recent

آخر الأخبار

recent
recent
جاري التحميل ...
ميرا ( وومن )يقول...

تامر ممكن سؤال

ممكن طبعا
هو انت ليه بتكتب مذكرااات تمورة

واصلا مش قولت ليه من الأول انك هاتنشر حلقات مسلسلة من مذكراتة ؟؟؟؟

جاوب بقي

Amiraيقول...

حدوتة حلوة

ونبى لنوريك يابتاع بطوطة

ههههههههههه

باين كان تمورة محبوب اوى رغم شقاوتة

تحياتى

قوس قزحيقول...

يعنى الغيرة و الاحساس بالفروق الطبقية موجودة حتى بين الاطفال

معلش بقى بلاها بطوطة و خاليك مع بسبوسة و فوفة

رحلتنا في الحياةيقول...

هههههههههه ايه كمية الشقاوة معجون بمية عفاريت

فراشةيقول...

جميلة قوى يا تامر
تحمل من وراها معانى جميلة
ينفع بجد تتعمل كارتون للاطفال
يتعلموا منه حاجات حلوة كتير
تحياتى

Unknownيقول...

على فكرة المدونة والمذكرات اكتر من جمال اوى ، وفعلاً لو اتعملت هاى شو تون رسومات او جرافيكس هتبقى حكاية
تقبل مرورى

فتــافيت (رحاب الخضري)يقول...

والله تحفة ماتحاول تشوف سكة وتنزل في رمضان عد الفطار بدل بكار
وتبقى يوميات تمورة

حلو بجد

Tamer Nabil Moussaيقول...

وومن

بكتب مذكرات تمورة عشان انا بحب التغير كل فترة اكتب عن حاجة معينة

مش قولت عشان والله ما كان على بالى انى اكتب عن تمورة كم بوست متواصل

انا جاوبت وومن فين كلامك عن البوست بقى عايز اجابة هههه

ربنا يكرمك

نورتى المدونة

تحياتى

Tamer Nabil Moussaيقول...

Amira

اكيد لازم يكون محبوب تمورة رغم شقاوتة دة تموررة هههه


ربنا يكرمك

نورتى المدونة

تحياتى

Tamer Nabil Moussaيقول...

قوس قزح

لا مش كدة والله

رد فوفة وبسوبسة رد طفولى غيرة من ان بنت غريبة تلعب مع اعز صديق ليهم وعمرها ابدا ما تكون عشان فروق طبقية او اجتماعية دول اطفال

ربنا يكرمك

نورتى المدونة

تحياتى

Tamer Nabil Moussaيقول...

ايوشة

يعنى اية مية عفاريت دى ههههه

تمورة كدة يزعل هههه

ربنا يكرمك

نورتى المدونة


تحياتى

Tamer Nabil Moussaيقول...

فراشة

ياريت اتمنى

بس انا بكتب على قدى واللى بحس بية وجى على دماغى


ربنا يكرمك

نورتى المدونة

تحياتى

Tamer Nabil Moussaيقول...

اصحى يا مصر : اسلام ديو

ربنا يخليك تسلم

اشكرك على كلامك الجميل فى حق ما اكتب من بوستات

ربنا يكرمك

نورت المدونة

تحياتى

Tamer Nabil Moussaيقول...

فتافيت

بجد اسم جميل اختيارك رائع يوميات تمورة هههه

ايدى على كتفك

ياريت اجد السكة

ربنا يكرمك

نورتى المدونة

تحياتى

fnoonhيقول...

هههههههههههههههههه
حلوة قوي يابتاع بطوطة
بس فيها شقاوة ودلع وايه حجات جميله ينفع احكيها لطفل صغير اليوميات دي
تقبل تحياتي واشكرك على زيارتك لمدونتي

موناليزايقول...

جميل ان بنوتة صغيرة تساعد تمورة
طلعت جدعة بجد

Unknownيقول...

أهو ده عيب البنات بقي
في ساعتها قلبوا الموضوع غيره

mahasen saberيقول...

ذكريات الطفوله دايما سعيده حتى ولو فيها حاجه تزعل

mahasen saberيقول...

ذكريات الطفوله دايما سعيده حتى ولو فيها حاجه تزعل

الملكة هنديقول...

جميلة قوى يا تامر

ايام الطفولة احلى ايام

تحياتى

Unknownيقول...

اشكرك يا تامر على ردك الجميل
ونورت مدونتى بجدواسمحلى اضيف مدونتك فى البلوج ليست

شرباتيقول...

حلوة اوى ياتامر

حدوتة جميلة

تحياتى

شرباتيقول...

حلوة اوى ياتامر

حدوتة جميلة

تحياتى

ماما عبيريقول...

اة من تمورة دة

هههه

ربنا مع اهلة

قصة جميلة

تحياتى

Tamer Nabil Moussaيقول...

fnoonh

بتاع بطوطة كلمة بناتية تدل على الغيرة ههههه

ربنا يخليكى

نورتى المدونة

ربنا يكرمك


تحياتى

Tamer Nabil Moussaيقول...

موناليزا

طبعا هيا جدعة

بس مش بنوتة صغيرة

دى كبيرة يعنى عندها 20 سنة شابة اقصد

نورتى المدونة

ربنا يكرمك

تحياتى

Tamer Nabil Moussaيقول...

esraa

عندك حق

الغيرة فى كل الناس وخصوصا البنات بقى ههه

نورتى المدونة


ربنا يكرمك

تحياتى

Tamer Nabil Moussaيقول...

mahasen saber

اكيد طبعا

اتفق معاكى

ايام جميلة

نورتى المدونة

ربنا يكرمك

تحياتى

Tamer Nabil Moussaيقول...

مملكة حديقة الحيوان


احلى ايام وياريت لو ترجع

نورتى المدونة


ربنا يكرمك

تحياتى

Tamer Nabil Moussaيقول...

اصحى يا مصر : اسلام ديو

ربنا يخليك تسلم

العفو اخى الكريم

دة شرف لينا والله

نورتى المدونة

ربنا يكرمك

تحياتى

Tamer Nabil Moussaيقول...

شربات


ربنا يخليكى شربات

نورتى المدونة

ربنا يكرمك

تحياتى

Tamer Nabil Moussaيقول...

ماما عبير

شقاوة اطفال بقى ماما عبير

ربنا يخليكى

نورتى المدونة

ربنا يكرمك

تحياتى

*البت المشمشية *حلوة بس شقية *يقول...

هههههههههههههههههههه
بجد ضحكت اوى
ايه العفرتة دى ده انتا زمل بقه فى الشقاوة

أم فريدهيقول...

طبعا لانها اول زيارة منى ليك انا سألت نفسى حبة اسالة وجوبت عليها لوحدى هو تمورة دة انا ودى ذكرياتك
بس يا ترى دى حقيقة ولا خيال

فكرتها خفيفةوتنفع حكاية للاطفال على فكرة هحكيها لاولاد اختى واحتفظ بيها فى ذاكرتى واحيها لاولادى لما يجوا ان شاء الله

تحياتى

Tamer Nabil Moussaيقول...

*البت المشمشية *حلوة بس شقية *


قصدك زمل مع تمورة مش انا بقى ههههههههه

نورتى المدونة

ربنا يكرمك

تحياتى

Tamer Nabil Moussaيقول...

زوجة عنيدة

اهلا بيكى فى المدونة اول مرة وتواصل مستمر بينا ان شاء الله

بالنسبة لتمورة مش كل بوست بكتبة عنة لازم يكون حصل ليا

ممكن ازود شوى ممكن اكتب من دماغى بحر الكتابة واسع


نورتى المدونة

ربنا يكرمك

تحياتى

تمورة وبطوطة وبنت العرب




اتجمع الحلوين تمورة وفوفة وبسبوسة وكل الصحاب فى شارع الجناين ولعبوا كل الالعاب اللى بيحبوها ومر وقت طويل عليهم وابتدى الاصحاب كل واحد يروح على بيتة وفضل تمورة وفوفة وبسبوسة كانوا لسة عايزين يلعبو مع بعض تانى ومش عايزين يروحو البيت دلوقتى . قالت فوفة بس انا جعانة اوى وكمان رد عليها تمورة وبسبوسة واحنا كمان . ام قال تمورة ليهم خلاص على البيت يافوفة انتى وبسبوسة وهاتو سندوتشات مش تنسونى وانا هستناكم هنا يلا بسرعة

وراحت فوفة وبسبوسة على البيت يجيبو سندوتشات ليهم ولتمورة وفضل تمورة مستنى وكان عمال يجرى هنا وهنا حوالين الجناين يجرى وراء فراشة او عصفورة على الارض واقفة وسط ما هو عمال يجرى هنا وهناك ومش وخد بالو وقع فى حفرة كلها تين ومية غويطة وكان عمال يقب ويغطس وكان معدى بنت من بنات العرب بالصدفة شافت المنظر نطت من على الحمار ونزلت وانقذت تمورة من الموت وخدتة وياها على الحمار على خيم العرب اللى عايشين فيها

بالصدفة كان فوفة وبسبوسة جاين وشافو بنت العرب وهيا معاها تمورة على الحمار الحلوين عيطو وجريو على البيت على بابا تمورة وقالو لية الحق ياعمو تمورة اتخطف . قام بابا تمورة مفزوع وقال ليهم ازى ومين اللى خطفو . قالو لية بنت العرب خدتة على الحمار وعمالة تحسس على رقبتة ياعمو ممكن تكون هدبحة بسرعة ياعمو يلا نروح نخلص عليهم ونجيب تمورة حبينا ياعينى علية دلوقتى وجرى بابا تمورة وبلغ صديق لية بالشرطة وجت قوة وعلى خيم العرب وحصرتها

ونزل بابا تمورة جرى وطلع رجال كتير وكلم واحد كبير فيهم الشرطة وفهم بابا تمورة ان بنت العرب مش خطفت تمورة دى جبتة من بركة مية غويطة ولولا وجودها كان حصل لتمورة حاجة وجبتة هنا عشان تسعفة لانة كان بيرتعش وسال بابا تمورة هو فين وقام الرجل معاة يودية هو وصاحبة ظابط الشرطة على الخيمة اللى تمورة فيها ودخل فيها هو والظابط وبابا تمورة وفوفة وبسبوسة وشافوا تمورة اللى كان قاعد وسط اطفال من العرب وعمالين يلعبوا

جرى علية بابا وخدة فى حضنة وفضل يبوس فية وقال لية يلا على البيت ياتمورة ربنا سترها كم مرة اقول ليك تخد بالك وانت بتلعب فى الشارع وهو ماشى مسكت طفلة من بنات العرب ايد تمورة وقالت لية ابقى تعالة كل يوم تلعب معانا ياتمورة هستناك وقال ليها تمورة حاضر يابطوطة ام بصين لية فوفة وبسبوسة بطوطة مين دى اللى تلعب معاها تمورة قال وفيها اية ام ردين بقى كدة وقامت فوفة وبسبوسة هاجمين على تمورة اللى طلع يجرى منهم على عربية بابا وهما جرين علية ويقولو ونبى لنوريك يابتاع بطوطة

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل