مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الأربعاء، أبريل 11، 2007

وداع قبل الموت


مخنوق
مخنوق مكتئب حاسس بملل حاسس بضياع مش حاسس بالحياة مش عارف انا عايز اية وعايش لمين وعشان اية كل يوم اجرى واصرخ ابكى واشكى ومحدش حاسس بيا ولا بالنار اللى فيا انا نفسى من كتر الالم والجراح ما بقت احس بنفسى
--------------------------
ناقصنى حاجات
ايوة ناقصنى حاجات كتر اية هيا مش عارف لكن ديما خايف من غير سبب ديما خايف على كل احبابى نفسى احبسهم عن عيون الناس من شرهم احرمهم من حريتهم عشان خايف عليهم خايف اخسرهم فى يوم نفسى ديما اشوفهم ادام عيونى وجوة احضانى
--------------------------
مجهول
مجهول كل شىء عندى نظرتى للحياة صبحت سودة وغم و عذاب وهم موجود ملايين من الصور لكن بشوفها كلها زى بعض صورة سودة ثابتة لابتغير ولا بتاثر باردة مفيش احساس وشعور وروح فيها ميتة ومش ميتة بس حاسس انها قريبة منى وبتقطع فيا وكانى بسكوتة مقرمشة
----------------------------
والحب مات
الحلم بكى علية الامل والامل بكى علية الحب والحب مات ومحدش حس بية ولا حد عز فية وكانة رخيص يجى يروح مفيش ثمن
-----------------------------
سكة طويلة

سكة طويلة ومش طويلة حد عارف اية مكتوب لينا فيها بس هنمشى فيها وما باليد حيلة انا النهاردة عايش بكرة ممكن اموت ولية بكرة ممكن دلوقتى فى اللحظة دى اصبح اللى كان وانضم للزكريات وابقى ماضى بعد ما كنت حاضر هتفوت الايام يمكن يبكى عليا النهاردة بكرة ينسى عشان الدنيا كدة

-----------------------------
حتى الكلمة
لاراحة ولاامان فيك يازمان غدار وطبعك من ناس عايشين فيك اكل وشرب ولبس كلة من الغدر والضحايا على ابوابك كل واحد شايل شمعتة وكفنة وكلمتة حتى الكلمة محرومين منها يازمن
------------------------------
وللصبر حدود
نفسى احس بجد انى انسان ويحس بيا كل انسان ما هو مش ممكن احس بيك وانت بيا لاتحس وعليا ديما تيجى وكانى جماد لاشعور واحساس استحملت كتر ضربات وللصبر حدود
--------------------------------
لازم اضيع
قبل ماا غرق و اضيع لو فعلاا مفيش تغير ولسة الحب شهيد محدش حاسس بية ولاقدرة وخاف علية يبقى سبنى اغرق ولا تبكيش اصل بعدة اعيش لمين وهو الاساس وضاع وانا كنت عايش بية ولما راح وانتهى لازم اضيع وانتهى بعدية

هناك 36 تعليقًا:

محظوظة يقول...

لية الحزن دة

الايام كدة كدة هنعيش وهنشوف منها ياما

بس زى مافية الاسود فية الابيض

تبشر خير

عاشقة الكاريكاتير يقول...

ساعات الانسان بيكون مخنوق وقرفان ومش عارف لية

انا راى يقوم يصلى ويدعى ربنا

وان شاء الله الاحساس الوحش دة هيروح

حائر في دنيا الله يقول...

يبني والله ما حاجة تستاهل
قوم قوم
استغفر الله وبص في عيون طفل بتحبه او بوس ايد والدتك وقولها تدعيلك

ربنا معاك

مع تحياتي

شربات يقول...

الدنيا بقت عبارة عن صورة تكرر كل يوم جوانا

والاحساس الصعب مهما طال لة نهاية

وبعد العسر يسر

أمانى يقول...

كل واحد بيمر بية نفس الاحساس دة

انا ببقى عايزة بجد اخنق نفسى لكن اية الفايدة

مجرد حالة مؤقتة وقت وهيعدى

فى الفترة دى كنت بتقرب من ربنا وادعى انة يهدينى ويخرجنى من اللى انا فية

Tamer Nabil يقول...

محظوظة

طبعا فية الاسود والابيض وجميع الالوان دى مجرد حالة بيكون ساعات حاسس بيها الانسان

اشكرك على المررررررررر وعلى المتابعة الطيبة

تحياتى
-----------------------------------
عاشقة الكاريكاتير

رايك تمام مفيش احسن من كدة
اشكرك على المررررررررر وعلى المتابعة الطيبة

تحياتى
----------------------------------
حائر في دنيا الله

عندك حق ياصاحبى مفيش حاجة تستهل بس انا بتكلم بطرقة عامية يعنى احساس بيصيبنى ويصيبك فترة يكون الواحد فيها مش طايق نفسة

اشكرك على المررررررررر وعلى المتابعة الطيبة

تحياتى
----------------------------------
شربات

مفيش شك ان بعد العسر يسر
وهى ايام وبنعيشها
اشكرك على المررررررررر وعلى المتابعة الطيبة

تحياتى
-----------------------------------
أمانى

فعلاا يا امانى وفترة وبتعدى ولازم الانسان فيها يكون قريب من ربنا وياريت يكون كدة على طول

اشكرك على المررررررررر وعلى المتابعة الطيبة

تحياتى
---------------------------------

gohayna يقول...

بنهار ابيض
ياتامر والله كأنك بتوصف حاله انا مريت بيها من حوالي سنه او اكتر

فعلا حاله من الضياع
وعدم القدره علي الاتزان او تحديد لملامح اي شيئ قدامك
كله بيختلط ويكون اللون الي غالب القاتم

ربنا ينور دنيتك ويشيل عنك الهم والحزن واللون الاسود
وتكون كل ايامك هنا وسرور

امين يارب

تحياتي

ست البنات يقول...

سلامات اخوى

ربنا يوفقك ويصلح حالك

ويبعد عنك كل شر

Esmeralda يقول...

تامر
انا دايما اقول ان الدنيا ديه زى الزجزاج بالضبط
مش خط مستقيم و مش على وتيرة واحده
لازم نعرف ان لا حزن بيدوم و لا فرح بيدوم
انا اتعلمت ان مافرحش اوى ( اذا فرحت ) و مزعلش اوى
المهم فى عز الازمه اعرف على الاقل ان حايجى وقت و اخرج منها
مش مهم امتى
المهم ان الفرج حايجى

ربنا يبعد عننا الياس و الاحباط و الخنقه

شادي فايد يقول...

يييييييييييي


وادي واحد كمان محبط و مخنوق

يارب تكون حالة وعدت

عصفورة حزينة يقول...
أزال المؤلف هذا التعليق.
عصفورة حزينة يقول...

السلام عليكم

ليه الحزن واليأس ده كله
بكره تكون مع عصفورتك اللى بتحبك اكتر من روحها
ونفسها هي كمان تكون معك في اقرب وقت وتذكر ان الصبر مفتاح الفرج

بنوتة حزينة

reri يقول...

ليه كده يا تامر..هقوم أنام وأنا نفسيتي في الضياع...بس عبرت أوي عن لحظات صعبه بتمر علينا كلنا بلا إستثناء.... عبرت بشده...ربنا يفرج كرب أي مكروب

سلاااااااااااامي ليك يا تامر

Tamer Nabil يقول...

gohayna

نعم هذة الوضع ينتشر بين كثير من الناس وكانة يخرج من نفس ليدخل اخرى دائرة ونحن نلف معها
اشكرك على تشجعيك ودعواتك الجميلة ليا
تحياتى
-----------------------------------
ست البنات

الله يسلمك
ربنا يخليكى ويوفقك
تحياتى
-----------------------------------
Esmeralda

عندك حق الحياة ليست على وتيرة واحدة ودوام الحال من المحال
مهم جداا عدم التمادى فى الفرح او الحزن
اشكرك جداا على كلامك الطيب
ربنا يوفقك

تحياتى
----------------------------------

شادي فايد
مفيش حاجة مش بتعدى ياصاحبى العمر نفسة بيعدى وبيفوت بس بندعى ربنا يوفقنا ويبعدنا عن كل شىء يتعبنا
الحمد الله على كل حال

اشكرك على المتابعة الطيبة
تحياتى
-----------------------------------
عصفورة حزينة

وعليكم السلام
ربنا يسمع منك
اشكرك جداا على كلامك الجميل
ربنا يوفقك يارب
وربنا قادر على كل شىء وبكرة يقرب البعيد
تحياتى
-----------------------------------
reri
الف سلامة عليكى من الضياع

ربنا يوفقنا ويبعدنا عن كل شر

اشكرك جداا على المتابعة وتشجعيك ليا

تحياتى
-----------------------------------

Amira يقول...

انا قريت قبل كدة ان تغير مزاج الانسان بيكون اغلبية حدوثة مع تغير الفصول الاربعة

ربنا يبعد عنك الكسل والملل والاكتئاب

تحياتى

بنوتة يقول...

ربنا يبعد عنك الاحساس الصعب دة
جربتة كتير ياتامر
بكون فية اقرب للموت من الحياة

ولولاا انى قريبة من ربناكنت عملت فى نفسى حاجة

صلى وادعى ربنا يفك كربك ويشيل عنك همك

الزعيـمة يقول...

والحب مات ومحدش حس بية ولا حد عز فية
وكانة رخيص يجى يروح مفيش ثمن

**************************

عندك حق يا تامر
ياما مشاعر بتموت ومحدش بيعزي فيها
يمكن اصبحت ارخص حاجة الاحاسيس والروح

انا جاى معايا البوست اوي
لاني حاسة بية وحالتى مع هواه

ويمكن بوست والتاني وحالتنا تتصلح
مهي الدنيا كدا لا الحلو بيدوم ولا المر

تحية لكل كلمة دونتها يا تامر
تقبل ارق تحياتي

عصفورة حزينة يقول...

السلام عليكم

المهم تدى بالك من نفسك ومن صحتك ومشيلش نفسك امتر من اللزم


بنوتة حزينة

boosy يقول...

احساس صعب

مش اقول اغلبية بل كل الناس تتعرض لنفس الاحساس نتيجة الضغوط اللى عليها

الصبر مفتاح الفرج

وصدقنى ربنا بيهون علينا

وردة الخريف يقول...

الدنيا بقت عبارة عن صورة تكرر كل يوم جوانا

والاحساس الصعب مهما طال لة نهاية

وبعد العسر يسر

BIN A. MANAN يقول...

Love is the way to happy life with the belief that everything is fine

عين الحياة يقول...

استغفر الله

وصلى واتقرب من ربنا

ان شاء الله هيروح الهم والحزن

حلم عمرى يقول...

كل واحد بيمر بية نفس الاحساس دة

انا ببقى عايزة بجد اخنق نفسى لكن اية الفايدة

مجرد حالة مؤقتة وقت وهيعدى

فى الفترة دى كنت بتقرب من ربنا وادعى انة يهدينى ويخرجنى من اللى انا فية

nadea يقول...

مفيش حاجة تستهل

نحزن ونتعب نفسنا عشنها

استغفر ربنا

وربنا يوفقك

لسة نونة يقول...

لاتخلو الدنيا من الهم

استبشر خير اخى

وادعى الله

ربنا معاك

دعاء عادل يقول...

ربنا معاك ياتامر
انا عارفه الحاله دى صعبه اوى وصعب
انى اقعد اقولك عادى وكبر وشيل من دماغك لان كل حاجه فى الدنيا بتحدفك فى نفس المنطقه
عارف ادعى ربنا وهو انشاء الله معاك

micheal يقول...

ايه الحزن ده كله يا عم تامر...حاول ترمي كله ورا ضهرك و قوم بقي يلا اكتبلنا قصه جديده
صدقني مفيش حاجه تستاهل
تحياتي لك

ماما عبير يقول...

انسى الجزن وابعد عنة ولاتشغل نفسك بية على قدر المستطاع


ربنا ينور ليك طريقك ويهنيك

egydays يقول...

روق ياعم تامر مفيش حاجة تستهل

اشطى يامان

ibn nasser - ابن ناصر يقول...

فعلا للصبر حدود
بوست رائع
تحياتي

smraa alnil يقول...

يااااااااااااااااااااااه يا تامر

ايه الوجع للي شفته دة

وجعتني اوي

بشر يا تامر ولا تنفر

اكيد الخير جاي
بس شيل نضارتك السودة دي

هي لحظة وبتعدي

عارفة الاحساس الغبي دة

Tamer Nabil يقول...

Amira
نظرية مقبولة انا سمعت ايضا عنها

اشكرك على الدعوات الجميلة
تحياتى
--------------------------------------
بنوتة
شكرا ليكى ومش هتوصل للموت ربنا يقوى ايماننا كلنا
تحياتى
-------------------------------------

الزعيـمة
عندك حق الدنيا كدة مش راسية على حال ودوامة ديما شىء محال
اشكرك جدا
تحياتى
----------------------------------
عصفورة حزينة
ان شاء الله اشكرك جداا على كلامك الطيب
تحياتى
----------------------------------

Tamer Nabil يقول...

boosy
الصبر مفتاح الفرج كلام جميل ربنا يهون علينا كلنا
تحياتى
--------------------------------------
وردة الخريف

بعد العسر يسر كلام مظبوط الف شكرا ليكى
تحياتى
-------------------------------------
BIN A. MANAN
Yes, my love is the key to the magic solution to a happy life
-----------------------------------
عين الحياة
استغفر الله العظيم من كل زنب وربنا يهون علينا
تحياتى
------------------------------------
حلم عمرى

كلامك رائع وهو دة الحل الصحيح وربنا يبعدنا كلنا عن الحالة دى
تحياتى
------------------------------------
nadea

الاستسهال رغم انها كلمة مطاطة بس اتفق معاكى
تحياتى
----------------------------------

Tamer Nabil يقول...

لسة نونة

شكرا ليكى نونة ربنا يوفقك ويكرمك
تحياتى
------------------------------------
دعاء عادل

ربنا يخليكى اشكرك جداا على وقفوك جنبى وتشجعيك ليا
تحياتى
------------------------------------

micheal

عندك حق مايكلولة مفيش حاجة تستهل
تحياتى
----------------------------------
ماما عبير

ربنا يخليكى تسلمى اشكرك على الدعوات الجميلة
تحياتى
----------------------------------ّّّّّّّّّّّّّّّّّ

Tamer Nabil يقول...

egydays

اشطى ياريس شكرا ليك
تحياتى
--------------------------------------
ibn nasser- ابن ناص
ربنا يخليك تسلم اشكرك جدا
تحياتى
-------------------------------------
smraa alnil

عندك حق انووووووج فترة وبتعدى ربنا يهون على الجميع فيها
تحياتى
-----------------------------------

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير