recent

آخر الأخبار

recent
recent
جاري التحميل ...
Empress appyيقول...

امممممممممم لا مش بعر فاخد الامور ببساطه فيه حاجات يا تامر بتخرج عن السيطرة والمسطرة والمشاعير والمحاسيس هههههههههه
بجد غصب عنى بس اى بروميس يو تو كنترول ات
فاهم حاجه ههههههههه

الملكة هنديقول...

حاليا الخدمة غير موجودة

البساطة حلوةبس مش كل الناس تعرفها خلينا فى حكاية المراجيح احلى

ههههههه

تحياتى

استراحة محمديقول...

انت عارف ايه المشكلة ، ان حتى لو خدت الأمور ببساطة ، هتوصل لمرحلة الاستهتار
كل حاجة فى الدنيا دى بيحدها قوانين حتى البسيط منها له نقطة بداية ونهاية
وده اللى بيخلى البساطة عند نقطة معينة تقلب لمرحلة العنب
تحياتى ليك يا تامورة يا كبير

رصيف نمره خمســــــهيقول...

مينفعش ناخد كل حاجة ببساطة يعنى حاجات تبقى مكلكعة واعاملها ببساطة يبقى انا بعت الدنيا ومش فاهمه اى حاجة

والمفروض اننا منستناش من اى حد اى حاجة بمعنى انه اللى ساله قاله 1+1= كام ده واللى اتجنن برده من السؤال
اتجنن ليه بقة عشان هو كان حاطط فى ادراكه انه هيسأله سؤال صعب فلما ساله السؤال ده كان خارج اطار ادراكه فهمتنى ياتمورة

بشكرك جدا على سؤالك عليا

تحياتى

Desert catيقول...

لازم ياتامر يكون فى الوحش علشان نقدر نعرف طعم الحلو
ماهو لو كله حلو اساسا مش هيكون فى للحياة معنى
بس اهم حاجه انك تتماسك لما تشوف الوحش علشان تقدر تواصل وتلاقى الحلو قدامك اللى تقدر تقول عليه الحمد لله ده اللى كنت بستناه

و القادم....أجمليقول...

مش عارفة الصراحة
مش بعرف أخد الأمور ببساطة
و خصوصا لو كانت في الشغل

إحترامي

دكتور لغة العيونيقول...

السؤال كان سهل

ومش محتاج لتفكير لو ثانية

بس فى ناس

قلبها رهيف وطيبة زيادة

افتكرت ان سؤال زى دة اهانة

فكان الامر صعوبة

بالنسبة لية

تحياتى

Dr. Ibrahimيقول...

بنركب المراجيح ومش هنروح المريخ
دحنا هنروح بلوتو

د/هيما

Tamer Nabil Moussaيقول...

appy

مفيش سيطرة ولا مسطرة

ولا مشاعر ولا احساسيس

اكيد كلامك ابى اكن مش فى كل حاجة يعنى

اصل لو كان دة ردك على سؤال زى اللى فى البوست تبقى جاية من عالم الامازون ههههههه

تحياتى

Tamer Nabil Moussaيقول...

هند

الخدمة غير موجودة

لية خضرتك موبيل ولا تليفون ههههه

وكمان عايزة مراجيخ

هههههههه

تحياتى

Tamer Nabil Moussaيقول...

استراحة محمد

المشكلة انها ممكن تقلب لو الواحد على طول ركن فى الممنوع

على طول ومش عارف يخد خطوة ايجابية


تحياتى

Tamer Nabil Moussaيقول...

رصيف نمرة خمسة

تمام يافندم

فاهم طبعا

اكيد مشكل حاجة الواحد هيخدها ببساطة والا الامور هتحرج هن سيطرتة الى الابدا

كل شىء يكون التعامل معة على حسب تكوينة واحدثة

العفو يافندم

دة الواجب

تحياتى

Tamer Nabil Moussaيقول...

Desert cat

تمام عزيزتى قطة

الدنيا فيها من كل شكل ولون وحش وحلو صالح وطالح

والانسان لازم يكون حريص فى اتعامل واستقبال الاحداث


تحياتى

Tamer Nabil Moussaيقول...

و القادم....أجمل

طبعا الشغل دة موال تانى واغانى مش عجبانى

والتعامل مع الغير فى الشغل من الزملاء مشكلة بجد

وعايزة الحزم حبتين

لكن دة لايمنع من حبة بساطة عشان المركب يمشى

تحياتى

Tamer Nabil Moussaيقول...

ana mean

المشكلة افتكرت وخدت قرار على طول بدون صبر ولا نظر الى السؤال ودة كان اكبر مافى الامر

فى انور محتاجة للبساطة

تحياتى

Tamer Nabil Moussaيقول...

Dr-hema

وياريت هنقدر نوصل لبلوتو هههههه

دى مشكلة بجد

الامور عايزة الحزم والبساطة فى نفس الوقت ودى مش اى حد يعرف يعملها

تحياتى

الملكة هنديقول...

يانهار مش فايت

شكلى كدة هجيب كم اسد ونمر من الحديقة ونجى على المدونة واخليهم


يورك الشغل ههههههه


الا بقى

رجعت عن كلامك هههههه
تحياتى

رحــــيـليقول...

ايه ده ياتامر
هو 1+1=كاااااااااااااام

كام كام كام كام
صوره واحد بهرش فى راسه
بقوا اتنيين امتى ؟
هههههههههه
تعرف ايه المشكله لما تاخد الامور ببساطه
وفجاه تحس ان اللى قدامك بيتعملك معاك بغياء على انك اهبل مثلا
بس سيبك اهم حاجه انك تعيش دماااغك لوحدك سيبك من الناس
كبر منهم خالص
تحياتى لك

محظوظةيقول...

كلام حكم ياحج تمورة


ولو على العنب مش بحبة

بناتى اة غير كدة لالالا


سلاموزززززززز

ليلى حسينيقول...

ياريت كل الامور

يكون التعامل فيها بكل بساطة ما كان حد غلب

فى مواقف ممكن وتانية لا

تحياتى

max.adamsيقول...

هو حضرتك سيادتك ممكن تقول أنه نظرا للأمور المحيطية الشرق متوسطية تبدأ عملية اللا اتزان من بدء الخليقة و الميلاد للمخلوق المصري ولحد ما دخلت هندسة مش كنت أعرف كده و درست نظرية المنشآت و احنا كلنا طلعنا
unstable
و آيلين للسقوط و ده زي ما انت حضرتك سيادتك شايف انه واحد +واحد بيساوي واحدين مش اي حاجه تاني

تحياتي

سمراءيقول...

ووبعدين الواحد لو جلس مع نفسة هيقول انا عملت كدة لية وهو السؤال صعب ولا انا ما فكرتش كويس ولا اخذتة على صدرى و على انة استهزاء بيا وبعقلى عشان كدة رد فعلى كان فية شىء من العصبية والجنون

هنا انا متفقة معاك

مع ان الواحد لازم يكن هادى وعندة استعداد يستقبل اى حاجة لاننا

هنا انا مش متفقة معاك اعتقد انه من الضروري اي يصارح نفسه باسباب انفجارة ويبزل مجهود علشان يتخلص من مشكلته من جزورها


اما بالنسبة للعنب واهواك
فاصحابهم لا يختلفون كثيرا
الاثنين قاما بعمل شئ من اجل الشهرة والمال

اعرف ان رايي في صاحب اهواك صادم للكثيرين
الا اني لا اهوي تلك الحالة التي يصف بها الحب والحبيب في اغنياته

شكرا
سمراء

تــــ(حـنة)ــــريقول...

ببساطة؟؟؟؟
المشكله ان ساعات المواضيع مش بتبقى بسيطه علشان تتاخذ ببساطة
لكن اللى عايز يا خدها ببساطة فلا مانع
تحياتى
تمرحنة

المنسى يقول...

هههههههههههه
بجد أسلوبك رائع
وفعلا فى زمنا ده لما مفيش حد
بياخد كل حاجة ببساطة بقى فى فعلا تنافر شديد جدا بينا
تحياتى
http://elmancy2000.blogspot.com/

Unknownيقول...

البساطة..... اجمل ما فى الحياة ان الواحد يكون على طبيعته

تقبل تحياتى

عـــفـــراءيقول...

السلام عليكم
هوة احنا كدة دايما يابشر بندور على المستحيل ونعملة
لو بصينا مرة تحت رجلينا هنلاقى كل حاجة بسيطة وسهلة
وعلى راى احمد راتب لية نرمى السنارة لبعيد والسمك تحت رجلينا
جرب ومش هتخسر يمكن تلاقيها من غير تعب ولا انتظار
بس فى نهاية بشر تقول اية بقى
وانا شايفة بقى اننا ناكل سمك وبعدين نحلى بالعنب ههههههه
خالص ودى

Tamer Nabil Moussaيقول...

هند

اسد ونمر مرة واحدة

انتى ساكنة فى غابة على كدة مش حديقة هههههههههه

وبعدين اى كلام اعرف يعنى عشان اعرف ارجع فى ولا لالالا

هههه

تحياتى

Tamer Nabil Moussaيقول...

ra7eel

معاكى حق مشكلة تعامل البعض مع الاخرين على انهم لايعلمون من الحياة شىء وزى ما قولتى عزيزتى رحيل مفيش احلى من ان الواحد يكبر دماغة


تحياتى

Tamer Nabil Moussaيقول...

محظوظة

ماشى ياابلة محظوظة

بناتى مش يناتى كلة عنب

ولا مش عارفة عههههه


نحياتى

Tamer Nabil Moussaيقول...

ليلى حسين

فى فعلاا مواقف عايزة البساطة واخرى لا وفى بين الاثنين عشان نعرف نوصل لحل

تحياتى

Tamer Nabil Moussaيقول...

max.adams

تعرف الشرق توسطية وهندسية اللى عندنا بميدان تخت الكوبر يافكيهة موضوع فاشل اساساى هههههه



والمهم اننا نوصل للنتيجة لوحدنا من غير مساعدة اى وسطية ولا غربية هه

تحياتى

Tamer Nabil Moussaيقول...

سمراء

طبعا الاختلافعادى ومفيش مشكلة


صاحب اهواك زى العنب الاثنين كل مهما بحث عن الشهرة والمال لكن القيمة الفنية بينهم تختلف ودة شىء اساسى لاارى فى اختلاف

انا مثلاا لااحب بعض اغانى حليم واحب الاخرى عادى دى ازواق

وكل مشكلة عايزة البساطة مع بعض الحزم

تحياتى

Tamer Nabil Moussaيقول...

تــــــــــ(حـنة)ـــــــر

انا معاكى يوجد بعض المواضيع تكون لابسيطة لكن دة لايمنع من محاولة الوصول لها عن طريق شىء من البساطة وع شىء من الحزم


تحياتى

Tamer Nabil Moussaيقول...

المنسى

اشكرك جدا على كلامك الجميل

وفعلا فى اختلاف كبير بين الناس وبعضها لكن لو كل واحد عند التعامل بخثعلى نقطة عشان الالتقاء فيها مع الاخرين كان كل شىء بقى تمام

نورت المدونة


تحياتى

Tamer Nabil Moussaيقول...

هيثم الدهشان

طبعا البساطة شىء جميل والاجمل انك تاخد كل حاجة بيها وعلى طبيعتها


تحياتى

Tamer Nabil Moussaيقول...

عـــفـــراء

كلامك حكم عزيزتى عفراء

والاهم بقى اكل سمك وبعدين احلى بعنب

طيب ولااللى مش يحب العنب يعمل اية ههههههه


تحياتى

الـجـدة فـصـيـحـةيقول...

السلام عليكم ورحمة الله وبركاته

هناك أمور تقدر تاخدها ببساطة وتعدي وفي حاجات تانية مستحيل تتعامل معاها بنفس الطريقة

يعني الموضوع متوقف على نوع الأمر نفسه
وده طبعا بيرجع لتقديرات شخصية في المقام الأول

شرباتيقول...

كل شىء ولة تصرف ما بطريقة تختلف عن الاخرين

والبساطة مطلوبة ولكن فى حدود وحسب ما نتعامل معة

تحياتى

Amiraيقول...

البساطة حلوة وتنفع

لكن فى حاجات تخرج عن اى سيطرة واى بساطة

تحياتى

Dr. Ibrahimيقول...

احسن احنا ياباشا مفكرين ان احنا يا ماهنا يا مهناك بمعنى ابو العريف وربنا يستر

اميره الصعيديقول...

انا معاك ان احنا لازم ناخد الامور ببساطه بس مش في كل حاجه يعني احيانا الواحد بيمشيها العنب واحيانا مبيقدرش
لوخدنا الامور ببساطه في كل حاجه يبقي ببساطه هنتنازل عن حققوقنا المهضومه

ألآسطى بليةيقول...

بوست مميز

امنيات جميلة عن البساطة

اتفق معاك فيها

رغم صعوبة وجودها فى بعض المواقف

تحياتى

غير معرف يقول...

ههههههههههههههههه
والله ياتامرالمفروض تخلي اسم المدونه دي
الحياه بقي لونها بمبي
بجد بحس هنا ان الدنيا سهله وبسيطه
تحياتي لكل لاسلوبك
اللي هو السهل الممتنع

غير معرف يقول...

انا عايز اطلع المريخ من غير مركب المراجيح ياسلام على المراجيح بتاعه زمان
زمان كان الواحد بيحب العنب

العنب العنب العنب

يا سلام على العنب والله انا اتجننت لدرجه انى بهلوس

ناخد الامور ببساطه بس افرض بساطه كانت مسافره ناخد الامور بايه
ولو ايه مش موجوده هى كمان ناخد الامور ازاى

ولو ازاى عملت حادثه ناخد الامور بانهى شكل
بقول ايه كفايه كده لحسن انا محتاج يتعملى ريفرش عشان انا هنجت

بوست لذيذ

والمدونه المرعبه بتاعتك ديه يا عم تنفع تتعمل فيلم رعب

بنت مصريهيقول...

والله يا تامر انا من خلال تخصصى
اقدر اقولك ان كلامك نفسى بحت
فعلا عندك حق ف كل اللى قولته الناس بقت اتنشن جدا لدرجه غريبه
ودا اللى زود الامراض ف الفتره الاخيره زى الضغط والسكر والالام العصبيه
بوست جميل
احييك

المستنصر باللهيقول...

فيه امور مستحييل تتاخد ببساطه خصوصا لما كون حد عاوز يستغلك او يستخف بيك
ربنا قال لسيدنا عيسى فى القراءان
قال له خذ الكتاب بقوة
يعنى لازم ناخذ المواقف بطريقه ايجابيه ونستفيد من كل موقف ونخرج منه بفايدة
مش نكون سلبين

Tamer Nabil Moussaيقول...

الجدة فصيحة

وعليكم السلام

طبعا كل شىء يختلف عن الاخر ورغم ان البساطة مطلوبة الا انها لاتنفع مع كل شىء


تحياتى

Tamer Nabil Moussaيقول...

شربات

بالظبط

كلام سليم واتفق معاكى فية

تحياتى

Tamer Nabil Moussaيقول...

Amira

صحيح فى حاجات تخرج عن السيطرة والبساطة بس عايزة العقل فى التعامل معها


تحياتى

Tamer Nabil Moussaيقول...

Dr-hema

ابو العريف دى هتوينا وراء الشمس هههه

ربنا يسترها

تحياتى

Tamer Nabil Moussaيقول...

اميره الصعيد

كلامك سليم

مش كل حاجة مع البساطة تمشى

تحياتى

Tamer Nabil Moussaيقول...

هانى

طبعا مش كل المواقف يعنى كل واحد يميز بالعقل ويفكر وعن طريقة يحد القرار


تحياتى

Tamer Nabil Moussaيقول...

mayada

عزيزتى مادى

اعمل اية بس لازم نتكلم ونقول اللى جوانا بس بطريقة حلوةوبسيطة

نورتى المدونة

تحياتى

Tamer Nabil Moussaيقول...

قلم جاف

لو كل دول مش نافعين خد تاكسى الى العباسية هههههه

لازم نفكر ونشوف حل واى طريقة بس تكون مشروعة تصل بنا الى ما نريد

تحياتى

Tamer Nabil Moussaيقول...

بنت مصريه

فعلا عزيزتى

الناس خلاص فاض بيها عتعمل اية يس

ربنا معانا

تحياتى

Tamer Nabil Moussaيقول...

المستنصر بالله

كلامك صحيح عزيزى

المفروض يكون فى ايجابية مش سلبية

بس البساطة اللى اقصدها عدم تعقيد الامور


نورت المدونة

تحياتى

*سمر*يقول...

لء مينقعش ناخد الامور ببساطة فى الجاجات اللى زى دى ..فى فرق بين اختلاف الاراء وحرية الرأى ..وفرق بين ان حد يقول اى كلام ويقول فى الاخر ده رأى ..او ده نوع من انواع الفنون اللى بقدمها ..مينفعش..

تناولك للموضوع جميل ..شكرا ليك

خد الامور ببساطة وبلاش حكاية العنب




لو واحد قال ليك واحد +واحد= كم هتواجب صح ولا هتقع فى فخ وتقول دة سؤال صعب وضعنى فى وضع محرج ياخيبتى وياشماتة ابلة حكمت وهيئة المدرسين وممكن تكتئب وتصدر منك اعمال مش مفهومة ومش بعيد تنتحر
وممكن تجنن ويجى ليك حالة هيستريا وتمشى فى الشارع وتغنى وتقول اى كلام واحد اثنين سرجى مرجى وياسلام عليك وانت واقف فى وسط الشارع وتصرخ وتقول دمرونى لانى طيب النية سالونى سؤال صعبا
مفتريا
-----------------------------------------

ووبعدين الواحد لو جلس مع نفسة هيقول انا عملت كدة لية وهو السؤال صعب ولا انا ما فكرتش كويس ولا اخذتة على صدرى و على انة استهزاء بيا وبعقلى عشان كدة رد فعلى كان فية شىء من العصبية والجنون
مع ان الواحد لازم يكن هادى وعندة استعداد يستقبل اى حاجة لاننا عايشين فى دنيا والدنيا فيها وفيها يعنى مثلاا فية اللى يقول العنب العنب العنب ويقولك فن والناس هايصة ولا مش عارف لايصة بس مبسطوطة وفية ناس تقول كلام زى اهواك واتمنى لو انساك وايضا دة فن الاختلاف بس فى التوقيت
----------------------------------------

لو كان صاحب اهواك عايش وشاف صاحب العنب كانت حصلة قفلة وكان كل واحد فيهم جرى من التانى لان هحيس انة فى عالم مجنون او عندة حالة انعدام اللا اية البتاع يابتاع مش عارف لما افتكر هقول المهم كان هيبقى فية تنافر وليس تجازب
وحال الدنيا على دة الحال مرة فوق ومرة تحت مرة سهل ومرة صعب واحنا بقى لو خدنا كل حاجة بجدية اكثر من الازم ممكن نجنن ويحصل لينا زى الواد اللى سال الواد بردوا واحد + واحد= كم فتجنن لانة عقلة لم يقبل ان يستخف بية حد ولو كان خدالامر بسهولة وقال اثنين كان خلاص كل شىء اتحل
----------------------------------------

لكن باين علينا احنا اللى بنعمل من الحبة قبة وفى الاخر بنركب المراجيح وعلى اعتقاد انها هتوصلنا المريخ وياريت بقى نخد الامور ببساطة ولا عايزين تبقى زى الاخ انتم حورين والعنب العنب العنب
---------------------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل