recent

آخر الأخبار

recent
recent
جاري التحميل ...
Amiraيقول...

نحجز اول كرسى

وراجعة

Amiraيقول...

ياربي نفس المأساة

بس انا بقى عضلاتي كلها كمان بتبقى شادة وفين وفين .. لأ فين وفييييييييييييييين
لما بعرف انام .. انا ما بكسرش حاجة وبقيت بستسلم اول ما بحس انها هتجيب خل وانه مافيش نوم بقوم من السرير ادور على حاجة اعملها .. اينعم عيني بتبقى بتقفل لوحدها لكن مش عارفة انام
هآآآآآآآآآآآآآآآوم

SaRaيقول...

هو فعلا بيبقى صراغ غلس جدا .. انك تتحايل ع النوم وهو ولا ساءل فيك .. حاجه تقهر ..

اجمل حاجه بجد اني صار لي فترة والحمدلله بعيد عن الصراع ده .. عارف اقولك على حاجه جميلة خلي اخر اخر حاجه تعملها يوميا انك تصلي ركعتين وبعدين تنام .. صدقني فرقت كتيييير معايا جرب وهتشوف..

تحياتي .. وتمنياتي بنوم هاديء و احلام سعيدة دائماً هههههه

ريمانيقول...

السلام عليكم


جربت الاحساس ده كتير وبجد حاجه صعبه اوى

لدرجه انى ببقى تانى يوم عصبيه جدا ومتنرفزه ع الاخر


بجد مأساه

نفسى اقعد خمس دقايق من غير ما افكر

انا بقى بينى وبين النوم عداوه
انا بحبه بس هو بيعادينى معرفش ليه
ههههههههه

عايزين نقرا كتير فى فسيولوجيا النوم بس يا ترى تعرف كتاب كويس فى الموضوع ده؟

Ms Venusيقول...

وتحلف بعدها انك لاتشيل افكار ولا بال مشغول وانت رايح على السرير عشان ما يحصلش اللى حصل والصراع يعود تانى مع النوم


امانة عليك لو عرفت طريقة تحقق بيها كده تقولى بجد

علشان انا بقى مش بس بينى وبين النوم صراع

تؤ تؤ تؤ ده بينا حروب وقواضى ومحاكم وشغلانة

وصف الاحساسيقول...

هممممممممم انا فاكرة اكبر صراح حدث بيني وبين النوم ده من 3 سنين كانت ليله اول امتحان في رابعة
مش كان قلق ولا خوف بالعكس انا متعودة ليله الامتحان بنام بدري انما ال حصل معرفش ايه ال خلاني افكر اني اعرف في الليلة دي بالتحديد ازاي الواحد بينام فضلت لحد الساعة 4 الفجر وانا بدخل واخرج في دايرة النوم احس اني بلف في دايرة سوداء ودواير بيضا بتظهر وتختفي
واحس اني بتسحب وعنيا بتلف وزي دوامة بتاخدني وفي اللحظة دي بنام بس كنت ساعتها بقوم والف تاني
لحد زي ما قلت الساعة 4 الفجر
وخلاص اما ابقي في صراع مع النوم بقيت بلف انا بنفسي في اللفة دي واسيب عنيا تلف بعدها
الطريقة دي بتنفع كتير مع كمان اما بربط عنيا بحاجة عشان اغصبها علي النوم
لانه لا عاش ولا كان حد يسهرني غصب عني
هع هع هع هع
تحياتي

بحر الالوانيقول...

قديما قالوا : النوم سلطان
ولكن يبدو انه سلطان فقد ملكه , امام جنود الارق وتحت نيران التكنولوجيا وسهام الفكر المشغول .

ولكني معك ان هذه الحرب ... بحاجة الي محاولة لفض الاشتباك والسعي نحو الهدنة


تحياتي من ارض المعركة

كلمات من نوريقول...

الظاهر ان اغلب المدونيين لا يناموا هذه الأيام ..تعددت الأسباب وقلة النوم واحدة..انا لسه كاتبه بوست عن قلة النوم من كام يوم

http://la7zetnour.blogspot.com/2010/02/blog-post.html

آخر أيام الخريفيقول...

ساعات بتحصل معايا...بس ما بعرفش اعبر عنها كويس زيك كده

max.adamsيقول...

النوم
عزييييييييييييز جداً
أنا لما بيحصل أني عايز أنام في وقت ما وأبقى عارف أني ممكن ما أنامش
بوصل للمعاد ده مرهق بأي شكل
و النوم بيجي وقتي

أما الصراع و قعدة القرد و نوم العازب
فدا طبيعي جداً أنت بخير يابني

تعالى خد الإشاعة بوم الأربع

إيمانيقول...

انا برضو بعانى من المشكله دى فظيعه بجد
بس اوقات مش بابقى بفكر وهتجنن وانام فلما مش باعرف انام باقعد افكر فى اللى يزعلنى وافضل اعيط اوى لحد مااروح فى النوم ...تقبل مرورى
تحياى

هي وظروفهايقول...

تعرف يا تامر كنت زمان ايام من الطفوله لحد الجامعه

كنت احط دماغي علي الخده دقيقيتين

واكون في عالم تاني

كان ابويا يقولي اصبر بكره تتحايل علي النوم ييجي

دلوقت والله يا تامر شديد ابو حديد بقي انا

النوم بقي صعب لدرجه ان الواحد لو عايز ينام عشره بليل مثلا بينام ويحط دماغه قبلها بساعتين علي الاقل

ضغوط بقي هموم ارق ارف خنقه زي منت عايز تقول قول وانا مش هعترض

أحمد عاطفيقول...

انا باتبع طريقة سهلة جدا يا تيمور في حال ان النوم عمل معايا الحركة الواطية دي

في دوا اسمه انفرانيل .... دا مهدئ عام

باخد منه قرص ... وعاديك عاللي بيحصل


بلاقي البيت كله بيصحيني من صوت شخيري


على فكرة لو بالك مشغول اوي انصحك متجربش انفرانيل لانه مبيأثرش مع الفكر المشغول

انت حكيت قصة النوم بطريقة حلوة اوي عجبتني فكرة الحرب بجد

صيدلانيه طالعه نازلهيقول...

تصدق قله النوم دى اصعب حاجه فى الدنيا
الانسان بيحس انه قرب يتجنن و انه فقد القدره على التركيز
اكتر حد عجبنى و هو بيحكى معاناته مع قله النوم انيس منصور لانه بيحكى انه مريض بالارق المزمن
ربنا يريح بالنا و ميحرمناش من النوم ابدا

غير معرف يقول...

يمكن دى اكتر حاجه تقدر تقول انها صعبه ورخمه ووحشه انك ما تعرفش تنام من كتر التفكير

ويوصل بيك التفكير فى كل حاجه الحياه اليوم المستقبل الحبيبه الخطيبه الشغل الفلوس كل حاجه شغالاك تفكر فيها لدرجه ان الواحد يبقى عايز يولع فى نفسه

انا هربان من السرير برضه دلوقتى علشان مش عارف انام وربنا :D

يلا ما علينا احيانآ بتبقى انتا عايز تهرب بالنوم من حياتك مع انك مش بتبقى عايز تنام وده سبب من اللى يخليك مش عايز تنام

احيانآ بتنجح معايا طريقه

اغمض عينى وابص داخل دوائر السواد الموجوده فى فى عينك واقول لنفسى نام نام نام نام لحد ما افصل وما احسش بحاجه

يا ويلك بقى لو قلقت لاى سبب مش هتعرف تنام تانى ابدآ حتى لو كنت نمت دقيقه واحده بس

ولو عوزت تفضى دماغك من كل حاجه شغلاك مش هتعرف لازم تحل مشاكل فعلآ علشان تعرف تعيش حياتك

وربنا يكون فى عونك وفى عونا

أميرة الأحلاميقول...

ياااه حاجه بتحصل لكتير قوي
بس مين الي يريح نفسه من مشاكله وهمومه قبل ما يروح ينام ده احيانا بيكون ده الوقت الي الواحد فيه بيقعد يفكر في كل مشاكله
وزى ما في ناس كده في ناس بيكون النوم بالنسبه لها هروب من مشاكلها وواقعها الي هى رافضاه

sweet angelيقول...

السلام عليكم

والله تقريبا تلات ارباع الناس دلوقت بتعاني من المشكله دي

بس تعرف لو الواحد قام اتوضا ونوى انه يصلي ركعتين والله قبل مايصلي هتلاقيه بينام
وياسلاااااااام لو أيام امتحانات هيه بس فكرة انك هتفتح كتاب كفيله انها توديك في سابع نومه

ربنا يرضى عنك
تقبل مروري المتواضع
تحياتي

حياه بلا عنوانيقول...

السلام عليكم ورحمه الله وبركاته
الموضوع جميل قوى فعلا هو صراع بس بصراحه انا عن نفسى حتى لو بكون زعلانه بنام وكمان لما بيكون فى مشاكل بفضل النوم مش هروب من المشاكل بس بنام علشان مش اخلى حد ياخد باله ويزعل زى يعنى بحاول مخلش حد يزعل على زعلى الحمدلله
تحياتى

اللى موش عارف يتغيريقول...

والله الموضوع ده يستحق فعلا الاشارة اليه
الاشارة اليه بس دا يبقى حرام
انا مره مجاليش نوم الا 9 الصبح
يا خبر بيبقى وضع سىء
والله مره كنت هعيط
هههههههههه

المسلم الصغيريقول...

السلام عليكم ورحمة الله وبركاته...
اولا بتاسف على عدم تعليقي وغيابي
ثانياً دمك خفيف اوي في سردك للموضوع
بنعاني من الموضوع دة كتير اوي بس نعمل ايه الانسان لو مفكرش يبقي مش عايش
دومت بخير

المسلم الصغيريقول...

السلام عليكم ورحمة الله وبركاته...
اولا بتاسف على عدم تعليقي وغيابي
ثانياً دمك خفيف اوي في سردك للموضوع
بنعاني من الموضوع دة كتير اوي بس نعمل ايه الانسان لو مفكرش يبقي مش عايش
دومت بخير

كيكى عوووووويقول...

لعنه الله عليه
عااااااااا

Unknownيقول...

انا سمعت ان الحل انك تعاند معه و تسمع حاجة عشان تفكيرك يتجه ليها و بعدها يروح لوحده

مهموهة أحمديقول...

يا عم شديد
تعبتني معاك و الله
خليتني اتقلب على الكرسي رايحة جاية كاني مش عارفة انام
حسيت بالقلق من كلامك
ههههههههههههههههههههههههههه
ربنا يبعد عننا البال المشغول يا رب
ووقتها بجد بنحس اننا ان راحة البال دي احلى و اغلى نعمة ربنا بيكرمنا بيها

ربنا يهدينا جميعا يا رب

تقبل كل تحياتي و تقديري

بس خلاص ......

حنينيقول...

ماتفكرنيش الاحساس ده صعب جدا
بحس انى هتخنق لو النوم طار من عينى
صحيح النوم سلطان
تحياتى

يا مراكبييقول...

بتحصل .. وبتحصلي أنا شخصيا كتير كمان

بيكون الواحد جسمه عايز ينام لكن العقل مش عايز ينطفي
To be swtiched off

وطول ما العقل شغال مستحيل تنام .. لحد ما يفصل شحن ساعتها بقى تنام

مجرد حلم صغنتوتيقول...

احساس سيء
مش عارفة دي حاجة حلوة ولا وحشة اني مش بيحصلي كده
بالعكس... لما ببقى في مشكلة او حاجة وحشة اوي بحس اني بهرب بالنوم من اي حاجة
ببقى مش عايزة افكر ولا اعمل اي حاجة

حالة غريبة شوية متهيألي

غير معرف يقول...

بيقولك المفروض ان الواحد يعمل رابط ذهنى بين السرير والنوم يعنى تقعد على السرير لما تكون هتنام بس ولو لاقيت نفسك مش هتنام تقوم وتعمل اى حاجة تانى وبعدها ارجع جرب تنام المهم ان متورحش للسرير الا لما تكون هتنام
ابقى اعمل سيرش عن موضوع الرابط الذهنى عشان الفكرة توصلك اكتر
وفى تمارين استرخاء تقريبا قبل النوم

ويارب تعرف تنام وتروح الشغل بقى مصحصح وتمام

مييقول...

انت بتبقى شايفنا ولا ايه هههههههههه
سرك باتع يجعل كلامى خفيف عليك
فعلا ساعات ببقى هتجنن واقعد ادادى فى نفسى واشغل قران انى اناااام ابدا
وفى لحظة الاقى نفسى نمت من غير ماحس
ههههههههههه
تحياتى لابداعك بوست هايل بجد خخخخخخخخخخ

دكتور لغة العيونيقول...

:)

لالالا

انت لو طول النهار بتلف على رجلك

ومواصلات وميكربوسات

وبعدهم تروح الاستاد تتفرج على متش
وتخش وسط زحمة الدرجة التالتة

وبعدها بقي تهفك نفسك على لعب الكورة

تقوم تروح تلعبلك ساعتين تلاتة كورة

وبعدين ترجع همدان تعبان حتموت وتشوف السرير

برده حتفكر وتسرح ومش حتنام

:P

شرباتيقول...

ايوة زيما بيقولوا النوم سلطان

انا برضه بتجي لي نفس الاعراض دي بالذات بقي لمايبقي عندي حاجة مهمة الصبح بدري

ما تعرف لناش عيادة تعالج الحالة دي؟

ألآسطى بليةيقول...

الأرق
عدوي الكبير
فأنا كائن أحب النوم جداً ولكن حتى اتخطي مشاكلي وتفكيري و و و يكون الديك أذن والشمي قربت
فاللهم ارزقنا راحة البال والقلب

بنوتةيقول...

بصراحة كل اللى بتوصفة دة يا تامر هوة اللى بيحصل لى انا دايما ماباعرفش أنام و الظاهر ملهاش حل أقربها النهاردة صاحية بدرى انا أصلا مانمتش غير بعد الفجر
لانى النوم رافض ييجى
على فكرة يا تامر المدونة تجنن
ربنا يوفقك
تحياتى لك
هنااا

بنت البلديقول...

ياة ياتمورر جيت على الوجع

انا بتخنق من الاحساس دة

ربنا يهون علينا وقتها

بنت البلديقول...

ياة ياتمورر جيت على الوجع

انا بتخنق من الاحساس دة

ربنا يهون علينا وقتها

محظوظةيقول...

التفكير قاتل للنوم قريت ابحاث كتير عن الموضوع دة

عارف ياتامر افضل حاجة تحاول على قد ما تقدر انك ماتفكرشى فى حاجة

خالص وانت رايح النوم انسى الدنيا وما فيها ولو مؤقتا عند النوم

سلاموززززززززززززززز

الامير سلطان بهنسى سلطان عدو المراةيقول...

السلام عليكم
انا بعيش الحوار ده كتير
بس هنعمل ايه
اقولك علي حل علمي وحل ديني
والاتنين واحد
الحل العلمي بيقول عد لحد 100
والديني بيقولك اقرء قران
والاتنين بمعني انك تشغل باللك بحاجه تخليك تنام

تحياتى

$ سهى $يقول...

قلة النوم غير مفيدة

ولما تكون بدون موافقة مننا تكون اصعب

بس هنعمل اية مفيش غير الصبر او محاولة عدم شغل البال على طول ودى صعبة شوى

الشنكوتى يقول...

ياااااه .. متخيل شعورك تماما وعارفه .. مريع و مؤلم وقاتل .. و لو التفكير بس المشكلة ابقي عارفه اكتر .. اعتقد ان اللي بيحصل معاهم كده غالبا بيفكروا كتير طول اليوم مش بتجيلهم الافكار بس ساعة النوم .. و عند النوم وعدم وجود عمل او كلام يشغلهم بجد الدماغ او الموتور فرصته للعمل بلا رحمة .. ساعات بانام بعد ساعة ونص او ساعنين و انا في السرير والموتور شغال و لو في توافه .. حتي لو شغال ومتبهدل طول اليوم وحتي لو صاحي من خمسين ساعة .. لو مشكلتك زي كده مش مسالة بدنية او خلل في مواعيد النوم او مش يوم او يومين عابرين.. مفيش حل للنوم بس .. المفروض تلاقي طرق تقلل بيها جرعة تفكيرك عموما وتزود حركتك و عملك يعني تعود الموتور ينتج افكاره عمليا و تلهيه عن الشغل بلا طائل.. لك تحياتي ..

ليلى حسينيقول...

احساس صعب اوى ياتامر

بس اية الحل؟

الارق زى الاكتئاب بيجى على غفلة ومن غير ميعاد


تحياتى

Unknownيقول...

من الأسهل التسليم
له والضحك عليه وأعلان
انك لن تنام الليلة وأنهض
عن فراشك وأغتسل وأنوى عمل
شىء جاد ونافع :سيأتى النوم
جررررررررررررررررررررررررررى

لــــ زهــــــراء ــــولا يقول...

تامر

ايه الماساه الصعبه دى اوى

ممكن اقولك لك على فكره حلوه تعملها قبل النوم انك تتوضا وتصلى
ويا سلام بقى لو قلقت فى وسط الليل انك تتوضا وتصلى ركعتين قيام ليل
ان شاء الله يجى لك على طوووووووووول
اتمنى لك نوم هادئ واحلام سعيده

المـــفـــــــقــــــــوعـــــة مــرارتـهــايقول...

فيه ناس بتحط دماغهم علي المخدة ويروحوا في سابع نومة وفيه ناس ذي حالاتك وحالاتي مابيناموش بسرعة الغريبة ان مشاكل النوم دي مفروض تختفي عند ظهور التعب يعني معروف ان التعبان لازم ينام وهذا لا يحدث معي للأسف او قد يحدث في اماكن اخري غير السرسير شفت بقي العيب علي السرير ماله البلاط ننام عليه
علي فكرة احنا بلديات

أحــوال الهـوييقول...

ليه بس يا تامر

صحتني من احلي نومه

فعلا صراع
و لكنه غير متكافئ لانك تقاوم النوم او النوم قد فر من امامك

و اذا فر النوم لن تجدله بديل

يارب تنام

تحياتي

Tamer Nabil Moussaيقول...

Amira


عندك حق

احساس صعب بس لازم نحاول عشان لازم ننام ولا هنكمل تانى يوم ازى

مع خالص تحياتى

Tamer Nabil Moussaيقول...

SaRa

والله كلامك جميل واتفق معاكى

اكيد الصلاة والقرب من ربنا بتهون على الانسان وبتفك كربة

مع خالص تحياتى

Tamer Nabil Moussaيقول...

ريمان

عندك حق فى كلامك

اكيد كلنا لازم نحب النوم حد يقدر يعادية هههه

بالنسبة للكتب مش اعرف كتاب معين بس لو وجدت هقول ليكى

مع خالص تحياتى

Tamer Nabil Moussaيقول...

Ms Venus

ما انا قولت ممكن بعض الوقت وليس كل الوقت

بس اكيد لازم الانسان يقدر ومش يفكر فى اى حاجة قبل النوم عشان يعرف ينام

مع خالص تحياتى

Tamer Nabil Moussaيقول...

wasf_elahsas

دة ظرف من ظروف عدم القدرة على النوم وكلها تتقابل فى نقطة واحدة هو التفكير فى اى حاجة قبل النوم

لازم الواحد يروح للنوم من غير تفكير فى اى حاجة ويخليها للصبح

مع خالص تحياتى

Tamer Nabil Moussaيقول...

بحر الالوان

عندك حق فى كلامك

واتفق معاك

واكيد لو الواحد راح للنوم من غير تفكير فى اى حاجة هينام

مع خالص تحياتى

Tamer Nabil Moussaيقول...

كلمات من نور

مش المدونين بس اختى نور

اى انسان عند وقت النوم لو فضل يفكر فى اى حاجة وشغل نفسة بيها وهو على السرير اكيد النوم هيهرب من عيونة

مع خالص تحياتى

Tamer Nabil Moussaيقول...

آخر أيام الخريف

هيا بتحصل مع الاغلبية من الناس طول ما انتى رايحة تنام وشغالة بالك هتفضل عيونك صاحية ويهرب النوم منها

مع خالص تحياتى

Tamer Nabil Moussaيقول...

max.adams

ههههههههه

لا مش محتاجين اشاعة الحمد الله الواحد بخير تمام

مع خالص تحياتى

Tamer Nabil Moussaيقول...

emymony

كلامك صحيح

والحل ان الواحد عند النوم يشيل من دماغة اى حاجة ولايفكر فيها

مع خالص تحياتى

Tamer Nabil Moussaيقول...

هي وظروفها

عارف يا وليد طول ما انت شغل دماغك وقت النوم باى حاجة عمرك ما هتنام

وان نمت هيكون تخاطيف ونوم غير كافى ليوم شاق بعدة

لازم الواحد يروح وقت النوم ويشيل من دماغة اى حاجة ويخليها للصبح

مع خالص تحياتى

Tamer Nabil Moussaيقول...

أحمد عاطف

والله ياعم احمد مش بحب اخد برشام للنوم خالص

مفيش احسن من ان الواحد يحاول مش يفكر فى حاجة خالص وقت النوم

مع خالص تحياتى

Tamer Nabil Moussaيقول...

صيدلانيه طالعه نازله

عندك حق احساس صعب وخصوصا لما يكون الواحد الصبح لازم يكون صاحى للشغل للجامعة وراة اى حاجة لازم يصحى ليها يعنى لازم نوم

مع خالص تحياتى

Tamer Nabil Moussaيقول...

مستخلص افندى

كلامك صح مستخلص واتفق معاك

والحل وقت النوم الواحد مش يفكر فى اى حاجة رغم انها صعبة بس نحاول على قد ما نقدر

امين يارب

مع خالص تحياتى

Tamer Nabil Moussaيقول...

أميرة الأحلام

عندك حق فى كلامك

واتفق معاكى

بس نحاول وربنا معانا

مع خالص تحياتى

Tamer Nabil Moussaيقول...

sweet angel

وعليكم السلام ورحمة الله وبركاتة

كلامك صحيح واتفق معاكى

مع خالص تحياتى

Tamer Nabil Moussaيقول...

حياه بلا عنوان

وعليكم السلام ورحمة الله وبركاتة

كلامك صح

واتفق معاكى

بس اكيد لما تكونى زعلاانة لازم يكون فى حد تشكى لية تشيلى من على نفسك

مع خالص تحياتى

Tamer Nabil Moussaيقول...

اللى موش عارف يتغير

عندك حق فى كلامك

احساس صعب وخصوصا لما تكون مرتبط بمواعيد مهمة الصبح ومش ينفع مش تروحها

مع خالص تحياتى

Tamer Nabil Moussaيقول...

المسلم الصغير

وعليكم السلام ورحمة الله وبركاتة

ولايهمك

مرحبا بك دائما

عندك حق من لايفكر لايعيش


بس وقت النوم لو الانسان فضب يفكر مش هيعرف ينام

مع خالص تحياتى

Tamer Nabil Moussaيقول...

كيكى عوووووو

اللعنة مرة واحدة

على من كيكى ؟هههه

مع خالص تحياتى

Tamer Nabil Moussaيقول...

العيسوى الصغير

كلامك صح

وفى اللى بقول تمسك كتاب وعيونك تغمض على طول

مع خالص تحياتى

Tamer Nabil Moussaيقول...

الوفية للأبـــد -- مها أحمد

عارفة يامها

عدم النوم ياريتة راحة كان الواحد يستحمل لكن طبعا بيكون العكس

والنتائج

ارق واكتئاب وحاجات كتير تخنق

وزى ما قولتى راحة البال مفيش غنى عنها

امين يارب

مع خالص تحياتى

Tamer Nabil Moussaيقول...

حنين

عندك حق

لما يكون الواحد عايز ينام ومش عارف احساس صعب

بيتعب

مع خالص تحياتى

Tamer Nabil Moussaيقول...

يا مراكبي

عندك حق

طول ما العقل شغال وعمال يفكر طول ما الواحد هربان منة النوم

مع خالص تحياتى

Tamer Nabil Moussaيقول...

مجرد حلم صغنتوت

طيب لو مش هربتى من اى حاجة ومن النوم كمان

هتفضلى تفكرى فيها وتتعبى نفسك اكتر

هو اسهل حاجة للهروب النوم بس يجى

مع خالص تحياتى

Tamer Nabil Moussaيقول...

star in the sky

اتفق معاكى فى كلامك

الواحد لازم لما يروح للنوم يكون ذهنة خالى وعقلة لايفكر فى اى حاجة مهما كانت

مع خالص تحياتى

Tamer Nabil Moussaيقول...

مى

ههههه

شوفتى ازى بقى من حروفك اقدر اعرف اخبارك هههه

ربنا يديم علينا النوم الصحى ويبعد عننا وقت النوم التفكير

مع خالص تحياتى

Tamer Nabil Moussaيقول...

دكتور لغة العيون

اكيد طبعا

بعد كل دة

لازم انام


هههه

مع خالص تحياتى

Tamer Nabil Moussaيقول...

شربات

عيادة هههه

لا مش اعرف

نحاول احنا نكون عيادة نفسنا

مع خالص تحياتى

Tamer Nabil Moussaيقول...

ألآسطى بلية

امين يارب

عندك حق فى كلامك

مع خالص تحياتى

Tamer Nabil Moussaيقول...

بنوتة

عندك حق

حاجة صعبة لما يكون الواحد عايز ينام ومش يعرف

مع خالص تحياتى

Tamer Nabil Moussaيقول...

Girls only

ومين سمعك

امين يارب

مع خالص تحياتى

Tamer Nabil Moussaيقول...

محظوظة

كلامك مظبوط

لازم الواحد مش يفكر فى اى حاجة وهو رايح ينام عشان يعرف ينام ويغيب القلق

مع خالص تحياتى

Tamer Nabil Moussaيقول...

Son Neil

وعليكم السلام ورحمة الله وبركاتة

كلام سليم

واتفق معاك

مع خالص تحياتى

Tamer Nabil Moussaيقول...

$ سهى $

اكيد لازم الواحد مش يشغل نفسة باى حاجة خصوصا وقت النوم

مع خالص تحياتى

Tamer Nabil Moussaيقول...

الشنكوتى

اكيد لازم الانسان يعود نفسة على كدة عشان يقدر ينام نوم هادىء

مع خالص تحياتى

Tamer Nabil Moussaيقول...

ليلى حسين

عندك حق

والحل ان الواحد مش يفكر فى اى حاجة وقت النوم

مع خالص تحياتى

Tamer Nabil Moussaيقول...

norahaty

تجربة مفيدة نجربها ونشوف النتيجة

مع خالص تحياتى

Tamer Nabil Moussaيقول...

لولا وزهراء

بجد كلام سليم

واتفق معاكى

القرب من ربنا والصلاة اكيد بتريح الانسان

مع خالص تحياتى

Tamer Nabil Moussaيقول...

المـــفـــــــقــــــــوعـــــة مــرارتـهــا

كلامك مظلوط واتفق معاكى

النوم لاياتى ممكن بقى على المكتب او وقت الصباح الباكر بيتدى يملى العيون

جميل انى اجد مدونين بلدياتى

منورة المدونة

مع خالص تحياتى

Tamer Nabil Moussaيقول...

أحــوال الهـوي

عندك حق فى كلامك

اذا فر النوم فعلى الانسان السلام 8ههههه

مع خالص تحياتى

صراع لاينتهى مع النوم



شىء يجنن لما تحاول تنام ومتعرفشى وتحاول تتحايل على النوم تبوس ايدة ياعم نوم خدنى الى حضنك خدنى ومفيش فايدة زى ما يكون فية طار بينك وبين النوم وحلف ليعذيك ويطير من عنيك شىء صعب انك تبقى عايز تنام ومش عارف

تنقلب مرة واحدة بهلوان وتشيل المخدات كلها وتحتطها فوق دماغك وتكتم نفسك يمكن تتأثر وتقوم تشرب كوبية مياة وتخبط على دماغك وتنط على السرير وتحضن المخدات مرة على جنبك اليمين وعلى الشمال وتتقلب وتقع على الارض ومفيش فايدة والنوم لسة هربان ومن بعيد بيطلع لينا لسانة

تحس انك فقدت قدرتك فى التحكم فى نفسك والسيطرة عليها واحيانا يصل الامر لتكسير اول شىء قريب مننا تعبير عن قمة الغضب اللى انت وصلت ليها ! الناس بتوع الطب بيقولك دة ارهاق وبال مشغول وكلام غريب بقى زى العقل الباطن لما بيصحى ويعمل معاهدة مع النوم واتفاقية على هدم سعادة حضرتك وحرمانك من النوم عشان خطفت منهم بعض الافكار وانت زاهب الى الخندق اللى هو يعنى السرير

وتجد نفسك قعدت قعدة القرد على السرير وايدك على الخدود ودمعك سايل انهار بحور ولا لية وقت ولا حدود تحاول تخرج الافكار من دماغك وتعمل مبادلة اسرى بينك وبين النوم مفيش فايدة خلاص النوم كبرت فى دماغة واعلن العصيان ومش هتنام يعنى مش هتنام ! وتكلم نفسك طيب ازى اروح الشغل من غير ما انام تجد اللى قعد فوق دماغك وطلع ليك لسانة ويقولك اعرف قيمتك وقدراتك والعب على قدك

تجنن اكتروتكبرفى دماغك ونعلن التحدى لان جواك مش قابل ابدا السيطرة دى من النوم وانة الوحيد فى العالم المسئؤل عن الراحة وقدرتة على تغميض العيون وتحاول تفكر اكثر فى التخلص من النوم ! لكن ترجع تقول انا محتاجة مقدرشى اتخلص منة رغم انة تعبنى ومطلع عينى تتوصل الى حل انك تمشى اللى فى دماغ النوم من غير مشاكل وخلاص وتفضل سهران واى مشوار او شغل ابقى اتصرف فية وكدة ابقى سمعت كلام النوم وريحتة وبكرة يرحنى

وتحلف بعدها انك لاتشيل افكار ولا بال مشغول وانت رايح على السرير عشان ما يحصلش اللى حصل والصراع يعود تانى مع النوم


لكن من المستحيل حد فينا يتخلص من الافكار والبال المشغول عند النوم ان كان بعض الوقت لكن ليس كل الوقت


مين يرضية كدة


توقيع الغلبان/ شديد ابو حديد

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل