recent

آخر الأخبار

recent
recent
جاري التحميل ...
محظوظةيقول...

شباب كتير ضاع وراح فى البحر ورغم كدة كتير تانى بيحاول

عشان مفيش فرص فى البلد اللى عايش فيها

الشاب هيغمل اية بس

ربنا معاهم

سلاموووووووووووز

Amiraيقول...

كل حاجة بقت واسطة وبالمعرفة واللى جاى من فوق مفيش عدل والناس اصبحت طبقات

تحياتى

SaRaيقول...

بجد حزينة من الى بسمع عنة وبشوفة فى بلدى

الحياة فى بلد ان لم تكن متساوية اصبحت عذاب

تحياتى

شمسيقول...

لو كل بلد توفر حياة كريمة للشعب عمرة ما هيفكر يسافر ويسيب البلد ويخاطر بحياتة

عشان مستوى معيشة افضل

تحياتى

شرباتيقول...

دة حال الشباب

وحال صعب ممكن يكون السبب الزيادة السكانية زى ما بيتقال بقى ههه

تحياتى

Tamer Nabil Moussaيقول...

محظوظة


بجد هيعمل اية وكل الابواب مغلقة قدامة ومفيش غير السفر ولو عن البحر

نورتى المدونة

تحياتى

Tamer Nabil Moussaيقول...

Amira

الناس بقت طبقات والواسطة والكوسة شعار هذة الايام

نورتى المدونة

تحياتى

mahasen saberيقول...

الظروف والناس والمجتمع ابو واسطه تكاتفوا على شبابنا فطبيعى تلاقيه بيفضل الموت فى فك سمك القرش ولاا انه يعيش ميت فى بلده

ااقول لابو شديد حمدالله على السلامه ونورت بلدك المنوره بالكهربا

Tamer Nabil Moussaيقول...

SaRa

واى عذاب دة عذاب الموت الاسم عايش ولكن العكس تكون حياتى

نورتى المدونة

تحياتى

Tamer Nabil Moussaيقول...

شمس

دة لو ياصاحبى

ياريت يكون كدة الحال تفرق كتير

نورت المدونة

تحياتى

Tamer Nabil Moussaيقول...

شربات

هههههههه

دى الحجة اللى شغالين عليها من ضمن الحجج الموجودة وما اكثرها

نورتى المدونة

تحياتى

Tamer Nabil Moussaيقول...

mahasen saber

عندك حق فى كلامك

ظروف مع الواسظة والكوسة شعار الايام دى

ربنا يصلح الحال

نورتى المدونة

تحياتى

طوبه فضه وطوبه دهبيقول...

بجد دى بقت مشكله جيل بحاله مش شاب ولا اتنين ليس بايدينا الا ان نصلح من احوالنا وندعى الله ان يصلح ما بقى لنا من خير فى تلك الظروف الصعبه موضوع جديد ومهم تسلم ايدك

شرباتيقول...

على رايك تامر

لو على الحجج مش تعد كتير

ربنا معانا

تحياتى

$ سهى $يقول...

كتير بيزعل لما يكون حال شباب الامة مو زين

احكومات الدول عليها دور فى تخليص شبابها من عاطل

تحياتى

مجرد انسانيقول...

مشكلة جيل كامل البطالة اصبحت فى المجتمع غم وهم على الشباب وياريت الحكومة تفكر فينا زى ما بتفكر فى رجال الاعمال

تحياتى

Tamer Nabil Moussaيقول...

طوبة ذهب وطوبة فضة

عندك حق مشكلة جيل بحالة

ربنا ويانا كلنا

اشكرك على كلامك

نورتى المدونة

تحياتى

Tamer Nabil Moussaيقول...

شربات


ايوة والله الحجج كتير

وكل ثانية حجة جديدة

نورتى المدونة

تحياتى

Tamer Nabil Moussaيقول...

$ سهى $

كلامك زين وتمام

بس تقولى لميت ياسهى

نورتى المدونة

تحياتى

Tamer Nabil Moussaيقول...

ياسمين

تعرفى لو تفكر فينا ربع ما بتفكر فى رجال الاعمال حالنا هيكون فل

نورتى المدونة

تحياتى

يا مراكبييقول...

كويس جدا إن بطل قصتك ده وصل سليم أصلا .. ده إحتمال نادر جدا دلوقت

ألآسطى بليةيقول...

البطالة دى ازمة عايزة حل بجد

مش معقول الواحد يتخرج ويعقد فى البيت طيب البنت تستنى العدل احنا نستنى مين هههههه

تحياتى

لسة نونةيقول...

كويس ان شديد سافر بسلام ورجع

كتير مش بيرجع

ان شاء الله حال البلد يكون كويس

تحياتى

بنوتةيقول...

كل حاجة بقت واسطة وبالمعرفة واللى جاى من فوق مفيش عدل والناس اصبحت طبقات

تحياتى

رؤيةيقول...

شىء مؤلم
واصبح الانسان بلا دية
وارخص من تراب الارض

وحسبنا الله ونعم الوكيل

فراشةيقول...

ههههههههه
اهلا اهلا عم شديد عوداً حميداً لمصايبك المتعددة
الاول حمدالله على السلامه رجوعك لبلدك ده على اساس انك سفرت ماشى و13 سنه كمان ماشى يا عم
طبعا انا مش موفقاك فى اللى عملته مهما قست الظروف ومهما ضغطت علينا الايام
ده بيبقى ابتلاء من ربنا بيشوف مدى صبرنا
هل حنسلم للايام وزى ما تودينا وتخلينا نغلط تحت اسم يعنى حنعمل ايه
ولا حنصبر وندعى ونأخد بالاسباب
نفسى الشباب كلهم يفهموا قصدى والله بالصبر والتمسك بقييم ديننا وبالدعاء والاجتهاد ربنا حيفرجها
بس لما نقول كده يقولوا اللى ايده فى المايه مش زى اللى ايد فى النار
بس نار دنيا ولا نار آخره
المهم انا مبسوطه قوى بطموحاتك واحلامك فى مساعدة الشباب ويارب تحققها
يابختك ياعم ساعتها ثوابك ملوش حدود
معلش يا عم شديد طولت عليك بس فكرك بيعجبنى وقلمك رائع
تحياتى لك يا تامر دومت مبدعا

Tamer Nabil Moussaيقول...

يا مراكبي


عندك حق الاغلبية بتموت فى البحر ربنا معانا ومع كل الشباب

نورت المدونة

تحياتى

Tamer Nabil Moussaيقول...

ألآسطى بلية

احنا كمان بقى نستنى العدلة ياهانى ههههه

هنعمل اية يعنى

نورت المدونة

تحياتى

Tamer Nabil Moussaيقول...

ألآسطى بلية

احنا كمان بقى نستنى العدلة ياهانى ههههه

هنعمل اية يعنى

نورت المدونة

تحياتى

Tamer Nabil Moussaيقول...

لسة نونة


يارب يكون الحال كويس على طول ويدوم ادعى معانا نونة

نورتى المدونة

تحياتى

Tamer Nabil Moussaيقول...

بنوتة

الناس بقت طبقات والواسطة والكوسة شعار هذة الايام

نورتى المدونة

تحياتى

Tamer Nabil Moussaيقول...

رؤية

عندك حق فى كلامك

وانا معاكى

حسبى الله ونعم الوكيل

نورتى المدونة

تحياتى

Tamer Nabil Moussaيقول...

فراشة

الله يسلمك هههه.

بجد كلامك صحيح واتفق معاكى الواحد لازم يصبر ويحاول يجتهد والانسان طول ماهو قريب من ربنا ربنا هيكرمة

بس فى ناس مش بتقدر تستحمل وبتخد اسهل الحلول ولو كانت خطيرة


اشكرك على كلامك تسلمى

نورتى المدونة

تحياتى

ماما عبيريقول...

الظروف والناس والمجتمع ابو واسطه تكاتفوا على شبابنا فطبيعى تلاقيه بيفضل الموت فى فك سمك القرش ولاا انه يعيش ميت فى بلده

بنت البلديقول...

الله يرحم شهداء البحر

ويعين البقى

تحياتى

mohamedيقول...

بارك الله فيك المواضيع هادفة جداو احب ان اشارك معك بالموضوع الاتى
www.abccompulearn.blogspot.com

el7osiny3يقول...

مجهود رائع
http://www.tay4tech.com
http://www.e-comegypt.com
http://www.arabinter.com
http://www.arabinter.net
http://www.amcomed.com

تجار البحر وتجار المال




رجعت اخيرا الى بلدى رجعت الى دنيتى رجعت الى ناسى واهلى رجعت بعد غربة وغياب 13 سنة ياة عمر تانى رجعت بكل شوق وحنين . يوم حضورى الاول اول ما نزلت من الطيارة بوست الارض اللى اتحرمت منها 13 سنة وحمدت ربنا على رجوعى ليها الانسان فينا مش بيعرف قيمة شىء الا بعد ما يغيب عنة ودة حسيت بية وانا فى غربتى كنت ديما بفكر فى بلدى وكل مافيها كانت واحشنى وشوقى ليها ما انتهى لحظة فى غربتى

عمرى ما حبيت السفر ولافكرت فية رغم ظروف الحياة الصعبة اللى كنت بمر بيها بعد تخرجى اصبحت مجرد شاب عاطل انضم الى قافلة العاطلين فى البلد حاولت ادور على شغل كتير لكن ديما كانت الابواب مغلقة حتى يوم ما وجدت اعلان فى جرنال ومطلوب التخصص بتاعى فرحت وجريت وحضرت ورقى ورحت اعمل مقابلة ونجحت فى الاختبار وكنت رقم واحد على المجموعة الموجودة يعنى خلاص هتعين وهحصل على الوظيفة لكن حصل غير كدة واتعين اقل واحد فى المجموعة ومشيت وانا حزين محطم خصوصا بعد ما ميل عليا سكرتير المكتب وقال ليا انت افضل واحسن واحد فى المجموعة بس فلان تعينة جاى من فوق مش تزعل وربنا يوفقك فى مكان تانى

حتى الانسانة اللى حبتها وحبتنى سبتنى مع اول عريس جاهز اتقدم ليها ومع ظروفى الصعبة واللى مريت بية فى يوم كنت بتابع جرنال وجدت خبر عن موت الكثير من شباب بلدى فى البحر وهم على مركب بيحاول الدخول بيهم الى ارض اجنبية ارض الاحلام الوردية اللى الكل بيحلم بيها رغم بشاعة ما قريت اول مرة افكر فى السفر ومن هنا ابتديت احاول وابحث عن طريق اسافر منة واروح الى ارض الاحلام الوردية عشان احقق اللى بحلم بية وماعرفتش اعملة فى بلدى

اول حاجة روحت سفارة بلد الاحلام الوردية للحصول على التأشيرة للدخول ليها بالطريقة الشرعية معتمد على خبرتى فى تخصصى كما اانى اتكلم اكثر من ثلاث لغات خلاف لغتى الاصلية ولكن جاءت المحاولة بالفشل ولم احصل على تأشيرة الدخول رجعت وانا محطم اكثر ما انا محطم وهنا فكرت فى السفر عن طريق الهروب مع تجار البحر برغم ما سمعت وقرات عن الحوادث التى تحدث ولكن كان لايوجد طريق اخر كان مطلوب مبلغ كبير بالنسبة لشاب مثلى لايملكة رغم خوف والدى عليا الا انة ساعدنى بجزىء واستلفت باقى المبلغ من احدى جيرانى

وركبت المركب وكان معى حوالى 20 شاب اخرين من بلدى من محافظات مختلفة وكان معنا 4 اخرين من تجار البحر واللى هما مسئولين عن توصيل المركب قرب شاطىء ارض الاحلام الوردية وكان كل منهم يحمل سلاح وتحرك المركب ودخلبنا الى اعماق البحر والى رحلة لااحد فينا يعلم كيف تنتهى بينا عدت اول ليليتن بخير وفى الثالثة قرب الوصول الى اقرب مسافة للشاطىء للنزول بالبحر سباحة الى الشاطىء حيث كانت المسافة حوالى 200 متر على عمق رهيب وجدت البحر من ليل اسود الى ضوء رهيب وكان النهار جاء فى غير وقتة وسمعت انزار من شرطة سواحل بلد مدينة الاحلام الوردية وهنا تجار البحر امرو الجميع بالنزول الى البحر والذهاب الى الشاطىء وحدث ما حدث وحصل ضرب نار بين الشرطة وتجار البحر ونحن فى البحر نحاول ونحارب مع الموج العالى وضرب النار وخوفا من القرش والاسماك المفترسة الاخرى

وصلت الى الشاطىء بعد ساعتين مما حيث وجدت معى اثنين اخرين من ركاب المركب ولااعلم اين ذهب الباقى هل تم القبض عليهم ام ماتو بالرصاص او الاسماك افترستهم كان لايوجد وقت للتفكير وجرينا نحن الثلاثة وخرجنا من الشاطىء الى المدينة وتفرقنا نحن الثلاثة بعد دخول المدينة ايضا وكل منا يحاول ان يجد طريقة للحصول على ما اتى من اجلة معرض حياتة للخطر ولكن ما كان فى اختيار اخر بعد ما راينا فى بلدنا من عدم وجود فرص عمل وان وجدن فهى براتب لايكفى اسبوع واحد اما الوظائف براتب عالى فهى من اجل اللى فوق واللى واصل لاغير
وبعد الرجوع الى بلدى اللى بحبها رغم اللى شوفتة فيها لان العيب مش فيها العيب فى الظروف والتى خلقتها بعض الناس التى لاتعرف غير حب المال والسلطة ولكن محاولة خلق فرص عمل متساوية للجميع هى من المحرمات والتى يجب البعد عنها بفكر اعمل مشروع كبير فى بلدى واعين شباب كتير احاول اخفف على قدر المستطاع من طابور العاطلين بس يارب ما يوفقنى الروتين ورجال تدمير المشاريع الناجحة ان لم تمشى على هواهم دمروها مين يرضية كدة
توقيع الغلبان / شديد ابوحديد

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل