عندك باين عليهم هيشجعونا نعمل جناين فاكهة
تحياتى
ادم
عشرة على عشرة فعلاا لاننا لو عقدنا الامور الحياة مش هنعرف نعيش فيها
تحياتى
تامر ... ميضورش ابدا ان الواحد
يحس ويستغرب في زمن كترت فيه علامات التعجب
لكن مهم جداا انه يتقبل ان فيه غيره مختلف عنه في الثقافه او الدين او العقائد او التربيه او المستوى التعليمى
مفهوم الصح بقا شيء نسبي وضروري نتقبل ده ولكن من غير ما نتبلد
ملحوظه مؤخرا في اصدار في الاسواق بيقول السمك السمك السمك
البياعين في السوق حيتنبسطوا اوى جدا خالص
تحياتى
18goosebumps
اتفق معاكى لان الانسان الطبيعى فعلاا هو من يسمع لااخرين مش شرط نتفق معهم فى كل حاجة بس يكون فية مجال للحوار
بالنسبة للسمك طبعا لان هتحقق ليهم مبيعات خرافة
تحياتى
انا عايز اطلع المريخ من غير مركب المراجيح ياسلام على المراجيح بتاعه زمان
زمان كان الواحد بيحب العنب
العنب العنب العنب
يا سلام على العنب والله انا اتجننت لدرجه انى بهلوس
ناخد الامور ببساطه بس افرض بساطه كانت مسافره ناخد الامور بايه
ولو ايه مش موجوده هى كمان ناخد الامور ازاى
ولو ازاى عملت حادثه ناخد الامور بانهى شكل
بقول ايه كفايه كده لحسن انا محتاج يتعملى ريفرش عشان انا هنجت
بوست لذيذ
والمدونه المرعبه بتاعتك ديه يا عم تنفع تتعمل فيلم رعب
معاك حق ان الواحد يعمل حسابه على اي حاجة ممكن تحصل اليومين دول، بس للأسف الواحد بينسى برضه وياخد الأمور جد
:)
yasser
اهلا بيك
طبعا العنب بتاع زمان غير دلوقتى كان لية تخصص دلوقتى لكل حاجة اكل وشرب وغنى وعلى كيفك
وبعدين ما ادام حصل عندك تهنيج لازم فرش وتحديث وممكن تغير بقى نسخة وينذز كاملةههههههههه
المدونة تبقى فيلم رعب موافق بس تكون البطل يامعلم
تحياتى
Abdou Basha
نورت المدونة
بص اكيد طبعا ممكن ننسى ونخد تانى الامور جد ممكن يكون راجع لطبع فينا
بس البساطة مفيش افضل منها وعن تجربة
تحياتى
اولا شكرا لزيارتك مدونتي .المهم ان واحد بدأ بالعنب التاني قلب علي البلح والفاكهة وياعالم ايه اللي هيحصل بعد السمك. ربنا يريحنا منهم بقي
بوست حلو ومسكر زي العنب
بس أوعي تكون كتبته تأثرا بأغنيه العنب بتاعه المدعو سعد الصغير
BEL3ARABY
العفوا لاشكر على واجب
ممكن نرتاح منهم عن طريق المقاطعة الفنية ليهم لان دول تشوية لينا قبل ما يكون لنفسهم
لكن طول ما فية اللى مبسوط منهم هيظهر منهم كتيرر
تحياتى
MAKSOFA
مش تأثير ولاحاجة هو مجرد الموضوع بيتكلم عن التعقيد واخد كا شىء جد جدااا دة بيعمل عملية تهنيج لينا لازم يكون فية بساطة فى التعامل مع الامور
وبالنسبة للعنب وسعد اللى هو سرق الاغنية من واحد اسمة بعرور المقاطعة لااغانى دى حل لانهم هيختفوا خالص بعدها
تحياتى
آه يادماغي
يعني أنا أسيب الدنيا الملخبطة في الشارع
آجي هنا تلخبطني أكتر ممنا متلخبط
روووووح ياشيخ
وتعالي تاني
سلام
حائر في دنيا الله
ههههههههه
سلامتك يابشا من اللخبطة
نورت المدونة
تحياتى
حلو جدا والله يا تامر، فعلا احنا بنعقد ونلف وندور والمفروض ناخد الأمور ببساطة لأن في الآخر كل ما الواحد يفهم حاجة يتأكد أنه مش فاهم أي حاجة! وعلي رأي واحد صاحبي سواق مكروباص معرفوش كاتب علي قفا عربيته "ماحدش فاهم حاجة".. هو الراجل دة بقي اللي فاهم كل حاجة! واستمر يا باشا
فعلا الواحد بيعمل من الحبة قبة وبيكبر اي موضوع مهما كان بسيط ويقعد يضرب اخماس في اسداس ووجع دماغ في حاجة بسيطة ومش مستاهلة كل دا
جبت المفيد يا استاذ تامر ... " خد الامور ببساطة"
على فكرة ده رأيي دايما ان احنا لازم نهدي
عمر
اشكرك على التقيم دة سواق مكروباص
فعلاا عندة حق لان فعلا احنا فى زمن محدش فاهم فية حاجة والاسهل والاريح نخد الامور ببساطة
تحياتى
&HEBA&
ايوة الواحد لو شعل دماغة بكل حاجة ومسك على الواحدة هيلحق على اية ولااية
تحياتى
توتة توتة
كلام جميل وانا مقتنع بية لانة راى انا كمان
تحياتى
انت مش مدرك اد إيه ذوق المجتمع المصري منحدر أو انحدر
لو نزلت الشارع و اتفرجت على مدى تناسق الالوان في ملابس كل الناس هتفهم!!
للأسف مافيش تربية جمالية و لا حس ذوقي للجمال و الفن أصلا
و ده أعتقد سبب من اسباب اختيارات الناس التافهة
مش موضوع الناس عايزة تضحك و عندها كبت و بس الموضوع أكبر من كده بكثير
Carol
الموضوع فعلاا اكبر من كدة اتفق معاك لكن الناس هتعمل اية
انت عارف ان حتى انعدام الزوق دة انا اشوفة اعتراض على شىء ما كبت وطلع فى الصورة دى
ممكن لاتتفق على ما يشاعة عنة من زوق وتناسق ولكن كما نقول قدر اخف من قدر
ربنا يصلح الحال
تحياتى
إرسال تعليق