recent

آخر الأخبار

recent
recent
جاري التحميل ...
Amiraيقول...

اكيد من حق الرجل دة يتجوز مفهاش حاجة واكيد البنت مش هترفض على الاقل دة واحدة قريبة من سنة ومش صغيرة يعنى هو بيفكر مش تفكير مراهق مجرد رجل يحتاج الى ونيس بدل الوحدة اللى عايش فيها

انا معة ياتامر وصل لية صوتى

غير معرف يقول...

كدت ياحبيبى اسقط فى هوى شيطان
اخذ يتسرب الى حياتى وحاول يسقطنى ف بئر الخيانة
بحثت عنك فى كل مكان فى لحظة كنت بعيد عنى
اخذت اصرخ واصرخ واجرى.... اجد نفسى فى اسوار عالية
لا اعرف لها مخرج

ولامخرج للرجل سوى الزواج ولاعيب علية فية عهو من حقة

قصة جميلة تامر

سكينةيقول...

طبعا هي بداية مش نهاية ولكن هناك أشكال لهذه الحياة
ممكن توافق بنته وبكده يكون هناك بديل للجدة
وممكن ترفض ابنته وهكذا يكون بدأ بداية جديدة تماما
أهم حاجة أن نبدأ ثم للحياة اساليبها في نفخ الأشرعة

غير معرف يقول...

بصراحة دة حقة لان الوحدة صعبة جدا وبعدين البنت خلاص بقى ليها بيتها مش من حقها ترفض زواج الاب لان دة فية تخليص لية من حياة الملل والوحدة اللى بيعيش فيها

albidaيقول...

طبعا انا مع عزيز فى كل كلمة قالها! ولو طلت اروح معاه علشان أقنع مها هأعملها
:)

الأب ليه كل الحق أنه يختار أنسانة يكمل معاها حياته... هو مش بيعمل حاجة عيب ولا حرام, ده بيلبى حاجة أنسانية طبيعية, يبقى فين الغلط بقى؟
ثانيا دى بقت حياته لوحده وهو حر يعمل اللى هو عايزه ومش من حق بنته انها تجبره أو تمنعه من عمل حاجة


سؤال: مين عزيز ده؟
هههههههه

manal

Diyaa'يقول...

أنا كمان مع منال ..مين عزيز ده يا تامر ؟! :))
وأكيد المسألة بداية مش نهاية وإن كان كاتب التعليق ده لو مكانه مكانش أدي لنفسه فرصة يعمل كده كنوع من الوفاء لشريكة حياتي يعني ..بس ده مجرد استثناء مش الأصل
it's his right 100%
تحياتي علي القصة

micheal mohsenيقول...

أكيد من حقة في بداية جديدة و دة لا يقلل من احترامة لزوجتة الراحلة

smraa alnilيقول...

هههههههههههه
تامر يؤسوفوني اني اقولك اني بعد ما خلصت القصة
قلت يعني اعمل ايه يعني
فين المشكلة
ههههههههه
انا احط ايدي علي المشكلة اقول علي طول

وبعدين فجأة لقيت عزيز

ابن مين في مصر يعني عزيز دة

بس اي انسان بجد من حقه انه يبدا حياته من جديد
هو له الحق
ومش اعتقد ان مها هترفض
هي بس هتضايق في الاول لانها اتربت علي الحب بين مامتها وباباها
فهيبقي صعب انها تتخيل ان باباها نسي مامتها وهيتجوز واحدة تانية
ثم اصلا الست اللي هو عايز يتجوزها دي موافقة اصلا ولا لا
ولا هو بيقول كدة وخلاص
بس لو انا مكان مها هوافق
دة انا وافقت علي جواز ابويا مرتين
هههههههه
بقولك ايه سيبني عليها هي بس وانا هقنعها وخلي عزيز يرتاح

علي فكرة

عجبتني القصة

غير معرف يقول...

قصة جميلة تعبر عن واقع يعيش فية الاغلبية من الناس ويواجهون نفس المشكلة هو من حقة طبعا الزواج لااحد ينكر علية هذا خصوصا انة عايش وحيد بعد وفاة زوجتة وزواج ابنتة

SaRaيقول...

تعرف ياتامر مش ممكن نفس القصة مع اختلاف بسيط حدثت مع اب صديقة لى وكان فعلاا خايف ومش عارف يعمل اية ولما بنتة عرفت وافقت على طول لانها حاسة بية وبالوحدة الصعبة اللى عايش فيها

القصة رائعة جدااا

غير معرف يقول...

فابالرغم من كل كتاباتك فانا اتأكد ان ما بداخلك اكبر بكثير من هذا

قدرت ان تعبر عن مشكلة بطريقة سهلة ومبسطة فى صورة قصة رائعة

اتمنى لك كل توفيق

Tamer Nabil Moussaيقول...

Amira

كلامك سليم واتفق معاكى تماما من حق الرجل ان يترزوج ويخرج من الوحدة التى يعيش بيها

تحياتى






اسماء عفيفى


جميل ردك المعبر وقد قراتة لكى من قبل فى بوست جميل واتفق معاكى تماما

اشكرك جداا

تحياتى

Tamer Nabil Moussaيقول...

سكينة

اتفق معاكى الامر متعلق بين القبول والرفض وعلى الرجل التقدم خطوات الى الامام ويترك الباقى لتصاريف الحياة

اشكرك جداا

تحياتى








الوردة البيضاء

كلام جميل اتفق معاكى فية ولكن لااحد يعلم بنفوس الاخرين ومدة تقبلها لهذا الامر وكيف تنظر لة
اشكرك جداا

تحياتى

Tamer Nabil Moussaيقول...

albida

اتفق معاكى منال واتمنى ان توافق البنت وما تخيب ظن الجميع بيها

عزيز فى حد ما يعرفشى عزيز

عزيز ياراجل اللى كان كل ما يعطش يشرب
هههههه


اشكرك جداا

تحياتى




Diyaa'

كلامك تمام واتفق معاك فية دة من حقة لانة مش ممكن نرضى ونحكم علية بالاعدام واقع حياتة المر

بالنسبة لعزيز ياريس


عزيز فى حد ما يعرفشى عزيز

عزيز ياراجل اللى كان كل ما يعطش يشرب
هههههه

اشكرك جدااا

تحياتى

Tamer Nabil Moussaيقول...

micheal mohsen

اكيد عزيزى مايكل وربنا يوفقة انا ادعى لة وكل من هو فى مثل موقفة

اشكرك جداا

تحياتى






smraa alnil

هو فية مشكلة بس مش مشكلة مجرد خوف واحراج من رد فعل البت مها مع انها خلاص بقى ليها بيت وزوج


لا لو سمحتى عزيز دة مش عارف لو شاف كلامك هيزعل اوى


عزيز فى حد ما يعرفشى عزيز

عزيز ياراجل اللى كان كل ما يعطش يشرب
هههههه




الحمد الله ان القصة عجبتك دى اهم حاجة

وبالنسبة لبنت انا اقول اسبها كدة كم يوم وبعدين نفكر انك تقابليها


اشكرك جداا


تحياتى

Tamer Nabil Moussaيقول...

sada

وانا اتفق معاك جداا من حق الزوج الزواج فهو ادى ما علية وعلى الابنة ان توافق ولاتقف فى سبيل سعادة الاب

اشكرك جداا

تحياتى






SaRa

جميل اوى ياسارة دى بنت عاقلة وقلبها على ابوها وقدرة الظروف واقع الحياة الذى يعيش فية بعد وفاة الزوجة وزواجها هى

اشكرك جداا


تحياتى






رافت العسال


ان شاء الله ربنا يقدم ما فية الخير

اشكرك جدااا على التشجيع الجميل لى

تحياتى

شرباتيقول...

حلوة القصة والهدف منها انسانى وانا مع الرجل انة يتزوج بعد ان توفت زوجتة وتزوجت ابنتة حرام نحكم علية انة يعيش وحيد

شكرا ليك تامر على القصة الجميلة

غير معرف يقول...

The Islam is frank this subject from hollow of the man to be bind by a two counts died

غير معرف يقول...

لااعتقد فى موقف الرجل دة من يرفض الزواج لة دة يكون ظلم
الرجل عايز ونيس لة افضل من الوحدة والبنت رغم انة عامل حساب لزعلها لازم يكون فية شوى من الاحمر وتوافق وان لم توافق يتزوج دة فية خير لة

ألآسطى بليةيقول...

انا اضم صوتى للجميع اللى واقفق على الزواج من حقة يعنى يموت نفسة عشان يرتاح

اشكرك تامر على القصة الجميلة

totaيقول...

تامر
المشاعر من حقه والحياه من حقه والرجل لم يخن احد ولم يبيع احد
مها سوف تكون انانية لو غضبت او ثارت لانها تعيش حياتها ولا ترى كيف يعيش هو فى عزلته
القصة والكلمات معبرة لكن التصادم مع الواقع هو الذى سوف يحدد نهاية الكلمات والاحلام

تحياتى

Mariam Galalيقول...

محدش له الحق يحجر على حرية حد
ولازم كلنا نفهم ان نهاية اى شئ هى بداية لشئ اخر حتما سينتهى ليترك مجالا لشئ اخر يبتدأ
لو كلنا امنا ان حياتنا زى الكتاب احنا بس بنقراة ونقلب صفحاتة ومحدش فينا بايدة يغيرة هنبقى افضل
لا هنزود على الكتاب ولا بايدينا ننقص منة .. مجرد بنقراة وبس

وعلى راى الاديب الكبير شعبان عبد الرحيم
بس خلاااااص

Mayيقول...

من حقه يتزوج ويعيش حياته !!


ومو من حق بنته تعارض !!


بالعكس ،،


المفروض أنها ما ترضى والدها يعيش لحاله


تحيّاتي ،،

غير معرف يقول...

من حق اي انسان انه يتمتع بحياته مدام مش هيضر حد
و محدش بيحس بالوحده غير الي جربها

تحياتي
فكرتني بكرم مطاوع الله يرحمه
1minelnas.blogspot.com

غير معرف يقول...

اسف
قصدي عبد الوهاب مطاوع

انا مش مركز في الكلام عشان مستعجل و مش نايم كويس

مـحـمـد مـفـيـديقول...

عزيزي تامر
قد تأخرت كثيرا عليك ولكن لظروف خارجه عني
وجدت بوستات لم اعلق عليها ولكني سوف اقوم بالتعليق عليها
من حق عزيز ان يجد ما يسعده

يا مراكبييقول...

أحلي جزء في القصة هو آخر سطر .. فيه الحكمة من الحكاية كلها

وهو ده نوع القصص اللي أنا بحبه جدا

تحياتي ليك

Amr Ahmedيقول...

والله يا تمور

هي مشكلة

اقولك ليه
كل واحد مننا بالنسبة له الامر سهل
يعني يقول مايتجوز ايه المشكلة

لكن شعور بنته اكيد هايبقي صعب

حتي لو تقبلت الامر

صعب انها تشوف حد يحتل مكان امها

بس اللي ممكن يخفف الامر ان البنت متجوزة
ووالدها عايش لوحده

تحياتي ليك يا باشا علي القصة

ومعلش انا مقصر معاك في الزيارة

تحياتي

توهةيقول...

والحياه ..... تستمر


:)

L M A Rيقول...

صباح الخير ياتامر

قصة اكثر من رائعة ويعيشها الكثير من المسنيين واذكر هنا حياة جدي الرائع
حقيقة اتمنا له الزواج ولكن الكل يقف امامه بالمرصاد خوفا على صحتة، ثروته والأكثر هوا الخوف من إمرئه قد تشغله عن بناته انفسهم


تحياتى تامر
.العَبدِالرَحَمن

Malk Almasriaيقول...

اخي الغالى تامر
تحية عطرة
انا من رائيي ان من لايستطيع ان يحب نفسة بالقدر الكافي فلا ينظر محبة الأخرين .
أى انة إن لم يستطع ان يأخذ قرار بإسعاد نفسة الايام التى بقيت له في الحياة فلن يستطيع إسعاد اي شخص قريب من قلبة حتي وإن كانت إبنته ورحم الله امواتنا الذيين يدعون لنا بالسعادة
وليس الشقاء.

ملك المصرية

Amany Y. El-Saeedيقول...

قصتك جميلة يا تامر...و أنا زي إللي قالوا قبلي...معاه طبعا...و معتقدش إن بنته هترفض...و إلا تبقى أنانية...و في الحالة دي يبقى رأيها مش مهم....لكن السؤال إللي نفسي أسأله لكل بنت رأيها من رأيي...يا ترى -بعد الشر عنكم طبعا- لو هي مكان مراته و ماتت...تفتكر هتحب إنه يتجوز تاني ولا لأ؟؟؟؟؟؟؟؟؟؟؟؟

غير معرف يقول...

الامر لن يكون صعب على الابنة بدرجة كبيرة نظرا لان الاب عايش وحيد والبنت نفسها بقى ليها بقيت مستقل ولا اعتقد انها هتوقف فى طريق سعادتة

غير معرف يقول...

لاارى فية مانع لما يريد من حقة انة يعيش ويتخلص من حياة الوحدة والبنت لازم تساعدة مو توقف فى طريقة

غير معرف يقول...

beautiful story

ana moafah this man

thanks

دكتور لغة العيونيقول...

فعلاا صدق القول الذى يقول لايحب الخير لنا اكثر من الاب والام لايوجد سواهم ياخر راحتة وسعادتة الى ان يطمن على الابناء

البنت دى لازم توافق دى اقل حاجة ممكن تقدمها الى هذا الاب العظيم

شكرا ليك تامر

غير معرف يقول...

قصة جميلة ياتامر وفعلاا الوحدة صعبة جداا والرجل طالب الحلال والظروف اللى هو فيها تساعدة على كدة وتخلينا كلنا نقف جنبة

غير معرف يقول...

اولاا القصة جميلة بس كانت عايزة منك اهتمام اكتر وتوغل داخل الاحداث

وراى فى المضمون مع الرجل وفى صفة اكيد دة حق اولااا شرعى ثانيا انسانى

اتمنى لك كل توفيق
مازن رفاعى

بنت البلديقول...

حلوة كتير القصة
والبنت لازم توافق عشان ابوها

smraa alnilيقول...

هالللووووووووزز

بقولك ايه هي مها وافقت ولا اروحلها انا

بدل مانت قاعد مع عزيز كدة تعالي عندي ملبسات تاج يا حلة من البوست اللي فات
وهتاخده يعني هتاخده

لحسن انا عندي قدرة اقنع مها وعزيز يهربوا مع بعض
وكدة يبقي لبسوا ذنب

اخبارك ايه؟؟؟

Memoيقول...

انا موفقه على خيره الله يا ابني
بقولك ايه انت رائع في كتابه القصص
بجد فكر انك تنشر حاجه ليك
او اققلك مش عارفه ليه ممكن تقولانك لو فكرت تكتب مسرحيات هتبقا فكره كويسه
فكر في كلامي عشان بتقدم افكار محترمه و تستحق القراءه
تحياتشي

allfollowsomeيقول...

ممكن دماغ بنته تزرجن


بس اكيد فى الاخر هترضى

allfollowsomeيقول...
أزال المؤلف هذا التعليق.
أحمد سلامــةيقول...

فكرة جميلة جدا جدا يا تامر وعرض لذيذ للموضوع ، بس انا ليا اعتراض صغير علي اللغة ، ياريت تكون متماسكة أكتر من كده شوية
تحياتي لك

غير معرف يقول...

3asyam ktear ths story

rabna kaber an saall yahfr lho kan mtar yamel ka2da

بنوتةيقول...

حلوةالقصة ياتامر والاب من حقة الزواج من اخرى

Tamer Nabil Moussaيقول...

شربات

حلوة القصة والهدف منها انسانى وانا مع الرجل انة يتزوج بعد ان توفت زوجتة وتزوجت ابنتة حرام نحكم علية انة يعيش وحيد

---
اكيد شربات ليس هذات عدل اشكرك على المررررر والمتابعة الجميلة

تحياتى





Basil Dudin

الاسلام اكيد واضح فى النقطة دى لامجال للكلام فى هذة النقطة ولكن نحن نتكلم عن مشاعر البنت ونظرتها الى الاب مجرد شعور انسانى وخوف لايحرم الحلال ابداا

تحياتى

Tamer Nabil Moussaيقول...

سيد السادة

لااعتقد فى موقف الرجل دة من يرفض الزواج لة دة يكون ظلم
الرجل عايز ونيس لة افضل من الوحدة والبنت رغم انة عامل حساب لزعلها لازم يكون فية شوى من الاحمر وتوافق وان لم توافق يتزوج دة فية خير لة
--

وانا اتفق معاك طبعا ومع كل راى مؤيد للرجل لكن نقدر نقول ان مخاوف الرجل مش اكثر من خوف على احساس ومشاعر بنتة

تحياتى






هانى

انا اضم صوتى للجميع اللى واقفق على الزواج من حقة يعنى يموت نفسة عشان يرتاح

------
لا طبعا يموت نفسة حرام وانا معاك يابشا فى مظاهرة حب الرجل

تحياتى

Tamer Nabil Moussaيقول...

توتا
المشاعر من حقه والحياه من حقه والرجل لم يخن احد ولم يبيع احد
مها سوف تكون انانية لو غضبت او ثارت لانها تعيش حياتها ولا ترى كيف يعيش هو فى عزلته
القصة والكلمات معبرة لكن التصادم مع الواقع هو الذى سوف يحدد نهاية الكلمات والاحلام


اكيد توتا التصضادم مع الواقع المتمثل فى احساس وشعور مها ونظرتها الى الموضوع لااحدد يعرف كيف تكون وقتها ولكن الحق حق ان يتبع فى مثل هذة المواقف الرجل يعيش وحيد ولا مانع تهائى للرفض الزواج وكما قولتى هو لم يتعدى على حدود اى فرد

اشكرك على المررررررر والمتابعة الجميلة

تحياتى

Tamer Nabil Moussaيقول...

crazyrama
محدش له الحق يحجر على حرية حد
ولازم كلنا نفهم ان نهاية اى شئ هى بداية لشئ اخر حتما سينتهى ليترك مجالا لشئ اخر يبتدأ
لو كلنا امنا ان حياتنا زى الكتاب احنا بس بنقراة ونقلب صفحاتة ومحدش فينا بايدة يغيرة هنبقى افضل
لا هنزود على الكتاب ولا بايدينا ننقص منة .. مجرد بنقراة وبس

وعلى راى الاديب الكبير شعبان عبد الرحيم
بس خلاااااص

----

انتى رايك دة مشكلة عجبنى جدااا ولا مجال للمذايدة علية
اشكرك على المررر وعلى المتابعة الجميلة
تحياتى






MiaMi

اكيد طبعا اتفق معاكى لكن لااحد يعلم مشاعر واحساس مها اية ورد الفعل مع انى ايضا مهما كان مع الرجل وحق لية الزواج من اخرى


تحياتى

Tamer Nabil Moussaيقول...

واحد منا لناس

ربنا يخليك يارب عبد الوهاب مطاوع مرة واحدة ربنا يرحمة

اشكرك على المررررررر وعلى المتابعة الجميلة

تحياتى





مـحـمـد مـفـيـد

ولايهمك محمد المهم انك بخير

مصر كلها بقت فى صف عزيز
ههههه

تحياتى

Tamer Nabil Moussaيقول...

يامراكبى

الحمد الله ان فية حاجة عجبتك

واشكرك على المرور والمتابعة الجميلة وتشجعيك ليا

تحياتى






Amr Ahmed

اتفق معاك ان الزواج من حق الرجل وفعلاا شعور البنت ورد فعلها هو الغائب عننا

ولايهمك اتنمنى اشوفك ديما يخير

وشكر على المرررر وعلى المتابعة الجميلة

تحياتى

الزعيـمةيقول...

اية دا باه
هو مش كان يحب مراتة الراحله
اكيد من حقك يجوز ويعيش مع حد يؤنس وحدتة

بس يعني دا كان مجوز عن حب!!!

ياخبر معقولة بعد الحب والعشرة والسنين دي كلها حد يقدر يعيش مع حد تاني


انا كدا حاخد بالي
واحاول لما اجوز ما اموتش قبل جوزي


قصة جميلة يا تامر
بلغه موافقتي الشخصية على الجواز
بس يفضل حاطط صورة مراته الراحلة
واوعي ينسي يزورها ويطلع على روحها صدقات


هي الرجالة كلها كدا باين

Tamer Nabil Moussaيقول...

توهة

عندك حق كدة كدة الحياة موجودة وهتعدى بالرجل الحكاية وتخلص اى كان الشكل

اشكرك على المرررررر وعلى المتابعة الطيبة

تحياتى







العبد الرحمن
.
صباح الفل والياسمين


نظرتك للموضوع مهمة لانها نفتح زواية جديدة للخوف من هذة الزيجة بس اى كانت المخاوف او الظروف الرجل من حقة ان يتزوج حرام نحكم علية باقى ايامة يعيشها وحيداا

تحياتى

Tamer Nabil Moussaيقول...

ملك المصرية

وعليكم السلام اختى العزيزة

بس عايز اقولك لاتنسى ان الرجل خايف على مشاعر بنتة ورد فعلها مهما كان هو اب

اشكرك على المررررررر وعلى المتابعة الطيبة


تحياتى







امانى

قصتك جميلة يا تامر...و أنا زي إللي قالوا قبلي...معاه طبعا...و معتقدش إن بنته هترفض...و إلا تبقى أنانية...و في الحالة دي يبقى رأيها مش مهم....لكن السؤال إللي نفسي أسأله لكل بنت رأيها من رأيي...يا ترى -بعد الشر عنكم طبعا- لو هي مكان مراته و ماتت...تفتكر هتحب إنه يتجوز تاني ولا لأ؟؟؟؟؟؟؟؟؟؟؟؟
-------
كلنا مع الرجل ونؤيد حقة فى الزواج لكن حكاية بقى السؤال اعتقد يختلف حسب البيئة التى تربت فيها ونظرتها الى الامور وتركيبة شخصيتها هيكون علية رد فعلها ونسيب البنات تقول

اشكرك على المرررررررر وعلى المتابعة الجميلة

تحياتى

Tamer Nabil Moussaيقول...

daor daor
الامر لن يكون صعب على الابنة بدرجة كبيرة نظرا لان الاب عايش وحيد والبنت نفسها بقى ليها بقيت مستقل ولا اعتقد انها هتوقف فى طريق سعادتة

--------

وانا راى من رايك واتفق معاك ونقول ايضا الله اعلم
اشكرك على المررررر وعلى المتابعة الجميلة

تحياتى








غالية

لاارى فية مانع لما يريد من حقة انة يعيش ويتخلص من حياة الوحدة والبنت لازم تساعدة مو توقف فى طريقة
--------

كلام جميل اتمنى ذلك اشكرك على المررررر وعلى المتابعة الجميلة

تحياتى

Tamer Nabil Moussaيقول...

normal

وانا موافق قعبال البنت هههههه

اشكرك على المرررررر وعلى المتابعة الجميلة

تحياتى





ana mean


فعلاا صدق القول الذى يقول لايحب الخير لنا اكثر من الاب والام لايوجد سواهم ياخر راحتة وسعادتة الى ان يطمن على الابناء

البنت دى لازم توافق دى اقل حاجة ممكن تقدمها الى هذا الاب العظيم
--------

وانا راى من رايك

اشكرك على المرررررر وعلى المتابعة الجميلة
تحياتى

Tamer Nabil Moussaيقول...

عاشقة الجنة


قصة جميلة ياتامر وفعلاا الوحدة صعبة جداا والرجل طالب الحلال والظروف اللى هو فيها تساعدة على كدة وتخلينا كلنا نقف جنبة
-------

ردك رائع واتفق معاكى اشكرك على المرررررر وعلى المتابعة الجميلة

تحياتى






Mazen Rifai


اولاا القصة جميلة بس كانت عايزة منك اهتمام اكتر وتوغل داخل الاحداث

وراى فى المضمون مع الرجل وفى صفة اكيد دة حق اولااا شرعى ثانيا انسانى
-----

اشكرك على النصيحة والمررررررر والمتابعة الجميلة

تحياتى

Tamer Nabil Moussaيقول...

بنت البدو

ربنا يخليكى تسلمى

اشكرك على المررررررر وعلى المتابعة الجميلة
تحياتى






Memo


ربنا يخليكى تسلمى نشر ومسرح مرة واحدة انا يادوب انسان بسيط يقدم مجموعة افكار تدخل فى نطاق القصة والحدوتة والموقف اليومى

اشكرك جدااا على اعجابك بما اكتب وتشجعيك الكبير ليا

تحياتى

Tamer Nabil Moussaيقول...

smraa alnil
هههههههههههههه

طبعا مها موافقة خصوصا اول ما عرفت انك دحلتى فى الموضوع

بالنسبة للتاج بقى مش بحبة خالص ومش هخدة بقى انا حر

على راى الاخ عمر دياب انا حر انا حر

ههههههههه

سلاموا عليكم

Tamer Nabil Moussaيقول...

طاهر

اهلا بيك انا معاك خصوصا البنت بنت مهما نقول واللى ايدة فى النار مش زى ايدة فى المية

تحياتى








أحمد سلامة

اشكرك على الاعجاب بالقصة واعتراضك مقبول بس عايز اقولك انا مش محترف انا مجرد كاتب بسيط افكارة بسيطة بس بحاول من خلال ما اكتب انى اقول حاجة

تحياتى

Tamer Nabil Moussaيقول...

أدرار الورايني

ربنا يخليك تسلم
اشكرك على المررررر وعلى المتابعة الطيبة

تحياتى






بنوتة


ربنا يخليكى تسلمى
اشكرك على المرررررررر وعلى المتابعة الجميلة

تحياتى

Tamer Nabil Moussaيقول...

الزعيمة
طبعا بيحبها وما زال بيحبها لكن ظروف الحياة بعد الرحيل الرجل محتاج ونيس جنبة خصوصا بعد زواج مها وحرام نحرمة من الزواج ونحكم علية بالاعدام والحياة بين اربع جدران

طبعا الرجالة زى الستات فى النقطة دى الفرق ان الستات عندنا يكون الاحراج والخوف من مواجهة المجتمع بالامر هو سبب ابتعاد الاغلبية عن الارتباط بعد وفاة الزوج الا فئة صغيرة بقى لايهمها مجتمع ولا خلافة

اشكرك على المررررر وعلى المتابعة الجميلة

تحياتى

el2ahwagiيقول...

tamer...

ana nefsi a3raf enta betgeeb elmawdo3aat di mneen...
ba7ayeek fe3lan 3ala afkarak ...!!

tab3an heya bedaya gdeeda we howa insaan we loh i7tyagaat ...
ana mosh shayif ma yamna3 abadan ...!!

ta7yati..!!

Memoيقول...

انا بس قولت اسلم و اقول دي سابع مره اقرا البوست
يا سلام سلم

غير معرف يقول...

قصة جميلة جدا ياتامر

قول لعزيز يقول للرجل ان دة حقة الطبيعى

غير معرف يقول...

اولاا القصة جميلة والسرد ممتع وشيق تامر

وبالنسبة للبنت حسب ظروفها وشخصيتها يكون رد فعلها لكن الرجل دة شىء طبيعة انة يدور على ونيس يخلعة من نار الوحدة

غير معرف يقول...

الحياة تستمر لاتقف عند موت انسان او اى صراع بين البشر وبعضها ومن حق الانسان ان يختار الطريق الطبيعى الصحيح الذى يرى فية سعادتة وراحة بالة

لسة نونةيقول...

رائع انت ياتامر ما شاء الله عليك كاتب القصة صح

ربنا يوفقك

دكتور لغة العيونيقول...

اية الاخبار مهما وافقت ولالا عارف انت ممكن تعمل جزىء تانى من القصة تصور لينا فية لما مها تعرف ورد فعلها اصل القصة جميلة وعايزة تكملة

غير معرف يقول...

هى بداية لحياة اخرى يستحق الرجل ان ينال فيها مايريد

غير معرف يقول...

From hollow of the human being he passes the life the characteristic and Lees from hollow of the girl to meddle in her

عين ضيقةيقول...

ايههههههههههه دنيا
ههههههههههههه
انا أعرف واحد ممكن يعلم الرجل ده يغنى ايه الوفاء
تحياتى

mediaيقول...

اكيد من حقه انه يتجوز ومش من حق بنته انها ترفض لانه دلوقتي بقى وحيد محتاج حد يانس وحدته
بس انت عارف ان بحب الراجل الي يكون وفي اوي لزوجته الاولى ويعيش على ذكراههاوميفكرش في حد غيرها
بس يظهر اني بحلم وانه مفيش راجل دلوقتي بيعيش على ذكرى زوجته الاولى

غير معرف يقول...

قصة رائعة بمعنى الكلمة

الى الامام

Tamer Nabil Moussaيقول...

el2ahwagi
ههههه
زى ما قولت هيا افكار حرة غير مرتبطة بشىء سوى افكار تدور بداخلى واسجلها فى صورة قصة هو لايوجد مشاكل لكن الاب يضع فى الاعتبار ينتة ويحافظ على شعورها نظرا لانها بنتة الوحيدة

تحياتى






Memo


ربنا يخليكى تسلمى اشكرك جداا على المرور الكريم وتشجعيك ليا

تحياتى

Tamer Nabil Moussaيقول...

بنت مصرية

حاضر هقول لعزيز يقول للرجل هههههههه

اشكرك على المرررررررر وعلى المتابعة الجميلة

تحياتى





اسامة مصطفى



اولاا القصة جميلة والسرد ممتع وشيق تامر

وبالنسبة للبنت حسب ظروفها وشخصيتها يكون رد فعلها لكن الرجل دة شىء طبيعة انة يدور على ونيس يخلعة من نار الوحدة

اتفق معاك تماما واهلال بيك منور

اشكرك على المررررررر وعلى المتابعة الجميلة

تحياتى

Tamer Nabil Moussaيقول...

وفاء

الحياة تستمر لاتقف عند موت انسان او اى صراع بين البشر وبعضها ومن حق الانسان ان يختار الطريق الطبيعى الصحيح الذى يرى فية سعادتة وراحة بالة
---

كلامك جميل واتفق معاكى

اشكرك على المرررررر وعلى المتابعة الجميلة

تحياتى




لسة نونة


ربنا يخليكى تسلمى اشكرك جداا

تحياتى

Tamer Nabil Moussaيقول...

انا مين

ربنا يخليك تسلم كفاية كدة بقى ونسيب مها وابو مها على راحتهم ههههههه

تحياتى









حياة العدلى

اكيد طلعا هى حياتة وربنا يوفقك واشكرك جداا على المرو الجميل

تحياتى

Tamer Nabil Moussaيقول...

love you

طبعا هيا حياتة الخاصة وهو حر فيها وكمان الظروف تساعدة على كدة والجميع يتعاطف معة هو فقط يريد ان يحافظ فى نفس الوقت على شعور ابنتة
اشكرك على المرررررر والمتابعة الجميلة

تحياتى.





عين ضيقة

اختلف معاكى الرجل دة يعرق قيمة العشرة والوفاء وبعدين ظروفة والمعيشة تجبرة على ما هو ذاهب الية واذا انسان غير سليم لماذا يضع فى الاعتبار بنتة هذا دليل على قلبة الكبير والبقاء والمحافظة على العشرة القديمة المتنثلة الان فى ابنتة

تحياتى







لولا

انا اتفق معاكى لكن بالنسبة للرجل بعد وفاة زوجتة ليس من العدل الحكم علية بالاعدام وهو مازال عايش قادرا على العطاء وماهو مقبل علية ليس فية شىء يعيب

تحياتى






بشـير زعبيـه


ربنا يخليك تسلم

اشكرك على المررررر وعلى المتابعة الطيبة

تحياتى

بداية للحياة ام نهاية


تزوجتها نعم عن حب كانت الحياة بنا منذ البداية حياة تملئها السعادة والهنى حياة يتمنى كل انسان ان يعيش فيها ان يرى مثلها كنا اسعد زوجين فى العالم وكانت المشاكل اذا جاءت مسافة ان تنفض من مجرد نظرة وعتاب بسيط فضلنا على هذا الحال سنين طويلة حتى انجبنا ابنتى الوحيدة مها
------------------------------------
ومرت الايام عادية كما هى وكما ان تكون بين زوجين من صد ورد ومشاكل تاتى وتختلفى وكبرت ابنتى ودخلت الجامعة وكانت فرحتنا بها كبيرة فهى بنتنا الوحيدة التى رزقنا الله بها وكنت احرم نفسى من اشياء مهمة لايستغنى عنها الرجل حتى اوفر مصاريف البيت وبنتى التى بعد دخولها الجامعة اصبحت تحتاج الى المصاريف الكثيرة حتى لاتشعر بالنقص بين اصحابها بالجامعة
-------------------------------------
وهكذا عزيزتمشى بنا الحياة وتسير المركب فى بحور الاعاصير والرياح والبراكين الملتهبة ولكن كانت مركب الحياة بنا مستقرة لاتتأثر بأى شىء وذلك يرجع الى بيئة الحب والمودة والتفاهم التى نشأت وكبرت فيها اسرتى الصغيرة
--------------------------------------
وجاء اليوم الذى يتبنى كل اب ان ياتى جاء يوم زواج ابنتى من مهندس كان زميل لها فى الجامعة عمل بعد ان تخرج فى شركة بترول بدخل مناسب يستطيع ان يفتح بيت سعيد مناسب يعيش عيشة كريمة كم كانت سعادتى انا وزوجتى ونحن نرى ابنتنا الوحيدة تلبس الفستان الابيض والطرحة وتزف الى عريسها انها فرحة لااستطيع ان اوصفها انها فرحة تعبر عنها فقد المشاعر والاحاسيس وذهبت ابنتى الى بيت زوجها وبعدفترة طلعلت على المعاش واصبحت اعيش انا وزوجتى بين اريع جدران محرومين من اجمل واغلى حاجة لينا فى دنيتنا الجميلة والبسمة التى كنا نصحى ونبات عليها من ابنتى مها الحبيبة لكن انها سنة الحياة اسعدك الله ابنتى الحبيبة
-----------------------------------
وتمر الايام وتوفى الله زوجتى الحبيبة ياة من هذا يوم اسودت الدنيا والحياة فى عينى واصبحت اعيش بين اربع جدران وحيد لاجديد فى دنيتى يجعلنى ارضى ان اعيش واكمل ما تبقى من الايام وحيد
--------------------------------------
الى ان ذهبت فى شهر من الشهور لقبض المعاش وقابلت هناك سيدة انها فى منتصف الخمسينات والصدفة هى التى جعلتنى اقترب منها واتكلم معها وتكرر اللقاء اكثر من شهر فى ميعاد القبض لااعرف ماذا حدث لى لقد وجدت الحياة رجع لها اللون الابيض الجميل الامل فى يوم جميل هذة الايام الرائعة الاحساس التى افتقدتها بعد رحيل زوجتى العزيزة
-------------------------------------
وبعد تفكيرعزيزوجدت ان هذة السيدة مناسبة لى اكمل معها ما تبقى ايام لى فى الحياة فهى فى مثل ظروفى وكل منا يحتاج الى الاخر ولكن عزيز بماذا تنصحنى وكيف اتحدث مع مها فى الموضوع وهل ستوافق ام لا وكيف سيكون نظرة زوجها لى انى محروج عزيز ولااعرف ماذا افعل وتعلم انك لو انك صديقى العزيز الذى اثق فية ما كنت تكلمت معك فى هذا الامر وانت تعلم ظروف من يكون مثلى فى الحياة
-----------------------------------------
لاتقلق نفسك وان كان على ابنتك انا ارى انها هى او زوجها لن تمانع ولن ترضى ان تخيب ظنك بها فهى تعلم جيدا العذاب والهم وعدم راحة البال التى تعيش فيها بعد وفاة امها توكل على الله واترك الامر لى وغدا فى الصباح سأذهب الى مها لااتكلم معها فى الموضوع وثق انها موافقة
--------------------------------------------
نظر الزوج الى عزيز وقال لة اشكرك جداا انا تعبك معايا ديما قال لة لاتقول كدة نحن اكثر من اخوات وسلم على عزيز وانصرف الى البيت وهو يفكر فى رد فعل ابنتة وزوجها وهل هى بداية لحياة جديدة ام نهاية

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل