رجل على رجل قاعدة معلمين
دلوقتى قاعدة بنت
والشيشة ودخانها فى ايدها منورين
تشد شد وتسحب سحب
وكلة على الصدر وعلى القلب
------------------------
تشرب وتشد مش اى شيشة
تفاح وفاكهة وكلة على الريحة
بقت موضة ومنتشرة بين البنات
الشيشة وتفاحها
وعلى القهوة الكلام خد وهات
------------------------
خلاص بقت بالشيشة بنت مودرن وعصرية
ومفيش فرق بينها وبين اجدعها شنب فى المطرية
كل يوم قبل الجامعة على القهوة تشوفها قاعدة
هيا وكم بنت والشيشة دايرة ما بينهم طول القاعدة
---------------------------
وياسلام عليها وعلى ماشيتها
بعد حجر واثنين متظبتين وعلى كيفها
تمشى وتتمختر ما تقولشى عروسة بتزف
تدخل جامعتها حوالين نفسها تدور وتلف
-----------------------------
الشيشة تضر سواء شاب اوبنت
لكن مع البنت تفرق والخسارة اكبر
خسارة صحة وسمعة وفضيحة وسط الجامعة
ونار هتفضل قايدة فيها منين ماتروح ولعة
-----------------------------
واخر الكلام البنت على القهوة
تجيب ليها مصيبة وبلوة
ولاحد هيفكر منها يقرب
وان قرب هيخد منها ويجرى ويهرب
---------------------------
تامر
مسا الخير
فعلا شكلها وحش اوى الحكاية دى
وانتشرت، انا بشوفهم فى كافيهات معينة
بس مكنتش اعرف انها انتشرت فى القهاوى كمان
الشيشة مضرة وبتسبب التهاب الكبد الوبائى اللى بيبقى مستخبى فى المية، وبق الشيشة
يريت كلنا نبطل شيشة وسجائر
تحياتى
وسع يا جدع فرنسا وصلت
فين هى البنت اللى بتشرب الشيشه دى
هات لى ارقامهم القوميه
واسم المنطقه
واسم القهوه
واسم بتاع الفحم كمان
وبعدين
انا لى ابن اخت فى تالته ابتدائى
عايز لما يكبر يبقى ظابط
اول ما يتعين
هخليه يقبض عليهم على طول
amro
مساء النور
قهوة كافتيريا كافى شوب تختلف الاسامى والهدف واحد
ربنا يرحمنا ويتوب على الجميع منها
تحياتى
فرنسا هانم
هههههههه
هيا بنت واحدة دول ياما
اجيب ليك ملاين منين دلوقتى ههههه
خلاص هستنى لما يكبر
احلى حاجة وهو كمان يكون انضم ليهم بنات تانية والخير يبقى اكبر
تحياتى
صباحه بيزقزق يا عم تامر
عادى ياسيدى
انت متعصب ليه
انا شايف ان دى حرية شخصية و على فكرة البنات اللى انت بتتكلم عنهم دول ليهم فى الثقافة زينا
يعنى مالكش اعتراض
شفت الثقافة بتعمل فينا ايه؟
تحياتى
الحكاية دى فعلا انتشرت
وبقي شكلها وحش اوي
انا الصراحة مبحترمش البنت اللي تشرب شيشة او سجاير
وحتى لو مثقفة تبقي فاهمة الثقافة غلط
وهي من ناحية حرية شخصية هي فعلا حرية شخصية
بس انا عن نفسي مش بحترمهم خالص
كفاية انها حرام ومضرة بالصحة وهما عارفين كده
وربنا يتوب علينا من المناظر دي
مع ان انا شخصياضد شرب البنات للشيشه مش لسبب غير ان بيخلي شكلها مش رقيق و انثوي بس بصراحه دي حريه شخصيه و طالما ما بضرش حد هي حرة من حقها علاينا ان احنا نحترم حريتها الشخصيه طالما مبتئزيش حد
ماشاء الله مدونتك جميله قوى وتصميمها جميل
وطبعا كلماتك والله من غير مجامله جميل قوى
وموضوع شيشه البنات دة غريب قوى
ليه كتير من البنات
مش بقت بتخجل من فعل اى حاجه كدة قدام الناس نفسى بجد اعرف هى بتفكر ازاى وليه بتعمل كدة
ربنا يهدينا ويهديهم اللهم امين يارب العالمين
فعلا يا تامر
بس مش المشكله
ان البنت هى اللى بتشرب الشيشه
المشكله
ان الشباب كلهم بقوا يشربوا الشيشه
الرجاله فاكرينها رجوله
وعوده الى احساس
سى السيد
والبنات
شيفينها حريه ومساوه
وهى فى الحالتين غلط
مره اخرى موضوع مهم و متميز
تحياتى
يعني هي الشيشة ربنا خلقها مكتوب عليها لقتل الرجال فقط
يا تامر سيبهم يشربوا يمكن عددهم ينقص شوية
:)
والله ياتيمو انا بستحقر البنات اللى من النوعية دى
تعرف
ببقى نفسى اخلع الجزمة واديها على دماغ اللى جابوها
وبيحصلى اشمئزاز
تعرف بقى صوتهم بيبقى اتخن من صوت الجاموسة كمان
واكيد ريحة بقها معفنة
وسنانها
اكيد مش نضيفة
لما شفتهم فى الحسين على سور المسجد
والله كنت
عمال العن الحكومة
اللى سيباهم عند باب ابن سيدنا النبى يشيشو
تحياتى ياتيمو
بقت عادى خالص ياتامر
حرية شخصية
بس نفسى البنت تعرف ان مفيش شاب بيحترم بنت بتدخن
ولايفكر فى الارتباط بيها
وهيا كمان لاتستطيع ان تقول لخطيبها انها بدخن او كانت
تحياتى
بقت عادى خالص ياتامر
حرية شخصية
بس نفسى البنت تعرف ان مفيش شاب بيحترم بنت بتدخن
ولايفكر فى الارتباط بيها
وهيا كمان لاتستطيع ان تقول لخطيبها انها بدخن او كانت
تحياتى
موضوع مهم ياتامر
الشيشة تءثر وتضر الصحة
سواء للبنت او الشاب
وكلامك عن نظرة المجتمع والضرر الاكبر على البنات معاك فية
تحياتى
فية بعض البنات تعتقد بهذا الفعل انها فى مرحلة اصبحت قادرة فيها على المساواة مع الرجل
ودة اكبر غلط لان هناك فرق كبير بين الرجل والست او الشاب والبنت
رغم ان الدخان يضر الجنسين
الا انة فى مجتمع مثل المجتمع المصرى والشرقى يؤثر على سمعة البنت
تحياتى
هاي تامر
شوف لو الشيشه زي مابتقول مضره تبقي مضره للأتنين لكن مانقولش للولد اوكي و نيجي للبنت لما تشيش و نقول فضيحه
يانبيحها للكل يانمنعها خالص عن الكل و في الاخر كل واحد يعمل اللي بيحبه و مش شرط يعجب الناس لأنه مش بيعمله عشان الناس صح؟
تحياتي ليك تامر
دول بنات خايبة
وكمان الشباب اللى بيشرب شباب خايبين
سلاموزززززز
عودة
:)
انا مش بطيق ريحة الدخان نهائى
وجد بحتقر كل اللى بيدخن
تحياتى
الشيشة تضر سواء بنت او شاب
لازم يكون فية توعية اكبر بالموضوع دة نظرا لخطورتة على الصحة
شكرا ليك ياتامر على طرحك للموضوع الهم دة
تحياتى
islam yousef
صباح الخير عم اسلام
الثقافة مظلومة مش عارفة تجدها منين ولا منين
نحن ننسب لها ما ليس لة صلة بها
عمر التدخين ماكان ثقافة
المشكلة ان البنات اللى بتشري شيشة تقول حرية اشمعنا الشباب
زى ما يكون حد قال هيا حق للشباب ومحرمة على البنات
هى تضر الجميع ولكن كما قولت ان الضرر منهال الواقع على البنت اكبر ومظرة المجتمع ليها خلاف الولد
تحياتى
شاب مصري مفروس
نعم هى بعيدة عن الثقافة
واغلبية المجتمع لاتحترم البنت التى تدخن
تحياتى
الحمقاء المضلله innominate
طبعا هيا حرية شخصية واول من يضر هيا نفسها صاحبة الشيشة
تحياتى
رفقة عمر
ربنا يخليكى اشكرك جداا على كلامك الجميل فى حق المدونة
هيا بتعمل كدة معتقدة انها شطارة وتحضر
تحياتى
shreen
فعلاا عزيزتى ازمة تصرف وتفكير غلط
ربنا يهدى يارب
تحياتى
شادي فايد
ههههههههه
مش هينقص بالعكس هيذيد هههههه
تحياتى
doha
عندك حق فى كلامك واتفق معاك
خليهم فاكرين ان دة تحضر لحد ما يندموا حيث لاينفع الندم
تحياتى
ana mean.
كلامك صحيح ودة شىء اساسى
تحياتى
Amira
تمام يا اميرة اشكرك على تفهمك للموضوع
تحياتى
شربات
فعلاا ياشريات
الدخان يضر الجنسين وفكرت البنات عن الشيشة فكرة فيها تضليل
تحياتى
اجندا حمرا
ازيك عزيزتى اجندا
طبعا كلامك مظبوط
الضرر واقع على الجنسين ورغم انها حرية شخصية
الا الضرر الواقع على البنت اكبر لانة يمس سمعتها ودة نظرة مجتمع صعب نغيرها
تحياتى
محظوظة
فعلاا خايبين وتعبانين ودماغهم ضاربة الاثنين طبعا هههه.
تحياتى
ريما
حمد الله على السلامة نورتى المدونة
تحياتى
بنوتة
ربنا يكملك بعقلك
تحياتى
نجمة
اكيد كلامك صحيح
ربنا يهدى
وشكرا ليكى
تحياتى
حاجة مقرفة اوى لما بنت تعقد على قهوة وتشرب زفتة
فين الحياء
شكر تامر على الموضوع المميز
تحياتى
معاك حق ياتامر
دول بنات عايزين الحرق
تحياتى
اى دخان بيضر الانسان بنت او شاب
يمكن عشان احنا فى مجتمع شرقى ولية عادات وتقاليد ثابتة
ونظرة معينة لاختلف بمرور الوقت
فتدخين البنت للشيشة اصبح كما سطرت لنا
تحياتى
للاسف
منظر مزري لابعد حد
منظر سيء جدا جدا
كتبت من كام شهر في البلوج عندي موضوع عن تدخين المرأة اسمه نظرة سلبية
فعلا في فرق كبير جدا بين الشاب المدخن والمرأة المدخنة
الشاب المدخن منظره مش ملفت على الاطلاق
انما البنت المدخنة بتحاوطها دايما علامات استفهام كبيرة
تحياتي واحتراماتي
الشيشة حاجة مش حلوة عشان تمسك فيها البنات او الشباب
موضوع حلو تامر
تحياتى
إرسال تعليق