مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الأحد، فبراير 22، 2009

تمورة وبطوطة وبنت العرب




اتجمع الحلوين تمورة وفوفة وبسبوسة وكل الصحاب فى شارع الجناين ولعبوا كل الالعاب اللى بيحبوها ومر وقت طويل عليهم وابتدى الاصحاب كل واحد يروح على بيتة وفضل تمورة وفوفة وبسبوسة كانوا لسة عايزين يلعبو مع بعض تانى ومش عايزين يروحو البيت دلوقتى . قالت فوفة بس انا جعانة اوى وكمان رد عليها تمورة وبسبوسة واحنا كمان . ام قال تمورة ليهم خلاص على البيت يافوفة انتى وبسبوسة وهاتو سندوتشات مش تنسونى وانا هستناكم هنا يلا بسرعة

وراحت فوفة وبسبوسة على البيت يجيبو سندوتشات ليهم ولتمورة وفضل تمورة مستنى وكان عمال يجرى هنا وهنا حوالين الجناين يجرى وراء فراشة او عصفورة على الارض واقفة وسط ما هو عمال يجرى هنا وهناك ومش وخد بالو وقع فى حفرة كلها تين ومية غويطة وكان عمال يقب ويغطس وكان معدى بنت من بنات العرب بالصدفة شافت المنظر نطت من على الحمار ونزلت وانقذت تمورة من الموت وخدتة وياها على الحمار على خيم العرب اللى عايشين فيها

بالصدفة كان فوفة وبسبوسة جاين وشافو بنت العرب وهيا معاها تمورة على الحمار الحلوين عيطو وجريو على البيت على بابا تمورة وقالو لية الحق ياعمو تمورة اتخطف . قام بابا تمورة مفزوع وقال ليهم ازى ومين اللى خطفو . قالو لية بنت العرب خدتة على الحمار وعمالة تحسس على رقبتة ياعمو ممكن تكون هدبحة بسرعة ياعمو يلا نروح نخلص عليهم ونجيب تمورة حبينا ياعينى علية دلوقتى وجرى بابا تمورة وبلغ صديق لية بالشرطة وجت قوة وعلى خيم العرب وحصرتها

ونزل بابا تمورة جرى وطلع رجال كتير وكلم واحد كبير فيهم الشرطة وفهم بابا تمورة ان بنت العرب مش خطفت تمورة دى جبتة من بركة مية غويطة ولولا وجودها كان حصل لتمورة حاجة وجبتة هنا عشان تسعفة لانة كان بيرتعش وسال بابا تمورة هو فين وقام الرجل معاة يودية هو وصاحبة ظابط الشرطة على الخيمة اللى تمورة فيها ودخل فيها هو والظابط وبابا تمورة وفوفة وبسبوسة وشافوا تمورة اللى كان قاعد وسط اطفال من العرب وعمالين يلعبوا

جرى علية بابا وخدة فى حضنة وفضل يبوس فية وقال لية يلا على البيت ياتمورة ربنا سترها كم مرة اقول ليك تخد بالك وانت بتلعب فى الشارع وهو ماشى مسكت طفلة من بنات العرب ايد تمورة وقالت لية ابقى تعالة كل يوم تلعب معانا ياتمورة هستناك وقال ليها تمورة حاضر يابطوطة ام بصين لية فوفة وبسبوسة بطوطة مين دى اللى تلعب معاها تمورة قال وفيها اية ام ردين بقى كدة وقامت فوفة وبسبوسة هاجمين على تمورة اللى طلع يجرى منهم على عربية بابا وهما جرين علية ويقولو ونبى لنوريك يابتاع بطوطة

الجمعة، فبراير 13، 2009

لعبة الحلوين كانت مارج





كان الجو حر اوى وكان صعب على تمورة ينزل الشارع ويجمع اصحابة عدى تمورة على بسبوسة وفوفة اقرب اصحابة وكان الاتفاق بينهم انهم يلعبوا فى بيت حد منهم وكان الاتفاق يكون اللعب بيت تمورة وراحت

فوفة وبسبوسة مع تمورة الى بيتة منطقة اللعب عن اليوم


اتجمع الحلوين مع بعض وابتدى الدخول يدخل الى مرحلة اللعب والتفكير فى كيفية اللعب وماهى اللعبة التى راح يكون عليها العين . وكانت اللعب كتير اسغتماية وعسكر وحرامية وكهر با وغيرها بس كان الحلوين لعبوها كتير وعايزين حاجة جديدة تكون لعبة اليوم


وبعد طول تفكير قال تمورة ليهم اية رايكم اخلى تيتة تولع لينا الفديو ونتفرج على مارج وكان مارج دة حسب نطق تمورة وهو كان يقصد فيلم مارد بتاع اميتاب بتشان وفعلاا دة اللى حصل وجت تيتة وشغلت الفديو للحلوين اللى كانوا مبسوطين بية اوى ومع الفيلم يمر الوقت اكشن وغناء ورقص وخلص الفيلم والحلوين الشوق لسة وخدهم وعايزين لعبة جديدة

بسبوسة وفوفة وتمورة فى صوت واحد مع بعض اية رايكم نلعب لعبة فيلم مارج والثلاثة بصوا لبعض وهيييية حلوة يلا بينا وكان فى فيلم مارج مشهد هروب البطل من الاسر ومعة بنت الوزير ونط بيها من البلكونة على الحصان وجرى بيها ولكن هنا الحلوين بعد تفكير وعشان مفيش حصان وطبعا مش راح حد فيهم ينط من البلكونة

كانت البلكونة عندهم انهم فوق الدولاب يكون المكان والسرير تحت يكون الحصان وطلع تمورة وبسبوسة على الدولاب وفوفة قالت لا عشان خايفة وكان دورها بعد نط تمورة وبسبوسة انها تقول زى الفيلم وتجرى تبلغ الحراس وكان ما كان ومسك تمورة ايد بسبوسة ووكانت نطة من الدولاب وبدل ما تكون على السرير كانت على شباك السرير مع عياط وصريخ تمورة وبسبوسة

وجريت فوفة على تيتة وقالت ليها اللى جت ومش عارف كانت تعمل اية ويجى بابا وماما تمورة وعلى المستشفى راحوا مودين تمورة وبسبوسة واللى كانو ومن النطة حصل كسر فى دراع الحلوين ودة يعلم الحلوين انهم مش اى
حاجة نشوفها نعملها
--------------
الجديد فى مدوناتى الاخرى

الأربعاء، فبراير 04، 2009

تمورة وحكاية قطة وطشت غسيل




فى وقت من الاوقات كان زمان الغسيل يتحط فى طشت طويل ويتحط على الباجورا والبوتوجاز لو وجد فى مياة مغلية لوقت معين زى ما بتعمل زمان ستات البيوت . وفى يوم كان جدة تمورة مولعة على الباجور وحطة الطشت وفية المية عشان تغلى وكانت فى نفس الوقت بتحضر الاكل لتمورة اللى كان جعان خالص ومش قادر يستنى جدو لما يجى من برة عشان كان الاكل لما يتعمل محدش ياكل الا لما جد تمورة يكون موجود.
---------------
وجدة تمورة خدت طبق صغير وحطت لتمورة فية حبة ارز وحتت لحمة عشان تمورة كان عمال يعيط ويقول انا جعان ياتيتة وفرشت جدة تمورة حصيرة فى المطبخ جنبها وجلس تمورة ياكل وهو فرحان انة خلاص هيسكت بطنة الجعانة . وهو بياكل تمورة دخلت علية قطتة السيامى اللى كان تمورة متعلق بيها اوى وكان عمالة تلف حوالين تمورة ونو نو نو.
-------------
وفضل تمورة كل شوى يرمى ليها حتة من اللحمة عشان تاكل القطة ولما بص تمورة على اللحمة اللى كانت معاة وجدها خلاص قربت تخلص فنادى على جدتة وطلب منها حتت لحمة كمان عشان يدى القطة تاكل عشان هيا جعانة وراحت جدة تمورة جايبة حتة لحمة كبيرة واديتها لتمورة وقالت لية دى اخر لحمة مش تاخد تانى الا بعد ما جدو يجى .قال ليها تمورة ماشى
------------
وجلس تمورة ياكل وياكل القطة وبعدين قام تمورة وساب الاكل كلة على الارض وراح الحمام وطبعا تمورة كان طفل صغير ومش فكر خالص ان القطة ممكن تخلص على الاكل اللى على الارض . ولما رجع وجد القطة كلت الرز وبتاكل فى اللحمة عيط تمورة وضرب القطة وفى عز ما هو زعلان حدفها بس الحدفة كانت جامدة نزلت القطة فى طشت الغسيل اللى فية مية مغلية والقطة فضلت تحاول تتطلع وتصرخ .
----------
وتمورة واقف يعيط وجرى على جدتة بسرعة وقال ليها اللى جت وطلعت القطة من الطشت وكانت القطة حالها صعب . وبعد يومين ماتت القطة وكان يوم صعب على تمورة اللى فضل يعيط وخد القطة فى حضنة ومش كان عايز يسبها وفضل حزين تمورة على قطتة السيامى وكان عشان بيحبها اوى جدو دفنها فى الجنينة اللى قدام البيت وفهم تمورة انة مش يحفر تانى عليها وبقى كل يوم تمورة يصحى ويحط على مكان الحفرة وردة ويبص لكم صورة كان متصورها مع القطة ويعيط
-----------
جديد مدوناتى الاخرى
---------

الأحد، فبراير 01، 2009

البحث عن القطة نونة مازال مستمر ولن ينتهى




القطة نونة احلى قطة اتعرف عليها القط تمورة كانت مش اى قطة كانت قطة فريدة من نوعها قطة هادية وطيبة وجميلة كانت بالنسبة للقط تمورة كل حاجة فى حياتة من اول يوم لقاء وحس القط تمورة بحاجة بتشدة وتقربة من القطة نونة ومرت الايام ويصارح القط تمورة القطة نونة بالحب اللى فى قلبة . وجد القط تمورة ان القطة نونة بتبادلة نفس الشعور ونفس العواطف
-------------------------------
كانت الايام جميلة والفرحة بين القط والقطة ليس لها مثيل وكان كل واحد فيهم يحكى للتانى عن كل حاجة فى حياتة وكان لحظات اللقاء بينهم تجمع بين المرح والضحك والكلام الجاد والنظر الى المستقبل والايام القادمة واختار القط تمورة والقطة نونة اسامى الاطفال وكل حاجة فى حياتهم مع بعضهم واستمر اللقاء بينهم ايام وشهور وسنين
----------------------------
كانت المشكلة الوحيدة اللى مفرقة بين القطين الحلوين هو بعد المسافة بينهما فكل منهما يعيش فى بلد بعيدة عن الاخر وكل منهما لة من الظروف ما تمنعة من اللقاء الحقيقيى حيث كان دائما اللقاء بين القطين عبر المسنجر والجوال لغة العصر الحديثة وكان كل منهما بداخلة الكثير من الشوق والحنين الى الاخر فى لحظة اللقاء على ارض الواقع ولكن احيانا الظروف تكون اقوى من الانسان وتمنع عنة الكثير من مايتمنى ويريد
--------------------------
وفى يوم من الايام تختفى القطة نونة من حياة القط تمورة ويحزن جداا عليها القط حيث الاختفاء كان بدون مقدمات ولا اسباب ولا لموقف حدث بين القطين ولكنة كان اختفاء الفجأة. واصبح القط مشغول وقلقان على قطتة ونفسة يسمع صوتها يطمن عليها على الجوال او المسنجر اللى جمع بينهم ووكان علية بينهم اجمل كلام واحلام
-----------------------
ورغم مرور الكثير من الايام والشهور على اختفاء القطة نونة عن القط تمورة مازال يفكر فيها ويتمنى ان تعود الية كم هو فى حاجة القط الى قطتة محتاج الى الحضن الدافى والكلام الطيب واصبح القط تمورة يحلم بقطتة ويقوم من النوم يصرخ اين انتى يانونة
--------------------
اخر مواضيع مدوناتى الاخرى
-------------------