recent

آخر الأخبار

recent
recent
جاري التحميل ...
Amiraيقول...

انااول تعليق

هييييييية

احجز وراجعة

Amiraيقول...

من غير كلام بجد يعنى سعيدة دى غلطانة الرجل غصب عنة داس على ديل الفستان ماجراش حاجة للشتيمة وقلة الذوق دى

ومن
الفرح بقى محزنة

تحياتى

اقصوصهيقول...

هههههههههههه

حلوه التدوينه

خواطر شابةيقول...

القصة جميلة وسعيدة غلطانة وسعيد غلطان والحاضرين من عائلتي الطرفين غلطانين والرابح الوحيد والمنتصر هو الشيطان اللي خربها وقعد على تلها
طب أمنا بالله والعروسة اخطأت هو يلم الموضوع ولا يكبره وأمنا بالله هو كمان أجن منها وكبر الموضوع مفيش حد ابن حلال من العيلتن يلم الموضوع
لا والله يوميها الشيطان كان هو اللي محيي الليلة هو وأولاده وقعد يتفرج ويضحك وهي بتولع وبتولع

مرايتىيقول...

يا ستار يارب
دا انا لسه كنت عند ايناس وفرحانه ولقيت عندك بداية الكلام فرح تقلب بغم فى الاخره كده
الحمد لله انها ما قلبتش بطلاق ذى مسلسل ترويض الشرسه لما قلب على الفستان العصير قالت له مش تحاسب يا حمار قال لها انت طالق
ربنا يهدى النفوس
حاول تتدخل تهدى النفوس وتاخد ثواب

ليس فقيرا من يحبيقول...

ههههههههههههههههههههه

سعيده دى بت فقريه اصلا

مش وش جواز وايه داس على على طرف

الفستان يعنى الدنيا خربت الدنيا

يعنى والنبى سعيد ربنا رحمه يا عم

تسلم ايديك وتحياتى لحضرتك

محظوظةيقول...

يانهار سعيدة بنت ام سعيدة عارفاها البت دى مش بتاعة جواز

ونبى ياخويا سعيد امة بتحبة عشان فركوشة الجوازة اولها تقول حمار بعد كدة مش بعيد كانت ولا بلاش هههههه

سلاموزززززززززززززز

مجرد حلم صغنتوتيقول...

في عروسة في الدنيا يوم فرحها تقول لعريسها "مش تحاسب يا حمار"؟؟؟؟
كلهم حالتهم صعبة بجد

غير معرف يقول...

هههههههههههههههههههههه

ده فيلم كرتون ده

هههههههههههههههههههههه

بس بجد تحفه وروعه بس لو بجد تبقى مصيبه :D

فراشةيقول...

انت متأكد يا تامر انه اسمه سعيد وهى اسمها سعيدة
ههههههه
تصدق بتحصل والله بقينا نسمع عن القصص دى بجد فى حياتنا
موضوعاتك وقصصك دايما لذيذة جدا
بقالى كتير قوى ماجتش هنا
بس انت كعادتك رائع
ماتحاول تصلح بينهم تكسب ثواب

المسلم الصغيريقول...

السلام عليكم ورحمة الله وبركاته...
بوست حلو قوي
أول زيارة للمدونة بس بجد مدونة دمها خفيف
تحياتي

Tamer Nabil Moussaيقول...

Amira

صح والله كان لازم يعنى تشتم قدام الناس تستنى لما تروح البيت ههههههه

مع خالص تحياتى

Tamer Nabil Moussaيقول...

اقصوصه

انتى الاحلى

نورتى المدونة


مع خالص تحياتى

Tamer Nabil Moussaيقول...

خواطر شابة


مفيش حد طلع كبير بين الموجدين يهدى النفوس والشيطان والاود بتاعة نزلوا اكيد ضحك عليهم

هههه

كلامك مضبوط

مع خالص تحياتى

Tamer Nabil Moussaيقول...

مدونتى إسمها مرايتى


ياريت اعرفهم بس ههههه

يلا من بعد فرح حزن والعكس يجدث ايضا

مع خالص تحياتى

Tamer Nabil Moussaيقول...

ليس فقيرا من يحب


بجد صحيح اترحم من واحدة باين عليها نكدية ومش بتحكم فى اعصابها قدام الناس قمال لوحدهم مش بعيد كانت خلصت علية هههه

مع خالص تحياتى

Tamer Nabil Moussaيقول...

محظوظة

ايوة بلاش خير الكلام ما قل ودل هههههههههه

حد عارف كان ممكن يحصل اية

مع خالص تحياتى

Tamer Nabil Moussaيقول...

مجرد حلم... صغنتوت


شكلها انسانة عصبية مش بتحكم فى اعصابها وكويس انة حصل كدة عشان يعرف راسة من خلاصة

مع خالص تحياتى

Tamer Nabil Moussaيقول...

Mostafa


لا هيا مش بجد

ومين عالم ممكن تكون حصلت فى مرة ولكن بظروف اخرى

نورت المدونة

مع خالص تحياتى

Tamer Nabil Moussaيقول...

فراشة

اكيد الحياة ياما فيها

من نوعية سعيدة هههه

ربنا يخليكى تسلمى

نورتى

مع خالص تحياتى

Tamer Nabil Moussaيقول...

المسلم الصغير


وعليكم السلام ورحمة الله وبركاتة


ربنا يخليك تسلم

نورت المدونة

مع خالص تحياتى

mimiيقول...

ممكن أكون أستنبطت اللي هيحصل من الصورة ، بس لحظة تناوب شرب العصير ،

بس قلبت في النهاية بغم // أحسن لو كانوا عاشوا مع بعض أكتر من كده كانت قامت حرب أهلية
بس اللي مستغربه ليه ،، ليه محدش اتنازل في الموقف ده ؟

وكان مين مفروض يتنازل .. ولو ألتمسنا للعريس عذر انه غصب عنه والتمسنا للعروس الإضطراب والخوف والتوتر

مين غلطان؟

♥نبع الغرام♥♪≈يقول...

اهلا اخى الكاتب

قصه قصيره لكنها عميقه تبادل العواطف واول ماتظهر العواصف تضيع الكلمات الراقيه والرقه والود

بتحصل فى احسن العائلات لما يكون المبدأفان والشخص باق ههههههه
يعنى وهم الاختيار والكلمه للطرفين ممكن البنت وممكن الشاب

لو كانت محترمه وبتقدر اختيارها مش مهم الفستان ولا الشبكه ولا الجاتو ولا حتى الحفله
بس تقول ايه الا اختشوا الله يرحمهم

تسلم ايديك قصصك لذيذه تنقل الواقع وتكشف المستور
تحياتى ايها الراقى

Cute Kitty **sookraيقول...

هههههههههههههههه
بجد شر البريه مايضحك
عاوزه اعيط على حالنا بجد
بس هاضحك برده
هههههههههههههههههههههه
ههههههههههههههههههههه
هههههههههههههههههههه
مساك شيكولاته بعيد عن سعيد وسعيده ولاد التيت دول

دكتور لغة العيونيقول...

من اولها كدة تشتم دة باين عليها ست مش سهلة انا لو منة علقة وطلاق مش دى اللى تستهل تحمل اسمى

تحياتى

شرباتيقول...

يعنى خلاص مفيش حد قدر يهدى الموضوع ولاكان وصل لاكدة

بس دة اشارة بجد انهم مش لبعض

تحياتى

ألآسطى بليةيقول...

ينهار ستات تجيب الضغط ههههه

لا ياعم تامر البت دى مفترية

قصة دمها خفيف

احيك عليها

تحياتى

لسة نونةيقول...

ياحرام الفرح بقى حزن وبوليس

حرام عليها تشتم عريسها هيا غلطانةوالناس كمان عشان على الاقل كانوا عملو بينهم مصالحة

تحياتى

لسة نونةيقول...

ياحرام الفرح بقى حزن وبوليس

حرام عليها تشتم عريسها هيا غلطانةوالناس كمان عشان على الاقل كانوا عملو بينهم مصالحة

تحياتى

سلمى يقول...

شىء محزن وتصرف غير محترم من الزوجة مش دة الرد السليم على حدث حدث من جوزها غصب عنة بدون قصد

هو اللى حصل حصل والفراق بينهم بجد رحمة وراحة

تحياتى

بنوتةيقول...

سعيده دى بت فقريه اصلا

مش وش جواز وايه داس على على طرف

الفستان حصل اية بت مهبولةههههه

تحياتى

بنت البلديقول...

الغلطة من البداية غلطة سعيدة دى

فى واحدة عاقلة تقول كلام زى دة لجوزها فى ليلة العمر

تحياتى

الامير سلطان بهنسى سلطان عدو المراةيقول...

دى بنت نحس من يومها ههههه

كويس اللى حصل عشان المستخبى بان قبل ما يغوط العريس وياها

تحياتى

SaRaيقول...

مش ممكن اللى حصل دة

البنت سعيدة غلطانة لازم تشتم والحكاية مومستهلة غير كلمة مش تحاسب او تتخد ضحك مش توصل لكل دة


تحياتى

$ سهى $يقول...

يخريبيت سعيدة فى حديعمل هيك يشتم جوزها امام الناس مو عقل فيها المجنونة جننت وقلبت الفرح كلة

تحياتى

Tamer Nabil Moussaيقول...

mimi

هو كويس انة حصل الموقف عشان يبين العروسة على واقعها ومن اللى حدث منها باين عليها عصبية

وهيا الغلطانة مهما كان اللى حصل مش صح تشتم جوزها وقدام الناس

مع خالص تحياتى

Tamer Nabil Moussaيقول...

إبتسامة ملاك


عندك حق ايناس لو كان فى اهتمام ومعزة ما كان شىء يفرق وياها مهما حدث ولاكانت شتمت جوزها قدام الناس

مع خالص تحياتى

Tamer Nabil Moussaيقول...

sookra

بجد هما تيت وبيت وكل حاجة تصلح عليهم

العروسة غلطانة وبكلمة منها شعللت الفرح وقلبت محزنة

نورتى المدونة


مع خالص تحياتى

Tamer Nabil Moussaيقول...

ahmed


اهلا بيك نورت المدونة

وان شاء الله هقوم بزيارة الرابط

مع خالص تحياتى

Tamer Nabil Moussaيقول...

دكتور لغة العيون


عندك حق كل حاجة وضحت وبانت واكيد العريس مش هيكمل وياها مهما جدث

مع خالص تحياتى

Tamer Nabil Moussaيقول...

شربات


الناس الموجودة كل طرف انضم بصوتة الى العريس او العروسة حسب القرابة والجو ولع اكتر

مع خالص تحياتى

Tamer Nabil Moussaيقول...

ألآسطى بلية


باين كدة ياهانى مفترية ههههه

مع خالص تحياتى

Tamer Nabil Moussaيقول...

لسة نونة

كلامك صد نونة واتفق معاكى لو كان فى حد كبير وقدر يوقف كل دة ما كانش الحال وصل للدرجتى

مع خالص تحياتى

Tamer Nabil Moussaيقول...

سلمى


فعلاا بجد تصرف غير سليم بالمرة

اتفق معاكى


مع خالص تحياتى

Tamer Nabil Moussaيقول...

بنوتة


ايوة يافندم زى ما حضرتك اشارتى مهبولة ههههههه


مع خالص تحياتى

Tamer Nabil Moussaيقول...

Girls only


تقريبا العقل والقلب كان وخد اجازة عشان كدة حصل منها اللى حصل

مع خالص تحياتى

Tamer Nabil Moussaيقول...

Son Neil


صح ماتقول لان بعد اللى حصل استحالة سعيد يفكر انة يكمل وياها

مع خالص تحياتى

Tamer Nabil Moussaيقول...

SaRa



كلام الزوجة الدبش دة كان محتاج كلام يرطب الجوويزيح الغم واللى اتقال لكن دة ما حصلشى

مع خالص تحياتى

Tamer Nabil Moussaيقول...

$ سهى $


عندك حق حتى كلمة معبولة شةى عليها محتاجين ليها وصف مبير


مع خالص تحياتى

AMRO .O. ABDELHALIMيقول...

صديقى تامر
قصة جميلة بجد
هههههههههههه
ضرب وخناق واقسام فى يوم الفرح
العالم بقى مجنون ، بس الحوادث دى بتحصل ، انا فاكر الوقتى حادثة طلاق اخرى شبيهة فى يوم الفرح بسبب خناقة بين ام العروسة وام العريس
قصة ممتعة
كل الود والتقدير

donyaيقول...

مساء الخير

كل سنه وانت طيب

بالنسبه للقصه

ادي اخر الدلع وقلة التربيه السليمه حيب تعاليم الدين الحنيف

تحياتي

Dr. Ibrahimيقول...

بتحصل يا تمور والله
ومن غير دوس على الفستان
بيبقوا العلتين والعين من بعض أساسا قبل الفرح عشان الشبكة والمهر والفلوس واللازى منه
فمش ناقصين الفستان ( النار) يجى يولع فى الشوية اللى فاضلين

تحياتى لك

قيس بن الملووووحيقول...

شاركونا الراي والخبره في جمعية مقاومة الطلاق

Unknownيقول...

يعطيك العافية حبيبي على مجهودك
رائع انت دائماً بروعة قلمك وابداعك
سامحني لقلة ردودي ولكن النت عندي ضعيف جداً
وسيئ للغاية فمش قادر اتابع كل جديدك
ولكن بوعدك بالايام القادمه اسعدك :)
يسلمو لمتابعتك مدونتي
ويعطيك العافية حبيبي

ماما عبيريقول...

سعيدة غلطانة طبعا مش عشان داس على فستان تشتمة وقدام الناس

يعنى معنى كدة انها على استعداد بعد الجواز تعمل اكتر من كدة

تحياتى

مجرد انسانيقول...

اية البنات المفترية دى ههههه

سعيد يطلقها ويرح دماغة

مش ناقصة وجع دماغ

تحياتى

ليلى حسينيقول...

ههههههههه


تدوينة حلوة وسعيدة مجنونة ههههه

تحياتى

الملكة هنديقول...

سعيدة دى فقرية بجد

حد يقول لعريسة فى يوم الفرح انت حمار دة بلطجة بقى هههه

تحياتى

شمسيقول...

هو فى بنات كدة نحس بتحب تصعب الامور على نفسها ولما الرجل يشدها تقول عشان رجل بيتحكم فيا

تحياتى

Tamer Nabil Moussaيقول...

amro

الله يسلمك ياصاحبى اخبارك اية

عندك حق احنا فى وقت اصبحت المشاكل تحصل من اقل شىء

مع خالص تحياتى

Tamer Nabil Moussaيقول...

donya


وانتى طيبة وبخير


عندك حق قلة التربية والتمسك بتعاليم الدين سبب كثير من مصايب هذة الايام


مع خالص تحياتى

Tamer Nabil Moussaيقول...

Dr Ibrahim


عندك حق بيكون فى نظرة غير ظريفة من كل طرف الى الاخر وممكن هنا دوسة الفستان كانت القشة التى قسمت ظهر البعير


مع خالص تحياتى

Tamer Nabil Moussaيقول...

قيس بن الملووووح


ان شاء الله ياعم قيس هجى واطل واشارك

نورت المدونة


مع خالص تحياتى

Tamer Nabil Moussaيقول...

Mr.Hazem


اهلا بيك اخى حازم ولايهمك ان شاء الله الحال مع النت يكون افضل واسرع فى الايام القادمة

نورت المدونة


مع خالص تحياتى

Tamer Nabil Moussaيقول...

ماما عبير


اكيد فى استعداد لااى حاجة مش بعيد كانت مخططة تخلص علية هههه


مع خالص تحياتى

Tamer Nabil Moussaيقول...

مجرد انسان


عندك حق هو دة الحل السليم الذى لايوجد حل غيرة بعد اللى حصل

مع خالص تحياتى

Tamer Nabil Moussaيقول...

ليلى حسين


اكيد ليلى فيها من الجنون دة شىء مفروغ منة


مع خالص تحياتى

Tamer Nabil Moussaيقول...

الملكة هند


بلطجة بس وقلة تربية ونقصان عقل هههه


مع خالص تحياتى

Tamer Nabil Moussaيقول...

شمس


عندك حق فى كلامك

نورت المدونة


مع خالص تحياتى

Borsaيقول...

thanx for this blog and please let me take a copy to my sites

منتديات البورصة المصرية
منتديات فكرنى
اخبار البورصة المصرية اليوم
اخر اخبار البورصة المصرية اليوم
اخبار البورصة المصرية اليوم
البورصة المصرية اليوم
اخبار البورصة المصرية
البورصة المصرية مباشر
اسعار الاسهم المصرية
البورصة المصرية
البورصة المصرية
البورصة المصرية
العاب

popoflopيقول...

http://www.facebook.com/group.php?gid=232755341805


يمكنك الربح من مدونتك عن طريق هذا الرابط ادخل ومش هتخسر شىء

WebMasterيقول...

مشاهدة مباراة الزمالك و انبي بث مباشر اليوم 23/8 لايف اونلاين
http://eldawry-elmasry.blogspot.com/

سعيد وسعيدة



وجاءت اللحظة التى يحلم بها كل شاب وكل فتاة لحظة الزواج وتكوين بيت واسرة ... كانت فرحة سعيد وسعيدة بقرب موعد الفرح لاتوصف ولانجد لها كلمات توصف لحظات الفرح الجميلة حيث تم تحديد موعد الفرح والليلة الكبيرة بعد خطوبة طويلة وانتظار ثلاث سنوات والان حانت اللحظة لتجتمع القلوب المحبة بعد طول انتظار.


يوم الفرح تم كتب الكتاب وسط الاحضان والزغاريط والناس اللى جت تبارك وتهنى وتتمنى لهم حياة جميلة من الاسرتين كما حضر اصحاب العريس والعروسة وابتديت المزيكا تعزف اجمل الالحان لبداية الاحتفالية الجميلة بليلة العمر والتى لاتنسى مهما مرت الايام والسنين تظل داخل القلوب لها ذكرى جميلة يرجع لها العروسين كل حين واخر.



وحان وقت تلبيس الشبكة للعروسة حيث تقوم ام العروس قبل تلبيس الشبكة بالمرور على المعازيم الموجودين لكى ينظرون نظرة سريعة عليها ... وبعد ما تمت الفرجة على الشبكة للمعازيم تصل الى الكوشة للعروسين ليقوم العريس بتلبيس العروسة شبكتها مع تبادل الدبل من اليد اليمين حيث الخطوبة الى الشمال حيث بداية اول ليلة فى الزواج.


بعد تلبيس الشبكة للعروسة جاء وقت العصير وهو مثل العادة التى اصبحت يتم عملها فى الفرح يأتى الجرسون بكوبين من العصير للعروسين كوب للعريس واخر للعروسة ثم يتم تبادل الاكواب ثم يتم رفع كوب ومحاولة شرب العصير من العريس والعروسة من كوب واحد وبعدها يتم تقطيع الجاتوة ان وجد وبعد المزيكا ورقصة رومانسية بين العروسين يلفون على الجالسين للتسليم عليهم رغم طلوع المعازيم فى بداية الفرح للتسليم عليهم ولكنها عادة


وعندما كان العروسين يلفون على المعازيم داس العريس بدون قصد على طرف فستان العروسة الطويلة فتم قطع قطعة منة لتلف لهو العروسة فى غضب وتقول لة مش تحاسب ياحمار بوظت الفستان ليقوم العريس ضارب العروسة وترد علية الضرب وبين الخناق تحاول الاطراف التفريق بينهم ولكن كلمة من هنا وكلمة من هناك امسك معارف العريس والعروسة فى بعض لتدور معركة بينهم وتاتى الشرطة وتفرق طرفين الخناقة ويتم عمل محضر فى القسم بالواقعة من الطرفين


وكانت من نتائح المعركة اصابة 10 افراد وتم الذهاب بيهم الى المستشفى لعمل الازم لهم مع التقارير التى تثبت الحالة الصحية ودخلت الاسرتين فى خصام الى ان تحل المشكلة وبدل ان يدخل العريس والعروسة الى عش الزوجية دخلوا الى القسم ثم بعدها خرجوا عداء كل طرف يحاول ان يعمل ما يستطيع ليكون هو الخارج باقل الخسائر مما حدث

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل