recent

آخر الأخبار

recent
recent
جاري التحميل ...
غير معرف يقول...

مساء الخير

لو ربطنا بين البوست ده واللي فات يبقي احنا كده عرفنا القطة اختفت راحت فين

يعني تموره كان عارف هي فين وبيعمل تهيئه نفسيه وبعدين يصرح عن سبب الاختفاء
عموما ممكن نعتبر الموضوع قضاء وقدر او قتل خطأ

zainabيقول...

السلام عليكم و رحمة الله و بركاته

بس عارف احسن حاجه ايه ان تموره كان
بيأكل القطه معاه بجد والله

يعينى عليكى يا قطة تموره اتغسلت غسيل معتبر معلش

حسيت انى بقرأ قصه لذيذه زى اللى بيتحكوا بالليل قبل النوم للأطفال

تحياتى

Amiraيقول...

مسكينة قطة تمورة

مش كان قصد يموتها بس مش يمنع ان تمورة غلط ولازم يتعلم من غلطتة

تحياتى

SaRaيقول...

حدوتة حلوة

والقطة راحت من تمورة لحظة غضب

تحياتى

انا حرهيقول...

هوا ايه اللى تموره تموره تموره

خمستلاف تموره فكام سطر

Unknownيقول...

ياحرام
ربنا يرحمها بقي

احنا دايما كده
نتسرع ونعمل حاجات وفي الاخر نندم عليها

mahasen saberيقول...

عارف لو تموره كان كبير ساعتها
كنت ضربته بس طالما كان صغير
خلاص عيل وغلط

ميرا ( وومن )يقول...

اولا اسمه بستله مية مش طشت طويل

ثايناً بقي القصة حلوة قوي فكرتني باختي لما بتكلم ابنها الصغير

او كان طفل هو اللي كتبها فعلا

طب قول الحق دي مذكرات تمورة ولا ايه ؟

المهم ان تمورة اتعمل الدرس وميخليش الغضب يعمية ساعات اللي بنخسره في لحظة غضب مش بيتعوض في سنين ويمكن ميتعوضش خالص

سلوىيقول...

قضاء وقدر

تمورة كان طفل ومكنش يقصد :))

بس مسكينه القطه

yoyoيقول...

بس تمورة كان لسه صغنن مش كان يقصد انه يعمل كد يعنى
يبقى اكيد لازم هنسامحه

تقبلى أعجابى بمدونتك فى اولى زيارتى

تحياتى
يويو

أميرة الجنةيقول...

السلام عليكم
انا هبلغ عنك انت اللى قتلت القطة
على فكرة تيته اللى غلطانة اصلا هى ليه سمعت كلامك وخلتك تاكل قبل ما جدو يجى
يلا بقى واكيد القطة ده قدرها
ربنا معاك
منجلكوش فى حاجة وحشة
مدونتك رائعة مستر تمورة

Tamer Nabil Moussaيقول...

Anonymous


طبعا انا معاك قضاء وقدر وقتل بدون قصد

بس على فكرة الموضوعين مختلفين عن بعض وان كان يوجد بهم بعض التشابة

ربنا يكرمك

تحياتى

Tamer Nabil Moussaيقول...

zainab

وعليكم السلام ورحمة الله وبركاتة


ايوة بياكل القطة عشان هو طيوب خالص ومش يهون علية يسيب قطتة جعانة

اشكرك على تشريفك مدونتى

فى انتظارك دائما

ربنا يكرمك

تحياتى

Tamer Nabil Moussaيقول...

Amira

كلامك صحيح واكيد طبعا تمورة اتعلم الدرس

ربنا يكرمك

تحياتى

Tamer Nabil Moussaيقول...

SaRa


ودة يعلمنا انة وقت الغضب لازم نكون صابرين ولانخد قرار نندم علية

ربنا يكرمك

تحياتى

Tamer Nabil Moussaيقول...

انا حره

طيب زعلانة لية

نورتى المدونة

ربنا يكرمك

تحياتى

Tamer Nabil Moussaيقول...

mahasen saber

عندك حق عيل وغلط

واكيد اتعلم الدرس كويس من اللى حصل

ربنا يكرمك


تحياتى

Tamer Nabil Moussaيقول...

وومن

عندك حق بستلة بس اعمل اية فى الذاكرة هههه


مذكرات تمورة اكيد لكن مش كلها حصلت يعنى


ربنا يكرمك

تحياتى

Tamer Nabil Moussaيقول...

م/ الحسيني لزومي

هروح والقى نظرة

واهلاا بيك

تحياتى

Tamer Nabil Moussaيقول...

سلوى

كلامك صحيح

مسكينة القطة وتمورة اكيد اتعلم

ربنا يكرمك


تحياتى

Tamer Nabil Moussaيقول...

yoyo

عندك حق

كان لسة صغير ومش يقصد يعمل كدة فى قطتة اللى بيحبها

نورتى المدونة

وفى انتظارك دائما


ربنا يكرمك

تحياتى

Tamer Nabil Moussaيقول...

أميرة الجنة

وعليكم السلام ورحمة الله وبركاتة

تيتة تمورة عليها الحق بس بقى دة حب وخوف على تمورة

انا اسمى تامر مش تمورة هههه

نورتى المدونة

وفى انتظارك دائما

ربنا يكرمك

تحياتى

تمورة وحكاية قطة وطشت غسيل




فى وقت من الاوقات كان زمان الغسيل يتحط فى طشت طويل ويتحط على الباجورا والبوتوجاز لو وجد فى مياة مغلية لوقت معين زى ما بتعمل زمان ستات البيوت . وفى يوم كان جدة تمورة مولعة على الباجور وحطة الطشت وفية المية عشان تغلى وكانت فى نفس الوقت بتحضر الاكل لتمورة اللى كان جعان خالص ومش قادر يستنى جدو لما يجى من برة عشان كان الاكل لما يتعمل محدش ياكل الا لما جد تمورة يكون موجود.
---------------
وجدة تمورة خدت طبق صغير وحطت لتمورة فية حبة ارز وحتت لحمة عشان تمورة كان عمال يعيط ويقول انا جعان ياتيتة وفرشت جدة تمورة حصيرة فى المطبخ جنبها وجلس تمورة ياكل وهو فرحان انة خلاص هيسكت بطنة الجعانة . وهو بياكل تمورة دخلت علية قطتة السيامى اللى كان تمورة متعلق بيها اوى وكان عمالة تلف حوالين تمورة ونو نو نو.
-------------
وفضل تمورة كل شوى يرمى ليها حتة من اللحمة عشان تاكل القطة ولما بص تمورة على اللحمة اللى كانت معاة وجدها خلاص قربت تخلص فنادى على جدتة وطلب منها حتت لحمة كمان عشان يدى القطة تاكل عشان هيا جعانة وراحت جدة تمورة جايبة حتة لحمة كبيرة واديتها لتمورة وقالت لية دى اخر لحمة مش تاخد تانى الا بعد ما جدو يجى .قال ليها تمورة ماشى
------------
وجلس تمورة ياكل وياكل القطة وبعدين قام تمورة وساب الاكل كلة على الارض وراح الحمام وطبعا تمورة كان طفل صغير ومش فكر خالص ان القطة ممكن تخلص على الاكل اللى على الارض . ولما رجع وجد القطة كلت الرز وبتاكل فى اللحمة عيط تمورة وضرب القطة وفى عز ما هو زعلان حدفها بس الحدفة كانت جامدة نزلت القطة فى طشت الغسيل اللى فية مية مغلية والقطة فضلت تحاول تتطلع وتصرخ .
----------
وتمورة واقف يعيط وجرى على جدتة بسرعة وقال ليها اللى جت وطلعت القطة من الطشت وكانت القطة حالها صعب . وبعد يومين ماتت القطة وكان يوم صعب على تمورة اللى فضل يعيط وخد القطة فى حضنة ومش كان عايز يسبها وفضل حزين تمورة على قطتة السيامى وكان عشان بيحبها اوى جدو دفنها فى الجنينة اللى قدام البيت وفهم تمورة انة مش يحفر تانى عليها وبقى كل يوم تمورة يصحى ويحط على مكان الحفرة وردة ويبص لكم صورة كان متصورها مع القطة ويعيط
-----------
جديد مدوناتى الاخرى
---------

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل