recent

آخر الأخبار

recent
recent
جاري التحميل ...
مـحـمـد مـفـيـديقول...

وانا كمان مدون
عندك حق يا تامر

عـــفـــراءيقول...

السلام عليكم ورحمة الله
على فكرة مية اللفت كمان غلت اه
اصلى دلوقتى مرضى الضغط بيشربوها علشان كدة غلوها
اخى الفاضل نحن نعيش فى صمت قاتل مابداخلنا فلنكتب لكى نعبر فلما ندع الافكار تاكل عقولنا لما نضع الجراح تنزف قلوبنا
كدت اختنق يوما ما من كثرة مابداخلى
بل عالم التدوين ماهو الى تناسى لما بداخلنا وليس نسيانة
فلنكتب ،فلنعبر ،فلنشارك بأرائنا
عسى يوما ان تفرج كروبنا
تحياتى ...

سمراءيقول...

حرية الراي
تعني ان اعبر عن رايي واختلف مع الاخر او اتفق معة دون هجوم او دفاع منا
ولكن
لو الحرية دي هتتعدي نبح الكلاب وتقيم جبهات تزلزل عروش فدة مرفوض طبعا
اما عن الاعلام فهو اعلام العرش بينقل افكاره
زي فكرة ان الاسعار ثابتة وفي متناول ايدي محدوي الدخل
دي سذاجة طبعا بعد ما العالم انفتح على بعضة بالفضائيات وشبكة المعلومات
هم بيضحكوا دلوقت على نفسهم
احيييييييييييك على اسلوبك
سمراء

Unknownيقول...

تفتكر فية حرية بجد

WhItE HeArTيقول...

الاعلام والجرايد

خلاص وهوه مين بأه يصدقهم بس

دول لو قالولي ان العربية بتمشي على 4 عجلات هكدبهم برضه

تحياتي

Tamer Nabil Moussaيقول...

مـحـمـد مـفـيـد

ازيك يامحمد

التدوين عالم يريد ان يكتب ويعبر عن نفسة

تحياتى

Tamer Nabil Moussaيقول...

عـــفـــراء

وعليكم السلام


كل حاجة غليت عزيزتى مفيش غير الانسان اللى رخيص

نحن جميعيا نكتب ونعبر ولكن بعض الحسودين يهجمون علينا بطرق غير نظيفة

تحياتى

Tamer Nabil Moussaيقول...

سمراء

عندك حق فى كلامك

التدوين عالم تانى فى من الصدق والعكس واى كان فهو يعبر فى شخص عن مايريد دون تحكم من احد

تحياتى

Tamer Nabil Moussaيقول...

ايوية

فى التدوين فى حرية

لكن خارج التدوين لايوجد

ولا انتى اية رايك

تحياتى

Tamer Nabil Moussaيقول...

WhItE HeArT

عندك حق

محدش بقى يصدق الجرايد خصوصا الصفراء اللى معروفة للجميع


تحياتى

Amiraيقول...

الجرايد خلاص مش فى امل فيها

وزى ما بنقول كلام جرايد

عشان كلام من الخيال


تحياتى

PrInCeSS BeRyيقول...

جميل اوى انا شايفة فعلا ان عالم التدوين دة فكرتة رائعة ان اى حد فى اى وقت يقول راية بكلمة صغيرة تسلم ايدك

غير معرف يقول...

السلام عليكم

التدوين فكرة رائعة عشان بتخلى اى حد يتكلم ويفضفض ويعبر عن راية حتى لو كان متاكد ان ماحدش هيقرا ، المهم نعبر لان التعبير مش هيقتل لكن السكوت هو اللى هيقتل .

دكتور لغة العيونيقول...

مش لية بعض الجرايد

بقت تقول ما لاتفعل

تتكلم عن الحرية وكيف يكون الحوار

وهيا اول من تعدى عليها

بوست مميز

والتدوين عالم كل انسان حر

تحياتى

حاجات جوايايقول...

ههههههههههههه
صبى المعلم من المدونين
والله كويس أووووووى

كلمتين وبس
المدونون أحراااااار
ومن يعترض
يصدم راسه بالجدار

لك تاج عندى يا تامر
تعالى خده يللا مستيااااااك

دمت بخير اخى
سالى

mostafa rayanيقول...

كلاب الحكومة تعوي وقافلة التدوين تسير بسرعة جدا
تحياتي لك يا معلم

غير معرف يقول...

السلام عليكم
تامر ايه الكلام الكبير ده وايه العمل الدؤوب ده
انا لفيت على مدوناتك كلها بس معرفتش اعلق فين الاول وعلى اية حال قلت ادخل اكتب اى حاجة دلوقتى لحد م اعلق بالتفصيل على موضوعاتك
المهم تحياتى لعملك
وانتظرنى

Desert catيقول...

بتوع الجرايد مش اتكلموا كلام وحش على المدونين بس يا تامر
ده كمان الفيسبوكيين
ومش سايبين حد فى حاله

كيكى عوووووويقول...

ادبحنى يامعلم قطعنى يامعلم هههههههههههه..انا جاية مخصوص علشان اقوللللللللللللل....شكرا على اهتمامك.....وفاصل ونواصل

يا مراكبييقول...

ههههه

إنت من المدونين يا تامر

إنت من الأحرار يا معلم

Tamer Nabil Moussaيقول...

Amira

انتى هتقولى فيها

دة عليهم خيال ههههه

تحياتى

Tamer Nabil Moussaيقول...

PrInCeSS BeRy

الله يسلمك يارب

دة اجميل حاجة كل حاجة جوانا شعور حدث موقف شىء اى شىء نتكلم علية وبكل حب واخلاص وصدق

تحياتى

Tamer Nabil Moussaيقول...

كلمــــــــــــــــة حـــــــق


وعليكم السلام

عندك فى كلامك

السكوت وعدم التعبير انا اشوفة مرض قاتل بجد

تحياتى

Tamer Nabil Moussaيقول...

ana mean

فعلاا ياصاحبى

التدوين عالم حر لكل انسان حر

تحياتى

Tamer Nabil Moussaيقول...

Sally

اية رايك ههههه

التدوين عالم حر لكل انسان ومش مهم الصفة

ان شاء الله لو انى مش بحب التاجات دى ربنا يسهل اختى العزيزة

تحياتى

Tamer Nabil Moussaيقول...

mostafarayan

عندك حق ياصاحبى

سبهم يكلموا ههما نافعين غير فى الكلام وياريت كان كلام صحيح

تحياتى

Tamer Nabil Moussaيقول...

عرفة فاروق السيوطى ( الاديب العاشق

ربنا يخليك تسلم

انا مدونتى هنا بقلمى افكار حرة الثلاثة الباقين منقولين

نورت المدونة واتمنى اشوفك هنا على طول

تحياتى

Tamer Nabil Moussaيقول...

Desert cat


كلام ياريت كان صح ولا فى عقل

يلا ربنا معانا

تحياتى

Tamer Nabil Moussaيقول...

كيكى

اية دة عايزة المعلم يدبحك هههههه

مش بعيد تاكلية مش بتاعة مصارعة ههههه

العفو على اية احنا مدونين يعنى كلنا اسرة واحدة

تحياتى

Tamer Nabil Moussaيقول...

يا مراكبي

ايوة ايوة

رد قلبى هههههه

المدونين لازم يكون لكل الناس بقى

تحياتى

غير معرف يقول...

عزيزي تامر

شوف ياتامر الناس بيضحك عليها بمزاجها و بخصوص الأسعار انا ماعدتش بصدق اي كلام من بتاع الحكومه ده اللي بيغلي عمره مابيرخص تاني كل كلام عشان يضحكوا بيه علي الناس

التدوين هو المتنفس لينا و لما لقوا كده حبوا يقرفونا و يقولولك النت متراقب طب و هو احنا عملنا حاجه ؟

حريه الرأي لا تعني اني اتلفظ بألفاظ خارجه بالعكس انا بأدبي ااقدر اني اجبر اللي قدامي علي احترام رأيي

تحياتي لموضوعاتك المميزه ياتامر

Empress appyيقول...

احنا بنحاول نوصل حاجه يا تامر بس هما عاوزين يهدمونا اصلها سبوبه وفلوس ليهم بس خلاص
اما الحكومه فعدت معاه وازحت ههههههههههه

سلوىيقول...

إيه البوست الحلو ده

أنا من المدونين يا معلم

وكل واحد حر بقى

واللي مش عجبه .... يروح يعمل له مدونه

حاجه غريبه فعلا

خلاص فضيوا للمدونين

طريقتك جميله يا تامر

دمت بكل الخير

الملكة هنديقول...

بوست مميز

مش عارفة مال بتوعة الحكومة بينا ياريت يخليهم فى خيبتهم اللى مش على حد ههه

تحياتى

شرباتيقول...

كل انسان حر فى ما يكتب
.
على ان يكون الاسلوب وطريقة الحوار بطريقة محترمة

لان الاختلاف شىء موجود

تحياتى

Tamer Nabil Moussaيقول...

اجندا حمرا

عزيزتى اجندا

كلامك سليم

كلام الجرايد وخصوصا الحكومية مقيش حد بقى يصدق اللى تكتبة وبعدين احنا عايشين على ارض الواقع وشافين وعارفين ان كل كلامهم غير صحيح

وزى ما قولتى الواحد يقول راية بكل احترام

تحياتى

Tamer Nabil Moussaيقول...

appy

صح ابى

كل واحد فينا جواة حاجات عايز يقولها وكلام كتير عن ارض الواقع واللى بيحصل لكن دة مش عجب

يمكن الصراحة مش مريحة ليهم

والكتابة عندهم مجرد مكسب مادى

تحياتى

Tamer Nabil Moussaيقول...

Salwa

ايوة مش بقى غيرنا

الغيرة موتهم

عشان المدونين اصبح عالم شهرتة اكبر من اى واحد فيهم

اشكرك جداا

تحياتى

Tamer Nabil Moussaيقول...

هند

ههههههه

على رايك دى خيبة تقيلة


تحياتى

Tamer Nabil Moussaيقول...

شربات

كلامك سليم

ومش معنى ان فى اختلاف

انى اغلط فى اللى قدام

تحياتى

Dr. Ibrahimيقول...

فعلا كلام حضرتك تمام
والتدوين بيثبت وجوده ونجاحه يوم يعد يوم

د/هيما

Unknownيقول...

حبيب قلبي انا جيت اهوه
ايه النظام بقي

كالعاده
متألق
بجد بوست جميييييييل

just meيقول...

كل حاجه بقت فاقت الغلاء اصلا الا الانسان ورأيه وادميته

بس يا ترى الجرايد شتمت المدونين ازاى؟؟؟؟
وياترى دى جرايد حكوميه ولا معارضه؟

بيتهيألى حكوميه

قوس قزحيقول...

عندك حق
الصحافة بتدور على حرية الرأى و يمكن كمان بعض المدونون وقفوا جنب ناس منهم بيطلبوا بحرية رائيهم
و فى الاخر غيرانة من المدونون و بتقول عليهم لا رأى ولا فكر

يمكن خايفين ناخد الشغلانة منهم و نعمل اشتراك على باب كل مدونة ؟؟ :)

Darshيقول...

مش عارف و الله يا تامر لغة النقد المتدنية دي هتستمر لأمتي

مش معنى أن فيه شتايم و أنحطاط في بعض المدونات يبقى كل المدونيين كده

و بعدين مش كل المدونات زي بعض

المشكلة ان بعض الصحفيين دول بيعترضوا على المدونات سياسيا و ده بالطبع ضد مبدأ حرية التعبير على الإطلاق

و على فكرة اللي بيزمر ما بيخبيش دقنه ....

معلشي يا تامر لسه فيه لحد دلوقتي صحفيين معنقدين نفسويا

Tamer Nabil Moussaيقول...

Dr-hema

والمشكلة ياصاحبى النجاح دة هو اللى فرسهم هههه

تحياتى

Tamer Nabil Moussaيقول...

bar2ash


حمد الله على السلامة يابرقش

ربنا يخليك تسلم

ما بلاش كلمة نظام دى ههههه


تحياتى

Tamer Nabil Moussaيقول...

لست أدرى

طبعا لازم تكون حكومية

يعنى قالت كلام اقل حاجة منة انهم بتوع شوارع


غيرة وحقد

تحياتى

Tamer Nabil Moussaيقول...

قوس قزح

ايوة خافين نخد منهم لقمة العيش هههههه

بعض منهم كلة كلامة علينا بطريقة غير كويسة غيرة وحسد وحقد وقلة حيلة

تحياتى

Tamer Nabil Moussaيقول...

Darsh

كلامك صحيح ياصاحبى

مش كل الناس زى بعضها وبعدين الحرية الاراء مكفولة للجميع

بس زة ما قولت اللى بيزمر

تحياتى

Shaima'a Alkandariيقول...

اكتب ماتشااااااااااء واجعل القلم يبحر دامك على حق ولا تخدش او تسيئ لاي احد


فانت مدون ولقلمك حق ياخووووي

رصيف نمره خمســــــهيقول...

السلام عليكم

ههههههه احنا اضحك علينا والله يامعلم

يقولوا النت مفتوح واللى عايز يكتب حاجة يكتبها والقرية الغبية والنظام الفاشل ده وبعد كده يقبضوا على المدونين

احان اضحك علينا يامعلم من يوم ما اتولدنا

سلام ياتامر

جيهان علييقول...

السلام عليكم ورحمة الله وبركاته

للأسف أصبح هناك سمة عامة أن نمسك في السلبيات ونضخمها دون حتى محاولة نصح وتعديل
المدونات بها إيجابيات وسلبيات ككل شيء في هذه الدنيا
لمذا يتم تسليط الضوء دائما على السلبيات دون حتى محاولة ولو ضئيلة لوجود حل لهذه السلبيات بإلقاء الضوء على الإيجابيات لتنميتها
أم أن هناك عيون لا ترى سوى السلبيات فقط والتعميم للكل في مستوى واحد ؟

تحياتي

موناليزايقول...

ده العادى مش لاقوا حاجة ناجحة والناس بتعبر فيها عن اللى بيحصل بمصداقية يبقى ليه مايشوهوهاش ويحاولوا يقتلوها كمان ده اقل واجب منهم

$ سهى $يقول...

اللى يعيش كتر راح يشوف

فى ها الدنى

بوست حلو كتير

تحياتى

Tamer Nabil Moussaيقول...

Shaima'a Alkandari

اختى العزيزة

صح كلامك الانسان يكتب مايريد دون التجريح او التعرض لااخرين

تحياتى

Tamer Nabil Moussaيقول...

رصيف نمرة خمسة

وعليكم السلام

انتى بتقولى فيها هههه

هو سيبنا فى حالنا ومن يومنا والله واحنا مضحوك علينا هههههه

تحياتى

Tamer Nabil Moussaيقول...

جيهان علي

وعليكم السلام

المشكلة فعلاا انها حالة تعميم على كل المدونين

المفروض النفقد يكون للشىء السلبى مش لكل حاجة دون تميز

تحياتى

Tamer Nabil Moussaيقول...

monaliza


عندك حق فى كلامك

دى الغيرة والحقد

وعلى اية مش عارف

تحياتى

Tamer Nabil Moussaيقول...

$ سهى $

صح والله هنشوف كتيررر

اشكرك جداا


تحياتى

دعاء مواجهاتيقول...

والله عسل ياتموورة

وكلامك كلو صح

بس المعلمين الكبار لازم يفهموا الكلمتين دوول

تفتكر نفهمم ازاى بقى؟؟

منورن ديما فى مدونتى يابرنس

The Alienيقول...

إحنا في مجتمع يعشق الديكتاتورية
كلنا عبيد وكلنا أسياد
معندناش ثقافة الحرية والإختلاف
عشان كدا التدوين مش عالم حر ولا المدونين أحرار

تحياتي

Unknownيقول...

......طيب يا منيل روح اعملنا وحده اهو نقول رأينا و بالمره ننزل عليها لسته الاسعار الجديده يلا ياد انتا لسه وافق....



دى تكمله على سبيل الدعابه يا تامر مدونتك حلوه و بالتوفيق....تحياتى

بنت مصريهيقول...

على فكره يا تامر
انا عجبنى قوى الحوار بينك وبين المعلم
وعرضته بأسلوب يدل على انه فعلا معلم
وانك صبى عنده
بس بجد بيشتموا فينا ف الجرايد
اكيد يا تامر بتجيب جرايد تبع الحزب الوطنى
يابنى دى غيره مش اكتر
بوست جميل يا تامر
احييك واتمنى تنورنى

مؤنس فرحانيقول...

بوست رائع يا تامر

فعلا التدوين بيخرج من جوانا طاقات كتير

واصبح بديل لكل اشكال الحرية المزيفة اللى بيدعوها

للأسف الأنظمة هى اللى عايشة فى مية الليفت والبطيخ وموش معانا خالص

Tamer Nabil Moussaيقول...

دعاء مواجهات

ربنا يخليكى

دول الفهم عندهم صعب واصعب من طلوع القمر والكميا والفزيا هههه

ربنا يصلح الحال ادعى معايا

نورتى المدونة يامواجهات

تحياتى

Tamer Nabil Moussaيقول...

The Alien

بالعكس ياصاحبى اختلف معاك

التدوين حر والمدون حر المشكلة فى الاخر الخرج عن نطاق التدوين والذى لايعجبة ما يكتبل ويقول

تحياتى

Tamer Nabil Moussaيقول...

karim

دعابة جميلة بجد وممكن المعلم يقولها عادى يعنى ههههه

نورت المدونة واشكرك جداا

تحياتى

Tamer Nabil Moussaيقول...

بنت مصريه

ايوة غيرة عزيزتى دول هاين عليهم يبقى مفيش نت عشان التدوين ههههه

لاانا مش احب جرايد الحكومة لانها اغلبية مافيها غير صحيح

الحمد الله ان البوست عجبك يامعلمة يوة فصدى يابنت مصرية ههههه


تحياتى

Tamer Nabil Moussaيقول...

مؤنس فرحان

دة حتى مية اللفت طفشت منهم ههههه

اشكرك جداا على تشريفك ليا وكلامك الجميل

تحياتى

غير معرف يقول...

السلام عليكم


ليك عندى تاج تدبيسة ممكن تعملة وربنا يخليك

Tamer Nabil Moussaيقول...

كلمة حق

وعليكم السلام

كدة بقى عندى اثنين تاج

هههه.

حاضر من عيونى الاثنين راح ارد علية ان شاء الله

تحياتى

غير معرف يقول...

انسان ما يهمة الا مصلحتة ونفسة

ويخدها ولو على حساب مين

وممكن يدمر ناس عشان يوصل لمصلحتة

لكن كما تدين تدان

عالم التدوين- عالم حر لكل انسان حر



يانهار بنى أسود ابيض مش لية الوان اية اللى انا شوفتة وسمعتة دة اية اللى انا قريتة دة معنى اية الكلام دة يعنى انا وكل الناس بيضحك علينا من مدة كبيرةواحنا ولا عارفين وماشين فى الطريق راضين وسكتين ونقول بكرة تتعدل والحال هيبقى مية مية واشطة
ومهلبية
---------------------------------
يامعلم يامعلم شوف يامعلم احنا اضحك علينا يامعلم انا وانت وكل الناس اضحك عليهم يامعلم. اية يامنيل على عنيك الكلام اللى بتقولة دة مين اللى يقدر يضحك على المعلم هو انا زيك ولااية طيب امشى من قدامى لااعمل راسك نجفة واعلقها فى المحل حتى مش هينفع هيكون فال مش حلو عليا ومش بعيد تجيب النحس هيا اى راس دة راس الطور ياطور قال اضحك عليانهههههه امشى ياض من قدامى وروح هات واحد شاى
-----------------------------------
احلى واحد شاى لااحلى معلم بس لو سمحت يامعلم ممكن تسمعنى سبنى بس اقول اللى عندى يعنى عادى اهبل وبيهبل واعتبر انك بتسمع اى كلام من عبيط ماشى فى الشارع. الله ما طولك ياروح على هذا المجروح ياابنى انت شارب اية النهاردة مية لفت ولامبلبع اية فى يومك اللى مش هيعدى دة. طيب يامعلم ادينى فرصة اشرح بس. تشرح قول ياخيبة اشوفك متشرح على باب الحارة
-----------------------------------
كل حاجة نزلة نار كل حاجة مفيش يوم الا وتغلى والاسعار بقت نار حتى الناس بقت تغنى بدل نار ياحبيى نار بقت تقول نار يااسعار نار يعنى شوف انت يامعلم من يومين بس غليت كل الطلبات لية بقى عشان طبعا الحاجة غليت وبتشريها غالية يعنى لازم تغلى انت كمان عشان تعوض فرق السعر والحال كدة ماشى على كل حاجة . واية الجديد ياسابق عصرك؟
------------------------------------
الجديد فى الجرايد اللى كل يوم تكتب وتقول نزول الاسعار الحفاظ على محدود الدخل واحلى الكلام اشوفة واسمعة فى الجرايد والمجلات والوسائل الاعلانية لكن على ارض الواقع كل حاجة مختلفة يعنى بيضحك علينا يامعلم وفى الاخر بعد ما الناس فتحت مدونات عشان تعبر فيها عن رايها قال اية طلع عليهم بتوع الجرايد واتتقال عليهم كلام وحش خالص وشتيمة و كلام لايدل على ثقافة ولاعلم ولا اسلوب كويس فى مخاطبة الاخرين قمال الجريد دى مصدعة الدماغ بالحرية فين دى بقى
---------------------------------
وبعدين بتوع التدوين ناس بتعبر عن رايها بكل حرية ممكن نختلف معاهم بس مش يكون بالرد والكلام اللى اكتب عليهم دة دة دليل على سقوط بعض الجرايد والمجلات والغيرة من المدونين الغلابة وعمالة تحسد فيهم . خلاص اسمع ياواد احنا نعمل مدونة ونكتب فيها راينا اسال حد تتعمل ازى.؟ انا اعرف يامعلم . وانت عرفت منين يامنيل. اصل انا من المدونين يامعلم

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل