recent

آخر الأخبار

recent
recent
جاري التحميل ...
خمسة فضفضةيقول...

السلام عليكم ورحمة الله وبركاته


هي الحكاية دي بجد ولا من بنات افكارك

ماهو الواحد ماعدتش بيستغرب حاجه علي التقدم التكنولوجي في اليابان

سلام

فارس بلا جواديقول...

قصة ظريفة بجد ... فعلا هو ده اللي ناقص يعملو ستات سيليكون .. ولو ان الستات في مصر مش ناقصين عنوسة
انا لسه جديد في عالم المدونات يا ريت تشرفني بزيارة مدونتي وتقولي رايك

محظوظةيقول...

يطلع مين محى دة فى مصر ههههه


قال سليكون قال هههههه

دة مش محى دة ميت افندى

الا صحيح ياتامر صحبك محى دة

سلاموززززززززز

غير معرف يقول...

قريت من كام شهر في المقال دة ان الانسان هيتجوز الروبوت فى 2050 بس واضح ان اليابانيين فعلا مش بيضيعوا وقت , وسابقين العالم كله ب 42 سنة
LOL

Amiraيقول...

هههههههه

عشنا وشوفنا

اليابان والصين مش مخلين حاجة الا لما يعملوها

انا مع العلم والاختراع ما دام فى صالح الانسان

تحياتى

المستنصر باللهيقول...

حلوة الفكرة نجربها

Dr. Ibrahimيقول...

ههههههههههههههههههههه

حلوة

ظريفة ودمها خفيف

محنا عايشين فى عصر السليكون

أكيد محدش فهم معنى السليكون ده إيه

والأخر اللى بالى بالك يموت من عملية الترقيع بالسيلكون

ولا انا فهمت غلط ؟!

د/هيما

rtrcbhيقول...

السلام عليكم ورحمه الله وبركاته
جزاكم الله خيرا على هذه القصه
التى حقا لولا انى اكملتها كنت فهمت غلط أسلوبك جميل والافكار اجمل وممكن توظف فى اماكن اكثر روعه
ربنا يكرمك يارب

Gannahيقول...

تصدق وقعت قلبى حتى الصورة لما شفتها قلت ايه اللى حصل اخونا تامر كان كويس واستعديت انى اديلك كلام جامد واقولك لا بلاش الحكايات دى و خلافه
وده معناه انك اقنعتنى جدا بطريقة الحكاية بجد فى الاخر ضحكت من نفسى جدا
على العموم ما فيش احسن من الطبيعى كفيانا حاجات صناعية و بعدين يعنى المشاعر هيبرمجوها ازاى!!بس حلوة
تحياتى

AHMED SAMIRيقول...

انا عايز من دة
انا حاجز 3 من دلوقتي
بس ياريت احجام واشكال مختلفة

عـــفـــراءيقول...

السلام عليكم
عجايب
ياما لسة هنشوف
المفروض اننا مش نستغرب اى حاجة فى زمنا دة ياترى الجاى اية
رحماك يالله
تحياتى...

ابن رشديقول...

هههههههههههههههههه
حلوة اوي يعملوا ستات سيليكون دي طب و لية من قله الستات يعني
بس بوست لذيذ

Tamer Nabil Moussaيقول...

خمسة فضفضة

وعليكم السلام

الحكاية كلها من دماغى لكن طبعا مع وجود اشياء من الواقع مع وضع بعض الزيادات للتشويق وتوصيل رسالة وبعدين زى ما حضرتك قولتى التقدم التكنولوجى اصبح يضعنا فى موقف المستقبل وليس المرسل


نورتى المدونة

تحياتى

Tamer Nabil Moussaيقول...

فارس بلا جواد

فى مصر ستات ورجالة فى حالة عنوسة بس الاعلام قال لاتطلق عذى الكلمة فالزواج ليس لة سن تتقدم ايضا

على فكرة روحت عندك وجدت مكان التعليق مغلق شوف حل عشان اعرف اعقب

نورت المدونة واهلا بيك فى عالم التدوين

تحياتى

Tamer Nabil Moussaيقول...

محظوظة

هههههههه

مالو ميت افندى مش عجبك هيعمل اية بقى مش احسن ما يجوز ويجيب وحدة تقرف وتنكد على البنت رجل فكر ودماغة عالية

نورتى المدونة

تحياتى

Tamer Nabil Moussaيقول...

ahmed

اليابان الناس عندهم مش بتهمد وكل يوم اختراع وشىء جديد بيحصل من الناحية العلمية شىء جميل لانك تشوف ناس بتفكر ودماغها شغالة

نورت المدونة


تحياتى

Tamer Nabil Moussaيقول...

Amira

طبعا اى حاجة فى صالح الانسان احنا وياها بس تفتكرى لو الاختراع دة تم هيكون فال حلو علينا ولا شىء من الجنون ان كل طرف يستنغنى عن الطبيعى ويمشى ويا الصناعى

فى كل شىء ممكن الا العواطف والاحاسيس

نورتى المدونة

تحياتى

Tamer Nabil Moussaيقول...

المستنصر بالله

نجرب ياصاحبى بس تعرف

الفكرة موجودة بس فيها زيادة من عندى ومش بعيد بتوع اليابان يخدوها ويكملوا المشروع هههه


نورت المدونة


تحياتى

Tamer Nabil Moussaيقول...

Dr-hema

هههههههه

تعرف انا عايز كل واحد يفهم بالطريقة اللى هو شاف بيها القصة اصل هيا توصل لكذا حاجة هههه

وبجد زى ما قولت عصر السليكون بنات الفن والموضة كلة ماشى بية مع انى شايف ان الطبيعى افضل

نورت المدونة

تحياتى

Tamer Nabil Moussaيقول...

د/أبويحيى وادم

وعليكم السلام

جزانا وجزاك اخى العزيز ربنا يخليك

الحمد الله ان الرسالة وصلت ليك صح انا كاتب القصة وعارف انة ممكن يكون ليها اكثر من شكل ولون وطريقة فى الفهم

نورت المدونة

تحياتى

Tamer Nabil Moussaيقول...

Gannah

الحمد الله ربنا ستر

طبعا المشاعر والعواطف والاحاسيس صعب انها تترجم حتى لو ترجمت هتكون مبرمجة وغير طبعية وطبعا لاشىء مهما كان ان يتعدى على الطبيعى

نورتى المدوزنة

تحياتى

Tamer Nabil Moussaيقول...

A.SAMIR

هههههههه

حاجز من دلوقتى للدرجتى

وبعدين لسة بتوع اليابان ما وصلو يعملو كدة بما يسرقوا افكرة منى هبيعتوا لينا هههههه


نورت المدونة

تحياتى

Tamer Nabil Moussaيقول...

عـــفـــراء


وعليكم السلام

طبعا احنا فى وقت لاغريب فية اصبح يجنن او يغرب الناس لان الوضوع العام بشكل عام اصبح غير مريح

نورتى المدونة

تحياتى

Tamer Nabil Moussaيقول...

شمس الزناتي

ههههه

لا مش من قلتهم بس الجواز بقى غالى للدرجة اللى تخلى الواحد او الوحدة تخد الصناعى على الاقل هيكون على مزاجها ههه

نورت المدونة


تحياتى

بنوتةيقول...

هههههههه

فكرة بردو

بس مش منتشرة جدا حكاية السليكون قال بقى نعمل ناس كاملين منة ههه

تحياتى

دكتور لغة العيونيقول...

ههههههههه

بوست دمة خفيف

وكل حاجة ممكن اليومين دول

تحياتى

$ سهى $يقول...

يا عيب الشوم

ههههه

والله اليابان ما راح تجبها لبر
قصى حلوة كتير تامر

تحياتى

SaRaيقول...

الاختراع شىء مهم فى حياة الانسان وكل شىء فى صالح الانسان مقبول بس حكاية اختراع شىء للمشاعر واخص الاشياء لاانسان ممكن لكن غير ناجح لان الشىء الطبيعى لايعوض


تحياتى

مجرد انسانيقول...

هههههههه

قصة تجنن

وفكرتها حلوة

تسلم الايادى


تحياتى

غير معرف يقول...

فى عالم محتاس وقرب على تسليم نمر وعدم اهتمام بالحياة

طبيعى ان تتدخل الايادى الناعمة للبحث عن حل يرضى الجميع وان يكون قليل التكاليف من هنا جاءت فكرة عرائس السليكون

كمان بعدين انا وغيرى مش نستغرب لان اغلبية من بنات حواء بقت شكل ماسخ عديم الطعم والرائحة من كترالسليكون

اسلوبك مميز وعرض رائع

اتمنى لك التوفيق

تحياتى

Asmaa mahabaيقول...

ههههههههههه بتهرجى ولا جد الجد عشان لو جد تبقى حوسه يعنى كدا احنا حيستبدلونا بالسيليكون يادى النصيبه الله يخرب بيت دى شركه
هههههه وبكرا يكون فى سيلكون صينى ارخص كماان
سوقنا باظ يا اوختى وحنعنس ....حنعنسسسسسس
تحياتى ليكى سومه_87

Asmaa mahabaيقول...

الغريبه انى اتكلمت بصيغه انك انثى معلش يا تامر يا اخويا اصل المفاجاه جابتلى تربنه انت اصلك مش عارف فارقه معاك انت ولد
سومه_87

Desert catيقول...

هو الموضوع بجد ولا تهريج يا تامر
طيب لو تهريج خد بالك احسن حد فعلا ياخد الفكرة وينفذها وساعتها يضيع عليك الحقوق الفكرية يعنى تابع الموضوع ده

kochiaيقول...

فكرة لطيفة اوي
نجيب بقي حد ينظف وحد يطبخ وحدي يربي العيال
بس المهم نجيب من اليابان والصين تتاخر شوية في الموضوع ده

كيكى عوووووويقول...

هههههههههههههههه...والله انت دماغ....حجزتلى ولا لسة...فى المدينة

ماما عبيريقول...

هههههه

بنات جيل القرن القادم دول ولا اية بس قصة لذيذة

تحياتى

ليلى حسينيقول...

هههههههه

انت عايز تتخلص من البنات وتجيب بدل منهم انسان الى

ونبى لو كان ايةفى الحسن والجمال زى ما بتقول ما هيكون زى البنت الطبعية ولا اية ؟


تحياتى

ليلى حسينيقول...

نسيت اقول ليك انها قصة حلوة ودمها خيف لكن تبقى واقع مش ممكن

وبجد مش قادرة اتصورها

تحياتى

Ahmed Kamalيقول...

يا سلام ، تبقى لطيفة قوي البنت السليكون دي (أو البنت الطبيعية) لو كان ممكن تعمل لها ميوت

PrInCeSS BeRyيقول...

هههههههههههه
احلى حاجة لا فيفا ولا شيفا السليكون يكسب فعلا المربيات الحديثات غنيات عن التعريف جميلات فى الشكل مش مهم الباقى بقة

بس اكثر الدول اللى بتستخدم الممربيات الدول العربية او الخليجية بمعنى اكبر فلوسهم كتير بقة


بس قصة حلوة ضحكتنى

Unknownيقول...

حبيب قلبي

يالهي علي رغي الحريم

ههههههههه
بس اختلف معاك
لطبيعي غير السيليكون
الطبيعي يكسب

Tamer Nabil Moussaيقول...

بنوتة

هههه

ايوة عشان كلة يبقى سليكون وتاحدق يفهم هههه

نورتى المدونة

تحياتى

Tamer Nabil Moussaيقول...

ana mean

ربنا يخليك ياصاحبى

اكيد كل شىء جايز


نورت المدونة

تحياتى

Tamer Nabil Moussaيقول...

ana mean

ربنا يخليك ياصاحبى

اكيد كل شىء جايز


نورت المدونة

تحياتى

Tamer Nabil Moussaيقول...

$ سهى $

بر ولا شط هههه

مل اختراع وحاجة نستفاد بيها جميل لكن ضد الطبيعة هتعمل مشاكل

نورتى المدونة

تحياتى

Tamer Nabil Moussaيقول...

SaRa

اتفق معاكى فى كلامك

طبعا الطبيعى لاخلاف علية

وعلينا الانتظار ونرى ما يفعلة البعض فى عالم البشرية

تحياتى

Tamer Nabil Moussaيقول...

ياسمين

الله يسلمك


ربنا يخليكى

نورتى المدونة

تحياتى

Tamer Nabil Moussaيقول...

قلم جاف

كلامك صحيح

انا معاك وضد اى بنت تركب سليكون فى جسمها بأى حجة مثل البحث عن الجمال والشكل الافضل


نورت المدونة


تحياتى

Tamer Nabil Moussaيقول...

قلم جاف

كلامك صحيح

انا معاك وضد اى بنت تركب سليكون فى جسمها بأى حجة مثل البحث عن الجمال والشكل الافضل


نورت المدونة


تحياتى

Tamer Nabil Moussaيقول...

سومه...مجنونه فى بلد عاقل

مين دة يانهار بنى اسود نمش لية الوان انا هشتكى منك فى القسم وارفع قضية عليكى فى المحكمة دة تعرض لااجيال كاملة مش شىء يخصتى

وسوق يوقف على اساس انها بضاعة ولا اية ههههه


نورتى المدونة

تحياتى

Tamer Nabil Moussaيقول...

سومه...مجنونه فى بلد عاقل

بما انك اعترفتى بهذا الغلط الكبير عفونا عنك

ولن نقوم ضدك بعمل اى شىء بس لية صدعتى يعنى من غير عرائس كاملة سليكون مش فى بنات بتسخدمة

نورتى المدونة


تحياتى

Tamer Nabil Moussaيقول...

Desert cat

هو جد على هزار عزيزتى قطة من دة ودة يعنى القصة كاملة بما فيها عرايس محى الا انة فيها من الواقع انة فى عرايس فى البابان من السليكون لكن مع بعض الاختلاف


نورتى المدونة

تحياتى

Tamer Nabil Moussaيقول...

kochia

ههههههه.

ايوة عشان نرتاح احنا شويا من التعب يعنى هيبى شغل وتعب فى البيت وخارج البيت

نورتى المدونة

تحياتى

Tamer Nabil Moussaيقول...

كيكى

انا دماغ وانتى دماغين هههه

طبعا يافندم انا اقدر المدينة كلها تحت امرك اطلع انا وبلاش خالص ا انتى مش اقدر اقول ليكى حاجة

نورتى المدونة

تحياتى

Tamer Nabil Moussaيقول...

ماما عبير

ههههه

الجيل القادم والحاضر وكل وقت وكل وان ههه

نورتى المدونة


تحياتى

Tamer Nabil Moussaيقول...

ليلى حسين

طبعا ياقندك البنت الطبيعة افضل

بس لية البنت الطبعية هيا اللى بتروح على السليكون

نورتى المدونة

تحياتى

Tamer Nabil Moussaيقول...

أحمد كمال

نعمل ليها كل حاجة هيا جت على دى ههههه

نورت المدونة


تحياتى

Tamer Nabil Moussaيقول...

PrInCeSS BeRy

ههههههههه

طبعا شفا وفيفا دول معروفين هههههه

كلامك صحيح واتفق معاكى

نورتى المدونة

تحياتى

Tamer Nabil Moussaيقول...

bar2ash

بالعكس مفيش اختلاف وانا معاك بس الان بعض الطبيعى يتحول الى السليكون واصبح انسان الى بكل كامل قوتة العقلية

تحياتى

Tamer Nabil Moussaيقول...

ياجماعة عايز اقول انا ضد السليكون سواء الالى او من الانسانة الطبعية

وعشان كدة قدمت القصة دى و الشكل دة يعنى هيا من دماغى كاملة عدى انة فى عرايس سليكون فى اليابان لكن لاتتكلم ولا تبرمج مثل ما انا كتبت

تحياتى

يا مراكبييقول...

هي بنات أفكارك حلوة قوي كده؟

ههههه

عموما في أوروبا والدول المتقدمة فيه فعلا حاجات قريبة من كده

ما تعرفش الحتة من دول بكام؟

غير معرف يقول...

ياسلااااااااااااام
طب عرايس وعرفنا
بيحميهم ليييه؟
مش خايف يبوظوا ولا يحصلهم ماس؟
ولا انت تقصد انه هاييجى اليوم وبنات العالم كلهم هايتحولوا لعريس سيليكون
ماشي يا تامر بس لما اشوفك

بنت مصريهيقول...

عارف يا تامر انا ف نص الموضوع
قولت لنفسى انا مش هعلقلك تانى
ولا حتى هدخل البلوج بتاعك
و ف اخر الموضوع استغربت
لانها حاجه بعيده شويه عن العقل
وخلق لكم من انفسكم ازواجا لتسكنوا اليها
هذا كلام الله
غير ان الموضوع جرىء حبتين
يعنى مكنش لازم التفاصيل كان ممكن تقول
عمو محىى جايب بنات ف البيت
وتسيب القارىء يفهم اللى يفهمه وكل واحد ونيته بقى
ههههههههههههه

جيهان علييقول...

السلام عليكم ورحمة الله وبركاته

حكاية جميلة
فيها مغزى لن نصل له إلا في أخر الحكاية

وفي حاجات كتير في حياتنا اتخدعنا فيها كتير وهي في الأخر سيلكون


تحياتي

MoHaMeD HoSSaMيقول...

من السيلكون ولا من الخشب

مش فاهم هو طيب كان بيحميهم ليه


معندكش منهم للبيع

عامل ايه يا معلم
ابقي طمنا عليك

غير معرف يقول...

السلام عليكم

ربنا يستر من اللى جاى بس حلوة الفكرة دى الواحد يجيب واحدة لشغل المطبخ بس ياريت ماتكونش غالية بس دى مش خطيرة ولاايييية

بس حلوة جدااااا

استراحة محمديقول...

يعنى احنا بنشكى من السيلكون اللى دخل فى عناصر تكوين المرأة
وانت يا عم تامر عاوزنا نعملها سيليكون عمولة
انا احتج وبشدة ، انا احب البنات بتاعة زمان اللى بطعم وريحة الزبدة الفلاحى ، وتحدى
هههههههههههههههه

د. إيمان مكاوييقول...

ياريت واحده من دول لشغل البيت أسلوبك فيه مفاجأه...وخاصة إن قلبي وقع لما شفت الصوره ..وبصراحه يمكن الصوره دي ملهاش مكان هنا مع أسلوبك الجميل ده بلاش تشيل ذنوب كل إللي يدخل المدونه ويشوفها..وربنا يكرك ويحقق كل أمنياتك
تحياتي

ألآسطى بليةيقول...

قصة دمها خفيف

فى بنات كتير شغالى سليكون الله ينور يبقى الواحد يخد الصناعى احلى هههههه

تحياتى

لسة نونةيقول...

ياخبر اية دة

هههههه


مفيش كمان اطفال سليكون ههههه

تحياتى

Tamer Nabil Moussaيقول...

يا مراكبي

اية رايك هههه

العالم كل الان يبحث كل ج
جديد ولو مخالف للطبيعة

الحتة تعمل كتررررررهههه

نورت المدونة

تحياتى

Tamer Nabil Moussaيقول...

وينكى

نظافة عشان كدة كان الحمى وبعدين مفيش ماس عشان كان فاصل الكهرباء ههههه

لسة ما خلاص بقى فى الان بنات وبالسليكون هههه


نورتى المدونة

تحياتى

Tamer Nabil Moussaيقول...

بنت مصريه

كدة يابنتى هزعل ههههه

اى موضوع عايز ان يتقدم ويكون جرىء بس مش اوى ومن غير اى حاجات فاهمنى طبعا

لكن كان قال همة محى جاب بنات البيت طيب يعمل بيهم اية ههههه


شوفتى انتى لما كملتى القصة عرفتى المضمون والمقصود بعدها على حسب النية هههه

انا زعلان ولازم تجيبى ليا حاجة حلوة ما ليش دعوة ههههه

نورتى المدونة

تحياتى

Tamer Nabil Moussaيقول...

جيهان علي

وعليكم السلام

اكيد اختى العزيزة

لان كل شىء غير طبيعى غير ناجح وغير مناسب لاانسان

نورتى المدونة

تحياتى

Tamer Nabil Moussaيقول...

MoHaMeD HoSSaM

ازيك ياصاحبى انا الحمد الله على كل حال تسلم

--

كان بيحميهم عشان النظافة من الايمان وعشان الميكروبات ههههه


نورت المدونة

تحياتى

Tamer Nabil Moussaيقول...

كلمــــــــــــــــة حـــــــق

وعليكم السلام

تبقى خطيرة لو جوزك عينة راحت عليها ونفض ليكى ههههه

ساعتها ممكن تولعى فيها بس بجد انا ضد السليكون ولو حتى من بنت طبعية وعملت كدة

نورتى المدونة

تحياتى

Tamer Nabil Moussaيقول...

استراحة محمد

خلاص يامحمد مش بقى فى لافلاحى ولازبدة هههه

وبعدين ضد السليكون بس بوريك ان فى بنات ممكن تخترع بالمادة اللى فى بنات كتير بتتعامل معة

نورت المدونة


تحياتى

Tamer Nabil Moussaيقول...

Ema

انا غيرت الصورة عشان الفهن الغلط لو انى كنت شايف انها ماشية مع الموضوع اشكرك على النصيحة

طبعا انا ضد السليكون بس اللى عايز اقولة ان فى بنات كتير بتركب منة ودة شىء خارج عن الطبيعى وغير جيد كما انة يسبب امرراض.


نورتى المدونة

تحياتى

Tamer Nabil Moussaيقول...

هانى

هههههههههه

ما هو لو البنات الطبعية فضلت تعمل كدة الرجالة طبعا هتفضل الصناعى على الاقل تشتريها مرة وتدفع ليها وبتكون اخر مرة ههه


نورت المدونة

تحياتى

Tamer Nabil Moussaيقول...

لسة نونة

اكلم الشركة ممكن تعمل فى الخطة الجاية يانونة ههههه

نورتى المدونة


تحياتى

بنت مصريهيقول...

معايا رز بلبن تاكل
ولا بلاش الرز غلى
ههههههههههههههههههه

المـــفـــــــقــــــــوعـــــة مــرارتـهــايقول...

تفتكر لما البنات السليكون دول ينزلوا السوق البنات الطبيعية هاتروح فين
هي الدنيا ناقصة عنوسة
بس تعرف القصة شدتني أكملها من أول كلمة لآخر كلمة

محظوظةيقول...

ههههههههه

سليكون دة يعنى اية ياخويا اصل ونبى انا مش من هنا انا من هناك هههههه

سلم ليا على محى بية الله ينور علية هههه


تحياتى

محظوظةيقول...

تؤ دماغ عالية ازى يعنى عامل زى برج القاهرة هههه

كويس انة مش طلع صاحبك

تحياتى

شرباتيقول...

الدنيا خلاص بقت ماشية بالصناعى ربنا يسترها علينا


قصة جميلة

تحياتى

Unknownيقول...

ههههههههههههههههههههه

ما كانش حد غُلُب

ما اقدرش ما ازوركش يا استاذى الفاضل .. هى بس ظروف الشغل غصب عنى معلش وبالله عليك ما تزعل

تحياتى ليك ولقصتك الجميلة

:)

سلام عليكم

رصيف نمره خمســــــهيقول...

السلام عليكم

ازيك ياتامر

هههههههه ده فعلا حصل !!!!!!!!
الاقولى هى اصلى يابانى ولا صينى مغشوش

رصيف نمره خمســــــهيقول...

اه صحيح مبروك التاج ده انا كنت هرزعك تاج بس خلاص راحت عليا وانت شكلك مبتحبش تبقى ملك

تحياتى

الملكة هنديقول...

هههههههههه

على السليكون وايامة

جت بقى على تصنيع ناس سليكون كاملين ههههه


تحياتى

الملكة هنديقول...

بس تعرف ان الحيوانات افضل من الانسان فى حكاية السليكون دى

على الاقل راضية بطبيعتها مش زى بعض البشر

تحياتى

تايه في وسط البلديقول...

ياه يا عمنا
انت حليت لي مشكلة كانت مطيرة من عيني النوم !!!ه
بس هل دول برضه حدهم الشرعي اربعة برضه ولا اللي يطلع في ايدك!!ه

هاها
فكرة حلوة ومدونتك حلوة ومخدومة
انا بقيت زبون دايم
تحياتي

Diyaa'يقول...

أنا عايز خمسة :))
بس يكونوا بيعرفوا يقروا ويدخلوا الأمتحانات بدالي :))

Dr. Ibrahimيقول...

لأ طلعت ناس بعدى ناصحة وواعية أهو أمال بيقولوا إيه بقى

وأكيد الطبيعى أحسن

د/هيما

روحيقول...

ممممممم اخرتها يعني طلع السليكون يكسب
دلوقتي يطلعوا بنات كريستال
اسوة بجرابات الموبايلات
ههههههههههههه
الموضوع دة بصحيح ولا اية النظام
ولو بصحيح ياريت تقولي منين
لاني لما اتجوز محتاجة وحدة من دول
تحياتي لي
مدونة جميلة ودمها خفيف

zahraيقول...

سيليكون ايه بس
برضو الطبيعى يكسب

HeLsiNGيقول...

قصة حلوة اوي

على فكرة انا متابع مدونتك وبحاول اقرا كل اللى بتكتبه بس مش بلاقى تعليق اكتبه او اضيفه فمتزعلش منى لانى متابع من بعيد

مدونتك حلوة وانت انسان جميل وبحب بساطتك اوي

ربنا يوفقك

*سمر*يقول...

قصتك عجبتنى اوى ...
بس على فكرة ده حصل ...
فى اليابان بدأو يطلقوا الروبوتات دى فى الشارع علشان يشوفوا الناس هتعرف تفرق بينها وبين البشر ولا لء
...
اسفة جدا جدا على عدم ردى على التعليقات..والله بمتحن حاليا..وقبليها كان عندى مناقشات وتسليم ابحاث..
دعواتك..واللى علقت عندهم دول كنت باخدهم بالدور فى لسته المفضلات بتاعتى ..كل يوم شوية..وانت لسه والله الدور مجاش ..اعتذر مرة تانية :) اتمنى متكونش مضايق

وبعدين انا قريت كل اللى فاتنى عندك ..وعلقت عليه ...اتمنى متكونش لسه زعلان...واستمر ارجوك فى دخول مدونتى

Unknownيقول...

يا رااااااااااااااااجل؟؟؟

$ سهى $يقول...

هههههههه

مع اليابان كل شىء بين ايدك

قصة حلوة كتير تمورة


تحياتى

بنت البلديقول...

ههههههههه

الدنيا مافى فيها عقل

الصناعى اصبح منتشر فى الاكل واللبس وفى كل شىء مع العلم انة ضار

قصتك ممتعة

تحياتى

حاجات جوايايقول...

ههههههههههههه
هى وصلت لكده كمان
ده اللى ناقص والله

وكمان حلوين ؟؟؟
يا للصاعقة الانسانية

احنا قادرين عالصين لما هنقر عاليابان

تحياتى أخى الكريم

قوس قزحيقول...

الفكرة دى موجودة فعلا و شوفتها فى الدش
بيروح الشخص يحدد مواصفات الدمية الى عايزها من ناحية الشكل و بتتعمل واحدة له مخصوص و ممكن تكون دمية لرجل او لست
لكن هى دمية لا بتتكلم ولا بتمشى بس مصممها بدا يدخل عليها بعض من التحديث الالكترونى زى مثلا اصدار صوت زى العرايس بتاعت البنات الصغيرة

و اكتر ناس مستخدمة للدميات دى هم الاعزاب و محلات الموضة


و فى نفس الوقت فى انسان الى بتبرمجه يعمل اللى انت عايزه زى يجيب لك ميه يفتح الباب و كده
يعنى بجد مع الوقت ممكن الاختراعين ينضموا لبعض و نلاقى اللى مشين وسطنا فى الشارع آليين

قصة جميلة و طريقتك مشوق
تحياتى

غير معرف يقول...
أزال أحد مشرفي المدونة هذا التعليق.
soha zakyيقول...

بقى أنا برضه اللى مدونتى جميلة

ايه الدماغ الضاربة المرعبة دى
بجد موضوع كبير

احييك عليه واشكرك كمان

مدونتك متميزة جدا

tamer.sala7يقول...

تيمور باشا انا عارف اني مقصر معاك بس والله ظروف شغلي وبجد وحشني افكارك العالية

عايز اقول لجنابك ان فعلا في ستات بلاستيك في السوق الحرة بتاعة دبي بس مش سيلكون معمولين من مادة تانية مش عاارف هي ايه بس شكلهم طبيعي جدا وصوتها حلو جدااا وبتتكلم بطريقة عربية خليجية وثمنها 2000دولار كان نفسي اشتري واحدة بس قولت لما يرخصوا شوية

عايش... ولكن !!!!يقول...

انا عاوزك تقول للاستاز محيي يجوزنى بنته

Tamer Nabil Moussaيقول...

بنت مصريه

اكل طبعا انا اقدر اقول لا ههههه

نورتى المدونة

تحياتى

Tamer Nabil Moussaيقول...

المـــفـــــــقــــــــوعـــــة مــرارتـهــا

ما المشكلى اختى العزيزة ان اغلبية من البنات دلوقتى هيا السبب فى ظهور وانتشار السليكون


الحل تبطل البنات سليكون يقوم ينضرب وتتحل المشلكة

نورتى المدونة

تحياتى

Tamer Nabil Moussaيقول...

محظوظة

السليكون دة مادة صناعية ليها فوائد تخريبية واسالى عليها المختصين ههههه

طبعا صحبى حد يقدر يقول حاجة ههههه

نورتى المدونة

تحياتى

Tamer Nabil Moussaيقول...

شربات

معاكى حق ربنا يسترها ويعقل البعض اللى بيروح لية


نورتى المدونة


تحياتى

Tamer Nabil Moussaيقول...

إنـســـانـة

ربنا يخليكى اختى العزيزة انا عمرى ازعل من اخواتى ان بس كنت بعاتب لانك من الناس الغالين عندى

--
طبعا محدش كان غلب بس دة لايمنع انة موجود ويستخدم من بعض البنات ههه

نورتى المدونة

تحياتى

Tamer Nabil Moussaيقول...

رصيف نمرة خمسة

الله يسلمك ربنا يخليكى انتى عاملة اية

بلاش تاجات ونبى اصل بحبها اوزىههههههه


طبعا اصلى هو انا بتاع مغشوش هههه

نورتى المدونة

تحياتى

Tamer Nabil Moussaيقول...

هند

على رايك جت على الصناعى الكامل لان من ناحية الحيوانات هو فيها زيها وخصوصا بتوع الحديقة بتاعتك ههههه

نورتى المدونة

تحياتى

Tamer Nabil Moussaيقول...

تايه في وسط البلد

لاطول زى ما تحب ممكن الف لو عايز هههههه

ربنا يخليك تسلم يشرفنى وجودك \ والتواصل الدائم بينا

نورت المدونة

تحياتى

Tamer Nabil Moussaيقول...

تايه في وسط البلد

لاطول زى ما تحب ممكن الف لو عايز هههههه

ربنا يخليك تسلم يشرفنى وجودك \ والتواصل الدائم بينا

نورت المدونة

تحياتى

Tamer Nabil Moussaيقول...

Diyaa'

تحت امرك ياصاحبى بس كدة نشوف ليك ههههه

اخبارك اية ؟


نورت المدونة

تحياتى

Tamer Nabil Moussaيقول...

Dr-hema

طبعا الطبيعى يكسب ياصاحبى بس شوف الارء تجد فيها من مع الصناعى ههههه

نورت المدونة


تحياتى

Tamer Nabil Moussaيقول...

ro7

ههههههههه

كل البنات عايزة عشان تساعدهم فى كل حاجة بس خلى بالك وقتها على جوزك بقى عهههههه

الموضوع ساخر ولم يحصل مع وجود شىء من الواقع


نورتى المدونة

تحياتى

Tamer Nabil Moussaيقول...

زهرة الياسمين

طبعا اكيد ومعاكى فى كلامك بس تعملى اية فى البنات الطبعية اللى بتدور على الصناعى

نورتى المدونة

تحياتى

Tamer Nabil Moussaيقول...

HelSiNg


ربنا يخليك ياصاحبى

اشكرك جداا

واتمنى اشوفك عندى

عامل اية فى ا الامتحانات

ربنا يكرمك

نورت المدونة

تحياتى

Tamer Nabil Moussaيقول...

*سمر

اختى العزيزة انا كنت قلقان عليكى ولم شوفت ردك على مدونات اخر اطمنت انك بخير وكنت اتمنى تردى على المدونة يلا حصل خير وانا مش زعلان ولو ما كنتى اخت عزيزة ما كنت سالت ولا عاتبت

ربنا يوفقك فى الامتحانات


نورتى المدونة

تحياتى

Tamer Nabil Moussaيقول...

enjy

مين ياراجل دة قصدك اية بالظبط ما يكونشى شفيق يارجل ههههه


نورتى المدونة


تحياتى

Tamer Nabil Moussaيقول...

$ سهى $


معاكى فى كلامك دة قيمة ومميزة الناس اللى بتفكر


نورتى المدونة


تحياتى

Tamer Nabil Moussaيقول...

ست البنات

طيب كويس بقى قوللى لبعض البنات اللى رايحة علية تقولى حلاوة هههه

نورتى المدونة

تحياتى

Tamer Nabil Moussaيقول...

Sally

هههههههه


احنا خلاص راحت علينا وبقينا نتفرج ونسمع وبس هههههه

ربنا معانا


نورتى المدونة

تحياتى

Tamer Nabil Moussaيقول...

قوس قزح.

كلامك صحيح بجد هيجى اليوم اللى الربوت يخلى الانسان يغير منة ويبقى عايز يخلص علية هههه


نورتى المدونة


تحياتى

Tamer Nabil Moussaيقول...

سهــى زكــى

ربنا يخليكى تسلمى

مش قد الكلام الحلو دة

مبسوط ان المدونة عجبتك ودة شرف ليا حضورك بجد

نورتى المدونة

تحياتى

Tamer Nabil Moussaيقول...

tamer.sala7

ولايهمك ياصاحبى ربنا يعتيك ويقدرك على الشغل

----
تعرف بكرة الحاجات دى تاثر على الانسان نفسة

احسن حاجة استنى لما ترخص هههه

نورت المدونة

تحياتى

Tamer Nabil Moussaيقول...

عايش ولكن

كبيرة عليك ههههه

اقولة بقى

نورت المدونة

تحياتى

غير معرف يقول...

انسان ما يهمة الا مصلحتة ونفسة

ويخدها ولو على حساب مين

وممكن يدمر ناس عشان يوصل لمصلحتة

لكن كما تدين تدان

نـــــوريقول...

والله ياتامر انا سمعت عن الموضوع ده فعلا.مش موضوع محى اقصد موضوع الناس الاليين اللى شبه البنى ادمين دول وشفت ريبرورت عنهم فى التليفزيون بس معرفش بقى انت تقصد الموضوع ده بجد ولا هى افكارك النيرة

Tamer Nabil Moussaيقول...

Anonymous


كلامك صحيح

نورت المدونة


تحياتى

Tamer Nabil Moussaيقول...

habiba

انا اقصد الموضوع بس من بعيد لانى كاتب القصة من دماغى وفيها حاجات مش بجد لكن الفكرة للقصة قائمة على ما نسمع عن الربوت الى وعمايلة

نورتى المدونة

تحياتى

غير معرف يقول...

مسخرررررررررررررررررة ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه تحفة

الحياه حلوه يلا نعشها بجديقول...

ايه الجمال ده يا جميل ياريت تنورينى فى المدونه بتعتى

أحلى بنات فى الدنيا بنات أ/ محى





 
 
 
 
 
 
 
انتظرت بفارغ الصبر عودة زوجها من العمل لتحكى لة ما رات وسمعت وما حصل فى شقة أ/ محى تعتبر انة من الجنون وضد الدين والاخلاق وشىء لايصدقة عقل ان يكون هذة التصرفات الغريبة من أ/ محى المعروف عنة الاخلاق والسمعة الطيبة. وكان هذا كافى لااشعال الجنون والخوف مما 
رات وحدث من أ/ محى
--------------------------------
عاد زوجها من العمل فوجدها تجرى علية بسرعة واطلقت للسان العنان واخرجت وابل من الحروف والكلمات المتواصلة. والزوج ينظر لها فى استغراب لما يرى ويحدث من زوجتة وكأنه اصابها الجنون .
--------------------------------
جلس زوجها بالقرب منها وضمها الى حضنة وقال لها ارجو الهدوىء حبيتى اريد ان افهم ما حدث ولكن صراخك وطلقات مدفعك القاتل لم يجعلنى افهم منكولاكلمة تكلمى واحكى انا مستمع وداخل منة يقول ما الامر الذى يجعلها تفعل هذا قبل ان اغير ملابسى وارتاح من طول يوم عمل شاق.
-------------------------------------
ونظرت لة وقالت شوف أ/ محى جارنا العزيز وصاحبك يافندم عمل اية الاستاذ النهاردة دخل العمارة ومعاة بنتين اية فى الجمال والحسن انا ست واعرف كويس بس اول مرة اشوف بنات حلوة بالطريقة دى انا قولت اطقس واعرف اية الموضوع بالظبط بعت ابنك توفة يروح زى كل مرة يسال على بنتة خوخة عشان يلعبوا مع بعض وياريتنى ما ودتة ولاعرفت منة اللى حصل. خير حصل اية؟
---------------------------------
ابنك توفة بيقول راح ودخل وقعد مع خوخة يلعبوا فى الصالة وقال ليا ان البنات اللى قاعدة عند عمة محى عريانة وكان بيحميها شوف انت بقى لما ابنك يشوف حاجة زى كدة وبعدين بنات ويحميها لية جربنين وبعدين ازى يعمل كدة قدام اطفال ابرياء انت لازم تروح وتدية فين يوجعك لااحسن ابنك من وقتها بيقولى ينفع احمى خوخة زى عمة محى شوف المصيبة
------------------------------------
قام الزوج على طول على شقة صديقة دون ا انتظار وراح خبط على الباب بكل قوة ثم فتح الباب فوجد بنت جميلة واية فى الجمال لدرجة انة تنح قدامها ومش عارف يكلم فوجد البنت تقول لة اهلا بالضيف العزيز هل من خدمة استطيع ان اقدمها لك. نظر لها الزوج وهو مازال فى حالة التناحة. قال اريد محى. فقالت لة تفضل واسترح وسأذهب لاابلاغة وماهى لحظات حتى حضر محى
---------------------------------------------------
اول ما شافة قال لية ينفع اللى حصل دة بقيت منحل براحتك لكن مش قدام الاطفال انت خلاص العيار فلت عندك للدرجتى. رد علية محى فى استغراب فى اية يا صاحبى حصل اية انا مش فاهم منك حاجة ولية زعلان منى وازى تقول عليا منحل ربنا يسامحك. بس لازم اعرف لية بتقول عليا كدة. قام الزوج وحكى لية الكلام اللى قالتة زوجتة نظرا محى لية وجلس يضحك للدرجة ان الزوج تخيل انة فعلاا بقى مجنون رسمى
----------------------------------------------
ثم قال لية محى شوف ياصاحبى انا هحكى ليك كل حاجة وانور طريقك انت اكتر واحد عرفنى انى مش يتاع الكلام اللى فاضى دة الحكاية كلها انى عايش وحيد ومعايا بنتى وكنت عايز اجوز بس خوفت على مشاعر البنت ومحدش ضامن اللى هجوزها دى تقرف البنت وانا ماليش فى الدنيا غيرها. اللى حصل انى قريت فى مجلة اجنبية ان عالم يابانى اخترع بنات من مادة السليكون يعنى فى الشكل والصورة بنت ولو سلمت عليها لن تشعر انها مجرد انسان الى فقمت بالاتصال بالشركة وتكلفت مصاريف كثيرة لااحضار البنتين وعمل ترجمة دماغية ليهم على مايقومون بة من عمل
-------------------------------------------
البنت اللى فتحت الباب ليك دى تعتبر مربية ام الاخرى فهى زوجتى ولاتستعجب لما اقول كما انى اترك بنتى معهم دون خوف لانهم يعلمون كيفة التصرف معها وتلبية جميع طلبات خوخة وجدت منها فرصة لااسعاد بنتى والبنت خوخة فهمتها ان دول عرايس بس مشحونين زى اى لعبة بس ياسيدى دى كل الحكاية اللى انت عملت عليها فيلم. نظر لية الزوج وقال ياسلام اول مرة اعرف حاجة زى كدة بس تعرف انهم حلوين لاتقولى فيفا ولاشيفا السليكون يكسب
--------------------------------------------------------------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل