مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الاثنين، يونيو 09، 2008

شد الفيشة وأطفى النور




دخلت منيرة على ابنها الجالس على الكمبيوتر وقالت لية كفاية كمبيوتر وتعالة اقعد معانا شويا انت خلاص بقيت مدمن ولا اية ياابنى رد عليا عايزة اعرف فى اية الجهاز دة انت اكيد ملبوس او عمة كمبيوتر عمل ليك عمل مش ممكن كدة دة انت ليل نهار قاعد علية خلاص حياتك بقت كدة وبس

يرد الابن خلاص ياماما عشر دقائق وجى وراكى بس عيب اقوم وانا بكلم واحد صاحبى اخلص معاة واجى على طول . طيب لما نشوف وتغلق الباب وتمشى
-------------------------------

ساعة اثنين ثلاثة والابن لم يخرج كما وعد امة وبدون سابق انذار سمعت ابنها عمال يصرخ جريت على غرفتة ودخلت علية وجدتة عمال يصرخ وماسك بطنة ودماغة واللى علية مع الصريخ انا بنور ياماما انا بقيت لمبة موحد بالكهرباء شايفة النور بسرعة اطفية مش قادر خلاص هولع
-------------------------------

تجرى علية وبكل شوق وقلب وخوف الام وتخدة فى حضنها وتطبطب علية ومفيش فايدة كل اللى مصمم علية انة بينور وهيولع حطت الام ايدها على جبينة وجدتة نار نادت على الاب وقام شايلة وعمل لية كمدات المهم ان بعد ساعة الابن هدى والصراخ راح والام وجدتة قايم تانى وهيروح على الجهاز
-------------------------------

نادت علية ياابنى انت تعبان وسخن كمبيوتر اية دلوقتى ارحم نفسك قال ليها مفيش حاجة ياما انا كويس ويطلب منها واحد شاى وجبتة لية ومفيش ساعة وابتدى الصراخ والتعب تانى يرجع لاابن مع كلامة عن انة بينور واطفى النور و يحصل نفس اللى حصل المرة اللى فاتت يجى الاب ويتطفى الجهاز ويخرجة لغرفة تانية وكمدات ويهدى الابن .اللى حالتة بقت فيها حيرة هتجنن الاسرة كلها
-----------------------------

واستمر الوضع على كدة اسبوع لحد ما فى مرة كانت الاسرة بتتفرج على التلفزيون كان فى برنامج علمى ودكتور ماستكة كان نازل شرح واجابات على اسئلة المشاهدين لحد ما الكلام وصل على الكمبيوتر و الاشاعات اللى بتطلع وازى ممكن تاثر على الانسان كانت بتابع الاسرة بكل شوق لعلى وعسى ياتى الفرج من د/ ماستكة
-----------------------------

وقام الاب واتصل بالبرنامج وقال كل اللى حصل وبيحصل لاابنة كل ما يجى يجلس على الكمبيوتر وهنا قال د / ماستكة ابنك بيشرب شاى على الجهاز اجاب الاب نعم يشرب شاى وهو على الجهاز قام قال د/ ماستكة هنا اكبر غلط لان اخر الابحاث اثبتت ان الشاى عندما يتم وضعة امام الجهاز ممكن يكون مفيد او مضر مفيد لو تم ترك الشاى دون ان يشرب بجوار الجهاز ومضر لو انة تم تناولة امام الجهاز لان فنجان الشاى يمتص الاشاعات الموجودة فى الجهاز ودة مع الايام يأثر على الانسان ويعمل لية حالة عصبية وتعب قى قرنية العين
---------------------------

وكمل د/ ماستكة وقال يجب على كل جالس على جهاز الكمبيوتر ان يضع كوب من الشاى بجوار
قريبا من الشاشة
والافضل ان يكون من الجهة التي فيها وحدة النظام او مايسميه البعض
صندوق ا لحاسب
'طبعا مع عدم تناولة

وذلك للعمل على امتصاص الاشاعات التى تتطلع من الجهاز

هناك 110 تعليقات:

زهرة الياسمين يقول...

مممممممممممممممممممممممممم
فكرة برضو
هل ممكن كمان لو حطيت طبق محشى يمتص أشعه أكير ؟؟؟

kochia يقول...

ياتري المعلومة دي اكيدة
علي فكرة انا قرأتها في ايميل بس مش عارفة اذا كانت صح ولا غلط ؟

صحفية روشة يقول...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو

محظوظة يقول...

طيب كويس انا بشد الفيشة وقت الخطر على طول هههههه


تحياتى

ana mean يقول...

قصة حلوة وسرد ممتع ياتامر بس فعلاا الشاى لو تشرب جنب الكمبيوتر يضر ولا دى تبع الابداع

تحياتى

youma يقول...

انت اكيد بتهزر

يعني انا فروض كان يجيلي شلل اطفال من تلت مية سنة فاتو

Amira يقول...

هههههههه

لابتهزر صح

قصة حلوة وحكاية الشاى دى سرها عندك ومستنية ردك على الناس


تحياتى

دواير يقول...

تصدق فكرة بس لو على كوباية الشاي اعملها من بكرة بدل ما الواحد بيتهد من القعدة قدام الكميوتر وبرضه ما بيحرمش

Ali يقول...

جميل هذا السرد المتناسق

enjy يقول...

ايه يا عم الدكتور مستكة دة دبلوم صنايع وللا ايييييييييييه؟؟؟
عمال بس تذلنى بازورك بازورك وماحدش شافلك تعليق على اخر بوست دة التعليقات معظمها عايزين يشنوقونى تعالى يا عم شوف ايه

PrInCeSS BeRy يقول...

تمورة ازيك بوست حلو اوى بس المشكلة انى مبحبش الشاى هههه نورنى انا مشفتكش بقالى كتيرر

شربات يقول...

كل شىء ممكن

ابقى اشرب شاى جنب الثلاجة هههههه


تحياتى

ليلى حسين يقول...

ههههه

فى كدة دة مفيش شاب على ما اظن الا والشاى جنبة ههههه

تحياتى

$ سهى $ يقول...

ما بحب الشاى بشرب لمون واى عصائرفيها شىء دى تمورة
تحياتى

Tamer Nabil يقول...

زهرة الياسمين

طبعا عزيزتى زهرة
بس ما يصعب عليكى المحشى ههههه

تعرفى تعملى محشى ولا اى كلام هههه ؟

نورتى المدونة

تحياتى

Tamer Nabil يقول...

kochia

معلومة الشاى انا قريتها زيك بالظبط وعملت القصة عليها لكن بجد ولا اشاعة الله اعلم

نورتى المدونة

تحياتى

Tamer Nabil يقول...

صحفية روشة

كل سنة وانتى طيبة هجى وابارك طبعا وتورتى وكدة بقى هههه

نورتى المدونة

تحياتى

Tamer Nabil يقول...

محظوظة

هو دة شد الفيشة قبل الخطر دة فيلم عربى ولا هندى ههههه

نورتى المدونة

تحياتى

Tamer Nabil يقول...

ana mean

مش عارف ياصاحبى بس معلومة الشاى قريت عنها لكن اكيدة ولا لا مش عارف

نورت المدونة

تحياتى

Tamer Nabil يقول...

youma

الف بعد الشر عليكى

القصة انا كتبتها على فكرة الشاى لانى قريت بحث بيقول كدة لكن صحيح ولا لا الله اعلم

نورتى المدونة

تحياتى

Tamer Nabil يقول...

Amira

ولاحكاية ولاحاجة دة مجرد بحث قريتة وعملت علية القصة لكن المعلومة بجد ولا لا الله اعلم

نورتى المدونة

تحياتى

Tamer Nabil يقول...

دواير

ومين سمعك كلنا زيك ادمان يعنى بقينا مد منين هههههه

نورتى المدونة

تحياتى

Tamer Nabil يقول...

Ali

ربنا يخليك

الف شكر ليك

نورت المدونة

تحياتى

Tamer Nabil يقول...

enjy

هههههههه

جاضر جى على طول ربنا يستر لاانضم ليهم هههههه
نورتى المدونة

تحياتى

Tamer Nabil يقول...

PrInCeSS BeRy

الله يسلمك عاملة اية

بلاش شاى خليها عصير قصب ههههه حاضر جى ليكى على طول

نورتى المدونة

تحياتى

Tamer Nabil يقول...

شربات

او ممكن جنب المروحة ههههه

نورتى المدونة

تحياتى

Tamer Nabil يقول...

ليلى حسين

شباب بس وفى بنات طبعا قمال مين مخلص على شاى البلد ههههه

نورتى المدونة

تحياتى

Tamer Nabil يقول...

$ سهى $

لاطبعا يافندم الا لو كنتى بتفكرى وقتها فى الشاى ههههه

نورتى المدونة

تحياتى

د/أبويحيى وادم يقول...

السلام عليكم ورحمه الله وبركاته

جزاكم الله خيرا
القصه جميله ومفيده
وتدل ان النت والكومبيوتر اصبح يفصلنا تماما عن كل من حولنا والغى قدر كبير من التواصل بين افراد الاسرة الواحده

وفقكم الله وجزاكم خيرا

اعتذر حقا عن عدم المتابعه الفرته الماضيه ولكن يعلم الله ما كان لدى من عمل وامتحانات
ارجوا تقبل العذر

والسلام عليكم ورحمه الله وبركاته

اجندا حمرا يقول...

العزيز تامر

الكلام ده صحيح؟اصلي مدمنه شاي و مدمنه كومبيوتر
بس انت ماقلتش اخبار الأكل ايه؟و لا الشاي بس هو اللي مضر نشربه قدام الكومبيوتر؟؟
موضوع مميز عرضته بأسلوب سلس بحييك عليه ياجميل

شمس يقول...

يادى اليلة دة انا بشرب شاى كل شويا لما المدام خلاص قربت تولع فى نفسها منى ههههه

بس قصة حلوة وشيقة

تحياتى

tamer.sala7 يقول...

ايه يا عم الكلام ده

دكتور مستيكة ده متأكد من اللي بيقوله ولا بيخرف زي الحكومة بتاعتنا

تقريبا كدة الدكتور ده دبلوم سكة حديد

أميرة الهدوء يقول...

حلوة القصة
اسلوبك ممتع فيها
بس نهيتها كدة بسرعة مع انها كانت تستحق لنهايتها وقت اطول

الحمد لله انا مش بشرب شاى لا جنب الجهاز ولا وراة

اما شد الفيشة فبيحصل كتيييييييييير

تحياتى
اميرة الهدوء

rara يقول...

مساء الخير

قصة جميلة والله انت اديب ممتاز

انت ممكن تشوف مجلة تكتب فيها والله بجد


اسلوبك فى الكلام رائع وجميل

وبالتوفيق دايما ان شاء الله

تحياتى ليك

يوميات فنانه مفروسه جداا يقول...

يالهوي علي كمية الشاي اللي شربتها قدام الكمبيوتر

طب كمان انا كنت بشرب نيسكافيه دا ايه نظامه بقي ده كمان
عااااااااااهئئئ ئ ئ ئ
يعني انا هبقي مشعه وامشي انور في الضلمه واخوف بقي العيال الصوغيررين
ربنا يستر بقي
سلام

المستنصر بالله يقول...

ما شاء الله استاذ تامر الجميل اسلوبك على طول جميل ومميز بالتوفيق دايما يارب

ماما عبير يقول...

هههههههههه

ينفع محشى ولا بطاطس ههههه

قصة جميلة

تحياتى

SaRa يقول...

عليك قصص ياتمورة تخبل هههه بجد حلوة القصة ومكتوبة بطريقة ساخرة وجميلة

تحياتى

هند يقول...

هههههههه


حلو الشاى وحلو لما يتشرب قدام الكمبيوتر جنان قصتك بجد تسلم عليها

تحياتى

Tamer Nabil يقول...

د/أبويحيى وادم

وعليكم السلام

عندك حق النت اصبح ادمان والاسرة بقت فى حيرة فى كيفة التصرف مع الامر

ربنا يوفقك فى الامتحانات بالتوفيق اخى العزيز

نورت المدونة
تحياتى

Tamer Nabil يقول...

اجندا حمرا

عزيزتى اجندا

الفكرة بتاعة الشاى قرتها على النت فى صورة بحث وكتبت وبنيت احداث القصة عليها لكن المعلومة واقع ام خيال الله اعلم

نورتى المدونة

تحياتى

Tamer Nabil يقول...

شمس

هههههههههه


ربنا يهون عليك ويحميك منها هههههه

نورت المدونة

تحياتى

Tamer Nabil يقول...

tamer.sala7

لالا ياتامر اوعى تغلط فى د/ ماستيكة مش عارف انت ابن مين دة ههههه

نورت المدونة


تحياتى

Tamer Nabil يقول...

أميرة الهدوء

مش بتشربى شاى يبقى نسكافية او ايس كريم ههههه

انا معاكى القصة ممكن كنت اطولعا بس خيرا الامور الوسط

وخليكى على شد الفيشة ديما

نورتى المدونة

تحياتى

Tamer Nabil يقول...

rara

مساء النور وصباح الفل

ربنا يخليكى عزيزتى يارا ديما مشجعنى وبتسعدينى بكلامك الجميل

نورتى المدونة

تحياتى

Tamer Nabil يقول...

يوميات فنانه مفروسه جداا

هتبقى ما خلاص بكلامك كدة انتى مشعة من سنين ومش وخدة بالك ههههه


نورتى المدونة

تحياتى

Tamer Nabil يقول...

المستنصر بالله

ربنا يخليك اخى العزيز ويكرمك

اشكرك جداا

نورت المدونة

تحياتى

Tamer Nabil يقول...

ماما عبير

ينفع بس لااكل بقى وحرام نتخلص منهم يبقى افترى هههههه


نورتى المدونة


تحياتى

Tamer Nabil يقول...

SaRa

ربنا يخليكى عزيزتى سارة الحمد الله انها عجبتك ودة الاهم

نورتى المدونة


تحياتى

Tamer Nabil يقول...

هند

دة انتى اللى جنان ههههه

ربنا يخليكى

ونورتى المدونة

تحياتى

د/أبويحيى وادم يقول...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

نور يقول...

ازيك يا تامر
انا قرأت الفكره دى قبل كده
بس مش عارفه هيا صح ولا غلط
بس مايضرش برده
بس انت كاتبها بطريقه حلوهاوى على فكره
تحياتى ليك
سلام مؤقت

تايه في وسط البلد يقول...

ما شاء الله
ما شاء الله
ما قالشي الشاي اذا كان ليبتون ولا العروسة؟

Dr-hema يقول...

هههههههههههههه

لا يا عم

د مستكة عنده حق

بس المفروض نحط إزازة مايه عشان نشربها

عشان الأشعة منأثرش علينا فعلاً

أنما عشان تمتص الأشعة

والشاى اللى يمتصها

جديدة دى

د/هيما

كاميليا يقول...

غريبة حكاية كوب الشاى

لكن كل شئ ممكن

بس اللى مش ممكن هو ادمان النت فى العصر ده
ودى مشكلة ناس كتير

الحمد لله ان مش بيحصل فى مصر اضرار من ادمان النت زى اللى بتحصل فى اروروبا وتصل الى حد الانتحار

دمت مبدع

تحياتى

سالى يقول...

يااااااااااربى
ده انا و زوجى بنشرب الشاى علطول قدام الكمبيوتر وخصوصا زوجى لان فترات جلوسه عالجهاز أكبر منى
بعد كده هبقى أعمل تلات ماجات
مج لزوجى ومج لى و مج للكمبيوتر
هههههههههههههههههههههههه

دمت بخير أخى

اهو ده عيبه يقول...

ازيك يا تامر
انا سمعت الحكاية دى فعلا عن الشاى وتاثير الجهاز عليه
بس مكنتش اعرف ان اللى يشربه ممكن ينور ويطفى زى ام لطفى

تحياتى لك

habiba يقول...

والله ياتامر لما انت قلت الكلمتين اللى فى الاول دول على لسان الدكتور ماستكه ربنا يشفيه انا قلت خلاص انا كل يوم هحط كبايه شاى جمبى اهى تاخد شويه اشعه من اللى بتجيبلى صداع مدمرنى ...والحمد لله لقيتك فى الاخر بتنصحنا هذه النصيحه الغاليه
شكرا ليك يادكتور تامر
انت والدكتور ماستكه
ربنا يخليكوا للغلابه

كيكى يقول...

عوووووووووووووووو انا جيت سورى على التاخير والله الكمبيوتر.....امسك نفسك هقولك حاجة...نجحت..اتخديت

ياسمين يقول...

تصدق فكرة بس لو على كوباية الشاي اعملها من بكرة
واخليها تمتص الاشعة وابقى فى التمام انا هههههه

قصة ظريفة

تحياتى

Tamer Nabil يقول...

د/أبويحيى وادم

وعليكم السلام


حملة موفقة ان شاء الله وربنا يسهل واقدر اعمل حاجة ولو بسيطة فى نشر الحملة

نورت المدونة


تحياتى

Tamer Nabil يقول...

نور

الله يسلمك انا بخير انتى اخبارك اية ان شاء الله تكونى بخير

فكرة القصة فراتها وبنت على الاساس القصة ولكن لااعلم ان كانت الفكرة مجرد كلام ام صحيح

نورتى المدونة


تحياتى

Tamer Nabil يقول...

تايه في وسط البلد

اى حاجة بس يكون فلتة ههههه


نورت المدونة.

تحياتى

Tamer Nabil يقول...

Dr-hema

مدام الكلام من د/ ماستيكة لازم يكون جديد وغريب كمان ههههههه

نورت المدونة


تحياتى

Tamer Nabil يقول...

كاميليا

موضوع الشاى انا قريت عنة وعملت علية القصة لكن مش عارف صح ولا لا معاكى حق النت اصبح ادمان وربنا يحمى الجميع منة ومش يكون لية تاثيرات علينا

نورتى المدونة

تحياتى

Tamer Nabil يقول...

سالى

هههههههههههه

مية مية ثلاث مجات يعنى مفيش حد احسن من حد ههههههه

نورتى المدونة

تحياتى

Tamer Nabil يقول...

اهو ده عيبه

لايطفى ويولع ازى ام لطفى وام تفيدة ههههههه

مش عارف بجد المعلومة اللى كتبت عليها القصة بجد ولا مجرد كلام

نورتى المدونة


تحياتى

Tamer Nabil يقول...

habiba

العفو يابنتى على اية بس احنا مش عملنا حاجة دة الواجب ههههههه

نورتى المدونة

تحياتى

Tamer Nabil يقول...

كيكى
.
الف مبروك ياكيكى

مبسوط ليكى والله

عقبال الاعداية وتانية ابتدائى هههههه

نورتى المدونة


تحياتى

Tamer Nabil يقول...

ياسمين

مية مية بس شاى تقيل سكر خفيف ههههههه


نورتى المدونة

تحياتى

لسة نونة يقول...

هههههههههههه

قصة جميلة

تسلم عليها

تحياتى

همس الاحباب يقول...

ده احنا كلنا كده مدمنين كمبيوتر
وبنشرب شاى كمان
الله يطمنك يا تامر
يعنى احنا انولع على كده
بس حلوة القصة
بس يا ترى د/ ماستكة معلوماته دقيقة ولا كان بيحلم
ههههههه
تحياتى اخى الكريم

هانى يقول...

هههههههههه

عليك قصص ياعم تامر تهوس

على كدة 90 فى المية من مستخدمى الكمبيتر عندهم عيوب قرنية وعصبية ههههه


تحياتى

هند يقول...

انا جنان يعنى اية بقى نهارك مش فايت ياتمورة هههههه

تحياتى

Desert cat يقول...

وانا كل الناس بقت بتقول عليا مدمنة كمبيوتر وشاى
واتارى السبب علشان بشرب شاى وانا قاعده قدام البى سى
واذا عرف السبب بطل العجب
تحياتى

walaa يقول...

ههههههه
انا هسمع كلام الدكتور ماستكه بس انا اصلا مش بشرب شاى
تحياتى ولاء

Gannah يقول...

شوف انا دلوقتى وانا بكتب التعليق بشرب لبن ما قالوش اللبن ينفع ولا لازم شاى يا ريت تعرف وتقلى؟
بس لو دى معلومة اكيدة تبقى طريقة سهلة جدا
تحياتى

micheal يقول...

قصة بسيطةبس عميقة المغزي
لان كل حاجة في حياتنا ليها جانب سلبيس واخر إيجابي
تحياتي

Tamer Nabil يقول...

لسة نونة

الله يسلمك

نورتى المدونة

تحياتى

Tamer Nabil يقول...

همس الاحباب

د/ ماستكة

شاف الموضوع على النت وعمل علية القصة ههههههه

الله اعلم صحة او كذب المعلومة

نورت المدونة


تحياتى

Tamer Nabil يقول...

همس الاحباب

د/ ماستكة

شاف الموضوع على النت وعمل علية القصة ههههههه

الله اعلم صحة او كذب المعلومة

نورت المدونة


تحياتى

Tamer Nabil يقول...

هانى

طبعا ياصاحبى لو كانت المعلومة بج هههههه

نورت المدونة


تحياتى

Tamer Nabil يقول...

هند

ههههههههه

ياهنودة اقصد يعنى انك صاحبة سيط ومعلومات وانسان مثقفة بس هههه


نورتى المدونة


تحياتى

Tamer Nabil يقول...

Desert cat

كلامك صحيك وعليكى بقى وعلى د/ ماستيكة هو هيساعدك هههههه

نورتى المدونة

تحياتى

Tamer Nabil يقول...

walaa

افضل واحسن حاجة عزيزتى ولاء ههههه

نورتى المدونة

تحياتى

Tamer Nabil يقول...

Gannah

لا حكاية اللبن نسال فيها ماستيكة ههههه

لابجد هيا المعلومة موجودة على النت وانا عملت عليها القصة بس صح ولا غلط الله اعلم

نورتى المدونة


تحياتى

Tamer Nabil يقول...

micheal

اكيد ياصاحبى واحنا علينا نتخلص من كل شىء سلبى على قد ما نقدر

نورت المدونة

تحياتى

هند يقول...

ايوة كدة ياتمورة

اصل افتكرت حاجة تانية ههههه

تحياتى

بنوتة يقول...

هههههههههه

اسلوبك فى الكلام رائع وجميل

وبالتوفيق دايما ان شاء الله

تحياتى ليك

شمس يقول...

اة ونبى ياتامر ادعى ليا لااحسن اة من بنات حواء

انت متجوز ؟

تحياتى

Tamer Nabil يقول...

هند

هههههههه

حاجة تانية زى اية

هههه

كل واحد ونيتة

نورتى المدونة

تحياتى

Tamer Nabil يقول...

بنوتة
.
ربنا يخليكى عزيزتى بنوتة

نورتى المدونة

تحياتى

Tamer Nabil يقول...

بنوتة
.
ربنا يخليكى عزيزتى بنوتة

نورتى المدونة

تحياتى

Tamer Nabil يقول...

شمس

ربنا فى عونك بدعى ليك ولكل المتجوزين

انا لسة برة الموضوع هههه

نورت المدونة

تحياتى

شمس يقول...

انا بحسدك ههههه
انت فى نعمة مش هتعرف قيمتها الا لما تتجوز هتقول ياريت اللى جرى ما كان لكن بعد فوات الاوان

تحياتى

كلمــــــــــــــــة حـــــــق يقول...

السلام عليكم


سرد باسلوب حلو اوى لا بس بجد دى بجد ولا مش بجد اصل لو فى حاجة فعلا ممكن تقلل ضرر الكمبيوتر نعملها .


ربنا يوفقك كمان وكمان

موناليزا يقول...

المعلومة دى حقيقية؟

Tamer Nabil يقول...

شمس

هههههههه

لية بس

انا بستنى اليوم دة بس ربنا يوفقنى واجد الانسانة اللى ارتاح ليها

ربنا يوفقك

نورت المدونة

تحياتى

Tamer Nabil يقول...

كلمــــــــــــــــة حـــــــق

وعليكم السلام

المعلومة جت ليا فى اميل وقرتها فى اكثر من منتدى فعملت القصة والاحداث عليها لكن صح ام غلط الله اعلم

نورتى المدونة

تحياتى

Tamer Nabil يقول...

موناليزا

المعلومة جت ليا فى اميل وقرتها فى اكثر من منتدى فعملت القصة والاحداث عليها لكن صح ام غلط الله اعلم

نورتى المدونة

تحياتى

nour shahen يقول...

طيب كويس قوى ان الدكتور طلب شاى علشان اعمله واكيد مش هشربه لأنى مبحبهوش بس المشكله مش في انه يتشرب لا لا الازمه لو اندلق ههههههه هبقى بنور فعلا وقتها لما اتكهرب منغير ما اشرب الشاى ربنا يستر
بلوج جميل وكتابه اجمل
تقبل تحياتى

Tamer Nabil يقول...

nour shahen

ربنا يخليكى على كلامك واهلا بيكى فى المدونة

المعلومة جت ليا فى اميل وقرتها فى اكثر من منتدى فعملت القصة والاحداث عليها لكن صح ام غلط الله اعلم
يعنى مش كل شىء نشوفة او تقرية تصدقية

نورتى المدونة
تحياتى

PrInCeSS BeRy يقول...

هاى تامر ازيككككككككك جيت اسلم عليك

Tamer Nabil يقول...

PrInCeSS BeRy

الله يسلمك
نورتى المدونة

لية مش قريتى القصة؟

تحياتى

NoNa يقول...

السلام عليكم

اولا فكرة القصة جميلة جدااااا

ثانيا ممكن فعلا معلومة شاى دى تحصل

لان فى حاجات كتير ممكن تمتص الاشعاع

انت دلوقتى خوفتنى

عشان بحس بى الاعراض دى
:(
ربنا يستر بقى

بس كدة هاعمل 2كوب شاى
واحد اشربة بعيد واحد جب جهاز

يمتص كل اشعاع

انا مرة كنت سمعت دكتر ابراهيم الفقى
بيقول لو على فيشة
نعمل بى قلم رصاص كذا خط معين
بيمتص الاشعاع
ربنا يستر بقى

Tamer Nabil يقول...

NoNa

وعليكم السلام

لا بعد الشر عليكى ربنا يبعد عنك كل شر يارب

القصة انا كتبتها من دماغى بس حكاية الشاى قرابتها فى بحث على النت عشان كدة عملت القصة واخداثها عليها

طبعا صح او غلط الله اعلم

ربنا يوفقك

نورتى المدونة
تحياتى

nonni يقول...

ممممممممممممم حلو اوى و على قد ما هى حلوة على قد ما اقعدة افكر الكلام ده حقيقى لا لا؟؟؟؟؟؟؟
تحياتى

و القادم....أجمل يقول...

اوووووووبس
أنا دايما أشرب الشاي و أنا أدام الجهاز

ماما انا بنووووووووووووووووور

:\

==========

الفكرة أكتر من رااااااااائعه

تقديري

:)

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير