مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، ديسمبر 24، 2010

الى الجنة وربنا يرحمك يا اغلى الناس عليا والدى العزيز

توفى امس والدى العزيز رحمة الله علية
ارجو الدعاء لية


مش عارف اتكلم

حاسس انى بحلم




وجزاكم الله خيرا


مع خالص تحياتى

الثلاثاء، ديسمبر 21، 2010

البنت النخلة وخدة بلحة


من الاشياء المعروفة والمؤكدة ان الرجل دائما لازم يكون اطول من العروسة او طول واحد دة شىء طبيعى لحاجات كتير واضحة المعالم لينا كلنا. طيب لو العكس هيحصل اية ممكن يكون فى اختلاف فى نظرة الناس.


اثنين دخل الحب بينهم وبقى بينهم ارتباط عاطفى لامفر منة ولاهروب بس المشكلة ان البنت اطول من الشاب يجى 20 سنتى كدة يعنى اطول منة بس الحب بيجرى جواهم نهر لايتوقف من العطاء والمحبة والتفاهم المتواصل بلا نهاية


البنت والشاب مش فارقة معاهم وراضين ببعض رغم مشكلة الطول دى بس ياترى الناس هتسبهم فى حالهم ومش هتتكلم عليهم واقل حاجة شوف الرجل واخد واحدة اطول منة ولا البنت النخلة وخدة بلحة فى فرع واكيد فى الموضوع سر


ياترى انتى بنت وياترى انت شاب لو صادف حد فيكم حاجة زى كدة هيكمل فيها دون اهتمام بكلام الناس ونظرتهم للموضوع ولا هتبكرو دماغكم وعلى راى المثل الباب اللى يجيلك منة الريح سدة واستريح

من راى ان الموضوع لو صادفنى هرضى بية وهكمل دون اهتمام بنظرة ناس وخلافة مدام فية حب وتفاهم بين الطرفين لية الانشغال بكلام الناس اللى مهما نعمل كدة كدة متكلمين

مستنى رايكم

مع خالص تحياتى

الجمعة، ديسمبر 17، 2010

لكل زوجين اختار قبل الحمل نوع الجنين


مسعود وسلوى متزوجين من عشر سنين عندهم بنتين زى القمر بس مسعود نفسة فى ولد لدرجة انة بيفكر يجوز تانى عشان يكون لية ولد وطبعا سلوى حاسة بية وباللى بيفكر فية ومش عارفة تعمل اية



مشكلو مسعود وسلوى وحكاية الولد مشكلة ملايين من الازواج ولكن كما نعلم فى الشرق الاوسط حيث العادات والتقاليد تنتشر اكثر ولكثير من الاسباب ولكن الهدف واحد عايزين ولد


هنا الجديد ان فى بحث علمى ظهر للموضوع دة بيقول ان ممكن اننا نحدد قبل الحمل نوع المولود القادم حسب رغبة الطرفين يعنى ولد او بنت بيقول البحث دة اية

ان تحديد نوع المولود بيكون عن طريق الغذاء حيث نوعية الطعام تتحكم فى نوع المولود طبعا البحث هو اللى بيقول كدة بمعنى

اذا اردت ولد فعلى الام تناول الاغذية المحتوية على الصوديوم والبوتاسيوم يجتذب جدار الخلية البويضة الحيوانات المنوية الذكرية‏. وهنا ياتى الجنين ولد

اما اذا اردت بنت فعلى الام هنا تناول الاغذية المحتوية على الكالسيوم والماغنيسيوم فهنا تختذب للخلية الحيوان المنوي الحامل للكروموسوم الأنثوي ويكون الجنين بنت

سبحان الله كل فترة يظهر من العلم ما يفتح الكثير من الابواب المغلقة ويكون حل لكثير من المشاكل فى حياة الانسان واتمنى يكون نتيجة البحث دى صادقة 100 %

البحث العلمى دة وفكرتة تم نشرها عن طريق جريدة الاهرام وما انا الا عارض للموضوع عن طريق مقال بطريقتى لتوضيح الامر


الاثنين، ديسمبر 13، 2010

الى كل بنت تريد الزواج



خلاص مفيش بنت هتفضل فى مصر من غير جواز يعنى مفيش بنت بعد كدة هتبقى فى مصر او اى بلاد اخرى تحت لقب عازبة ولكن بشروط واضحة اذا مشيت بيها وعليها البنت من المؤكد بعدها هتكون عروسة مع عريسها فى عش الزوجية ويابخت من وفق راسين فى الحلال


قريت خبر بيقول اية ان الرجال فى موريتانيا لايرضون الزواج الا من الفتاة البدينة لاغير حيث يعتبرونها ملكة جمال عكس البنت الرفيعة كما ان الامهات هناك يجبرون البنات على الاكل حتى يتحولون من الرفيعة الى البدينة حيث الرفيعة هناك لانصيب لها فى الزواج



وتقوم الامهات كما قولنا على اجبار البنت على الاكل وهذى الطريقة تسمى التبلاح اى تسمين البنات وعليها تكون البنت عند عمر البلوغ ثمينة بدينة مؤهلة لتكون ملكة جمال لتدخل بعدها الى عش الزوجية السعيد


وعليها بقى على كل بنت مصرية او اى بنت من اى بلاد اخرى متسرعة على الزواج وتخشى ان يفوتها القطار وتصبح عانس عليها وعلى الاكل والتسمين ثم الذهاب الى موريتا نيا للحصول على عريس اكيد واهو تخفف البنات الضغط على الشباب فى البلاد التى تقيم بها


يلا يا بنات من الان اكل بلا توقف تسمين مستمر حتى تحصلين على العريس الموريتانى وتخرجى من نفق وشبح العنوسة المخيف


شروط بسيطة وسهلة على كل بنت واهو بالمرة البنت تجيب عريس موريتانى والشاب بقى يخد واحدة اجنبية وتتحل ازمة الزواج وايامة
انتم اية رايكم؟

الخميس، ديسمبر 02، 2010

واجب تدوينى


ازيكم احلى ناس اخباركم اية

بوست اليوم عبارة عن واجب تدوينى من سؤالين من الاخت العزيزة المدونة


Dr/ walaa salah


السؤال الاول هل انا فضولى وهل احب التدخل فى شئون الاخرين ؟

السؤال الثانى ماهى الاسئلة التى تستفزنى .؟


بالنسبة للسؤال الاول

هل انا فضولى وهل احب التدخل فى شئون الاخرين .؟


فى مثل بيقول عامل الناس كما تحب ان يعاملوك

وانا مش بحب حد يتدخل فى شئونى الالو سمحت لية

وعشان كدة انا انسان فى حالى ولااحب التدخل فى شئون الاخرين او محاولة معرفة اى شىء يخصهم مهما كان

الا لو طلب الشخص هذا وطلب منى الاستماع للمساعدة


بالنسبة للسؤال الثانى

ماهى الاسئلة التى تستفزنى ؟

حد يسالنى ويقولى معقول لحد دلوقت لسة عازب ؟ وعشان اية؟ لعلى المانع خير؟

والاسئلة كتير وتتدخل تحت بند التدخل فى الشئون الشخصية لاانسان

ويارب اكون قدرت اقول حاجة فى الاجابة المختصرة دى

مع خالص تحياتى


الجمعة، نوفمبر 26، 2010

كل سنةواحنا طيبين وبخير



اليوم دة ومن كل سنة بالنسبة ليا يوم عالمى يوم حضرت وقدمت الى الدنيا طبعا نورتها احم احم اى يوم عيد ميلادى

وبقى عندى 33 سنة عادى بقى الايام بتجرى بالواحد ومش حاسس بيها بجد احنا فى عصر السرعة فى كل حاجة

وكمان ا ليوم دة هو يوم عيد ميلاد مدونتى العزيزة بقى عندها 6 سنين ربنا يزيد ويبارك فى عمرها عشان كدة بقول عالمى

كان قبل المدونة فى اليوم دة بحتفل بعيد ميلادى وبس بس من ست سنين بقى احتفال مش عادى عشان بحتفل بوجودى وجود المدونة الجميلة دى والعزيزة على قلبى

منها بقيت اقول كل حاجة عايز اقولها ومنها عرفت ناس زى العسل وقابلت ناس من خلالها زى العسل

التدوين دة ياجماعة لكل الناس مش بس المحترفين فى مجال الكتابة بانواعها المختلفة لا كل الناس كل انسان عايز يقول ويكتب يقدر يكتب والعالم كلة بيتابع كلامة

التدوين حرية بلا حدود بلا حواحز ولا سدود



اول ما عرفت طريق التدوين فضلت افكر اسمى المدونة اية وكانت الاول اسمها افكار بس بالانجليزى وبعدين ضفت حرة وبقت افكار حرة

واخترت تكون المدونة عامة شاملة كل حاجة عشان اقدر اكتب براحتى فى مجال من مجالات الكتابة براحتى


بعد كدة عملت مدونة افكار مرعبة الللى بقى اسمها دلوقتى حدائق الموت وخلتها متخصصة فى عالم الرعب وبقيت اجمع كل حاجة تخص العالم دة فيها


وفى ايضا مدونة افكار الثقافة والادب ودى واضح من اسمها متخصصة فى اية وبنقل فى فيها مواضيع كتير تخص العالم القيم دة

واخيرا مدونة My Egypt اللى بكتب فيها باللغة الانجليزية طبعا عن طريق نقل المواضيع الخاصة بمصر من ايام الفراعنة اما اقوم بالترجمة عن طريق جوجل او يكون الموضوع من موقع يدعم الترجمة

وخلتها بالانجليزى عشان اقدم حضارة بلدى لكل انحاء العالم


من يوم ما ابتديت تدوين كان عدد المدونين قليل وابتدى يزيد مع الايام ويارب اشوف المدونين بالملايين كدة


وكل سنة وانا طيب ومدنتى العزيزة طيبة وكل المدونين طيبين وبخير

وياريت بقى كل اللى يجى يسيب جنية فى المدونة قبل ما يمشى هههههه او شوكولاتة ههههه

ربنا يوفقكم ويكرمكم يارب

مع خالص تحيات
ى

الخميس، نوفمبر 04، 2010

العفريتة المتهورة


دخلت الى

الجمعة، أكتوبر 29، 2010

كم اشتاق الى نفسى


تمضى الايام مسرعة يوم وراء يوم شهر وراء شهر سنة وراء سنة 

وانا كما انا لم اتغير مازالت ارى نفسى ذلك الطفل الصغير الذى كل مايهتم بة هى لعبتة

عندما يمل منها يقوم بالتخلص منها اما بالكسر او بتركها 

 والمطالبة بلعبة اخرى جديدة 


 ومن بعد كسل وملل يكون هناك سعادة ونشاط مع اللعبة الجديدة

الى ان يمر وقت الاشباع منها والمطالبة بأخرى

انها الطفولة البريئة والجميلة كل ما فيها لعب ونط ولمة حلوة مع الاصحاب 

لانفكر سوى فى اللعب وكيف تكون لعبتنا حتى نستمتع بها




كم اتمنى الان ان تعود بى الايام الى الوراء 

واعود مرة اخرى طفل 

كل همة فى لعبتة يضحك فى وجودها ويبكى فى كسرها



وعندما اشعر بالخوف اجرى الى احضان امى وابى 

اشعر بحنين واشتياق دائما الى مرحلة الطفولة 

ياليتنى اعود طفل صغير مرة اخرى


كم اشتاق الى نفسى وهى صغيرة 

كم اشتاق الى نفسى التى كانت فى يوم من الايام بريئة

وان كان من الصعب العودة اليها

 فيكفينى العودة لها فى عالم الاحلام 


كى تبعدنى ولو ساعة او اقل

بعيد عن مشاغل الايام وهموم وجراح الحياة

الجمعة، أكتوبر 15، 2010

دنيتى اتغيرت&& والرجل دة خنقنى بجد


كلنا بنعيش فى دنيا واحدة بنعيش فيها بكل ما فيها من اشكال والوان وبنقابل ناس نحبها ونقرب منها ونزعل لو غابت عننا لااى سبب وناس نكرها ونفرح لو غابت عننا

واحيانا كتير نظرا لظروف الحياة نتعامل مع نوعية الناس اللى احنا مش بنحبها لكن الظروف واحداث الحياة بتحكم علينا وبتفرض لزوم التعامل معاهم رغم عدم حبنا ليهم واختلافنا معهم شكلاا ومضمونا فى كل شىء

وفى الدنيا اللى احنا عايشين فيها بتحصل لينا حاجات بتغير الدنيا فى عنينا سواء الى الافضل او العكس سمعت اغنية حماقى اللى بتقول دنيتى اتغيرت اول ما شوفت عنيك انا يعنى حماقى الدنيا فى عيونة اتغيرت لما شاف عيون انسانة لفتت نظرة واتعلق بيها فمن نظرتة الى الامر الدنيا اتغيرت


وكلنا بتتغير الدنيا فى عنينا كل فترة سواء الى الافضل او العكس الدنيا بتتغير ويختلف التغير من انسان الى اخر حسب ما تأتى بة الحياة الينا كل حين واخر


والتغير فى حياتنا ينقسم فى حياتنا الى تغير مزاجى نسعى الية حسب نظرتنا الى الامر والصالح العام لنا اما التغير التى تفرضة علينا الحياة مجبرين على التعامل معة حتى لو كان غير مناسب لنا يجب التعامل معة


الرجل دة خنقنى بجد
------------------

فى يوم وانا رايح مشوار تعبت من اللف فكان قدامى جنينة وجدت فيها كرسى للجلوس جلست عشان ارتاح وكمان فرصة اتصفح الجرنال اللى معايا وانا جالس جاء رجل فى الاربعين من عمرة تقريبا وجلس جنبى وشوى بضرب بطرف عينى وجدتة عمال يتابع الجرنال اللى فى ايدى

ولما ابص ناحيتة يبعد عنية عن الجرنال لحد ما وصلت الى صفحة الحوادث وجدت الرجل قرب منى اوى وبقى يتابع بعنية وراسة دخلت بعد ايدى قومت بصيت لية وقولت لية لو حضرتك عايز تتابع الجرنال خدة وبلاش اتابع انا دلوقتى

وجدتة قام وخد الجرنال منى وقال ليا عندك حق وكمان الجرنال بتاعك ولما تروح البيت ابقى تابع براحتك وفضل يتابع وانا جنبة فى حالة تعجب من اللى بيحصل

قومت مولع سيجارة وجدتة بيقولى ممكن سيجارة رغم انها مش من النوع اللى بشربة بس المطر بقى واديتة سيجارة وفضل يتابع الجرنال بتاعى والسيجارة فى فمة وانا مولع وقرفان منة

وبعدين وجدتة قام من غير كلام ولاسلام والجرنال بتاعى معاة قومت منادى علية ياعم الجرنال بتاعى بص ليا وقال مالك يارجل متوتر لية دة جرنال لاراح ولاجة قولت لية مدام هو كدة خدتة منى لية قال ليا كنت بتسلى

وعلى العموم ياسيدى خد الجرنال بس ممكن تسلفنى صفحة الحوادث بصيت لية وقولت لية اشمعنا قال ليا اصل هحتفظ بيها قولت لية ولية نقطع الجرنال ما تخد جنية منى وتشترى واحد تانى واحتفظ بية كلة قال ليا ياسلام عليك رجل محترم قولت لية شكرا

قام باصص ليا وقال هات بقى الجنية عشان امشى اصلى مستعجل هو قال دى من هنا وانا مش عارف فضلت اضحك وهو فضل يضحك على ضحكى وكنت بضحك لانى افتكرت ان هيطلع ليا كمان شوى فريق عمل ويقولى اضحك انت مع الكمير الخفية

ولكن مش حصل من دى حاجة والرجل خد الجنية ومشى وانا مشيت بس لحد دلوقتى مستغرب من افعال الرجل الغريبة دى ومن سكوتى وتسليمى لكل ما حصل

المفروض كنت اتعصبت علية ودى اقل حاجة بس سبحان الله مع الرخامة دى كنت هادى

زى ما يكون الرجل عمل ليا عمل سحرى

الثلاثاء، سبتمبر 21، 2010

من اين اتى هذا العشق؟


عندما يجلس الانسان مع نفسة ويفكر فى اشياء كثيرة لايصل الى حل فيها يضرب كف على كف ويتوقف عن التفكير ويستمر فى حياتة كما كان ولكن تجبر الظروف والاحداث ان يعود مرة اخرى ويجلس مع نفسة ويعيد التفكير ولا يصل الى حل يرضية

الانسان لايفهم نفسة كيف لة ان يفهم الاخرين اذا حاول الانسان ان يفهم الاخرين ويدخل حروب نفسية لكى يتعرف عليهم لن يستطيع الا اذا استطاع ان يفهم نفسة قبل كل شىء فمن لايفهم نفسة لن يستطيع فهم الاخرين ولو قدر لة ان يعيش مئات السنين لن يفهم ما يدور فى نفوس الاخرين


من منا يفهم نفسة وعالم بما يدور بها؟ الانسان دائما يجد صعوبة فى فهم نفسة يجد صعوبة فى معرفة لماذا يخالف الشرع والدين واحكامة والعادات والتقاليد والاعراف التى هو مرتبط بها المجتمع الذى يعيش فية لماذا يخرج عنها رغم معرفتة انة على الطريق الخطىء

يستمر على السير فى طريق الاخطاء وهو على علم انها اخطاء ممكن ان يعاتب نفسة عندما يختلى بها ولكن لايستطيع معرفة سر الاستمرار فيها بكل الملوثات التى فيها

هو قد يعلم كيفية الخروج لان لة عقل يفكر وضمير يحكم بة على مايقوم بة لكنة يضع امام نفسة عندما يختلى بها الكثير من الشماعات التى يعلق عليها اسباب فشلة فى الخروج من الطريق الاسود الذى يمشى فية الملون بالاخطاء والكوارث التى يضع نفسة فيها.



عندما اقول لك فلان يعشق الموسيقى الرومانسية من اين اتى هذا العشق؟ اكيد عن طريق كثرة الاستماع الى هذة النوعية من الموسيقى وكيف استمع لها؟ اكيد عن طريق الازن المخصصة لهذة الوظيفة وهذا امر طبيعى


ولكن عندما يقول لك انسان انة عشق الموسيقى الرومانسية عن طريق تناول الكثير منها كل يوم مع المحشى اكيد سيكون هذا الانسان فى وضع غير طبيعى لمن يستمع لة ومكانة الطبيعى مع المجانين رغم انة بكامل قواة العقلية.

ولكن المؤسسة الذى يعمل معها ترجح هذا الامر اذن لو عارض الامر رغم انة غير طبيعة سيخسر عملة فهنا يطر ان يمشى مع اقوال المؤسسة الغير طبعية لكى يحافظ على وظيفتة وسلطتة فى المؤسسة التى يعمل بها


اذا حاول ان يفكر او يغير او الخروج عن سياسة المؤسسة فهو ضال مجنون لايستحق العمل فيها والكثير من البشر فى الكثير من المجتمعات المختلفة تقول وترجح الكثير من الامور الغير مؤمنة بها فقد لكى تحافظ على نفسها ولو على حساب نفسها والافكار المختلفة التى تؤمن بها


من هنا تاتى صعوبة ان يفهم الانسان نفسة ونفوس الاخرين وان حاول ان يفهم نفسة وبالتالى منها استطاع ان يحل الغاز نفوس الاخرين فهو غير قادر على التصريح كى لايخرج عن المؤسسة التى ينعم بالخير والسعادة منها لانة يمشى على وتيرة ما تقول هى فقد

الانسان لكى يستريح يجب ان يلغى كل ما يؤمن بة من افكار وان يتوقف العقل والتفكير ولا يفكر ولايشعر ولا يعيش الا بالطريقة التى تعيش بها المؤسسة لاغير ومن يخالف فهو ميت بلا جنازة ولن تبكى المؤسسة علية

الثلاثاء، أغسطس 31، 2010

عفو فالحب مات ونحتاح الى العزاء فية


كل انسان يخفى بداخلة الكثير من الاشياء المحرمة والتى لا يستطيع التحدث فيها مع الاخرين الا عن طريق اخر مخالف لما يرى ويعتقد ويحب ان يكون الامر علية


وما هو الامر المخالف؟ لو تجمع مجموعة من المقربين او اصدقاء او مجموعة ما من البشر اجتمعت من اجل شىء ما حفلة او فرح او ندوة تجد كل فرض يتكلم بطريقة شرعية مخالفة لما هو يفعلة عندما يكون مختلى بنفسة

الانسان يفعل ويقول امام الاخرين ما هو مقبول ومحبب ومعروف للجميع انة الطريق الصحيح الذى يجب ان يكون علية الاختيار سواء قولا او فعلا

تخيل انسان سواء بنت او شاب كل منهما يتمنى الزواج وفتح بيت حيث الراحة والاستقرار والبنت تتمنى ان تكون ام والشاب يتمنى ان يكون اب هذا ما نقول علية الشرعى فى الحديث للطرفين

ولكن فى الاختلاء بالنفس كل طرف يتمنى وينظر الى الامر بطريقة شهوانية وراحة جسدية لكل منهما ولكن لايستطيع اى طرف ان يقول او يتحدث بصراحة امام احد بنظرتة الشهوانية للزواج مع ان الامر سيتم فى اطار شرعى

ولكن الشهوة الجنسية فى الزواج هيا من الاسرار التى يخيفها الجميع عن الجميع فى حضور الجميع ولكن مع الاختلاء
مع النفس فهى حاضرة بدرجة مميزة واضحة مثل الشمس


دائما يخفى الانسان الكثير بداخلة والذى لايصح ان يتحدث فية او يرجحة ويكون معة امام الاخرين


دائما نرتدى قناع التقوى والصلاح امام الاخرين ونبين عكس ما نفعل او نتمنى

عندما تقابل البنت شاب اول ما تبحث عنة فية المستوى المادى ان كان مستوى مناسب الى ما ترى وتتمنى تخدعة باسم الحب لكى تنول منة ليس من اجلة ولكن من اجل مستواة المادى


وعندما يقابل شاب فتاة يتم وضعها تحت الاختبار الاخلاقى نجحت يتم الزواج بها فشلت ينسى الامر


والطرفين يخدعون بعضهم باسم الحب وذلك للحصول على اشياء اخرى هى من راى انانية وقصر نظر


وبعد الزواج تنكشف الحقائق وتظهر على السطح ويحدث وقتها المشاكل ويتضح اختلاف الطرفين فى كل شىء نظرا لااختيار الخاطىء منذ البداية وهنا لايكون سوى حلين الانفصال او العيش معا امام الناس هم احباب وعند الاختلاء ببعضهم هم اعداء

يحاول كل طرف الانتقام من الاخر عن طريق الاهانات المستمرة او عن طريق الخيانة وتصبح الحياة نار والاستقرار يتحول الى جحيم وكل هذا حصل لان كل طرف فى بداية الامر كذب وخدع الاخر

نحن فى زمن المادة وليس زمن الحب وكل ما يحدث بين طرفين باسم الحب ما هو الا مسرحية سوداء يحاول كل طرف الحصول منها على اكبر المكاسب بالفوائد المركبة وكلة تحت شعار الحب والذى اصبح فى هذا الزمن

لعبة اى طرف لخداع الاخرين وذلك للحصول على ما يريد وما يتمنى باسم الحب الذى مات منذ زمن والجميع يعلم بموتة ولكن يحاولون الظهور بخلاف ذلك ولكن من مات لايعود فليكفى ما يحدث وليخلع الجميع الاقنعة

عفو فالحب مات ونحتاح الى العزاء فية

الثلاثاء، أغسطس 24، 2010

الموتوسيكل راح فين


مساء الخير دة مطعم كنتاكى . ايوة يا فندم تحت امرك. انا عايز الطلبات دى على العنوان دة. تحت امرك يا فندم

ويتم تجهيز الطلب وارسال الدليفرى لتوصيلة الى العنوان يطلع سائق الدليفرى الى الدور الخامس يفضل يخبط محدش يرد


يتصل على تليفون صاحب الطلب يرد يقول لية معلشى اصلى بجيب طلب من تحت خليك واقف قدام الشقة خمس دقائق واكون عندك


وتمر اكتر من 10 دقايق وصاحب الشقة لم ياتى ينزل الدليفرى لايجد الموتوسيكل راح فين اتسرق بالخطة السابقة

دى مش قصة دة حصلت بحد فى فرع كنتاكى اللى فى بنها عندنا وياعالم بقى الغلبان بتاع الدليفرى دة هيتعمل معاة اية وكنتاكى هتجيب حق الموتوسيكل علية الله اعلم هيكون التصرف ازى معاة مع انى سمعت انهم عايزينة يمضى على وصل امانة بحجة ان الموتوسيكل متامن علية والوصل دة هيساعد فى صرف فلوس التامين وشكلها كدة عايزين الغلبان بتاع الدليفرى يشيل الليلة


حكاية سرقة الموتوسيكلات دى كترت الايام دى واكيد فى عصابة متخصصة فى الموضوع دة

جارى واثنين اعرفهم اتسرق الموتوسيكل بتاعهم دة غير البلاغات اللى كل شوى عن سرقت موتوسيكل


ياترى العصابة دى هتعمل اية بالموتوسيكلات المسروقة؟

الخميس، أغسطس 12، 2010

اختار الحلم بنفسك وعيش يامعلم



فى عالم الخيال وعالم الاحلام انت ديما متظبط وكل حاجة ما بين ايدك مفيش حزن ولاجرح ولاهم ولاغم ولاحيرة ولانار ولاغيرة ولافراق ولامسئؤلية فوق دماغ حضرتك قرفان بيها طول النهار وشيل همها طول الليل وان نمت حلمت بيها وتقوم مفزوع على حسها والعرق مغرقك والخوف جواك بيقطع فيك منشار خشابى لو نواى تعمل مدال على شكل ميكى موس او منشار حدادى لو نواى على فراقى ازى انظز الصفحة رقم خمسين من ارض الواقع ورياح الخماسين

عالم الخيال والاحلام عالم الراحة والامان عالم فى كل الطلبات والرغيات موجبة وموجودة ومش هتتعب ولاهتتشقى عشان تكون بين ايدك مش سحر ولاشعوذة دة علم وحرفنة دراسة عشرين الف سنة جوة قاع الحياة ومنها وفيها شوفت وعرفت واتعلمت انى اعيش وعشان اعيش لازم افكر ازى اعيش وبأى طريقة هتكون حياتى كل اللى عليا احلم واتمنى واشوف فى الحلم ازى اعيش وانا عايز اية واحط النقط على الحروف وابتدى من غير حيرة وخوف وكلة هيكون شرعى وسليم دليل السعادة بس ادفع المطلوب وخليك كريم

الدفع مش نقدى ولابشيك اصحى وفوق وخد باك من كلامى وانا هواريك كل خير ماتخاف مش النجوم فى عز الظهر بتطلع ساعات وبين عنيك تكون موجودة وقاعدة وحاطة رجل على رجل وبتأكل خيار وفجل ودة بيخليك منشكح على طريقة لاقاتل او مقتول طيب ريحنى وظبطنى واكلنى حب العزبز او ام الخلول نقع واستنفع وان كان عندك حق دة امبارح لكن دلوقت هصرخ واقول ليك لا والف لا

عالم الخيال والاحلام عالم الاقوياء والناس الصح صح الناس اللى بتفهم وبتقدر الحاجة الصح من نظرة عين مش تستنى العو يقرب منها وتعرف وما تحس الا والجرح قاطع قلبها وبيحدد ليهم كل حاجة واى حاجة على اساس انك قاصر ولسة طفل ومصلحتك مش فى ايدك
دة فى ايدهم وان كان عجبك مش عجبك انا الصح الصح وانت اللى هيذيد جواك الجرح لو ماسمعت الكلام
قولت اية سمعنى صوتك من غير كلام ولاملام ازى معرفشى بس سمعنى وماتعصبنيش سبنى فى حالى انا رايح اعيش


لية تنام وتسيب الاحلام هيا اللى تيجى ليك ولما تيجى ممكن تكون مش على المقاس بتاعك وتتعبك وتتطلع عينك مع ان الموضوع فى ايدك من البداية لو مش عارف شوف للنهاية واعمل اللى هقولك علية قبل النوم شوف نفسك فى اية عايز اية وحط اللى انت عايز تكون علية فى دماغك وركز علية مسافة ما تغمض عنيك فى عالم الخيال والاحلام هيكون بين ايدك ويبقى كدة هنقدر نتغلب على كل الكوابيس والاحلام المزعجة اللى يتكون داخلة علينا بدون استئذان ولااحم ولادستور واللى فى الاخر بيشيل الهم انا وانت وفتحى ومنصور

يبقى دة مفتاح حياتك وطريقك للنهاية عملت بية انت الكسبان ما عملت انت الخسران ماهو مش ممكن هجى واحدد ليك طريقك واحلامك كمان وانت واقف تتفرج خايف تقرب او تجرب لا عايزك جرىء وفكر فى الطريق وارسمة بدل ما حد تانى يرسمة ليك وان طلع واسع او ضيق الحق عليك

الجمعة، أغسطس 06، 2010

مكالمة جنسية


حكاية وحدوتة عجيبة ممكن تكون حصلت فى الواقع وممكن تكون مش حصلت بس كل شىء جايز فى هذة الايام الجميلة والتى نسمع ونرى فيها الكثير من الاحداث التى لايصدقها عقل وكانت من فترة من المحرمات التى استحالة ان نتخيل ان تكون حدث فى هذا الوقت نيجى لحدوتة النهاردة


مى ومحمود تعرف كل منهما على الاخر عن طريق الشات ظلت العلاقة بينهما اكثر من سنة ونص وصلت الى ابعد الحدود من عرض كمير فاضح للطرفين مع الصوت مع مايسمى بالمكالمة الجنسية ودى تكون بالموبيل او المايك واستمر الحال بينهم كدة خلال السنة ونص على هذا الحال


طبعا محدش فيهم شاف التانى لان دة فى الشات الجنسى دة من المحرمات ممكن عرض الجسم باكملة والتحدث بالصوت لكن الوجة عيب وحرام فهو كشف لااشخاص نفسهم وهو ما لايرضى بية الطرفين لانهم فى الشات الجنسى كل طرف يعشق الوهم الذى رسمة لنفسة لااخرين


كان فى بداية التعارف بينهم فى الشات الجنسى يتم شحن الكرروت عن طريق محمود لمى ومع تماسك العلاقة بينهم استغنت مى عن الكروت منة واكتفت بما تفعلة معة على الكمير والمايك الى ان جاء يوم واصبح محمود لايدخل الاميل ولا مى لااكثر من شهرين وكان كل طرف قرر الابتعاد عن الاخر او عن هذا الطريق المنحرف


لقد قرر محمود الزواج وايضا مى وطبعا فى هذة الحالة كل طرف ينسى الشات والنت ويقرر الالتزام والابتعاد عن ما كان يفعلة سابقا وينظر الى حياتة الجديدة بمنظور اخلاقى ودينى ولكن تاتى الرياح بما لاتشتهى السفن وفى ليلة الدخلة لمحمود يكتشف وجود وحمة على فخد زوجتة ويتذكر هنا مى واصبح ينظر الى زوجتة ويشك فيها مع نفسة قد تكون هى مى من كانت بينة وبينها علاقة جنسية بالنت


وقرر محمود بعد مرور شهر العسل التاكد فخرج الى العمل ودخل الى كافى نت وفتح الاميل وانتظر ساعة ثم يخرج وظل على هذا الحال لااكثر من شهر الى ان جاء يوم وفتحت مى وكل منهما سلم على الاخر يشوق ولهفة بعد غياب وعندما سال محمود مى عن سر الغياب قالت ظروف احكيها ليك بعدين فطلب منها ان تفتح الكمير فهو مشتاق لها


وفتحت لية الكمير وعرضت لة دون الوجة كما هو المعتاد ولكن كانت صدمتة انها زوجتة هى مى لان الغرفة التى هى فيها هى غرفة مكتبة ويغلق الشات ويذهب مسرعا الى البيت ويجد مى بدون هدوم على الكمبيوتر فقال لها الم يحين الوقت لكى نتحدث مع بعض وجة لوجة يامى فصدمت مى ونظرت الى الارض وخرج من البيت ولكن ماذا يحدث بينهم هذا ما لااعرفة لعلى الايام تاتى بالجديد

الأربعاء، يوليو 07، 2010

تعيط وتبص فى الارض


واحدة / لو سمحت ممكن

واحد/ ايوة تحت امرك

واحدة/ انا مش عارفة اقول اية

واحد/ قولى اللى انتى عايزة تقولى انا سمعك

واحدة/ بصراحة انا ضاع البوك بتاعى اللى فية الفلوس ومحتاجة 2 جنية بس عشان اعرف اسافر

واحد/ بس كدة هو انتى منين

واحدة / انا من توكنو

واحد/ خلاص ياستى خدى الاثنين جنية

واحدة/ متشكرة اوى

واحد/ لاشكر على واجب مع السلامة

تانى مرة

واحدة / لو سمحت ممكن

واحد/ انتى تانى

واحدة / اية دة انت تعرفنى

واحد/ عز المعرفة

واحدة/ تعرفنى منين

واحد/ بامارة توكنو والاثنين جنية

واحدة/ تعيط وتبص فى الارض

واحد/ ياستى خلاص مفيش حاجة عن ازنك

واحدة/ انت فاكر انى بشحت بالطريقة دى انا بس بعمل كدة عشان ماليش بيت ولااهل

واحد/ ازى الكلام دة

واحدة / دى حكاية طويلة

واحد/ لو تحبى تيجى معايا انا عايش فى شقة لوحدى

واحدة/ بس الناس تقول اية لالا اخاف حد يقول علينا كلمة كدة ولا كدة

واحد/ مش تخافى مالكيش دعوة بالناس

واحدة/ تبتسم وتقول زى ما تشوف

واحد/النهارة خامس يوم ليكى معايا لو متضايقة قولى

واحدة/ ابدا بالعكس انا سعيدة

واحد/ طيب انا هروح الشغل عايزة حاجة من برة

واحدة/ عايزة سلامتك

واحد/ يرجع من الشغل يجد البيت على البلاط اتسرق

واحدة/ سابت لية رسالة شكر على الايام الخمسة الحلوة

واحد/ يبرق يغمى علية

الخميس، يوليو 01، 2010

سر العلاقة بين البنات والمراية


علاقة البنات مع المراية علاقة قديمة علاقة حب وعشق لاتنتهى حتة بعد كسرها او فقدها يتم استنساخ اخرى عن طريق الشراء لااخرى بنفس المواصفات التى كانت موجودة فى المراية القديمة

لاتستطيع بنت ان تعيش بدون مراية ولو لثانية واحدة فهى بالنسبة لها الرفيقة والصديقة والعزيزة على قلبها واللى ممكن تنسى الدنيا كلها ولاتنساها او تبعد عنها حالة من حالات العشق والمحبة الفريدة فى نوعها ولا تجد لها مثيل فى اى وقت علاقة اتشرف بترشيحها للدخول الى الموسوعة العالمية

ان المراية بالنسبة الى البنات روح وحياة طريق لاغنى عنة مهما مرت الايام والشهور والسنين على البنات احتمال ان تفقد اى علاقة بريقها الا علاقة البنات مع المراية فهى كل ثانية فى تجدد مستمر عاطفة لاتنتهى الا بالموت انى اتخيل واعتقد ان البنات عند الموت تنظر النظرة الاخيرة الى المراية لقاء النهاية والوداع

من شدة حب البنات للمراية تجدها معها فى كل مكان فى الجامعة والعمل والنادى وفى الطريق فى اى مكان لاغنى ولا استغناء عنها الم تصادف فى مرة بنت وهى تمسك بالمراية وهات ياحب وعشق وهيام تنظر فيها وتنسى العالم والدنيا

ان حب البنات للمراية نابع من حب الظهور فى احسن حالة فالمثل يقول لبس البوصة تبقى عروسة_ طيب وهتبقى عروسة ازى بدون مراية لازم وجودها عشان تعرف تظبط وتحدد وتلون وفى النهاية عندما تنظر اليها تشعر انك تنظر الى عروسة بلا روح

لامانع من ان تحب البنات الظهور بمظهر حسن وجميل ولكن دون تكلف فخير الامور الوسط ولكن هذا التعلق الشديد بالمراية هل هو حب وعشق ام تعود وادمان ام هو اشياء اخرى لانعرف نحن الرجال عنها شىء؟

مجرد راى

الاثنين، يونيو 21، 2010

انت مجنون ولا بتحاول تكون مجنون


الاستاذ/انت مجنون ولا بتحاول تكون مجنون ولااية حكايتك بالظبط ياحنفى فى حد فى الدنيا دى كلها بيعمل اللى انت بتعملة دة الا لو مجنون رسمى ياحنفى اعقل يا ابنى وغير من نفسك لااحسن لو فضلت كدة كدة ممكن تجنن بجد


حنفى/ لية بس يا استاذ الحكاية وكل ما فيها انك والناس كلها مش قادرة تفهمنى ودى مشكلتكم انتم مش مشكلتى وبعدين انا هفضل اشرح لكل واحد وافهمة وممكن بعد ما اتعب واحاول افهم فية يطلع حمار ومش يفهم حاجة وابقى ضيعت وقتى على الفاضى


الاستاذ/ ما هو لازم مش يفهم اكيد ولازم يطلع حمار زى ما بتقول هو اللى اانت بتعملة دة يتفهم ولا يدخل عقل حيوان مش عقل انسان عندك مثلاا يعنى من كلامك بتقول ان الشتيمة مش عيب ولا قلة ادب دى رجولة وجدعنة ازى بس دة كلام يخش عقل مين دة لو مجنون هيقول ليك ياعبيط


حنفى/هههه الله يخربيت دماغك يا استاذ اضحكتنى وانا ليس لى مزاج للضحك هههه شوف يااستاذ انا هشرح ليك وجهة نظرى فى حكمتى دى وانت ماشى فى الشارع خبطت فى واحد من غير ما تقصد وكان عصبى ورغم اعتذارك لية غلط فيك وشتمك تعمل اية اكيد هترد علية ولو طول هتضربة ولا هتسيبة يشتمك ويضربك . وشكلك قدام الناس يبقى كلت اكيد عشان مش تكون كلت هتشتمة وترد ضربة هو دة بقى الرجولة والجدعنة


الاستاذ/ ياسلام عليك ياحنفى يا اخواتى اية الحكم والفلسفة دى انا بكلم مين ارسطو ولا افلاطون عارف ياحنفى مفيش فايدة فيك وخليك كدة ماشى بدماغك لحد ما تكسر

حنفى / اهو دة اللى انا كنت خايف منة عمال اشرح وافهم فيك بقالى ساعتين وانت ولافهمت ولا نيلة مش قولت ليك بلاش اشرح اديك زى اى حد طلعت حمار يا استاذ

الاستاذ/ انا حمار ياجاموسة

حنفى / شوفت رديت عليا الشتيمة ازى

الاستاذ/ قمال عايزنى اطبطب عليك ولا اديك جايزة عشان شتمتنى


حنفى / ما هو ردك عليا بالشتيمة يثبت صحة حكمتى وهيا دى الرجولة والجدعنة


الاستاذ/ امشى من قدامى لااخلى وشك شوارع

حنفى / همشى مشيت عليك عقربة يابعيد

الاستاذ/ انا هوريك

حنفى / يجرى ويطلع لسانة

الأحد، مايو 09، 2010

لو فى رقاية مظبوطة هيوصل الدعم من الحكومة لكل مستحق لية


تانى ياموبيلى تعملها معايا مش مأكد عليك امنبارح بليل تصحينى فى الميعاد اللى متفق معاك علية شوفت بقى لما بتخل بالاتفاق اللى بنا بصحى متاخر ومش بلحق ية الشغل ومفيش قدامى بقى غير تاكسى يعنى يومية اليوم النهاردة راحت اعمل اية فيك اية ياموبيلى شوف دى اخر مرة مش تصحينى فيها فى ميعادى ولو عملتها تانى هرميك واشترى منبة وشوف مين بعدى يشتريك




نزلت جرى على السلم وقفت اول تاكسى عدى قدامى وركبت فية ما هو دة الحل الوحيد قدامى لما بتتاخر بيكلف بس بوصل الشغل فى ميعادى ومثل العادة بفتح اى موضوع مع السواق تسلية لحد ما اروح الشغل ويوصلنى ومع الكلام عرفت منة انة شغال تبع التموين واستغربت وبرقت بعينى وانا مش مصدق قولت لية انا اعرف اللى فى التموين دة بيكون مستريح يعنى على ما اسمع بص ليا وقال تقصد مستغلين الوظيفة بطريقة غير شرعية وانا يااستاذ بخاف ربنا واستحالة ادخل قرش حرام لبيتى واسرتى النار اولى بية يا استاذ قولت لية عندك حق ربنا يبارك ليك فى قرشك الحلال





ومن كلامى معاة حكى ليا حكاية حصلت لية فى الشغل بتاعة
قال ليا فى منطقة كنت مسئول عنها بالتفيش فيها على افران العيش والتاكد من خبز الكمية المحددة من الحكومة وكنت لسة جديد فيها وفى اول يوم وانا رايح افتش على الافران وجدت عيل صغير بتاع عشر سنين بالكتير وقفنى وقال ليا عمو مش حضرتك بتاع التموين بصيت لية وقولت لية ايوة يا حبي عايز حاجة. قال ليا المنطقة بتاعتنا فيها عشر افران تحب ياعمو تخد من كل فرن 3 تلاف جنية من كل فرن بصيت لية باستغراب وقولت جوة نفسى يعمى كل شهر 30الف جنية قولت للعيل ودة لية يعنى قال ليا عشان تفتش صح وكلة تمام وانت فاهم ياعمو قولت لية موافق وانا بخد اجرتى مقدم العيل قال ليا اقول للكبار الافران وارد عليك وجالى الرد بالموافقة وقبضت 30الف جنية مقابل انى مش امارس مهام وظيفتى صح واسيبهم براحتهم والدقيق المدعم يتباع فى السوق السودة وطبعا





اثبت الرشوة صعب لان دة عيل ويوم ما يتعمل تلبس لية ويتقبض علية مفيش حاجة هتمس اصحاب الافران لان مفيش حد فيهم اتكلم معايا يادوبك عن طريق العيل الوسيط بينى وبينهم
فكرت وبلغت الادارة عندنا واتفقنا نعمل تفتيش فجاة عليهم بليل بعد توزيع الدقيق المحدد لكل فرن ووجدنا ان من حصة كل فرن 16 شيكارة فاضلا اربعة او خمسة دول للخبز والباقى اتباع فى السوق السودة وتم عمل محاضر ليهم وغرامات. قولت لية انت انسان بتعرف ربنا وضميرك صاحى ياريت الناس كلها تكون زيك وصلت الشغل وسلمت علية وكنت سعيد انى قابلت انسان لسة ضميرة صاحى وبيراعى ربنا فى جميع تصرفاتة لو كل الناس كدة ما كانشى دة بقى الحال واكيد هيكون احسن كتير والدعم اى سلعة من الحكومة هيكون فى متناول الجميع لو كل مسؤل راعى ربنا فى شغلة زى السواق دة واكيد لازم يكون فى رقابة من نار لوصول الدعم لكل مستحق لية




الأحد، مايو 02، 2010

من حبى وشوقى ليها غنيت ليها



ازيكم احلى ناس وحشتونى وحشنى التدوين كنت وخد اجازة من النت ورجعت ليكم بكل شوق. نيجى بقى لبوست اليوم طبعا الكل عارف اللحمة والكلام عليها الايام دى مفيش اكتر منة وطبعا الغالبية عن سعرها الحنين اوى واللى كل يوم يكون احن من اللى قبلة
وطبعا سعرها الحنين دة مش مناسب لااغلبية الشعب الطيب اللى مرتبة معروف للجميع شكلة ومضمونة وقيمتة الحلوة عاملة ازى مش عارف حسيت بحنين وشوق ليها فمن شوقى وحبى ليها غنيت ليها عن طريق كتابة الاغنية دى للحمة ويارب تعجبكم وتعجب الغالية بنت


الغالية لحمة هانم



اسم الاغنية/ وحشنا وحشنا

))))))))))))))))))))))))




على اللحمة غنى وقول دة السعر مش معقول



تجار وكلنها ولعة والنار تملى ولعة



فى قلوب الناس يوماتى



مين يحس بينا من شوقنا والله ليها



بنغنى لها يوماتى



وكل يومين بتزيد والسعر بيطلع فوق



والناس تصرخ تنادى ولاحدش بيها دارى



من الناس اللى فوق



وحشتنا اللحمة والله وحشتنا كتير لمتها



نفسى ادوقها والله او حتى اشم ريحتها



وحشنا وحشنا يالحمة وحشنا



فينك وفين ايامك ياغالية وحشنا

çççççççççççççççççççççççç

خلصت خلاص اغنيتى للغالية بنت الغالية لحمة هانم

طبعا حقوق النشر محفوظة لو حد خدها هخرب بيتة هههههههههه

الثلاثاء، أبريل 06، 2010

الحب والتأثير السلبى على الانسان



عندما يحب الانسان ويعيش هذا الشعور الجميل يحس انة ملك الحياة بما عليها واصبحت فى عيونة جنة
يحلق فى السماء ويغرد مثل الطيور ويعزف اجمل الالحان يصبح اكثر تسامح وصبر وهدوء نظرتة للحياة تكون مختلفة كلها امل فى غد افضل يتخلص من جميع عوامل الاكتئاب والملل الذى يصيب الاخرين المحرومين من هذا الشعور

ولكن عندما يصبح الحب للانسان وباء علية عندما لانرى ولانسمع سوى من احبة القلب ونعطية لدرجة كبيرة الامان فى كافة الامور بنظرة القلب دون العقل

الشعور جميل لكن المحبوب هو انسان يخطىء ويصيب لكن ان نعادى جميع البشر من اجلة فهذا قمة الجنون وعدم المقدرة على الرؤية الا من منظار الحبيب مما يجعلنا نظلم الاخرين ونجعلهم يبتعدون ولايقتربون مننا وذلك من اجل النظرة الغير عادلة التى يلقى بها حكمة الحبيب على الامور خصوصا اذا كان الامر يرتبط بمن احب
يجب ان يكون فية مساحة للعقل لكى يحكم على الامور ويكون عامل مساعد للقلب مرشد لنا


لانريد ان يكون منطبق علينا مراية الحب عمية يجب ان تكون مبصرة حتى ارى من احب من جميع النواحى واحكم علية بالعقل والقلب وجميع حواسى وعندما يهاجم انسان من نحب يجب ان نتصرف بحكمة ولانظلمة لمجرد انة اقترب من انسان وحب هو مقدس لنا


لانعتقد ابداااااااااا انة سيأتى منة الخطىء يجب ان ننصت ونستمع للنصيحة دون تجريح فى الاخرين ونتحاور باسلوب عقلانى بعيد عن الحب وتأثيرة السلبى على القلوب فأذا تحكم فينا لهذة الدرجة اصبح مرض يجب ان نعالج منة


عندما يعمى الحب عيونى وجميع جوارحى ويرفض مجرد الاقتراب من المحبوب انة مرض يجب العلاج والبحث عن اسبابة


حب كما تشاء واعتز بمن تحب لكن احترس من التأثير السلبى بأسم الحب حتى لاتفقد المزيد من الاصدقاء الذين يحبونك ويخافون عليك حب فى الله دون مصلحة او هدف

مجرد رأى

الخميس، أبريل 01، 2010

الواقع المختل


تمر بينا الايام والليالى دائما مسرعة عندما اجتمع مع اصدقائى ونتحدث عن الايام الماضية نقول يالها من ايام ياريت ترجع انها المقولة الشهيرة والتى لاتتغير فى نظر اى انسان عندما تذهب مرحلة من مراحل العمر ونقف عند اخرى نقول يالها من ايام ليتها ترجع ونكرر ونعيد كلما نترك مرحلة نفس الكلام
حتى اذا كما لانرضى عنها

نحن ثلاث اصدقاء جمعت بينا ايام الدراسة من اول مرحلة حتى الجامعة دخلنا نحن الثلاث كلية التجارة او كلية الشعب كما يحلو لنا ان نطلق عليها ورغم بداية معرفتنا منذ الصغر الا لكل منا شخصية مستقلة وتفكير مختلف واهتمام مختلف ولكن نتفق على اننا اصدقاء كل منا يحترم الاخر


فى احدى الجلسات تكلمنا عن الكثير من المواضيع المختلفة واتفقنا ان لكل انسان عيوب ومميزات وكل منا يقع فى الخطىء المهم ان يعلم اسباب حدوثة ويتلافيها فى حياتة فى ما بعد ومع الكلام اتفقنا ان يحكى كل منا حكاية وحدث حصل لة فى حياتة فى لحظة ضعف وندم على هذا الفعل



الطرف الاول

كنت وقتها مجرد طالب فى الثانوية العامة حيث ارهاق الاعصاب وتشتت الفكر كنت عندما اذهق من طول المذاكرة والارتماء بين احضان الكتب اطلع الى سطح البيت اشعل سيجارة واعود مرة اخرى للمذاكرة وفى مرة عندما كنت بالسطح لمحت جارتنا انعام فقى السطح المجاور لنا تعطى الطعام للطيور ونظرت لى فداريت السيجارة حتى لاتراها وتذهب وتقول لاامى


وسلمت عليا وسالتنى على اخبارى ونزلت من على السطح كانت انعام اكبر منى 12 سنة متزوجة من ظابط بحار يغيب عنها بالشهور نظر لطبيعة عملة وفى يوم من الايام عندما طلعت الى السطح كانت هى موجودة كانت تلبس جلباب بيتى يرسم تفاصيل جسمها تماما وسلمت عليها وظلت تتكلم معى وتحكى لى عن زوجها وحدتها التى تعانى منها لااعرف لماذا فى هذة المرة شعرت بنار الشهوة تاكلنى وتتحرك فى داخلى ونظرتى الى السيدة انعام منذ هذا اليوم اصبحت نظرة حب وهيام


وتمر الايام وتاتى الامتحانات وتنتهى وتظهر النتيجة وانجح ورغم ضعف المجموع الا اهلى كانوا سعداء لمعرفتهم انى لم اقصر فى تحصيل العلم طوال فترة الدراسة يومها ذهبت مسرعا الى السطح وجدت انعام هناك وباركت لى على النجاح وقبلتنى على خدى ولم اشعر بنفسى الا وانا اقبلها وهى تقول عيب ياعادل حد يشوفنا شعرت برغبتها هى الاخرى فى فاخذتنى من يدى الى شقتها وحصل ما حصل اكثر من مرة


كنت عندما ياتى زوجها وانظر لة من بعيد اشعر بالندم ويصعب عليا وقررت الابتعاد عنها نهائى خصوصا بعد خطب احدى الجمع كانت عن الزنى وعقابة واثرت فى جداا هذة الخطبة وبكيت عندما قال الشيخ كما تدين تدان واستغفرت ربنا وندمت على ما فعلت فى لحظة ضعف ومن يومها لم افعلها وابتعدت تماما عن هذا الامر

الطرف الثانى

جاء لى منذ ايام زميل لى منضم الى احدى الاحزاب والذى كنت منضم الية وتركتة بعد اتضاح لى كذب ما يدعى من ديمقراطيةو خلافة مجرد كلام دون فعل حيث عندما عرضت على لجنة الحزب عمل انتخابات كل فترة يحدد الوقت فيها حسب اراء الاغلبية من الحزب تم رفض طلبى بحجة ان الحزب وكبار الاعضاء يثقون فى حكمة وخبرة رئيس الحزب نظرت الى نفسى وقولت وما الفرق بين حزبكم المعارض وحزب الحكومة المتمسك بالسلطة الى اخر نفس


تطلبون العدل والديمقراطية من حزب الحكومة وانتم لاتنفذون داخل حزبكم ما تطلبون فى العلن وجدت اننى دخلت الى الحزب لحظة كنت اعتقد فى البداية انها لحظة قوة وانى على الطريق الصحيح ولكن اتضح لى العكس فخرجت من الحزب دون ندم ورفضت ما قدمة زميلى لى بالانضمام الى حزب اخر فالتجربة اثبتت لى لافرق بين حزب المعارضة وحزب الحكومة والاختلاف فى وجود بعض الاشخاص التى تؤمن بالحرية والديمقراطية قولا وفعلاا وهم قليل لاصوت لهم فى هذة الايام


الطرف الثالث

من صغرى وانا اعشق الادب وعلومة الثقافية الا اننى متخصص فى كتابة الشعر وخصوصا شعر الاغنية حاولت الكثير من المرات الاتصال بالكثير من الشركات الفنية لااخذ ميعاد لعرض اعمالى ولكن كان دائما يقطع الاتصال بعد سؤالى كتبت لمين من المطربين من قبل وعندما يعلم اننى لسة فى بداية الطريق يقطع الاتصال بعد ان يقول اسف الشركة لاتتعامل الا مع الشعراء المعروفين وكيف من يكون مثلى ان يكون معروف اذا لم يعطية احد الفرصة


فى مرة ذهبت الى احدى الشركات الفنية وهناك قابلت ملحن معروف ومشهور واعجب كثير باعمالى وطلب منى ثلاث اغنيات وانة سيقوم بوضع اللحن عليهم ثم عرضهم على المطربين واخذ رقم الموبيل وتمر الايام واتصل بية كل فترة يقول لى الصبر كن صبور الى ان سمعت كلماتى يغنيها احدى المطربين فرحت ولكن ما تم الفرح بعد محاولة اتصالى بالملحن اكثر من مرة ولايوجد رد وبعد ان رد عليا طلب مقابلتى واعطانى مبلغ من المال مع الاعتذار بان الاعمال نزلت باسمة لانه عندما عرضها على اكثر من مطرب باسمى رفضها وعندما وضع اسمة تم القبول كما قال لى وقتها


وقال لى بعدها اكتب دائما وسلمنى الاشعار وسوف اعطيك المقابل ولكن العمل لن يكون علية اسمك فرفضت ورميت المال امامة وخرجت وانا العن الدنيا والحياة حتى فى الفن والادب يسرقون مجهود وافكار الاخرين ويكونون هم فى الصورة المبدعين والعظماء وتعلمت من وقتها عدم الثقة فى اى انسان مهما كان


ملحوظة / كل ما اكتبة على لسانى هنا فى المدونة لايخصنى من بعيد او قريب ما هو الا حدوتة وحكاية من دماغى وبقلمى الخشب