مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الخميس، نوفمبر 23، 2006

مضغوط وعايز فك شفرة

حاسس انك مضغوط وكل حاجة فوق راسك والمسئؤلية عليك كبيرة والحمل ذاد وبقيت خلاص اوشكت انت وجسمك وحالتك النفسية على السقوط الى الهاوية يبقى اكيد محتاج برنامج فك الضغط اللى عليك وتقطيع المشاهد اللى جواك الى اكثر من مشهد لمعرفة كيفية التعامل معها
خليكم هارشين الموضوع معايا وبلاش كسوف اانا بحاول معكم المساعدة كلنا مضغوطين ومحتاجين برنامج فك الضغط بس المشكلة ان فية اللى يكتشف الضغوط ويحاول على تقطيع المشاهد ويكون مستخدم جيدا للبرنامج عشان يعرف يتعامل مع كل مشهد على انفراد وفية اللى لايص وحالتة تصعب على الكافر ولايدرى ماذا حل بة ومما يعانى
ودة محتاج الى اعادة تأهيل وشرح الضغوط مع البرنامج والشفرة السرية لفكها واكيد اللى ما تعلم فى المدرسة بكرة تعلمة اية000؟ نسيبةى بقى ليها معلشى هيتعذب يوم اثنين اسبوع شهر المهم فى النهاية هيقدر يوصل للنتيجة الصح للضغوط وتشغيل البرنامج لفكها والعمل على هزيمتها
والحكاية مش صعبة بس خد الامور بجد مش على صدرك لتخد برد وبعدين النكسة تبقى اثنين ضغوط+برد= ؟ نتيجة هتبقى تعبانة خالص بقى وساعتها لسة هندور كمان على شفرة التعامل مع البرد فخليك ناصح وبلاش تستعجل على الفهم والعلاج وكل حاجة خدها براحة وخليك تكن اذى ياعزيزى
والدنيا حلوة جميلة اوى بس احنا مش وخدين بالنا وطول ما احنا هنواجة الامور اول بااول ومفيش شيل وادخار لكل حاجة جوانا مش هيكون فية ضغوط خالص هتجى منين بقى لكن طول ما انت غاوى الادخار بقى انت الجانى على نفسك وخلى بالك ممكن البرنامج يقول ليك استوب قربت على الانفجار انت محتاج الى حل اكبر منى وهو الانفجار لاتبكى وقتها عشان انت اللى وصلت نفسك كدة
بلاش ادخار وخلينا فى التصريف على طول هون على نفسك هنقطع فيها لحد امتة بقى خليك روش ياعبد السلام وادى ظهرك للترعة ومش هتحتاج لااى برنامجولو مصمم تابع من اول السطر

الجمعة، نوفمبر 17، 2006

خد الامور ببساطة وبلاش حكاية العنب

لو واحد قال ليك واحد +واحد= كم هتواجب صح ولا هتقع فى فخ وتقول دة سؤال صعب وضعنى فى وضع محرج ياخيبتى وياشماتة ابلة حكمت وهيئة المدرسين وممكن تكتئب وتصدر منك اعمال مش مفهومة ومش بعيد تنتحر
وممكن تجنن ويجى ليك حالة هيستريا وتمشى فى الشارع وتغنى وتقول اى كلام واحد اثنين سرجى مرجى وياسلام عليك وانت واقف فى وسط الشارع وتصرخ وتقول دمرونى لانى طيب النيبة سالونى سؤال صعبا مفتريا
ووبعدين الواحد لو جلس مع نفسة هيقول انا عملت كدة لية وهو السؤال صعب ولا انا ما فكرتش كويس ولا خدنة على انة استهزاء بيا وبعقلى عشان كدة رد فعلى كان فية شىء من العصبية والجنون
مع ان الواحد لازم يكن هادى وعندة استعداد يستقبل اى حاجة لاننا عايشين فى دنيا والدنيا فيها وفيها يعنى مثلاا فية اللى يقول العنب العنب العنب ويقولك فن والناس هايصة ولا مش عارف لايصة بس مبسطوطة وفية ناس تقول كلام زى اهواك واتمنى لو انساك وايضا دة فن الاختلاف بس فى التوقيت
لو كان صاحب اهواك عايش وشاف صاحب العنبب كانت حصلة قفلة وكان كل واحد فيهم جرى من التانى لان هحيس انة فى عالم مجنون او عندة حالة انعدام اللا اية مش عارف لما افتكر هقول المهم كان هيبقى فية تنافر وليس تجازب
وحال الدنيا على دة الحال مرة فوق ومرة تحت مرة سهل ومرة صعب واحنا بقى لو خدنا كل حاجة بجدية اكثر من الازم ممكن نجنن ويحصل لينا زى الواد اللى سال الواد بردوا واحد + واحد= كم فتجنن لانة عقلة لم يقبل ان يستخف بية حد ولو كان خدالامر بسهولة وقال اثنين كان خلاص كل شىء اتحل
لكن باين علينا احنا اللى بنعمل من الحبة قبة وفى الاخر بنركب المراجيح وعلى اعتقاد انها هتوصلنا المريخ وياريت بقىنخد الامور ببساطة ولا عايزين تبقى زى الاخ انتم حورين والعنب العنب العنب

الأحد، نوفمبر 05، 2006

تخيل انا مش متخيل

تخيل نفسك
مش انسان وعايش فى مكان غير المكان
تخيل نفسك صحيت من النوم وجدت نفسك شيل هموم
تخيل نقسك بقيت نار وبتحرق وبين الاحباب تفرق
تخيل نفسك قطر كبير شايل جواة حمل كبير
تخيل نفسك حقد وغيرة ونكد وبتحسد اى شىء اتوجد
تخيل نفسك مجنون فى اشارة مرور وبتحى بالعلم اهل الكون
تخيل نفسك السعادة والهنى والناس كلها تطلب منك الهنى
تخيل نفسك شجرة ورقها فى الخريف يوقع وفى الربيع طلع
تخيل نفسك ورقة بيضة للكتابة وفى النهاية تترمى فى الزبالة
تخيل نفسك فيلسوف ومن عدم فهمك بتموت من الخوف
تخيل نفسك لسة ما تولدت ومن شباك الرحم شوفت وشوفت واحترت
تخيل نفسك مكان اى حاجة تخيل نفسك وقولها ياترى انا عارف وانتى عارفة انا مين
انا متخيل ان محدش هيفهم حاجة لانى مش فاهم
تخيل