مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الخميس، يونيو 19، 2008

$مملكة أرض النور $ الحلقة الثالثة




ردت ميجى على ميجو ونظرت لة فى حزن وقالت اللعنة جاءت بسبب افعال الملك رينو حيث كان لة جد كبير فى السن وعندما علم بما يحدث فى المملكة من امور ورينو واقف عاجز لايفعل شىء ارسل لية ليكلمة فى الامر وقال لة ان لن تتغير احوال المملكة وترجع الى كما كانت علية قبل توليك الحكم ستصبح المملكة ارض ظلام حالكة هالكة كما قال لة اقرب المقربين منك والذى تعتقد انة حارس امين راح ينقلب عليك وسيتم حبسك فى سجن تحت الارض لاشمس ولانور لن ترى سوى الظلام وصرخات المظلومين وقال لة ارجع الى رشدك قبل فوات الاوان يارينو امامك سنتين وان لم تتغير ستصيبك اللعنة ولن يخرجك منها سوى من كتبت لة يكون قادر على الاخلاص والوفاء والعدل بين الناس وقتها الى ان يظهر ستظل فى حبسك. واكملت ميجى ان بعد خروج الملك رينو من عند جدة لم يأخذ كلامة على محمل الجد واعتبرة رجل عجوز اصابتة الشيخوخة ولايعرف ماذا يقول وعاد من عندة الى نفس ما كان علية تارك امور المملكة
لااقرب المقربين تحت قيادة ظنجين
-----------------------------
كان ظنجين هو اقرب المقربين الى الملك رينو فهو وزير المملكة يأمر فيطاع ومعة ترك كل الامور لة اصبح لة سلطة اقوى من سلطة الملك رينو وبعد ان فاتت السنتان تحقق كلام جد رينو وانقلب ظنجين على الملك رينو وحبسة فى سجن تحت الارض واعلن امام القصر وشعب المملكة انة اصبح الملك لان الملك رينو مريض وقد تنازل لى عن الحكم الى ان يكبر الاخ الاصغر لة رينتى وتحولت المملكة من كثرة القتل والدمار والتخريب الى مملكة ارض الظلام حيث اطلق شعب المملكة الاسم مما يحدث امام عيونهم من حاشية وجنود ظنجين
-----------------------------

فنظر لها ميجو فى حزن وقال ان الانسان لايعرف قيمة ما يملك الا بعد ان يضيع منة هذا حال رينو الان ولكن من هولاء الجنود الذين كانوا يريدون التعدى عليكى. نظرت لة ميجى وقالت انهم جنود ظنجين. انا كنت اعمل فى القصر وقد اختارنى الملك رينو لكى اكون بجوار اخوة الاصغر رينتى حيث انة طفل عندة ثمانى سنوات كنت دائما بجانبة واخرج معة عند وقت الخروج والفسحة واللهو كنت مثل اامة واكثر وحيث انى قريبة من الملك الصغير وقعت عين ظنجين عليا وحاول اكثر من مرة ان يتحرش بيا ولكن كنت امنعة واصدة ولكن بعد انقلابة على الملك خوفت من بطشة وسهولة النيل منى فخرجت اجرى لااعلم الى اين اذهب انا بدون اهل وليس لى احد فى الدنيا وخالتى التى ربتنى ماتت ولكن نجح رجال ظنجين فى الوصول لى وكنت على وشك الهلاك لولا وجودك فكنت زمانى بين رجل ظنجين يفعل فيا مايشاء ثم يرمينى فى حفرة الموت حيث الموت والفراق بالرعب والقتل المدمر. فقال لها ميجو وما تكون حفرة الموت. قالت ميجى انها حفرة تحت الارض يوجد بها الكثير من الوحوش المفترسة يتخلص ظنجين فيها من كل من هو ضدة او لم يلبى لة امر
----------------------------

والالف من اهل المملكة المساكين تم ارسالهم الى حفرة الموت اطفال وشباب ونساء وكل من يقول كلمة حق اويغلط فى ظنجين وتوصل الاخبار الية عن طريق احدى الجنود والمساعدين لة يكون نهايتة فى حفرة الموت ومن هنا اصبح كل شىء فى يد ظنجين يفعل مايريد وقت مايريد لاحواجز لاقيود لايوجد من يستطيع ان يقول لة حرف لايحب ان يسمعة . وعلى هذا الحال المؤلم يعيش شعب مملكة ارض النور وكلهم امل فى ظهور رجل الاخلاص والوفاء الذى حكى عنة جد الملك رينو
----------------------------

قال ميجو ولكن اين جد الملك رينو الان والطفل رينتى ماذا حدث لة. قالت ميجى الجد مات بعد اخر لقاء لة مع الملك رينو بعدها بخمسة اشهر توفى. اما الطفل فهو بالقصر وكلى خوف علية من بطش ظنجين انة بعد قتل اعمامة وعماتة وخالتة وكل من هو قريب منة اصبح ينتظر فقد الفرصة حتى يتخلص من الطفل فهو فى عيونة الان طفل لاحول ولاقوة لة. قال ميجو حكاية مؤلمة وحزينة ميجى رغم اننى لم اشاهد ولم اعيش اى لحظة من لحظات الجرح والعذاب هذا الا اننى كأنى رايت وسمعت مساكين اهل المملكة ولكن ماذا اقول فلكل ظالم نهاية والظلام سيتحول الى نور. قالت ميجى كلنا نتمنى هذا. الان عليك ان تحكى لى حكايتك ياميجو. قال لها حكايتى غريبة بعض الشىء انها مثل الاسطورة والشىء الامعقول عندما يحدث بدون علم منك ولااختيار وحكى لها ميجو عن كل شىء. ثم نظرت وقال غريب ما حكيت عنة ميجو ولكن انا اصدقك الانسان احيانا يكون مع موعد ولقاء لم يختارة او يعلم عنة شىء
----------------------------

كان ظنجين جالس على العرش والشر يخرج من عيونة نار وبركان وينظر الى الخمسة جنود الفارين والهاربين من امام ميجو وكانوا واقفين صامتين عيونهم على الارض وكبير الحرس يتحدث ويحكى الى طنجين كل ماحدث وقام وهاج وظل يضرب فى الجنود الواقفين دون حركة ويقول لهم انتم رجال ظنجين رجال لايهزمون لايهربون من رجل واحد هذا جنون واشار الى الحراس فتم قتل الخمس جنود والالقاء بهم فى حفرة الموت ونظر ظنجين الى كبير الحرس وقال لة ارسل لى من تثق فية وفى قدرتة ليجمع لى كافة المعلومات عن هذا الغريب اريد ان اعرف عنة كل شىء من هو ومن اى مملكة يكون ومن اى عشيرة فيها
---------------------------

وابتدى كبير الحراس تنفيذ كلام ظنجين وارسل احدى الرجال الاقوياء والموثوق فيهم ليجمع لة كافة المعلومات المطلوبة وذهب الرجل حيث المكان الذى دارت فية المعركة بين الرجال والغريب الذى هو ميجو وظل يبحث وينظر هنا وهناك الى راى التل الكبير ذهب وصعد ليرى ارض خضراء يوجد بها الكثير من اصناف الفاكهة والخضروات والكثير من الخيم والتى تعد بالاالف لكن لم يرى انسان او صوت وحس فى المكان سوى ان جاءت عيونة على ميجى وكانت جالسة مع ميجو وهنا كتب ما وصل الية فى ورقة وذهب مسرعا الى كبير الحرس الذى اخذ منة الورقة والمعلومات واسرع الى ظنجين ليقول لة كل شىء . وعندما دخل الى ظنجين وقال لة ان الارض القريبة من التل اصبحت خضراء وفيها الكثير من الخيرات كما لايوجد هناك اى تجمعات بشرية حيث ظل الرجل الذى ارسلتة هناك اكثر من ثلاثة ايام فلم يرى سوى ميجى والرجل الغريب الذى تتصدى للرجال. وقف ظنجين وهو فى قمة الغضب ماذا تقول ؟ هل انت متأكد من هذة المعلومات. فقال كبير الحراس فقال لة نعم ياسيدى متأكد. وجلس ظنجين مع نفسة وجلس يشرب الكثير من الخمور ورجع بالذاكرة الى الوراء حيث كان جالس مع رينو وحكى لة ما قال لة جدة وتم اخذ الامر بالسخرية وعدم تصديق ونظر الى كأس الخمر ثم حدفها الى الارض بقوة وغضب وقال نعم انة هو من تكلم عنة جد رينو وذهب الى رينو فى محبسة
--------------------------------

كان رينو جالس فى محبسة حيث الظلام والوحدة القاتلة وفجأة سمع صوت باب السجن فتح فلم يهتم بالامر فهو يعلم ان الباب يفتح فقد حين يأتى لة السجان بالطعام والماء وسمع خطوات يعلمها جيدا انها ليست للسجان فقام وقف ليسمع صوت ظنجين يقول لة لما وقف الملك رينو. فقال رينو من ظنجين الخائن ماذا اتى بك الى هنا هتريد قتلى الان افعل انا اليوم فى شوق الى الموت حيث الراحة الابدية فهو لى اريح مما انا فية . فقال ظنجين بصوت قوى نعم ستموت لكن ليس الان وليس بامرك بل حين احدد واقول انا هنا لااعلم منك المذيد عن رجل الاخلاص والوفاء الذى حكيت لى عنة. قال رينو فى تعجب ماذا تقول . اقصد ماقولت يارينو فقال لة رينو انا لااعرف اكثر مما حكيت ليك عنة سابقا هل ظهر. امسك ظنجين بكتف رينو ولو ظهر راح اقتلة وارمية امامك هنا ليكون طعامك القادم وضحك ظنجين بسخرية وترك رينو كما كان. جلس رينو مع نفسة وهو غير مصدق هل صحيح كلام جدى راح يتحقق اتمنى من الله ان يكون هو الرجل المقصود وجلس يفكر ثم اخلد الى النوم
--------------------------------

كان ميجو وميجى جالسين تحت احدى الاشجار يتكلمان وكل منهما يحكى لااخر عن حياتة السابقة وادق التفاصيل فيها وكان من ينظر لهم وهم يتكلمان يتخيل انهم اثنين من العشاق والاحبة او زوجين فى جالسة ثمر حيث الفترة التى مرت وهم مع بعض فيها كانت عدة شهور وكانت كافية لمعرفة كل طرف الاخر وقد اقترب كل منهما الى الاخر واصاب الحب القلوب وتتكلم النظرات بينهم اكثر مما يقول اللسان. وهم فى عز الصفاء والراحة سمعوا اصوات وانوار قادمة من ناحية التل اسرعا ميجو وميجى الى التل ليرى المئات من السيارات والجنود قادمة هنا نظر كل منهما الى الاخرلتتحدث العيون وتقول الكثير امسك ميجو يد ميجى واسرع ونزل من التل ودخل مع ميجى الى احدى الخيم وقال لها لااعرف ماذا افعل وكيف احميكى من هولاء وقال فى بصوت دافىء رافع يدة الى السماء
طالبا النجاة
لاإله إلا أنت سبحانك إني كنت من الظالمين
وقال لها ليكن مايكون وعلى الله توكلت
وفجأة يسمع الصوت اقترب والكثير من الجنود تتكلم واحدهم اقترب من الخيمة التى هم فيها وفجأة
---------------------------------
قريبا الحلقة الرابعة

الثلاثاء، يونيو 17، 2008

$مملكة أرض النور $ الحلقة الثانية




جلس ميجو تحت احدى الاشجار بعد ما انتهى من عمل بعض الاعمال فى الارض وجلس يفكر فى ما حدث لة ويفكر فى صوت الخيال والذى طال غيابة عنة وفجأة سمع صوت فتاة تصرخ وتنادى على من ينقذها وقف ميجو وهو فى حالة استغراب حيث انها المرة الاولى التى يسمع فيها صوت انسان منذ خمس سنوات ذهب الى
ناحية الصوت طلع الى التل القريب ونظر
-----------------------------------

وجد مجموعة كبيرة عددها يقترب من عشرون رجل مسلح وراى فتاة فى وسط مجموعة الرجال وهما يحاولون التعدى عليها وهذا يقذفها الى الاخر وهكذا وهى تقاوم ولكن ماذا تفعل وسط عشرون رجل نظر ميجو مرة اخرى وهو حزين حيث انة لاقدرة لة على تخليصها ونزل من على التل ليجد
-----------------------------------

سيارة صفراء اللون اقترب منها فتح الباب الامامى ركب ميجو دون تفكير سوى فى الذهاب الى تخليص الفتاة وتحركت السيارة وجد بها كمبيوتر مبرمج تحدث معة وابلغة على كيفية استخدام الاسلحة الموجودة فى السيارة وما هى الا لحظات وكانت السيارة امام العشرون رجل وعندما وجد الرجال السيارة تركوا الفتاة وكل منهم اطلق للسلاح الذى معة على السيارة ولكن كان لاتأثير عليهاواطلق ميجو اسلحتة حيث فتح الكشافين الامامين وخرج منهم عمود يقذف طلقات سريعة قتلت 15 رجل وفر الخمسة الاخرين تاركين الفتاة وكل ماكان معهم من اسلحة
----------------------------------

واسرعت الفتاة الى السيارة وركبت بجوار ميجو ونظرت لة وقالت اشكرك لولا وجودك كنت اصبحث جثة ولكن من انت وكيف اتيت الى هنا . نظر لها ميجو وقال هذة قصة راح احكى ليكى عليها ولكن دعينا منها الان الى اى مكان تريدى ان اقوم بتوصيلك الية . نظرت لة وقالت لايوجد لدى مكان انها حكاية ايضا راح احكيها لك. وهنا قال ميجو اذن هيا بنا الى حيث اعيش وليحكى كل واحد فينا عن حكايتة الى الاخر
-----------------------------------

وانطلق ميجو باالسيارة الى حيث يعيش حيث الارض الخضراء اوقف السيارة ونزل منها هو والفتاة وقال باين عليكى جعانة سوانى احضر ليكى الطعام وانتى ادخلى الى هذة الخيمة واريحى نفسك من التعب وغيرى ملابسك وعنما انتهى من الطعام هنادى عليكى. نظزت لة الفتاة وهى مستغربة مما يقول فقالت لة هل انت تعيش هنا وحدك اين اسرتك واهل عشريتك وكيف تحمى الارض من اللصوص وحدك . قال لها ميجو بعد ان ترتاحى وبعد ان احضر الطعام سأحكى لكى يا صحيح ما اسمك. قالت انا اسمى ميجى وانت قال ميجو
-----------------------------------

وحان موعد الطعام ذهب ميجو الى الخيمة حيث وجود ميجى ونادى عليها فخرجت لتجد الطعام ومن اشكال متنوعة وجلس كل منهما بجوار الاخر على الارض لتناول الطعام وعندما انتهى قام ميجو ليغسل الاطباق وينظف مكان الاكل ولكن اسرعت الية وقالت هذا من صميم عملى اذهب واجلس وانا راح اقوم بكل شىء انا لن انسى ما فعلتة من اجلى اليوم معرض نفسك للخطر. ابتسمت لة وابتسم لها ميجو
-----------------------------------

وحين اتى المساء اقترب كل منهما الى الاخر ليحكى لة حكايتة فقالت ميجى انا فتاة من مملكة ارض ا الظلام ارض النور سابقا حيث القتل والخراب واللعنة التى اصبحت واطلقت على المملكة واصابتها فى جميع جوانب الحياة فيها والسبب كان الملك رينو الذى بعد جلوسة على عرش المملكة لم يهتم سوى بمزاجة وشهواتة وترك المملكة لبعض المستهترين الذين يسرقون وينهبون ويقتلون دون عقاب حيث انهم مقربين من الملك وهو يثق فيهم . قال لها ميجو يا لة من ملك ظالم ولكن لماذا اصبح اسم المملكة ارض الظلام وماهى اللعنة ؟
------------------------------------
قريبا الحلقة الثالثة

الجمعة، يونيو 13، 2008

$مملكة أرض النور $ الحلقة الاولى




ميجو شاب طيب ومحب لااخرين دائما يساعد ويعطى كل محتاج على قدر ما يستطيع انسان حالم يتمنى ان يرى الدنيا تحولت واصبحت جنة لايوجد فيها ظلم ولا قتل ولا تدمير ولا خيانة ولا انسان حزين لايجد قوت يومة يحلم ان يرى جميع البشر سعيدة واصبحت يد واحدة الغنى فيها يساعد الفقير والمحتاج وكل من لدية مشكلة عندما يذهب الى المسئولين يجد الحل وليس التعنت وعدم النظر الى الطلب والتنفيض لة وفوت علينا بكرة
اللى بيكون ايام وشهور ولاجديد تحت الشمس
-----------------------------------

ذهب ميجو الى الخلود والى النوم ليرتاح من يوم طويل واحداث لاتتغير ولا يوجد بها جديد واغمض عيونة وراح فى سبات عميق. وعند الصباح الباكر قام ميجو من النوم وينظر امامة وخلفة ولايجد سوى رمال من كل جانب يفرك فى عيونة لعلة لم يصحى بعد ولكن الامر واقع امام عيونة وليس حلم واكثر من سؤال بداخلة كيف اتى الى هذا المكان الخالى من البشر وكيف ينام على السرير وفى غرفتة ليصحى يجد نفسة فى صحراء لايوجد بها سوى الرمال والهواء ولا حس ولاصوت لااى انسان وبدون مقدمات سمع صوت ينادى علية ياميجو
-----------------------------------

تلفت ميجو الى ناحية مصدر الصوت ولكن لم يرى شىء ولكن الصوت مازال يتكلم وميجو يقول من انت واين انت ومن اى مكان تتكلم. قاطع الصوت ميجو وقال انا هنا معك فى نفس المكان ولكن من الصعب ان ترانى ولا اسباب كثيرة حين ياتى الموعد والمكتوب ستعلم كل شىء عنها. يرد ميجو ولكن من اتى بى الى هنا وكيف سأرجع الى بيتى وعملى ودنيتى التى اعيش فيها. رد الصوت راح تعود ولكن ليس الان
----------------------------------

اسمع ياميجو لقد اختارك سيدى من ملاين البشر لانة راى فيك الاخلاص والوفاء اختارك انت لانك الوحيد القادر على مساعدتة وتحويل حبسة الى حرية. رد ميجو تقول سيدك يعنى انسان مرتاح ومعة الكثير من المال والسلطة ويرسل لك انت لااحضارى كى اساعدة وانا الفقير الغلبان عديم السلطة والنفوز. يرد الصوت انت صاحب الوفاء والاخلاص ويكفى هذا عند سيدى ياميجو. اسمع انظر خلفك الان ستجد عدة خيام كبيرة كلها ملك لك ويوجد بها الكثير من الطعام وسائل الراحة والترفية كل ما اطلبة منك الان اخد بعض المعدات الموجودة فى الخيمة الشمالية بها كل ما تريد واعمل على زراعة هذة الصحراء وعندما تكون خضراء لنا موعد اخر اقرب مما تتخيل
----------------------------------

ويختفى الصوت ولم يجد ميجو انة لايوجد لدية فرصة اعتراض او رفض ورغم الحيرة التى هو فيها والخوف من القادم ولكن كان علية ان يفعل ما يريد الخيال والواضح منة ومن ما فعلة معة انة خير وليس شر وابتدى ميجو يزرع الصحراء ويعمرها وتفوت السنين والارض اصبحت جنة ومن هنا كان ميجو فى انتظار صوت الخيال ليرى ماذا سيقول لة
------------------------------------
قريبا الحلقة الثانية

الاثنين، يونيو 09، 2008

شد الفيشة وأطفى النور




دخلت منيرة على ابنها الجالس على الكمبيوتر وقالت لية كفاية كمبيوتر وتعالة اقعد معانا شويا انت خلاص بقيت مدمن ولا اية ياابنى رد عليا عايزة اعرف فى اية الجهاز دة انت اكيد ملبوس او عمة كمبيوتر عمل ليك عمل مش ممكن كدة دة انت ليل نهار قاعد علية خلاص حياتك بقت كدة وبس

يرد الابن خلاص ياماما عشر دقائق وجى وراكى بس عيب اقوم وانا بكلم واحد صاحبى اخلص معاة واجى على طول . طيب لما نشوف وتغلق الباب وتمشى
-------------------------------

ساعة اثنين ثلاثة والابن لم يخرج كما وعد امة وبدون سابق انذار سمعت ابنها عمال يصرخ جريت على غرفتة ودخلت علية وجدتة عمال يصرخ وماسك بطنة ودماغة واللى علية مع الصريخ انا بنور ياماما انا بقيت لمبة موحد بالكهرباء شايفة النور بسرعة اطفية مش قادر خلاص هولع
-------------------------------

تجرى علية وبكل شوق وقلب وخوف الام وتخدة فى حضنها وتطبطب علية ومفيش فايدة كل اللى مصمم علية انة بينور وهيولع حطت الام ايدها على جبينة وجدتة نار نادت على الاب وقام شايلة وعمل لية كمدات المهم ان بعد ساعة الابن هدى والصراخ راح والام وجدتة قايم تانى وهيروح على الجهاز
-------------------------------

نادت علية ياابنى انت تعبان وسخن كمبيوتر اية دلوقتى ارحم نفسك قال ليها مفيش حاجة ياما انا كويس ويطلب منها واحد شاى وجبتة لية ومفيش ساعة وابتدى الصراخ والتعب تانى يرجع لاابن مع كلامة عن انة بينور واطفى النور و يحصل نفس اللى حصل المرة اللى فاتت يجى الاب ويتطفى الجهاز ويخرجة لغرفة تانية وكمدات ويهدى الابن .اللى حالتة بقت فيها حيرة هتجنن الاسرة كلها
-----------------------------

واستمر الوضع على كدة اسبوع لحد ما فى مرة كانت الاسرة بتتفرج على التلفزيون كان فى برنامج علمى ودكتور ماستكة كان نازل شرح واجابات على اسئلة المشاهدين لحد ما الكلام وصل على الكمبيوتر و الاشاعات اللى بتطلع وازى ممكن تاثر على الانسان كانت بتابع الاسرة بكل شوق لعلى وعسى ياتى الفرج من د/ ماستكة
-----------------------------

وقام الاب واتصل بالبرنامج وقال كل اللى حصل وبيحصل لاابنة كل ما يجى يجلس على الكمبيوتر وهنا قال د / ماستكة ابنك بيشرب شاى على الجهاز اجاب الاب نعم يشرب شاى وهو على الجهاز قام قال د/ ماستكة هنا اكبر غلط لان اخر الابحاث اثبتت ان الشاى عندما يتم وضعة امام الجهاز ممكن يكون مفيد او مضر مفيد لو تم ترك الشاى دون ان يشرب بجوار الجهاز ومضر لو انة تم تناولة امام الجهاز لان فنجان الشاى يمتص الاشاعات الموجودة فى الجهاز ودة مع الايام يأثر على الانسان ويعمل لية حالة عصبية وتعب قى قرنية العين
---------------------------

وكمل د/ ماستكة وقال يجب على كل جالس على جهاز الكمبيوتر ان يضع كوب من الشاى بجوار
قريبا من الشاشة
والافضل ان يكون من الجهة التي فيها وحدة النظام او مايسميه البعض
صندوق ا لحاسب
'طبعا مع عدم تناولة

وذلك للعمل على امتصاص الاشاعات التى تتطلع من الجهاز

الخميس، يونيو 05، 2008

الرسالة الاخيرة - من انسانة مدمرة




ا
--

توقيع انسانة مدمرة

الأحد، يونيو 01، 2008

أحلى بنات فى الدنيا بنات أ/ محى





انتظرت بفارغ الصبر عودة زوجها من العمل لتحكى لة ما رات وسمعت وما حصل فى شقة أ/ محى تعتبر انة من الجنون وضد الدين والاخلاق وشىء لايصدقة عقل ان يكون هذة التصرفات الغريبة من أ/ محى المعروف عنة الاخلاق والسمعة الطيبة. وكان هذا كافى لااشعال الجنون والخوف مما رات وحدث من أ/ محى
--------------------------------
عاد زوجها من العمل فوجدها تجرى علية بسرعة واطلقت للسان العنان واخرجت وابل من الحروف والكلمات المتواصلة. والزوج ينظر لها فى استغراب لما يرى ويحدث من زوجتة وكأنه اصابها الجنون .
--------------------------------
جلس زوجها بالقرب منها وضمها الى حضنة وقال لها ارجو الهدوىء حبيتى اريد ان افهم ما حدث ولكن صراخك وطلقات مدفعك القاتل لم يجعلنى افهم منكولاكلمة تكلمى واحكى انا مستمع وداخل منة يقول ما الامر الذى يجعلها تفعل هذا قبل ان اغير ملابسى وارتاح من طول يوم عمل شاق.
-------------------------------------
ونظرت لة وقالت شوف أ/ محى جارنا العزيز وصاحبك يافندم عمل اية الاستاذ النهاردة دخل العمارة ومعاة بنتين اية فى الجمال والحسن انا ست واعرف كويس بس اول مرة اشوف بنات حلوة بالطريقة دى انا قولت اطقس واعرف اية الموضوع بالظبط بعت ابنك توفة يروح زى كل مرة يسال على بنتة خوخة عشان يلعبوا مع بعض وياريتنى ما ودتة ولاعرفت منة اللى حصل. خير حصل اية؟
---------------------------------
ابنك توفة بيقول راح ودخل وقعد مع خوخة يلعبوا فى الصالة وقال ليا ان البنات اللى قاعدة عند عمة محى عريانة وكان بيحميها شوف انت بقى لما ابنك يشوف حاجة زى كدة وبعدين بنات ويحميها لية جربنين وبعدين ازى يعمل كدة قدام اطفال ابرياء انت لازم تروح وتدية فين يوجعك لااحسن ابنك من وقتها بيقولى ينفع احمى خوخة زى عمة محى شوف المصيبة
------------------------------------
قام الزوج على طول على شقة صديقة دون ا انتظار وراح خبط على الباب بكل قوة ثم فتح الباب فوجد بنت جميلة واية فى الجمال لدرجة انة تنح قدامها ومش عارف يكلم فوجد البنت تقول لة اهلا بالضيف العزيز هل من خدمة استطيع ان اقدمها لك. نظر لها الزوج وهو مازال فى حالة التناحة. قال اريد محى. فقالت لة تفضل واسترح وسأذهب لاابلاغة وماهى لحظات حتى حضر محى
---------------------------------------------------
اول ما شافة قال لية ينفع اللى حصل دة بقيت منحل براحتك لكن مش قدام الاطفال انت خلاص العيار فلت عندك للدرجتى. رد علية محى فى استغراب فى اية يا صاحبى حصل اية انا مش فاهم منك حاجة ولية زعلان منى وازى تقول عليا منحل ربنا يسامحك. بس لازم اعرف لية بتقول عليا كدة. قام الزوج وحكى لية الكلام اللى قالتة زوجتة نظرا محى لية وجلس يضحك للدرجة ان الزوج تخيل انة فعلاا بقى مجنون رسمى
----------------------------------------------
ثم قال لية محى شوف ياصاحبى انا هحكى ليك كل حاجة وانور طريقك انت اكتر واحد عرفنى انى مش يتاع الكلام اللى فاضى دة الحكاية كلها انى عايش وحيد ومعايا بنتى وكنت عايز اجوز بس خوفت على مشاعر البنت ومحدش ضامن اللى هجوزها دى تقرف البنت وانا ماليش فى الدنيا غيرها. اللى حصل انى قريت فى مجلة اجنبية ان عالم يابانى اخترع بنات من مادة السليكون يعنى فى الشكل والصورة بنت ولو سلمت عليها لن تشعر انها مجرد انسان الى فقمت بالاتصال بالشركة وتكلفت مصاريف كثيرة لااحضار البنتين وعمل ترجمة دماغية ليهم على مايقومون بة من عمل
-------------------------------------------
البنت اللى فتحت الباب ليك دى تعتبر مربية ام الاخرى فهى زوجتى ولاتستعجب لما اقول كما انى اترك بنتى معهم دون خوف لانهم يعلمون كيفة التصرف معها وتلبية جميع طلبات خوخة وجدت منها فرصة لااسعاد بنتى والبنت خوخة فهمتها ان دول عرايس بس مشحونين زى اى لعبة بس ياسيدى دى كل الحكاية اللى انت عملت عليها فيلم. نظر لية الزوج وقال ياسلام اول مرة اعرف حاجة زى كدة بس تعرف انهم حلوين لاتقولى فيفا ولاشيفا السليكون يكسب
--------------------------------------------------------------

الجمعة، مايو 30، 2008

اول تاج واخر تاج



داخل على تلت سنين تدوين عمرى ما فكرت اعمل تاج لحد ولا اقبل تاج من حد وديما كنت بعتذر بس كنت بحس بزعل ناس منى بس اعمل اية حكاية ان الواحد يكتب عن نفسة بطريق مباشر صعبة وعلى كل شىء كان لازم اقبل التلت تاجات اللى جم ليا تجربة ومش هتحصل تانى واللى اخش المدونة بتاعتة واجد مررر ليا تاج هجيبة من رجلية واعلقة على باب المدونة عندى من غير مية ولا شرب فاهمين ههههههه ومعلشى بقى مش بعرف اكتب عن نفسى وزى ما تيجى واعتبرونى نايم وبهلوس
اول تاج من اختى العزيزة سالى صاحبة مدونة حاجات جوايا وتانى تاج من اختى العزيزة كلمة حق صاحبة مدونة كلمة حق وتالت تاج من اختى العزيزة
مررت ليا نفس التاجSalwaوالاخت العزيزة صاحبة مدونة
Emaصاحبة مدونة يوميات ام البنين وهو نفس التاج الاول
------------------------------------

أذكر خمس أحلام على الأقل تخص ماضيك وتحلم فيها بتغير الأشياء ..ماذا ستعدل ..وماذا ستترك ؟ا
انا ديما بحلم عمر فى يوم مابطلت احلام عامل زى اللى عايش فى مدينة خاصة بالاحلام وفى اللى تحققت وفى اللى لسة وفى اللى تنضاف الى مدينة الاحلام وفى اللى كبرت دماغى عنها بس دة لايمنع انها عايشة جواياكنت وانا صغير نفسى اطلع ممثل او لاعب كورة او كاتب او معد برنامج اطفال مش عارف لية طفل واحلامة حد شريكة وتمر الايام وتنضاف احلام لما كبرت شويا وجدت نفسى بميل الى ان اكون ضابط او امين شرطة ودى بقى جت ليا من اغنية سعاد حسنى ماتقولشى امين شرطة ولاجراح بريطانى وتمر الايام واجد مواهب جوايا بتاكل فيا مش عارف دى حاجة بتطلع لوحدها زى درس العقل او اول سنة عند الطفل وتمر الايام واجد احلام عاملة تنضاف لما المدينة قربت مش يبقى فيها مكان وكل الاحلام دى حصلت عليها وسعيد بيها بس بطريق غير مباشر ودة كان كفاية عليا وسعيد بية
-----------------------------------

2.اذكر 5أحلام على الأقل تخص مستقبلك

كاتب اغانى على قد الحال بس يجى منى عرفت ناس فى المجال لحد ما وقعت فى واحد فرحان بيا وبقينا اصدقاء لكن لسة مستنى انة يساعدنى ويقدمنى وبقللى سنة مستنى ولسة هستنى بس مش هنسى حلمى عشان جوايا عايش
نفسى اجوز ويكون ليا بيت واسرة وعيال بس لسة صاحبة النصيب ما جت ولاشوفتها لو انى بحبها

نفسى ينزل ليا كتاب اجمع فى احلامى وافكارى وكل شىء جوايا عايز كل الناس تشوفة وتحس بية زى ما انا حاسس بية ابوى التانى صحفى محترم قال ليا انت مستنيك مستقبل كبير وادينى مستنى كل حاجة تيجى ليا اركنها واخبيها لحد ما تيجى اختها انا بكتب اللى حاسس بية بدون ما اربط نفسة بأى قواعد ادبية لانى اساسا مدون مش نجيب محفوظ ولا نزار قبانى
كفاية احلام لااحسن هعيط ههه
-----------------------------------------

3.اذكر شخصين على الأقل متواجدين في حياتك حالياً كنت تود وجودهم قبل الآن بزمن
مفيش شخصين بالمعنى المعروف بجد حاليا التدوين والمدونين ناس غالية عليا وبجد لو التدوين دة من 20 سنة كان كان الحال دلوقتى احلى وافضل كتير
----------------------------------------

4.اذكر شخصين على الأقل غير متواجدين في حياتك حاليا كنت تود وجودهم الآن أو في حياة أولادك مستقبلاً

جدى وجدتى الله يرحمهم دول بجد كان ليهم فضل عليا وتأثير كبير واتعلقت بيهم بدرجة كبيرة ويوم وفاة جدتى ثم جدى كنت حاسس ان روحى بتخرج منى لانى اتولدت خارج مصر ولما بقى عندى حوالى 4 سنين نزلت مصر وفضلت عايش مع جدى وجدتى فترة كبيرة ودة خلنى مرتبط بيهم بطريقة كلام الدنيا كلة ما يوصف اللى عايز اقولة ربنا يرحمهم يارب
--------------------------------------

نيجى بقى للتاج التانى بتاعة اختى العزيزة كلمة حق

أذكر 10 اشياء عن شخصيتك ؟؟

انسان طيب جد وصاحب صاحبة وعايش فى حالى

انسان رومانسى عايش فى حياة خاصة ودنيا تانية بتعامل مع الناس كلها بكل حب

فى بعض المواقف ممكن اتعصب بس مفيش سوانى واكون بعتذر لاانسان اللى اتعصبت علية

انسان يتوقع الخير فى اى انسان اعرفة مع الحرص فى التعامل خصوصا فى بداية التعارف لان محدش يعرف حد اوى الا لما يعاشرة ويكلم معاة كتير
انسان عاشق للفن والموسيقى والكتابة وبحب اوى الافلام الرومانسية والرعب وخصوصا الافلام الهندية بموت فيها لانها تجميع بين الاكشن والحب والكوميدياوالاستعراض غير ان الحوار فيها بيكون لية قيمة وهدف

انسان ممكن ازعل من موقف من حدث من اسلوب شخص لكن لااحمل ضغينة جوايا لااى حد

انسان بيحب الخير والسعادة للناس كلها واحزن لما بشوف الحزن والتعاسة فى عيون البعض
-------------------------------

تحياتى للجميع

الاثنين، مايو 26، 2008

حكاية عريس وعروسة




لما البنت ..... تتقدم لعريس
والشاب قاعد ..... فى بيتة
مستنى الرزق والخاطبة ...... تجيب لية عروسة
-------------------
ويتعرض على البنت .... كدة كم صورة شاب
تختار منهم اللى تحس بية.... ويحن ويرق لية القلب
وتروح على بيتة .... وتخد ابوها وامها
عشان تتقدم وتخطب ..... الحلو الامور
وبالمرة تتأكد الاصل ..... كدة زى الصورة
وان الصورة ..... ما بتكدبشى
-----------------------------
وماما بتاعة ..... العريس مسكتة
وعلى غرفتة ..... تجهز فية وتنصحة
ان كل كلمة بحساب ..... ومايتكلمش
الا لما تبص لية ...... بصة بعنيها
متفق عليها بينة ..... وبينها
---------------------------------------

وتيجى العروسة واهلها .... عشان تشوف العريس
اللى كان قاعد وهادى .... وكلة خجل
وفى دماغة كلام ..... ماما لية
وكان طول الوقت مبتسم .... على بسيط
وفى نفس الوقت وشة ما طلعشى .... من الارض فى اربع ساعات
غير مرة او مرتين خجل .... وكسوف بقى
------------------------------------------------------
والعروسة اللى هيا امورة نازلة اسئلة .... للعريس الامور
وهو يبص عند ماما الاول .... يخد الامر العيونى
وبعدين يجاوب يادوبك ..... على قد السؤال وكان
بيقطع فى الاجابة زى عربية ......على وشك تخليص البنزين
------------------------------------------------------

واصعب سؤال كان للعريس ..... لما العروسة قالت لية
انتى ياامور بتشرب سجاير ..... اوعى احسن ازعل
قال ليها وبكل خجل .... لا طبعا مش احبها
انا احب التوفى .... والايس كريم
قالت العروسة .... ياسلام عليك امور
انا صحيح بشرب.... بس خفيف خفيف
بس مش كل نفس على ..... الصدر عشان صحتى
وعريس المستقبل الامور..... عشان مش اتعبة معايا
واتعب صحتة وقلبة ..... الرقة الحنون
--------------------------------------------------------

ام العريس تقول ونعمة ..... الاخلاق ياعروسة
انا بطلتها من رابعة ..... ابتدائى على طول
وانتى على راحتك يا امورة ..... لو مش قادرة تبطليها عادى
ولايهمك الامور مش يقدر ..... يكلم ..... هو فى كلمة بعد عروستة
تبص العروسة للعريس الامور ..... يهز رقبتة بالموافقة
ويرجع تانى ......عيونة على الارض
----------------------------------------------------------------
وكانت كارثة ومصيبة وحكاية ..... لما خرج الامور مع عروستة
فى البلكونة قاعدة على انفراد عشان ..... كل طرف يفهم التانى بسرعة
وفى وسط الكلام والحديث ...... مسكت العروسة ايد الامور
وقربت منة تقول ...... لية كلمتين حلوين
قام الامور وقال ليها ..... عيب عليكى ياوحشة
وجرى على ...... ماما بيعيط
----------------------------------------------------------------

خدتة ماما فى حضنها......
فية مالك ياحبيبى فى اية
اية يا امورة مالة ابنى......... انتى عملتى فية اية
تقول امورة لاام امور ابدا.......... وحياتك ياماما كل الحكاية انى بكلمة
وكل ما اكلمة القئية مكسوف........ وشة على طول فى الارض
قولت اخرجة من المود دة قربت منة...... ومسكت ايدة ولسة يادوبك
بقول كلمتين حلوين حصل اللى حصل دة......... وانا ونبى ما اقصد حاجة
انا معاكى فى كلامك ياامورة بس كان لازم........ تعرفى وضع اى عريس
فى لحظة صعبة زى دى وخصوصا ابنى امور........ حساس وبيغرق فى شبر مية
على العموم انا اسفة ياماما مش هيحصل تانى...... وتبص لاامور اللى كان حاضن مامتة .....من وقتها
وتعتذر لية ويبص ليها بكسوف........ نظرة قبول الاعتذار
-----------------------------------------------------------------------------
وتمشى امورة واهلها بعد ما شافت العريس امور....... ومامت امورة بعد وصولهم الى بيتهم
قالت اية رايك ياامورة فى امور....... هو باين علية دلوع بس مؤدب وبيسمع الكلام
تقول امورة اة هو صحيح كمان ...........عايز تعديل فى حبة حاجات...... بس دى عليا انا
انا هخلية حرج كدة ويعرف يكلم...... مش كل ما اكلمة يبص....... عند مامتة الاول يخد التمام
ترد امهما براحتك امورة بس ارد على ام امور امتة.... تبص امورة ليها وتقولها عدى يوم ولا اثنين
لازم مامتة تتصل بيكى دة هيكون دليل على الموافقة......... ساعتها نروح ونحدد كل حاجة
---------------------------------------------------------------

تتدخل ام امور علية فى غرفتة وكان قاعد على السرير ....... وسرحان على الاخر
حتى ما حسش بمامتة لما دخلت علية........ اللى قعدت تبص لية ثوانى وتضحك
اية يامور سرحان فى امورة ولا اية .... ماما لا ابدا امورة اية اللى اسرح فيها
تبص لية ماما وتقول لية على ماما بقى ........ ياحبيب ماما طيب هات عينك فى عنيا
وتقرب منة يكسف ويقول الله ياماما وبعدين معاكى .........اة عجبنى بس اللى عملتة معايا واحنا مع بعض وحدنا....... خوفنى منها اوى باين عليها شقية خالص........ وتعرف شباب قبلى كتير
انا لازم اعمل ليها اختبارات لااحسن انا.......... مش احب اتربط بنت تعرف قبلى شباب
يعنى لو امها اتصلت اقول اية ......... ابقى قوللى امور موافق وحددى معاهم ميعاد عشان
نتفق على كل حاجة............. تبص لية وتقول اة من دلع الشباب
---------------------------------------------------------------

السبت، مايو 24، 2008

كلام خاص ومدونات مصرية للجيب




توقيع اول عدد من مدونات مصرية للجيب شىء جميل والاجمل ان فريق العمل كلة بالكامل من المدونين من اسرتنا الجميلة انا مش اقول واتكلم عن بعض الحاجات اللى مش عجبتنى لما روحت لان فى ناس كتير كتبت عنها انا هقول بس كلمتين من لحظة دخولى وحضورى الى انصرافى اجمل لحظة بجد لما تشوف وتقابل ناس غالين عليك اول مرة تشوفهم وكان جميل انى قابلت ناس حلوين من اللى اعرفهم
------------------------------------
اول ما وصلت وطلعت المكتبة وجدت زحمة وناس كتير كنت مبسوط بالمنظر وحزين لانى ماشى على عجاز نظرا لعملى عملية فى رجلى من حادثة عربية من ست شهور ولسة انا فى فترة ومرحلة العلاج الطبيعى . كنت واقف ومش عارف اعمل اية ورجلى وجعتنى من كتر الوقفة الى ان وجدت من احضر كرسى ليا لااجلس دون سابق معرفة وعرفنى بنفسة كان رامز عباس انسان عسل بجد وجدع يعنى جاب ليا الكرسى وكنت عطشان جاب ليا مية بجد هون عليا وحدتى وانا بين عجازى اللى مانعنى اقوم واتعرف على الناس شكرا يارامز انت انسان محترم وسعيد بمعرفتك
---------------------------------------

وانا فضلت قاعد على الكرسى ومش قادر اقوم غصب عنى رجل مريض اعمل اية وانا قاعد كان ناس رايحة وجاية عليا وبعدين وقف قدامى احمد مهنى وقال ليا تامر نبيل قولت ايوة وعرفنى بنفسة وكنت مبسوط انى وجدت حد اتكلم معايا وعرفنى ولو من الصورة اللى على المدونة وبعد السلام وانصراف احمد وجدت مين اختى العزيزة انجى صاحبة مدونة اى حاجة بقى طبعا اعرفها وهيا تعرفنى من سابق لقاء للمدونين كان فى الاوبر سلمت عليا وسلمت عليها وكنت فرحان انى اخيرا وجدت انسان اعرفة ومش اى انسان دى اختى العزيزة انجى
---------------------------------------
بعد كدة وجدت اللى خبط فى رجلى كنت لسة هشيل الكرسى واخبطة بية هههههه وجدتة ابرهيم صاحب مدونة ابرهيم معايا وسلمت علية وسلم عليا وطبعا اعرفة ايضا من لقاء الاوبرا وبعد كدة سلمت عليا وينكى وسلمت عليها ودى بقى اخت عزيزة وبنت عسل وجدعة جدعة بمعنى الكلمة واكتر كمان وقالت ليا هتيجى الحفلة كان عندها حفلة وهتغنى فيها صوتها جميل وكان نفسى اروح اسمعها بس انا بقدم ليها اسفى لانى بجد مش هقدر فى حالتى دى اروح مشوارين وراء بعض وان شاء الله وينكى اول ما اخف كل حفلة هتشوفينى فيها لحد ما تزهقى منى هههه
-----------------------------------------

بعد كدة جت مدام ايناس وسلمت عليا وعرفتنى من العجاز والصورة سوابق انا هههه وعرفتنى بنفسها وسلمت عليا وبعد الكلام والسلام طلبت منها تندهة ليا احمد القاضى صاحب مدونة يامراكبى عشان اسلم علية لانةكان جوة فى الزحمة وانا صعب اوصل لية وكتر الف خيرها ندت لية وسلمت علية وسلم عليا والله بجد حسيت انى اعرفة من سنين انسان بجد محترم وكان نفسى اجلس اكلم معة اكتر بس ان شاء الله تيجى فرصة تانى واكون افضل من كدة
-----------------------------------------.
وجانى وسلم عليا اخى العزيز ادهم صاحب مدونة فى عمق الحياة وطبعا فى سابق معرفة وانبسطت انى شوفتة بجد بعد كدة سلمت عليا ولاء صاحبة مدونة والقادم اجمل وسلمت عليها وسلم عليا ايضا شيماء الجيزى صاحبة مدونة صحافية مع ايقاف التنفيذ وانا كنت ماشى وقفنى عم ابو خالد وسالنى انت مدون قولت لية اسمى والمدونة وعرفنى من خلال الصورة وفرصة سعيدة بجد انى قابلتة بجد لانة رجل عظيم . وبعد كدة فى مدونين كتير عرفونى بنفسهم وعرفونى من خلال صورتى او العجاز اللى بقيت مشهور بية بس لااسف مش فاكر حد لان الكلام كان وانا ماشى وياريت يسامحونى
----------------------------------------------

وانا بجد بتاسف لااى اخ واخت اتكلمت وياهم ونسيت اكتب عنهم او اى حد كان كلمنى ومش عرفت اتكلم معاة كويس معلشى ياجماعة وبتاسف ليكم انا نفسيتى تعبانة من ساعة الحادثة والوقت اللى طول عليا فى البيت ست شهور ولسة ماشى فى العلاج واتمنى مش حد يزعل منى وان شاء الله المرة الجاية اكون خفيت وسبت العجاز اللى انا مخنوق منة الدعاء ليا احلى ناس وربنا يخليكم يارب ومتجمعين ديما على
الخير والحب

الأحد، مايو 18، 2008

عالم التدوين- عالم حر لكل انسان حر



يانهار بنى أسود ابيض مش لية الوان اية اللى انا شوفتة وسمعتة دة اية اللى انا قريتة دة معنى اية الكلام دة يعنى انا وكل الناس بيضحك علينا من مدة كبيرةواحنا ولا عارفين وماشين فى الطريق راضين وسكتين ونقول بكرة تتعدل والحال هيبقى مية مية واشطة
ومهلبية
---------------------------------
يامعلم يامعلم شوف يامعلم احنا اضحك علينا يامعلم انا وانت وكل الناس اضحك عليهم يامعلم. اية يامنيل على عنيك الكلام اللى بتقولة دة مين اللى يقدر يضحك على المعلم هو انا زيك ولااية طيب امشى من قدامى لااعمل راسك نجفة واعلقها فى المحل حتى مش هينفع هيكون فال مش حلو عليا ومش بعيد تجيب النحس هيا اى راس دة راس الطور ياطور قال اضحك عليانهههههه امشى ياض من قدامى وروح هات واحد شاى
-----------------------------------
احلى واحد شاى لااحلى معلم بس لو سمحت يامعلم ممكن تسمعنى سبنى بس اقول اللى عندى يعنى عادى اهبل وبيهبل واعتبر انك بتسمع اى كلام من عبيط ماشى فى الشارع. الله ما طولك ياروح على هذا المجروح ياابنى انت شارب اية النهاردة مية لفت ولامبلبع اية فى يومك اللى مش هيعدى دة. طيب يامعلم ادينى فرصة اشرح بس. تشرح قول ياخيبة اشوفك متشرح على باب الحارة
-----------------------------------
كل حاجة نزلة نار كل حاجة مفيش يوم الا وتغلى والاسعار بقت نار حتى الناس بقت تغنى بدل نار ياحبيى نار بقت تقول نار يااسعار نار يعنى شوف انت يامعلم من يومين بس غليت كل الطلبات لية بقى عشان طبعا الحاجة غليت وبتشريها غالية يعنى لازم تغلى انت كمان عشان تعوض فرق السعر والحال كدة ماشى على كل حاجة . واية الجديد ياسابق عصرك؟
------------------------------------
الجديد فى الجرايد اللى كل يوم تكتب وتقول نزول الاسعار الحفاظ على محدود الدخل واحلى الكلام اشوفة واسمعة فى الجرايد والمجلات والوسائل الاعلانية لكن على ارض الواقع كل حاجة مختلفة يعنى بيضحك علينا يامعلم وفى الاخر بعد ما الناس فتحت مدونات عشان تعبر فيها عن رايها قال اية طلع عليهم بتوع الجرايد واتتقال عليهم كلام وحش خالص وشتيمة و كلام لايدل على ثقافة ولاعلم ولا اسلوب كويس فى مخاطبة الاخرين قمال الجريد دى مصدعة الدماغ بالحرية فين دى بقى
---------------------------------
وبعدين بتوع التدوين ناس بتعبر عن رايها بكل حرية ممكن نختلف معاهم بس مش يكون بالرد والكلام اللى اكتب عليهم دة دة دليل على سقوط بعض الجرايد والمجلات والغيرة من المدونين الغلابة وعمالة تحسد فيهم . خلاص اسمع ياواد احنا نعمل مدونة ونكتب فيها راينا اسال حد تتعمل ازى.؟ انا اعرف يامعلم . وانت عرفت منين يامنيل. اصل انا من المدونين يامعلم

الخميس، مايو 15، 2008

بدون فلوس - كيف تكون رجل اعمال ؟




شوف لو كنت وحيد يعنى لوحدك وبتاعنى من الوحدة ونارها وطول ايامها ولياليها وحاسس انك على طول مخنوق وقرفان وعايز تتجوز ولسة بتجهز نفسك او لسة بتفكر ازى هجهز نفسك مش مشكلة ومش تخاف ابدا خليك جرىء وبدل قاعدتك فى غرفتك لوحدك بين كتب وكمبيوتر وصور ومفيش ولاصوت جنبك وحاجة تعمل حس بس يبقى
انت مفيش قدامك غير حل واحد ممكن كمان تبقى عن طريقة رجل اعمال
----------------------------------

تدور على اللى يعمل جنبك صوت وحس ويشيل من دامغك الحيرة والاحساس بالوحدة القاتلة شوف كلب او قطة ولو مش عندك مكان يساع كلب خليك فى مشوار القطة مشوار سهل وبسيط ومش بتخد مكان كبير مش مهم بقى تتصرف على اكلها لو بخيل او مش بتحب تصرف ابقى حط ليها بواقى من عندك اللى تفضل بس خلى عندك زمة وضمير
----------------------------------
صحيح انت لاهتعرف تتكلم ولاهتعرف تحكى ليها همومك وجراحك وتعب ايامك وسهر لياليك كفاية عليك تشوف اللى قاعدة جنبك وتلعب فى رجلك وانت قاعد واللى كل شوى نونو ياسلام اة لو تعرف معنى كلمة نونو ولاشعورك واحساسك لما تسمعها حاجة تجنن وتخرجك من شعور الكبت والوحدة اللى انت فية
----------------------------------

وكمان ممكن تلعب معاك ويكبر الموضوع معاك وتفضى غرفة من شقتك او لو سطوح البيت بتاعك لوحدك يبقى اتحلت تربى قطط عندك والحكاية بسيطة والبداية قطتيتن وبعد كدة تبقى قطط وكل قطة هتجيب ليك قطط وتبقى صاحب مزرعة قطط كبيرة ممكن تصدرها الى الصين زى ما عمل عمك لاسع وبقى من اغنياء العالم والناس كلها مفيش على لسانها غير حكاية عم لاسع ومشوار عم لاسع وفلوس عم لاسع
-----------------------------------

الصين دلوقتى القطط والكلاب هتخلص من عندهم وعشان كدة ابتدى غلان التجارة عندهم عنيهم تروح على الاستيراد وطبعا مش هقول ليك بيتعمل بيهم اية انت عارف انهم وعموما بشكل عام اغلبية دول اسيا تموت فى اكل القطط والكلاب والضفادع شوف بقى مشروع زى دة تكلفتة بسيطة ومكسبة مضمون وكمان ممكن تنزل اى شارع تصتاد الكلاب والقطط وتحبسهم عندك وتعمل كمية وبعدين على التصدير عدل وبعدها بقى هتبقى ياحلاوة من الاغنياء الكبار بس اوعى توزع لبتوع الكوفتة والكباب لااحسن ادعى عليك نههههه
----------------------------------

يعنى لاهتحس بوحدة ولاقرف وكل شىء هيكون ماشى معاك ومتظبط على وحدة ونص وفكر وروح طل وبص على مشروع عم لاسع وهتعرف ان المشروع ناجح ومربح منها تخلص المنطقة من الكلاب الضالة والقطط ومنها هتبقى رجل اعمال قولت اية؟.

الاثنين، مايو 12، 2008

خد الامور ببساطة وبلاش حكاية العنب




لو واحد قال ليك واحد +واحد= كم هتواجب صح ولا هتقع فى فخ وتقول دة سؤال صعب وضعنى فى وضع محرج ياخيبتى وياشماتة ابلة حكمت وهيئة المدرسين وممكن تكتئب وتصدر منك اعمال مش مفهومة ومش بعيد تنتحر
وممكن تجنن ويجى ليك حالة هيستريا وتمشى فى الشارع وتغنى وتقول اى كلام واحد اثنين سرجى مرجى وياسلام عليك وانت واقف فى وسط الشارع وتصرخ وتقول دمرونى لانى طيب النية سالونى سؤال صعبا
مفتريا
-----------------------------------------

ووبعدين الواحد لو جلس مع نفسة هيقول انا عملت كدة لية وهو السؤال صعب ولا انا ما فكرتش كويس ولا اخذتة على صدرى و على انة استهزاء بيا وبعقلى عشان كدة رد فعلى كان فية شىء من العصبية والجنون
مع ان الواحد لازم يكن هادى وعندة استعداد يستقبل اى حاجة لاننا عايشين فى دنيا والدنيا فيها وفيها يعنى مثلاا فية اللى يقول العنب العنب العنب ويقولك فن والناس هايصة ولا مش عارف لايصة بس مبسطوطة وفية ناس تقول كلام زى اهواك واتمنى لو انساك وايضا دة فن الاختلاف بس فى التوقيت
----------------------------------------

لو كان صاحب اهواك عايش وشاف صاحب العنب كانت حصلة قفلة وكان كل واحد فيهم جرى من التانى لان هحيس انة فى عالم مجنون او عندة حالة انعدام اللا اية البتاع يابتاع مش عارف لما افتكر هقول المهم كان هيبقى فية تنافر وليس تجازب
وحال الدنيا على دة الحال مرة فوق ومرة تحت مرة سهل ومرة صعب واحنا بقى لو خدنا كل حاجة بجدية اكثر من الازم ممكن نجنن ويحصل لينا زى الواد اللى سال الواد بردوا واحد + واحد= كم فتجنن لانة عقلة لم يقبل ان يستخف بية حد ولو كان خدالامر بسهولة وقال اثنين كان خلاص كل شىء اتحل
----------------------------------------

لكن باين علينا احنا اللى بنعمل من الحبة قبة وفى الاخر بنركب المراجيح وعلى اعتقاد انها هتوصلنا المريخ وياريت بقى نخد الامور ببساطة ولا عايزين تبقى زى الاخ انتم حورين والعنب العنب العنب
---------------------------------------

السبت، مايو 10، 2008

تمورة اتمسك قبل ما يروح الغابة




رايح فين ياتمورة واية الكيس الاسود اللى فى ايدك دة فى اية الكيس دة ياتمورة

يرد تمورة على ماما
ابدا يامامى دة شويت طوب على كم زلطة كدة لازوم الشغل يعنى تقدرى تقولى شىء لزوم الشىء
ترد ماما
شغل اية ياتمورة روح الله يخيبك انت اشتغلت اية بقى بياع طوب وزلط
اقعد ياواد ياتمورة مفيش خروج قبل ما اعرف منك اية حكاية الطوب والزلط دى
--------------------------------------

وفى وسط الكلام الباب خبط راحت فتحت وجدت توتة وبسبوسة وكل واحدة فيهم شايلة كيس اسود زى اللى مع تمورة
بصت ليهم كدة وقالت لا بقى الحكاية دى فيها حاجة مش مستريحة ليكم انتم نوين على اية
قولى ليا توتة رايحين على فين بالاكياس اللى فيها طوب دى قولى ياشطورة يا احلى بنوتة . ترد بسبوسة لا ياطنت انا احلى بنوتة وتوتة تقول لا انا
-------------------------------------

ترد عليهم مامت تمورة خلاص الاحلى بقى تقولى الحكاية
والاثنين مرة واحدة رايحين الغابة عشان نصطاد
تبص ليهم وتقول غابة وصيد اية دة وهيا فين يابنات الغابة دى تقول توتة تمورة هو اللى يعرفها وهيودينا ليها
ماشاء الله تمورة هو اللى يعرف الغابة فين
وتقرب من تمورة وتقول لية قول ياتمورة فين الغابة
قول مش هقول لبابا وكمان يمكن اجى معاكم وكمان اعمل ليكم سندوتشات
------------------------------------

يبص ليها تمورة وهو منشكح شوفى يامامى
احنا هنروح الغابة اللى عند عمة فصيح وهنصتاد من هناك بقى عصافير وحمام
وبلاش اكل عشان الغدى النهاردة عليا
تبص لية وتقولة وعلى اية بقى التعب ياتمورة اقعد انت واصحابك وانا اعمل ليكم حمام
-----------------------------------

اصل الطوب غلط تيجى طوبة فى راس حد يتعور يبقى حرام عليك
قال تمورة خلاص يامامى ماشى كلامك اعمل اية بس وراح وخد توتة وبسبوسة على البلكونة ومسك كل واحدة من ودنها وقال اعمل اية فيكم ياحلوين
------------------------------------

الجمعة، مايو 09، 2008

خليك ياطيب زى ما انت طيب




ليك حق تتضايق وتزعل لما تعيش فى وقت محدش بيعرف فية حد الا وقت المصالح ناس كتير دلوقتى من النوعية دى بقت منتشرة بطريقة تخلى اللى زيك ياصاحبى يخاف من الناس
لكن ياصاحبى ارجع واقول ليك ان الدنيا لسة بخير وفيها الناس الطيبة العشرية اللى وقت ما تحتاجها بتكون موجودة جنبك وقريبة منك وتساعدك على قد ما تقدر بدون هدف ولا مصلحة عايزاها منك لكن بتعمل كدة عشان دى طبيعتها
طبيعة حرة ثابتة على الخير والحب والمودة والتعامل الصادق بينها وبين احبابها اللى تعرفها حتى مع الغريب مفيش غير المعاملة الحلوة الكويسة
زيك ياصاحبى
--------------------------------------

شيل يا صاحبى الخوف من دماغك والقلق من تفكيرك وبطل تشيل جواك وتزعل نفسك عشان معاملة البعض من الناس اللى مفيش فى دماغها الا نفسها وبس وما تعرفك الا لو ليها مصلحة عندك تخدها مش تشوفها بعدها تانى الاوقت المصلحة
--------------------------------------

بتاع مصلحتة ونفسة والاخرين الى الجحيم بكرة تدور الدنيا علية ويقع على الارض وما تشيلة ولا يوقف جنبة وتواسية الا ناس اصيلة وطيبة زيك يومها يعرف قد اية هو كان انسان انانى ماحبش الا نفسة لانة مش هيشوف يومها حد من اصحابة بتوع نفس الطريق مصلحتى ونفسى كلهم وقت ما يوقع محدش هيسأل علية
----------------------------------------

خليك ياطيب زى ما انت طيب

اصيل ومن ربنا قريب

هتعيش على طول مرتاح ياطيب
---------------------------------------

الثلاثاء، مايو 06، 2008

انسانة فى صورة- شيطانة- لاتعرف الرحمة




سالى فتاة جميلة كانت فى السنة الاخيرة من الجامعة مخطوبة لشاب وسيم يدرس معاها فى نفس الجامعة نشئت بينهما علاقة حب كبيرة تحدث عنها الجميع بالجامعة
كان لسالى صديقة جميلة لكن ليس فى جمال سالى اسمها رشا وكانت الغيرة تقتلها كل ثانية عندما ترى الجميع يحاول الحديث مع سالى او ترى نظرات الاعجاب بها والغيرة بها اصبحت اكثر بعد الخطوبة
لعب الشيطان لعبتة مع رشا وقررت هدم حياة سالى مع خطيبها واصبحت تفكر فى الطريقة التى تستطيع بها الوصول الى غرضها الاسود الى ان وصلت الى الفكرة التى ستهدم بها صديقتها سالى
--------------------------------

انتهت سالى من الامتحانات وظهرت النتيجة وكانت مبسوطة بالتفوق الكبير وحصولها على أعلى الدرجات امتياز مع مرتبة الشرف مما يجعل الطريق سهل الى تعينها معيدة بالجامعة
وابتدت سالى واهلها يجهزون الى يوم الفرح بعد تحديد الميعاد مع العريس وكما فى هذا الوقت تنزل العروسة مع اهلها والاصدقاء المقربين لها لشراء كل ما هو هام وخاص للعروسة الجميلة
وفى يوم نزلت سالى للشراء وكان يرافقها رشا الشيطانة التى تجهز لهدم المعبد على رأس سالى واخرى اسمها سناء هى اقرب الى رشا من سالى ولكن لايوجد فى راسها اى ضغينة او كراهية تحملها بداخلها على سالى مثل رشا
---------------------------------

وبعد شراء الكثير من الطلبات الخاصة باالعروسة سالى وعند الذهاب الى البيت امسكت رشا بطنها وصرخت بصوت عالى من شدة الوجع الذى كان مجرد بداية للخطة
وطلبت من سالى وسناء الذهاب بها الى المنزل فهى مجرد الم بسيط ياتى لها كل حين ويروح بعد تناول الدواء الذى كتبة الدكتور لها
وهناك فى بيت الشيطانة اكملت التمثيل عليهم بعد اخذ الدواء وقالت يجب ان نحتفل اليوم بقرب زواج حبيتى سالى وقامت بتشغيل الكاسيت على اغنية راقصة ورقصت مع الغناء لسالى ثم نظرت الى سالى وقالت من الجميل ان ارى رقص حبيتى سالى لما اشوف بقى هتعرف ترقص احسن منى ولا انا اكسب
وبعد رفض سالى عشان التاخير وكثرة طلب رشا لم تستطيع ان ترفض وقامت رشاو احضرت عصير ليمون لااصدقاء وشربت سالى وسناء
---------------------------------

وقامت ترقص سالى وما هى الا لحظات حتى شعرت سالى بدوخة وجلست على السرير
كانت فى حالة توهان من مفعول المخدر الذى وضعتة لها رشا وهنا احضرت سالى مجدى صديقها الذى كان ينتظر رنة من موبيل رشا للصعود حسب الاتفاق ودخل مجدى ونام مع سالى و رشا كانت تصور اللحظات بكل دقة وكانت سالى تتحرك مع مجدى وتحاول البعاد عنة لكن المخدر كان اقوى ان تقاوم وسناء كانت تنظر ولاتسطيع ايضا فعل شىء من المخدر
---------------------------------

وعندما فاقت ظلت تصرخ وتنظر الى رشا لماذا فعلتى هذا لماذا دمرتينى انا لم افعل لكى شىءحرام عليكى يارشا
وكانت رشا تنظر لها وتضحك وتقول الان انتى فتاة ليل تخيلى عندما يرى خطيبك هذا المنظر يرى حبيتة وهى فى احضان شاب تخيلى ماذا يحدث انها النهاية سالى
وانتشر الفيلم على الموبيلات واصبحت سيرة سالى على كل لسان وصل الخبر الى خطيبها الذى كان يغمى علية من شدة وصعوبة ماراى وابتعد عن سالى
واصبحت فتاة غير مرغوب فيها من الجميع
ومهما حاولت الدفاع عن نفسها اصبحت فتاة موبيل
-----------------------------------

الأحد، مايو 04، 2008

انا وهو و حكاية البومة المسكينة




كنت جالس بمكتبى حي

الأربعاء، أبريل 30، 2008

الحلوين ***** وشجرة توت




الارض واسعة وكبيرة

واماكن كتير قدامك .... حلوة ليك ولااصحابك

احلى وافضل واريح ..... من شجرة التوت

اللى انت طلعتها ..... من غير ازن صاحبها

وجانى يشكى من شقاوتك..... انت واصحابك

دى اخر مرة تتطلع شجرة ...... اوتأكل توت

لو حصل تانى انت حر..... مفيش غير النبوت
-----------------------------------

يرد تمورة على ابوة ...... يابابا

هو انا يعنى..... طلعت الشجرة بمزاجى

دة غصب عنى..... وما كان بأيدى

انا كنت ماشى..... انا واصحابى وفجاة

وجدت نفسى فوق الشجرة..... أكل توت وأحدف لااصحابى
----------------------------------

يعنى تقدر تقول..... يابابا قدر

وانتى قولت ليا قبل كدة..... وقت القدر يعمى البصر

وانا بقى بصرى حديد..... مفيش وقتها الا حبة شبورة

غطت الصورة قدامى..... ومعرفتش اعمل اية
--------------------------------

ياتمورة..... انت هتتضحك عليا

وتعمل دور..... البرىء الغلبان

هو مفيش غير توتة وبسبوسة .....اللى وكلين دماغك

هما اللى خلوك اكيد..... تتطلع الشجرة

وتجيب توت ..... هو انا مش عارفك
---------------------------------

يابابا اية الكلام..... دة مش فاهم

واكلين راسى..... ازى هما عفاريت

وبعدين انا راسى قدامك ..... مش متأكلة ولا حاجة

يرد الاب امشى من قدامى ..... لااكسر عضمك بأيديا

يجرى بسرعة تمورة ويقول..... لية وهو بيجرى

باين عليك انت اللى..... راسم على راسى

مش توتة وبسبوسة

ويجرى بسرعة تمورة .....على حضن امة يستخبى

الأحد، أبريل 27، 2008

تمورة & وتوتة& وبسبوسة




تمورة شجيع الشجعان

طفل انما اية مفيش زية

لاتقولى بروسلى ولاجاكى شان

طفل كدة ماسك نفسة ومربى عضلات

كان حبيب الشلة والكل يحبة

خصوصا البنات من توتة لفوفة لبسبوسة


ماتعدش هنحسد ولا اية كمان
----------------------------

كل يوم الصبح بدرى

يقوم وفى الشارع يجرى

ويعمل تمام للشلة النونة الحلوين

وياويلة اللى يجى متاخر

من تمورة شجيع الشجعان
------------------------

ويبتدى اللعب وتمورة يقسم الحلوين

من عكسر الى حرامية وناس وحشين

وهو تملى كان البطل كبير العسكر

اللى بعد ما الحرامية تخطف حد من اصحابة

خصوصا توتة وبسبوسة

كان يجرى علية ويمسكة

ويخلص منة اصحابة الحلوين
--------------------------

وتمر الايام ويكبر الحلوين

وبالصدفة يقابل تمورة بسبوسة

ويسلم عليها ويسال على الحال

وكانت ماسكة طفل صغير قال ابنك

قالت اة تمورة شجيع الشجعان
-------------------------

قال ليها تمورة ياة على الايام

جريت بينا بسرعة وبقينا كبار

قالت بسبوسة دنيا وايام
وانت اتجوزت ولا اية الاخبار
قال تمورة بكرة اتجوز واجيب
توتة وبسبوبة
وضحك تمورة وضحكت بسبوسة
ومشى كل واحد فيهم

ولسان كل منهم بيقول اة على الايام
---------------------------

الخميس، أبريل 24، 2008

ترقص وتغنى على طبلة




عشان ما هيا غنية ومرتاحة

كان كل الناس عايزها

الكل قال هيا مفيش غيرها

اللى هكون سعيد ومرتاح وياها
---------------------------

اية ياعنى عبيطة وهبلة

وعلى طول فى الشارع قاعدة

تحدف دة بالطوب وتشتم فى الرايحة والجاية

وساعات تطلب معاها

ترقص وتغنى على طبلة
-------------------------------

ياسلام لو ماشى وقتها

وقت الغنى والرقص بشعرها

وقالت ليك امسك الطبلة وطبلى عليها

وقولت لا ولا مشيت ولاعبرتها

اخرك كم طوبة منها فى دهرك

وشتيمة من اللى تحبها
----------------------------

وكل يوم مشكلة منها

والكل بيقول الله يسهل ليها

دة مهما كان عقلها رايح وخفيف

مين يعمل عقلة بعقلها
------------------------------

وبعد ما ابوها مات

بقت الفلوس كلها فلوسها

ومن وقتها والناس عايزة تقرب منها

وكل رجل يقول دى عروستى

دى روحى وقلبى دى اللى بحبها
---------------------------