مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الاثنين، مارس 12، 2007

اللقاء الثالث واحلى ناس

اخيرا روحت اللقاء وقابلت احلى ناس على ارض الواقع مهما اقول مش هقدر اوصف ليكم السعادة اللى انا فيها جميل جداا انك تقابل ناس حبتهم من قبل ماتشوفهم
---------------------------------
وصلت الى مركز الابداع حوالى الساعة 6.30 وشوفت زحام وناس كتير ورغم انى اتعرفت على البعض من بعيد الا وقفت مكانى انظر الى التجمع دون الاقتراب منة مش عارف لية كنت حاسس انة حلم قررت الاتصال بالعزيز ايمن وقولت انا ادام مركز الابداع بص ايمن وشاور ليا وانا بكلمة على الموبيل قفلت وجريت علية وكان باالنسبة ليا طوق نجاة ساعدنى فى الدخول الى الجروب الجميل من المدونين خدنى بالحضن وسلم عليا وهو جاى عليا حسيت انى رايح اسلم على انسان اعرفة من سنين مش اول مرة اشوفة ابتديت اسلم وكان العدد كبير ماشاء الله وانا بسلم كنت فى حالة خجل مش عارف لية حتى بقيت اسلم وانسى اسال مين معايا او اعرفة بنفسى
-----------------------------------
جبت كرسى وفضلت قاعد مع نفسى ومش بتكلم مع حد خالص وكمان فى البداية مفيش حد ابتدى كلام معايا كان فية لخبطة وانا اساسا كنت متلخبط شوى وجدت مايكل جاى وعرفتة لما وجدت انجى بتسلم علية سلمت علية وعرفتة بنفسى وكنت مبسوط بالكلام معاة انسان محترم جدا وفضلنا نتكلم مع بعض فترة فيما اكتب وفيما يكتب وانبسطت لما وجدتة معجب بما اكتب وقال ليا انت بقى بتاع الشوكولاتة بس فية دلوقتى توسكا بعد كدة وجدت ادام جاى وعرفتة على طول لانة من الناس القديمة فى التدوين وكان بداية تدوينة قريبة منى وكان قبل الارنب واضع صورة لية فضلت عينى علية لحد ما اقرب منى وعرفتة بنفسى واتكلمنا مع بعض وادام قام اتكلم عن الاتحاد اللى كان عاملة والظروف اللى مرت بية واتكلم عن موضوع البعض اللى عايز يفقل مدونتة عشان بعض الكومنت اللى بيكون غير لائق واتكلم وعرض وضح ان دة مش حل وانة اتعرض ياما للهجوم ولم يتمكن منة او اصابة بالياس واتجة بالحديث الى توتا اللى كانت قاعدة على بيعض خطوات منى ولسؤ الحظ ما عرفت اتكلم معاها كان نفسى اسمع توتا اللى بتكتب كومنت على المواضيع ينافس المواضيع نفسها كومنت يحمل الكثير من المعانى الجميلة والكلام الموزون
---------------------------------------
كان جالس على شمالى محمد حسام ومرة واحدة قال ليا انت ساكت لية وكان ردى علية ابتسامة اصل بصراحة كنت مش عارف اتكام اقول اية وجدت ابرهيم معايا عمال يتكلم عن كتاب كان ماسكة فى ايدة ومن الكلام عرفت انة كان لية وجدت ياسيمن خدت نسخة وكنت نواى اخد نسخة بس الوقت جرى ونسيت اكلمة المرة الجابة بقى ابرهيم معايا تعمل حساب فى نسخة ليا وعلى فكرة ابرهيم دمة خفيف وحبت اسمعة وهو بيتكلم . كمان قامت ياسمين واتكلمت وكانت بتحكى عن فكرة اللقاء وانة كان فى الاول مخصص للمدونين اللى تعمل كومنت عندها وكانت فرحانة بالتجربة والنجاح الكبير دة ليها رغم بعض الحوارات الغير مظبوطة اللى حصلت الا انى شايف ان اللقاء كان ناجح بوجود الناس الجميلة
----------------------------------------

انجى بقى قامت واتكلمت وعجبنى كلامها عن مساعدة اليتامى والمحتاجين وعن اهمية اللقاء وانة مش تعارف وتغير جو بس لكن لازم يكون فية ااهداف انسانية منة ونقدر نعمل حاجة مهما كانت بسيطة بس نقول احنا اهو فاهمين ومقدرين وشافين الطريق صح وعارفين الدور الصحيح المطلوب مننا وانا اتفق فيما راحت الية وشوفى انجى تعملوا اية وانا معاكم وايضا خد الكلمة الفنان الجميل حسنى وعجبنى الكلام اوى هو اتكلم عن السياسةوالمدونين اللى بتكلم فى المواضيع دى وقال لازم الواحد يكون عندة سابق معرفة بالدستور لان الحكاية مش سهلة ومش اى حد يكتب ويقول غير مبالى بما يمكن يحدث لة كمان اتكلم وقال ان اهم ما يجمعنا اليوم هو الحب والمودة واحترمنا لبعضنا وان اى حد لو سال نفسة هو جاى لية اكيد لانة حاسس بشىء من الحب والانتماء للجروب الرائع دة لحسن حظى جلس الاستاز حسنى بجوارى واتكلمت معاة وعرفتة بنفسى وكمان هو عرفنى فعلاا انسان كبير بكل ما تحمل الكلمة من معانى وقولت لية انا عندى افكار كتير وكان نفسى اقوم واتكلم بس الوضع كان لايسمح حيث انشغال البعض وعدم الاهتمام بمن يتكلم وزعلنى سخرية البعض من الكلام والاقترحات وقد وعدنى با التغير الى الافضل
----------------------------------------
الرائع ابرهيم انظر فى غضب انسان وشخصية اكثر من رائعة وكفاية ان الواحد يتكلم معاة مرة واحدة عشان يحبة اتكلمنا مع بعض وفى وسط الكلام قولت لية انى شغل مراقب امن او ضابط امن وجدتة اتخطف وفهمت طبعا ههههه قولت لية انا مدنى مش حكومة ياعم ابرهيم وضحك وقال لى انا قولت ليهم فى البيت لو تاخرت ابقوا بلغوا عجبتنى فكرة ياسمين عن انشاء جمعية خاص بالمدونين وهيا فكرة جميلة وانا موافق عليها لانها مهمة لازم يكون لينا كيان وبيت يجمعنا ببعض
---------------------------------------------------------
قابلت كمان وينكى اول ما سلمت عليها وعرفتها بنفسى قالت ليا انا وينكى انسانة دمها خفيف جداا وتخلى الواحد عايز يتكلم معها على طول وعرفت انها نجحت قولت ليها الف مبروك وانا لو افتكرت كنت جبت ليها شوكولاتة بقى تعوض وينكى فى المرة الجاية وربنا يوفقك على طول كدة ونشوفك كل مرة فى تفوق اعلى من اللى فات كمان شوفت احمد شقير وقام واتكلم عن تجربة التدوين وازى عرف الطريق الى التدوين شخصية ممتازة جداا ويمكن من اوئل المدونين اللى اتعرفت عليهم على الشبكة وفى عالم التدوين
-------------------------------------------------------
اتكلمت كمان مع اريدكى انثى وكان بقى الموضوع فية جدل عشان الاسم وفضل عمور يشرح لينا معنى الاسم الخاص بالمدونة كمان شوفت الدبور بس ما اتكلمت معاة كان وخد جنب بعيد ولما شوفتة كان بيسلم على الناس اللى عرفهم فى اللقاء السابق اصلة اتخض من العدد الموجود وكان باين علية مش مصدق ان كل الناس الحلوة دى جت وسلمت على مريم بس مش فاكر اسم المدونة عشان كان صوتها هادى جداا بالعافية عرفت اسمها والمدنة تقريبا فيها حاجة انجلش عشان كدة مال ثبتت عندى وشوفت شادى انسان اول ما تشوفة ترتاح لية ديما مبتسم على طول انا سميتك خلاص ابو ضحكة جنان ههههههه وبالصدفة عرفت ان هانى حورج موجود وكان كلامى معاة وانا بسلم وماشى قولت لية هانى جورج قالى ايوة قولت لية تامر افكار حرة تعارف كان على السريع بصراحة الموضوع عايز تنظيم اكثر من كدة لان كان فية ناس كتير ونظرا لعدم التنظيم ماعرفت اتعرف عليهم ولااتكلم معاهم
-----------------------------------------------------------
كان موجود كمان محمد حامد واميرة ومصر هيا امى وناس كتير حلوة بس لااسف عشان عدم التنظيم ما عرفت اتكلم مع حد فيهم واتمنى المرة الجاية يكون اللقاء اكثر تنظيم عشان الناس كلها تتعرف على بعض ورغم كل شىء سعيد جداا باللقاء والحضور الجميل واحب اقول للجميع انا حبتكم من قبل ما اشوفكم وحبتكم اكثر بعد اللقاء وربنا يديم المحبة والمودة بينا وديما مع بعض ايد فى الايد
تحياتى للجميع

هناك 35 تعليقًا:

الزعيـمة يقول...

جميل اوى يا تامر
كان نفسي اكون معاكم
بس معلش المرات الجاية ان شاء الله

المهم اتمني اللقاء الجاى نرتب اية الممكن نعملة بمناسبة يوم اليتيم العربي وحيكون اول جمعه فى ابريل

تحياتي لك وللجميع

Hannoda يقول...

أنا مبسوطة جدا باللقاء اللي عملتوه و حاسة بفخر شديد جدا بيه

كان نفسي أكون معاكم بس لما ارجع بقى مصر حانزلكم من إسكندرية . طبعا وأحضر ان شاء الله

واضح جدا فرحتك باللقاء وكلامك عنه فرحني برضه.. ولما دخلت كمانعند شادي و ابراهيم (انظر حولك في غضب) و ياسمين و سمراء النيل .. كلامكوا حسسني كإني حضرت وفرحني بشباب مصر اللي بدأنا نشوفه في صورة جديده مليانة إحترام و مسئولية

انشاء الله اللقاءات الجاية تكون أكتر حميمة و نجاح و أتشرف بنمعرفتكم كلكم

micheal يقول...

ايه يا تامور الكلام الكبير ده...أنت حتخليني كده أخذ قلم في نفسي...صدقني اللقاء نجح فعلا بالناس الحلوه المحترمه اللي زيك و باذن الله المرة الجايه نقدر نعدي أي سلبيات
تحياتي لك

MoHaMeD HoSSaM يقول...
أزال المؤلف هذا التعليق.
MoHaMeD HoSSaM يقول...

والله يا تامر انا كنت عايز اكتب عن كل الحضور بس زى ما قلت فى البوست انى لو كتبت حكتب لحد بكرة
وعلى فكرة اللنكات انا واخدة من عند ايهاب مش انا الى كتبها والله عشان كدة اعزرنى لو ملقتش اللينك بتاعك انا اسف
وبجد انت انسان جميل وان شاء الله تتاح ليا الفرصة انى اتعرف عليك فى المرات القادمة اكتر

أميرة ويلز يقول...

حلو اوى وصفك واحساسك باللقاء ياتامر

كنت اتمنى اكون معاكو

تحياتى

tamer يقول...

الزعيـمة

ان شاء الله المرة الجاية تكونى معانا

لازم كل واحد فينا يساعد على ما قد ما يقدر واتمنى اننا نقدم اى حاجة لو بسيطة ترسم الابتسامة على الشفايف
تحياتى







Hannoda

ان شاء الله تكونى معانا و نتشرف بمعرفتك ونستفاد من خبرتك
ربنا يوفقك

تحياتى

tamer يقول...

مايكل

والله انت تستهل كل خير وانا استريحت ليك ولكلامك وانت انسان محترم كتير مايكل

وان شاء الله نتغلب على اى عواقب وسلوك غير سليم

تحياتى







محمد حسام

ولايهمك محمد
انا مقدر والله
العدد كان كبير

المهم انت اخبارك اية
ان شاء الله اشوفك فى المرة القادمة

تحياتى

tamer يقول...

أميرة ويلز

تعالى يشرفنا وجودك والله معانا
اتمنى اشوفك المرة الجاية

تحياتى

el2ahwagi يقول...

انت ايه يابنى
انا حاسس انك لو قريت الجرنال الصبح وقعدت تكتب اللى قريته هاقرالك انت واسيب الجرنال
كلام بسيط بس كله ود جميل اوى
متجمعين على خير انشاءالله

يا مراكبي يقول...

أتمنى فعلا إني كنت معاكم ولو إن المرة دي الكل شكله كده بيشتكي من عدم التنظيم .. لكن برضه نتمنى إننا نكون معاكم

دوللي يقول...

اللقاء كان فعلا خطوه جميله وافتكر انها رغبه من الحاضرين في التجمع كشعب واحد بس طبعا و كاالعاده دايما عندنا سلبيات بس نفسي بجد نتغير و نفوق بقي و نعرف امتي نهزر و امتي نكون جد
تحياتي

محمد مفيد يقول...

تامر
متأخر زي كل مره معلش انت عارف اخوك بليد شويه
والله كنت المفروض اكون موجود ولكن والله لظروف تواجدي خارج القاهره لكن بأمر الله اكون المره الجايه معاكو

smraa alnil يقول...

تاااااااااااااااااااااامر
بجد انت مش متخيل اد ايه انا انبسط جدا لما شوفتك
بجد مش كنت متخيلة انك ممكن تيجي
اي نعم انت كنت قاعد هادي عكس تعليقاتك وكلامك
بس والله انبسط اوي
بس انت ليه مش جيت حفلة ساقية الصاوي
كنت هتتبسط اوي والله
بس كنت عايزة اقولك اني انبسط جدا لما شفتك

سكينة يقول...

سعيدة أنك اتبسطت في المشوار يا تامر لكن اكمني لئيمة شوية فكرت يعني كل الناس حلويين؟؟ طبعا في عنيك أنت
عدم المؤاخذة أنا مش بقصد حد معين اساسا أنا جديدة في المشروع كله لكن استوقفني فين الناس اللي بتوحي لك بالأفكار المرعبة
:)
طبعا ممكن الناس الحلوة المسالمة زيك وزي الناس اللي قابلتها هيا اللي راحت بينما شرار المدونين
حلوة شرار دي
:)
مثلا أنا كنتش هناك وعشان كده مفيش حاجة جديدة في خانة الأفكار المرعبة
كلماتك فكرتني بكل الناس حلوين في عنيا حلوين طول ما عنيا شايفة الدنيا وانت قصادي
:)
كل سنة وجميع الحلوين طيبين ومتجمعين

متغيرة شوية يقول...

بسم الله ما شاء الله
نقل حي للقاءولا كأني مشيت بدري ده كأني كنت معاكم يا راجل:)


مدونتك جميلة قوي على فكرة..سعيدة ان اللقاء خلاني اتعرف عليها

mesh2dra يقول...

السلام عليكم

وصفك جميل أوي للي حصل

كان نفسي فعلا أكون معاكم
بس كان عندي رحلة فنفس اليوم

إحم
يعني ضحيت بيكم من أجل الرحلة
لا طبعا ..بهزر

فعلا نفسي اتعرف عليكم جميعااااا

سلام

SaRa يقول...

ازيك تمور
اخبارك اية
نفسى اكون معاكم

بس انت عارف انى مش فى مصر

لو صادف وقت نزولى مصر اللقاء هجى

Amira يقول...

احساسك وصفك للقاء جميل جداا

تحياتى

tota يقول...

تامر
تصدق فعلا انا كده زعلت
لانى كنت مثلك محتارة وابحث فى الوجه عن من اعرفهم ولكن للاسف كانو قليلين ولو كنت اعرف انك موجود لكنت توجهت اليك على الاقل بالسلام
ربما لا يتصادف هذا اللقاء مرة اخرى وربما يتكرر لكنا حسبنا نملك فرصة تعارف فنفقدها لكن ماذا يمكن ان اقول
حظ سىء
تحياتى

شادي فايد يقول...

تامر

انا اسف قوي

انا عارف اني مقصر معاك
بس صدقني انا كنت مشغول قوي اليومين اللي فاتو

تحياتي

دوللي يقول...

ازيك يا تامر اللقاء كان فعلا جميل واحلي مافيه هو العدد الكبير لان ده دليل علي ان احنا محتاجين نتجمع وياريت بعد كده تبقي مصر كلها معانا
تحياتي

tamer يقول...

el2ahwagi

ربنا يخليك اشكرك على كلامك الجميل دة

اتمنى اشوفك معانا المرة الجاية ان شاء الله

تحياتى

tamer يقول...

يامركبى

انت تنور والله انت عارف ان العدد كان كبير عشان كدة فية شبة عدم تنظيم الى حدما وان شاء الله كل حاجة تتحسن هنستناك المرة الجاية

تحياتى

tamer يقول...

دوللي

الله يسلمك ازيك انتى اخبارك اية

عندك حق كان فية سلبيات وان شاء الله كل لقاء بيعلمنا حاجات جديدة

تحياتى

tamer يقول...

محمد مفيد

ازيك محمد اخبارك اية

ان شاء الله المرة الجاية تكون معانا

تحياتى

tamer يقول...

smraa alnil


ربنا يخليكى انجى

انا كمان انبسطت اوى لما شوفتك جميل ان الانسان يقابل ناس حبهم قبل ما يشوفهم

كان نفسى اجى الحفلة بس معرفتش اخد اجازة كان عندنا تفتيش وكمان كان فية ناس وخدة اجازة

ان شاء الله اشوفك اللقاء القادم انجوج

تحياتى

tamer يقول...

سكينة

ازيك اخبارك اية
طبعا اللقاء كان اكثر من رائع بس كل شىء ولة عيوب وان كانت حتى بسيطة او غير مرئية الى حد ما بس المهم نعرف نتغلب عليها ونتلاشها فى المرات الجاية

تحياتى

tamer يقول...

متغيرة شوية

ربنا يخليكى تسلمى وانا سعيد جداا بيكى وبكلامك الجميل
انتى اخبارك اية ان شاء الله نشوفك اللقاء اجاى

تحياتى

tamer يقول...

mesh2dra

وعليكم السلام

اهلا بليك فى اى وقت

اتمنى اشوفك اللقاء القادم

تحياتى

tamer يقول...

SaRa

ازيك سارونا

انا بخير الحمد الله

انتى اخبارك اية

ان شاء الله اتمنى واللهاشوفك معانا

تحياتى

tamer يقول...

اميرة


ربنا يليكى تسلمى

مش نوايا تجى اللقاء القادم اميرة

تحياتى

tamer يقول...

توتا

ازيك اخبارك اية

انتى كنتى قاعدة على يمينى بينى وبين بعض خطوات بس كنت مستنى اننا نتعرف على بعض كنت فاكر فية تنظيم للموضوع حتى ممكن اكون سلمت عليكى بس مخديش بالك

ان شاء الله اشوفك اللقاء الجاى

تحياتى

tamer يقول...

شادى

ازيك اخبارك اية

ولايهمك

خلينا نشوفك على طول

تحياتى

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير