recent

آخر الأخبار

recent
recent
جاري التحميل ...
سكينةيقول...

خدك الحماس في الحديث عن الحرية ونسيت تقولنا عن الأماكن التي أشارت لها الكاتبة في مقالتها
:)

Tamer Nabil Moussaيقول...

سكينة

وعايزة تعرفيها لية هههههههههههههه

الاماكن تختلف واعتقد انها مش مهمة اكثر من الفكرة العبقرية اللى حنان طلعتها دى

تحياتى

reriيقول...

أتفق معك في كل ما قلت عن مفهوم الحريه .... وأتعجب لمقال حنان ... بس ممكن يا تامر تكون بتسخر من أوضاع قائمه بالفعل ... ولا هي فعلا قصدها تعمل دليل عن الأماكن زي دليل التليفونات كده ...ههههههههه.. مش عارفه

سلامااااااااااااات

غير معرف يقول...

طيب أيه رأيك في في ما طرحته حنان نسجنها كمان ,عندما تكون الزنزانه هي الحل لقضايا الراي أنا وانت وكل واحد مهدد بذات المصير ,تامر كلمة الاساءة للدين كلمة فضفاضه بمعني ممكن أنت تعتبر كلامي اساءه للدين وغيرك لا بري هذا ,تامر لا نريد أن نرجع للوراء ,يا سيدي الدين لن يضر لو جاهل أساء اليه

gohaynaيقول...

الحريه هيا ان تفعل ما تريد بشرط الالتزام بنعاير المجتمع ودون الخروج علي النسق العام

صدقني الي عملته حنان دا سرعان ما هتعرف انها كانها بتخبط راسها في الحيطه

الحيطه دي هيا جدار منيع اتربينا علي مبادئه وقيمه

وبجد ظاهره وهتعدي

هي اساس مش من الاهميه علشان حتي الواحد يتعب نفسه ويعلق عليها

الي زي دول مصيرهم وحلهم التجاهل

وبعدين الاضمحلال هيجي لوحده وهيكون نهايتهم

تسلم ايدك

وبعتذر عن انشغالي وعدم التعليق علي البوست الي فات

بعتذر بجد

تحياتي يا تامر

غير معرف يقول...

ما فتكرش إن أبله حنان هتجيب جديد
ما الناس كلها عارفه أماكن البوس و خلافه
أول ما تلاقي واحد ماشي في إيده جردل حاجه ساقعه، هتبص جنبه تلاقي يافطة : للكبار فقط
.
.
البوس(ت) .. ده للكبار فقط
;)

مـحـمـد مـفـيـديقول...

حبيبي تامر
الحريه هي قمه التقيد
التقيد بالميادئ والاسس والقواعد

يا مراكبييقول...

أنا طبعا قولت رأيي في البوست اللي فات بهذا الخصوص .. لكن الكتاب اللي إنت اشرت إليه ده فضيحة لوحده

للدرجة دي؟ كل يوم بنتفاجيء بشيء غير متوقع وخارج حدود تفكيرنا .. زمن عجيب

The Alienيقول...

إحنا متفقين علي تعريف الحرية
الحرية بلا حدود وسقفها الوحيد هو حرية اﻷخر

أنا مختلف معاك ف حاجة
أنا شايف إن اﻷديان كمان قابلة للنقاش والجدل
ومن حقي أقول رأي ف أي تفاصيل ف الدين لإن
أولا دا مش هيأثر علي الدين ف حاجة
ثانيا دا رأي شخصي غير ملزم لأي حد

تحياتي

ماما عبيريقول...

البت حنان دى عايزة علقة عشان تحرم هههههههه

قال نبوس نبوس وتحيا مصر واية دخل مصر فى الموضوع ههههههههه

بنوتةيقول...

الحرية طريق لاغنى للبشرية عنة الحرية احتياج كل فرد لكى يعمل وينتج ويشعر بالامان عندما يكتب ويعبر عن ما يريد من افكار الحق لكل انسان فى ان يفكر وان يبتكر ومن حق الاخرين قبول الافكار او الدخول فى جدال ونقاش معة فى هذة الافكار دون حجبها

كلام جميل ورائع ياتامر

تحياتى

دكتور لغة العيونيقول...

الممكن ان يخلع شخص فى بيتة هدومة هذة حرية لكن عندما ينزل بها الى الشارع هذا جنون وتتطرف ويجب ان يحاسب الا اذا كان مجنون فيتم علاجة


دة اللى بنقول علية مسئؤلية الحرية

افعل ما تريد لكن لاتضرر الاخرين بما تفعل

$ سهى $يقول...

الله ينور عليك تمور

كلامك سليم

يسلمواا

محظوظةيقول...

مقال جامد عن الحرية

فعلاا ياتامر الحرية التزام مش تسيب وخلطبيطة

تحياتى

Tamer Nabil Moussaيقول...

reri

حتى لو سخرية لازم تكون واضحة عشان لاتختلط الامور لان كدة ممكن واحد عايز يفعل شىء خارج يعمل مجنون

اشكرك جداا

تحياتى




masry

لا طبعا انا ما قولتش كدة ياصاحبى انا وضحت وظهرت وكتبت عن شىء لايرضى عنة الانسان المتحضر شىء خارج عن طبيعة البشر فهى تكتب لتعلن لنا دخول الانسان عصر الحيوان
الاساءة للدين تختلف عن التغير فية والتشيك والفرق كبير بينهما

اشكرك جدااا

تحياتى

Tamer Nabil Moussaيقول...

gohayna

التزام شرط اساسى فعلااا
وانا معاكى هى ظاهرة فعلاا لكن لايمنع من الكتابة عنها وتوضيح العفن الذى يوجد بداخل الفكرة المنحلة

انا فعلاا افتقدتك البوست اللى فات ولا يهمك المهم انك بخير


اشكرك جدااا

تحياتى




SAMEH

الاماكن معروفة لكن الاعلان عنها كارثة وتحليل ما يحدث فيها مصيبة

اشكرك جدااا

تحياتى

Tamer Nabil Moussaيقول...

محمد مفيد

الحريه هي قمه التقيد
التقيد بالميادئ والاسس والقواعد

كلام سليم يامحمد

اشكرك جدااا
تحياتى






يا مراكبي

هو مقال مش كتاب بس انا كتبت الكتاب يبان من عنوانة كامثال وبيان للمقال دة

اشكرك جدااااا

تحياتى

Tamer Nabil Moussaيقول...

The Alien

كويس ان فية اتفاق فى شىء ودة طبيعى يكون فية اختلاف

بالنسبة للدين ممكن نناقش تفسير بعض الشيوخ لكن الاساس الذى نزل من عند الله لاجدال فية ولكن الاختلاف والمناقشة فى كيفية فهم رجال الدين لكلام الله


اشكرك جدااا

تحياتى





ماما عبير


عليكى انتى الموضوع دى بقى هههههههههه
اقول اية بس لعلب عيال

اشكرك جدااا

تحياتى

Tamer Nabil Moussaيقول...

بنوتة

ربنا يخليكى تسلمى

اشكرك جداااا

تحياتى







ana mean

اكيد طبعا ياصاحبى مش معقول نترك احتلاط الامور

اشكرك جدااا

تحياتى

Tamer Nabil Moussaيقول...

$ سهى $


ربنا يخليكى تسلمى

اشكرك جدااا

تحياتى




محظوظة

ايوة لو بقت بقى خلطيبطة تبقى اية ؟؟ظ مش حرية

اشكرك جداا

تحياتى

أسووريقول...

أحب اقولك من وجهة نظرى كصحفية
البنت دى نجحت انها تثير جدل حول الموضوع بتاعها
تبقى نجحت كصحفية

معلش .. بس هى دى الحقيقة
الحقيقة انها خلتك كتبت عنها ودة فى حد ذاته انجاز رغم انها مغمورة ومالهاش اسم
:))))

غير معرف يقول...

موضوع مهم ياتامر

الحرية دلوقتى تستغل اسؤ استغلال

كل واحد يكتب او يعمل شىء عبيط ولما حد ينصحة يقولك حرية وكأن الحرية خروج عن الاصول وبقت انحلال

تحياتى

غير معرف يقول...

معاك حاجة تحرق الدم فرق كبير بين الحرية والانحلال


أتفق معك في كل ما قلت عن مفهوم الحريه
تحياتى

بنت البلديقول...

كلامك مظبوط ياتامر

نعم للحرية لا لاانحلال باسمها


تحياتى

ليلى حسينيقول...

تفعل ما تشاء دون ان تضر الاخرين دون ان تتعدى على الاديان ونشر الفتن والفجور بين الناس كل دة غير مسموح

بوست مميز ياتامر

تحياتى

voice of loveيقول...

يا كسوفى
يادى الفضيحة ام جلاجل
يادى الجرسة ام حناجر
هههههه

el2ahwagiيقول...

أهم و أقوى ما فى كلماتك هو أن الحرية مسئولية

ده صح
وإلا أصبحت الحرية فوضى

و صحيح أن حدود حريتك هى حرية الآخرين

يعنى مثلا انت حر تعلى صوت المزيكة اللى بتسمعها طالما بتسمع بالهيدفون لكن من خلال السماعات انت ققط حر بما لا يضجر آذان الآخرين

و هذا هو الأساس الوحيد الذى يجب أن يقنن الكلام فى الأديان أو الفجور و خلافه

من حق أى واحد يناقش الأديان أو حتى ينكرها طالما ... أولا لا يفرض رأيه على أحد ... ثانياً لا يتطاول على أحد أو الأديان الأخرى
مقولة أن الأديان سماوية إسمحلى لا يجب أن تكون السبب فالأديان بالنسبة لنا سماوية و لكن ليست بالضرورة للمتكلم
يعنى إحنا لا نعترف بالديانة البوذية انها سماوية لكن من حق المؤمنين بها علينا إحترامهم و هكذا

أما موضوع أماكن البوس فى مصر ههههه كمثال يعنى ...
من حقها أن تكتبه
و من حق وعينا أن نرفض ما تكتبه
و ليس من حقنا أن نسفه من يبحثون عن أماكن البوس هههه بقصد الإجبار على منعهم

و ليس من الحرية أن نمنع الكتاب من النشر أو ان نضع الضوابط
طالما لا إجبار فى شراء الكتاب

يعنى من حق المدخن أن يدخن طالما لا يلوث الهواء الذى أستنشقه

على فكرة ... دى بقة قضية تستحق أن تتبناها و تدافع عنها لأنها أكثر أهمية من صد كتاب زي أماكن البوس

على فكرة أنا متفق معاك إن دى قلة أدب هههه

الموضوع ده حيوى و دقيق و عرضك له فى حد ذاته شيء جميل

عاشقة الوطنيقول...

للأسف ياتامر فيه ناس كتير فاهمين معنى الحرية بمعنى مختلف ومعنى اخر

بس ياريتهم يعرفوا معنى الحرية الحقيقي

جميل البوست
والأجمل اننا نفهم معنى الحرية الحقيقي

تحياتى

سلااااام

الحب انسان حساسيقول...

كتييييييييييييييييييييير

صاحب البوابــةيقول...

اوافقك بالفعل

فقد قرأت هذا المقال وساءني جدا

وعقدت العزم على ارسال ايميل لها يحمل احتجاجي من اسفافها الفكري

غير انه ولإنشغالي فقد تورات الفكرة من ذهني حتى نسيتها تماماً

اعترف اني مقصر لأنى لم ارسل هذا الايميل الذي يعبر عن رأي شريحة كبيرة ضد اسفافها

تحياتي عزيزي

SomeOneيقول...

أنا مررتلك تاج
:)

طارق مكىيقول...

البوست حلو

ومد يداك كما تحب دون ان يتعدا صابع يداك عينيا
هذة هيا الحرية كما اعرفها
وشكرا على البوست

حائر في دنيا اللهيقول...

عارف يتامر انا لما قريت المقال، اتضايقت فعلا، فحنان الجوهري مستواها جميل في الكتابة ولكن ليست لتلك الدرجة
ومن ثم نقول حرية
فحرية بدون مسئولية تصير فوضى

مع تحياتي

Tamer Nabil Moussaيقول...

ياسمين

اختلف معاكى

مش كل ماكتب عنة شىء ناجح

عندك الكذب والنفاق واشياء كتير سلبية بينكتب عنها مجلدات نحذر الناس منها


معنى كدة ان دة دليل على نجاح الافة دى

اشكرك جدااا

تحياتى



وردة الخريف


فعلاا مفيش حد دلوقتى بيقبل النصيحة ويعتقد انة هو وحدة ابو العريف

اشكرك جدااا

تحياتى

Tamer Nabil Moussaيقول...

مريم العجيلي

اشكرك جداا

تسلمى

تحياتى





ست البنات


ربنا يخليكى تسلمى

اشكرك جداا

تحياتى

Tamer Nabil Moussaيقول...

ليلى حسين

ربنا يخليكى اشكرك جداا

واتمنى الناس تعرف الفرق كبير بين الحرية والانحلال

تحياتى





voice of love

ههههههههههه

اية دة كلة هو فى اية يا ابلة هههههه

اشكرك جداا

تحياتى

Tamer Nabil Moussaيقول...

el2ahwagi

عارف عزيزى المشكلة فى ان ناس كتير لاتفرق بين الحرية والانحلال وتدعى الحرية لفعل كل شىء مخل

اما الاديان يمكن ان نتكلم ونعترض على تفسير شىء فية لكن الاصل لااقتراب منة


اشكرك جداا

تحياتى



عاشقة الوطن

اتمنى ان الناس تعرف معنى الحرية الحقيقيى بعيد عن الانحلال والتسيب

اشكرك جداا

تحياتى

Tamer Nabil Moussaيقول...

الحب انسان حساس

هو اية اللى كبير حمادة ههههههه

نورت

تحياتى





صاحب البوابــة

اشكرك عزيزى على اتفاقك معى

الموضوع ان ناس كتير تعتقد ان الحرية هى عمل اى شىء بعيد عن كان حلال او حرام يصح او لايصح

اشكرك جداا

تحياتى

Tamer Nabil Moussaيقول...

شادي فايد

لية بس يا شادى مش بحبهم
ههههههههههه

تحياتى





طارق مكى

ربنا يخليك تسلم

تعقيبك اسعدنى

تحياتى

Tamer Nabil Moussaيقول...

حائر في دنيا الله


عارف ياصاحبى لو اعترفت بكدة هيكون اكثر احترام ليها لكن لو جيا وضحت وقولت ليها هتمسك اكثر بما كتبتة تحت ان دة حرية عبط بعيد عنك

اشكرك جداا


تحياتى

كم من الجرائم ترتكب بأسم الحرية 2

الحرية طريق لاغنى للبشرية عنة الحرية احتياج كل فرد لكى يعمل وينتج ويشعر بالامان عندما يكتب ويعبر عن ما يريد من افكار الحق لكل انسان فى ان يفكر وان يبتكر ومن حق الاخرين قبول الافكار او الدخول فى جدال ونقاش معة فى هذة الافكار دون حجبها
--------------------------
متى تكون الافكار غير قابلة للجدال والنشر ؟ عندما يتعلق الامر بالاديان فهى ليست افكار بشرية ليتم الجدال ومناقشة ما فيها ومحاولة التغير فيها هذا جنون وتتطرف وليس فية من الحكمة والعقل ايضا نشر الفجور والفسق ومحاولة تشجيع الناس علية باسم الحرية دى ليست ايضا افكار للجدال مثال - من الممكن ان يخلع شخص فى بيتة هدومة هذة حرية لكن عندما ينزل بها الى الشارع هذا جنون وتتطرف ويجب ان يحاسب الا اذا كان مجنون فيتم علاجة
----------------------------

الحرية مسئؤلية قبل كل شىء لها حدود واضحة وضوح الشمس لاغبار عليها من حق كل انسان ان يكتب ويجادل ويرفض احكام ويناقش جميع الافكار البشرية حيث لايوجد انسان يملك الحقيقية واحدة
-------------------------------

قرات مقال لواحدة اسمها حنان الجوهرى تحت عنوان قائمة بأفضل اماكن البوس فى مصر نبوس نبوس وتحيا مصر وكما نقول الكتاب باين من عنوانة الانسة تدعو الاحبة وترشدهم الى الاماكن التى يتاح لهم فيها ممارسة الحب بكل حرية وبعيد عن الناس الوحشة اللى بتقول دى قلة ادب اريد انسان يقولى دى يصح او هذة افكار مناسبة للنشر تحت شعار الحرية فهى تقول انتشروا فى الارض وبوسوا بعيدا عن الناس الرخمة والغلسة
-----------------------------------
واحدة زى حنان دى اعتبرها من الناس العبيطة المفلسة لايصح معها الجدال ومناقشة الفكرة العظيمة اللى حضرتها اخترعتها لنا تشجيع على البوس وتحديد الاماكن التى هى بعيدة عن عيون الناس الوحشة دى مش افكار دى قلة ادب
------------------------------------
من هنا نعلن ان الحرية هى ان تفعل ما تشاء دون ان تضر الاخرين دون ان تتعدى على الاديان ونشر الفتن والفجور بين الناس كل دة غير مسموح بة غير كدة اكتب بحرية ما شئت من افكار وناقش واعترض على الافكار البشرية فالفكر يناقش بالفكر مدام لايشجع على الاصول الثابتة التى تكلمنا عنها

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل