مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الأربعاء، أبريل 30، 2008

الحلوين ***** وشجرة توت




الارض واسعة وكبيرة

واماكن كتير قدامك .... حلوة ليك ولااصحابك

احلى وافضل واريح ..... من شجرة التوت

اللى انت طلعتها ..... من غير ازن صاحبها

وجانى يشكى من شقاوتك..... انت واصحابك

دى اخر مرة تتطلع شجرة ...... اوتأكل توت

لو حصل تانى انت حر..... مفيش غير النبوت
-----------------------------------

يرد تمورة على ابوة ...... يابابا

هو انا يعنى..... طلعت الشجرة بمزاجى

دة غصب عنى..... وما كان بأيدى

انا كنت ماشى..... انا واصحابى وفجاة

وجدت نفسى فوق الشجرة..... أكل توت وأحدف لااصحابى
----------------------------------

يعنى تقدر تقول..... يابابا قدر

وانتى قولت ليا قبل كدة..... وقت القدر يعمى البصر

وانا بقى بصرى حديد..... مفيش وقتها الا حبة شبورة

غطت الصورة قدامى..... ومعرفتش اعمل اية
--------------------------------

ياتمورة..... انت هتتضحك عليا

وتعمل دور..... البرىء الغلبان

هو مفيش غير توتة وبسبوسة .....اللى وكلين دماغك

هما اللى خلوك اكيد..... تتطلع الشجرة

وتجيب توت ..... هو انا مش عارفك
---------------------------------

يابابا اية الكلام..... دة مش فاهم

واكلين راسى..... ازى هما عفاريت

وبعدين انا راسى قدامك ..... مش متأكلة ولا حاجة

يرد الاب امشى من قدامى ..... لااكسر عضمك بأيديا

يجرى بسرعة تمورة ويقول..... لية وهو بيجرى

باين عليك انت اللى..... راسم على راسى

مش توتة وبسبوسة

ويجرى بسرعة تمورة .....على حضن امة يستخبى

الأحد، أبريل 27، 2008

تمورة & وتوتة& وبسبوسة




تمورة شجيع الشجعان

طفل انما اية مفيش زية

لاتقولى بروسلى ولاجاكى شان

طفل كدة ماسك نفسة ومربى عضلات

كان حبيب الشلة والكل يحبة

خصوصا البنات من توتة لفوفة لبسبوسة


ماتعدش هنحسد ولا اية كمان
----------------------------

كل يوم الصبح بدرى

يقوم وفى الشارع يجرى

ويعمل تمام للشلة النونة الحلوين

وياويلة اللى يجى متاخر

من تمورة شجيع الشجعان
------------------------

ويبتدى اللعب وتمورة يقسم الحلوين

من عكسر الى حرامية وناس وحشين

وهو تملى كان البطل كبير العسكر

اللى بعد ما الحرامية تخطف حد من اصحابة

خصوصا توتة وبسبوسة

كان يجرى علية ويمسكة

ويخلص منة اصحابة الحلوين
--------------------------

وتمر الايام ويكبر الحلوين

وبالصدفة يقابل تمورة بسبوسة

ويسلم عليها ويسال على الحال

وكانت ماسكة طفل صغير قال ابنك

قالت اة تمورة شجيع الشجعان
-------------------------

قال ليها تمورة ياة على الايام

جريت بينا بسرعة وبقينا كبار

قالت بسبوسة دنيا وايام
وانت اتجوزت ولا اية الاخبار
قال تمورة بكرة اتجوز واجيب
توتة وبسبوبة
وضحك تمورة وضحكت بسبوسة
ومشى كل واحد فيهم

ولسان كل منهم بيقول اة على الايام
---------------------------

الخميس، أبريل 24، 2008

ترقص وتغنى على طبلة




عشان ما هيا غنية ومرتاحة

كان كل الناس عايزها

الكل قال هيا مفيش غيرها

اللى هكون سعيد ومرتاح وياها
---------------------------

اية ياعنى عبيطة وهبلة

وعلى طول فى الشارع قاعدة

تحدف دة بالطوب وتشتم فى الرايحة والجاية

وساعات تطلب معاها

ترقص وتغنى على طبلة
-------------------------------

ياسلام لو ماشى وقتها

وقت الغنى والرقص بشعرها

وقالت ليك امسك الطبلة وطبلى عليها

وقولت لا ولا مشيت ولاعبرتها

اخرك كم طوبة منها فى دهرك

وشتيمة من اللى تحبها
----------------------------

وكل يوم مشكلة منها

والكل بيقول الله يسهل ليها

دة مهما كان عقلها رايح وخفيف

مين يعمل عقلة بعقلها
------------------------------

وبعد ما ابوها مات

بقت الفلوس كلها فلوسها

ومن وقتها والناس عايزة تقرب منها

وكل رجل يقول دى عروستى

دى روحى وقلبى دى اللى بحبها
---------------------------

الثلاثاء، أبريل 22، 2008

فى الشارع - يلا - يامحروقة


اية حكاية اللمبة اية حكاية النور


تتحرق اللمبة اقول معقول

دة انا لسة شريها من كم يوم

ماتت من بدرى من غير ماتقول


ولا كان مكتوب على علبتها امتة هتموت
------------------------------

كانت مرسومة على العلبة

متقولشى عروسة

وسلكها طالع كدة شكلة

كان عايز صورة
-------------------------

من نظرة كدة خطفت قلبى

حلوة وامورة وعسولة

بس الحلو ما يكملشى

يادوبك يوم اثنين سابت عشى
----------------------------

كدة توبة لو تانى يالمبة

يخدعنى المظهر والصورة

راح اجيب الاصل لو غالى

مش انتى خلاص كدة محروقة

من غير لاسلام ولا دفنة

فى الشارع يلا يامحروقة
-----------------------------

الأحد، أبريل 20، 2008

لون وشكل بس بكل ضمير




فى ايدك كل شىء فى ايدك تبقى طيب وفى ايدك تبقى شرس فى ايدك تبقى الحلو وفى ايدك تبقى الوحش فى ايدك تكون محبوب وفى ايدك تكون مش محبوب فى ايدك كل حاجة تتعمل فى الدنيا وفى حياتك مفيش صعب ولامحال فية كسل وخمول فى نشاط وحيوية كل حاجة وانت وشوقك واختيارك اختار اللى تحب
-------------------------

حياتك ليك وحدك لون وشكل فيها بالطريقة اللى تعجبك واللى انت شايف انها مناسبة ليك وعلى مقاسك بالظبط لاتقل ولاتزيد يعنى كل حاجة تبقى بالمسطرة عشان مش تشوف لخبطة وتبقى محتار وقرفان ومخنوق وتوقف فى وسط الطريق مش عارف تكمل ازى ولا اى طريقة تقدر بيها تكمل بيها حياتك
-------------------------

خش على اى مشوار تحب تمشى فية خش ولايهمك خلى قلبك جرىء وانسى الخوف من الفشل ولا السقوط خلى قدام عنيك النجاح والارتفاع بس حاسب على نفسك من الغرور مرض قاتل اللى يمسك فية بيتشقلب حالة بطريقة غريبة وبيخليك تعيش فى دور عالى ولكن بتكون عكسة بالظبط بس الغرور عمى عنيك ومش مخليك تشوف مودك صح
-------------------------

ومش عيب انك تختار وبعد الاختيار تحس انة مش مناسب وانك وقعت فية ودخلت بطريقة غلط والتفكير خانك وقتها وبعد الدخول وعمل اكتر من محاولة وتفشل خلاص حسيت انك خلاص جبت الاخر ومفيش امل لو كدة مش عيب انك تخرج من الطريق والاختيار دة وتحاول مع طريق تانى واختيار تانى قمال بقى توقف تعيط وتبص لنفسك فى المراية وتقول هعمل اية يبقى مش رايح ولاجاى
------------------------

الدنيا اللى احنا عايشين فيها دة فيها كل حاجة على عينك ياتاجر ويا اسطى ويا بية وياانسة ويامدام ويا كل واحد ليك اى صفة تحب تعمل ليها هنا اضافة. يعنى كل شىء تشوفة ومش يعجبك ابعد عنة وروح على اللى يعجبك واللى انت شايف نفسك فية وعيش حياتك بالطول والعرض وحود على الوسط بالمرة عيش وتمتع بحياتك
-------------------------

اهم حاجة انك تعيش وتعمل اللى عليك وخطوة خطوة وبراحتك خالص من غير سرعة ولا استعجال وخليك انسان سكة وطريق حب ومودة شوق وحنين مخلص لااحبابك وتساعد اللى يحتاجك ومش مهم انت مين ولا رايح فين المهم تكون صادق مع نفسك قبل الاخرين وتخش اى طريق واى مكان فى حياتك ولون وشكل بس بكل ضمير

الجمعة، أبريل 18، 2008

مضغوط وعايز فك شفرة




حاسس انك مضغوط وكل حاجة فوق راسك والمسئؤلية عليك كبيرة والحمل ذاد وبقيت خلاص اوشكت انت وجسمك وحالتك النفسية على السقوط الى الهاوية يبقى اكيد محتاج برنامج فك الضغط اللى عليك وتقطيع
المشاهد اللى جواك الى اكثر من مشهد لمعرفة كيفية التعامل معها
-------------------------

خليكم هارشين الموضوع معايا وبلاش كسوف اانا بحاول معاكم المساعدة كلنا مضغوطين ومحتاجين برنامج فك الضغط بس المشكلة ان فية اللى يكتشف الضغوط ويحاول على تقطيع المشاهد ويكون مستخدم جيدا للبرنامج عشان يعرف يتعامل مع كل مشهد على انفراد وفية اللى لايص وحالتة تصعب على الكافر ولايدرى ماذا حل بة ومما يعانى
ودة محتاج الى اعادة تأهيل وشرح الضغوط مع البرنامج والشفرة السرية لفكها واكيد اللى ما تعلم فى المدرسة بكرة تعلمة اية000؟
-----------------------

نسيبة بقى ليها معلشى هيتعذب يوم اثنين اسبوع شهر المهم فى النهاية هيقدر يوصل للنتيجة الصح للضغوط وتشغيل البرنامج لفكها والعمل على هزيمتها
والحكاية مش صعبة بس خد الامور بجد مش على صدرك لتخد برد وبعدين النكسة تبقى اثنين
ضغوط+برد= ؟ نتيجة هتبقى تعبانة خالص بقى وساعتها لسة هندور كمان على شفرة التعامل مع البرد
------------------------

فخليك ناصح وبلاش تستعجل على الفهم والعلاج وكل حاجة خدها براحة وخليك تكن اذى ياعزيزى
والدنيا حلوة جميلة اوى بس احنا مش وخدين بالنا وطول ما احنا هنواجة الامور اول بااول ومفيش شيل وادخار لكل حاجة جوانا مش هيكون فية ضغوط خالص هتجى منين بقى لكن طول ما انت غاوى الادخار بقى انت الجانى على نفسك
-----------------------

وخلى بالك ممكن البرنامج يقول ليك استوب قربت على الانفجار انت محتاج الى حل اكبر منى وهو مش اقول ليك ياحلاوة اكتشف انت ينفسك بقى لاتبكى وقتها عشان انت اللى وصلت نفسك لكدة
بلاش ادخار وخلينا فى التصريف على طول هون على نفسك هنقطع فيها لحد امتة بقى خليك روش ياعبد السلام وادى ظهرك للترعة ومش هتحتاج لااى برنامجولو مصمم تابع من اول السطر

الثلاثاء، أبريل 15، 2008

الحدث وتقريب مسافة الاختلاف




عالم الواقع وكل ما يحدث فية من احداث ومواقف واشياء بين البشر كانت تهمك اولا تهمك الا انها فى واقع الامر تخصك ولو من بعيد. احيانا يكون الحدث غير قريب منك او من اى انسان غالى عليك او انسان يهمك امرة الا انة لايمنع من ان الحدث وقع وقد تعقب علية وتقول رايك ولو مع صديق اوكلام
خاطف مع نفسك
----------------------------

ولكن كل ما يحدث فى الحياة من مواقف واحداث تختلف نظرتك اليها حسب قربها او بعدها منك ولكن كلما كان الامرخارج عن ارض الواقع وحدث وقع صحيح بعيد عنك الا انة مثير ويخطف الانظار الية سواء من كان فى صلب الحدث وهذا الموضوع يهمك او لايهمك الا انك تجد نفسك منشد الى الحدث وتحاول بشتى الطرق معرفة كل شىء عنة
-----------------------------

تختلف الاحداث حسب الشخص ونوع الحدث وكلما كان الحدث البطل فية من الجنس الاخر يكون حدث مهم لامجال للبعد عنة وتجد نفسك داخل فى الحدث ولو فى صورة شخص يبحث عن المعرفة او من محبين الوجود فى الصورة فى اى شكل كانت او من محبين الاحداث الغير عادية بالنسبة للمجتمع الذى تعيش فية
------------------------------

كما نعلم لكل مجتمع امور ومواقف واحداث واشياء كثيرة تختلف عن الاخرين اى لكل مجتمع قاعدة ثابتة اساسية لاتتغير مبنية على العادات والتقاليد ومنبع الثقافة التى شرب منها منذ الصغر ومن هنا يكون الحدث حسب كل مجتمع مهم او لايهم حسب العادات والتقاليد ومعيشة هذا المجتمع
----------------------------

ومع اختلاف مجتمع عن اخر الا ان الجميع يحمل كلمة انسان سواء كان هذا الانسان ظالم مظلوم خادع مخدوع فهو انسان ونظرة كل انسان تكون مختلفة فى المجتمع الواحد . فكيف يكون الامر فى مجتمع غريب عليك فى كل شىء شكلاا ومضمونا وان كان من الصعب ان اكون انسان جديد فى مجتمع جديد يكفى ان اكون انسان يحاول العيش عن طريق محاولة فهم الاخر ومن الاكيد ان كل انسان يجد فى الاخر شىء واحد لايختلف عنة ولو بسيط الا انة قادر على تقريب مسافة الاختلاف

الخميس، أبريل 10، 2008

أسرار أ/ صعبان عليا



جلس أ/ صعبان عليا مثل كل يوم على مكتبة جلس بعد ان اغلق غرفة المكتب علية حتى لايدخل علية احد سواء كانت زوجتة او بناتة جلس وامسك القلم ونزل على الورق يكتب ما يريد ان يكتب لمدة ساعة لم يترك القلم فيها

وكأنة مرتبط بموعد ويجب ان ينهى ما يريد ان ينهى على الورق قبل انتهاء الوقت. فالنظر لة يشعرك انك تنظر الى طالب فى وقت اداء الامتحان شارد الفكر يفكر ولكن دون ان ينظر الى شىء خلاف الورقة والقلم
------------------------

كان هذا طقس مقدس وغالى عند أ/ صعبان عليا لامجال للتغير فية او عمل شىء اخر فى وقت الجلوس مع الورقة والقلم بعيد عن ماذا يكتب ؟ او ماذا يريد من الكتابة !هى عادة غالية علية وتعود عليها منذ الصغر

وفى يوم حين كان أ/ صعبان عليا فى العمل والبنات فى المدرسة كانت زوجتة موجودة فى البيت وابتدت بكل نشاط عملية تنظيف البيت والغسيل والانهاء سريعا حتى تقوم بعدها بعمل الغذاء
وعند دخولها المكتب الخاص بزوجها للتنظيف فجأة وبدون مقدمات راح عقلها الى مكتبة والدرج الخاص بما يكتب ولا يعلم عنة شىء. اقتربت اكثر من المكتب وملامح الخوف عليها واضحة اكثر من وضوح الشمس
------------------------
وكأن الحظ كان ملازم لها فعند الاقتراب من المكتب وجدت الدرج مفتوح فقد نسى أ/ صعبان عليا ان يغلق الدرج اقتربت اكثر وكلها شوق وسعادة لمعرفة السر الغامض فى حياة زوجها
وعند مسك اول ورقة لترى ما بها دخل عليها زوجها وكأنة افتكر الدرج ونظر الى زوجتة واخذالورقة منها واغلق الدرج بكل قوة ثم نظر لها وقال هذا الدرج مقبرة الاسرار وليس مسموح لكى بمعرفة ما فية الا فى حالة موتى واذا خالفتى ما اقول لن اسامح ولن تظلى زوجتى

خرجت الزوجة من المكتب دون ان تدخل معة فى حديث ونقاش ومرت الايام وتزوجت البنتين ومات الزوج بعدها بسنتين واصبحت الزوجة حزينة على فراق أ/ صعبان عليا فرغم العادة الغريبة التى كان ممارس لها دون انقطاع الا انة كان زوج طيب وحنون وعطوف ولم ترى معة سوى كل شىء حلو وسعيد
-----------------------
زهبت الزوجة الى المكتب مسرعة بعد وفاة زوجها لمعرفة الاسرار التى تسكن هذا الدرج منذ سنين . انها تريد ان تفهم وتعرف ما كان سر عليها ويخفية زوجها عنها ومسكت اول ورقة ورمتها والثانية ورمتها وهكذا كان وضع المئات من الاوراق الموجودة بالمكتب
نظرت الى صورة زوجها وهى تضحك ثم توقفت عن الضحك وبكت عندما رات فى اخر كل صفحة اكتب كل يوم اسماء من احب اكتب حتى لاانسى انى ملزم نحو من احب امى رحمها الله والان زوجتى العزيزة وابنائى الاعزاء ومن يحب لن يخسر من ساعة كل يوم لكتابة اسماء من يحب ليظل الحب كما هو بين حوائط بيتنا الجميل يكون بين جوانب هذة الاوراق

الثلاثاء، أبريل 08، 2008

عودة الى الموت!



كنت فاكر ان الانسان هيفضل انسان وان الاحساس الطيب داخل نفوس الناس فاضل موجود ومش هيروح ولاهيتغير ومهما مرت السنين كل شىء اصيل باقى وفى زيادة. لكن رجعت من الموت وجدت كل حاجة حلوة بفت حاجة مش
حلوة
--------------------------
حاجة غير طيبة ولا فيها احساس ولاشعور حاجة تقدر تقول عليها حياة بدون روح حياة لاتختلف عن حياة الحيوان وفد تكون حياة الحيوان احلى وافضل ويوجد فيها ما لانرى ولا نسمع وما نتمنى ان يكون بين الانسان والانسان
-------------------------
هذة الحياة الصعبة وهذا التعامل الموجود الان بين الناس لاتجد لة سبب محدد او طريق يرشدك الى ولماذا كل ما نرى ونسمع من خراب ودمار لكثير من النفوس لكثير من الضمائر. الان نعيش ولانعيش نرى انفسنا ولانرى فيها اى طيبة او خير ان وجدت
-------------------------
نحاول دائما البحث عن مخرج او حل لما هى علية اوضاع الحياة واغلبية من الناس نبحث عن حلول قبل ان نتحول انا وانت وغيرنا الباقين على الاساس قبل ان نتحول الى عالم الدمار والضياع هل يوجد حل وهل سنجد ؟ اما الرجوع الى الموت افضل راحة وحياة عن الحياة الحالية

الثلاثاء، أبريل 01، 2008

كن ما يريد الجاكى



جلس يفكر ويفكر ويبحث عن اشياء لايعلم لها معانى فى هذا الوقت ظل هكذاطوال الليل يفكر ويبحث ويسأل نفسة ويكلمها
ثم نظر الى السماء وأطال النظر اليها والى النجوم وقال لنفسة لماذا انا فى حيرة؟ لااعرف اى طريق اى مكان اى انسان اجد عندة اجابة لما اريد
----------------------------
كل انسان الان مثلى لايعلم شىء عن ما اريد جميع الاوراق والكتب الموجودة كتبت من مئات السنين ولااحد الان يعلم ما معنى الكثير مما يوجد فيها
ماهى الامانة والصدق الخير والشر العمل بكل جهد لكى نبنى ونشيد ما يجعل الاجيال القادمة تفخر بة فما هو هذا ؟!!
---------------------------
الكثير من الكلمات والجمل تحتاج الى ان نعلم ماهى وما المقصود بها فكل يوم تتغير اشياء كثيرة فما بالى لااشياء كتبت من مئات السنين
كما انة من الجنون ان اكون هكذا طوال الليل مع النهار ناسى ما عليا نحو الجاكى يجب ان افوق ولااشغل نفسى بما لاينفع والا جاء موتى على يد الجاكى
------------------------