تتحرق اللمبة اقول معقول
دة انا لسة شريها من كم يوم
ماتت من بدرى من غير ماتقول
ولا كان مكتوب على علبتها امتة هتموت
------------------------------
كانت مرسومة على العلبة
متقولشى عروسة
وسلكها طالع كدة شكلة
كان عايز صورة
-------------------------
من نظرة كدة خطفت قلبى
حلوة وامورة وعسولة
بس الحلو ما يكملشى
يادوبك يوم اثنين سابت عشى
----------------------------
كدة توبة لو تانى يالمبة
يخدعنى المظهر والصورة
راح اجيب الاصل لو غالى
مش انتى خلاص كدة محروقة
من غير لاسلام ولا دفنة
فى الشارع يلا يامحروقة
-----------------------------
ههههههه
حلوة جدددا جدا جدا
بجد عجبتني قوي
معرفش قصدت فيها الرمز ولاّ كتبتها هزار
بس أعتقد إن ليها رمز في خيالك
بس أنا كمان ركبت معاي على كذا رمز
خفيفة جدا وواضحة جدا
بجد عجبتني قوي
أهنيك عليها
تحياتي
من غير لاسلام ولا دفنة
فى الشارع يلا يامحروقة
ههههههه
كلامك اكثر من رائع
تحياتى
ودى نهاية المحروقة
اية الوحشة المنحوسة
هههههههههههه
بجد بقى مالها اللمبة
يوم اثنين وراحت
الحق عليك بقى اللى منورها ليل ونهار
وبدل السلام والدفنة
ترميها فى الشارع
ابلغ عنك مصنع اللمبات
هههههههه
سلاموززززززز
راح اجيب الاصل لو غالى
شوفت ان الغلط عندك
عشان جريت وراء المضروب
اللى ضحكم عليك بالشكل
والحركات
تعيش وتجيب غيرها
تحياتى
دة العادى كل حاجة تتحرق ينتهى مفعولها على طول فى الشارع
والايام دى كل حاجة خربانة
شكل ومظهر بس
لكن صناعة
مش هقول
تحياتى
Hannoda
اهم حاجة الحمد الله انها عجبتك
مين الرمز دة ههههه
على العموم الرمز نسيبة لكل واحد ومزاجة
ربنا يوفقك
تحياتى
Amira
قمال بقى اعمل ليها عزى كمان
اذا كنت مخنوق منها اساسا
ههههه
ربنا يوفقك
تحياتى
SaRa
بلغى العالم مش المصنع بس ههههه
بعدين مين ثال ليل نهار مولعة
هو انا لحقت اتهنى بنورها
ربنا يوفقك
تحياتى
ana mean
وحياتك ياصحبى ما كنت اعرف انها تبع الاصناف المضروبة
يلا معلشى
حصل خير
ربنا يوفقك
تحياتى
شربات
واهم حاجة بعد كدة
الواحد يدور على الاصل
وما ينخدع
بالشكل والحركات القرعة
هههه
ربنا يوفقك
تحياتى
حلوة اوى
ضحكتنى يلا يا محروقة دى
_______________________
اول مرة هطلب زيارة محتاجه جدا جدا اجابات على البوست الاخير بمدونتى
شكرا
بوست جميل
بس لو استعملت الشمع اللى مش بيسيح احسن
هههههههههههه
سلامى ليك
السلام عليكم ورحمة الله وبركاته
كلامك جميل جدًا
والمعنى حلو
وفعلا كنت جيب الأصلي أفضل حتى لو أغلى لكنك لن تضطر لتغيير اللمبة كل يومين
فعلا رمزية جدا
وعجبني فيها
كدة توبة لو يخدعني المنظر
راح اجيب الاصل لوغالي
فعلا على الاصل دور
اشكرك
سمراء
اية حكاية اللمبات
الايام دى
على طول كدة حالها
بس عبرت بكلمات بسيطة وحلوة عن الحالة دى
تحياتى
هون على نفسك يا تامر
خدت الشر وراحت
وبعدين الغالى تمنه فيه اشترى واحدة غالية علشان مش تتحرق بسرعه
نعمل اية بقى
لمبات اخر زمن
هههههه
تحياتى
زمن مش فية بركة خالص
تحياتى
هههههههه انا اول مره ادخل هنا
انصحك نصيحه هات لمبات توشيبا العربى هههه بيقولوا تمام
تحياتى ليك سومه_87
بيقولوا الغالى ثمنه فيه ،الله ينور عليك و البقاء لله فى
اللمبة المحروقة . بسيطة و ظريفة
تقبل تحياتى
تحس ان اللمبة عاملين ليها عمر يوم او اثين
عشان ندفع احنا بقى
هههههههه
كل حاجة في مصر اليومين دول بقت زي اللمبة دي بالظبط
عارف ليه ؟
لأنك مبتستخدمش توشيبا العربي !!
:)
اية اللمبة اللى مش عندها دم دى تتحرق كدة بدرى وعلى طول
باين عليك كنت مدلعها
هههههه
تحياتى
اية اللمبة اللى مش عندها دم دى تتحرق كدة بدرى وعلى طول
باين عليك كنت مدلعها
هههههه
تحياتى
حلوة جدا عجبتنى اللمبة المحروقة دى
بس انا هقولك على حاجة حلوة اوى
ممكن بدل الشارع تقولها
الى سلة المحزوفات مع التحية
او ممكن سلة المهملات لو حبيت
ماهو كدة الشكل جميل من برة والنور اية مااقولكش
بس على فكرة مش شرط تتحرق بعد يومين او تلاتة
ممكن بعد سنين طويلة ودى بقى المشكلة الاكبر
خالص تمنياتى مع لمبة اجمل
مش عارف ليه شامم ريحة شياط في كلامك
يعني دلوقتي انت حكمت على اللمبة بالرمي في الشارع من غير ما تسمع دفاعها اللي كان ممكن يكون كالآتي
يالي رميت لمبتك بعد الحرق في الشارع
اسمع كلام ينورك وخليك شاري ومش بايع
لو كهربة بيتكم كان فيوزها يوم ضايع
ايه ذنب لمبة مسكينة فتيلها مش سايع
فولت تزوده أو وات في العالي كان طالع
السلام عليكم
كلام جميل وواقعى جدا وكمان فى لمبات بتفرقع يعنى لمبات ارهابية
هى القاعدة ان الغالى تمنه فيه
لكن لكل قاعدة شواذ
وبرضه المثل ان الغالى للغالى
فعشان احنا كشعب مش غالى وأرخص مننا مفيش فدايما بيتعاملوا معانا بمنطق احمدوا ربنا يا نَوَر
احترام المستهلك بيخلى الصانع يتقن عمله واللى قبل ده كله انه يتق الله
تحياتى وتقديرى
هههههههه
حلوة يا تامر .. وحشتني كتاباتك
اتمنى تكون بكل خير
تحياتي
على رايك
فى الشا رع يلا يامحروقة
كل حاجة الايام دى يتتحرق بدرى بدرى
تحياتى
ودى نهاية المحروقة
الشارع المخيف هههههه
مش تنسى ياتامر تجيب لمبة تانية
تحياتى
هههههههههه
بوست حلو كتيرر وفكرتة تجنن
فى الشارع يلا يامحروقة
هيدى جزاء اللى مو يسمع كلام تموررر
هههههه
تحياتى
حلوة جداا
بوست مميز
تحياتى
هههههههههههههههههههههههههه
جميل قوي الشعر ده فعلا جميل
وفكرته حلوه
حلوة جدا الكلام بسيط ومعبر
بس كده تهون عليك عشرة يومين ههههههه
ههههههه
روهة وجميل البوست جداا
كلام بيسط
لكن المعنى كبير
تحياتى
عارف من الاساس انت اللي غلطان علشان اتغريت بمظهرها علي العلبه علشان بعد كده تعرف ان مش كل اللي بيبرق الماظ بس كان واجب تعمل عزا حتي لو تايواني
ابقى تعالة اشترى من عندنا
احلى لمبات
ومش بتتحرق خالص
هههههههههههه
سلاموززززززز
صحفية روشة
حلوة طبعا مش محروقة هههههه
تم الاضافة
تحياتى
مواطن مصرى نايم
هو الشمع جميل ورائع
بس بسيح وبيخلص على طول
تحياتى
جيهان علي
وعليكم السلام ورحمة الله وبركاتة
عندك حق
الاصل يكسب مهما كان
تحياتى
سمراء
عندك حق
الاصل يكسب مهما كان
ويغلب المضروب
تحياتى
بنوتة
اعمل اية بس
لمبات عايزة الضرب ههههه
تحياتى
Desert cat
عندك حق
خدت الشر وراحت
بعد كدة نجيب الغالى
تحياتى
هند
فعلاا اخر زمن
خصل خير
تحياتى
ماما عبير
ومنين هتيجى البركة بس
مش بتيجى الا للناس البركة
تحياتى
somaa mahaba
باين عليكى بنت صاحب المصنع
مصالح بقى هههههههه
ان شاء الله اشوفك على طول
تحياتى
Gannah
وحياتك الباقية
اية دنيا
عندك حق الغالى يكسب
اكيد
تحياتى
ياسمين
كل شىء جايز وممكن
تحياتى
خبيب
اية حكاية المصنع دة
اوعى تكون ابن الحاج عربى
ههههههههههه
تحياتى
ست البنات
وحياتك انتى
اخر دلع
وياريت تمر فيها
تحياتى
عـــفـــراء
يعنى كمان لو قعدت عندنا كتير
كمان مشكلة
طيب الواحد يعمل اية
مدام لكدة نافع ولكدة نافع
تحياتى
Walad_Masry
شياط
باين انت نسيت الاكل على النار
مدام مش ليك فى الاكل والطبخ تروح لية لية هههههههه
وبعدين كمان تقولى لمبة وعندها عزر
لية لمبة دهب
ههههههه
تحياتى
مجداوية
وعليكم السلام ورحمة الله وبركاتة
شوفتى ان فى لمبات تقع وترفع يعنى ارهابية
مش عارف الواحد يلئيها من فين ولا فين
وزى ما قولتى اهم حاجة
الواحد يتقى ربنا
تحياتى
walaa
ازيك ولاء
عاملة اية
اية الغيبة الطويلة دى
وانتى كمان كتابتك وحشتنى
نورتى المدونة والله
تحياتى
هانى
على رايك والله
ومع كل حاجة تتحرق اعصابنا احنا
تحياتى
نجمة
طبعا الشارع
قمال اشيلها للذكرى هههههه
طبعا لازن اجيب
تحياتى
$ سهى $
اديكى قولتيها
الا اية مش بيسمع كلامى
خلى بالك بقى ههههههههه
تحياتى
لسة نونة
ربنا يخليكى
تحياتى
mohand
ربنا يخليك
المهم انة عجبك
تحياتى
monaliza
هيا هانت عليا
ولا عليها المحروقة بدرى بدرى هههههه
تحياتى
ليلى حسين
ربنا يخليكى تسلمى
تحياتى
Whispers just for a Night
ان شاء الله
ربنا يقدم ما فية الخير
تحياتى
اميره الصعيد
مشكلتى من الاول
اعمل اية بس
طيب زيادة حبات
عزى
يعنى محروقة وعزى
لا كتيررر عليا
تحياتى
محظوظة
باسلام اجى اوى
مدام اللمبات عندكم تمام
تحياتى
خواطر جميله يا فنان و جديد برضه موضوع اللمبه ده
ضيفني يا تامر بقي ع الفيس بوك عشان تقدر تتابع معانا تفاصيل لقاء المدونيين
michael mohsen youssef
حستناك
تحياتي
micheal
اوك مايكل
تسلم ومشكورر على المتابعة الجميلة
تحياتى
حسبي الله ونعم الوكيل على من كان سبب
رجالة بتاعة فلوس
الله يهدينا ويهديهم ويهدي جميع امة محمد.
guy_moon
إرسال تعليق