شحاتة زى اى شحاتة بتشحت عشان تجيب فلوس والشحاتة اصبحت موضة الان الكثير دخل الى طريقها رغم قدرتة على العمل والكسب دون ان يمد يدة لااخرين ويشحت وهو جالس على احدى الارصفة او امام مسجد او كنيسة او امام نوادى او اى مكان يمر منة الناس دائما وبكثرة
موقف حصل قدامى حبيت احكى ليكم علية عن شحاتة كانت جالسة امام احدى الكبارى وكان بجوارها عجازين دليل على الاصابة والعجز وكم ورقة بجوارها تظهرهم الى المارين عليها لااستعطافهم واعطائها مال وانا كنت معدى عادى وليس لى دعوة بالشحاتين او يلفتون نظرى لتعودى على ان ارى الكثير منهم فى الشوارع
ولكن ما لفت نظرى وجلعنى اكتب عن هذة الشحاتة هو ما حدث امام عينى بالصدفة وانا بمر من جوارها وبالمكان الذى تجلس فية لمحت الشحاتة فى الشارع المقابل لها مجموعة من الصينين وافقين فقامت وجرت عليهم بطريقة مسرعة وكأنها تخشى ان يذهبون قبل ان تصل ليهم وتأخذ منهم اللى فية النصيب وطبعا الشحاتة من لهفتها على الوصول ليهم تركت العجازين وكانت بتجرى عليهم يعنى سليمة والعجازين ما هم الا وسيلة تستخدمها فى الشحاتة واستعطاف قلوب الناس
المهم روحت وقربت منها ومن الاجانب حب استطلاع واشوف هيحصل اية وازى هتتعامل وياهم وهما هيدوها كم وجدتها بتشاور بايدها على فمها ما معناة عايزة اكل ومعيش فلوس فضل الصنين يبصوا ليها مبتسمين الى ان واحد فيهم طلع محفظتة وادها كم تخيلوا المبلغ 25 قرش وفضة كمان انا بصراحة انصدمت قبل صدمة الشحاتة اللى مددت ايدها وقالت ربع بس دة قليل ممكن زيادة علية
بص ليها الصينى وفؤجئت انة اتكلم عربى وقال ليها مش عجبك هاتية ومشيت الشحاتة لمكانها ومعاها الربع جنية وهيا منفعلة وتقول قمال اجنبى وخواجة على اية روح يعودك بقنبلة انت واصحابك زى اللى وقعت على اليابان وبعدها بصيت عليها وجدتها فى مكانها ليها حق تنصدم كان عشمها فى الصينى كبير وعلى اساس خواجة بقى كان املها تشوف العملة الاجنبية او مصرية من الكبيرة بس صدمها الصينى
بس من كلامها حسيت انها متعلمة وفاهمة يعنى لو جاهلة هتعرف منين القنبلة اللى ضربت على اليابان بلاش دى اسلوبها وحوارها معاهم اكد لى انها متعلمة مش جاهلة وزى ما نسيت العجاز لما شافت الاجنبى اكيد كل هدومها واللى على وشها اكيد مكياج مضروب من اجل تمثيل دور الشحاتة جيداا
موقف حصل قدامى حبيت احكى ليكم علية عن شحاتة كانت جالسة امام احدى الكبارى وكان بجوارها عجازين دليل على الاصابة والعجز وكم ورقة بجوارها تظهرهم الى المارين عليها لااستعطافهم واعطائها مال وانا كنت معدى عادى وليس لى دعوة بالشحاتين او يلفتون نظرى لتعودى على ان ارى الكثير منهم فى الشوارع
ولكن ما لفت نظرى وجلعنى اكتب عن هذة الشحاتة هو ما حدث امام عينى بالصدفة وانا بمر من جوارها وبالمكان الذى تجلس فية لمحت الشحاتة فى الشارع المقابل لها مجموعة من الصينين وافقين فقامت وجرت عليهم بطريقة مسرعة وكأنها تخشى ان يذهبون قبل ان تصل ليهم وتأخذ منهم اللى فية النصيب وطبعا الشحاتة من لهفتها على الوصول ليهم تركت العجازين وكانت بتجرى عليهم يعنى سليمة والعجازين ما هم الا وسيلة تستخدمها فى الشحاتة واستعطاف قلوب الناس
المهم روحت وقربت منها ومن الاجانب حب استطلاع واشوف هيحصل اية وازى هتتعامل وياهم وهما هيدوها كم وجدتها بتشاور بايدها على فمها ما معناة عايزة اكل ومعيش فلوس فضل الصنين يبصوا ليها مبتسمين الى ان واحد فيهم طلع محفظتة وادها كم تخيلوا المبلغ 25 قرش وفضة كمان انا بصراحة انصدمت قبل صدمة الشحاتة اللى مددت ايدها وقالت ربع بس دة قليل ممكن زيادة علية
بص ليها الصينى وفؤجئت انة اتكلم عربى وقال ليها مش عجبك هاتية ومشيت الشحاتة لمكانها ومعاها الربع جنية وهيا منفعلة وتقول قمال اجنبى وخواجة على اية روح يعودك بقنبلة انت واصحابك زى اللى وقعت على اليابان وبعدها بصيت عليها وجدتها فى مكانها ليها حق تنصدم كان عشمها فى الصينى كبير وعلى اساس خواجة بقى كان املها تشوف العملة الاجنبية او مصرية من الكبيرة بس صدمها الصينى
بس من كلامها حسيت انها متعلمة وفاهمة يعنى لو جاهلة هتعرف منين القنبلة اللى ضربت على اليابان بلاش دى اسلوبها وحوارها معاهم اكد لى انها متعلمة مش جاهلة وزى ما نسيت العجاز لما شافت الاجنبى اكيد كل هدومها واللى على وشها اكيد مكياج مضروب من اجل تمثيل دور الشحاتة جيداا
ايه تامر باشا صباح الفل
نسيت العكاز خايبه صحيح
الصيني ده اشرف منها ميت مره لأنه علي الأقل معدي كام بحر ومحيط عشان ياكل عيش انما هي متعمله مش متعلمه ملهاش عذر متمعل اي حاجه طالما بصحتها تتمارض ليه دي عالم بتستسهل ووشها مكشوف
فكرتني ايام الجامعه كنت بركب ميكروباص العباسيه كل يوم وعلطول لمده خمس سنين يوم ويوم اشوف ست شايله عيل ووبتقول لللي يقابلها ممكن اي حاجه اروح
عندت السنين وشفتها من سنه ولقيتها بتقولي ممكن اي حاجه اروح
قولتلها يا وليه ده انت لو راحه لخالك في البرازيل كان زمان جمعتي حق التذكره
قالتلي انت مالك انت متسبني اشوف حالي
عالم تقطع العيش صحيح
رحت سايبها وماشي
اتهم نفسى احياناً
بقسوة القلب لأنه لا
يرق لأى(شحات)واخد الشحاتة
مهنة لكن حكاياتك اهوة أثبتت لى
أنى على صواب.
لكن برضه ومع هذا
يكفى أنها رضيت أهانة
نفسها
موضوع جميل
ومهم فعلا
للاسف كثر جدا موضوع الشحاته
واصبح مهنه لناس كثير
لا والطريف انها بتتأمر
تسلم على الفكره الحلوة
السلام عليكم
يمكن شحاته مؤهلات
ودمت بخير حال
ههههههههههه تمورة ازيك ياباشا والله وحشني موت
بس ياترى فاكرني له اتنسيت :)
المهم بأه ندخل في صلب الموضوع بصراحه ياتامر الموضوع بأه اوفر اوي وفي فعلا شحاتين متديلهومش يدعوا عليك مش عارف حاسس ان دي بقت وظيفه فعلا
يله خير المهم انك كنت رايح فين تعطلت كل ده بأه :)
تحياتي
السلام عليكم ورحمة الله وبركاته
دى بقت مهنه وبيتفننوا فى ادائها كمان وياما شفنا من الحاجات دى ايام الجامعه وفى مواقف الميكروباص وبرضه بشوفهم بالصورتين لانهم دائمين مثلا فى الموقف او بشوفهم فى مكان تانى
ومش بس بقت بالمظهر الملخبط والهدوم المقطعه لا أحيانا ناس لابسه كويس جدا وتوقفك وتقول محفظتى اتسرقت او شنطتى ضاعت او عاوزه اكمل مواصلاتى اصل فلوسى خلصت شفنا كتير
بس فى موقف بقى اكتر حاجه اتعجبت لها فى حياتى ست كبيره فى السن لابسه كويس وشكلها محترمه وبتعد فى مكان وتوقف الى رايح والى جى وتقول كيستى ضاعت ومعايش فلوس مواصلاتى دى من قريه جمبينا وبجد تصدقها لانها مش شكل شحاته بس بقيت بشوفها كل يوم ومش مشكله توقفنى تانى مهى ما بتركزش فى الى بتوقفهم تانى وتالت وعاشر لو امكن ونفس الاسطوانه او مع بعض التعديلات
عندنا واحد فى البلد كان برضه من الى بيشحتوا لما مات لقوا فى البيت صفائح فلوس فضه وورق من الى كمان ما بقاش بيتصرف بجد على فكره مش حكايه
تحياتى للصينى
والله كلام زى الفل
فعلا شر البلية ما يضحك
هههههههههههههههههه
والله ضحكتنى ياتامر
هم يضحك وهم يبكى
يخرب بيت كدا
والله اللى يستحقوا الصدقه مابيطلبوها من تعففهم ونفسهم الابيه
دى ماتستاهلش ان حد يديها اى حاجه
اما موضوع المدونه فموش فاهمه ايه المشكله بس انا كنت قافلاها من كام يوم
حاول تدخل وابقى قولى فيها مشاكل لسه ولاايه
تحياتى
ممكن برده يكون مكياج ليه لا
هما يعنى الصينين سابوا بلدهم وجم هنا عشان إيه؟
يشتغلوا ماهى مصر ناقصة بطالة اصلا
دول اشتغلوا مكان الصعايدة بتوع زمان اللى كانوا بيلفوا على البيوت عشان يبيعوا الملابس
ربنا يستر على بلدنا
كويس انة فكر يديها بس باين علية قاعد كتير بمصر يكلم عربى ومش عجبك هاتية
ميرسى للبوست تامر
تحياتى
هههههههه
يعني فاكراه عبيط وهديها مبلغ محترم
تلاقيه عارف حركات الشحاتين وفاهمهم هههههههههه
الي يقهر فعلا انه في شحاتين شباب وشابات وزي الفل وبيستهبلوا
عندنا مثلا تلاقي بنت شابة ومتعلمة وزي الفل لابسة نقاب وعمالة تشحت كرامتها فين دي
ياساتر على هيك ناس مش بيحسوا على دمهم
ربنا يهدي
دمت بحفظ الرحمن
شحاتة و عارفه ان فيه قنبلة و قعت على اليابان....دى باينها مباحث متخفية مش مجرد شحاتة
:)
موضوع جميل
بس للاسف بقى كتير قوي
وانتشر بشكل كبير وبقوا ياخدوه على انه مهنه زى اى مهنه تانيه
ربنا يحفظنا من امثالهم
تحياتى ليك
انا لااشجع اعطاء الصدقة لمن يمتهن الشحاتة لانني اعتبر الامر تشجيعا له انا افضل البحث عن المتعففين لمساعدتهم فهم من يستحق
انت عملت دراسه وافيه علي شخصيتها ما شاء الله
بس فعلا الطرق للشحاته حاليا بقت فن كأنه اتقلب من مجرد تسول لفن نصب وتقريبا الاتنين واحد
قبلت موقف جميل تعاملت معاه بكل سذاجه وهو انى كنت نازله من المترو فى يوم ومريت بسيده باين انها محترمه ولابسه كويس جدا ولقتها وقفتنى وقالتلى ممكن جنيه فمخطرش فى بالى لحظه انها شحاته وفكرت انها عايزه تركب المترو والفلوس ضاعت وبعد ما ادتلها الجنيه وركبت العربيه وعلي ما حملت ركاب بنظر من الشباك لقتها بتكرر نفس الموقف مع كل اللي بيمرو بيها وابتسمت ابتسامه بلهاء من شدة غبائى وفهمت انها شحاته بس موردن وعجبى
تحياتى ليك علي المراقبه والتأمل
السلام عليكم ورحمه الله وبركاته
طبعا ماشاء الله حضرتك بتتكلم عن موضيع حلوه وتستاهل ان الكل يعلق عليها الشحاته دلوقتى بقت متدوله ده دخلهم فى اليوم 2500جنيه يعنى شغل جامده لا يفكر ان مدير يتامر عليهم ولا حتى زميل يتكلم معاه بس للاسف نسيه ان فى ربنا شاهد عليهم انا من حوالى 5سنين بمشى من طريق معين بروح منه المعهد بتاعى المهم كونت بمشى انا واختى واصحابى طول الخمس سنين بنقابل واحد شحات كان بيوزع ورقه اللى هو بيكون بجنيه المهم الشخص ده كان اخرس مش بيتكلم انا جيت فتره اتعلمت الكلام بالاشارات المهم قبلنا الراجل ده فى حته تانيه بيشاور كلمته بالاشاره سبنى ومشى وفى السنه السادسه سبحان الله اللى هى السنه دى سبحان الله الاخرس اتكلم وبقا بيبيع مناديل سبحان الله فعلا حاجه بقت تجنن كل واحد يقول اروح اشحت وخلاص مش عرفين ان فيه ربنا شاهد عليهم البوست جميل قوى فعلا
تحياتى
و الله موضوع الشحاتين كتر قوى و بقى مقرف و هما بقى عندهم روح الابتكار دايما لاكتشاف اساليب جديده للتسول
بالنسبه للصينيين انا كان ساكن فى العماره اللى جنبى قبيله من الصينيين اللى بيشتغلوا فى المعارض و كانوا يجوا يشتروا دوا و يفاصلوا فى تمنه و الله و يقوللى كل الصيدليات بتعمل خصم
شفت البجاحه
بس موضوع جميل بجد
للأسف موضوع الشحاتة ده شىء مخجل لنا و بلدنا، خصوصا إن صحتها كويسة و تقدر تشتغل
و الصينيين سابو بلادهم و جُم لحد مصر علشان يشتغلو و يتعبوا
يا ريتها بدل ما تتدعى عليهم كانت تتعلم منهم احسن
لا حول و لا قوة إلا بالله
الشحاتة بقت افة من افات العصر دة والواحد مش بقى عارف مين فقير ويستهل من اللى قادر وبيشحت
ياريت تتعلم حاجة من الصينى
تحياتى
الشحاتة بقت افة من افات العصر دة والواحد مش بقى عارف مين فقير ويستهل من اللى قادر وبيشحت
ياريت تتعلم حاجة من الصينى
تحياتى
والله ضحكتني يعني الصينين تفوقو علينا حتى في الشحاتة
يعني شحاتة طلعت بتشحت من شحاتين
خايبين في كل حاجة يعني
تحياتي
ههههههههههههههه
اكيد يعنى زمانهم بقاوا بياكلوا فول وطعمية كمان
و التانية دى شحاتة هابلة صحيح
شحاتة مدول اليومين دول
ممن تبحث عن الربح السريع والسهل
بوست مميز
تحياتى
اجنبى مين دة الصنيين دول يعرفو الكوفت زى الكنوفو هههه
المرة الجاية تروح لااجنبى امريكى وى هندى وتبعد عن الصينى خالص
تحياتى
الصينى طلع ناصح وفاهم الفولة بس غريبة فى شحاتة تنسى مؤهلاتها فى الشحاتة اقصد العجاز باين نسيت نفسها وعايزة تدريب ههههه
تحياتى
الله...دي كان ناقص تقول قنبلة هيروشيما ونجازاكي ...تعرف يا أخي تامر من فترة كنت باشتري حاجات وفجأة لقيت رجل محترم جدا ماسك واحد شحات أصم و أخرسوعمال يشتمه ويشده من هدومه وطبعا اتجمع الناس و الراجل بيصرخ داه لسه كان امبارح في الشارع اللي تحت بيتنا بأيد ورجل مقطوعين طلعوله امتى دول وصوته وودانه راحوا؟؟؟؟؟؟؟؟؟؟قلت لا إله إلا أنت سبحانك إني كنت من الظالمين...بقى احتراف
كويس انها نالت من الصينى ربع جنية دول عالم بتوع سوق وشغل
بس كلامك اكد لى ان فى شحاتين كتير مش محتاجين وبيشحتوا
تحياتى
كويس انها نالت من الصينى ربع جنية دول عالم بتوع سوق وشغل
بس كلامك اكد لى ان فى شحاتين كتير مش محتاجين وبيشحتوا
تحياتى
السلام عليكم
لاحول الله يارب
الانسان مدام قادر على جلب رزقة با العمل الحلال فواجب علية ان يجتهد ويعمل افضل من ان يشحت
جزاك الله خيرا على الموضوع
المشكلة انه بزمانا هادا بطلنا نعرف المحتاجين من المتسولين
لأنه كتير صاروا مهنتهم هو التسول
هههههههههههههههههههههههه
الله يا تامر قصة حلوة اوي و الله
و على فكرة بتحصل كتير اوي و بقت موضة غريبة و على فكرة بتخلي منظر المدن و الشوارع غاية في الوحاشة و لو قلنا كده تلاقي فيه ناس يقولولك هي جت على دول سيبوهم يسترزقوا
بس اللي ما يعرفهوش ان ربنا ما امرناش بكده
امرنا لو محتاجين نسعى بكل ما فينا و هو هيرزقنا
بس الناس دي كلهم متواكلون على الله مش متوكلون
ربنا يهدي الجميع يا رب
و يرزق كل الناس يا رب
مع خالص تحياتي و تقديري
والله يا اخ تامر ... مملكة الشحاتين في مصر كل يوم بتكسب اعضاء جدد ..... بس من اختلاطي بيهم في فترة المراهقة ... لاني كنت فضولي شوية اياميها ومازلت .... اكتشفت ان 90% منهم شحاتين صيني ..... ياعني اونطة .... دا انا حتي اكتشفت ان الشحاتين لهم ستايلست وناس بتالف لهم الدعوات .... والناس دي بتاخد فلوس جامدة في تاليف الدعوات .
اما الاخوة بتوع الصين ما بيمشيش معاهم نظام العشم ده
تحياتي
السلام عليكم ورحمة الله وبركاته...
تسلم ايدك على الموضوع الجميل دة طول عمري لا اعترف بالشحاتين لان اعرف واحد شحات ومعاه برجين والله العظيم ومنين كل دة من الشحاته المفروض ان الواحد لما يحب ان يساعد حد يكون متأكد انه يستاهل المساعدة
شحات وبيتأمر (عايز عيش فينو)
دومت بخير
هي وظروفها
عالم وشها مكسوف واكيد نسيان كويس عشان الناس تعرف انها سليمة ومش محتاجة
والصينى رغم اختلافى معة الا انة كفاية زى ما انت قولت راجل سايب بلادة عشان الرزق
هتعمل وياها اية دول نوعية من الناس اتعودت على كدة واقلمت نفسها على الشحاتة
مع خالص تحياتى
norahaty
مش كل اللى بيشحت زى الست دى رغم انى مقتنع ان المحتاج بجد مش هيفكر يشحت كرامتة هتوجعة
مع خالص تحياتى
حنين
لازم تتامر مش شغلها وبعدين اجنبى كانت فاكرة هتصعب علية بس طلع عقر تمام
الله يسلمك
مع خالص تحياتى
واحد من العمال
وعليكم السلام ورحمة الله وبركاتة
اكيد ممكن تكون مؤهلات الشحاتين دلوقتى فى نوعية كبيرة منهم مودرن
مع خالص تحياتى
WhItE HeArT
الله يسلمك انا بخير ازيك انت واية الغايبة دى كنت فين
انا معاك هيا بقت وظيفة للبعض
لاغنى عنها ليهم
كنت مروح مفيش تعطيل هههه
مع خالص تحياتى
مرايتى
وعليكم السلام ورحمة الله وبركاتة
الموضوع بقى انتشر ولية اشكال وانواع مختلفة يعنى زى الوظيفة بالظبط وكل فترة تجدى طريقة جديدة للشحاتة
ولسة ياما نشوف الجديد من ها النوعية من البشر
مع خالص تحياتى
Nostor Azzuro
باين الفكرة دخلت دماغك وعايز تجرب ههههه
مع خالص تحياتى
آخر أيام الخريف
عندك حق بس هو دة الواقع الموجود فى حياتنا
مع خالص تحياتى
sookra
عندك حق سكرة المحتاج بجد كرامتة مش تسمح لية يشحت
خلاص كدة اتحلت ما كنتش اعرف امك قفلتى المدونة
كلة تمام
مع خالص تحياتى
Dr Ibrahim
عندك حق فى كلامك بس ياريت الشباب
يشتغل واى حاجة وحكاية مؤهلى لايسمح ينساها فى الظروف التعبانة دى
مع خالص تحياتى
Girls only
على رايك كويس انة فكر يدها حاجة اغلبية الصنين الان فى مصر تتكلم عربى ولو مكسر
مع خالص تحياتى
ঔღঔ نـــوارة ঔღঔ
ما هو عشان مفيش احساس الشحاتة بقت مهنة وحاجة عادية عندهم
مع خالص تحياتى
Tears
لية لا بجد ممكن تكون مباحث ولا مرشدة هههه
كل شىء جايز
مع خالص تحياتى
أميرة الأحلام
عندك حق موضوع اصبح منتشر بطريقة كبيرة واللى اتعود على كدة عمرة ما هيفكر فى مهنة ثانية
مع خالص تحياتى
خواطر شابة
وانا اتفق معاكى خواطر فى كلامك
مع خالص تحياتى
nour shahen
اكيد نصب لان الشحات انسان غير محتاج وقادر على العمل
زى اللى قبلتيها فى كتير ياما والحكاية عادية عندهم
مع خالص تحياتى
حياه بلا عنوان
دى مسرحية كبيرة وكل فترة تتغير الادوار مرة اخرس او اعرج او اعمى المهم اى حاجة متقنة عشان ينصب على الناس صح
مع خالص تحياتى
صيدلانيه طالعه نازله
مش صينى لازم يفنن هو كمان انا خايف فى يوم اصحى اجد البلد كلها بقت صينين وتبقى احتلال هههه
مع خالص تحياتى
تأثير الفراشة
عندك حق فى كلامك ياريت تتدور على لقمة عيش شريفة بس اللى جرب الشحاتة اعتقد صعب يغيرها
مع خالص تحياتى
Amira
عندك حق مت كترهم الامر بقى مرعب محدش بقى عارف اية بيحصل بالظبط
مع خالص تحياتى
فكرة من الزمن ده
شحات من شحات ما هى بقت لمة كبيرة ومحدش عارف فيها حاجة ربنا يسترها
مع خالص تحياتى
العيسوى الصغير
هما تجدهم خلاص بقو مدمنين فول هههه
ومعاك الست الشحاتة هبلة
مع خالص تحياتى
شربات
واى ربح سريع اكيد ربح اكثر من خيالى
مع خالص تحياتى
ألآسطى بلية
هههههه
كلامك سليم لازم تدور على اجنبى غير الصينى
مع خالص تحياتى
مجرد انسان
عشان تنكشف واكيد مش هتجلس بعد اليوم دة فى نفس المكان
مع خالص تحياتى
كلمات من نور
معاكى فى كلام حضرتك الامر بقى احتراف على مستوى كبير
مع خالص تحياتى
شمس
كلامك صح ناس بتوع شغل بس ربع جنية على اساس انهم حاجة كبيرة بقى هههه
مع خالص تحياتى
نورألآيمان
وعليكم السلام ورحمة الله وبركاتة
كلامك سليم نور ويارتهم يسمعوة ويتعمل بية
مع خالص تحياتى
Mr.Hazem
عندك حق حازم الامر اصبح فى لخبطة من كثرتهم
مع خالص تحياتى
الوفية للأبـــد -- مها أحمد
عندك حق فى كلامك مها
ناس عايزاها سهلة مش صعبة وكمان ربحها خيالى
ربنا يهدى الجميع
مع خالص تحياتى
بحر الالوان
كلامك سليم واتفق معاك
الصينى صح مفيش عشم ينفع معاة
مع خالص تحياتى
المسلم الصغير
وعليكم السلام ورحمة الله وبركاتة
كلامك صحيح اخى بس نقول اية دول ناس خدت على كدة
مع خالص تحياتى
تباً للإستسهال
تباً لهم
و الصينيين مش جايين يتفسحوا هنا دول ناس جايين تشتغل
مش معقول قطع نص الكره الأرضيه لحد هنه عشان حتة شحاته تقرطسه
ههههههه
فكرتني بموقف واحد حكاهولي عن وحده " صينيه " كانت معاها بضاعه في شنطتها الكبيره و شاب تعدى عليها جنسياً ، تخيل عملت ايه .... ههههههه خلعت الشنطة و جرت وراه لحد ما قطعت نفسه و عدمته العافية و رجعت شالت شنطتها و مشت و كأن شيئاً لم يكن
بجد يا جماعه الناس دول بني آدمين بجدو مش بيعتمدوا على أي ظروف أو غيره
تحياتي لك و لأفكارك الحرة
الشحاتة بقت افة من افات العصر دة والواحد مش بقى عارف مين فقير ويستهل من اللى قادر وبيشحت
ياريت تتعلم حاجة من الصينى
تحياتى
الشحاتة بقت افة من افات العصر دة والواحد مش بقى عارف مين فقير ويستهل من اللى قادر وبيشحت
ياريت تتعلم حاجة من الصينى
تحياتى
ولسة ياما نشوف فى عالم الشحاتة هذا
تحياتى
مش كلهم كده يا اخي الفاضل
شحاتة مش محتاجة وتشحت لية بس ما تشتغل افضل ليها
كويس كدة لما الصين هانها
تحياتى
عينى ياعينى الصينى طلع ابيض ياورد عينى ههههههههههههه
خليها فى المصرى تكسب قلبهم ضعيف وحنين
سلاموزززززززززز
الشحات موجود منذ زمن بعيد ولكن هذة الايام يوجد الكثير منهم مثل اللى اتكلمت عليها قادرة على العمل وجلب الرزق الحلال ولكن تشحت
استسهال
تحياتى
Blogger max.adams
عندك حق ياصاحبى فى كلامك
الصينى جاى يشتغل وفاهم وانسان واعى ومش ممكن اى حد يقدر يقرطسة بسهولة
شوفت حكايتك البنت عملت اية وكملت طريقها بعد ما حاولت تخد حقها
مع خالص تحياتى
Blogger دكتور لغة العيون
عندك حق احنا بقينا فى وقت كل حاجة قدامنا مختلطة
مع خالص تحياتى
Blogger بنوتة
اكيد لسة ياما هنشوف كل يوم فى الجديد والجديد
مع خالص تحياتى
Blogger فارس عبدالفتاح
انا معاك اخى فارس مش كلهم كدة بس نوعية منهم وكبيرة بهذا الشكل
مع خالص تحياتى
Blogger لسة نونة
المفروض تشتغل مدام قادرة افضل من الشحاتة والاهانات دى
مع خالص تحياتى
Blogger محظوظة
ايوة المصرى طيب وحنين وقلبة بيضعف قدام الحاجات دى طبعا عكس الاجنبى
مع خالص تحياتى
Blogger SaRa
ما هيا الست دى فعلا من نوعية الاستسهال والكسب دون عمل
مع خالص تحياتى
السلام عليكم
للأسف فعلا الشحاته أصبحت مهنه سهلة لمن لا يريد العمل وليست فقط لمن لا يستطيعون
ربنا يهدي الجميع لما فيه الخير
بمناسبة الشحاتين هحكيلك علي حالتين اولي اعرفها والتانية ماما ال حكتلي عليها
الاولي
كان في واحد جنبنا بيشحت تخيل وانا عندي خمس سنين كنت بشوفه
ولحد دلوقت برده لسه بيشحت بس بيقف في مكان تاني يعني اكتر من 17 سنة بيشحت تبقي مهنة مربحة ولا لا ليه يتعب نفسه بقي
الحاله التانية
واحدة شحاته بتتسول في الشارع علنا بصوت عالي بعد ما خلصت مهمتها
راحت في شارع متداري جنبنا وراحت شايلة لبس الشغل ولبست لبسها النضيف ومشت عادي خالص
الشحاته دي صنعة
إرسال تعليق