مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الاثنين، مايو 14، 2007

صراع لاينتهى مع النوم

شىء يجنن لما تحاول تنام ومتعرفشى وتحاول تتحايل على النوم تبوس ايدة ياعم نوم خدنى الى حضنك خدنى ومفيش فايدة زى ما يكون فية طار بينك وبين النوم وحلف ليعذيك ويطير من عنيك شىء صعب انك تبقى عايز تنام ومش عارف
---------------------
تنقلب مرة واحدة بهلوان وتشيل المخدات كلها وتحتطها فوق دماغك وتكتم نفسك يمكن تتأثر وتقوم تشرب كوبية مياة وتخبط على دماغك وتنط على السرير وتحضن المخدات مرة على جنبك اليمين وعلى الشمال وتتقلب وتقع على الارض ومفيش فايدة والنوم لسة هربان ومن بعيد بيطلع لينا لسانة
----------------------
تحس انك فقدت قدرتك فى التحكم فى نفسك والسيطرة عليها واحيانا يصل الامر لتكسير اول شىء قريب مننا تعبير عن قمة الغضب اللى انت وصلت ليها ! الناس بتوع الطب بيقولك دة ارهاق وبال مشغول وكلام غريب بقى زى العقل الباطن لما بيصحى ويعمل معاهدة مع النوم واتفاقية على هدم سعادة حضرتك وحرمانك من النوم عشان خطفت منهم بعض الافكار وانت زاهب الى الخندق اللى هو يعنى السرير
------------------------
وتجد نفسك قعدت قعدة القرد على السرير وايدك على الخدود ودمعك سايل انهار بحور ولا لية وقت ولا حدود تحاول تخرج الافكار من دماغك وتعمل مبادلة اسرى بينك وبين النوم مفيش فايدة خلاص النوم كبرت فى دماغة واعلن العصيان ومش هتنام يعنى مش هتنام ! وتكلم نفسك طيب ازى اروح الشغل من غير ما انام تجد اللى قعد فوق دماغك وطلع ليك لسانة ويقولك اعرف قيمتك وقدراتك والعب على قدك
-------------------------
تجنن اكتروتكبرفى دماغك ونعلن التحدى لان جواك مش قابل ابدا السيطرة دى من النوم وانة الوحيد فى العالم المسئؤل عن الراحة وقدرتة على تغميض العيون وتحاول تفكر اكثر فى التخلص من النوم ! لكن ترجع تقول انا محتاجة مقدرشى اتخلص منة رغم انة تعبنى ومطلع عينى تتوصل الى حل انك تمشى اللى فى دماغ النوم من غير مشاكل وخلاص وتفضل سهران واى مشوار او شغل ابقى اتصرف فية وكدة ابقى سمعت كلام النوم وريحتة وبكرة يرحنى
--------------------------
وتحلف بعدها انك لاتشيل افكار ولا بال مشغول وانت رايح على السرير عشان ما يحصلش اللى حصل والصراع يعود تانى مع النوم لكن من المستحيل حد فينا يتخلص من الافكار والبال المشغول عند النوم ان كان بعض الوقت لكن ليس كل الوقت

هناك 66 تعليقًا:

Amira يقول...

عندك حق هو صراع لاينتهى ابدا
مين اللى يقدر لو بالة مشغول بحاجة يمنعة انة يفكر فيها

محمد فوزي آل ربيع يقول...

يمكن أنا عمري ما حسيت الإحساس دة لأني طول عمري بدخل السرير بلاقي نفسي رحت في سبات عميق

احرص إنك تفضي كل طاقتك قبل النوم

تامر : أسلوبك فعلا بيعجبني و عجبني أكتر البوستين اللي فاتوا ((كم من الجرائم ترتكب بأسم الحرية ))


تحياتي

Tamer Nabil يقول...

Amira

مفيش حد على ما ا اعتقد التفكير بيعمل دليت جوانا لااحساس النوم

اشكرك على المرررررررر وعلى المتابعة الجميلة

تحياتى





محمد فوزي آل ربيع

يابختك يامحمد يارب على طول الاحساس دة عندك يدوم


الطاقة بخلص عليها اول بأول لكن احيانا فية جاجات غصب عنك تجد نفسك فى مواجهة معها وتخطفك وتخطف النوم من عنيك

اشكرك يامحمد على كلامك وتشجعيك ليا


اشكرك على المرررررررر وعلى المتابعة الجميلة

تحياتى

Rivendell** يقول...

ياربي نفس المأساة

بس انا بقى عضلاتي كلها كمان بتبقى شادة وفين وفين .. لأ فين وفييييييييييييييين
لما بعرف انام .. انا ما بكسرش حاجة وبقيت بستسلم اول ما بحس انها هتجيب خل وانه مافيش نوم بقوم من السرير ادور على حاجة اعملها .. اينعم عيني بتبقى بتقفل لوحدها لكن مش عارفة انام
هآآآآآآآآآآآآآآآوم

يا مراكبي يقول...

اللي بتحكي عنه ده أسوأ حاجة ممكن تحصل للواحد وفعلا بتدمر الجهاز العصبي للواحد وممكن تقضي بعدها نهار سيء جدا في الشغل

الحل الوحيد إنك تكون عامل مجهود كبير علشان أول ما تخش تنام تروح واقع زي الطوبة وتجيب الصبح على طول

وينكى يقول...

عاااااااااااااااااااااااااا
الحاله دى بتحصلى فى ليالى الامتحان
بابقى باعيط عشان انام ومافيش فايده
ولك ان تتخيل شكلى تانى يوم
جيت على الجرح يا تيمو

شادي فايد يقول...

:)

لالالا

انت لو طول النهار بتلف على رجلك

ومواصلات وميكربوسات

وبعدهم تروح الاستاد تتفرج على متش
وتخش وسط زحمة الدرجة التالتة

وبعدها بقي تهفك نفسك على لعب الكورة

تقوم تروح تلعبلك ساعتين تلاتة كورة

وبعدين ترجع همدان تعبان حتموت وتشوف السرير

برده حتفكر وتسرح ومش حتنام

:P

SAMEH يقول...

كأنك يا عم تامر بتحكي حكايتي مع النوم
معظم الأعراض اللي إنت قلتها بأعاني منها يومياً
و خصوصاً إني بقالي 6 شهور بأشتغل بالليل و بأنام بالنهار
يعي الساعه البيولوجيه بتاعتي محتاجه صيانه
لدرجة إني خلاص ما بقتش أقاوم
بأسيبه يعمل كل اللي هوا عايزه لحد ماجيب جاز و ألاقي نفسي رحت في غيبوبه مره واحده
يا ريتني زي الأخ محمد فوزي
سلام

قلوب حائرة يقول...

طيب احمد ربنا انك عندك وقت للنوم اما اللي حتى معندهمش وقت ليه هيعملوا ايه

fad-fadat nour يقول...
أزال المؤلف هذا التعليق.
fad-fadat nour يقول...

ايوة زيما بيقولوا النوم سلطان

انا برضه بتجي لي نفس الاعراض دي بالذات بقي لمايبقي عندي حاجة مهمة الصبح بدري

ما تعرف لناش عيادة تعالج الحالة دي؟

ana mean يقول...

النوم سلطان بس باين عند بعض الناس حرمان

مشكلة فعلاا لما الواحد يكون عايز ينام ومش طالبة معاة

وزى ما قولت هيا حالة بعض الاوقات

Hannoda يقول...

اللي بتحكي عنه ده تجربة مريت بيها كل ما بفتكرها بترعب و بخاف .. وبتألم لأي حد ممكن يكون بيمر بيها

لما تقلب الحكاية عند بينك و بين النوم..

ولما إتحلت إتحلت لوحدها ماعرفش إزاي

ربنا يبعد عنك الهم ده..

فعلا سبحان الله على خلقة للإنسان اللي قادر يغزو الفضاء

لكن غير قادر على تقرير إمتى ينام
إمتى يفرح

إمتى يرتاح

ربنا يقويك


تحياتي

شربات يقول...

التفكير قاتل للنوم قريت ابحاث كتير عن الموضوع دة

عارف ياتامر افضل حاجة تحاول على قد ما تقدر انك ماتفكرشى فى حاجة

خالص وانت رايح النوم انسى الدنيا وما فيها ولو مؤقتا عند النوم

تحياتى

micheal يقول...

كلامك صح مليون الميه لاني من أكتر الناس اللي عاصروا الارق
:)
تحياتي لك

reri يقول...

الأفكار لا يحلو لها الظهور إلا وقت النوم ... وكأنها بتتخانق معاك وبتقولك إوعي تنام ... بس علي مين ... بقهرها والنوم بييجي يدوسها
البوست هيجيبلي أرق يا تامر

سلامااااااااااات

gohayna يقول...

اهو انا بقالي من ساعت ما وصلت الكويت

وانا مش عارفه انام

مع اني كنت بنام قتيله في مصر

هنا بجد بتحايل علي النوم علشان يجي

وميحلاش التفكير غير في السرير

انا قربت اخبط او اكسر دماغي في الحيطه يا تامر

هاخد منوم خلاص

انت بتعرف منين الحاله الي انا فيها وبتكتب عنها؟

الف مليون شكر لسؤالك عليا يا تامر

بجد اخلاق

تحياتي

وردة الخريف يقول...

بتحصلى كتير حكاية الارق وعدم النوم دى وغالبا طاير النوم طاير

ولايحلو الا وقت ما انت عايز تصحى

حلم عمرى يقول...

لو مافيش نوم بقوم من السرير ادور على حاجة اعملها

هعمل اية حكم القوى

تحياتى

اسماء عفيفى يقول...

احساس صعب عدم النوم

انا بتخنق منة وخصوصا لما يكون ورايا حاجة الصبح ومجبرة انام ومش عارفة

يبقى هاين عليا اكل النوم دة ههههه

Tamer Nabil يقول...

Rivendell**

طيب لو مفيش حاجة تعمليها هتعقدى قعدة القرد وايكد على خدودك صح هههههه هيا مشكلة

اشكرك على المررررررررر وعلى المتابعة الجميلة

تحياتى





يا مراكبي

ممكن المجهود يكون لية تأثير كبير على الانسان عند الخلود الى النوم لكن غالبا الفكير يقتل اى مجهود وكأنة غير موجود


اشكرك على المررررررررر وعلى المتابعة الجميلة

تحياتى

Tamer Nabil يقول...

وينكى
بعد العياط تبقى عاملة اية اية مش عارف كنت قولى بقى ههههههههه

اكيد بيكون الحالة صعبة وعايزة علاج اسالى مجرب ههههه

اشكرك على المرررررررر وعلى المتابعة الجميلة

تحياتى







شادي فايد

كل دة ياخرابى اية ياعم دة طابور زنب ههههههههه

ورغم كدة انت اهو متاكد مش هتعرف تنام يبقى لية التعب من الاول وكمان هنجيب وقت لكل دة منين هههه

اشكرك على المرررررررر وعلى المتابعة الجميلة

تحياتى

Tamer Nabil يقول...

SAMEH

مشكلة فعلاا عزيزتى وخصوصا تغير اوقات النوم مرة ليل ومرة نهار دى حاجة صعبة جدا ربنا يعنينا عليها

اشكرك على المرررررررر وعلى المتابعة الجميلة

تحياتى





قلوب حائرة

الحمد الله على كل شىء اللى مش عندة وقت ازى فية حد مش عندة وقت للنوم اصل دى حاجة مش بالمزاج ولا هى اختيار


اشكرك على المرررررررر وعلى المتابعة الجميلة

تحياتى

Tamer Nabil يقول...

fad-fadat nour

عيادة هههههه

ياريت فية لو عطرتى فى حاجة ابقى قوللى ليا وهو نروح نتعالج انا وانتى وكل المحرومين من النوم
هههههههههه
اشكرك على المرررررررر وعلى المتابعة الجميلة

تحياتى




ana mean
فعلاا مشكلة وبعدين سلطان مات خلاص هههههههه

ربنا يعين



اشكرك على المرررررررر وعلى المتابعة الجميلة

تحياتى

Tamer Nabil يقول...

Hannoda
عندك حق شعور واحساس صعب وبنغلب نقاومة وبنستسلم لية هنعمل اية

ربنا يصبرنا

اشكرك على المرررررررر وعلى المتابعة الجميلة

تحياتى







شربات

اكيد طبعا التفكير قاتل جداا اسالينى انا علية


ياريت ينفع او اقدر كنت ارتحت لكن نعمل اية


اشكرك على المرررررررر وعلى المتابعة الجميلة

تحياتى

Tamer Nabil يقول...

micheal

ربنا يصبرنا ويبعدنا عنة مايكل

لااحسن شعور صعب جدااا


اشكرك على المرررررررر وعلى المتابعة الجميلة

تحياتى





reri


البوست هو يعلاج الارق ازى بقى تتهمية هذة التهمة الكبيرة ههههههه


معلشى بقى دورى معنا على حل للموضوع دة واللى يوصل يقول للتانى

اشكرك على المرررررررر وعلى المتابعة الجميلة

تحياتى

Tamer Nabil يقول...

gohayna

حمدالله على السلامة صديقتى العزيزة

معلشى قاومى الاحساس دة وان شاء الله تتغلبى علية هو ناتج لتغير المكان والجو واختلاف التوقيا فعلاا مشكلة بتاثر على الجهاز العصبى

كلها كم يوم وتتعودى على النظام الجديد والنوم يبقى سلطان

بعرف منين سر بقى فية حد يكشف الاسرار ممكن تسرق هههههه

ربنا يخليكى تسلمى

خلى بالك على نفسك واعى تفتكرى انك وحدك احنا هنا كلنا جنبك

تحياتى




وردة الخريف

الحالى دة لما تكون موجودة لاتختفى الا بعد قرب ظهور الشمس احلى وقت للنوم هههههه




اشكرك على المرررررررر وعلى المتابعة الجميلة

تحياتى

Tamer Nabil يقول...

حلم عمرى

طيب لو مفيش هههههه

ربنا يسطر

اشكرك على المرررررررر وعلى المتابعة الجميلة

تحياتى





اسماء عفيفى


ياريت ينفع يتاكل كنا ارتحنا ههههههههههه

دة قدر لاهروب منة


اشكرك على المرررررررر وعلى المتابعة الجميلة

تحياتى

بنوتة يقول...

احساس صعب اوى ياتامر

بس اية الحل؟

الارق زى الاكتئاب بيجى على غفلة ومن غير ميعاد

Spider Man يقول...

Normally when there is no reason Busy sleep, but we try to get rid of this matter to rest and not thinking is difficult but requires patience and experience

ست البنات يقول...

ياة ياتمورر جيت على الوجع

انا بتخنق من الاحساس دة

ربنا يهون علينا وقتها

koko يقول...

وجود وقت محدد كل يوم للنوم يبعد عننا اى ارق وعدم رغبة فى النوم

النظام حلو فى كل حاجة

تحياتى

boosy يقول...

لو فية مجهود طول النهار اعتقد ان النوم هيكون اقرب للعيون من اى وقت تانى

حائر في دنيا الله يقول...

الأرق
عدوي الكبير
فأنا كائن أحب النوم جداً ولكن حتى اتخطي مشاكلي وتفكيري و و و يكون الديك أذن والشمي قربت
فاللهم ارزقنا راحة البال والقلب

ياسمين يقول...

الارق طريق بلا نهاية تتحطم عندة اقوى الاعصاب

البعد عن كل ما هو ضار من تدخين وخلافة يبعد عنا هذا الارق

تحياتى

ميساء يقول...

موضوع مهم ياثامر

واتكلمت عنة باسلوب شيق

تحياتى

bos bos يقول...

أنا عارفة الصراع ده لأنى على طول بجربه

كراكيب عادل يقول...

النوم هو الضيف الوحيد الي لو جالك يريحك ولو انت روحت لة يتعبك

يا عم متروحش لية خلية هو يجيلك

انا بعمل كدة كل ليلة استحالة اروح للنوم لغاية ما يترجاني

:)

$ سهى $ يقول...

قلة النوم غير مفيدة

ولما تكون بدون موافقة مننا تكون اصعب

بس هنعمل اية مفيش غير الصبر او محاولة عدم شغل البال على طول ودى صعبة شوى

يسلموا

mohd76 يقول...

والله اخوى تامر النوم

فية من يقول ان دخل التفكير من الباب هرب النوم من الشباك

اهم شىء لما تذهب الى النوم لاتفكر فى شىء

الله يعين

غير معرف يقول...

كلامك صحيح انى بتحصل ليا كتير ومش عارف اعمل اية

احساس يجيب الضغط

احيك على الموضوع واسلوبك الرائع

masry يقول...

انا بقي أحيانا بيخيم علي النوم لكن برفض أنام لا ادري السبب ,أعتقد أنه في أوقات بتكون ساعات اليقظه فيها بتكون جميله ولا احب أن اهدرها بالنوم جائز هذه يكون السبب .ايه رايك في الحاله دي

mohandat يقول...

السلام عليكم
انا بعيش الحوار ده كتير
بس هنعمل ايه
اقولك علي حل علمي وحل ديني
والاتنين واحد
الحل العلمي بيقول عد لحد 100
والديني بيقولك اقرء قران
والاتنين بمعني انك تشغل باللك بحاجه تخليك تنام
------------
الف مبروك يا جميل علي فوزك المستحق
ومعلش كنت غايب وغيبت عن التعليق عندك
اخوك مهند

A.SAMIR يقول...

ااااااااه
طب بتقلب عليا المواجع ليه؟
الايام اللي زي دي بتبقى فعلا في منتهى الكأبة والغلاسة
وتاني يوم بقى بيبقى قمة التعب والارهاق
تحياتي واحتراماتي ومنوماتي

Yosif يقول...

ياااااه .. متخيل شعورك تماما وعارفه .. مريع و مؤلم وقاتل .. و لو التفكير بس المشكلة ابقي عارفه اكتر .. اعتقد ان اللي بيحصل معاهم كده غالبا بيفكروا كتير طول اليوم مش بتجيلهم الافكار بس ساعة النوم .. و عند النوم وعدم وجود عمل او كلام يشغلهم بجد الدماغ او الموتور فرصته للعمل بلا رحمة .. ساعات بانام بعد ساعة ونص او ساعنين و انا في السرير والموتور شغال و لو في توافه .. حتي لو شغال ومتبهدل طول اليوم وحتي لو صاحي من خمسين ساعة .. لو مشكلتك زي كده مش مسالة بدنية او خلل في مواعيد النوم او مش يوم او يومين عابرين.. مفيش حل للنوم بس .. المفروض تلاقي طرق تقلل بيها جرعة تفكيرك عموما وتزود حركتك و عملك يعني تعود الموتور ينتج افكاره عمليا و تلهيه عن الشغل بلا طائل.. لك تحياتي ..

صاحب البوابــة يقول...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتوح شوشة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

Diyaa' يقول...

حاسس إنك بتكتب عني في المستقبل
انا دلوقتي مسالم وبسيب الأرق يعمل اللي عايزه فيا ..والدموع خلصت الكريديت بتاعها خلاص :))
بس بجد الموضوع صعب ..وتبريره إننا ضعاف أوي ..محدش ربانا نبقي أقوي ومحدش ربانا نستمد قوتنا من ثقتنا بربنا ..بس هتتعدل بإذن الله
المهم ..تلقائيتك دي بتقول إنك مريت بالليلة دي
يا تري بقي كسرت إيه ؟:$

walaa يقول...

هو فعلا بيبقى صراغ غلس جدا .. انك تتحايل ع النوم وهو ولا ساءل فيك .. حاجه تقهر ..

اجمل حاجه بجد اني صار لي فترة والحمدلله بعيد عن الصراع ده .. عارف اقولك على حاجه جميلة خلي اخر اخر حاجه تعملها يوميا انك تصلي ركعتين وبعدين تنام .. صدقني فرقت كتيييير معايا جرب وهتشوف..

تحياتي .. وتمنياتي بنوم هاديء و احلام سعيدة دائماً هههههه

Tamer Nabil يقول...

بنوتة

هو مالوش مواعيد بس الاكيد لية اسباب وتختلف من شخص الى اخر

اشكرك على المرررررررر وعلى المتابعة الجميلة

تحياتى






Spider Man


Yes, but patience is the destination experience my dear friend told me to please could I learned I sleep in peace

Tamer Nabil يقول...

ست البنات

الله ما امين لانة فعلاا احساس صعب جداا

اشكرك على المرررررررر وعلى المتابعة الجميلة

تحياتى






koko

كلام جميل لكن الحياة تجبرك فى بعض الاحيان على تغير وقت النوم من اجل العمل ولقمة العيش كمثال


اشكرك على المرررررررر وعلى المتابعة الجميلة

تحياتى

Tamer Nabil يقول...

boosy

طيب اللى بيسهر طول الليل وينام النهار يعمل اية وانتى عارفة ان نوم النهار غير مفيد مثل نوم الليل

اشكرك على المرررررررر وعلى المتابعة الجميلة

تحياتى




حائر في دنيا الله

هو عدونا كلنا ياحائر بس هنعمل اية بيكون قدر ولا مفر منة

ربنا يبعدة عنا
الله ما امين



اشكرك على المرررررررر وعلى المتابعة الجميلة

تحياتى

Tamer Nabil يقول...

ياسمين

بس التدخين مش هو السبب بس اتفق معاكى انة احدى الاسباب لكن فية اسباب اقوى زى اختلاف اوقات العمل من ليل ونهار دى بيتعب الاعصاب جدااا

اشكرك على المرررررررر وعلى المتابعة الجميلة

تحياتى




ميساء
ربنا يخليكى تسلمى
نورتى المدونة




اشكرك على المرررررررر وعلى المتابعة الجميلة

تحياتى

Tamer Nabil يقول...

bos bos

ربنا يصبرنا علية احساس صعب ويخنق واسبابة فى بعض الوقت تكون خارج عننا

اشكرك على المرررررررر وعلى المتابعة الجميلة

تحياتى





كراكيب عادل

حلوة الطريقة دى ههههههه

هو فية حد يقدر ويخلى النوم يترجاة كمان ههههههه

نجرب واقولك على النتيجة



اشكرك على المرررررررر وعلى المتابعة الجميلة

تحياتى

Tamer Nabil يقول...

bos bos

ربنا يصبرنا علية احساس صعب ويخنق واسبابة فى بعض الوقت تكون خارج عننا

اشكرك على المرررررررر وعلى المتابعة الجميلة

تحياتى





كراكيب عادل

حلوة الطريقة دى ههههههه

هو فية حد يقدر ويخلى النوم يترجاة كمان ههههههه

نجرب واقولك على النتيجة



اشكرك على المرررررررر وعلى المتابعة الجميلة

تحياتى

Tamer Nabil يقول...

$ سهى $

فعلا فية صعوبة كبيرة فى مقاومة الارق عند وجودة لان الاعصاب وقتها بنكون مرهقة بطريقة كبيرة

اشكرك على المرررررررر وعلى المتابعة الجميلة

تحياتى




mohd76

كلامك صخ بس ظروف الحياة والاعمال اللى فوق دماغك تخلى النوم دائم الهروب من الشباك هههههه

ربنا مع الجميع



اشكرك على المرررررررر وعلى المتابعة الجميلة

تحياتى

Tamer Nabil يقول...

Anonymous

هو من ناحية الضغط والقرف مش هقولك علية ههههههه

اشكرك على المرررررررر وعلى المتابعة الجميلة

تحياتى





masry

دى حالة مختلفة لما تكون انت اللى بتحاول تكون سهران عشان وقت ولحظة جميلة مش عايز انها تفوتك دى تختلف عن احتاجك للنوم وعدم الحصول علية دى مشكلة تتعب اما حالتك عادية لانها نابعة من جواك مش مفروضة عليك



اشكرك على المرررررررر وعلى المتابعة الجميلة

تحياتى

Tamer Nabil يقول...

mohandat

كلامك سليم وفى الاخص فى قراية القران والتقرب من الله يشيل عن الانسان اى هم


ربنا يباك فيك شكر ليك اصاحبى

اشكرك على المرررررررر وعلى المتابعة الجميلة

تحياتى





A.SAMIR


منومات انتى بتضيها كدة ولا اية ههههه
تعرف رغم احيانا ببقى هتجنن عشان مش عارف انام عمرى ما فكرت فى اخذ منوم نهائى انا عايز الطبيعى وهو فى كل حاجة يكسب


اشكرك على المرررررررر وعلى المتابعة الجميلة

تحياتى

Tamer Nabil يقول...

Yosif

كلامك سليم ياصاحبى انا المشكلة عندى بالدرجة الاولى اختلاف مواعيد العمل مرة ليل ومرة نهار مفيش مواعيد ثابتة للنوم ودة اللى بيخلينى فى حالة متعبة بدنيا ونفسبا

اشكرك على المرررررررر وعلى المتابعة الجميلة

تحياتى



صاحب البوابــة

المفروض يكون فية احترام لسن الرجل دة لانة مش ممكن فى السن دة ويقدر يضر حد بجد شىء يحزن اللى بسمعة دة

ربنا يفك سجنة ويهون علية

تحياتى

Tamer Nabil يقول...

Diyaa'
كسرت اية هههههههههه

اقرب حاجة بعد ما قومت زجاجة البرفان مع انها كانت لسة جديدة وبعد ما انكسرت جريت عليها زى ام عاشقة لاابنها وشلت الجثة وبحزن رحت ودفنتها

ههههههههههه

اشكرك على المرررررررر وعلى المتابعة الجميلة

تحياتى





walaa


هو من ناحية اغلاسة والرغامة مش هقولك عليها شىء يفرس بجد الاحساس دة

كلامك جميل القرب من ربنا بيهون علينا كتير




اشكرك على المرررررررر وعلى المتابعة الجميلة

تحياتى

عاشقة الكاريكاتير يقول...

احساس صعب جدا انا جربتة ياما

بس الحل انك تتطنش ياتامر وهى وقت بيعدى

ربنا يهون علينا

تحياتى

لسة نونة يقول...

احساس مش ظريف خالص

بس بلاش تفكير كتير ياتامر

فاهم

وانت تنام ههههه

Tamer Nabil يقول...

عاشقة الكاريكاتير

صحيح هو وقت وبيعدى لكن اطنش صعب اوى

اشكرك على المرررررررر وعلى المتابعة الجميلة

تحياتى







نونة

حاضر يافندم هههههههه

ياريت بايديا لو عندم حل قوللى علية

اشكرك على المرررررررر وعلى المتابعة الجميلة

تحياتى

Diyaa' يقول...

فداك 100 ألف برفان

خمسة فضفضة يقول...

السلام عليكم ورحمة الله وبركاته

اللي بتحكي عليه دي اكتر حاجه مقفرفه ممكن تحصل وتخيل كده حتي لو رحت في النوم بس مخك لسه شغال عمال يودي ويجيب وحاسس انك مش نايم لا قاعد تفكر في اللي حصل واللي هايحصل...بتصحي بعدها مدمر وحاسس ان حد ضربك علي دماغك ميت برطوشه وتفضل طول النهار مش مركز

زمااان الواحد كان يحط دماغه علي المخده يجيب الصبح ايام ما كان البال رايق
دلوقتي بعد ما ضاع البال الرايق بقي بيحصل اللي بتحكي عليه ده كتير


سلام

hana يقول...

بصراحة كل اللى بتوصفة دة يا تامر هوة اللى بيحصل لى انا دايما ماباعرفش أنام و الظاهر ملهاش حل أقربها النهاردة صاحية بدرى انا أصلا مانمتش غير بعد الفجر
لانى النوم رافض ييجى
على فكرة يا تامر المدونة تجنن
ربنا يوفقك
تحياتى لك
هنااا

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير