مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الأربعاء، أبريل 01، 2009

نسبنا الحكومة وبقينا قرايب




كنت قاعد بشم الهوى فى جنينة على النيل وقت غروب الشمس اصلى بحب اوى اشوف الشمس وهيا بتغرب كل يوم منظر طبيعى جميل وكل ما هو طبيعى تجد لة فى الحياة شكل ولون وطعم جميل لان الطبيعى ديما يكسب الصناعى مهما كان يحتوى على جمال ومواصفات فهى صناعية معرضة للكسر والاختفاء عكس الطبيعى فهو باقى الى اخر يوم فى الحياة وديما بقول خليك فى الطبيعى تكسب

كان جنبى بنت وست كبيرة خمنت من كلامهم انها امها البنت كانت مكشرة ودمعتها على خدها شدنى المنظر قربت اكتر منهم حبت اسمع واعرف اية الحكاية حب استطلاع مش اكتر رغم انها حاجة مش تخصنى لكن قولت بعد ما شوفت حالة البنت العلم بالشىء ولا الجهل بية ويمكن اقدر اساعد. وجدت الست الكبيرة بتقول للبنت يابت ياعبيطة هيا دى فرصة حد يضيعها من ايدة دة رجل ومستريح يعنى مال وسلطة وهيكون ليكى وضع تانى فى الحياة لما تتجوزية والبنت تقول ليها مش حاسة بقبول ناحيتة ترجع تقول ليها الست الكبيرة

حب اية وبتاع اية يابنت الحب دة كلمة لاهتشرب ولاهتتاكل ولاهتعيشك فى ربع المستوى اللى هتكونى علية لما تخدى الرجل الجامد دة ومش تنسى انة شغال فى مكان يتبع الحكومة يعنى مفيش احلى ولااحسن ولاافضل من كدة ودى فرصة لو ضيعتيها هتندمى عليها بعدين وتقول ياريتنى سمعت كلام امى هنا عرفت ان الست الكبيرة تبقى امها وبتحاول تخد موافقتها على الرجل الجامد اللى شغال فى مكان حكومى يعنى اخد موافقة بالضغط والحنية واللعب بالكلمات وحجة الزمن ومعاك قرش تسوى قرش وان الموضوع لو تم هنكون نسبنا الحكومة

افتكرت مسرحية ريا وسكينة بتاعة شادية وسهير البابلى وعبد المنعم مدبولى وقت لما سكينة خلاص هتتجوز عبد العال اللى شغال فى الشرطة وغنوا اغنية نسبنا الحكومة وبقينا قرايب ومين هيعدينا مين يعنى اصبح الزواج مصلحة فى نظر البعض اصبح مجرد وسيلة للربح والتنقل من مستوى الى مستوى اخر دون النظر الى اى عواطف او مشاعر مع وضع الاخلاق والتدين فى خانة المنسى فى هذا الوقت


قومت بعد غروب الشمس وبصيت على البنت وامها وانا ماشى وبصيت للنيل وقولت اة يازمن بنبيع فية الغالى بالرخيص وبقى فى ناس كتير عندها استعداد تدوس على القيم والاخلاق وتهدم كل حاجة حلوة فى حياتنا وتموت كل ضمير صاحى لسة من اجل المصلحة ولو تاتى عن طريق تدمير الاخرين مين يرضية كدة
توقيع الغلبان / شديد ابو حديد

هناك 64 تعليقًا:

محظوظة يقول...

انا قولت ياخويا اية احكاية نسبنا الحكومة دى ههههههه

بس بجد الناس كدة بتدور على مصلحتها وبس

لو على حساب ناس

سلاموووووووووز

سلوى يقول...

كتير بيفكروا كده
الفلوس بقت كل شئ يا تامر
والأعل بيكونوا فاكرين إنهم كده بيسعدوا بنتهم

ربنا يهدي البنت للي فيه الخير

ليلى حسين يقول...

كل جاجة دلوقتى

تمشى بالفلوس والسلطة

وخلاص اصبحت قاعدة


الناس ماشية عليها

على اساس انها قمة السعادة

وهيا العكس تماما

تحياتى

الفراشة الصغيرة يقول...

ههههههههه
انت مفيش فايده فيك

حشرى كده طول عمرك
ماشى يا شديد
هو بالنسه لموضوع الفلوس
فناس كتير فعلا بقت تحسبها كده
وبقوا بيقولوا
الجنيه غلب الكارنيه

fnoonh يقول...

مين يرضيه كده مين يرضيه
اه ياعيني على الناس الفقر بقى مغرقهم لدرجة انهم مستعدين يبيعوا عيالهم
المستعد يبيع بنته عشان دين مش قادر يسدده والمستعد يبيع بنته عشان يلاقي فلوس تركبه عربية بدل المواصلات البيطحن فيها
الناس فعلا نسيت خالص الدين والاخلاق وياريت نسيتهم ودققت على الحب والمشاعر لا دا لا عد في دين ولا مشاعر
بقى كله فلوس فلوس فلوس فلوس
بجد الفلوس بتعمي النفوس

تقبل تحياتي

Tamer Nabil يقول...

محظوظة

طبعا ناس كدة بتناسب الحكومة عادى ههههه

المصلحة مطلوبة بس تكون فى الطريق الصح

نورتى المدونة

تحياتى

Tamer Nabil يقول...

سلوى

عندك حق فاكرين ان كدة سعادة البنت ولكن لاينظرون سوى الى الفلوس والسلطة لكن مصلحة البنت وعواطفها فى الثلاجة

نورتى المدونة

تحياتى

Tamer Nabil يقول...

ليلى حسين

كلامك سليم دنيا بقت بتاع مصالح وبس ربنا يعدلها

نورتى المدونة

تحياتى

Tamer Nabil يقول...

الفراشة الصغيرة


انتى عارفة بقى ابو اشديد

ههههه

عندك حق ناس كتير بتحسبها كدة

نورتى المدونة

تحياتى

Tamer Nabil يقول...

fnoonh

حكاية ناس كدة بتعشق الفلوس وتحب تجبها بأى طريق لو كان غير شرعى

نورتى المدونة

تحياتى

رؤية يقول...

يمكن
ويمكن
ويمكن يمكن
حد فاهم حاجة
طبعا لا

طيب

سمراء يقول...

اقعدت كتير اقارن بين الغروب والشروق
ولقيت الغروب الشمس فيه بتستخبي وراء كل حاجة او بتنطفي في المية
اما الشروق فصراع بين الشمس والغيوم بين النور والضلمة
وبتنتصر الشمس
وترجع تستخبي وترجع تصارع وتنتصر

سمراء

hasona يقول...
أزال المؤلف هذا التعليق.
يا مراكبي يقول...

وهو من إمتى كان موظف الحكومة كان عريس لقطة كده؟

ده كان زماااااااان

في منتصف القرن الماضي

تخاريف خاصه! يقول...

حد يطووول يناسب الحكومه!!!!!!!!!


بوست جميل...

:)

وردة يقول...

لا طبعا في ناس لسه مينفعش نبيعها
لان الضمير لسه موجود والاخلاق كمان
رغم انها قلة
بس موجودة
ممكن تلاقي ام زي اللي بتحكي عليها من خوفها علي بنتاها شايفة ان مصلحتها في الفلوس
بس لا مصلحتها في زوج يحبها مش يشتريها
مصلحتها في واحد يخاف عليها ويشيلها في عينه مش في الفلوس اللي في جيبه
علي العموم ربنا يرحمنا
سلام

ঔღঔ نـــوارة ঔღঔ يقول...

الموضة دي منتشرة من فترة كبيرررة

محدش بقى يهتم بالاخلاق والدين

اهم حاجة الفلوس حتى لو العريس عنده ميت سنة

كل حاجة بالخناق الا الجواز بالاتفاق

اصعب حاجة الجواز الاجباري

ربنا يفرجها علينا

القمر الساهر يقول...

والله وما علك عليا حلفان

انا كنت لسه بفكر اصرخ على مدونتى الصغيرة النونو واكتب فى الموضوع دة لانه معصبني ورافعلي الضفط

بس بصراحة مدونتى صعبة عليا مش عايزة املاها كاااابة

بجد بجد الجواز بقى مصلحة للبنات وولاولاد

حتى الشاب بقى بيدرو على الدكتورة والصيدلانية علشان تفقف في معمل ولا تفتح صيدلية

يارب ارحمنا

فارس عبدالفتاح يقول...

مجموعة من المدونات المميزة فعلا وموضيعها جديدة

تقبل كل التحية

فارس عبدالفتاح .. قومي عربي

فراشة يقول...

بصراحه ياعم شديد موضوعك المرة دى جامد جدا ومستفز فى نفس الوقت
اصل انا بتنرفز قوى من الاهالى و البنات اللى بيبعوا نفسهم ويقدروا ثمنها بالفلوس والمركز والمصلحة
يعنى هما يخلفوا ويربوا ويتعبوا وفى النهايه يبيعوهم بالساهل كده ده لو كنوز الارض ما تسويش لحظه سعادة فى عيون ابنائهم
حسبى الله ونعم الوكيل
انا عايزة اشوف واحدة بس اتجوزت بنفس الطريقة دى وسعيدة
استحاله وانا قد كلمتى
بس يا عم شديد انت المرة دى الحمد لله ماوقعتش فى مشكلة ولا حاجه
والله وانا بنقرا قلت بقه حتدخل فى الكلام مع البنت ومامتها وممكن مامتها تقوم معاك بالواجب
بس عديت على خير
هههههههههه
تحياتى لموضوعات المتميزة

Tamer Nabil يقول...

رؤية

يمكن صح ويمكن غلط

ويمكن مش عارف هههه


نورتى المدونة

تحياتى

Tamer Nabil يقول...

سمراء

كلامك صحيح

واتفق معاكى فية

بين الغروب والشروق يوجد الكثير

نورتى المدونة

تحياتى

Tamer Nabil يقول...

يا مراكبي

انا معاك

بس المقصود بالحكومة هنا مع كلمة سلطة حاجة اكبر من موظف حكومى

نورت المدونة

تحياتى

Tamer Nabil يقول...

تخاريف خاصه

هههههههههه

على رايك حديطول

بس احيانا النسب يجيب المشاكل

نورتى المدونة

تحياتى

Tamer Nabil يقول...

وردة

كلامك صحيح

الدنيا لسة بخير وفيها الطيب والامين والقلوب الناضجة

وزى ما قولتى البنت محتاجة واحد يخاف عليها يحبها يكون سند ليها مش يشتريها

نورتى المدونة

تحياتى

Tamer Nabil يقول...

ঔღঔ نـــوارة ঔღঔ

ملامك صحيح

الجواز لو تم بدون رضا اى طرف لن يون زواج ناجح ومهما مر علية من ايام محكوم علية بالفشل

نورتى المدونة

تحياتى

Tamer Nabil يقول...

القمر الساهر

انتى اهتمى بالمدونة

اكيد زى ما فى ناس كل همها الفلوس وبس فى ناس اهم عندها الاخلاق والدين ورضا ربنا عليهم

مهما نشوف فى الدنيا من مصاعب لسة هى بخير لان فيها الطيب والامين

نورتى المدونة

تحياتى

Tamer Nabil يقول...

فارس عبدالفتاح


ربنا يخليك اخى فارس


نورت المدونة

والى مزيد من التواصل بينا
ان شاء الله


تحياتى

Tamer Nabil يقول...

فراشة

عندك حق حاجة تحزن لما يكون اهم حاجة عند الانسان الفلوس والسلطة ولو يملكها عن طريق هدم سعادة الاخرين

لاشديد المرة دى بعد عن البنت كان بيسمع بس اصل لو دخل فى الكلام

كانت الام زى ما قولتى قامت بالواجب ومش بعيد كانت ترمية فى النيل هههه

نورتى المدونة

تحياتى

Amira يقول...

كل حاجة دلوقتى مرتبطة بالفلوس لدرجة الناس بقت تفضلها عن اى حاجة

والاخلاق والدين اصبحت غير مهمة

مش عارفة لية الانعكاس دة

تحياتى

شربات يقول...

حب المال والسلطة

موجود من زمان فى قلوب الناس

وفى ناس اصبحت عبيدة للمال والسلطة

ولو على حساب الاخرين ياتى

تحياتى

بنوتة يقول...

بجد زعلت اوى من موقف الام دى البنت مش عايزة الرجل

وهيا تغصب عليها

يعنى لو اتجوزت بدون رضاها ازى تكون حياتها

تحياتى

SaRa يقول...

المثل يقول كل شىء ممكن يكون بالخناق الا الجواز بالاتفاق

مهما كان العريس مدام البنت لاتحس بشىء اتجاهة يبعد مفيش نصيب لان اجبار البنت على الزواج من رجل لاتحبة تدمير ليها

تحياتى

شمس يقول...

التفكير فى المادة

اصبحت لغة العصر دة

والناس ماشية مع الموجة

تحياتى

Tamer Nabil يقول...

Amira

عشان مفيش قرب من ربنا ولااهتمام بدين ولاسنة نبينا الكريم علية الصلاة والسلام


نورتى المدونة

تحياتى

Tamer Nabil يقول...

شربات

محبين المال فعلاا موجودين من زمان لكن كترو اوى الايام دى

نورتى المدونة


تحياتى

Tamer Nabil يقول...

بنوتة

معاكى فى كلامك حاجة تحزن

البنت لو اتجوزت بدن رضاها الحياة مدمرة لاشد فى الكلام

نورتى المدونة


تحياتى

Tamer Nabil يقول...

SaRa

كلامك سليم سارة

حياة مدمرة اكيد لان مفيش قبول بين الطرفين

نورتى المدونة

تحياتى

Tamer Nabil يقول...

شمس

ودة اللى مودى الناس فى داهية انها تمشى مع اى موجة دون تفكير فى النتائج

نورت المدونة

تحياتى

Tamer Nabil يقول...

شمس

ودة اللى مودى الناس فى داهية انها تمشى مع اى موجة دون تفكير فى النتائج

نورت المدونة

تحياتى

koketa يقول...

السلام عليكم
ماششاء الله عليك يا تامر وعلى كل كتاباتك جميلة جدا
انا اخدت جولة على السريع كدا فى المدونة وقريت البوست الاخير
بص هو بالنسبة للجواز الاهل والام بالخصوص بتبقى عايزة بنتها تتجوز راجل معاه فلوس اوغنى علشان تعيش مرتاحة وهى ميتفكرش فى اى حاجة وقتها غير انها تبص على الحياة وتششوف الناس عايشة ازاى وتبقى عايزة بنتها تكون احسن واحدة وبتفتكر ان الفلوس ممكن تسعدها لانها هتخرجها من ارهاق متطلبات الحياة لكن ده طبعا تفكير غلط عند بعض الامهات
ربنا يستر ها علينا وعلى اخلاقنا وتصرفتنا
شكرا ليك

ألآسطى بلية يقول...

صحيح الفلوس مهمة بس مش لدرجة ان الواحد يضحى بكل حاجة عشان يحصل عليها يعنى البنت لية يجبروها على واحد مش بتحبة

عشان فلوسة وسلطتة ظز فيهم

تحياتى

بنوتة مصرية يقول...

sorry No comment u know what I want 2 say on ur blogger
u know my Personal opinion
in appropriate to choose a husband

الدنيا واسوتها / جيهان يقول...

يعنى خلاص هو دة الرجل

اللى مفيش قبلة ولابعدة مجرد انة واصل ومرتاح

تضيع البنت وتروح فى داهية

تحياتى

Beautiful girl يقول...

المادة والسلطة مهمين

لكن عندما لاتشعر البنت بمن يملكها هنا البعد مطلوب

افضل من حياة شبة ميتة

تحياتى

$ سهى $ يقول...

والله مو اصعب على البنت

تخد زوج ما تحبة كيف راح تعيش معاة وتكمل حياتها وهى حزينة عديمة الاختيار من البداية

الله يعنيها
تحياتى

حاجات جوايا يقول...

للاسف فعلا احنا بقينا فى زمن مااااااااااااادى جدااااااااا

كله بيفكر فى المادة

كله بيدوس عالمشاعر .. عالحب .. عالاحلام
وهما دمعتين بينزلوا وخلااااااص
وكل واحد يدور على مصلحته

خالص ودى
سالى

Tamer Nabil يقول...

koketa

ربنا يخليكى تسلمى

اشكرك على كلامك الجميل

انا معاكى فى كلامك

هو كل هم الام حياة طيبة للبنت تكفيها كما تريد ولكن لم تنظر الى المشاعر والعواطف وما تريدة البنت

ربنا يصلح الحال

نورتى المدونة

تحياتى

Tamer Nabil يقول...

ألآسطى بلية

عندك حق فى كلامك

مفيش اهم من راحة البال

ومفيشافضل من الزيجة البنية على الحب وليس المصلحة

نورت المدونة

تحياتى

Tamer Nabil يقول...

بنوتة مصرية

انا روحت ورديت تانى عندك وانا فاهم انك تقصدى عريس بالتفصيل والمعنى منها اية

دة حق للطرفين

نورتى المدونة


تحياتى

Tamer Nabil يقول...

الدنيا واسوتها / جيهان


طبعا فيى احسن وافضل منة الاهم رضى البنت لان الزواج بالعافية بهدلة وحياة غير سعيدة

نورتى المدونة

تحياتى

Tamer Nabil يقول...

Beautiful girl

عندك حق فى كلامك

ويارب كل اسرة تفهم كدة وتقدر مشاعر بناتها

نورتى المدونة

تحياتى

Tamer Nabil يقول...

$ سهى $

معاكى حق

هتكون حياة غير سعيدة لانها مبنية على المصلحة وليس الحب

نورتى المدونة

تحياتى

Tamer Nabil يقول...

حاجات جوايا


كلامك سليم

بس اولها دمعتين وياعلم اخرتها اية اى علاقة بين طرفين لايوجد فيها حب وتفاهم هى علاقة محكوم عليها بالفشل

نورتى المدونة

تحياتى

د/أبويحيى وادم يقول...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

A.SAMIR يقول...

اعتقد يا تامر ان الحكومة دلوقتي من مخبر وانت طالع
وكل دة بيتسمى حكومة
ياااااااااه
هو احنا بقينا رخاص قوي كدة
حتى بناتنا بقوا رخاص علينا قوي كدة؟؟؟
يا ساتر

amro يقول...

تحباتى تامر
وارجو ان تكون بخير

Tamer Nabil يقول...

د/أبويحيى وادم

وعليكم السلام ورحمة الله وبركاتة

اهلا بيك اخى العزيز ابويحيى.

ان شء الله قادم اى مدونتك

نورت المدونة

تحياتى

Tamer Nabil يقول...

A.SAMIR

كلامك صح من مخبر وانت طالع حكومة يعنى سلطة

الناس اصبحت مش مهم عندها تبقى رخيصة المهم تحصل على المال والسلطة

نورت المدونة

تحياتى

Tamer Nabil يقول...

amro

الله يسلمك انا بخير

انت اخبارك اية

نورت المدونة

تحياتى

أحلى حياة يقول...

السلام عليكم ورحمة الله وبركاته

عجبتني وشدتني اوي اخر فقره في البوست بتاعت البنت ومامتها دي والحوار اللي دار بينهم
وكمان راي وتعليق حضرتك على الحوار دا
مش عارفه ليه حسيت انه لسان الكثيرين اليومين دول
مجرد احساس مش عارفه ايه مصدره بصراحه
عموما، تحياتي لحضرتك على الاسلوب والكلمات المعبره دي
:)

أحلى حياة يقول...

عفوا
يظهر اني سرحت
:D
اقصد البوست كله بقى لان البوست كله بيتكلم عن كده مش اخر فقره بس
:)))

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير