recent

آخر الأخبار

recent
recent
جاري التحميل ...
الزعيـمةيقول...

بصراحه اول مرة اسمع عن الموضوع دا
لكن طبقا للبوست فيبدو انها استهتار
اخر بصحه المواطنين البسطاء فى المناطق المتواجد فيها تلك الحظائر تضاف لتسمم مياة الشرب وتلوث وفساد الاطعمه

واى نفوز يكون لدي اصحاب هذة الحظائر يوقف ازالتها؟ لية دايما صحة الناس ارخص شئ فى مصر

الواحد بيجيب كل حاجة اورجنك
من السوبر ماركت وبرضة مش ضامن البياكله .. بجد حرام البيحصل فى الناس دا

ارق تحياتي لك

Tamer Nabil Moussaيقول...

الزعيمة

الموضوع فعلااا صحيح وانا كتبت عنة بناءا على ما نشر فى جريدة الاهرام يوم الثلاثاء 9 يناير

شىء يحبط والله

الانسان اصبح لايريحم صحة وحياة اخوة الانسان ولا يهمة الا مصلحنة فقد ويتحكم فى الناس بما يملك من نفوز

ربنا على كل ظالم

تحياتى

غير معرف يقول...

أصدقائي الأعزاء

أولا كلمة نفوذ آخرها ذ مش ز

ثانيا الموضوع ده للأسف صحيح ومثار من يوم ما إكتشفوا أنفلونزا الطيور في مصر .. وهو ده كان مصدر الخوف الحقيقي من إنتشار المرض للإنسان

ثالثا حكاية النفوذ دي جاية منين؟ دايما فتش عن الفلوس .. هي مفتاح كل حاجة في الزمن ده

Tamer Nabil Moussaيقول...

يا مراكبي

اشكرك على التوضيح بالنسبة ز ذ غلطة مطبعية


يس الموضوع خطير فعلاا

لو الناس دى شايفة انها بتكسب من الموضوع دة اوك مفيش مشاكل بس حرام الحظائر دى تكون وسط مناطق سكنية


تحياتى

غير معرف يقول...

شىء مقرف فعلاا


ومش عارف اقول فية ناس زى دى مش عندها دم

غير معرف يقول...

ربنا مع السكان اللى عايشين فى المناطق دى

حرام والله اللى بيحصل دة

حائر في دنيا اللهيقول...

لا أدري ماذا أقول لك يا رجل
حكومة لا تحترم لنا كرامة ولا تحفظ لنا صحة
ما بين خنازير وأكياس دم ملوثة وسرطانات ومياه وغذاء
وبلاوي كثيرة
لا أقول غير حسبي الله ونعم الوكيل فيك يا أبو علاء

Diyaa'يقول...

بص
هي توازنات قوي
الأخوة المسيحين يقلبوها مزبلة ويعملوا اللي يعملوا بس بشرط ميتكلموش عن أي حاجة سياسية
عادي قضيها
والموضوع ده لفت أنتباهي قبل كده بس مكانش عندي اعتقاد أنه واسع أوي كده
عموما
أشمعني أنفلونزا الطيور
سلام

غير معرف يقول...

انا مثلك قرأت هذا التحقيق واشتطت غضبا لا ادرى كيف يصمتون على هذا
ولماذا هذه التجارة تظهر الآن لا ادرى لماذا هذه القذارة خنازير

شىء مقزز

غير معرف يقول...

والله ياتامر اناهرده كان خبر الصفحة الأولي بالدستور
ثمانية مليون ونصف المليون مريض بالالتهاب الكبدي
تخيل
يعني أكتر من عشره بالمائة
يعني كل عشرة أفراد انت تعرفهم مكن يكون فيهم على الأقل واحد أو اتنين عندهم التهاب كبدي

بيتهيألي البوست بتاعك ده بيرد علي الخبر ده في وقته
مش بعيد علي الحكومه الغريبه دي انها تعيشنا وسط الخنازير
بوست موفق يا تامر

غير معرف يقول...

بص بقه انا اه بقالي هنا في مصر خمس سنين بس كانت حياتي كلها في الكليه ولما خلصتها بدأت الف مصر ومش هاتصدق اننا السنه اللي فاتت اول مره اعرف ان في مصر مزارع خنازير واستغربت اوي اننا بلد يعتبر مسلمين
وازاي ان حظاير زي كدا في وسط المدن عادي كدا وبعيد عنك بالذات المحور كنت كل ماعدي عليه بجد وابص على البيوت اقول الله يكون في عونهم
وصدقني لو محصلش كدا مش هاتبقه هي دي مصر
والحمد لله هاسبها اهه وخالع
وربنا يسترها

الوردة السوداءيقول...

بجد حاجة صعبة جدا
ومحزنة

بس اللى انا مش فاهماه
ليه موجودة الحظائر دى
يعنى مسيحيين ولا مسلمين اصحاب الحظائر

كع احترامى طبعا للجميع
شكرا

غير معرف يقول...

شىء مقزز فعلا!!! على المستوى الصحى والأخلاقى

ثانيا خنازير ايه دى اللى بيربوها؟ بيهببوا بيها ايه؟

طبعا! هو فيه حد هيقدر يقربلهم.. طول ما فيه نفوذ وواسطة وياباشا ويا بيه فى البلد دى.. يبقى نقول على نفسنا السلام
وصحة المواطنين ايه بس اللى هيبوصولها!! ده لو طالوا يولعوا فينا هيعملوها

manal

shadyيقول...

والاهرام مستعجب ليه ما هو بيدربنا ليل نهار على اننا نبقى خنازير يبقى مش عيب يقعدوا معانا, يا اخى الخنازير ما ينفعش تدبح خنزير اخوه قدامه

smraa alnilيقول...

يا ابني الموضوع دة عادي جدا
انت اول مرة تعرفوا ولا ايه
وعلي فكرة بقي
اللي انت مش تعرفوا بقي
ان الحظاير دي بتنتشر كتير جدا
سواء في المناطق الشعوائية او المناطق الراقية
انا عن نفسي مش استغربت لما قريت بوستك
اصل الحاجات دي بقت عادي في بلدنا
ابتسم ايها السيد المحترم
فانت في مزرعة خنازير
اقصد انت في مصر

أجدع واحد في الشارعيقول...

هى دى الدنيا!!!!؟

غير معرف يقول...

ابتسم بل اضحك
انت في مصر
عندك واسطه تعمل اللي انت عايزه انشاله تربي نمور ياكلو الشعب الحعان
نحن في زمن الفساد
رغم اننا نعلم الداء ونعلم الدواء و لكن الشعب المصري يفضل النوم

غير معرف يقول...

كالعادة فهو داء الاستهتار بالارواح المتأصل فينا و و حياة العبارة و قطار الصعيد و مسرح الثقافة أن مافيش حد حيجيب سيرة الموضوع دة غير لما تحصل الكارثة

غير معرف يقول...

معلش يا تامر

كلنا بنعانى من الكوسة

وعادى بقة

بلاش سكان ونقديها خنازيير

هههه
أودى

Tamer Nabil Moussaيقول...

ana mean

من نا حية الدم مفيش خالص هنقول ناس عايزة تعيش على حياة ناس تانية

تحياتى









Amira

ربنا معهم لان فعلاا امر لايطاق محدش يرضى بكدة ابداا










حائر في دنيا الله

حسبى الله ونعم الوكيل فيهم

لانهم سيبين الفساد منتشر وعارفين الاسباب وساكتين

تحياتى






Diyaa'

هو فعلاا شىء لايرضى اى انسان عندة ضمير بس عايز اسالك هل عندك خلفية عن اصحاب الحظائر


تحياتى

Tamer Nabil Moussaيقول...

أميرة ويلز

زى ما قال الاخ العزيز مراكبى الفلوس الباب السحرى لكل شىء حتى لو كان تربية خنازير وسط مجتمعات سكانية


تحياتى







أحمد سلامة

عندك حق اشكال الفساد اصبحت متعددة وعلى كل شكل ولون والنتيجة ضياع مجتمع بحالة


تحياتى








بين الأمل و اليأس

عندك حق لو ما حصلشى كدة ما تبقى مصر واخلع ياريس مين يجى لية فرصة يحلع ويقول لا










الوردة السودة

موجودة طبعا عشان الربح العالى منها لان الخنازير لاتكلففى الاكل فهى تاكل وتتغذى على الفضلات بجميع الاشكال شىء مقرف ام ديانة اصحاب الحظائر الله اعلم


الربح والمادة لاتعرف تمسك بالدين وخصوصا لما يكون الانسان جشع

تحياتى

Tamer Nabil Moussaيقول...

albida

انتى هتقولى فيها

احنا فى داهية المهم الخنازير وربحها

تحياتى






shady

عندك حق ياريس حتى يبقى حرام بس سبهم يستغربوا عشان نعرف ونقول كلمتين

ربنا يخدهم







smraa alnil

اضحك عليكى واوقول اعرف انا فعلاا اول مرة اعرف ان المستوى وصل فى مصر ووصل لمرحلة قذرة زى تربية القرف دة
ربنا يرحمنا

تحياتى







أجدع واحد في الشارع

على رايك ربنا يسطرها

تحياتى







واحد من الناس

وسطة عشان اربى خنازير دة الكوسة دخلت فى كل حاجة شىء جميل

تحياتى







micheal mohsen

عندك حق فعلاا هنا محدش يتحرك الا بعد حدوث الحادثة وبعد تسمع كلام مجرد كلام وترجع ريمة لعادتها القديمة بعد هدوىء الموضوع


تحياتى







ody911



كوسة كوسة لو انى مس بحبها هههههههههههههههه


تحياتى

IBN BAHYA - إبــن بهيـــــــــــــةيقول...

موضوع خطير يا تامر .. بس ليه مستغرب؟
ماهو كل صاحب نفوذ خنزير .. ولا إيه ؟ والخنازير لازم تراعي شعور بعضيها في دنيا الخنزره

أرق تحياتي

IBN BAHYA - إبــن بهيـــــــــــــةيقول...

عارف ليه يا تامر أنا دايما أقول عن مبارك الواطي بأنه ماسوني؟

لأن في عهده البائد قريبا بإذن الله انتشر في مصر مئات وآلاف المحافل الماسونية القذره المتسترة خلف نوادي الليونز والروتاري والجمعيات الأهلية والبطيخ الأقرع ده .. ودي أهدافها معروفه لمن يريد أن يعرف .. وذات نفوذ واسع جدا عن طريق تحركاتها السرية القذره والتي أهمها إذلال القادة في كل مكان بالتحكم في أسراره وأسرار عائلته واستخدامها لتطويعه .. يعني لو كنت زي ما هم عايزين هتبقى فللي ونغدق عليك من الخيرات والملايين والملذات بكل أنواعها وصورها وهنساعدك كمان عشان يكون اللي إحنا عايزينه ده في صورة بريئه وحلوه ومقبوله إجتماعيا .. لكن هتمكر وتعند معانا ما هينوبك غير بهدلة أهلك وخراب بيتك وتشريد أطفالك وربما خطفهم وحرمانك منهم ووووو إلخ

يروح البقف واقع في الخيه ومنذ كل ما يطلب منه .. زمان كانوا بيعملوا ده مع القاده بس .. دلوقتي مع حتى الموظفين الكبار بواسطة مندوبيهم اللي ممكن تقابلهم في أي مكان في مصر حاليا

أصل البتاع مبارك ده فتحها ليهم سبهللا خالص .. وشغالين في البلد على كيف كيفهم ..

أرق تحياتي

sherif gharibيقول...

و من امتى يا صاحبى احنا بنشوف فى بلدنا حاجه بتتطبق على من يطلق عليهم اصحاب السلطه
و الله شكل القوانين و اللوايح محطوطه علشان تمنع الناس الغلابه من ابسط حقوقهم و هى انهم يعيشوا فى حته مافيهاش امراض
واضح ان المواطن المصرى بقى رخيص قوى فى الزمن ده
يعنى الخنازير بتتملك خنازير
مع ان الخنازير من اخطر الحيوانات اللى بتنقل معظم الامراض
ياللا طباخ السم هيدوقه انشاء الله
تحياتى

غير معرف يقول...

انا من اللى بشوفة واسمعة بقيت احس ان كل حاجة فى مصر بقت غلط

غير معرف يقول...

عادى بقى كبر دماغك

هيا جت على الخنازير وقفت

غير معرف يقول...

خنازير


يانهار مش فايت

ليكون بتنزل السوق على انها لحمة واحنا مساطيل وبناكل عادى

الله يخربتك يااللى فى بالى

Tamer Nabil Moussaيقول...

IBN BAHYA

فعلاا لازم يراعوا بعض الطيور على اشكالها تقع
فعلاا هما خلو البلد كلها فساد فى فساد وكلة على حساب المواطن الغلبان





sherif gharib

فعلاا احنا هنا لاتطبق القوانين الا على اغلابة اللى ليس ليهم ظهر ولاكوسة تتوسط لية بلد ماشية بالمقلوب

وان شاء الله اصحاب الحظائر دى يجى ليهم شوطة تخدهم







شربات

بتقولى فيها انا اشك لو وجدنا حاجة ماشية صح ولو موجود هتكون شازة فى الوقت دة

















هادى

على رايك هنوجع دما غنا لية










هانى

مش بعيد والله الواحد بقى خايف من الاكل والشرب واللبس كل حاجة اصبحت ملوثة ربنا يكون فى عوننا

غير معرف يقول...

ناس كتير اتكلمت عن الموضوع ده بس مفيش طفصيل دقيقه اكتر من الي اتنشرت في الاهرام
وحسبي الله ونعم الوكيل

غير معرف يقول...

حاجه غريبه جدا
مش فاهمه هما فاكرين الناس لاقيه صحتها فى الشارع
عموما ده شىء متوقع

غير معرف يقول...

أهلين تامر

مدونتي إلي اعطيتك اللينك تبعها سرقها إلي مايستحي ادهم المصري

عموما هذا هو اللينك الجديد تبعها

www.mrdoc6or.arwp.net

ودمت

اخوك

The-doc6or

غير معرف يقول...

7allaha 3ood kabreet ye7ra2 elzebala belkhanazeer..

Mariam Galalيقول...

موضوع مؤسف جدا جدا .. وكان الله فى عونهم .. بس اللى لفت انتباهى انك بتتكلم على السلطة التشريعية والتنفيذية ... !!!!

يفرقوا كتير دول عن السلطة بتاعتنا ام خيار و طماطم ؟؟

ولو فى فرق تفتكر انهى افيد ؟؟؟
انا اعتقد السلطة ام خيار وطماطم افيد .. وشكرا

مريم

abderrahmanيقول...

اللي عمل الحظائر دي واخد الحياة ببساطة
:)

Diyaa'يقول...

لأ بس هم غالباً مسيحيين أو مسلمين بالإسم لأن محدش هيعمل كده إلا لو كان جشع ومسنود

SaRaيقول...

teslem tamer haqeqe deh awel mara asma3 keda shokran leek

Tamer Nabil Moussaيقول...

crazyrama

ايوة فية خيار وكوسة وكل انواع المحسوبية والدليل واضح اهو القانون لاينفذ الا على الفقراء

تحياتى




Abdou Basha

ممكن ما هو كل حاجة الان بقت ببساطة عزيزى


تحياتى

Tamer Nabil Moussaيقول...

احلى بنت

ربنا يسمع منك الله ما امين

تحياتى
.
Diyaa'

عندك حق فى كل كلمة

ربنا يهدى


تحياتى











سارة

ربنا يسطرعا ويخد الناس الجشعة دى اللى لايهمها غير مصلحتها

تحياتى

مافيا حظائر الخنازير


تحت عنوان مافيا حظائر الخنازير نشرت جريدة الاهرام تحقيق عن وجود حظائر للخنازير موجودة وسط تجمعات سكنية مما يعمل على نشر الامراض والاوبئة الفتاكة بين السكان واشارت الجريدة الى ان اصحاب هذة الحظائر لهم من النفوز الكثير منها وصل الى حد تعطيل قرارات اى محافظ او وزير يامر بازالتها او حتى نقلها

وتستغرب الجريدة من وجود هذة الحظائر وسط تجمعات سكنية مثل المهندسين بجوار المحور وفى ارض اللواء والمعتمدية وامباية ومنشية ناصر ومدينة جديدة مثل 15 مايو حيث ان تربية الخنازيرتعتمد اساسا على اكل الفضلات ويرتبط بوجودها وجود القمامة بكثرة مما يعمل على نقل الامراض بين السكان غير الرائحة النتنة التى تطلع من هذة الحظائر مما تجعل حياة السكان جحيم لايطاق

وقد قال الاطباء ان الخنازير ممكن ان يتتطور بها مرض انفلونزا الطيور وهى بوابة رئيسية نقل المرض الى الانسان كل هذة الاخطار ولااحد يستطيع ان يقترب من اصحاب الحظائر ويعطلون اى قرار من وزير او محافظ لااعلم اى سلطة يملكون هولاء لتعطيل هذة القرارات التى تاتى فى صالح السكان الموجودين فى هذة المناطق

وعلى حد علمى ان اى قرار يكون معة سطة تنفيذ لة وهى قوة من الشرطة هل تاتى ولاتستطيع التنفيذ لااسباب لم تشر لها الجريدة سوى بكلمة انهم اصحاب نفوز لااعلم هل وجود هذة الحظائر التى تجلب الامراض اهم من صحة البشر ولا اعلم ولااعرف اى قوة ونفوز يملكون هولاء لتعطيل القرارات وما زا يفعل السكان بعد ان اتجهوا الى القانون ولم ياتى القانون سوى بقرار وراء قرار لاينفذ ولك لانهم اصحاب نفوز

والى ان يتم حل المشكلة سيظل السكان جالسين فى اماكن نتنة عفنة بجوار هذة الحظائر وعليهم الدعاء على اصحاب الحظائر لعلى وعسى تيجى ليهم شوطة وتخدهم وربنا قادر على كل شىء وربنا يكون معهم لان الامر فعلاا مرعب وجود اكثر من 500 حظيرة فى المنطقة الواحدة وممكن على بعد كم متر وجود اخرى دة اقول علية اعلان حرب على السكان

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل