توت توت قطر ماشى من غير صوت
قطر جى من بعيد اشوفة جى افرح
واكون مبسوط
---------------------------
واسال واقول لية ماشى من غير صوت
تعبان ولا عيان مخنوق ولاقرفان
عشان علية كتيرضغوط
-------------------------------------
يبص ليا ابص لية
اضحك لية ضحكة يردها بعنية
علاقتى بية من زمان كان جدى بيخدنى لية
لاتقولى اتوبيس ولا عربية
بالثانية والدقيقة توصل فى الميعاد مظبوط
----------------------------------------------------
دلوقتى القطر بيشكى لية
لية محدش بيسأل فية
شباك مفتوح وباب مكسور
وعجل حوالين نفسة بيلف ويدور
وناس مكان الشنط قاعدة ونايمة
منظر مش حضارى قدام سواح بلدى الغالية
ياريت نصالح القطر على نفسة
ونعيد لية فرحتة وسعادتة
بس مش على حساب الناس والغلابة اللى بتحبة
------------------------------------------------
و الله عندك حق
القطر تحول لقطعة من العذاب و الناس بقت بتخاف منه
و لكن سيظل و سيلة الفقراء
فليرحمنا الله
بوست جميل
تحياتي
بجد بوست جميل
بس طالما فيه فساد وكوسة والذي منه
يبقي عمرنا ما هنعرف نصالح القطر على نفسه
تحياتى
توت توت قطر من غير صوت
حلوه اوى بجد
كان ممكن كمان تقول قطر من غير قطر تمشى برضه
تحياتى
السلام عليكم
يا عم كل ما يقولوا هيصلحوه ويزودوا التذاكر
ولا بيصلحوه ولا حاجه
دي عالم بتاخد فلوس وخلاص
هنعمل ايه فيهم بس
تحياتي
معاك حق القطار شكلة وهيئتة
مش منظر بجد
اتمنى اشوف تغير فية
وياريت مش على حساب الغلابة اللى بتركبة
زى ما قولت
تحياتى
بوست اكثر من رائع ياتامر
القطر وسيلة موصلات مهمة جدا ومنفذ المفروض يفضل متاح للجميع وبأرخص الاسعار
مع اهتمام بية
من جميع النواحى
تحياتى
انا عمرى ما ركبت القطر ده غير مرة واحدة زماااااان اوى ..
كان عندى باين 5 ولا 6 سنين ...فتقريبا مش فاكرة بالظبط يعنى كان عامل ازاى ..
بس هو احنا من امتى عندنا بيهتموا بالحاجات دى ..همهم يجمعوا فلوس وياخدوها من دم الغلابة وبس
ومش بيعملوا حاجة ..قاضيين علينا اول بأول بالضرايب اللى مش جايبها همها حتى ..
ربنا معانا بجد
انحدر حال قطارات بلادنا كثيرا
بينما فى الدول الاخرى اصبح القطار يعبر بين البلاد
وليس المحافظات
تدهور حاله
وحال راكبيه
ولكنه سيظل دوما وسيلة نقل البسطاء
بحب كتير القطار
عن السيارات
بوست مميز تامر
تحياتى
القطر بقى دليل على الحضارة والتقدم او على التخلف
لانة دليل واثبات رسمى على حالة البلد اللى عايش فيها
تحياتى
انا فاكر ان احنا بنتكلم عن موضوع اصلاح القطارات دي من زمااااااااان
من قبل حادثة قطار الصعيد لو تفتكرها
ولا حياة لمن تنادي
تحياتي
علي فكرة انا بروح اسيوط بالقطر لان جامعتي هناك بركب فيه حوالي 9 ساعات
القطر دة مواصلة عذاب والله والصوت فيه غريب وبياعين اشكال والوان
ومتعرفش تعمل اي حاجة فيه ولا تقعد ولا تقف
بصراحة بكره اليوم الي بركب فيه القطر دة
شكرا موضوع جميل ويلمس الواقع
تصالح مين يا ابني
هو بقي شكله كدة لدرجة اننا لو عملنا واحد جديد مش بعيد نخربه عشان نرجع تاني
إرسال تعليق