recent

آخر الأخبار

recent
recent
جاري التحميل ...
Amiraيقول...
أزال المؤلف هذا التعليق.
Amiraيقول...

دى مشكلة مجتمع قائمة ولن تزول والاسباب متعددة

وفية بنات عمرها ما ترضى تخد واحد هيا اكبر منة

ولو فية حب

وفية اللى يرضى لكن الاهل لاتوافق على الزيجة

انا شايفة مدام فية حب والطرفين راضين يبقى خلاص.

اية المانع

تحياتى

رفقة عمريقول...

هو فعلا مش غلط
بس المشكله فعلا فى كلام الناس
واحساس النقص والخوف اللى هايصيب البنت
دة الرجل بيكون اكبر من مراته بكتير ويفضل يتمنى بنت صغيره
مابالك لما تكون اكبر منه
بس هو طبعا بتحصل كتير وعلى فكرة بيكون علاقه ناجحه جدا سبحان الله وانا شوفت نماذج منها كتير

محظوظةيقول...

نعم نعم

اخدة كبير


لية بقى هو انا ناقصة وفيا حيل عشان اربى كمان هههههههه


بجد بقى تمور هيا حسب الدماغ وكل انسان عارف جواة اية وعلية يمشى ويختار

سلاموززززز

همسات دافئهيقول...

مممممممممم
هى محيره فعلن بس مش مسأله مجتمع بس ده برضه طبيعه الراجل والست بيتهيألى ترفضها
مش عارفه انا عقلى رفضها
سورى:(
تحياتى
شيماء:)

mohandيقول...

السلام عليكم

انا هتكلم في نطاق اسرتي
عندنا مفيش مشكلة خالص في الموضوع ده
وفي امثلة في العائلة كتيره بالشكل ده


بس في حاجه
ميكونش هو عيل وصغير ولسه ميقدرش يفتح بيت صح

ويوافق المجتمع


لازم يكون هو في سن يعتمد عليه

تحياتي

shreenيقول...

تامر
اولا كل سنه وانت طيب على عيد ميلادك
مع انها متأخره

اما على البوست
ولا يهمك
لو حتى الفرق 10 سنين
طالما فى حب
انتم تقفوا قدام العالم كله وتكسيوا
مش قدام المجتمع وبس
ايدك فى ايدها
مع الحب
تقدروا تزيحوا جبال من مكانها
ربنا يوفقكم

basma saghirيقول...

علشان امخاخنا عشش فيها العنكبوت ومش راضي يخرج

غير معرف يقول...

السلام عليكم ورحمه الله وبركاته

عيب مجتمع
وانا بمر بمشكله شبه دي
بس مشكلتي ان هو اكبر مني بحوالي 15 سنه
ووفقا للمجتمع والمعتقدات بيقولك ان الجوازه دي متنفعش
معرفش ليه
شخص الدنيا اخدته ومحصلش نصيب انه يتجوز وبقي عنده سبعه وتلاتين سنه
نرميه في الشارع ولا نعمل في ايه
انا شخصيا مقتنعه بيه كده
واللي انا مقتنعه بيه هعمله
بس الموضوع دا محتاج شويه اراده
اعمل زي واللي انت مقتنع بيه اعمله
ربنا بيكتب لكل انسان الشئ اللي يناسبه
صدقني مدام مقتنع توكل علي الله

سندباديقول...

كل سنة وانت طيب ولو انها متاخرة
معلش
اما للبوست في تقاليد في المجتمع صعب اوي انها تتغير حتي بمرور الزمن الطويل عليها
تحياتي
واسف علي تقصيري ياصديقي

ماما عبيريقول...

راى المجتمع واحد ومش هيتغير مهما مر من الوقت

وفى حالات زى دى وبتنجح

لكن من راى ان المفروض ان الشاب يكون اكبر من البنت


عشان العلاقة ناجح ما بينهم

تحياتى

شرباتيقول...

انا ضد رفض الموضوع

هيا حرية شخصية خاصة باالطرفين وبس دى حياتهم

وعلى قد الاختيار يتحمل الطرفين النتائج


تحياتى

بنت البلديقول...
أزال المؤلف هذا التعليق.
بنت البلديقول...

انا ضد ان البنت تخد واحداصغر منها

دة عن نفسى انا

ةالحرية متروكة للجميع

مقدر افرض على حد شىء


تحياتى

عــلاء ســالـــميقول...

السلام عليكم

في مجتمعنا عادات وتفاليد كتير مالهاش أي أساس .
ودي من أهم هذه العادات

Tamer Nabil Moussaيقول...

Amira

كلامك صحيح مشكلة مجتمع

بس مدام حب اكيد انا شايف زيك مفيش مانع

اشكرك جداا

تحياتى




رفقة عمر

طبعا صوابع ايدك مش زى بعضها وفعلاا هيا تخلف من انسان الى اخر
لكن المشكلة فى رفض المجتمع

تحياتى

Tamer Nabil Moussaيقول...

محظوظة

ومالوا لما تربى بقى هو انتى صغيرة ههههههههه

طبعا حكاية الدماغ دى مهمة

اشكرك جداا

تحياتى



همسات دافئه

طبيعى ان العقل يرفضها لان دى حكاية مجتمع بحالة

سورى علية دة رايك وانا احترمة

اشكرك جداا

تحياتى

Tamer Nabil Moussaيقول...

mohand


وعليكم السلام

اكيد ياصاحبى

لازم يكون قادر على فتح بيت

اشكرك جداا
.

تحياتى



shreen

وانتى طيبة وبصحة وسلامة ربنا يخليكى

اكيد اتفق معاكى مدام فية حب كل حاجة بعد كدة تتحل

على فكرة انا ماليش دعوة بالموضوع حسيت من كلامك انى انا المقصود

اشكرك جداا

تحياتى

Tamer Nabil Moussaيقول...

بيسوو

ولاامتة هيفضل عايش اعتقد لسة وقت طويل

اشكرك جداا


تحياتى


الدنيا ابسط من كده


اهم حاجة يكون فية خب واقتناع بالموضوع وبعد كدة كل حاجة ليها حل

اشكرك جداا

تحياتى

Tamer Nabil Moussaيقول...

sendbad


وانت طيب وبصحة وسلامة

عندك حق عادات وتقاليد المجتمع من الصعب تغيرها لكن يمكن التعديل فيها الى حدا ما الى ان يفرجها ربنا

اشكرك جداا


تحياتى



ماما عبير

احترامى رايك وهيا تختلف من انسان للتانى لان الحكاية مش حكاية سن وبس الحكاية حكاية تحمل مسئؤلية

ودى مش بالسن

اشكرك جداا

تحياتى

Tamer Nabil Moussaيقول...

شربات


كلامك صحيح واتفق معاكى تماما

اشكرك جداا

تحياتى



ست البنات


احترم رايك

اشكرك جداا

تحياتى

Tamer Nabil Moussaيقول...

alaa salim


وعليكم السلام


عندك حق

ربنا ينور العقول ويفك الكرب

اشكرك جداا

تحياتى

يا مراكبييقول...

موضوع بجد هادف فعلا .. أنا معاك في رأيك ده تماما .. فعلا مجتمعاتنا عايزة معالجة من أول وجديد

Tamer Nabil Moussaيقول...

يا مراكبي


بجد المجتمع فية حاجات غربية متمسك بيها وليس لها اساس

اشكرك جداا


تحياتى

غير معرف يقول...

صديقي الغالي تامر

موضوع مهم برضه ياتامر فرق السن و خصوصا لما المرأه تكون اكبر من الرجل انا شايفه ان طالما فيه حب و تفاهم يبقي مالهمش دعوه بالناس الناس مش هي اللي حتعيش حياتهم هما اللي حيعيشوها
تحياتي ليك علي تميز مواضيعك دايما ياتامر

مدام فية ... حب وفية اخلاص



بينة وبينها حب كبير
يشهد علية كل صغير كل كبير
حب عاش جواهم سنين
حب بجد ما يتنسيش
لو راح منهم محدش فيهم
يقدر يعيش
-----------------------------
المشكلة فى فرق كبير
بيتة وبينها تلات سنين
يعنى هيا اكبر منة وهو اصغر منها
وفى مجتمع زى مجتمعنا
عيب ما يصحش
والرجل لو خدها كبيرة عنة
الحياة ما بينهم ما تنفعش
-------------------------
حالة وفى زيها كتير
لكن اسأل اى حد اسأل اى كبير
هتلقئى نفس الرد نفس الكلام
الكل حافظ ومزاكر فية
ومهما تقول انسى مفيش
من كلامك اى امل اى تغير
-----------------------------
مدام فية حب وفية اخلاص
لية نضيع لية اجمل احساس
اية يعنى كبيرة عنة تفرق اية
لية نيجى عليهم وندمر فيهم
ونفرق بينهم ونبعد بينهم ياناس
-------------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل