recent

آخر الأخبار

recent
recent
جاري التحميل ...
محظوظةيقول...

الف الف الف مبررررررررررررررررروك


لمصر

محظوظةيقول...

فرحانة اوى.

كنت هتجنن والماتش قرب يخلص ولسة بس الحمد الله.


وحمد الله على سلامة العريس

سلاموززززززززززززززز

شمسيقول...

والله وعملوها الرجالة

ياة ظى ما يكون الواحد كان مستنى نتيجة الامتحان

مبروك لمصر

والفرحة لينا ديما

تحياتى

غير معرف يقول...

الف مليوووووون مبرووووووك

بجد فرحتلكم من كل قلبي

وانا قربت اتجنن لما لقيت الماتش قرب يخلص

ولسه بقول لجوزي يااه لو يجيبوا هدف باخر دقيقة زي ما جابوا هدف باول دقيقة وقبل ما اخلص كلامي لقيتهم عملوها وجابوا احلى هدف

دا توفيق من عند ربنا ومن دعوات الناس الطيبة

عقبال كاس العالم ياررررررررب

بالتوفيق ان شاء الله

وتصبح على خير

Cute Kitty **sookraيقول...

مبروك للشعب المصرى
يلا بس عشان موش تقول انى باكل جبنه كتير
ههههههههههههه
عاوزه شيكولاته بقى بمناسبه الفوز دا

donyaيقول...

مساء الخير
الفرحه جميله
انا مش معترضه
انا معترضه علي المبالغه في الاهتمام وان ده هو اللي هيعمل كرامه لمصر

في حاجات كتير اكبر من كده
لكن انا حسيت ان الشعب غلبان مكسور نفسه يفرح وهو ده اللي في ايده يفرح بيه
واستعجبت من خروج الناس دي كلها للشوارع علشان ماتش؟؟؟؟؟؟؟؟؟

خير ان شاء الله
تحياتي

فكرة من الزمن دهيقول...

هههههههه
حلوة دي زفة ب 85 مليون مصري يابختهم عيد جواز ما يتنسيش

مبروكل ليهم ولينا
تحياتي

سارهيقول...

مبروك يا تامر فوز مصر في المباره
:)

mimiيقول...

مبررررررررررررروك لمصر

مروة الزارعيقول...

انا مش عارفة انتوا فرحانيين على اية

ياريت تقروا بوست نوارة نجم

http://www.tahyyes.org/2009/11/blog-post_5456.html

والبوست بتاعى

http://salataa.blogspot.com/2009/11/blog-post_14.html

ربنا يشفى المصريين من التفاههة اللى بتسرى فى دمهم ياااارب

------يقول...

الف الف

مبروووووووووووووك

عــلاء ســالـــميقول...

السلام عليكم

فعلا كان الماتش متعب للأعصاب لدرجة إن الواحد جاله صداع من الإنفعال
بس الحمد لله ربنا ستر وكسبنا

ألف مبروووووووك على النصر ويارب ننتصر تاني يوم الأربعاء في السودان

تأثير الفراشةيقول...

الحمد لله ، ألف حمد و شكر لله

و لسه هندعى تانى و نقول يارب يوفقنا و يوفق المنتخب فى يوم الأربعاء و بعد يوم الأربعاء كمان

ما شاء الله ، عليهم ، ربنا يحميهم و يحرسهم و يبارك فيهم و يوفقهم

و دائما كده المصريين يفرحوا

ألف مبرووووووك لمصر

و مبروك للعروسين، موقف مميز فعلا ، بس الحمد لله ربنا فرحهم و فرح المصريين كلهم

yasser esmailيقول...

بجد مدونه جامده جدا وفيها موضوعات حلوه

تمنياتى بالتوفيق دائما

يا مراكبييقول...

حلو الموقف بتاع العريس ده .. هو نفسه الموقف اللي كلنا كنا فيه قبل الهدف .. كان الأمل بدأ يتلاشى والكل بيتمنى إن المعجزة تحصل ولو في آخر ثانية .. ولما حصلت .. ساعتها الفرحة كانت طاغية جدا جدا .. أكتر من لو الفوز كان جه بدري عن كده

نهر الحبيقول...

عندك حق الفرحة أكيدة والفوز للمنتخب ان شاء الله فى المباراة الفاصلة.


خالص تحياتى

نهر الحب

الامير سلطان بهنسى سلطان عدو المراةيقول...

الف مبروك لمصر

ومبروك للعروسين

تحياتى

شرباتيقول...

ماتش كان خلاص الناس قالت راح ومتعب عملها وفرح قلوب الملاين

تحياتى

لسة نونةيقول...

مبروك مبروك ملونين مبروك لينا كلنا

فرحانة اوى اننا كسبنا يارب ديما نكسب كدة

تحياتى

دكتور لغة العيونيقول...

ماتش كان مولع نار واعصاب الناس كانت على الاخر

بس الحمد الله انتهى لصالحنا

يارب ماتش السودان يكون لينا ونصعد للمونديال

تحياتى

بنوتةيقول...

مبررررررررروك
مبررررررررررروك

مبررررررروك

الف مبرروك لينا ولمصر كلها

تحياتى

طوبه فضه وطوبه دهبيقول...

دا لو عريسى كنت سبته وروحت وبعدين خلاص لازم يعملوا الفرح يوم الماتش باقى ايام الاسبوع خلصت خلاص ههههههههههه بس واضح ان الشعب المصرى بيموت فى الزحمه

♥نبع الغرام♥♪≈يقول...

يارب


يارب

تحيا مصر
تحيا مصر
الفوز قادم
كلنا بندعى

Dr. Ibrahimيقول...

مبارك للجزائر

بتوع الجزائر روقونا

ومكانش معانا توفيق بس الرجالة عملوا اللى عليهم

Dr. Ibrahimيقول...

فاكر أنت يوم ماتش إيطاليا

بس العكس بقى احنا ايطاليا
والجزائر مصر

بالظبط تقريبا نفس السيناريو

max.adamsيقول...

يا فرحة ما تمت خدها الغراب و تار

أنا زعلان على الاحباط اللي الناس ممكن تحسه مش أكتر و يارب المونديال الجاي نكون أقوى
و يارب الجزائر تاخد المونديال المرة دي و تبقى أول بلد عربي ياخد الكاس

محدش يستغرب
ده مجرد طيف قومية عربية عابر
يارب يدوم


سلمتَ

-_-يقول...

حلم و راح

يااغلى اسم فى الوجود يامصر


يااغلى اسم فى  الوجود يامصر يااسم مخلوق للخلود يامصر نعيش لمصر ونموت لمصر مصر مصر تحيا مصر. قد اية الفرحة جميلة وتشرح القلب ق د بتخلى الانسان فى دنيا تانية  ليها شكل وطعم ولون تانى بجد احساس الفرح مهما  نكتب ونقول عنة مفيش كلمة ولاحتى حرف يوصفة



بعد انتهاء الشوط الاول بتقدم  المنتخب المصرى جاء الشوط التانى واللى مر بسرعة كبيرة اوى جت الدقيقية 40 وقولت انزل اشم هوى فى الشارع كفاية فرجة كدة عشان اعصاب الواحد ونزلت وجدت فى الاستوديو  للتصوير جنبنا عريس اغمى علية عشان الماتش قرب يتنهى ومصر بواحد صفر لن تصعد للمونديال



الناس فضلت تفوق فية وعروستة عمالة تبكى وقام ونظف هدومة ولسة الناس بتتكلم والهتاف العالى وكلمة جون كانت باصوات عالية  ودخل الجون التانى ليعيد الامل لنا فى فرصة التاهل لكاس العالم والعريس والعروسة الناس فى الشارع بعد الماتش عملت ليهم زفة مية مية ويابختهم طبل وزفة ببلاش والفرحة عادت لشفايف العروسين



بجد الواحد فرحان واملى كبير ان شاء الله فى الماتش الفاصل هيكون للمنتخب المصرى وكل شعب  مصر هيفرح فرحتة الكبيرة  وربنا مع المنتخب فى المرحلة القادمة ان شاء الله هروح انام بقى عشان اعرف اروح الشغل الصبح تصبحون على خير

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل