مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

السبت، أكتوبر 06، 2007

ساعة رضاعة وانا عايز ساعة رعاية

فى موضوع محيرنى اوى وشغل بالى ايام وليالى ومش بعرف انام منة وقولت مفيش غير انى اتكلم واحكى علية يمكن ارتاح والحمل يخف من عليا
-----------------------

دلوقتى منتشرة اوى حكاية المساواة بين الرجل والست وعايزنها مساواة فى كافة المجالات وكل حاجة الرجل بيحصل عليها تحصل الست عليها لان كل منهما انسان والحقوق واحدة انا بما انى رجل موافق جدااا ان الست تحصل على ما يحصل الرجل ولكن مع شيل جميع الخطوط الحمراء ومفيش بقى عيب ومش يصح
-----------------------

بمعنى الست دلوقتى تقول انها مظلومة ومش وخدة حقها مع انى شايف انها حصلت علية ثالت ومتلت من اول حق الخلع اللى يقابلة من الرجل حق الطلاق جميل اوى طيب بقى فية حاجات دلوقتى حصلت عليها الست ولم يحصل عليها الرجل وكما فية حاجات مايصحش على الست القرب منها ومسموح للرجل بس فين المساواة ما هو اما مساواة على طول الخط او بقى الرجل رجل والست ست
-----------------------
رغم ان الستات عايزين هما المساواة مع الرجل الاانهم اول من تعدى على هذى المساواة واصبح للستات الان اشياء مخصصة لهم دون الرجال يعنى اتفاقية المساواة باظت على ايد من طالب بيها
-----------------------
عندك الان عربيات مخصصة للستات عشان راحتهم سواء نقل عام او مترو الانفاق- طيب هو فية للرجالة عربيات كدة مخصصة؟ طبعا لا عشان دول الرجالة- دى اول حاجة من طرف الست لهدم اتفاق المساواة
---------------------
بعد كدة لو حضرتك شغال تيجى الست قبل معاد الشغل بساعة وتمشى اللى بيسموها ساعة رضاعة جميل- طيب هو الرجل الزوج مش عايز ساعة رعاية ولا هيا على راسها ريشة فين المساواة
-----------------------
عندك كمان لو الشغل ظروفة محتاجة انك تسهر او تبات دة مسموح للرجالة بس لكن الستات عيب يصح وحدة تبات فى الشغل وسط الرجالة فين المساواة
-----------------------
يعنى باالبلدى ياحضرات الستات عايزين مساواة ناقصة فيها مصلحة ليهم وبس مدام فية فرق كدة وعيب ومايصحش يبقى فية فرق بينا وبين الستات يبقى مفيش حاجة اسمها مساواة على طول الخط وباعتراف الستات نفسهم ان فية حاجات للرجالة صعب عليهم الدخول فيها يعنى فية فرق واعتراف صحيح من الستات بكدة
----------------------
ومن هنا اعلن ان بنود الاتفاقية الخاصة بالمساواة بين الرجل والست غير كاملة ويوجد بها بعض الثغرات التى ليست فى صالح الرجل
1- يجب ان تخصص فى وسائل المواصلات المختلفة عربيات فقط تكون للرجالة او الغاء العربيات المخصصة للستات
2- نطالب بساعة رعاية مثل ساعة رضاعة لستات ومفيش حد احسن من حد
3- نطالب بسهر وجود الست بعد مواعيد العمل الرسمية مع السماح لها بالمبيت اذا تتطلب العمل هذا مثل الرجال
4- عند اجازة الوضع للست يجب اعطاء الرجل مثلها حتة يرعى الست والوليد المنتظر يعنى هيا ترضع واناا خد بالى منهم
وعلى كل رجل يجد بعد النقط التى موجودة لصالح الست وغير موجودة للرجل كتابة هذى النقط فى الرد حتى نجمع اكبر قدر من المطالب التى هدمتها الستات فى اتفاق المساواة

هناك 13 تعليقًا:

علاء سالم يقول...

السلام عليكم

ولله معاك حق يا باشا
الرجاله دول بقوا غلابه في المجتمع
أظن إننا بعد فتره إحنا اللي هانطالب بالمساواه مع الستات.

Lasto-adri *Blue* يقول...

هو على ما اسمع ان فيه عمليات بسيطة يعنى ممكن تتعمل وتخلى الرجل واحدة ست..... وممكن فى الحالة دى يجيب اطفال وينعم بساعتين رضاعة مش واحدة.. ولا انت ايه رايك؟

سؤال ... هى لما بترضع مثلا -الساعة اللى تاعباك كدة- بيكون ابن الجيران ولا طفل من على باب ملجأ؟
هو مش ابنك برضو -باعتبار ما سيكون لو ماكش دلوقتى-... عشان يطلع حد نافع لمجتمعه زى ما المفروض حضرتك كدة؟

تمام

عربية الستات اللى بتتكلم عنها.. طب ما هو اللى فى العربية دى مين؟؟
مش مامتك او اختك او مراتك او بنتك او حتى جارتك او زميلتك؟؟ ترضى انت تسيبها تتلغوص مع الرجالة واللى يتحرش واللى يرمى كلمة لطيفة من بتوعهم؟؟؟
لاء وسيبك من كل دا.. هو اصلا بيتخصص كام عربية للسيدات فى مترو مصر؟؟؟ عربية؟ اتنين؟؟ تلاتة ؟؟؟ من اصل تسعة مثلا لو مترو الانفاق؟
طب ما سمعتش قبل كدة ان نسبة السيدات فى مصر فاقت نسبة الرجال وفى المسقتبل ح توصل النسبة الى لكل واحد رجل قدامه 4 سيدات
تفتكر 4 عربيات حتى من تسعة يبقى معناها فى تساوى؟؟

الطلاق سيادتك والخلع..
اظنه فيه فرق جوهرى انت وغيرك ملاحظه... فى الطلاق اللى بيد الرجل المفروض انه يدى للمرأة حقها وممكن يجبرها تتنازل (بمعنى تبريه من حقوقه) عشان تحصل على الطلاق.... يبقى لما يجى الخلع تعتبره تساوى فى الحقوق؟؟؟
تفتكر انه تساوى فعلا لما واحدة عايزة تخلص من واحد مطلع عينها ومجرجرها بين المحاكم عشان تاخد منه كلمة طلاق.... يبقى تساوى؟؟

البيات فى الشغل يا حضرت.. مش انت راجل؟؟؟ ترضى اختك تبات فى الشغل؟
مش انت اللى بتقول لها كلام الناس ويصح ومايصحش؟؟؟
مش هو انت سواء كنت اخ ولا اب ولا جوز اللى بتطلب منها مواعيد رجوع معينة ونظام شغل معين ولا هى من نفسها بتقول لاء مش عايزة؟؟؟


نرجع لساعة الرضاعة اللى مش عجباك فى الاصل وعايز قدامها ساعة رعاية..
جميل جدا.. خدوا ساعتين لو عايزين مش ساعة.. بس فى المقابل ممكن تغير للولد؟ ممكن تحضر له اكله وتفضل واقف على حيلك بيتدلعه لحد ما ينام ويصحيك من عز نومك ومجبور عشان انت امه انك تفضل تهنن فيه لحد ما تطلع عينك.. ولا عارف تنام ولا تاكل ولا تتمارس حياتك عادى؟؟
لا وسيبك من النوم.. ح تقول لى ان الاب كمان ما بيعرفشى ينام عشان عياط الولد ما لى الشقة واللى عاليها عليا.. الخ
تعرف انت تاخد ساعتين بعد الشغل اجازة.. وتروح بدرى عشان تروق الشقة وتحضر الأكل وتشوف مطالب العيال.... عشان لما الزوج يرجع يتأمر حبة من نفسه -بما انه فاكر نفسه الوحيد اللى كان بيشتغل مثلا-... وبعد ما يشخط وينتطر... يجيله الأكل.. ياكل.... ويقول هش يا ولد اسكتى يا بنت..
وآخرة المتمة يا يقرأ الجرنال يا يدخل ينام



عايزنى احكيلك اكتر احكى
بس قبل ما تتكلم فكر.. فى مجتمع زى بتاعنا دا
المسألة مش مساواة.. المسالة مجرد عدالة

Tamer Nabil يقول...

علاء سالم

لسة هنطالب ياصاحبى دة احنا بنطالب اهو هههههه

تسلم على المتابعة الجميلة
تحياتى

----------------------------------
Lasto-adri *Blue
عمليات؟
عملية عشان بقول ساعة رعاية ساعة من حق الرجل كما من حق الست ساعة رضاعة ساعة بطالب بيها عشان مساواة بين الطرفين طالب بها الستات
ومعنى عدم تلبيتها وكلامك عن عملية يبقى فين المساواة ولا هو حلو للستات وحش للرجالة التعبير خانك فى حكاية العمليات لاتها وضع شاز لم اتحدث عنة







ايوة ابنى ويريضع براحتة بس لازم ابوة يكون جنبة بقى ساعة بدرى عشان لما امة ترضعة اخد بالى منة واجيب لية طلباتة وانا راجع بدرى ولا اية؟



مدام شايفة ان فية حاجة اسمها تحرش يعنى الست ضعيفة ومحتاجة لحماية وفية فرق بينها وبين الرجل يبقى محدش يجى ويقول مساواة لااحسن شكلها بايخ وعمر الست ما هتبقى زى الرجل واديكى قولتى تحرش يعنى ينفع بقى اجى واقول واطالب بمساواة عن غير قادر عليها


مهما كان عدد الرجالة وعدد الستات مدام فية مساواة يبقى حكاية التخصيص دى حكاية ما ليها داعى ما هو اما تتلغى او يتم تخصيص عربيات للرجالة مساواة بقى اللى وجعين دماغنا بيها ليل ونهار



مدام بقى فية مساواة والست زى الرجل نعم ارضى لهم البيات خارج المنزل لظروف العمل مدام فية مساواة وجمعيات حقوق المراة بتقول عايزين مساواة يبقى خلاص اذا كان الستات عايزة كدة انا بقى اللى اقف فى طريقهم

اشمعنا دلوقتى تقولى ترضى وانت رجل ان اختك ولا بنتك دلوقتى اعتراف بقدرة الرجل على تحمل مشاف وظروف العمل اى ان كانت بخلاف المراة يبقى انسى المساواة وخليكى ست طبعية عارفة قدراتك خدودها فين وقفى عندها


بقى الساعة دى الواحدة هتروح تعمل فيها كل دة ترويق البيت وتحضير الاكل وترضيع الطفل انتى تضحكى على نفسك ولا على مين بالظبط

لو فية ساعة رعاية وفية مساواة الرجل هيرجع ويساعد الست

اخر الكلام مساواة فى كل حاجة واى حاجة
لاعدم مساواة ونفضها سيرة

تحياتى

Lasto-adri *Blue* يقول...

من قبل ما ترد بكلام بنم عن انك ما حاولتش تقرأ تعليقى كويس.....

انصحك تقرأ آخر جملة بس.. ولو لسا مش فاهم.. يبقى العيب مش عليا

نهارك سعيد يا فندم

Tamer Nabil يقول...

Lasto-adri *Blue

بالعكس يافندم

قريت التعليق كويس ودة الرد المناسب علية ولا تلعبى بالاالفاظ

انا مش صغير عشان لااعى ما اكتب فى الرد على من يعقب على موضوع عندى


وان كنتى لاتجدين التعقيب على ما كتبت نقطة نقطة كما فعلت فى الرد عليكى

اما ان تصمتى او تتحدثى وتكتبى دون لعب بالاالفاظ و تحديف كلام بدون هدف وليس لة ملامح محددة

اتكلمى فى صلب الموضوع
تحياتى يافندم

Amira يقول...

انا شايفة ان بتوع حقوق المراة دول مكبرين الحكاية اوى

انا شايفة ان البنت هتفضل بنت

والولد هيفضل ولد

فية فرق بينهم طبعا واختلاف

ودة عشان يكملوا بعض
لكن لو فية مساواة

والبنت زى الولد يبقى صعب يكون بينهم اتفاق

تحياتى

بنوتة يقول...

شوف ياعم تامر

انا ضد المساواة دى

وحكاية ساعة رعاية دى من حقك مدام هتساعد زوجتك فى البيت مفيش مشاكل

تحياتى

ادم المصري يقول...

هههههههههههههههههه
لسه دمك خفيف يا مضروب
.
.
.
بقي من كل نواحي الاختلاف
اللي مضايقك
.
.
عربية المترو
وساعة الرضاعه ؟
.
.
هههههههههههه
ماشي ياسيدي
مش عارف اقولكايه بصراحه
ضحكتني

micheal يقول...

ههههههههههههه...سيظل هذا الصراع في الحقوق أبديا...مفيش فايده
:)
تحياتي لك و كل سنه و أنت طيب

Tamer Nabil يقول...

Amira

واللهى يااميرة كلامك عين العقل وعجينى جدااا

تسلمى على الكلام الجميل

تحياتى





بنوتة

المساعدة مطلوبة ولا فيها اى شىء الرسول علية الصلاة والسلام كان يسلعد زوجاتة

تحياتى

Tamer Nabil يقول...

ادم المصري

اولاا ازيك ياعم ادم

الحكاية مش حكاية ساعة رضاعة وتخصيص عربية فى المترو او هناك او هناك

لكن انا كتبت الامر بنوع من السخرية من حال لاارضى عنة ومعى ومثلى الكثرين


تحياتى





مايكل

عندك حق هو صراع ابدى وهيكون ممتع لو بطلنا نخد ونعمل ونقلد الغرب عشان نظهر اننا متحضرين

تحياتى

ensana يقول...

اللي المرأة بتتطلبه هو المساواة في الاحترام والاعتراف بكيانها .. مش مساواة بالمعنى الحرفي ..

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير