recent

آخر الأخبار

recent
recent
جاري التحميل ...
بنت البلديقول...

احنا فى زمن صعب والانسان فية غالبا لاينظر سوى الى المادة

ولايعطى اهتمام بالحب والمعاملة الحسنة بينة وبين الناس

تحياتى

شرباتيقول...

لية الصورة مش واضحة ومقلوبة
وكل حاجة ماشية بخالف تعرف
وكل حاجة بقت مش تمام ومعكوسة
وعشان تعرف تمشى لازم خيار لازم كوسة
معقول دة زمن معقول دة انسان

ما هو يا تامر دة عيب الانسان نفسة اللى راضى بالحالة المفلوبة دى


لو كل واحد كان فى بداية وخطوة صحيحة للتغير كان الحال غير كدة

لكن الكل شايف وعايش وساكت
والمصائب تتكرر

تحياتى

mohandيقول...

السلام عليكم

هتفضل تقول فين وفين

لحد ما هتوه ومش هتلاقي ولا حاجه من دول


تحياتي

shabfa2reيقول...

:(

Tamer Nabil Moussaيقول...

ست البنات

احنا فى زمن صعب والانسان فية غالبا لاينظر سوى الى المادة

ولايعطى اهتمام بالحب والمعاملة الحسنة بينة وبين الناس

تحياتى
--------------------

عندك حق احنا فى زمن المادة زمن المظهر مش الجوهر
اشكرك جداا

تحياتى

Tamer Nabil Moussaيقول...

شربات

ما هو يا تامر دة عيب الانسان نفسة اللى راضى بالحالة المفلوبة دى


لو كل واحد كان فى بداية وخطوة صحيحة للتغير كان الحال غير كدة

لكن الكل شايف وعايش وساكت
والمصائب تتكرر

تحياتى
---------------------

البداية ديما صعبة لكن لابد منها بس مين يفهم ومين يسمع وبنفذ

اشكرك جداا

تحياتى

Tamer Nabil Moussaيقول...

mohand

السلام عليكم

هتفضل تقول فين وفين

لحد ما هتوه ومش هتلاقي ولا حاجه من دول


تحياتي
---------------------
وعليكم السلام

عندك حق ياصاحبى بصراحة الواخد فقد الامل فى التغير بس فية شويا
امل جوانا هيا اللى بتصبرنا

اشكرك جداا

تحياتى

Tamer Nabil Moussaيقول...

shabfa2re

:(

-------------

يعنى اية.

مش وخد بالى

Unknownيقول...

فين الجاكت بتاعى يا سوسن



تحت الكنبة يا حبيبى


سورى يا استاذ تامر كنت بكلم المدام

شوف حطة الجاكت تحت الكنبة
والشراب حطاة فى علبة المجوهرات
وحطة الغسالة فى اوضة النوم

كل حاجة مش فى مكانها

فى اعتذار بس بنعتذر للى غلطان
فى كلمة حق بس بتتقال فى وقت غير وقتها
والكبير بيسرق اة بيسرق
بس بيسرق عشان هو كبير
واحنا اللى صغرنا قدامة


هاسيبك بقى واروح اجيب الجاكت من تحت السرير
عشان الدنيا برد

همسات دافئهيقول...

ليه بس كده ياتامر
موجودين ان شاء الله بس قليل
try 2 find
بس دور عليهم الأول فى نفسك
تحياتى
شيماء

غير معرف يقول...

يا تامر

ما اللى وصلنا لكدهبسبب
اننا من اول ما ابتدينا نشوف غلط بسيط زى واحد بيرمى زباله فى الشارع
نسكت
لحد ما بقينا نشوف اللى بياخد فلوس البلد ونعمل نفسنا مش واخدين بالنا
هو ده اللى وصلنا لكده

سكتنا على الصغيره
واتعلمنا اللامبالاه
فبقت جزء من حياتنا فى الكبيره والصغيره

قبل ما نلوم الزمن
نلوم نفسنا

mediaيقول...

كل راح كله ادمر كله اتكسر

حياتي ليك
ومدورش كتير لان فعلا كله راح

Tamer Nabil Moussaيقول...

واحد مش فاهم حاجة

بسرعة بقى هات الجاكيت

لااحسن البرد صعب ومش حد يفيدك وقتها
هههههههه

عندك حق كل حاجة مقلوبة


تحياتى

Tamer Nabil Moussaيقول...

همسات دافئه


كلامك جميل

فعلاا لو كل واحد دور جوة نفسة وكانت عندة البداية الحال كان غير كدة خالص

تحياتى

Tamer Nabil Moussaيقول...

shreen

لوم النفس مهم جداا

والبداية عندنا

ولو كل واحد كانت البداية عندة

الحال هيكون غير الحال


تحياتى

Tamer Nabil Moussaيقول...

لولا

لية بس ياهانى ياشاكر هههههههههههههههههههه

يعنى نخلى فية حبة امل

الايام الجاية حد عارف فيها اية

تحياتى

oceaneyesيقول...

ده الزمن بتاعنا

ده الواقع اللى احنا عايشين فيه

مافيش مبادىء

مافيش اخلاق

مافيش قيم

مجتمع غير سليم مالوش اساس صح



هانعمل ايه يعنى ...ادينا بنحاول على قد ما نقدر نصلح من الغلط ..بس مهما عملنا عمرنا ما هنوصل للمدينة الفاضلة او حتى نعيش صح


تحياتى


:)

Eman and Yasserيقول...

نتفق مع ست البنات فى أن الأنسان أصبح مادي جداً ولا يهتم بالمعاملة الحسنة؟؟؟
ونحن نرى أن الحياة المادية بعيدا عن الأخلاقيات والقيم لن تخلق مجتمع متقدم.أنها الأعمال الحسنة وليست الأقوال

غير معرف يقول...

بتاع مصلحتة ونفسة والاخرين الى الجحيم بكرة تدور الدنيا علية ويقع على الارض وما تشيلة ولا يوقف جنبة وتواسية يومها يعرف قد اية هو كان انسان انانى ماحبش الا نفسة لانة مش هيشوف يومها حد من اصحابة بتوع نفس الطريق مصلحتى ونفسى كلهم وقت ما يوقع محدش هيسأل علية

معقول دة زمن معقول دة انسان











فين الحب فين الطيبة فين الحنية فين الامان

فين الود فين الرحمة فين الكلمة الواحدة

فين راحت فيك يازمان
----------------------

فين العدل فين الانصاف فين الحق فين الاحسان

فين الصبر فين الحلم فين الامل فين الانسان

فين غايبة المبادىء والاخلاق

فين راحت فين ياانسان
--------------------------

فين راحت الروح الحلوة فين حاضر وايوة

بين الكبير والصغير مش موجودة

فين الادب والاحترام فين راح الاهتمام

بين البشر وبعضها فى كل مكان
------------------------------

فين راحت اسف وغصب عنى ومش مقصودة

لية عند الغلط غاب الاعتذار والندم على اللى منى صار

لية التكبر والتمسك بالغلط ونرضى اكل الزلط

بدل من كلمة اعتذار وندم على غلط وقعنا فية

وحق علينا لاانسان
---------------------------

لية كلمة حق صعبة علينا وتقيلة على اللسان

لية نرضى نظلم ونكذب ونلون فى الكلام

ونهرب من الحقيقية كل يوم وليلة

ونفضل المصلحة ولو على حساب

كلمة حق وانصاف انسان
------------------------------

لية الكبير لما يسرق ويخد حاجة مش من حقة

نسكت وندارى ولانتكلم ونشكر فى اخلاقة وكرمة

ولما الصغير يسرق تقوم الدنيا والناس علية

والكل يطالب براقبتة وحسابة على سرقتة وغلطة

مع ان الكبير حرامى واستاذ والصغير حرامى وتلميذ

لكن بقينا نتصرف زى الخرفان والماعيز
--------------------------------

لية الصورة مش واضحة ومقلوبة

وكل حاجة ماشية بخالف تعرف

وكل حاجة بقت مش تمام ومعكوسة

وعشان تعرف تمشى لازم خيار لازم كوسة

معقول دة زمن معقول دة انسان
-------------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل