recent

آخر الأخبار

recent
recent
جاري التحميل ...
AMRO .O. ABDELHALIMيقول...

تامر
مسا الخير
فعلا شكلها وحش اوى الحكاية دى
وانتشرت، انا بشوفهم فى كافيهات معينة
بس مكنتش اعرف انها انتشرت فى القهاوى كمان
الشيشة مضرة وبتسبب التهاب الكبد الوبائى اللى بيبقى مستخبى فى المية، وبق الشيشة
يريت كلنا نبطل شيشة وسجائر
تحياتى

فرنسا هانميقول...

وسع يا جدع فرنسا وصلت
فين هى البنت اللى بتشرب الشيشه دى
هات لى ارقامهم القوميه
واسم المنطقه
واسم القهوه
واسم بتاع الفحم كمان
وبعدين
انا لى ابن اخت فى تالته ابتدائى
عايز لما يكبر يبقى ظابط
اول ما يتعين
هخليه يقبض عليهم على طول

Tamer Nabil Moussaيقول...

amro

مساء النور

قهوة كافتيريا كافى شوب تختلف الاسامى والهدف واحد

ربنا يرحمنا ويتوب على الجميع منها

تحياتى

Tamer Nabil Moussaيقول...

فرنسا هانم

هههههههه

هيا بنت واحدة دول ياما

اجيب ليك ملاين منين دلوقتى ههههه

خلاص هستنى لما يكبر

احلى حاجة وهو كمان يكون انضم ليهم بنات تانية والخير يبقى اكبر

تحياتى

islam yusufيقول...

صباحه بيزقزق يا عم تامر
عادى ياسيدى
انت متعصب ليه
انا شايف ان دى حرية شخصية و على فكرة البنات اللى انت بتتكلم عنهم دول ليهم فى الثقافة زينا
يعنى مالكش اعتراض
شفت الثقافة بتعمل فينا ايه؟

تحياتى

السينيوريقول...

الحكاية دى فعلا انتشرت

وبقي شكلها وحش اوي

انا الصراحة مبحترمش البنت اللي تشرب شيشة او سجاير

وحتى لو مثقفة تبقي فاهمة الثقافة غلط

وهي من ناحية حرية شخصية هي فعلا حرية شخصية

بس انا عن نفسي مش بحترمهم خالص

كفاية انها حرام ومضرة بالصحة وهما عارفين كده

وربنا يتوب علينا من المناظر دي

الحمقاء المضلله innominate xيقول...

مع ان انا شخصياضد شرب البنات للشيشه مش لسبب غير ان بيخلي شكلها مش رقيق و انثوي بس بصراحه دي حريه شخصيه و طالما ما بضرش حد هي حرة من حقها علاينا ان احنا نحترم حريتها الشخصيه طالما مبتئزيش حد

رفقة عمريقول...

ماشاء الله مدونتك جميله قوى وتصميمها جميل
وطبعا كلماتك والله من غير مجامله جميل قوى
وموضوع شيشه البنات دة غريب قوى
ليه كتير من البنات
مش بقت بتخجل من فعل اى حاجه كدة قدام الناس نفسى بجد اعرف هى بتفكر ازاى وليه بتعمل كدة
ربنا يهدينا ويهديهم اللهم امين يارب العالمين

shreenيقول...

فعلا يا تامر
بس مش المشكله
ان البنت هى اللى بتشرب الشيشه
المشكله
ان الشباب كلهم بقوا يشربوا الشيشه
الرجاله فاكرينها رجوله
وعوده الى احساس
سى السيد

والبنات
شيفينها حريه ومساوه
وهى فى الحالتين غلط

مره اخرى موضوع مهم و متميز
تحياتى

SomeOneيقول...

يعني هي الشيشة ربنا خلقها مكتوب عليها لقتل الرجال فقط

يا تامر سيبهم يشربوا يمكن عددهم ينقص شوية
:)

مدحت محمديقول...

والله ياتيمو انا بستحقر البنات اللى من النوعية دى
تعرف
ببقى نفسى اخلع الجزمة واديها على دماغ اللى جابوها
وبيحصلى اشمئزاز
تعرف بقى صوتهم بيبقى اتخن من صوت الجاموسة كمان
واكيد ريحة بقها معفنة
وسنانها
اكيد مش نضيفة
لما شفتهم فى الحسين على سور المسجد
والله كنت
عمال العن الحكومة
اللى سيباهم عند باب ابن سيدنا النبى يشيشو
تحياتى ياتيمو

دكتور لغة العيونيقول...

بقت عادى خالص ياتامر

حرية شخصية

بس نفسى البنت تعرف ان مفيش شاب بيحترم بنت بتدخن

ولايفكر فى الارتباط بيها

وهيا كمان لاتستطيع ان تقول لخطيبها انها بدخن او كانت

تحياتى

دكتور لغة العيونيقول...

بقت عادى خالص ياتامر

حرية شخصية

بس نفسى البنت تعرف ان مفيش شاب بيحترم بنت بتدخن

ولايفكر فى الارتباط بيها

وهيا كمان لاتستطيع ان تقول لخطيبها انها بدخن او كانت

تحياتى

Amiraيقول...

موضوع مهم ياتامر

الشيشة تءثر وتضر الصحة

سواء للبنت او الشاب

وكلامك عن نظرة المجتمع والضرر الاكبر على البنات معاك فية

تحياتى

شرباتيقول...

فية بعض البنات تعتقد بهذا الفعل انها فى مرحلة اصبحت قادرة فيها على المساواة مع الرجل

ودة اكبر غلط لان هناك فرق كبير بين الرجل والست او الشاب والبنت

رغم ان الدخان يضر الجنسين

الا انة فى مجتمع مثل المجتمع المصرى والشرقى يؤثر على سمعة البنت

تحياتى

غير معرف يقول...

هاي تامر

شوف لو الشيشه زي مابتقول مضره تبقي مضره للأتنين لكن مانقولش للولد اوكي و نيجي للبنت لما تشيش و نقول فضيحه
يانبيحها للكل يانمنعها خالص عن الكل و في الاخر كل واحد يعمل اللي بيحبه و مش شرط يعجب الناس لأنه مش بيعمله عشان الناس صح؟

تحياتي ليك تامر

محظوظةيقول...

دول بنات خايبة

وكمان الشباب اللى بيشرب شباب خايبين

سلاموزززززز

Reemaيقول...

عودة
:)

بنوتةيقول...

انا مش بطيق ريحة الدخان نهائى

وجد بحتقر كل اللى بيدخن

تحياتى

غير معرف يقول...

الشيشة تضر سواء بنت او شاب

لازم يكون فية توعية اكبر بالموضوع دة نظرا لخطورتة على الصحة

شكرا ليك ياتامر على طرحك للموضوع الهم دة

تحياتى

Tamer Nabil Moussaيقول...

islam yousef

صباح الخير عم اسلام

الثقافة مظلومة مش عارفة تجدها منين ولا منين

نحن ننسب لها ما ليس لة صلة بها

عمر التدخين ماكان ثقافة

المشكلة ان البنات اللى بتشري شيشة تقول حرية اشمعنا الشباب

زى ما يكون حد قال هيا حق للشباب ومحرمة على البنات

هى تضر الجميع ولكن كما قولت ان الضرر منهال الواقع على البنت اكبر ومظرة المجتمع ليها خلاف الولد

تحياتى



شاب مصري مفروس

نعم هى بعيدة عن الثقافة

واغلبية المجتمع لاتحترم البنت التى تدخن

تحياتى

Tamer Nabil Moussaيقول...

الحمقاء المضلله innominate

طبعا هيا حرية شخصية واول من يضر هيا نفسها صاحبة الشيشة

تحياتى






رفقة عمر

ربنا يخليكى اشكرك جداا على كلامك الجميل فى حق المدونة

هيا بتعمل كدة معتقدة انها شطارة وتحضر

تحياتى

Tamer Nabil Moussaيقول...

shreen

فعلاا عزيزتى ازمة تصرف وتفكير غلط

ربنا يهدى يارب

تحياتى





شادي فايد
ههههههههه

مش هينقص بالعكس هيذيد هههههه

تحياتى

Tamer Nabil Moussaيقول...

doha

عندك حق فى كلامك واتفق معاك

خليهم فاكرين ان دة تحضر لحد ما يندموا حيث لاينفع الندم

تحياتى




ana mean.


كلامك صحيح ودة شىء اساسى

تحياتى

Tamer Nabil Moussaيقول...

Amira

تمام يا اميرة اشكرك على تفهمك للموضوع

تحياتى





شربات


فعلاا ياشريات
الدخان يضر الجنسين وفكرت البنات عن الشيشة فكرة فيها تضليل

تحياتى

Tamer Nabil Moussaيقول...

اجندا حمرا

ازيك عزيزتى اجندا

طبعا كلامك مظبوط

الضرر واقع على الجنسين ورغم انها حرية شخصية

الا الضرر الواقع على البنت اكبر لانة يمس سمعتها ودة نظرة مجتمع صعب نغيرها

تحياتى



محظوظة

فعلاا خايبين وتعبانين ودماغهم ضاربة الاثنين طبعا هههه.

تحياتى

Tamer Nabil Moussaيقول...

ريما

حمد الله على السلامة نورتى المدونة

تحياتى




بنوتة

ربنا يكملك بعقلك

تحياتى

Tamer Nabil Moussaيقول...

نجمة

اكيد كلامك صحيح

ربنا يهدى

وشكرا ليكى

تحياتى

ليلى حسينيقول...

حاجة مقرفة اوى لما بنت تعقد على قهوة وتشرب زفتة

فين الحياء

شكر تامر على الموضوع المميز

تحياتى

ألآسطى بليةيقول...

معاك حق ياتامر

دول بنات عايزين الحرق

تحياتى

الملكة هنديقول...

اى دخان بيضر الانسان بنت او شاب

يمكن عشان احنا فى مجتمع شرقى ولية عادات وتقاليد ثابتة

ونظرة معينة لاختلف بمرور الوقت

فتدخين البنت للشيشة اصبح كما سطرت لنا

تحياتى

AHMED SAMIRيقول...

للاسف
منظر مزري لابعد حد
منظر سيء جدا جدا
كتبت من كام شهر في البلوج عندي موضوع عن تدخين المرأة اسمه نظرة سلبية
فعلا في فرق كبير جدا بين الشاب المدخن والمرأة المدخنة
الشاب المدخن منظره مش ملفت على الاطلاق
انما البنت المدخنة بتحاوطها دايما علامات استفهام كبيرة
تحياتي واحتراماتي

لسة نونةيقول...

الشيشة حاجة مش حلوة عشان تمسك فيها البنات او الشباب


موضوع حلو تامر

تحياتى

تفاح وفاكهة وكلة على الريحة



رجل على رجل قاعدة معلمين
دلوقتى قاعدة بنت
والشيشة ودخانها فى ايدها منورين
تشد شد وتسحب سحب
وكلة على الصدر وعلى القلب
------------------------
تشرب وتشد مش اى شيشة
تفاح وفاكهة وكلة على الريحة
بقت موضة ومنتشرة بين البنات
الشيشة وتفاحها
وعلى القهوة الكلام خد وهات
------------------------
خلاص بقت بالشيشة بنت مودرن وعصرية
ومفيش فرق بينها وبين اجدعها شنب فى المطرية
كل يوم قبل الجامعة على القهوة تشوفها قاعدة
هيا وكم بنت والشيشة دايرة ما بينهم طول القاعدة
---------------------------
وياسلام عليها وعلى ماشيتها
بعد حجر واثنين متظبتين وعلى كيفها
تمشى وتتمختر ما تقولشى عروسة بتزف
تدخل جامعتها حوالين نفسها تدور وتلف
-----------------------------
الشيشة تضر سواء شاب اوبنت
لكن مع البنت تفرق والخسارة اكبر
خسارة صحة وسمعة وفضيحة وسط الجامعة
ونار هتفضل قايدة فيها منين ماتروح ولعة
-----------------------------
واخر الكلام البنت على القهوة
تجيب ليها مصيبة وبلوة
ولاحد هيفكر منها يقرب
وان قرب هيخد منها ويجرى ويهرب
---------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل