مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الثلاثاء، سبتمبر 11، 2007

مستنى الموت


مفيش حاجة فى الدنيا تستهل نبكى عليها هيا دنيا كلها تسوى اية زى ما جينا فيها بكرة نخرج منها كلنا رايحين كلنا ماشين كلنا هنروح ونسيب كل حاجة واى حاجة مش هنخد حاجة معانا لية هنتعب ولية هنشكى ولية هنبكى والنهاية معروفة مهما طالت حياتنا مسيرنا للموت جى لينا جى لينا مهما نهرب تبكى عنينا
-------------------
اية بعنى تنخدع او تنجرح اية يعنى تتالم او تتغرب كل حاجة بتحصل لينا اية يعنى طز فيكى يادنيا الف طز ما تستهلى اللى بيحصل دة كلة عشان يا دنيا فانية ورايحة بعدينا مش همسك فيكى تانى ولا هفكر فيكى انا ميت ميت سامعنى يادنيا هموت زى ناس كتير ماتت وراحت يمكن يكون فية دموع تنزل عليا وعلى فراقى زى ما دموعى نزلت على ناس غالين قبل كدة هتفرق اية
-------------------
لا يا احبابى لو يوم موتى مش عايز دموع ولاحزن على فراقى بس ادعوا ليا الدعاء هو اللى باقى اة يا دنيا كنت فاكر انى فيكى يا ما هنا وياما هناك طلعت فيكى ولاحاجة مجرد سراب انسان بلا هوية ولا ملامح محددة انسان ضايع وماشى ومش عارف الخطوة الجاية فين واخرتها اية بس لو اعرف امتة النهاية كنت ارتحت من التفكير فيها
--------------------
هفكر يمكن كتير لكن مش هخاف منك ومن غدرك يادنيا ولو هموت اية يعنى كدة كدة انا ميت يبقى لية اخاف منك ولا اجرى عليكى واتمسك بكرة جى يومى يومى قريب اوى حاسس بية وادام عيونى واضح بس مستنى يجى مشتاق لية زى شوق الاحبة واكنر كمان النهاردة على الارض ماشى بكرة تحتها اكون انا النهاردة عايش بكرة هبقى مجرد كان فعل ماضى وانتهى عاش يومين وراح زى اللى راح قبلة

هناك 31 تعليقًا:

micheal يقول...

أنت كويس يا تامر؟؟؟...طمني
تحياتي

سكينة يقول...

تامر
رغم أنك بتقول الكلام ده بنبرة يأس واضحة ومؤلمة إلا أنها حقيقة مفرحة
الدنيا فعلا سجن المؤمن وهي اساسا دار ابتلاء طب بذمتك شفت حد ماسك في قاعة الامتحان قبل كده مش عايز يسيبها لكن طول ما احنا فيها لازم نراعي قواعد اللجان خوفا من الرسوب وأهم قواعد الدنيا أن نسعى في مناكبها ليس حرصا عليها أبدا ولكن طاعة لله الذي نشتاق لقاه ونرجو عفوه ورضاه
احنا أذكى من أن نشتري لهو ساعة بسعادة حقيقية أبدية
رمضان كريم ولندعو اللهم اغفر لي ولصحبي

مـحـمـد مـفـيـد يقول...

تامر
نبره الحزن دي قاتله
اتمني ان تكون بخير

A.SAMIR يقول...

ايه يا عم تامر
انت لونك حزايني كدة ليه يا فسواني
روق كدة يا ريس وكله بيعدي والله
تحياتي يا عم تامر

Tamer Nabil يقول...

micheal

انا كويس ياصاحبى بس مخنوق شويا

تحياتى







سكينة

كلامك مضيوط واتفق معاكى
وما الكلام الا تفريغ طاقة واحساس مهما يكون لازم يتفرغ
تحياتى

Tamer Nabil يقول...

مـحـمـد مـفـيـد

انا بخير الحمد الله

لكن نفسيتى مش كويسة ومخنوق

ربنا يرحمنا

تحياتى




A.SAMIR

اكيد ياصاحبى كلة بيعدى بس الواحد احيانا بيكون مخنوق وانا عندى الكتابة تفريغ لما جوايا

تحياتى

SaRa يقول...

الدنيا ايام وفية منها الحلو والوحش المهم ياتامر الواحد يكون قريب من ربنا

عشان يرتاح

كل سنة وانت طيب

تحياتى

Amira يقول...

اية ياتامر الكلام دة

قريت ردك على الناس اللى قبلى وقولت انك مخنوق

عارف صلى ركعتين فى خشوع وادعى ربنا هيفك عنك الضيق

احنا خلاص اهو فى شهر الخير

ربنا يسعدك ويفك ضيقك
تحياتى

ana mean يقول...

كل دة جواك

ربنا معاك

اكيد الواحد لما بيطلع اللى جواة لحد او فى صورة كلام بيرتاح

ربنا فى عونك ياتامر


كل سنة وانت طيب

تحياتى

يا مراكبي يقول...

رغم إن اللي بتحكيه ده حقايق لكن إنت بتسردها من منظور يائس جدا

مش صح إننا نموت نفسنا بدري وإلا ننزل القبر من دلوقت أحسن

لازم نعيش ونتعايش مع الدنيا بحلوها ومرها لحد ما ييجي اليوم اللي كلنا مستنيينه

tweety يقول...

انا اول مره ادخل عندك اولا باك جروند هايل
ثانيا كلامك هايل انا من اريب اوى كنت مخنوقه جدا و حسه ان حياتى ملهاش لازمه بس دلوقتى عرفت اننا اتخلقنا عشان نبقى حاجه لازم تصمم انك تتحدى الدنيا وتبقى حاجه صحيح مش هناخد حاجه معانا بس هنسيب ذكرى لازم تبقى مشرفه ولا ايه

mohand يقول...

السلام عليكم

كل عام وانت اقرب الي طاعة الله

تقبل الله منك صالح الاعمال
وتقبل منك صيامك وقيامك


اسألك الدعاء
-----------------
بص يا تامر
من غير فلسفه ولا اي حاجه خالص
انت ممكن تستخدم موضوع خنقتك دا للصالح مش للطالح
يعني متخليهاش تموتك

يعني يوم ما تحزن افرح باللي جاي
باللي ربنا شايلهولك
يوم ما تيأس اسال نفسك هو انا لو ش هقدر اعمل حاجه في الدنيا طيب ربنا خلقني ليه

خلقنا لعباده الله وتعمير الارض يا تامر

اعمل لدنياك كأنك تعيش ابدا
واعمل لاخرتك كأنك تموت غدا

ان شاء الله رمضان يعدي عليك بالبهجه والفرح

تحياتي صديقي العزيز

walaa يقول...

اخي العزيز تامر ..

فعلا الدنيا ما تسوى بس مش معنى كده اننا نيأس ونسلم بان الامر منتهى واننا مش هنقدم فيها ولا هناخر .. لان ساعتها يبقى لزمة وجودنا ايه وهو اقرب للعدم .!

ولا تنسى قول الحق سبحانه وتعالى بسم الله الرحمن الرحيم " ولقد خلقنا الانسان في كبد .." صدق الله العظيم .. فهكذا خلقنا وهكذا نحيا وهكذا نموت ونبقى حتى قيام الساعة .. في كبد ومشقه ولكن ايضا في جهاد منا وعدم استسلام او يأس

تحياتي ليك .. وامنياتي برجوع روح التفاؤل والامل من جديد الى نفسك اخي العزيز .. وكل عام وانت بالف خير

حياه الأحلام يقول...

السلام عليكم

تعرف مع أن الكلام ده واضح أنه طالع منك بأحساس عالى جدا نتيجه حاله خنقه

بس كلام صح جداجدا

وياريت الناس كلها تعرف ان الدنيا دى هى مرحله بس وأمتحان من ربنا

يارب نعديها على خير ونقدر ناخد أحلى الحاجات من الدنيا مع ان ده صعب جدا بس نحاول

بوست حلو أوى وكله أحساس

تحياتى

عاشقة الوطن يقول...

السلام عليكم

ازيك ياتامر

هو الواحد فعلا المفروض ميبكيش ولا يحزن على شئ بيألم
بس الدنيا كده لازم تحزن زى ما لازم تفرح
والاتنين لازم فى حياتنا

كل سنة وانت طيب
وارمى ورا ضهرك اى حزن
رمضان كريم علينا كلنا ان شاء الله

فى القلب يقول...

تامر كده اجى أول مره
ألاقى الكلام كده

أنتى عارف يا تامر الكلام ألى بتقوله ده حقيقه بس مش لازم الأحساس معها يكون حزين كده
يعنى عادى أهى حقيقه و خلاص لازم نعيشها

وربنا معانا

هاجى كتيير هنا أوى يا تامر لأنى حاسه أنى أمام حد حساس و مثقف


رمضان كريم علينا كلنا

حائر في دنيا الله يقول...

رمضان كريم
وتقبل الله منا ومنكم صالح الأعمال
وواحشني كتير يعم تامر
خلينا نشوفك

لك تحياتي
السلام عليكم

$ سهى $ يقول...

كيفك تامر

كل سنة وانت طيب.

لية نبرة الحزن

تفاءل خير اخوى

تحياتى

عين ضيقة يقول...

ياريتها بالبساطة دى

انت اكيد بس مضطرب شوية

عموما ربنا معاك
وكل سنة وانت طيب

نهر الحياة يقول...

والله العظيم أنت كلامك ممتاز ويا ريت الكل يفكر فى كلامك ده ويعرف إن الدنيا ما تستاهلش إن الواحد أصلا يحطها فى اقل تقدير من تقديراته وأعظم كلمة ممكن تتقال فى الموقف ده هى كلمة حبيبنا المصطفى صلى الله عليه وسلم ....إرض بما قسمه الله لك تكن أغنى الناس
ودى فعلا المقولة اللى انا بانى عليها حياتى إن شاء الله



نهر الحياة

Tamer Nabil يقول...

SaRa

اكيد طبعا الدنيا غير مستقرة معانا على حال واحد

وانتى طيبة وبصحة وسلامة

تحياتى






Amira


كلامك مظبوط اميرة بس دة حال الناس مش فرح على طول

ربنا يخليكى وشكر للدعوات الجميلة

تحياتى

Tamer Nabil يقول...

ana mean

ربنا يخليك ياصاحبى

وكل سنة وانت طيب

تحياتى







يامراكبى

انا معاك بس انا بعبر عن حالى وقت ما كتبت البوست

كل سنة وانت طيب
تحياتى

Tamer Nabil يقول...

tweety

كلامك سليم هيا حالة بتصيب الانسان وبتروح لوحدها والاستسلام ليها مش حلو

نورتى المدونة

وكل سنة وانتى طيبة

تحياتى






مهند


كل سنة وانت طيب ياصاحبى ربنا يوفقك ويكرمك

انا معاك فى كل كلمة هيا بس لحظة وعبرت عنها بالكتابة لكن الحمد الله بالقرب من ربنا الواحد بيخرج منها
تحياتى

Tamer Nabil يقول...

walaa

كلامك جميل وانا اتفق معاكى علية لكن عند وجود الحالة دى والتى وجدت نفسى فيها وجدت ان الكتابة عنها والتعبير يخرجنى الى حد ما منها

وكل سنة وانتى طيبة

رمضان كريم


تحياتى.




حياه الأحلام


عارفة لما يكون الانسان تعبات ويعبر عن التعب دة بالكتابة بيكون فيها راح لانك بتخرجى حمل جواكى وبشاركى الاخرين فية

ربنا يوفقك ويكرمك

وكل سنة وانتى طيبة

تحياتى

Tamer Nabil يقول...

عاشقة الوطن

وعليكم السلام

وانتى طيبة وبصحة وسلامة

انا معاكى لازم الواحد يعدى ويرمى عشان ما يتعبش

تحياتى





فى القلب


التعبير بالكتابة عن حالة الواحد تريح وتشيل عنة وهذا ما اقبلت علية

اشكرك جدااا على كلامك

ربنا يكرمك ويوفقك

وكل سنة وانتى طيبة

تحياتى

Tamer Nabil يقول...

حائر في دنيا الله

ازيك صاحبى

ربنا يخليك تسلم

كل سنة وانت طيب

الله اكرم


تحياتى






$ سهى $

وانتى طيبة وبصحة وسلامة
ربنا يكرمك

كانت فترة وعدت الحمد الله..

تحياتى

Tamer Nabil يقول...

عين ضيقة

هيا فعلا مش بالبساطة دى

هى مجرد حالة وعبرت عنها بالكتابة

وانتى طيبة وبصحة وسلامة

تحياتى





نهر الحياة


اكيد طبعا الدنيا رايحة وهذا لايمنع اننا نستمتع بها مع عدم نسيان الاخرة

كل سنة وانت طيب

تحياتى

rOshe يقول...

leh bs kda aked el donia mohma lena 3shan 3ala asaaha rbna hy7sbna w ys2lna 3mlna a feha...
bel 3ks lazm ykon 3nddk 7bt aml balash y2s ensah 7'als w lw 7sl m3ak mwkf dy2k ensah m7na yama nsena mwakf...7'ly 3ndk aml w balash t2ol kda tany leh kda...

عصفور بلا أجنحة يقول...

كل سنة وانت طيب

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير