recent

آخر الأخبار

recent
recent
جاري التحميل ...
سارهيقول...

اقتباس
"البنات كلها هجمت عليا واحضان وبوس وكلام جميل "

ياراجل

لو كنت مكان لميس كان مش ممكن انسى انك خليت البنات تبوسك قدامي
سواء اجرتهم اولا

بس خيالك جميل جدا
وقصه ظريفه
:)

fnoonhيقول...

خيال واسع قوي
ياسلام بوس واحضان وده كله عشان تبصلك

الصراحة لو انامكانها كنت سعيت ارفدك من الشركة مش اتخطبلك

عموما بتختلف من وحده لوحده والله اعلم

وياترى دي خيال ولا حقيقية ولا زي القبلها

Tamer Nabil Moussaيقول...

ساره

اكيد فى الواقع موقف مش ممكن يتنسى من شديد حتى لو سامحتة لميس هيفضل فى بالها

نورتى المدونة

ربنا يكرمك.

تحياتى

Tamer Nabil Moussaيقول...

fnoonh

اكيد انا معاكى كانت قامت الدنيا علية وبالنسبة لميس عمرها ما كانت قربت منة

بس الانسان لما يحب ممكن يعمل العجايب عشان يوصل اللى بيحبة


طبعا مش ليا وزى اللى قبلها

نورتى المدونة

ربنا يكرمك

تحياتى

*البت المشمشية *حلوة بس شقية *يقول...

حلوة القصة يا تمورة
ايه ياع م البوس والاحضان اللى فى البوست دة ده كلو عشان تلفت نظرها

SaRaيقول...

الحب يعمل كدة
دة حب كبير بقى

احيك على القصة

تحياتى

Amiraيقول...

خلاص شديد مش فكرفى حاجة تانية يلفت بيها نظرها

غير تاجير بنات

ودوا خدة كم هههه

تحياتى

شرباتيقول...

كان اسهل انة يكلمها ويشوف رايها افضل من تاجير بنات وبوس وكدة هههه

بس شديد كان عايز يشوف ان كانت بتغير علية ولا لا

ربنا مع لميس
تحياتى

غير معرف يقول...

يعنى لازم بنات وبوس واحضان عشان البنت تبص ليك

دة انا لو منها ابعد عنك عشان بعد اللى حصل دة تبقى انت

خطر على الامن البناتى ههههه

تحياتى

موناليزايقول...

لميس جريئة برضه
لان فيه بنات حتى لو روحها فى اللى قدامها مش ممكن تعلق له على حاجة ذى دى وهتكتفى بانطباعها اللى اخدته من الموقف
اما هو فياريته يعرف ان اقصر طريق بين نقطتين الخط المستقيم يعنى يدخل البيت من بابه وهو نصيبه

Tamer Nabil Moussaيقول...

*البت المشمشية *حلوة بس شقية

انتى فاهمة بقى شديد يعمل العجب ويقول عادى ههههه

نورتى المدونة

ربنا يكرمك

تحياتى

Tamer Nabil Moussaيقول...

SaRa

واكتر من كدة سارونا

نورتى المدونة

ربنا يكرمك

تحياتى

Tamer Nabil Moussaيقول...

Amira

اعمل لية اية بس شديد دة بتاع افكار ومع نفسة هههه

اكيد خدة كتيررر هههه

نورتى المدونة

ربنا يكرمك

تحياتى

Tamer Nabil Moussaيقول...

شربات

هو لو على الافضل فهو كتيرر بس شديد يسمع كلام نفسة وبس

نورتى المدونة

ربنا يكرمك

تحياتى

Tamer Nabil Moussaيقول...

Anonymous

شديد مش يهمة حاجة لاامن بناتى ولافول حلاتى ههههه

نورت المدونة

ربنا يكرمك

تحياتى

Tamer Nabil Moussaيقول...

موناليزا

بجد ماشاء الله عليكى

جبتى المفيد

نورتى المدونة


ربنا يكرمك

تحياتى

ألآسطى بليةيقول...

شديد دة باين مش هيجبها لبر خالص بوس كمان وصلت ههههه

قصة رروشة تمور

تحياتى

ماما عبيريقول...

لازم يعمل كدة

مش كان الافضل يخش على الباب ويخبط شديد دة مشكلة

تحياتى

$ سهى $يقول...

عشنا وشوفنا بوس فى الشوارع ههههه

شديد دة باين علية شقى ومو سهل

قصة حلوة كتيررر تمورة

تحياتى

نورألآيمانيقول...

السلام عليكم

تصرف غير سليم

انا مع مونليزا فى اللى قالت علية

السلام عليكم

فراشةيقول...

تامر
ايه عم شديد الحركات الجامدةدى
بس نجحت معاك تهانئى لشدشد ابو حديد
تحياتى

يا مراكبييقول...

وكمان أحضان وبوس؟

أخدوا منك كام بقى قصاد الحاجات دي؟ هه؟

حاجة في متناول الجميع وألا غاليين؟

;-)

الفراشة الصغيرةيقول...

هههههههههههههههه

يا واد يا جامد
احضان وبوس
مرة واحده

طول عمرك شديد يا ابو حديد

Tamer Nabil Moussaيقول...

ألآسطى بلية


نصيبة كدة مع انة غلبان خالص بس كان يجوز هههه

نورت المدونة

ربنا يكرمك

تحياتى

Tamer Nabil Moussaيقول...

ماما عبير


هو مشكلة بس ليها حل يعنى بيحط نفسة فى مشاكل بس بيكون قصدة كل خير

نورتى المدونة

ربنا يكرمك

تحياتى

Tamer Nabil Moussaيقول...

$ سهى $

بالعكس خالص دة طيب وسهل تاثرى علية لانة طيب وغلبان وجدع فى نفس الوقت


نورتى المدونة

ربنا يكرمك

تحياتى

Tamer Nabil Moussaيقول...

نورألآيمان

وعليكم السلام ورحمة الله وبركاتة

انا معاكى بس دى قصة وشديد غلبان عشان كدة بيوقع فى مشاكل بدون قصد

نورتى المدونة

ربنا يكرمك

تحياتى

Tamer Nabil Moussaيقول...

فراشة

وشديد شاف كلامك وسعيد بية

حتى بيفكر يسب زمتلة ويجى يخطبك هههههه

نورتى المدونة

ربنا يكرمك

تحياتى

Tamer Nabil Moussaيقول...

يا مراكبي


اسال ليك شديد على الاسعار والاماكن دى ههههههه

نورت المدونة

ربنا يكرمك

تحياتى

Tamer Nabil Moussaيقول...

الفراشة الصغيرة

طبعا هو فى زى شديد هههه

نورتى المدونة

ربنا يكرمك


تحياتى

هيا دى مش حد تانى




كنت قاعد مع نفسى وعمال افكر فى حاجات كتير وبما ان اليوم اجازة الواحد لازم يرتاح ولكن منين تيجى الراحة والبال مشغول كنت بفكر فى حالى وايامى الجاية وماسك دفترى الخاص وعمال اسجل المواقف والاحداث التى مرت عليا خلال هذا الاسبوع وبعد ما خلصت كتابة وتسجيل الملاحظات وحطيت النقط الايجابية والسلبية التى حدثت لى فى خلال الاسبوع نظرت الى الساعة فوجدت الوقت متاخر وعليا النوم للذهاب الى العمل فخدت دش قبل النوم كما انا متعود ونمت حيث النوم المتقلب والقلق الذى لايغيب خلال فترة النوم


جاء الصباح وذهبت الى العمل ودخلت الى الشركة وجلست على مكتبى بعد السلام على الزملاء المشاركين لى فى المكتب كنا ثلاث اصدقاء نعمل مع بعض كان بجوارى مكتب الزميل صبحى وكان دائما قليل العمل والانتاج كثير مشغول بقراية الجرايد وخصوصا حل الكلمات المتقاطعة وكان امامى لميس بنت جميلة وهادية واخلاقها عالية وكنت معجب بيها وديما كنت بحاول الفت نظرها بأى شكل لكن كانت منفضة ليا لانها خدت بالها من انشغالى بيها بس مش كنت قادر اعرف شعورها ناحيتى ولاقادر افسر معنى نظراتها ليا كل حين واخر حيث كانت من اول حضورنا الى الشركة الى نهاية اليوم وهى مندمجة فى العمل خلافى انا اضيع اغلبية الوقت فى النظر اليها محاولاا تهدئة رغبتى وشوقى لها


وتمر الايام والحال ثابت على ما هو علية مع زيادة حبى ليها مش عارف لية لما فكرت اكلمها او ااقول ليها انى معجب وعايز اراتبط بيها واكون قريب منها يهرب الكلام منى اول ماتيجى عينى فى عنيها بحس انى اتخطفت من دنيتى ورحت لدنيا تانية مع انى استاذ كلام لكن فى ما يخص الحب والمشاعر بكون تلميذ فاشل غير قادر على فعل شىء وابعد عنها وارجع اقعد مع نفسى وافكر فيها وأسأل نفسى لية الحيرة والقلق وخوفى من انى اكلمها دة انا عايزها بالحلال ممكن تكون مرتبطة بس كنت عرفت ممكن ااكون مش على هواها عادى المفروض اجرب لو ليا نصيب فيها هتكون ليا ولو مش ليا نصيب فيها هزعل شوى وبعدها ارضى بالواقع


وفى يوم بعد انتهاء العمل ركبنا اتوبيس الشركة كانت بتجلس فى الكرسى الخلفى لى وكان ديما عينى على المرايا عشان اشوفها مع انها ديما معايا طول النهار فى المكتب الا انى كنت ديما مشتاق ليها وبكون مبسوط وهيا قدام عنيا بحس براحة واحساس مفيش كلمات تقدر توصفة وفجأة بدون مقدمات والاتوبيس ماشى قربت منة سيارة فيها اربع بنات وهات يازمامير وقربت من الاتوبيس لما بقى كل الزملاء عنيهم على السيارة اللى فيها الاربع بنات . السواق من الشباك قال ليهم كدة مش ينفع احنا على الطريق قالت وحدة لية الاستاذ شديد راكب معاك ونبى لو معاك اقف اصل واحشنا اوى وبما ان مفيش فى الاتوبيس بل فى الشركة حد اسمة شديد غيرى كل نظرات الزملاء كانت عليا


وايوة ياعم ماشية معاك ويوقف السواق ويقولى انزل يا استاذ شديد خلصنا من الموقف دة ولما انزل من الاتوبيس البنات كلها هجمت عليا واحضان وبوس وكلام جميل وحشتنا وكان كل دة وعينى على لميس اللى كانت بتبص من تحت لتحت وعمالة تاكل فى نفسها كنت حاسس بيها المهم ركبت مع البنات وكملت مشوارى الى البيت. تانى يوم لما رجعت الشغل كان الزملاء مش مخلصين كلام عليا ولما دخلت مكتبى وعينى جت فى عين لميس اترعبت وخوفت بس سلمت وقعدت فى مكانى وكأن مفيش حاجة حصلت خالص امبارح. قربت منى لميس وقالت ليا يا استاذ شديد ياريت بعد كدة مش يحصل الموقف دة على الاقل قدام الزملاء بعيد عادى حياتك وانت حر فيها ومن جوايا كنت فرحان دى اول مرة تتكلم معايا فى شىء خارج نطاق العمل وتمر الايام ولميس قربت منى اكتر من الاول واتقدمت ليها وخطبتها وحلم حياتى اتحقق

طبعا البنات الاربعة دول كنت كنت مأجرهم عشان يعلمو كدة وكان كل همى لميس تشوفهم عشان لو بتحبنى هتغير عليا ودة اللى حصل اكيد الكل هيبص ليا ويقول مين يرضية كدة
توقيع الغلبان/ شديد ابو حديد

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل