recent

آخر الأخبار

recent
recent
جاري التحميل ...
الملكة هنديقول...

فى عش الزوجية ديما بيكون فى مشاكل وفرح وحزن ومدام فى حب بترجع المياة الى مجاريها ديما كما كانت وافضل كمان

زى هنا صلح فى وقت ولقاء مع الموت

تحياتى

شمسيقول...

انا عارف لية طلعها من النار ياراجل كان سبها تولع هههه

لا بجد قصة رائعة ومهما حصل بين قلبين بينهم حب اكيد العودة تكون فى اى وقت

تحياتى

شرباتيقول...

قصة بسيطة ذات مضمون رائع

تحياتى

dramaqueenيقول...

بجد حلوة اوى

Cute Kitty **sookraيقول...

سبحان الله
من جمعهم الله لايفرقهم انسان
قصه حلوه اوى وبتحسسنى اد ايه الحب مهم جدا
تحياتى
وصباحك شيكولاته

مييقول...

حلوة اوووووووووى
الحب الاساسى مش بيضيع بالتفاهات حتى لو مرت عليه الاعوام
تحياتى لابداعك

Tamer Nabil Moussaيقول...

الملكة هند

اكيد ياهند طول مافى حب كل حاجة بتهون ومهما كانت بتكون بسيطة

مع خالص تحياتى

Tamer Nabil Moussaيقول...

شمس

ياراجل حرام عليك عايز يسيب مراتة تولع ههههه

ايوة كدة عدلت الكلام هههه

مع خالص تحياتى

Tamer Nabil Moussaيقول...

شربات

ربنا يخليكى تسلمى

مع خالص تحياتى

Tamer Nabil Moussaيقول...

dramaqueen

ربنا يخليكى

انتى الاحلى

مع خالص تحياتى

Tamer Nabil Moussaيقول...

sookra

اكيد سكرة لايعيش اى انسان بدون حب فهو فيتامين اساسى من اجل حياة سعيدة

مع خالص تحياتى

Tamer Nabil Moussaيقول...

مي

اكيد مى الحب مش كلمة وبس الحب دة احساس وشعور وعطاء وحاجات كتير اوى


مع خالص تحياتى

Monaيقول...

أولا شكرا على الزيارة وحلوة القصة - بس ماكانش فيه طريقة للصلح غير حرق الشقة؟؟؟؟ :))

آخر أيام الخريفيقول...

جميلة جدا و اجمل ما فيها العفوية الشديدة فى اللغة

max.adamsيقول...

أجمل حاجه فيهم أن الخصام ما خلاهمش يسيبوا واجباتهم تجاه بعضهم ... مجرد أجازه من الكلام و العلاقة سوا و عشان كده العلاقة ما انحدرتش لأسوأ اتجمدت و بس و لما لمستها النار هبت و شعللت

تسلم ايدك

max.adamsيقول...

أحب أسجل اعجابي الشديد ببطلي القصة لأنهم كان عندهم فسحة في صدورهم ل " بوسي " اللي كانت سبب في انقاذهم بمشيئة الله

مش يقوللك
القطط بتجيب عقم
القطط عندها قمل
القطط القطط
مش عارف يا أخي إذا ما حبوش القطط هيحبوا ايه ؟؟ السلاحف

شكراً

خواطر شابةيقول...

والنبي حرام عليكم كان لازم البيت يولع عشان تصالحوا
مش لازم لو كنا بنحب بعض نشيل من بعض لازم يكون فيه بعض التنازل شهر من الخصام على خلاف انت نفسك اعترفت انه بسيط هذا خطأ كبير ويولد جفاء وبعدا يكبر يوما عن يوم
قليل من العتاب وحوار هادئ ينهي الخلاف من جذوره
تحياتي

خواطر شابةيقول...

وجهت لك الخطاب كأنك بطل القصة معلش الزهايمر ابتدأ يشتغل انا أسفة

The illusionistيقول...

تيمو باشا
حلو قوى اللى انت بتكتبه ده
نوع مختلف مشوفتوش فى البوستات اللى مرت عليا
عجحبنى البوست ومغزاه
بس يا راجل
مش لازم ينقذها
كانت فرصته
دى الفرص لما مش بتتاخد علطول
ولا بعد ميت سنه
هيندم وربنا

Dr. Ibrahimيقول...

كان شيطان ودخل بينهم
واللى جمعهم تانى النار
يبقى هنا بتبان معادن الناس فى الشدائد وتشوف مني اللى بيحبك ومين اللى مبيحبكش

تحياتى

shadyيقول...

الموضوع أبسط من النار دى كلها
ولا تقصد إن نار الحب المدفون هى اللى ولعت في الشقة مش الشمعة ههههههههه

سارهيقول...

اروع مافي القصه انها حياه طبيعيه
خلاف وزعل
لكن وقت الجد يظهر الحب الحقيقي

وفي النهايه القطه هي الي انقذت حياتهم

اخبار القطتين اللي لقيتهم على الخط السريع

:)

Tamer Nabil Moussaيقول...

Mona

العفو على اية

بالنسبة للصلح جت كدة بقى الشمع عمل نار والنار قربت القلوب تانى

مع خالص تحياتى

Tamer Nabil Moussaيقول...

آخر أيام الخريف

انا بحب اكتب بعفوية بسيطة

عشان يوصل كلامى للناس كلها

مع خالص تحياتى

Tamer Nabil Moussaيقول...

max.adams


ههههههههه

القطط مالها ياعدو القطط

دى اهم حاحة واجبات الحياة الزوجية والمعيشة كانت ماشية عادى
رغم الخصام..

مع خالص تحياتى

Tamer Nabil Moussaيقول...

خواطر شابة

ولايهك

احيانا بيكون الخصام بين الزوجين لااسباب تافهة والكبير اللى يفهم ويبتدى بالصلح

مع خالص تحياتى

Tamer Nabil Moussaيقول...

The illusionist

ماهيا هو كدة استغل الفرصة وبين ليها قد اية هيا غالية علية كدة احسن ولا لما يسبها تولع هههه

مع خالص تحياتى

Tamer Nabil Moussaيقول...

Dr Ibrahim


المعدن الاصيل بيبان وقت الشدة اكيد

مع خالص تحياتى

Tamer Nabil Moussaيقول...

shady

اكيد شادى

الحب المدفون ولكل حب نار تحتاج كل وقت الى بنزين يشعلها هههه

مع خالص تحياتى

Tamer Nabil Moussaيقول...

ساره

اكيد سارة وقت الشدة يبان الغالى من الرخيص فى حياة كل انسان


القطط موجودة وبتسلم عليكى

مع خالص تحياتى

ليس فقيرا من يحبيقول...

ايه ده ايه ده

انت بتحب القطط انت كمان

عاااااااااااااااااااااااااا

هههههههههههههههههههههههههههه

حلو جدا مغزى القصه

تسلم ايديك يارب

ريمانيقول...

الله


قصه والله جميله



سبحان الله اما تكون قطه هى السبب فى انقاذهم وكمان فى صلحهم على بعض


لله فى خلقه شئون

رضا الكومىيقول...

فكرة القصة رائعة وبسيطة

ولكن مضمونها كبير

ووصلت رسالة

ربما لا يعرفها الزوجان وهو الحب الدفين

الذى لا يتحرك إلا من وقت لآخر

تامر باشا

تقبل مودتى

donyaيقول...

مساء الخير

قصه بسيطه بها عبر كثيره
لو كانوا ماتوا من الحريق كانوا ماتوا متخاصمين يعني

تحياتي

mohamed ghaliaيقول...

جميلة اوى القصة والمغزى منها

دكتور لغة العيونيقول...

قصة محترمة تعبر عن الحب بين زوجين قد يحصل اختلاف

ولكن وقت الشدة يذهب الخصام وتظهر المحبة والخوف عل ى الشريك

تحياتى

يا مراكبييقول...

يعني كان لازم تحصل مصيبة عشان يرجعوا يكلموا بعض؟

آدي اللي الناس واخداه من الجواز

هههههههههه

ألآسطى بليةيقول...

احلى حاجة اخر القصة الحضن والخوف على الزوجة

الحب مش كلام الحب احساس جميل

تحياتى

Amiraيقول...

الحب الاساسى مش بيضيع بالتفاهات حتى لو مرت عليه الاعوام

قصة جميلة

تحياتى

♥نبع الغرام♥♪≈يقول...

الحب عامل اساسى فى الحياة الزوجية


جميله اووووووووووووووى
احيك بشده
وانحنى لقلمك الاروع

تحياتى
ايناس

أميرة علي كوكب مهجوريقول...

يعني هو لازم تحصل مصيبه علشان نحس ببعض
مينفعش نحل مشاكلنا اول باول
ياباي ع الانسان

اقصوصهيقول...

الله كتب لهم عمر جديد :)

مجرد انسانيقول...

فصة رائعة وبسيطة الكلمات وتصل بالهدف الى قلوب الاخرين

تحياتى

محظوظةيقول...

ياحلولى ياولاد النار بقت من اسباب الصلح ومالو بقى الصلح خير هههه


قصة كميلة تمور

سلاموزززززززززز

دموع كابريقول...

الحب حلو بجد وبيخلق وسط النار امان
ربنا يوعدنا بالحب دايما وتفضل قلوبنا مليانه حب

لسة نونةيقول...

قصة حلوة اوى استاذ تامر

تحياتى

بنت البلديقول...

الحب مش كلمة وبس الحب دة احساس وشعور وعطاء وحاجات كتير اوى

قصة حلوة

تحياتى

Tamer Nabil Moussaيقول...

ليس فقيرا من يحب

وعندى قطط مربيها تربية افرنجى ههههه

ربنا يخليكى

مع خالص تحياتى

Tamer Nabil Moussaيقول...

ريمان

الاسباب لااى موضوع بتكون موجودة ونحن لاندرى بها وتاتى بدون موعد

سبحان الله

مع خالص تحياتى

Tamer Nabil Moussaيقول...

رضا الكومى


عندك حق يارضا الحب موجود رغم اى خلاف او خصام ويحتاج الى من يحركة وينشطة مرة اخرى

مع خالص تحياتى

Tamer Nabil Moussaيقول...

donya

هيا دى المشكلة لو كان الموت نال منهم اكيد كانوا هيكونوا لسة متخاصمين بس الحمد الله

تم الانقاز وعن طريق بوسى قطتهم

مع خالص تحياتى

Tamer Nabil Moussaيقول...

mohamed ghalia

ربنا يخليكى

نورت المدونة

مع خالص تحياتى

Tamer Nabil Moussaيقول...

دكتور لغة العيون

عندك حق دكتور

واتفق معاك

مع خالص تحياتى

Tamer Nabil Moussaيقول...

يا مراكبي

مابلاش كلام وحش عن الجواز ياصاحبى الحيطان لها ودان هههه

بس الحمد الله حصل تصالح مكتوب ليهم يكون عن طريق قطة

مع خالص تحياتى

Tamer Nabil Moussaيقول...

ألآسطى بلية

اكيد الحب احساس جميل وعطاء متبالد بين طرفين

مع خالص تحياتى

Tamer Nabil Moussaيقول...

Amira


اكيد اميرة واتفق معاكى

مع خالص تحياتى

Tamer Nabil Moussaيقول...

ملاك يعيش بكوكب أخر

عندك حق فى كلامك ومفيش احلى من احساس الحب بين طرفين

مع خالص تحياتى

Tamer Nabil Moussaيقول...

أميرة علي كوكب مهجور

مش لازم طبعا تحصل مصيبة بس مكتوب ليهم كدة ولكل ناس ظروف

مع خالص تحياتى

Tamer Nabil Moussaيقول...

اقصوصه


نعم صدقتى

منورة

مع خالص تحياتى

Tamer Nabil Moussaيقول...

مجرد انسان

شكر ليك على كلامك

مع خالص تحياتى

Tamer Nabil Moussaيقول...

دموع كابر

امين يارب

ياريت الناس كلها تحب بعض ويكون مفيش كراهية بالدنيا

مع خالص تحياتى

Tamer Nabil Moussaيقول...

لسة نونة


ربنا يخليكى نونة

اهلا بيكى

مع خالص تحياتى

Tamer Nabil Moussaيقول...

Girls only

اكيد كلامك

مع خالص تحياتى

كلمات من نوريقول...

ساعات الزوجين بيحتاجوا زلزال علشان يعرفوا قيمتهم عند بعض بالرغم من الأشياء البسيطة بتكون دليل حب بس مع الأسف مش بيشوفوها إلا بعد الحريق أو الزلزال...كويس إن القطة نونوت وقالت إصحوا إلحقوا .....ربي يكرمك يا تامر

وسط النار


حدث من اسبوع بينى وبين زوجى خلاف بسيط تحول الى مشكلة كبيرة وصرنا لانتحدث الى بعض نعم لم اخرج من بيتى ولم يخرج هو ايضا وكنا نمارس حياتنا بشكل طبيعى  وكل منا يفعل ما علية من مسئوليات ولم تتأثر حياتنا  بالخصام الذى بينا

 

فالخصام  جعل البعد بينا فى اساس بيت الزوجية  حيث لاكلام لاسؤال لاجماع بينا ومر علينا شهر ونحن على هذا الحال  وفى يوم مثل باقى ايام شهر الخصام الذى بينا احضرت الفطار وفطرنا انا وزوجى كالمعتاد ونزل الى العمل .

 

وقومت انا بعد ان خرج زوجى  لااعمال النظافة وترتيب المنزل وابتديت ايضا احضر الغداء لحين حضور زوجى وعندما حضر وضعت الغداء وتناولت انا وهو الطعام وبعدها ذهبت لااحضر كتاب من مكتبتى اسلى بية وحدتى رغم انى اعيش فى بيت مع زوج ولكن الخصام يفرق بينى وبينة

 

وفجأة حل الليل وانقطعت الكهرباء فأحضرت الشموع واشعلتها لحين ان تأتى الكهرباء وذهبت للنوم وهو ايضا وكانت لم تاتى الكهرباء

 

وفجأة صحيت انا وزوجى على صوت قطتى بوسى وهى تصرخ بصوت عالى وتنط عليا انا وزوجى ونحن نائمين   قومت  انا وزوجى مفزوعين من النوم لنرى البيت مشتعلة فية النار حيث كنت نسيت انى اطفىء الشموع قبل خلودنا للنوم

 

والحريق اشتعل فى كل جانب من الشقة اتسمرت مكانى الى ان وجدت زوجى اخذنى الى حضنة ولف عليا بطانية كبيرة وشلنى الى ان خرجنا من الشقة  ونحن على السلم بكيت  وقولت لة مازالت لاتريدى ان تكلمنى ليسكتنى ويقبلنى ويحضنى بقوة وكانت معنا بوسى فامسكتها وحضنتها وهو طبطب عليها فهى من انقزتنا من موت محقق كما كانت السبب فى الصلح بينى وبين زوجى

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل