ليك حق تتضايق وتزعل لما تعيش فى وقت محدش بيعرف فية حد الا وقت المصالح ناس كتير دلوقتى من النوعية دى بقت منتشرة بطريقة تخلى اللى زيك ياصاحبى يخاف من الناس
لكن ياصاحبى ارجع واقول ليك ان الدنيا لسة بخير وفيها الناس الطيبة العشرية اللى وقت ما تحتاجها بتكون موجودة جنبك وقريبة منك وتساعدك على قد ما تقدر بدون هدف ولا مصلحة عايزاها منك لكن بتعمل كدة عشان دى طبيعتها
طبيعة حرة ثابتة على الخير والحب والمودة والتعامل الصادق بينها وبين احبابها اللى تعرفها حتى مع الغريب مفيش غير المعاملة الحلوة الكويسة
زيك ياصاحبى
--------------------------------------
شيل يا صاحبى الخوف من دماغك والقلق من تفكيرك وبطل تشيل جواك وتزعل نفسك عشان معاملة البعض من الناس اللى مفيش فى دماغها الا نفسها وبس وما تعرفك الا لو ليها مصلحة عندك تخدها مش تشوفها بعدها تانى الاوقت المصلحة
--------------------------------------
بتاع مصلحتة ونفسة والاخرين الى الجحيم بكرة تدور الدنيا علية ويقع على الارض وما تشيلة ولا يوقف جنبة وتواسية الا ناس اصيلة وطيبة زيك يومها يعرف قد اية هو كان انسان انانى ماحبش الا نفسة لانة مش هيشوف يومها حد من اصحابة بتوع نفس الطريق مصلحتى ونفسى كلهم وقت ما يوقع محدش هيسأل علية
----------------------------------------
خليك ياطيب زى ما انت طيب
اصيل ومن ربنا قريب
هتعيش على طول مرتاح ياطيب
---------------------------------------
بتاع مصلحتى ويجرى دة موجود
انسان ما يهمة الا مصلحتة ونفسة
ويخدها ولو على حساب مين
وممكن يدمر ناس عشان يوصل لمصلحتة
لكن كما تدين تدان
تحياتى
خليك ياطيب زى ما انت طيب
اصيل ومن ربنا قريب
هتعيش على طول مرتاح ياطيب
كلام جميل وعجبنى
الواحد طول ما هو قريب من ربنا
هيكون مستريح البال والضمير
تحياتى
فعلا عندك حق فى ان الناس معدتش همها إلا المصالح حتى لوهيقتل أخوه عشان مصلحته
وتلاقى الناس همها مصلحتاهوإن شالله يولع غيرهم
بمبدا الأنانيةيعنى
ولكن من الأفضل نعمل الخير وبنية خالصة لوجه الله
ودمت بود
د/هيما
لازم كل إنسان يبقى على طبيعتو
لو كانت طبيعتو كويسه
thanks tamer
ما احنا عشنا طيين يا تامر قاوا علينا ضعاف وعلشان كدا بيدولنا جزاء الطيبة
للأسف الناس الجدعة الطيبة العشرية اللي بتقف معاك وقت الزنقة دي يا تامر بقت قليلة جدا
بقت عملة نادرة
عاملة زي فصوص الالماظ
الغالب والاعم هو المصلحة فقط...وياريتها مصلحة عامة دي مصلحة خاصة وانانية كمان
بس برضة كل واحد بيعمل بأصله وعمره ما هيتغير
تحياتي
ويييييييييين ردي
احتج واعااارض
خلاص عيل بقول شي واحد
حلات الانسان يسوي كل اللى يبيه دام ان ضميره مرتاااااح
ويشتري باله وضميره
فعلا ياتامر معاك حق
حقنا اللى مفروض نتمسك بيه رغم كل اللى احنا فى دلوقتى
ان احنا نفضل كويسين ان احنا نكون حاجه كويسه فى حياه غيرنا
فعلا خليك طيب
ana mean
انا معاك فى كلامك والنوع دة من الناس بيكون قاسى القلب ميت الضمير
عديم الاخلاق والدين
تحياتى
Amira
ودة اجمل شىء
الامسان يكون من ربنا قريب
تحياتى
Dr-hema
كلامك صحيح
الانسان دة يعمل اى حاجة
عشان مصلحتة وبس
مفيش احلى من الانسان اللى قريب من ربنا
تحياتى
hamdool
اكيد كل انسان على طبيعتة
ولو فيها شىء غير كويس يحاول بروح ويغير لااحلى
تحياتى
Desert cat
عزيزتى قطة
الطيبة مش ضعف
بس فى ناس صحيح بتخدها بطريقة تانية
وتحاول تستغل النقطة دى عشان تحقيق مصلحة ما
لكن مفيش احسن ولا افضل من الانسان الطيب
مع ان يكون حريص مع الانسان المصلحة
تحياتى
A.SAMIR
انا معاك ياصاحبى
انهم عملة نادرة فى هذا الوقت
الا انهم المطلوبين بكل قوة من نفس القلوب
الطيب للطيب
والعكس
وكما قولت كل واحد ونيتة واصلة
تحياتى
Shaima'a Alkandari
اهلا عزيزتى الغالية
والله مافى رد شوفتة غير الردين الان
ممكن تكونى ردتى وخصل اى عيب
كلامك صحيح كل انسان يعمل اللى يرح بالة وضميرة مع علية يراعى ربنا فى ما يفعل
تحياتى
ra7eel
اكيد عزيزتى رحيل
الانسان الكويس ربنا هيبعد لية انسان كويس
والانسان صاحب مصلحتة
حسابة عند ربنا
تحياتى
العلاقات كثيرة ومختلفة وعندما نقيم علاقة مع احد الاشخاص ويكون في ترتيب العلاقات هو الاول علينا ان نكون على يقين باننا لسنا بالضرورة ان نكون في الترتيب الاول بالنسبة له وانما يظل هو الاول لاننا نقيم علاقة مجانية بدون مصلحة الا ( استمتاعنا بالعلاقة ) اما اذا صدمنا من ترتبنا بالنسبة له فالبتاكيد انها علاقة غير صحية علاقة امتلاك
نكون كل منا الاول بالنسبة للاخر في علاقة واحدة فقط هي علاقة الارتباط المقدس
احييك على موضوعاتك
اشكرك على تعليقاتك
سمراء
فى مثل بيقول
الطبع يغلب التتطبع
ولا خد على شىء واتعود علية
خلاص بقى بيجرى فى دمة
وقليل لما تجد حد عرف يغير من نفسة
ومن راى طيب هيفضل طيب
تحياتى
مفيش احلى من ان يكون الانسان
طيب وقريب من ربنا
بوست مميز تامر
تحياتى
والله ياتامر عندك حق في كل كلمه
الزمن ده بقي مصلحتي ومصلحتك
انا جه عليه فطره كنت قرفت من الدنيا واللي فيها
بس ماما قالت ليه انت زعلانه ليه هو انت عملتي حاجه وحشه
انت كده صح مش من حقك تزعلي الا اذا
كنتي عملتي حاجه غلط تحياتي ياتامر
http://fekrety.blogspot.com/
أستاذي الفاضل
زر مدونتي رجـــــاء
الأيام هي اللي بتبين معادن الناس ياتامر
و مهما حاولوا انهم يخبوا و يداروا مواقف الحياه حتبين الكويس من الوحش
و فعلا الدنيا بقت مصالح لكن اكيد الطيب لسه موجود
تحياتي ليك ياجميل
السلام عليكم
كنت كاتب بوست على الموضوع دا
وانى مش هابقى طيب تانى
وعارف ايه اللى حصل فضلت زي ما انا :)
رغم اسوة الزمن والوقت
اللى احنا عايشين فية
الا ان الخير لسة موجود
والناس الطيبة موجودة
تحياتى
سمراء
كلامك سليم واتفق معاكى
الانسان الطيب زو الاصل الطيب هو اللى يعطى ويساعد بدون اى مصلحة
واختلاف الاطراف عنبعضها شىء وارد
تحياتى
محظوظة
كلامك مظبوط هو الطيب هيفضل طيب الا لو بقى الظروف قدرت تغير فية
زى الانسان الانانى بالظبط
تحياتى
SaRa
فعلاا عزيزتى سارة
لايوجداحلى واجمل من ان
يكون الانسان قريب من ربنا
تحياتى
mayada
عندك حق عزيزتى مادى
خليكى على وضعك الطبيعى
صحيح اعمال البعض تحزن
لكن المهم احنا اية من جوانا
تحياتى
المبدع الناقد
حاضر
ان شاء الله هجى عندك
تحياتى
اجندا حمرا
اكيد عززيتى اجندا
الدنيا فيعا وفيها
من جميع الانواع
تحياتى
HelSiNg
وعليكم السلام
نفيش احسن من الانسان يكون طيب
دون ضعف اهم حاجة
عشان يقدر يعيش
تحياتى
شربات
اكيد طبعا
بو مفيش خير ولا ناس طيبة
كان الواحد مات بالسكتة.
تحياتى
السلام عليكم ورحمة الله وبركاته
ياريت كل طيب يقدر يفضل طيب زي ما هو ويتمسك بطيبته
وميتحولش نتيجة أي ظروف محيطة به
تحياتي
فكرتنى باغنية ايهاب توفيق
الله يكون فى عونك يااللى جواك احساس يالى بتخاف ع الناس يالى بتحس بغيرك لو حتى محسش غيرك
رغم ان ده مش زمن الطيبة بس بيبقى طبع فى الانسان مابيقدرش يغيره
بالتوفيق
جيهان علي
وعليكم السلام
كلامك صحيح
ياريت كل طيب يفضل زى ما هو طيب لكن بدون ضعف
تحياتى
monaliza
المشكلة مش فى الزمن
فى بعض الناس
اللى قلوبها بقت اقوى من الحجر
تحياتى
بتاع مصلحت ونفسة والاخرين الى الجحيم بكرة تدور الدنيا علية ويقع على الارض وما تشيلة ولا يوقف جنبة وتواسية الا ناس اصيلة وطيبة زيك يومها يعرف قد اية هو كان انسان انانى ماحبش الا نفسة لانة مش هيشوف يومها حد من اصحابة بتوع نفس الطريق مصلحتى ونفسى كلهم وقت ما يوقع محدش هيسأل علية
الخير فى وفى امتى الى يوم القيامة
إرسال تعليق