recent

آخر الأخبار

recent
recent
جاري التحميل ...
دكتور لغة العيونيقول...

الاختيار بيكون اختيارنا احنا وكل انسان وحسب ما اختار

لازم الانسان لما يشوف طريق يمكن يكون سهل لكن يضر البعد عنة يكون اصح

غير معرف يقول...

حلوه قوى سلسله المفاتيح دى
كلامها عميق قوى ومعبر وتجبر الواحد انه يقرا اكتر من مره ويغوص فى معانيها
ياتامر ..تعليق كل مره
رتب شكل الكلام لأنه متعب جدا وهو ورا بعضه كده
اعمل فواصل بين الكلمات.. جرب بس وشوف النتيجه
انا مررتلك تاج عندى فى المدونه
ياريت تدخل وتشوفه
وتجاااوب

$ سهى $يقول...

مو بقدر على الالغاز دى

هههههههههه

بوست حلو كتير

يسلموا

SomeOneيقول...

الله يا فيلسوف

وقبل ماتحلم فوق
احلم وانت فايق
قبل ما تطلع فوق
انزل للحقايق
جايز حلم في غمضة عين
عايز يتحقق في سنين
وجايز الحلم يبقى اتنين
وتحققهم قبل دقايق

michealيقول...

ايه يا عم تامر الفلسفه دي كلها
و الله ما عارف أقولك ايه بس أنا متفق معك تماما في كل ما قلته...ادعيلي ألاقي المفتاح ده قريبا
تحياتي لك

reriيقول...

البوست جميل أوي يا تامر... فيه دعوه للتفاؤل والثقه بالنفس... بس ده كله لما كل واحد يعرف فين مفتاحه... أنا شخصيا لسه مش لاقياه... بس حقيقي هحاول أدور عليه

سلامااااااااااااااات

غير معرف يقول...

كلنا عايزين المفتاح المناسب

لينا المشكلة فى ازى توصل لة ؟

بوست مميز

تحياتى

gohaynaيقول...

سلسله مفاتيح تصنع النجاح والحياه السعيده

دا رأي في كلامك

سلسله رائعه يا تامر بجد
افكار عميقه ونقط مضيئه بتحرص علي اظهارها في كل بوستاتك

تسلم ايدك

تحياتي

يا مراكبييقول...

أحلى حتة عجبتني .. آخر فقرة .. فيها نصايح غالية كتير وماشية مع موقف إتعرضت له اليومين اللي فاتوا على طول .. علشان كده حسيت بها على طول

Amiraيقول...

كلامك واقعى ياتامر رغم حالة ثوب الفلسفة اللى مايل لية البوست

تحياتى

عصفورة حزينةيقول...

أحلى حتة عجبتني .. آخر فقرة .. فيها نصايح غالية كتير وماشية مع مواقف إتعرضت لها اليومين اللي فاتوا على طول .. علشان كده حسيت بها على طول

أسووريقول...

فعلا الدنيا ابواب وشبابيك بس ياترى حد بيختار داره
احنا مش بنقدر نختار كتير فى حياتنا
بس كلام جامد موووت
واسلوب فوق الممتاز
فينك يا عم

غير معرف يقول...

اسلوبك اكثر من ممتاز ياتامر


ويارب كل الناس تتعرف على المفاتيح المناسبة

غير معرف يقول...

البوست جميل أوي يا تامر... فيه دعوه للتفاؤل والثقه بالنفس

تحياتى

Tamer Nabil Moussaيقول...

ana mean

كلامك سليم الاختيار اختيار الانسان بس نقول احينا بيكون مش كدة بيكون فية اشياء مفروضة علينا ولازم نتعامل معها

تحياتى





وينكى


والله مش عارف اية حكاية الترتيب دى ويكنى لازم يعنى فواصل انا مش شايف انها مهمة اوى لانى بكتب قطع وكل قطعة بينها وبين التانى شرط فاصل
تاج دة انا بهرب منهم هههههههه

تحياتى

Tamer Nabil Moussaيقول...

$ سهى $

فين الالغاز دى بقى ههههه

اشكرك جداا

تحياتى





شادي فايد

فيلسوف مرة واحدة بس يعنى اية هههههههههههه

ماشى ياعم منير

اشكرك جدا
تحباتى

Tamer Nabil Moussaيقول...

micheal

تانى فلسفة ههههه

ربنا يوفقك وتجد المفاتيح بتعتك كلها

تحياتى






reri

دورى علية بذمة ههههههه

ربنا يوفقك ويهنيكى يارب

تحياتى

Tamer Nabil Moussaيقول...

الرحيق المختوم

عشان توصل لازم تدور وتحبث من غير يأس ولا فقدان لاامل

تحياتى






gohayna

ربنا يخليكى تسلمى

ديما بتحرجينى بتشجعيك ليا

ربنا يوفقك ويهنيكى

تحياتى

Tamer Nabil Moussaيقول...

يا مراكبي

خد بالك بعد كدة الايام قصيرة جداا ربنا يوفقك

تحياتى







Amira

فلسفة ماشى المهم انة عجبك

تحياتى

Tamer Nabil Moussaيقول...

عصفورة حزينة

انت رايك من راى مراكبى على العموم لاداعى للحزن وخلى بالك على نفسك وبعدين انتى خدتى المفاتيح منى هههههههه


تحياتى







ياسمين


طبعا احنا مش بنختار كل حاجة فى الحياة بس لو جت حاجة مش على المزاج لازم نرميها ونبعد عنها

انال موجود اهو يا فندم

تحياتى

Tamer Nabil Moussaيقول...

مدونة وردة الخريف

الله ما امين ربنا يسمع منك

اشكرك جداا

تحياتى





boosy

ربنا يكرمك يارب ويهنيكى وتجدى المفتايح بتاعتك

تحياتى

SaRaيقول...

بوست رائع ياتامر

الحياة ما هى الا ابواب ولكل باب مفتاح

المهم نختار صح

بنت البلديقول...

حلوة حكاية المفاتيح دى هههههههههههه

انا ديما بنسى مفتاح البيت هههههههه

ربنا يسطر

بوست مميز تامر

ألآسطى بليةيقول...

هههههههه

تصدق فكرتك تمثل فعلاا الواقع لان كل شىء ولية مفتاح مش شرط مفتاح بالمعنى المعروف ولكن من حيث الاستفادة والعمل بة


تحياتى

غير معرف يقول...

براحتك يا معلم
باقولك ايه انا عامله حفله بلوجريه جامده يوم الخميس اللى هو بكره الساعه خمسه العصر
ياريت تيجى وقت ما تحب
السهره صباحى بعون الله
وقول للحبايب ييجوا معاك

hebaيقول...

أحلى حاجة بقى ان كل واحد يلاقي المفتاح المناسب لكالونه ولو اني شايفه ان كل واحد ممكن يبقى له أكتر من مفتاح

بوست جميييل ومفاهيم أجمل

غير معرف يقول...

و الله العظيم حلوة قوي الدفعة المعنوية دي
أنا كنت محتاج أقرأ حاجة زي دي و الله
قبل الإمتحانات ما تبدأ
شكرا يا تامر
تحياتي

دوللييقول...

بقالي كتير مش بتابعك بس غصب عني كان عندي مشاكل مع النت في بعض الصفحات
تحياتي

الامير سلطان بهنسى سلطان عدو المراةيقول...

بوست رائع وفكرتة جميلة ياتامر

ودة مش جديد عليك

انا بقيت مدونة افكارك ههههههههههه

غير معرف يقول...

مفاتيح الحياة صعبة ومش صعبة عبارة عن مراحل وكل مرحلة ولها مفتاح

تحياتى

صاحب البوابــةيقول...

لكل حاجة مفتاح

لكن ليس كلنا من يجد المفتاح المناسب

وليس كلنا اذا وجد المفتاح المناسب يستطيع ان يفهم كيفية استخدامه

تحياتي لمقالك الرائع

Tamer Nabil Moussaيقول...

SaRa
اختارى كويس بقى ههههه

ربنا يخليكى تسلمى

اشكرك جداا

تحياتى





ست البنات

هههههههههههه

انتى مشكلة على كدة
خلى بالك من المفتاح والا محرومة من المصروف
هههههههه
تحياتى

Tamer Nabil Moussaيقول...

هانى


اكيد ياعم هانى

اشكرك جداا

تحياتى



وينكى

ازيك وينكى

كل سنة وانتى طيبة انا روحت بدرى بيوم عشان الخميس كان عندى شغل

ربنا يوفقك
تحياتى

Tamer Nabil Moussaيقول...

shams

اتمنى كل واحد يجد المفتاح ويكون مناسب

ربنا يخليكى تسلمى

اشكرك جداا

تحياتى


محمد فوزي آل ربيع

جيت ليك على الجاهز ياعم محمد

ربنا يوفقك ويكرمك
تحياتى

Tamer Nabil Moussaيقول...

دوللي

ولايهمك

المهم انك بخير نورتى المدونة

تحياتى






عاشقة الكاريكاتير


بلاش بقى سيرة الادمان دى هههههههههه

نورتى

واشكرك جداا

تحياتى

Tamer Nabil Moussaيقول...

ميساء

اكيد طبعا ومن الصعب الاحتفاظ بمفتاح واحد ديما التغير مطلوب

تحياتى






صاحب البوابــة

كلامك سليم ياصاحبى ودة عايز سعى واجتهاد من الانسان

اشكرك جدااا

تحياتى

السر فى المفتاح!

















لكل حاجة حاجة ودى مش محتاجة حاجة يبقى بلاش نصعب الامور على بعض ونحط تحت كل حاجة خمسين خط ومليون حد الحياة حاجة عادية مرئية حتى الكفيف بيشوفها بقلبة وعقلة الحياة طريق وكل حاجة ممكن تضحك علينا وتمثل دور البرىء وابقى انا وقتها الجلاد واستحق الجلد والجرى داير مايدور حوالين البلاد

------------------

همك تكون حاجة ومش عارف ازى تكون حاسس ان كل حاجة وقفة ضدك ومش معاك وان الناس والدنيا صبحت نار مصيرك فيها الهلاك نظرتك دى ولانظرة الوهم وطريق الخوف اللى انت راسمة لنفسك وحلفت لتمشى فية مش عشان مفيش غير دة طريق ومفيش لينا غير دة اختيار بالعكس انت ادام منك ملايين الطرق بس الكسل جواك بيهد فيك وبيرمى جدتة عليك ومفيش غير انك تتخلص منة وفى بوابة المستغنى عنة ترمية واقفل علية بالمفتاح

--------------------

مش كل حاجة مهمة ومش مهمة نحب نحتفظ بيها او نرميها بنقفل عليها بالمفتاح عندك الاسرار جوانا مكتومة ومقفول عليها بالمفتاح والمفتاح جوة البحر او جوة البير مستخبى وفى دار الامان موجود يبقى لية اسلم واقف مكانى اشكى واحكى وابكى واصرخ واقول كلام مش معقول وامشى فى طريق مفتاحة ضايع ومش معايا عايز تنجح امشى ديما فى طريق عارفة وفاهمة ومفتاحة معاك افتح واستغنى بعدها عن المفتاح لان بعد الدخول هنحتاج مفنتاح جديد لان القديم صدى وفضى منة الغرض انتهى

-----------------------

خليك قد المسئؤلية واعرف ان لكل حاجة مفتاح الحب والحنان الراحة والامان الغدر والعذاب القرب والبعاد الحزن والفرح يبقى تختار المفتاح وان مرة مسكت مفتاح ما كنتش راضى عنة واتفرض عليك غصب عنك مفيش غير انك ترمية مش تفضل تبص لية وتلوم الدنيا انها جبتة ليك وحظك ما كان كدة وتعمل مليون مشكلة وكل دة عشان مفتاح غلط كان بالصدفة فى ايدك

----------------------


اوعى تخلى حد يفرض سيطرتة عليك ويجبرك على شىء مش بتحبة ويبعت ليك تهديد لتخد مفتاحة لترضى بنارة ورياحة دوس ولايهمك امشى ضد التيار اقبل التحدى دوس على الصعب وعدى طول ما انت انسان وعارف طريقك انسى ان حد مهما يكون يقدر يغلبك مستحيل تتغلب الا لو مسكت مفتاح مش بتاعك يبقى انت الجانى على روحك وزرعت بنفسك جروحك

-------------------------

الدنيا ابواب وشبابيك ولكل منها مفتاح اختار اللى يناسبك وامشى فية ومهما تشوف فى وسط الطريق امشى وكمل وحاول توصل للنهاية ولايهمك من فلان وعلان خليك واثق فى نفسك وفى قدرتك وفى اختيارك وافتكر ديما مفتاحك وما تمشى يوم الا وهو معاك ولما يصدى وينتهى ارمية وطلع بدالة واحد جديد وادفن القديم واعمل حفلة للجديد

---------------------------


بس خلى بالك حد يشوفك وانتى بترمى مفتاحك او يشوفك وانت بتطلع الجديد دارى على شمعتك تقيد ودة صحيح لان كل اللى عمل غير كدة رجع حزين جريح

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل