مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، مارس 30، 2007

شكة دبوس

اكملت لبسها على عجل 
----------------------------------------------------------------

الاثنين، مارس 26، 2007

موقف ألآوتوبيس

مش عارف اية الزحمة

الخميس، مارس 22، 2007

الغربة صعبة


كدة خلاص مش قادرة حرام عليك انت مش متصور انا بتعذب قد اية وبموت فى اليوم خمسين الف مرة وانت بعيد ملعونة الفلوس اللى تفرق بين قلبين نغمسها بعيش وملح بس نكون مع بعض نربى العيال سوى الحمل عليا تقيل ياعادل ثلاث سنين تيجى زى الضيف اسابيع وترجع للغربة وتسبنى للهم والمسؤلية الكبيرة دى خلاص ما بقتش قادرة عليها لوحدى العيال بتكبر والحمل بيزيد عليا
-----------------------------------------
يعنى اعمل اية ياهانم هو انا بتغرب وبعمل كل دة عشان مين مش عشانك وعشان العيال هو انا كل اجازة لازم تنكدى عليا وتحكى نفس الكلام نفس الاسطوانة حرام عليكى انتى وقدرى اللى انا فية يعنى فاكرنى مبسوط بالوضع دة يعنى ارجع ونشحت على العيال الحياة هنا بقت صعبة ولازم اعمل قرشين ينفعونا فى الزمن المهبب دة انا ان كان عليا عايز اكون معاكى ومع العيال على طول بس لازم نأمن مستقبلهم لازم العيال تعيش فى مستوى كويس عايز اعمل ليهم كل حاجة احنا اتحرمنا منها
-------------------------------------------
ولاامتة ياعادل هنعيش كدة طيب خدنا معاك وهو نبقى مع بعض وندخل العيال المدارس هناك وتبقى كدة اتحلت المشكلة وينلم شملنا افضل من الوضع اللى احنا فية دة قولت اية اية رايك مش كدة احسن
--------------------------------------------
ياهانم انت فاكرة انا عايش فى الجنة هناك ولا فية هناك كنز وانا بغرف منة وابعت ليكم دة انا يعلم ربنا عايش فى حالة تقشف وبصرف القرش بحساب لان هناك الاسعار النار بس الفرق عن هنا فرق العملة وكمان انا عايش مع اكثر من واحد فى شقة واحدة يعنى الاكل والشرب ومتطلبات الحياة هناك مشتركة عشان اقدر اوفر قرشين اخر السنة انتى لو جيتى فاكرة هقدر اجر شقة ليكم دى اقل شقة بالشىء الفلانى دة غير الاكل والشرب ومدارس العيال يعنى المرتب لو قضى هيكون يادوب على قد المصاريف يعنى كأنك يابوزيد ما اية ياهانم ونبى بقى بلاش احلامك دى لااحسن انا طهقت خلاص انا خارج عايزة حاجة
-----------------------------------------------
جلست وضعت ايدها على خدها وكانت حزينة ولاتعرف ماذا تفعل داخل منها ترى ان كلامة منطقى ولكن هذا المنطق لايريح قلبها ونفسيتها المتعبة من هذا الوضع ياترى حد عندة حل ليها ولعادل؟؟؟

الأحد، مارس 18، 2007

لحظة حب

دخلت علية 

الاثنين، مارس 12، 2007

اللقاء الثالث واحلى ناس

اخيرا روحت اللقاء وقابلت احلى ناس على ارض الواقع مهما اقول مش هقدر اوصف ليكم السعادة اللى انا فيها جميل جداا انك تقابل ناس حبتهم من قبل ماتشوفهم
---------------------------------
وصلت الى مركز الابداع حوالى الساعة 6.30 وشوفت زحام وناس كتير ورغم انى اتعرفت على البعض من بعيد الا وقفت مكانى انظر الى التجمع دون الاقتراب منة مش عارف لية كنت حاسس انة حلم قررت الاتصال بالعزيز ايمن وقولت انا ادام مركز الابداع بص ايمن وشاور ليا وانا بكلمة على الموبيل قفلت وجريت علية وكان باالنسبة ليا طوق نجاة ساعدنى فى الدخول الى الجروب الجميل من المدونين خدنى بالحضن وسلم عليا وهو جاى عليا حسيت انى رايح اسلم على انسان اعرفة من سنين مش اول مرة اشوفة ابتديت اسلم وكان العدد كبير ماشاء الله وانا بسلم كنت فى حالة خجل مش عارف لية حتى بقيت اسلم وانسى اسال مين معايا او اعرفة بنفسى
-----------------------------------
جبت كرسى وفضلت قاعد مع نفسى ومش بتكلم مع حد خالص وكمان فى البداية مفيش حد ابتدى كلام معايا كان فية لخبطة وانا اساسا كنت متلخبط شوى وجدت مايكل جاى وعرفتة لما وجدت انجى بتسلم علية سلمت علية وعرفتة بنفسى وكنت مبسوط بالكلام معاة انسان محترم جدا وفضلنا نتكلم مع بعض فترة فيما اكتب وفيما يكتب وانبسطت لما وجدتة معجب بما اكتب وقال ليا انت بقى بتاع الشوكولاتة بس فية دلوقتى توسكا بعد كدة وجدت ادام جاى وعرفتة على طول لانة من الناس القديمة فى التدوين وكان بداية تدوينة قريبة منى وكان قبل الارنب واضع صورة لية فضلت عينى علية لحد ما اقرب منى وعرفتة بنفسى واتكلمنا مع بعض وادام قام اتكلم عن الاتحاد اللى كان عاملة والظروف اللى مرت بية واتكلم عن موضوع البعض اللى عايز يفقل مدونتة عشان بعض الكومنت اللى بيكون غير لائق واتكلم وعرض وضح ان دة مش حل وانة اتعرض ياما للهجوم ولم يتمكن منة او اصابة بالياس واتجة بالحديث الى توتا اللى كانت قاعدة على بيعض خطوات منى ولسؤ الحظ ما عرفت اتكلم معاها كان نفسى اسمع توتا اللى بتكتب كومنت على المواضيع ينافس المواضيع نفسها كومنت يحمل الكثير من المعانى الجميلة والكلام الموزون
---------------------------------------
كان جالس على شمالى محمد حسام ومرة واحدة قال ليا انت ساكت لية وكان ردى علية ابتسامة اصل بصراحة كنت مش عارف اتكام اقول اية وجدت ابرهيم معايا عمال يتكلم عن كتاب كان ماسكة فى ايدة ومن الكلام عرفت انة كان لية وجدت ياسيمن خدت نسخة وكنت نواى اخد نسخة بس الوقت جرى ونسيت اكلمة المرة الجابة بقى ابرهيم معايا تعمل حساب فى نسخة ليا وعلى فكرة ابرهيم دمة خفيف وحبت اسمعة وهو بيتكلم . كمان قامت ياسمين واتكلمت وكانت بتحكى عن فكرة اللقاء وانة كان فى الاول مخصص للمدونين اللى تعمل كومنت عندها وكانت فرحانة بالتجربة والنجاح الكبير دة ليها رغم بعض الحوارات الغير مظبوطة اللى حصلت الا انى شايف ان اللقاء كان ناجح بوجود الناس الجميلة
----------------------------------------

انجى بقى قامت واتكلمت وعجبنى كلامها عن مساعدة اليتامى والمحتاجين وعن اهمية اللقاء وانة مش تعارف وتغير جو بس لكن لازم يكون فية ااهداف انسانية منة ونقدر نعمل حاجة مهما كانت بسيطة بس نقول احنا اهو فاهمين ومقدرين وشافين الطريق صح وعارفين الدور الصحيح المطلوب مننا وانا اتفق فيما راحت الية وشوفى انجى تعملوا اية وانا معاكم وايضا خد الكلمة الفنان الجميل حسنى وعجبنى الكلام اوى هو اتكلم عن السياسةوالمدونين اللى بتكلم فى المواضيع دى وقال لازم الواحد يكون عندة سابق معرفة بالدستور لان الحكاية مش سهلة ومش اى حد يكتب ويقول غير مبالى بما يمكن يحدث لة كمان اتكلم وقال ان اهم ما يجمعنا اليوم هو الحب والمودة واحترمنا لبعضنا وان اى حد لو سال نفسة هو جاى لية اكيد لانة حاسس بشىء من الحب والانتماء للجروب الرائع دة لحسن حظى جلس الاستاز حسنى بجوارى واتكلمت معاة وعرفتة بنفسى وكمان هو عرفنى فعلاا انسان كبير بكل ما تحمل الكلمة من معانى وقولت لية انا عندى افكار كتير وكان نفسى اقوم واتكلم بس الوضع كان لايسمح حيث انشغال البعض وعدم الاهتمام بمن يتكلم وزعلنى سخرية البعض من الكلام والاقترحات وقد وعدنى با التغير الى الافضل
----------------------------------------
الرائع ابرهيم انظر فى غضب انسان وشخصية اكثر من رائعة وكفاية ان الواحد يتكلم معاة مرة واحدة عشان يحبة اتكلمنا مع بعض وفى وسط الكلام قولت لية انى شغل مراقب امن او ضابط امن وجدتة اتخطف وفهمت طبعا ههههه قولت لية انا مدنى مش حكومة ياعم ابرهيم وضحك وقال لى انا قولت ليهم فى البيت لو تاخرت ابقوا بلغوا عجبتنى فكرة ياسمين عن انشاء جمعية خاص بالمدونين وهيا فكرة جميلة وانا موافق عليها لانها مهمة لازم يكون لينا كيان وبيت يجمعنا ببعض
---------------------------------------------------------
قابلت كمان وينكى اول ما سلمت عليها وعرفتها بنفسى قالت ليا انا وينكى انسانة دمها خفيف جداا وتخلى الواحد عايز يتكلم معها على طول وعرفت انها نجحت قولت ليها الف مبروك وانا لو افتكرت كنت جبت ليها شوكولاتة بقى تعوض وينكى فى المرة الجاية وربنا يوفقك على طول كدة ونشوفك كل مرة فى تفوق اعلى من اللى فات كمان شوفت احمد شقير وقام واتكلم عن تجربة التدوين وازى عرف الطريق الى التدوين شخصية ممتازة جداا ويمكن من اوئل المدونين اللى اتعرفت عليهم على الشبكة وفى عالم التدوين
-------------------------------------------------------
اتكلمت كمان مع اريدكى انثى وكان بقى الموضوع فية جدل عشان الاسم وفضل عمور يشرح لينا معنى الاسم الخاص بالمدونة كمان شوفت الدبور بس ما اتكلمت معاة كان وخد جنب بعيد ولما شوفتة كان بيسلم على الناس اللى عرفهم فى اللقاء السابق اصلة اتخض من العدد الموجود وكان باين علية مش مصدق ان كل الناس الحلوة دى جت وسلمت على مريم بس مش فاكر اسم المدونة عشان كان صوتها هادى جداا بالعافية عرفت اسمها والمدنة تقريبا فيها حاجة انجلش عشان كدة مال ثبتت عندى وشوفت شادى انسان اول ما تشوفة ترتاح لية ديما مبتسم على طول انا سميتك خلاص ابو ضحكة جنان ههههههه وبالصدفة عرفت ان هانى حورج موجود وكان كلامى معاة وانا بسلم وماشى قولت لية هانى جورج قالى ايوة قولت لية تامر افكار حرة تعارف كان على السريع بصراحة الموضوع عايز تنظيم اكثر من كدة لان كان فية ناس كتير ونظرا لعدم التنظيم ماعرفت اتعرف عليهم ولااتكلم معاهم
-----------------------------------------------------------
كان موجود كمان محمد حامد واميرة ومصر هيا امى وناس كتير حلوة بس لااسف عشان عدم التنظيم ما عرفت اتكلم مع حد فيهم واتمنى المرة الجاية يكون اللقاء اكثر تنظيم عشان الناس كلها تتعرف على بعض ورغم كل شىء سعيد جداا باللقاء والحضور الجميل واحب اقول للجميع انا حبتكم من قبل ما اشوفكم وحبتكم اكثر بعد اللقاء وربنا يديم المحبة والمودة بينا وديما مع بعض ايد فى الايد
تحياتى للجميع

الخميس، مارس 08، 2007

حبيتى توسكا

 ينظر فى