فين الحب فين الطيبة فين الحنية فين الامان
فين الود فين الرحمة فين الكلمة الواحدة
فين راحت فيك يازمان
----------------------
فين العدل فين الانصاف فين الحق فين الاحسان
فين الصبر فين الحلم فين الامل فين الانسان
فين غايبة المبادىء والاخلاق
فين راحت فين ياانسان
--------------------------
فين راحت الروح الحلوة فين حاضر وايوة
بين الكبير والصغير مش موجودة
فين الادب والاحترام فين راح الاهتمام
بين البشر وبعضها فى كل مكان
------------------------------
فين راحت اسف وغصب عنى ومش مقصودة
لية عند الغلط غاب الاعتذار والندم على اللى منى صار
لية التكبر والتمسك بالغلط ونرضى اكل الزلط
بدل من كلمة اعتذار وندم على غلط وقعنا فية
وحق علينا لاانسان
---------------------------
لية كلمة حق صعبة علينا وتقيلة على اللسان
لية نرضى نظلم ونكذب ونلون فى الكلام
ونهرب من الحقيقية كل يوم وليلة
ونفضل المصلحة ولو على حساب
كلمة حق وانصاف انسان
------------------------------
لية الكبير لما يسرق ويخد حاجة مش من حقة
نسكت وندارى ولانتكلم ونشكر فى اخلاقة وكرمة
ولما الصغير يسرق تقوم الدنيا والناس علية
والكل يطالب براقبتة وحسابة على سرقتة وغلطة
مع ان الكبير حرامى واستاذ والصغير حرامى وتلميذ
لكن بقينا نتصرف زى الخرفان والماعيز
--------------------------------
لية الصورة مش واضحة ومقلوبة
وكل حاجة ماشية بخالف تعرف
وكل حاجة بقت مش تمام ومعكوسة
وعشان تعرف تمشى لازم خيار لازم كوسة
معقول دة زمن معقول دة انسان
-------------------------------
احنا فى زمن صعب والانسان فية غالبا لاينظر سوى الى المادة
ولايعطى اهتمام بالحب والمعاملة الحسنة بينة وبين الناس
تحياتى
لية الصورة مش واضحة ومقلوبة
وكل حاجة ماشية بخالف تعرف
وكل حاجة بقت مش تمام ومعكوسة
وعشان تعرف تمشى لازم خيار لازم كوسة
معقول دة زمن معقول دة انسان
ما هو يا تامر دة عيب الانسان نفسة اللى راضى بالحالة المفلوبة دى
لو كل واحد كان فى بداية وخطوة صحيحة للتغير كان الحال غير كدة
لكن الكل شايف وعايش وساكت
والمصائب تتكرر
تحياتى
السلام عليكم
هتفضل تقول فين وفين
لحد ما هتوه ومش هتلاقي ولا حاجه من دول
تحياتي
:(
ست البنات
احنا فى زمن صعب والانسان فية غالبا لاينظر سوى الى المادة
ولايعطى اهتمام بالحب والمعاملة الحسنة بينة وبين الناس
تحياتى
--------------------
عندك حق احنا فى زمن المادة زمن المظهر مش الجوهر
اشكرك جداا
تحياتى
شربات
ما هو يا تامر دة عيب الانسان نفسة اللى راضى بالحالة المفلوبة دى
لو كل واحد كان فى بداية وخطوة صحيحة للتغير كان الحال غير كدة
لكن الكل شايف وعايش وساكت
والمصائب تتكرر
تحياتى
---------------------
البداية ديما صعبة لكن لابد منها بس مين يفهم ومين يسمع وبنفذ
اشكرك جداا
تحياتى
mohand
السلام عليكم
هتفضل تقول فين وفين
لحد ما هتوه ومش هتلاقي ولا حاجه من دول
تحياتي
---------------------
وعليكم السلام
عندك حق ياصاحبى بصراحة الواخد فقد الامل فى التغير بس فية شويا
امل جوانا هيا اللى بتصبرنا
اشكرك جداا
تحياتى
shabfa2re
:(
-------------
يعنى اية.
مش وخد بالى
فين الجاكت بتاعى يا سوسن
تحت الكنبة يا حبيبى
سورى يا استاذ تامر كنت بكلم المدام
شوف حطة الجاكت تحت الكنبة
والشراب حطاة فى علبة المجوهرات
وحطة الغسالة فى اوضة النوم
كل حاجة مش فى مكانها
فى اعتذار بس بنعتذر للى غلطان
فى كلمة حق بس بتتقال فى وقت غير وقتها
والكبير بيسرق اة بيسرق
بس بيسرق عشان هو كبير
واحنا اللى صغرنا قدامة
هاسيبك بقى واروح اجيب الجاكت من تحت السرير
عشان الدنيا برد
ليه بس كده ياتامر
موجودين ان شاء الله بس قليل
try 2 find
بس دور عليهم الأول فى نفسك
تحياتى
شيماء
يا تامر
ما اللى وصلنا لكدهبسبب
اننا من اول ما ابتدينا نشوف غلط بسيط زى واحد بيرمى زباله فى الشارع
نسكت
لحد ما بقينا نشوف اللى بياخد فلوس البلد ونعمل نفسنا مش واخدين بالنا
هو ده اللى وصلنا لكده
سكتنا على الصغيره
واتعلمنا اللامبالاه
فبقت جزء من حياتنا فى الكبيره والصغيره
قبل ما نلوم الزمن
نلوم نفسنا
كل راح كله ادمر كله اتكسر
حياتي ليك
ومدورش كتير لان فعلا كله راح
واحد مش فاهم حاجة
بسرعة بقى هات الجاكيت
لااحسن البرد صعب ومش حد يفيدك وقتها
هههههههه
عندك حق كل حاجة مقلوبة
تحياتى
همسات دافئه
كلامك جميل
فعلاا لو كل واحد دور جوة نفسة وكانت عندة البداية الحال كان غير كدة خالص
تحياتى
shreen
لوم النفس مهم جداا
والبداية عندنا
ولو كل واحد كانت البداية عندة
الحال هيكون غير الحال
تحياتى
لولا
لية بس ياهانى ياشاكر هههههههههههههههههههه
يعنى نخلى فية حبة امل
الايام الجاية حد عارف فيها اية
تحياتى
ده الزمن بتاعنا
ده الواقع اللى احنا عايشين فيه
مافيش مبادىء
مافيش اخلاق
مافيش قيم
مجتمع غير سليم مالوش اساس صح
هانعمل ايه يعنى ...ادينا بنحاول على قد ما نقدر نصلح من الغلط ..بس مهما عملنا عمرنا ما هنوصل للمدينة الفاضلة او حتى نعيش صح
تحياتى
:)
نتفق مع ست البنات فى أن الأنسان أصبح مادي جداً ولا يهتم بالمعاملة الحسنة؟؟؟
ونحن نرى أن الحياة المادية بعيدا عن الأخلاقيات والقيم لن تخلق مجتمع متقدم.أنها الأعمال الحسنة وليست الأقوال
بتاع مصلحتة ونفسة والاخرين الى الجحيم بكرة تدور الدنيا علية ويقع على الارض وما تشيلة ولا يوقف جنبة وتواسية يومها يعرف قد اية هو كان انسان انانى ماحبش الا نفسة لانة مش هيشوف يومها حد من اصحابة بتوع نفس الطريق مصلحتى ونفسى كلهم وقت ما يوقع محدش هيسأل علية
إرسال تعليق