recent

آخر الأخبار

recent
recent
جاري التحميل ...
sahrيقول...

كلام العيون بيتهيالي دي اجمل لغه بتقدر تقول اللي احنا مش عارفين نقوله
واه احنا بنشوف ناس وبنلاقي نفسنا مرتاحين ليهم وبنحبهم برغم اننا مفيش معاملة معاهم وفيه ناس برده اول ما نشوفهم بيحصل العكس بنلاقي نفسنا متضايقين منهم ومش طايقنهم بس في الحاله دي مش لازم نعتمد على لغة العيون حصلت معايا كتير اكون متعقده ومتضايقه من حد مع اني ماتعملتش معاه قبل كده ولما تحصل صدفة واضطر اني اتعامل معاه بجد نظرتي ليه بتتغير 180 درجة وبعد كده اندم على اللي قبل كده
البوست دا رائع
بالتوفيق

مـحـمـد مـفـيـديقول...

وتبقي لغه العيون لغه مبهمه وخفيه بعض الشئ لبعض الناس
ولكنها لغه جميله

juliet2mيقول...

فعلا فيه ناس بنرتاح لها من اول نظره وناس تانيه بنبقي مش مرتاحين لهم
بس ممكن تكون نظرتي في الشخص ده مش صح
لغه العيون حاجه جميله اوي بس للاسف
مش كتير مننا يقدر يفهمها

ياريت تزورني وتقولي رايك ايه
سلاماتي

mohandيقول...

السلام عليكم
يا راجل
انت رجعت امتي
كل ده غيبه

حمد لله علي سلامتك وانك بخير


انا بحب لغه العيون بغرابتها وغموضها وكل حاجه فيها
بحس انها لغه بدون كذب مش عارف صح ولا لا

غير معرف يقول...

وهل يدون أعمارنا غير العيوت

فيها حزننا
شارتنا التى بها يعرفنا أصحابنا

فيها توقنا لما ننتظر ولم يأت بعد
العيون مدارات أعمارنا
فقط نتأمل قليلا
ونصدق إشارتها قليلا

ثم علينا أن ننلوح لهذا العالم بقبضاتنا

أستمتع بالقراءة
وأتواصل معكم عبر مدونتى
التى فقط أقرأ فيها حكاياتى كما تدركها عيونى
وفق عبر شرفات المساء
رابطها هو
http://hisham66.blogspot.com

Amiraيقول...

الانسان فعلاا يعتمد بصورة كبيرة على العيون فى معرفة الاخرين


لكن زى ما قولت ياتامر مش فى كل الاوقات لان احيانا النظرات والشكل يخدع

تحياتى

يا مراكبييقول...

أولا حمد الله على السلامة

ثانيا .. هي مش العيون بالظبط .. هي الأرواح

لأن الأرواح اللي تلاقت قرب بعضها وإحنا في عالم الذر قبل الخلق .. بتحس في الدنيا إنها إتقابلت قبل كده بس مش عارفين فين

فالأرواح جنود مجندة ما تعارف منها إئتلف .. وما تنافر منها إختلف

كراكيب عادليقول...

حمدلله علي سلامتك

انا متفق مع راي مراكبي

الارواح جند مجندة تتلاقي وتتجاذب وتتنافر

تحياتي

michealيقول...

كلام العيون و ان كان لغه ساميه الا أني لا أصدق فيها كثيرا
:)
حمد الله ع السلامه يا تامور
تحياتي لك

gohaynaيقول...

حمدلله علي السلامه يا عم

كل دي غيبه

يارب تكون بالف خير وصحه وسلامه


العيون وماادراك ما العيون

بتتكلم بلغه يتقنها المتمرس فقط في فهمها
وغالبا بيكون الحكم مظبوط ميه في الميه

انا شخصيا بؤمن بيها جدا جدا


تسلم ايدك يا تامر

ومتبقاش تغيب اوي كدا

تحياتي ليك

أحمد سلامــةيقول...

العين هي مفتاح الروح
منفذ ومدخل اليها
بتقول كتيييير جدا جدا عن الانسان اللي بنتعامل معاه
عالاقل في اوقات الضغط والاضطراب

بوست جميل يا تامر

voice of loveيقول...

ايه يا اخواتى ده ؟
حكيم عيون يا ناس
تعرف حاجة .. أدّعى ان عندى قدرة غريبة على فهم الناس من عينيها
يمكن ده لأن لغة العيون هى اللغة الرسمية فى تعاملاتى مع أصدقائى
يمكن أكون صح ويمكن أكون غلط
بس أنا شايفة انها أرقى لغة فى التعامل
تحياتى على البوست الرائع

Manoraيقول...

الظاهر انك كنت مختفى زى فابدا ااقولك اولا مرحبا بعودتك..
وثانيا كلام العيون بيقولوا عليه من اكتر اللغات البدائيه المعتمد عليها..
بس مش دايما الواحد نظراته بتعبر عنه..
ومش دايما النظرات بتقول الى انت تحس بيه فعلا..
بس ده لا يمنع ان الحب احساسه كتير بالنظرات ان البرائه تبقى فى النظرة و الخبث و الكره وى وى وى فى النظرات..
ااقدر اقولك متعتمدش عليه و اعتمد عليهه بس فى حاله معرفتك للشخصيه الى قدامك
اما النظرات من شخص متعرفوش مش هتطلع سليمة ابدا تفسيرك ليها..

smraa alnilيقول...

انا لا هزعق ولا هشتم
انا كل اللي هقوله اظهر الاول وبعدين ابقي اقول راي علي العيون دي

غير كدة بجد مش هرحمك
انت في ايه يا تامر
كل الغيبة دي

صاحب البوابــةيقول...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

رينـــــــــــايقول...

السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير

كلام عن العيون


لكل انسان عيون اكيد شىء طبيعى مفيش اختلاف علية! ونظرات العيون نخنلف من انسان الى اخر فى الشكل وفى المضمون وفى تقيم الاخرين ولايوجد شىء ثابت محدد للحكم على البشر بمجرد النظر بالعيون انا اعتبرها نظرة ناقصة تحتاج الى بعض الوقت لكى يكون الانسان عن طريقها حكم صحيح مؤكد
-------------------------
بمعنى عندما تقابل انسان ترتاح لة وتقترب الية وتشعر انك تعرفة من قبل او يوجد صلة قرابة بينك وبينة رغم انة لما يحدث هذا اللقاء والمعرفة التى تشعر بها ولكنها الراحة من اول نظرة لانعرف السبب ولكن البعض يقول ان العيون ترسل اشارة بكمياء الشخص فيترجمها المخ ويجدها تتوافق مع الكمياء التى بداخلة فيكون الحنين والشعور بالراحة من اول نظرة الى شخص ما
--------------------------
والعكس تماما عندما تقابل انسان ايضا وتشعر بالخوف منة وعدم الراحة ومحاولة الابتعاد عنة اغلبية الاوقات التى تجمعك بة مثل العمل وخلافة من الاماكن التى نرتبط بها والتواجد فيها لنا مهم
انها نظرات العيون المستقبل والمخ مترجم الكمياء
-------------------------
يوجد نوع اخر من النظرات وهى نظرات التشبية اى عندما ترى انسان وتقول لة ياة انت شبة فلان الخالق الناطق مع انة فى نفس الوقت لايتفق معك اشخاص اخرين انها النظرة الخاصة والكمياء المزاجية التى تختلف هنا من انسان الى اخر
--------------------------
ولكن هل يكون الحكم يالعيون كافى وصحيح ؟ اشك فى هذا الى حد ما فهى صحيحة ولكن ليس فى كل وقت نحن نحتاج فى بعض المواقف التى تربطنا مع بعض الاشخاص الى العشرة والتى يأتى عن طريقها الحل والمفتاح السحرى لشخصية من نريد معرفتة ولكن هذا لايمنع من اهمية العيون فى معرفة الاخرين ورسم صورة لهم ولكنها كما قولنا تحتاج الى بعض التدعيم عن طريق العشرة
--------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل