recent

آخر الأخبار

recent
recent
جاري التحميل ...
michealيقول...

يا سلام يا تامورا كأني أنا اللي بتكلم بالضبط....صدقني يا اما قلت الكلام ده قبل كده
:)
ربنا يديم المحبه
تحياتي

Tamer Nabil Moussaيقول...

مايكل

ازيك ياصاحبى

فعلاا الموضوع دة بقى مشكلة وعايزة حلول مش حل

ربنا يديم المحبة والاخوة
الله ما امين

تحياتى

دكتور لغة العيونيقول...

ازيك تامر

كلامك صحيح

البنات وعلاقتها بالمراية تعتبر علاقة ابدية

تحياتى

الامير سلطان بهنسى سلطان عدو المراةيقول...

انت مبالغ اوى ياتامر

هو البنت بتهتم بشكلها وهيئتها عشان تظهر بشكل جميل قدام الناس


تحياتى

حياة الأحلاميقول...

السلام عليكم

اولا كل سنه وانت طيب ويارب يكون عيد سعيد عليك

وفعلا كلامك صح فيه علاقه بين البنت والمرايه بس مش كل البنات بالدرجه اللى بتتكلم فيها
ومش كل البنات معاها المرايه فى كل حته بتختلف من بنت لبنت وحب البنت للظهور زى ما انت قولت او لا

بس كلامك صح فى الاخر ممكن البنت توصل لانها عروسه حلاوه من غير أى روح والتكلف من أسوء الأشياء وأعتقد أن البساطه من أجمل الأشياء لدى أى أنسان طبيعى واللى بتتكلف أكيد مش هيميزها ألا حد بيتكلف زيها

تحياتى وكل سنه وانت بخير

$ سهى $يقول...

المراية وسيلة للظهور فى احلى مظهر


يعنى انت ياتامر لو شوفت بنت عم تهدل نفسها شو يكون وضعك عليها

اكيد تسخر منها

الوسطية حلوة كنير ومو كل البنات بهذا الفكر مع المراية


تحياتى

Aldenyaيقول...

في علاقة بين البنت والمرايا
لكن تختلف بين بنت وبنت

عن نفسي
لازم يكون معاي مرايا
بغرفتي بحقيبتي
وأشوف نفسي وأضبطها
بس مو كل دقيقه
بين فترة وفترة
بس ما أقدر أستغنى عنها


ومن كثر ما في بنات متعلقين بالمرايات
شركة نوكيا للهواتف
أصدرت تلفون به منظره
:>

يا مراكبييقول...

كده هتزعل البنات منك وإنت لسه ما إتجوزتش

وش بيغمز

إستنى بعد ما تتجوز وبعدي قول اللي إنت عاوزه .. وأنا هأقول معاك كمان

قال ضربوا الأعولر على عينه

:-D

AMRO .O. ABDELHALIMيقول...

هاى تامر
معك حق البنات علاقتهم حميمة بالمراية
البت هى البت لازم تتطمن على مظهرها كل شوية، دا مش عيب، الجمال شىء جميل
انا كمان بحب المراية،،ولازم اطمن على مظهرى من خلالها كل يوم
تحياتى

لسة نونةيقول...

احنا بوصة ههههههه

ماشة ياعم تامر

يعنى انتم بقى مش بتبصوا فى المراية يارجالة

الله يرحم الجل اهو اشتكى من شعرى هههههههههه

كراكيب عادليقول...

ههههههههههههه

مفيش بنات هتيجي بلوجك تاني

طفشتهم انت كدة

بص اما تتجوز كسر المرايات

Amiraيقول...

كلامك صحيح الى حد ما

لكن مش كل البنات العلاقة عندها بدرجة الاهمية اللى انت كتبت عليها

تختلف من بنت الى بنت

تحياتى

gohaynaيقول...

والله يا تامر دلوقتي بقي حب المرايه من الطرفين

يعني الجنس الاخرلا هو كمان بقي بيحب المرايه

ويمكن بقوا كمان اكتر مننا احنا

جايز عشان طبيعة الوقت الي احنا فيه فرضت علينا ارتدالء الاقنعه والظهور بالشكل الي طول عمرنا بنتمناه


يمكن

كل عيد وانت بالف خير وسعيد يارب

تحياتي ليك يا تامر

رينـــــــــــايقول...

السلام عليكم
كل سنه وانت طيب
امممممممممممممممممم الكلام دا كبير وصح :D
بس قولى انت عرفت الكلام دا منين ؟؟

فى القلبيقول...

كده
يعنى الولاد هما ألى مش بيبصو فى المرايه يا تمور
و بعدين لو بصينا فى المرايه تتكلمو لو اهملنا المرايه مش نعجب

طب بس نعملكو ايه عشان ترضو يا تمور

حييييييييييرتونااااااااا

ألآسطى بليةيقول...

ازيك ياتامر

كل سنة وانت طيب


فعلاا البنات عندها هوس بالمراية كبير


تحياتى

SaRaيقول...

عينى ياعينى عليكم

كدة تموررر

انت كدة بتلعب بالنار ههههه

انت حر بقى


تحياتى

محظوظةيقول...

عشق بينا وبين المراية

دة لو جوزى عرف الموضوع دة


هيخرب الدنيا

اصل بسيبة كتير واقعد مع مرايتى حبيتى

هههههههههه

مساء الخير تمورر

mohandيقول...

السلام عليكم
ولو انك هتزعل نص المجتمع الا ان كلامك صح


بس هما بيهتموا بالجمال
واكتر شئ يظهر الجمال هو المرايا

المهم عملت ايه في العيد؟

شرباتيقول...

حكاية العلاقة موجودة

لكن مش لدرجة العشق يعنى

كل بنت مهم عندها تظهر بظهر كويس قدام الناس

وقبل دة هيا العملية رضا نفسى

واعتقد ان دة واحد عند البنات والشباب

تحياتى

Dobaيقول...

انا ليا تعقيب وانا عارفة انه مش هيعجب ناس كتير بس هقوله ورزقى على الله

الابراج الفلكية واللى انتو معظمكم بيكرهها فيه من اشخاصها محبى المنظرة والمنجهة والاعتناء الشديد بالمظهر واوقات بيوصل لفوبيا زى مبتقول ان الواحدة او الواحد لان كثير من الرجال الآن تجدهم ملتصقين لوضع الجيل وتنسيق الملابس وما الى ذلك جميعهم ملتصقين دائما بها

فيه بقى ناس عمليين والى هما تلاقيهم ضربوا القميص عالبنطلون وطارو ودول فيه منهم كتير بنات - اقصد عمليين فى تصرفاتهم كتير

المراية نوع من انواع الشك فى المظهر واللى الواحد بيحب يثبت انه شكله مظبوط من خلاله ومعظم اللى بيبقو متنحيين قدام الماريه بيبقى عندهم ثقة ضعيفة فى النفس نوعا ما ولذلك بيحبو يتاكدو من مظهرهم كتير

طولت بس قلت ارخم
والسلام ختام
هبة

حائر في دنيا اللهيقول...

شوف يا سيدي
بنت من غير مراية
زي قلة من غير كوباية
هتضطر تشرب منها على طبيعتها
والبنت لا تستطيع أن تظهر على طبيعتها وإلا ولا بلاش عشان ما نخسرش حد

لك تحياتي

walaaيقول...

ايه يا تامر الحقد الطبقي ده بنات وبيحبوا المراية خلاص ايش عليك هههههههه

بص بجد بقى مش كل البنات عندها النوع ده من الهوس بالمراية يعني في اه زي ما انت بتقول وفي كمان وسط ..
...

بس تعرف .. بوست لذيذ
;)

Tamer Nabil Moussaيقول...

انا مين
الله يسلمك ازى ياريس

ايوة دى علاقة جامدةههههه

تحياتى




عاشقة الكاريكاتير

مش مبالغة ولا حاجة بس انا عبرت عن شريحة كبيرة من البنات والمراية مهمة فى حياة كل بنت لكن تختلف من وحدة للتانية
تحياتى

Tamer Nabil Moussaيقول...

حياة الأحلام

وعليكم السلام
وانتى طيبة وبصحة وسلامة ربنا يخليكى

انتى جبتى المفيد البساطة

مطلوبة فى كل حاجة لان الانسان لما بيكون على طبعتة بيكون اصدق واحلى

تحياتى




$ سهى $

طبعا مش كل البنات وطبعا انا مش قولت البنت لاتهتم بنفسها لكن فى حدود المعقول

تحياتى

Tamer Nabil Moussaيقول...

Aldenya

شركة الموبيل دى عشرة على عشرة لانها درست السوق وعارفة ازى تسوق المنتج

وطبعا مش كل البنات عندها جنون بالمراية ولكن على ما اعتقد الاغلبية

تحياتى




يا مراكبي

لية الزعل بقى مش الواقع هههههههههه
ولية لما اجوز تعالة من دلوقت ولايهمك هههههههه
تحياتى

Tamer Nabil Moussaيقول...

amro

الجمال شىء جميل ياصحبى مااقدر اقول حاجة

لكن الاجمل يكون فى حدود المعقول

تحياتى




لسة نونة


بنبص بس مرة واحدة فى اليوم ههههههه

مين الجل دة ههههههه

تحياتى

Tamer Nabil Moussaيقول...

كراكيب عادل

مين اللى طفش هههههه

لما بقى هههههه

تحياتى



Amira


طبعا تختلف من بنت لبنت انا قولت حاجة

تحياتى

Tamer Nabil Moussaيقول...

gohayna

طبعا الرجالة بتبص فى المراية بس مرة واحدة فى اليوم وعمرى ما شوفت ولد خد معاة مراية فى شنطتة هههههه

انا مش ضد ان البنت تهتم بنفسها لكن فى حدود المعقول

كل سنة وانتى بخير وصحة

تحياتى




رينـــــــــــا


وعليكم السلام

وانتى طيبة وبصحة وسلامة

عرفت مين
سر المهنة بقى ههههههه

نورتى

تحياتى

Tamer Nabil Moussaيقول...

فى القلب

طبعا بنبص بس مرة واحدة فى اليوم هههههه

خليكم بقى فى حدود المعقول البساطةو حلوة

هههههه


تحياتى




هانى

الله يسلمك

وانت طيب وبصحة وسلامة

واى هوس دة جنون رسمى ههههههه

تحياتى

Tamer Nabil Moussaيقول...

SaRa

انا اة بلعب بالنار هههههههههه

انتى عارفة بقى مش بيهمنى هههههه

تحياتى






محظوظة

تسيبى جوزك وتعقدى مع المراية ههههههههه

مساء الفل

تحياتى

Tamer Nabil Moussaيقول...

mohand

وعليكم السلام

نصف دة بقى اكثر مننا بكتير الله ما لاحسد هههههه

انا الحمد الله بخير ازيك انت ياصاحبى

تحياتى



شربات


اكيد واحد الاهتمام بالمظهر لكن عند البنات حكاية كبيرة

ربنا يهدى ههههه

تحياتى

Tamer Nabil Moussaيقول...

Doba

كلامك تمام وعجبنى

واتفق معاكى

بس من غير رخامة ههههههه

تحياتى






حائر في دنيا الله

بنت من غير مراية
زي قلة من غير كوباية
هتضطر تشرب منها على طبيعتها

هههههههههه

كلام كبير ياصاحبى

تحياتى

Tamer Nabil Moussaيقول...

walaa

حقد رجالى بقى ههههههه

طبعا مش كل البنات

لكن الاغلبية

اشكرك جدااا

تحياتى

تخاريف خاصه!يقول...

هههههههه

وفيها ايه يعنى ..؟؟!!



لا بجد...على فكره الاهتمام الزائد بالمظهر مابقاش صفه البنات بس...
ده الولاد دلوقت بقوا افظع من البنات بجد...
تلاقى الولد لابس البدى القصير ...زيه زى البنت..
وتقريبا بتبقى نفس الالوان خصوصا مع ظهور اللون الفوشيا والروز للولاد...
:(
والبنطلون الواقع...زيه زى البنت...
بس الفرق ان الولد بيصمم يبين البوكسر..والبنت بتصمم تبين البادى اللى من تحت البادى!!!


و تلاقى الحزام العجيب...زيه زى البنت..

وتلاقيه واقف ينكش شعره بالجل...قدام المرايه...
وهى واقفه تعمل شعرها برضه..او تلبس الترحه وخلاص...

ربنا يهدى فعلا...
احلى حاجه فى المرايه انها خرسااااا


!!!!!!!!!!

سر العلاقة بين البنات والمراية


علاقة البنات مع المراية علاقة قديمة علاقة حب وعشق لاتنتهى حتة بعد كسرها او فقدها يتم استنساخ اخرى عن طريق الشراء لااخرى بنفس المواصفات التى كانت موجودة فى المراية القديمة
---------------------------
لاتستطيع بنت ان تعيش بدون مراية ولو لثانية واحدة فهى بالنسبة لها الرفيقة والصديقة والعزيزة على قلبها واللى تنسى الدنيا كلها ولاتنساها او تبعد عنها حالة من حالات العشق والمحبة الفريدة فى نوعها ولا تجد لها مثيل فى اى وقت علاقة اتشرف بترشيحها للدخول الى الموسوعة العالمية
---------------------------
ان المراية بالنسبة الى البنات روح وحياة طريق لاغنى عنة مهما مرت الايام والشهور والسنين على البنات احتمال ان تفقد اى علاقة بريقها الا علاقة البنات مع المراية فهى كل ثانية فى تجدد مستمر عاطفة لاتنتهى الا بالموت انى اتخيل واعتقد ان البنات عند الموت تنظر النظرة الاخيرة الى المراية لقاء النهاية والوداع
---------------------------
من شدة حب البنات للمراية تجدها معها فى كل مكان فى الجامعة والعمل والنادى وفى الطريق فى اى مكان لاغنى ولا استغناء عنها الم تصادف فى مرة بنت وهى تمسك بالمراية وهات ياحب وعشق وهيام تنظر فيها وتنسى العالم والدنيا
----------------------------
ان حب البنات للمراية نابع من حب الظهور فى احسن حالة فالمثل يقول لبس البوصة تبقى عروسة_ طيب وهتبقى عروسة ازى بدون مراية لازم وجودها عشان تعرف تظبط وتحدد وتلون وفى النهاية عندما تنظر اليها تشعر انك تنظر الى عروسة بلا روح
----------------------------
لامانع من ان تحب البنات الظهور بمظهر حسن وجميل ولكن دون تكلف فخير الامور الوسط ولكن هذا التعلق الشديد بالمراية هل هو حب وعشق ام تعود وادمان ام هو اشياء اخرى لانعرف نحن الرجال عنها شىء؟
-----------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل