انت كنت شقى شقاوة سبحان الله اللى يشوفك دلوقتى ما يشوفك وانت صغير كنت مصيبة ابص للمتخدث على خجل واقول انا يرد اة انت دة انت كنت مغلب بابا وماما والاهل كلهم هو كان حد قادر عليك لكن بقى دلوقتى ما شاء الله ياتامر ربنا يكرمك بقيت حاجة تانية خالص
-----------------
دى بنت عم بابا وكانت فى زيارة لينا وطبعا بعد السلام والسوال على الاخبار ما كان فية حديث بعد كدة الا عليا انا بقى من اول شقاوة زمان لحد لية ما اتجوزت الى حد النهاردة اصبحت فى ثوانى حدونة القاعدة والتسلية بتاعتها وهات ياحكاوى وكلام عن زمان على اساس كنت مصيبة بقى
-----------------
وابتدت بنت عم بابا دى هات ياكلام عنى وانا ايام الطفولة والشفاوة بتاعتى وكل ما تقول تبص ليا وتقولى فاكر ابص ليها بصراحة انتى بتحكى عنى والا عن واحد تانى واخد الكلام بضحك ما علينا قالت عليا حاجات طبعا بقى مع الضحك من الجميع والنظر ليا وكانى بطل سينمائى وهيا بقى المنتجة ويتحكى عنى وعن مواهبى
------------------
اول حكاية عن ايام الشقاوة بتقول انى كنت بتفرج على فيلم هندى وكان عندى 8 سنين وشوفت البطل بعد ابوة ما مات ولع فية قمت انا بقى جبت كبريت ونمت على السرير ولعت اللحاف واستغطت بية ولولاا انى جدتى كانت موجودة كنت بقت لحمة مفرومة
------------------
تانى حكاية ان كان والدى مربى عصافير الزينة وكانت موجودة فى البلكونة وجاء من الشغل فى يوم ما وجدها سالنى عنها خدتة الى غرفة نومى حيث راى انى خرجت العصافير من الاقفاص وسبتها حرة طليقة جوة الغرفة ولما سالونى لية عملت كدة قولت كنت بخرجهم من حالة الحزن والحرمان من الحبسة
------------------
المهم ان الحكايات ما انتهت بس كفاية كدة بقى مش عايز فضايح وقال وقولنا جاء بقى وقت الكلام عن الجواز باابنى بقيت خلاص داخل على الثلاثين سنة عندك الشقة وجاهز وما شاء الله عسل وامور ولا رشدى اباظة يا واد مع انى مش شايف خالص انى رشدى ولا احمد رمزى ما علينا قعدت اكلمهم عن النصيب ولازم يكون فية حب بينى وبين الانسانة اللى هرتبط بيها دة عشرة عمر والاستعجال مش حلو فى الحاجات دى
-------------------
بعديها روحت على المرايا ابص لنفسى يمكن اكون رشدى اباظة وانا مش وخد بالى بعد كدة ياجماعة لو جدت نفسك فى قاعدة عائلية والكلام هيسحب عليك اهرب على طول منها مش بعيد تبقى وقتها انور وجدى
عزيزى تامر
عندك حق ، فى موضوع الجواز ممكن تطلع حتى
عمرو دياب كمان
على فكرة قريبتك دى شبه جدتى تمام، الله يرحمها كانت كل متقابلنى تحكى مغامراتى فى الطفولة، لا وحجات انا نفسى مش فاكرها
البوست دمو خفيف جدا وانا سعيد انى قريت لك
تحياتى
الجواز مو لعبة والسرعة مو مطلوبة فى هالموضوع
دة مستقبل
الله يرزقك ببنت الحلال
وكنت غايب وعاوز تحرمنا من الحكاوي الحلوة دي :D
دلوقت بقى اقدر اقولك حمدالله ع السلامة
حكاويك لذيذه جد .. ربنا يوفقك
تحياتي ليك ولقريبتك كمان
ضوء القمر
انت اكيد مستني لما تطلع شبه عمر الشريف
رشدى اباظة
لابقى كدة
انا هجى زيارة ليكم ههههههههههه
تولع اللحاف وتسغطى بية هههههه.
حكايات جميلة تمورر
تحياتى
ما يقع الا الشاطر ياعم تامر
هههههههه
عادى بقى
الاهل فعلا لايحلو الكلام عنا الا بذكر ايام الطفولة
تحياتى
تامر
عارف فيه رأى أن الاطفال الأشقيه فى صغرهم يصبحون اكثر عقل من الأخرين فى كبرهم و أكثر هدؤ
بس على العموم الست دى بتحبك جداً
ألا قولى هى عندها بنات فى سن الجواز
ههههههههه
وليه رأى فى موضوع الجواز
أهم حاجه الراحه النفسيه وحسن الخلق عند الفتاه
فأن وجت ذلك أتكل على الله
وأنا أشجع الزواج المبكر لأنه يقى من فتن كثيره
ولأنك تجد بعد قليل هدف لك فى الحياه بضحكه طفل ملاك صغير جزء منك
من يكره أن يتحول جزء منه ألى ملاك
وفقك الله الى التى تصونك و تحفظك
زمان ياريت يرجع مع راحة البال و عدم المسئوليه مع قليل من الشقاوه بس زمان مش بيرجع ويا سيدى مشيها رشدى اباظه حد طايل
هو انت كده شقى...؟؟؟
طب قول لبنت عم بابك انك كده كنت نسمه..
:)
فى اطفال بيعملوا افظع من كده...
كل سنة و انت طيب
رمضان كريم
المتوحد
ايوة القرد فى عيون ههههههههه
اغلبية القرايب كدة ايام الطفولة قصص وحكايات لايعرف اغلبيتها سوى الاهل
اهلا بيك وشرفتنى بوجودك
تحياتى
$ سهى $
اكيد مش لعبة عزيزتى
اشكرك على الدعوة الجميلة
تحياتى
walaa
الله يسلمك
الغياب ما كان لى فية الحمد الله
ربنا يخليكى
اشكرك على كلامك الجميل وتشريفك الدائم ليا
ربنا يكرمك
تحياتى
ضوء القمر
ههههههههه
ممكن حد ضامن بكرة فية اية
تسلمى على المرررررر الجميل
تحياتى
اميرة.
تشرفى وتنورى
والله ما انا فاكر حكاية اللحاف دى هههههههه
تحياتى
ana mean
نعمل اية بقى اصطادونى ههههههههه
اكيد حكايات زمان رغم ما فيها نحب نسمعها خصوصا انك لاتفتكر اغلبيتها
تحياتى
فى القلب
عندها بنات ههههههه
سوال جميل.
هسالها ههههههه
عندها بنت واحدة بس انا اعتبرها زى اختى
اتفق معاكى فى الاختيار عند الزواج واشكرك على الدعوات الجميلة
ربنا يكرمك
تحياتى
tweety
خلاص امشيها رشدى اباظة
هههههههههههه
تحياتى
تخاريف خاصه
حاضررر هقولها
ههههههه
نورتى الموضوع
تحياتى
el2ahwagi
وانت طيب وبصحة وسلامة
الله اكرم
تحياتى
طيب هى كل المشكلة فى الجوزا ولا فى شقاوة زمان
ربنا يرزقك ببنت الحلال
كل سنة وانت طيب
كل سنة وانت طيب ياتامر
هكذا الاهل يرون فينا ما لانرى نحن فى انفسنا
تحياتى
دائما يقولون
إن اللى يكون شقى و شيطون
إذا كبر بالعمر يكون العكس تماما :>
حكاية العصافير عجيبه :>
يا حنيّن يا بو قلب زي الريشه
وربنا يرزقك بــ بنت الحلال اللى تسعدك
وتهنيك
ههههههههههه...الله يخرب بيت الافلام الهندي
:)
رمضان كريم
تحياتي
السلام عليكم
كل سنه وانت طيب
وهما الناس الكبار كده فاكر وفاكره وكده
انا برضه بيتقالى نفس الكلام
بس كويس أنها رسيت فى الاخر على رشدى أباظه
وكلام صح الجواز مش مجرد أنك تكون جاهز وخلاص الجواز ده مسئوليه لازم الواحد يبقى قدها
تحياتى
جميل اوي موضوعك
وذكريات الطفولة بتكون احلى حاجة
فى حياة كل منا مهما كان فيها شقاوة
كل سنة وانت طيب يا تامر
ورمضان كريم
أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة..
أدعو الله أن يتقبل منا و منكم الصيام و القيام وصالح الأعمال
fkrtny b aiam zman wel sh2awa bta3t kol wa7d..
el post gamd...
w kman mnta m3ak 72 lazm tfkr milion mra 2bl mtrtbt b shrekt 7ayatk... de 7yah kbera awe msh 7aga shla wala l3ba...
rbna ywf2k f 7yatk...
أخي العزيز تامر
كل عام وانت بخير
رمضان كريم
تحياتي
بجد أحلى حاجة في الدنيا اننا نفتكر ايام البراءة..والانطلاق دي
باحس انها يمكن هي الى بتدينا القوة اننا نكمل النهاردة
كل سنة وانت طيب
رمضان كريم
كل سنه وانت طيب يا تامر
ورمضان كريم عليك يا سيدي
وايوه كدا رجعتلنا تامر بتاع زمان يا سيدي
حلوه اوي الحكيات بتاعتك زي العاده
حمدلله علي السلامه
يا تامر
تحياتي ليك
Desert cat
مفيش مشكلة خالص دة مجرد كلام من قريبتى من بعد غياب فرصة للحكى
وانتى طيبة وبصحة
وشكر للدعوة الجميلة
تحياتى
سارة
وانتى طيب سارونا
فعلاا لهم نظرة لاتخيب
تحياتى
Aldenya
رغم انى مش فاكر اغلبية الكلام عن الطفولة الا اننى فعلاا الان انسان عادى يعنى بلا شقاوة
الا لو للشقاوة دى تعريف
ايوة شوفتى العصافير صعبت عليا ههههه
ربنا يخليكى وكل سنة وانتى طيبةوبصحة وسلامة
تحياتى
micheal
هندى بس قول صينى وامركانى ههههههه
الله اكرم
تسلم مايكل
تحياتى
حياة الاحلام
ايوة رشدى رشدى ههههه
اكيد طبعا الجواز مسؤلية كبيرة
ربنا يخليكى تسلمى
وانتى طيبة وبصحة وسلامة
تحياتى
الزعيـمة
ذكريات الطفولة فعلا ذكريات جميلة
وانتى طيبة وبصحة وسلامة
تحياتى
ŞoŖśậŖấầ
الله ما امين
ربنا يخليكى تسلمى
وكل سنة وانتى طيبة
تحياتى
rOshe
ايام الطفولة جميلة ياريت الواحد يرجع طفل
ربنا يخليكى تسلمى
وكل سنة وانتى طيبة
تحياتى
صاحب البوابة
ربنا يخليك تسلم
وانت طيب وبصحة وسلامة
تحياتى
dr.Roufy
ديما ذكريات الطفولة مهما كانت ليها شكل وطعم جميل وبنحب نسمعها
وانتى طيبة وبصحة وسلامة
تحياتى
gohayna
وانتى طيبة وبصحة وسلامة
ربنا يخليكى تسلمى
اشكرك جداا
ربنا يوفقك ويكرمك
تحياتى
هاى سى رشدى
قصدى سى تامر
ههههههههههههه
ازيك تمور
كل سنة وانت طيب ياجميل
ماشيه معاك يا عم :)
محظوظة
هاى ورحمة الله وبركاتة
ازيك اخبارك اية
انا الحمد الله بخير
تسلمى
Blank-Socrate
منور يابشا
تحياتى
السلام عليكم
ذكريات جميله فعلاً
ونفس موضوع العصافير ده حصل معايا وانا صغير ..
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
إرسال تعليق