فى يوم من الايام وانا رايح الشغل وجدت بقرب احدى طرق السريع قطتين صغرين خالص يادوبك لسة عيونهم مفتحة وغير قادرين على الحركة والتراب مليهم واستغربت لان مش ممكن القطة امهم تكون ولدتهم هنا بجوار رصيف السريع فعرفت وباالتخمين انهم وحدهم ولايوجد لهم ام قد تكون ماتت او او تم سرقتهم منها.
بجد حسيت انى مسئول عنهم وقررت اخدهم معايا الشغل وانا مروح اخر النهار اخدهم على البيت.روحت الشغل وانا شايلهم والكل عمال يبص ليا ويضحك واللى يعرفنى يقول اللى جاب ليك يخليك نفضت لكل دة وفتحت مكتبى وحطتهم فية وابتديت انظف فيهم
جبت ليهم لبن وحطيتة فى علبة زبادى فارغة لكن وجدت ان القطط رغم انها جعانة الا انها لم تفطم بعد وغير متعودة على الاكل من الاطباق . بعد الشغل جبت ليهم لبن ومعة ببرونة بتاعة الاطفال وحطيت اللبن فيها ومسكت وحدة وحدة بايدى وجدتها بفت تشرب من البررونة وفضلت اكلهم كدة لحد ما الققطتين بقوا كبار الى حد ما وابتديت احط ليهم اكل فى الاطباق
ورغم انهم بقو اشقية جداا وطماعين والسبب انا بعد مرحلة الفطام ايتديت احط ليهم لانشن وفراغ وعظم وبواقى لحوم واستحالة لو اية تحت ليهم اى اكل غير اللحوم وياكلوها متربين على العز بقى ورغم انهم بلدى الا انى اكتشفت ان تربية الحيوان منذ الصغر فى المنزل مفيدة فى تعليمة كل حاجة انت عايز تعلمها ليهم
وبقت من وقتها اول ما ارجع من الشغل افتح الباب تجد طوفان النونو يجرى عليا وقبل ما اغير هدومى يكون الاكل على السفرة الارضية الخاصة بيهم فى البيت عندى يقولوا يا ابنى اجوز وشوف بنت الحلال اللى اتريحك بدل القطط دى اللى واكلة دماغك اضحك واسكت.
يعنى اعتبر نفسى اول تعليق
ولا اييه النظاام
حلو انك تكون
اول زياااااره
وتعمل احتلالات ههه
سعيدة جدا بزيارة حضرتك للمدونة
ودا شرف ليا انها تنال اعجاب حضرتك
اروح اقرأ
واجى
فااصل قصير ونواصل
الله
انا بمووت فى القطط
ربنا يخليك والله
وهيكرمك على اللى عملتوا
دا انا من كتر ماربيت قطط الشارع
بقوا يجيبوا بعض ويقعدوا
قدام الباب يستنوا الاكل
اصلى مكنتش ادخلهم
مامتى مكنتش بترضى
كنت اطلع ااكلهم فى الخباثة وادخل
ههههههههه
نو نو نو نو
دى اخره اللى يربى قطط ويفتح ليها مدونته
نونو احنا هنا وعاوزين لبن وشيكولاته وجبنه رومى
جميل ان الانسان يعطف ويهتم
بالاخرين لو كان حتى حيوان
تحياتى
همســات عــلى ضــوء الــقمر
اهلاا بيكى فى مدونتى نورتى والله
احتلال احتلى المدونة بس بلاش اللى فيها هههه
والله كلامك سليم وبعدين القطتين صعبو عليا لانهم صغرين ومش قادرين يحموا نفسهم ولا فضلو كدة هيموتوا
نورتى المدونة...
مع خالص تحياتى
Saso
لبن وشكولاتة وجبنة رومى اية الطمع دة ههههه
طيب اختارى ياقطة حاجة وحدة بلاش طمع بقى هههه
نورتى المدونة
مع خالص تحياتى
Amira.
العطف ومساعدة المحتاج الغير قادر حاجة مهمة ومطلوبة من كل انسان
مع خالص تحياتى
ماشاء الله تبارك الله ده يدل على صبرك وطول بالك
اعتقادي انك هتكون اب ناجح باذن الله يلا تشيل شوية عن زوجتك المستقبليه هههههههههه
بس كويس والله الرأفة بالحيوان جميلة جدا
ربنا يخليهم لك
انا بحب القطط جدا بس للاسف مش بحب اربيهم احب اشوفهم من بعيد بس لاني من النوع البيخاف يلمس اي حيوان او طائر
دمت بكل خير
افنان
:)فعلا اللى جابلك يخليلك
أحييك على موقفك تجاههم
رغم حبى للقطط وتربيتى السابقة لهم الا انى لم اكن اجرؤ ان احملها وهى صغيرة لارضعها من الببرونة وخاصة انها فعلا كانت مغمضة
لما كبرت شوية وفتحت وعرفت تأكل نفسها بقينا اصحاب:)
ولما ماتت زعلت عليها جدا
جميل عطفك ياتامر
بجد علية ثواب كبير
ابقى سلم ليا عليهم الحلوين
تحياتى
ازيك ياعم تامر
بجد جزاك الله خيرا
الرأفة بالحيوان
جميلة وتدل على طيبة قلبك
تحياتى
كنت احترم فيك شخصك
واحترم قلمك
واحترم ذوقك واخلاقك
وزاد احترامي لعطفك ورحمتك
انا احب الحيوانات واعشق القطط
فالحياه خاليه من غير حبيب قلبي بوسبس قطي :)
شكلك طيوووب اووي
يابختك بيهم انا بحبهم اووي لكن من بعيد لبعيد بخاف منهم نوعا ما:]
جميل جدا معاملتك الرقيقة للقطط
دمت بود
ربنا يكرمك
انت عامل متلى بالظبط انا كده والله
وبحبهم وبربى قطط بالبيت وبيتقالى نفس كلامك
كلنا فى الهوى سوى
جزاك الله كل الخير
الرفق بالحيوان شىء جميل يعنى مثلا
ابو هريرة اكبر راوى للحديث عن الرسول صلى الله عليه وسلم
سمى ابو هريرة لأنه كان لديه هرة صغيرة يضعها فى كمه ويحملها معه
جزاك الله خير الجزاء
هههههههههههههههههههههه
والله
غنته إنسان يا أخى
فعلا مينفعش لك غير كلمة إنسان عنده مشاعر وإحساس ويعرف ربنا
واحد تانى بيسيبهم ويجرى
وانته اخدتهم وربيتهم
بجد ربنا يبارك لك ويجازيك كل خير
فاكر منظرهم لما كانوا فى الشارع
دا نفس احساس الطفل اليتيم
حاول تقف جمب اى يتيم تلاقيه فى حياتك
وحاول توجهه وتساعده
اكيد هتبقى فى الجنه
مع احترامى طبعا انا حاولت اربى قطط زمان كنت هرمى نفسى من البلكونة بس ربك ستر
تحياتى
ومتنساش تفكر فى موضوع الجواز
:P
شاب فقرى
هههههههههههههههههه
مش عيب انك تحب قطة برضه
السلام عليكم ورحمه الله وبركاته
جزاك الله كل خير على هذا العمل الرائع وباذن الله يكونوا سبب فى دخولك الجنه
نريد رايك فى حوار بين مصرى وجزائرى بخصوص مباراه كره القدم على الرابطه
فى انتظارك رأيك يهمنا
اسره رابطه هويتى اسلاميه
اناااااااااااا
بعشق
نونوة القطط
انا بحب القطط جدااااااااااا
البوست ده عجبني اوي
بجد ربنا يكرمك بحق الخير اللي عملته معاهم يا تامر يارب
ربنا يملا قلبك حنية أكتر ... ويعوضك خير ياااارب
وكمان صورتهم دي مالهم واخدين المكان كله كده لييييه
ههههههههههه مبسوطين طبعا ... ربنا يبسطك بيهم ياارب
ربنا يكرمك على حنانك على حيوان ما يملكش من امره شىء ويجعله فى ميزان حسناتك وربنا يكرمك ببنت الحلال اللى تتعطف عليك ذى ما انت اتعطفت على القطط الجميله دى وتملى حياتك وتكون احلى قطه فى الدنيا
انا بحب القطط
اووى
كلك حنية والله
تحياتى
:)
بحب القطط بس بخاف منها
احلى احساس ..لما تكون مربي اي كائن ومتعلق بيك اوي..واول لما ترجع البيت تلاقيه جاي لك ..
بجد احساس رهيب
وربنا يجازيك كل خير على عطفك ورعايتك لهم
العزيز تامر نبيل
ارجو المعذرة عن غيابي القهري والغير مقصود واللهي
وانت من المدونين الذين أتذكرهم دائماً لأنك كتب وأنت على طبيعتك اي السهل الممتنع
والحقيقة تلك التدوينة تحمل الكثير بل تعكس مدى إنسانيتك العالية والراقية في الحنو والعطف والشفقة على حيوان ضعيف برئ
الحمد لله الدنيا لسه بخير واللهي
اتمنى أن أشوف أيضا تلك الصورة الجميلة بين شعب مصر القاىدر وغير القادر الغني والفقير
تمنى لشعب مصر كله تكاتفه
الحقيقة انت صورة جميلة من أبناء شعب مصر الرائعة المعطاءه
تحياتي
حسن أرابيسك
تمام ياتامر
بجد حاجة جميلة االى عملتها مع القطط دى
تحياتى
ماشاء الله عليك استاذ تامر بجد انت قلبك طيب وكبير
جزاك الله خيرا
تحياتى
نسيت اسال حضرتك
هيا الصورة اللى بالبوست هى دى القطط بتاعتك
تحياتى
بجد عمل نبيل جدا
اسم على مسمى
:-)
وممكن جنب تربية القطط تتجوز برضه .. ولو ان تربية القطط أفيد
هههههههه
fnoonh
ربنا يخليكى فنون على كلامك الطيب
ربنا ينور طريقنا للخير ديما.
الخوف من الحيوان موجود فى قلوب كتير من الناس بس ممكن تتغلبى علية
مع خالص تحياتى
موناليزا
البررونة كانت الحل الوحيد عشان تعيش القطتين لحد ما يكبروا
معاكى حق بعد مايعيش الحيوان معانا فترة كبيرة ويموت بياثر فينا
مع خالص تحياتى
شربات
يوصل السلام
الف شكر ليكى
مع خالص تحياتى
شمس
ربنا يخليك ياصاحبى على كلامك الجميل وربنا ينور طريقنا دائما
مع خالص تحياتى
شمس
ربنا يخليك ياصاحبى على كلامك الجميل وربنا ينور طريقنا دائما
مع خالص تحياتى
ساره
ربنا يخليكى سارة على كلامك الطيب
معاكى حق تربية الحيوان الاليف تعطى لنا احساس اكثر من رائع
مع خالص تحياتى
ঔღঔ نـــوارة ঔღঔ
ربنا يخليكى
صعبوا عليا منظرهم كان صعب اوى فى شارع كلة عربيات
مع خالص تحياتى
الأحــــــ إيناس ــــــزان
وجزاكى خيرا ايناس
هنعمل اية تربية الحيوان جميلة الى ان تاتى الزوجة بقى ههههه
مع خالص تحياتى
Dr Ibrahim
ربنا يخليك ياصاحبى
وجزاك الله خير
مع خالص تحياتى
شاب فقرى
كان منظر صعب بجد
ويخلى اى انسان قلبة يحن ويرق ويعطف عليهم
كلامك صح عن اليتيم يكاد يكون نفس المنظر
طبعا هفكر بس تيجى اونا اجوز بنت الحلال
مع خالص تحياتى
مدحت محمد
ولاعيب ولاحاجة.
لحد مااجد بجد احبها هههه
مع خالص تحياتى
رابطة هويتي اسلامي
ربنا يخليكم تسلموا
وان شاء الله همرر عليكم واقول راى
مع خالص تحياتى
mimi
طبعا بقى مبسوطين نايمين على السرير بتاعى وانا نايم على الكنبة ههههه
مع خالص تحياتى
mimi
طبعا بقى مبسوطين نايمين على السرير بتاعى وانا نايم على الكنبة ههههه
مع خالص تحياتى
طوبه فضه وطوبه دهب
ربنا يخليكى تسلمى
ويارب يوعدنا بقطة جميلة وطيوبة
مع خالص تحياتى
بنوت
ربنا يخليكى الف شكر
مع خالص تحياتى
شريكة في المطعم
عندك حق احساس لايوصف بجد
ربنا يخليكى
مع خالص تحياتى
حسن ارابيسك
اهلا بيك دائما ياصاحبى منور مدونتى دائما والله
ربنا يخليك تسلم على كلامك الطيب
مع خالص تحياتى
دكتور لغة العيون
ربنا يخليك
مشكورر
مع خالص تحياتى
لسة نونة
ربنا يخليكى تسلمى
وجزاكى الله خيرا
ايوة هيا دى القطتين بتوعى
مع خالص تحياتى
يا مراكبي
ربنا يخليك تسلم ياصاحبى
طبعا تربية القطط افيد اسال مجرب ههههه
مع خالص تحياتى
إرسال تعليق