حافظ على البيئة بالفعل مش بالكلام
على البيئة حافظ خلى بيها فية اهتمام
صحتى وصحتك صحة كل الناس
فى بيئة نظيفة جميلة صدقنى مش احلام
---------------------------------
خلى البداية عندك خليها عليك
لما يشوفك غيرك مهتم ومحافظ وبتعمل اللى عليك
هيقلدك وهيعمل زيك
خلى البداية عندك خليها عليك
---------------------------------
تعالة نزرع قدام كل بيت ومكان شجرة جميلة
نروبها ونهتم بيها
وبكرة تضلل علينا
من شمس الصيف تحمينا
------------------------------
ازرع ولاتقطع شجرة
ازرع فايدتها فى بكرة
تعالة وبصوت مسموع نصرخ ونقول ممنوع
تقطع شجرة تهدم بستان
مش من حقك ياانسان
-----------------------------
اصرخ سمع كل الكون محتاجين بجد قانون
يحمى الارض يحمى نباتها
يحمى البيئة يحمى الكون
عندك حق محتاجين قانون
يضرب بيد من حديد على ايد تقطع شجرة او تعمل على ما يدمر البيئة
لان البيئة حياة الانسان لو راحت يروح الانسان
تحياتى
موضوع مهم ياتامر
البيئة يعنى حياتنا
يعنى المكان اللى بنعيش فية
لو كل واحد حافظ زى ما بتقول ونقطة البداية
تكون عندة
مش هنشوف غير بيئة نظيفة
تحياتى
السلام عليكم
انت عندك حق
احنا محتاجين قانون يمنع قطع الاشجار
علي المسئولين قبل الناس العاديين
بس دا محتاج تكاتف ايدينا جميعا
تحياتي لك صديقي العزيز
اول مره بصراحه يا تامر
الاقى فى بلدنا حد مهتم بموضوع البيئه
لازم تكون فى عقوبه على اللى يقطع شجره
لازم تكون فى عقوبه على الخلق اللى بتحرق الزباله واطارات الكاوتش فى الشارع وتسمم الهوا اللى بنتنفسه
لازم يكون فى عقوبه على حتى اللى يرمى زباله فى الشارع
لكن كل واحد تلاقيه بيقولك يعنى الورقه اللى رميتها خلاص هى اللى هتوسخ الشارع
منتهى السلبيه
ومنتهى الاستفزاز
لازم يكون فى عقوبه
لازم
اة انا اسفه يا تامر
البوست بتاعك شدنى
واستفز اعماقى بالتعليق
ونسيت اشكرك
على تعليقك الرقيق بمدونتى
الف شكر
السلام عليكم
دعوة جميله وياريت كل واحد فعلا يبدأ بنفسه وقتها مش هنحتاج لاى قانون
طبعا لا بد من أشجار عشان نعلق فيها المراجيح
:)
مش عارفة ليه بس حاسة ان احساسك مرهف قوى
من القطط والزرع وكده يعنى
شخصية حالمة
نرجع لموضوعنا
لو الواحد ابتدى يبص للنضافة بمنظور اسلامى بان لما يرمى حاجة بياخد سيئة بينما لو ازاى قمامته واستطاع ان ينظف من حوله بزيادة الاشجار فهو يصنع جنته فى الحياة وفى الاخرة
تقبل مرورى يا افندم
تحياتى
هبة
جميلة يا تامر والله
بس كنا عايزين حاجة بسيطة زي الكلمات دي تتوجه للسادة المزارعين المحترمين علشان يرحمونا من دخانهم شوية
انت عارف الموضوع دة تاعبني نفسيا ازاي
تحياتي واحتراماتي
بوست اكثر من رائع ياتامر
انا وجدت بحث يتكلم عن التلوث
اتمنى ان يعجبك
--------------------------------
التلوث البيئي يؤدي للإصابة بالسكتة الدماغية
دراسة جديدة تؤكد وجود علاقة بين هواء المدن الملوث وزيادة الإصابة بالسكتة الدماغية.
أعلن باحثون تايوانيون أن تلوث هواء المدن يمكن أن يزيد بدرجة كبيرة احتمالات إصابة الانسان بسكتة دماغية.
وكشف العلماء في تايوان وجود علاقة واضحة بين تزايد مستويات اثنين من الملوثات الشائعة وبين الاصابة بسكتة دماغية وخاصة في الايام الحارة.
قام العلماء بجمع بيانات عن 23179 مصابا بالسكتة الدماغية بين عامي 1997 و2000 في كاوهيسيونج أكبر المدن في تايوان وأحد المراكز الصناعية بها أيضا.
وكشف العلماء أنه مع زيادة التعرض للجزيئات الملوثة بالسخام المعروفة باسم "بي إم 10" وثاني أكسيد النيتروجين تزيد حالات الاصابة بسكتة دماغية.
من هنا يمكن حساب تأثير التلوث على احتمال الاصابة بالسكتة الدماغية.
"فكل تغير في الـ بي إم 10 بمقدار 66.33 ميكروجرام في كل متر مكعب تصاحبه زيادة بنسبة 54 في المئة لاحتمال الاصابة بسكتة دماغية ناتجة عن انفجار شريان دموي في المخ ".
وحدثت زيادة مماثلة في احتمال الاصابة مع زيادة ثاني أكسيد النتروجين بنسبة 7.08 من المليار.
"ويكون التأثير ملحوظا بأقصى درجة في الايام الحارة عندما تتجاوز الحرارة 20 درجة مئوية".
وقال البروفسور شون يو يانج من جامعة كاوهيسيونج الطبية والذي يقود فريق البحث "هذه الدراسة تقدم دليلا جديدا على أنه كلما ارتفعت مستويات التلوث في الجو زادت احتمالات الاصابة بالسكتة الدماغية خاصة في الايام الحارةكما ذكر موقع ميدل ايست اونلاين.
ونشرت نتائج هذه الدراسة السبت في مجلة جمعية القلب الامريكية"ستروك".
وكانت هناك دراسات سابقة توضح وجود علاقة بين تلوث الجو ومعدل الوفيات اليومية بسبب أمراض الرئة والقلب. ولكن كانت هناك أدلة متضاربة بشأن السكتة الدماغية.
ويتشكك الكثير من الخبراء في إمكانية تأثير تلوث الجو في حجم الدم ومتانة الاوعية الدموية وبنية القلب.
وقال البروفسور يانج إن من الممكن بمزيد من البحث إنتاج عقاقير لحماية الناس من تأثيرات التعرض قصير المدى للملوثات وعلى سبيل المثال خلال وقت الذروة.
وقال " في الطقس الحار ننصح الناس بتجنب التلوث والبقاء بداخل المباني واستخدام مكيفات الهواء عند الحاجة".
واخير البحث يدل على اهمية الحفاظ على البيئة
تحياتى
جميل ياتامر اننا نهتم بالمكان اللى بنعيش فية
وبالتالى بالبيئة
الى الامام دوم تموررر
تحياتى
ياريت ياتامر يكون فية قانون
عشان الناس تلتزم بالحفاظ على البيئة والمكان اللى بتعيش فية
تحياتى
اليد الواحده لا تصفق ابدا
لو تعاونا لكانت بلادنا جميله ورائعه نظيفه بمعنى الكلمه
كلمات رائعه لامست واقعنا
دعوة جميلة
وصوت حق
بوست مميز تامر
تحياتى
العزيز تامر
فعلا لازم كل واحد يبتدي بنفسه مايبصش لغيره و ينتقده انه مش بيعمل كذا لأ نبتدي بنفسنا و ممكن حد يشوفنا و يقلدنا في حاجه كويسه ممكن نكون بنعملها
البيئه فعلا قاست من عمايلنا
تحياتي علي طرحك لموضوع مميز و مش جديد عليك ياتامر دايما مميز
السلام عليكم
أولا آسفه جدا على تأخيرى فى الزياره
كالعاده بوست هادف لحاجه معينه
أحنا فعلا فى مأساه ومحتاجين قانون
مشكله الشعب المصرى ان الحاجه الوحيده اللى بتوجعه الفلوس يعنى لو عملت رى اى حاجه على الأرض بغرامه زى الامارات استحاله هتلاقى حد هيرمى ورقه
فعلا محتاجين قااااانون
بس زى ما انت بتقول الأنسان المفروض من نفسه من غير قانون الأنسان النظيف فى بيته هيفضل نظيف بره بيته
أنا بصراحه لما بلاقى حد بيرمى حاجه فى الشارع بعرف على طول انه مش نظيف
ولازم كل واحد يبدأ بنفسه ونزرع شجره ونلم ورقه مش عيب أبدا على فكره
دايما مواضيع جميله
وإيه كل القطط دى أنا بخاف منها على فكره
تحياتى
انت اشتغلت فى المحافظة ولا ايه؟
ههههههه
بهذر طبعا ، انت معاك حق،البيئة النظيفة هى اساس الحياة الصحية
العالم بيعانى من مشكلة الاحتباس الحرارى بسبب عدم احترام البيئة
كلماتك جميلة والقضية فعلا مهمة
تحياتى
السلام عليكم
احييك على البوست الرائع
فعلا كلامك مظبوط
وجميل
ازرع ولاتقطع شجرة
ازرع فايدتها فى بكرة
تسمحلى اقول
...-...-...-...-
ساعد لو حتى بفكرة
لو حتى فى ايدك بذرة
اغرسها وقول يارب
ولما تكبر شجرة
اشكر من وهب
....-...-..-..-.-
عمرك بكدة ما تضيع
عمرك ما هتقول اه
لان الحياة فى العمل
والكسل دا سر الاه
شكرا على الكلام الواعى وعلى الامل
وعلى الالهام
يارب تبنى ولو طوبه فى سور مصر العظيم
وفعلا ممكن يكون فيه قانون ولكن بيتنفذ الله اعلم الدنيا مليانه قوانين
الله المعين
تحياتى
Amira
حياة الانسان فعلاا مهددة بما يفعل ايضا الانسان
اشكرك جداا
تحياتى
ليلى حسين
لو كل واحد قال يابداية هيكون الحال غير الحال
اشكرك جداا
تحياتى
mohand
وعليكم السلام
فعلاا ياصاحبى محتاجين قانون فورى والاهم يطبق على الكبير قبل الصغير وليس مجرد صورة بدون معالم
اشكرك جدااا
تحياتى
shreen
عارفة المشكلة ان كل واحد لايعطى اهمية لما يفعل ويلحق من ضرر بالبيئة كما قولتى على اعتبار ان ورقة فى الشارع ليس بالامر الكبير
ولكن اذا نظر الى الامر من منطلق ان كل واحد هيعمل زى ما بيعمل هيكون الوضوع بيئة لايطاق الحياة فيها
العفو يا شرين
اشكرك جداا على تشريفك ليا
تحياتى
رينـــــــــــا
وعليكم السلام
لو كل انسان فعلاا عرف اهمية الحفاظ على المكان اللى بعيش فية وعلى البيئة عموما اكيد مش هنحتاج الى اى قانون
اشكرك جداا
تحياتى
سكينة
المراجيح عشان العيال الصغيرة طبعا فايدة كبيرة ايضا لااشجار
اشكرك جدااا
تحياتى
Doba
مش حالم
ان شخصية واقعية وبتمنى وضع افضل واكثر نظافة للبئة عارف انة صعب لكن ليس مستحيل
وفعلاا من منطلق الاسلام
النظافة من الايمان ياريت الانسان يعلم ويتعلم ويعرف اهمية النظافة
اشكرك جداا
تحياتى
A.SAMIR
ايوة فاهم طبعا ياريس ههههه
احنا نقول ليهم وايضا للحكومة اللى عليها دور كبير فى الموضوع دة
اشكرك جداا
تحياتى
نجمة
ربنا يخليكى تسلمى
والف شكر على البحث الاكثر من رائع
تحياتى
$ سهى $
ربنا يخليكى
اشكرك جداا
تحياتى
ana mean
ياريت ياصاحبى يكون فية قانون والاهم يطبق على الجميع
اشكرك جداا
تحياتى
Shaima'a Alkandari
كلامك مظبوط نحن نحتاج الى تعاون الجميع للحصول على افضل النتائج
اشكرك جدااا
تحياتى
هانى
ربنا يخليك ياعم هانى
اشكرك جدااا
تحياتى
اجندا حمرا
كلامك سليم
عارفة المشكلة ان كل واحد لايعطى اهمية لما يفعل ويلحق من ضرر بالبيئة كما قولتى على اعتبار ان ورقة فى الشارع ليس بالامر الكبير
ولكن اذا نظر الى الامر من منطلق ان كل واحد هيعمل زى ما بيعمل هيكون الوضوع بيئة لايطاق الحياة فيها
اشكرك جداا
تحياتى
حياة الأحلام
وعليكم السلام
مش عيب فعلاا ان الانسان يكون نظيف ويحافظ ويراعى ويقوم بالاعمال دى
دة قمة التحضر فعلاا
اشكرك جدااا
ديما منورنى بوجودك
تحياتى
amro
فعلاا ياصاحبى مشكلة ما بعدها مشكلة
تدمير البيئة يعنى تدمير الانسان نفسة
ياريت يكون فية عقلاء بالدنيا تدرك خطورة الامر
اشكرك جداا
تحياتى
mohamed
وعليكم السلام
فعلاا ياصاحبى الحفاظ على البيئة حياة وروح لينا بدونها لن يكون فية استمرار للحياة
اشكرك جداا على الاضافة الرائعة
ربنا يوفقك ويكرمك
تحياتى
إرسال تعليق