recent

آخر الأخبار

recent
recent
جاري التحميل ...
Unknownيقول...

ربنا يسترررررررر

تصدق والله مرة ماشية فى الشارع فى امان الله لاقيت موتوسيكل جاي عكس اتجاه العربيات وداخل فيا وبيولع النور بتاعه جامد .. الحمد لله ربنا ستر بس حسيت انه عايز يسرق

ومرة كنت فى الميكروباص ولاقيت واحد قاعد جمبى بيمد ايده وبيفتح سوسته الشنطة وأول ماخدت بالى نزل يجرىىىىىىىىىىىى

ربنا يستر بجد ولو انه على رأي ماما لو خد شنطتى حصعب عليه ويحطلى فيها شوية فلوس ويديهانى تانى هههههههههههههههههه

كل سنة وانت طيب
:)

no chanceيقول...

سلامو عليكم
اول مرة ادخل مدونتك شكلها حلو اوى
بص الدنيا دلوقتى مش عاوزة واحد يتبت على فلوسه بس دى عاوزة واحد يشوف كل الناس حرامية
لا دلوقتى بقت السرقة مهنه بجد بقت مهنه والحرامية بقو معروفين وبيمشو وسط الناس عادى

انا اتعاملت مع واحد وعرفت انه حرامى وفى ناس كتير عارفة انه حرامى
مالوش وظيفة غير السرقة هو طبعا غلطان ويستاهل الحرق بس برضه الفقر والجوع اسباب مهمة مش مبررات بس اسباب موجودة

كل سنة وانت طيب وتقبل خالص تحياتى

Amiraيقول...

مشكلة كبيرة تامر

ومنتشرة الحكاية دة اوى اليومين دول والوحدة بقيت ماشية فى الشارع وهيا خايفة تتخطف اساسا

مش شنطة ولا ساعة بس

ربنا يسطرها


كل سنة وانت طيب

تحياتى

شرباتيقول...

الناس دلوقت لو طالت تأكل بعضها هتأكل

الجوع والفقر والبطالة

والبيئة

كلها عوامل اثرت جدا فى بعض الناس وبقى اسهل حاجة عندها الخطف والسرقة

تحياتى

dr.Roufyيقول...

فعلا البلد بقت ..غريبة..مافيش امان أبدا
ربنا يسامح الى كان السبب بقى
كل سنة وانت طيب
:)

مجرد انسانيقول...

الانسان لما يتخلى عن الانسانية بيكون زى الوحش مدمر لايفكر ولايرحم من امامة لايهمة سوى نفسة

ممكن يسرق ويقتل ويرتكب جميع الجرائم لانة اصبح حيوان فى صورة انسان

تحياتى

ماما عبيريقول...

بجد كلامك واقعى

وبيحصل كتير

وفعلاا لازم الناس تحد بالها

ولاد الحرام اية


كل سنة وانت طيب

تحياتى

مدحت محمديقول...

اه والله عندك حق ياتيمو
كنت مع خالتى
وانا بعديها الشارع
اول ماسبتها
واد معدى بعربية قام خاطف منها
الشنطة بتاعتها
بس الدنيا الحمد لله لسة فيها خير واحد ابن حلال
جرى وراه بعربيته
وجابه
احنا فى زمن الوحوش
حوش يارب حوش ههههههه
خالص تحياتى وكل سنة وانت طيب

SaRaيقول...

مفيش امان خلاص فى الدنيا

ربنا يسترر من اللى موجود واللى جى


تحياتى

mohandيقول...

السلام عليكم

هاخد باللي
ولو اني مش بشيل شنط

بس اهو اخد باللي برضه يمكن اشيل في يوم

shreenيقول...

عارف يا تامر
الموضوع بتاع الخطافه ده حصل مع خالتى

واحد كان راكب موتسيكل
وهى لابسه سلسله دهب
غليظه

الراجل شدها منهاوهو سايق المتوسيكل على اساس انها تنقطع وياخدها ويهرب

السلسله ما اتقطعتطش

وفضل الراجل جارر وراه خالتى بالسلسله على الارض
لما وقعت على وشها ورجليها وركبها اتبهدلت
وبرضه السلسله ما اتقطعتش

فسابها اخيرا واقعه على الارض
وكمل جرى بالمتوسيكل

منه لله

AMRO .O. ABDELHALIMيقول...

هاااى تامر
يخبر يصحبى
هو فى كدا دلوقتى؟
ربنا يستر، مع ان موبايلى مش اخر موديل يعنى
وامبشيلش فلوس كتير عادة لكن اهو الاحتياط واجب ذى مبتقول

بمناسبة الاعياد كل سنه وانت طيب ، وربنا يعيدو عليك بالحب واليمن والخير والبركة
تحياتى

michealيقول...

خلاص مهدش فيه أمن و أمان
كل سنه و أنت طيب
تحياتي

غير معرف يقول...

عزيزي تامر

فعلا ربنا يستر ولاد الحرام ماخالوش لولاد الحلال حاجه
مش متصوره ازاي حد يقبل علي نفسه مال حرام مال مش بتاعه

ربنا يبعدنا عن الناس دول

تحياتي ليكي تامر و كل سنه و انت طيب و عيد سعيد ليك و لكل اسرتك

عــلاء ســالـــميقول...

السلام عليكم

إزيك يا تامر
كل سنه وانت طيب
عيد سعيد


كلماتك كالعاده جميله وسهله وتحمل الكثير من المعاني والفوائد
تحياتي

رينـــــــــــايقول...

السلام عليكم ورحمه الله
كل سنه وانت با الف خير يارب
والسنه الجايه فى عرفات قول امين

حبة حاجات (ايمان)يقول...

فعلا العجل بقى لما يعدى من جمب الواحد بقى حاجه مقلقه جدااا

لااااااازم زى ما بنمنع التكتك ننادى ونمنع العجل
وبعد شويه نمنع العربيات
وبعد شويه ..........مش عارفه هنمنع ايه تانى

ربنا يعينا

تجياتى

šσяšαяααيقول...

عدد من سعى ولبى وطاف بالبيت
يعطيك ربى السعادة وكل ماتمنيت
وعيدك مبارك:)

وربنا يستر علينا من هؤلاء الزمن:)

Tamer Nabil Moussaيقول...

إنـســـانـة

عارفة موضوع منتشر دلوقتى لو سالتى جارك او صاحبتك او حد قريبك هتجدى حد تتعرض لموقف زى دة

ربنا يسترها

اشكرك جداا


تحياتى

Tamer Nabil Moussaيقول...

no chance

عندك حق فى كلامك اصبحت مهنة ولها ناسها ومهما كان الجوع والفقر ليس مبرر لها لان اللقمة الحلال لو ضعيفة تكفى

اشكرك على كلامك الجميل

تحياتى

Tamer Nabil Moussaيقول...

Amira

بعد الشر عليكى من الخطف يامرمر

ربنا يسترها

وانتى طيبة

تحياتى

Tamer Nabil Moussaيقول...

شربات

فعلاا العوامل اللى قولتى عليها لها تأثير بس لو كل واحد سلم ليها يبقى الناس كلها هتبقى مجرمين وهنبقى عايشين فى غابة


اشكرك جداا


تحياتى

Tamer Nabil Moussaيقول...

dr.Roufy

احنا بقينا فى زمن الغرائب والعجائب

وانتى طيبة


اشكرك جداا


تحياتى

Tamer Nabil Moussaيقول...

ياسمين

عندك حق الانسان لما بيتحول الى وحش فى صور انسان يعيش نتوقع منة كل شىء


اشكرك جداا


تحياتى

Tamer Nabil Moussaيقول...

ماما عبير

لازم اكيد الناس تخد بالها ولاد الحرام كتير

وانتى طيبة

اشكرك جداا


تحياتى

Tamer Nabil Moussaيقول...

doha

حوش يارب حوش هههه

عندك حق بجد زمن الوحوش


وانت طيب


تحياتى

Tamer Nabil Moussaيقول...

SaRa

اللى جى الله اعلم بية

اتمنى يكون افضل واحسن


اشكرك جداا


تحياتى

Tamer Nabil Moussaيقول...

mohand

وعليكم السلام

مش شرط شنط ياصاحبى والموبيل والساعة والمحفظة

ربنا يسترها

اشكرك جداا

تحياتى

Tamer Nabil Moussaيقول...

shreen

منة الله

الف سلامة عليها

فى ناس الضصمير مات عندها واصبحت مثل الحيوان فى جميع تصرفاتها


اشكرك جداا

تحياتى

Tamer Nabil Moussaيقول...

amro

ازيك ياصاحبى

فعلاا الانسان لازم يكون حريص وخصوصا فى الايام الصعبة دى

اشكرك جداا

تحياتى

Tamer Nabil Moussaيقول...

micheal

عندك حق ياصاحبى الواحد لازم يكون حريص

ربنا يسترها

وانت طيب

تحياتى

Tamer Nabil Moussaيقول...

اجندا حمرا

ناس كتير بتقبل بالحرام الموضوع عندها عادى ومش فارقة

ربنا يسترها

وانتى طيبة واسرتك الكريمة بخير


تحياتى

Tamer Nabil Moussaيقول...

alaa salim

وعليكم السلام

ربنا يخليك ياصحابى تسلم

وانت طيب


تحياتى

Tamer Nabil Moussaيقول...

رينـــــــــــا

وانتى طيبة وبصحة وسلامة

الله ما امين


اشكرك جداا

تحياتى

Tamer Nabil Moussaيقول...

حبة حاجات (ايمان

مش مهم المنع لانة صعب ومستحيل

المهم انا وانتى يكون عندنا حرص لان مفيش امان


كل سنة وانتى طيبة

تحياتى

oceaneyesيقول...

خير خير


بجد المواقف دى والناس دول اصبحوا منتشرين بإتساع فى كل مكان بمصر

بس هانعمل ايه ..ما اى بلد كدة ...بس احنا اللى بلدنا فيها النسبة زايدة حبتين تلاتة


....


واحنا نعمل اللى علينا وخلاص

تحياتى

:)

الحب واشياء اخرىيقول...

دنيا ملهاش اماااااان

تحياتى

على

غير معرف يقول...

بجد مدونه جمليه
وكلام جميل
ان ها احفظ الرابط بتاعها
فى المدونه عندى
وده رابط مدونتى
http://rtoosh.com/blogs/peace/

الخطافة انتشرت وبتخطف اى حاجة




خلى باالك وانت ماشى فى الشارع

خلى بالك من نفسك ومن كل حاجة

لو معاك موبيل او شنطة او ساعة

الخطافة انتشرت وبتخطف اى حاجة

على موتوسيكل راكب ومسرع وفى ثانية يخطف

ويجرى على اعلى سرعة ومعاة كل حاجة
--------------------------

مفيش امان دلوقت واتوقع كل حاجة

خلى عندك استعداد واحمى نفسك بنفسك

من حرامى وخطاف الشنطة والساعة
---------------------------

واقف وفى موقف ولا فى شارع

تبت على الشنطة وفى الزحمة ما تطلع الموبيل

وفى ايدك تمسكة لااحسن كدة بأيدك هضيعة
------------------------

لو طالع من بنك ومعاك فلوس اعمل حسابك

تخد بالك كويس وتبص قدامك

واركب على طول وياريت لو معاك عربية

او واحد صاحبك اهو زى الحارس على فلوسك
وخد بالك من نفسك

وخد بالك من الخطافة والهباشة

صعبة اسية ايامك
---------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل