مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الأحد، مايو 02، 2010

من حبى وشوقى ليها غنيت ليها



ازيكم احلى ناس وحشتونى وحشنى التدوين كنت وخد اجازة من النت ورجعت ليكم بكل شوق. نيجى بقى لبوست اليوم طبعا الكل عارف اللحمة والكلام عليها الايام دى مفيش اكتر منة وطبعا الغالبية عن سعرها الحنين اوى واللى كل يوم يكون احن من اللى قبلة
وطبعا سعرها الحنين دة مش مناسب لااغلبية الشعب الطيب اللى مرتبة معروف للجميع شكلة ومضمونة وقيمتة الحلوة عاملة ازى مش عارف حسيت بحنين وشوق ليها فمن شوقى وحبى ليها غنيت ليها عن طريق كتابة الاغنية دى للحمة ويارب تعجبكم وتعجب الغالية بنت


الغالية لحمة هانم



اسم الاغنية/ وحشنا وحشنا

))))))))))))))))))))))))




على اللحمة غنى وقول دة السعر مش معقول



تجار وكلنها ولعة والنار تملى ولعة



فى قلوب الناس يوماتى



مين يحس بينا من شوقنا والله ليها



بنغنى لها يوماتى



وكل يومين بتزيد والسعر بيطلع فوق



والناس تصرخ تنادى ولاحدش بيها دارى



من الناس اللى فوق



وحشتنا اللحمة والله وحشتنا كتير لمتها



نفسى ادوقها والله او حتى اشم ريحتها



وحشنا وحشنا يالحمة وحشنا



فينك وفين ايامك ياغالية وحشنا

çççççççççççççççççççççççç

خلصت خلاص اغنيتى للغالية بنت الغالية لحمة هانم

طبعا حقوق النشر محفوظة لو حد خدها هخرب بيتة هههههههههه

هناك 39 تعليقًا:

همس الاحباب يقول...

حمدلله على السلامة
تسلم الايادى يا عمنا
ويارب كلماتك تعجبها وتحن على الغلابة
دمت بكل خير
تحياتى

Tamer Nabil يقول...

همس الاحباب

الله يسلمك ياخالد

تسلم

يارب امين

منور المدونة

مع خالص تحياتى

داليــــــــــــــــــا يقول...

ههههههههههه
حلوه الاغنيه
بس هقلك يابختك يالحمه يابختك
هههههههه

حمدلله على السلامه نورت عالم التدوين من تانى

Ms Venus يقول...

تامر


حمد لله على السلامة

غيبة طويلة بس يارب تكون قضيت اجازة سعيدة

وترجع تانى بقى للنت


جميلة الاغنية

وعلى رأى اللى قالوا

هم يبكى وهم يضحك

ومافيش هم يا لحمة هههههههههههه


تحية ليك

Tamer Nabil يقول...

داليــــــــــــــــــا

الله يسلمك منور بيكى

ايوة يابختك يالحمة لازم نغير منها دى مهما كان لحمة هانم ههههههه

منورة المدونة

مع خالص تحياتى

Tamer Nabil يقول...

Ms Venus

الله يسلمك تسلمى

الحمد الله على كل حال


مفيش حاليا فى الاسواق غير وحشنا يالحمة هم دى كانت زمان ههههه


منورة المدونة

مع خالص تحياتى

emymony يقول...

حمدلله على السلامه
المدونه نورت برجوع قلمك الخشبى
هههههههههههههه وحشتنا زى اللحمه بالظبط
بس الصراحه انا مبسوطه ان اللحمه غليت علشان نفضل ناكل فراخ ههههههههههههه انا بحب الفراخ اكتر من اللحمه
بس يارب ترخص ومش تكون لحم حمير ولا كلاب زى ما بنسمع
ربنا يستر على الشعب
بالنسبه للاغنيه لازم تسجل حقوق ملكيه لتقتبس وبعرور ولا حد يغنيها
تحياتى

فاروق بن النيل يقول...

تامر نبيل ...
أنا كنت ناوى أبطا اللحمة شهرين بس بعد ماسمعت أغنيتك حابطلها سنة كاملة وبدأت أحوش بط ووز وحمام وفراخ بس ربنا يبعد عنا إنفلونزا الطيور وموش مهم جنون البقروموش مهم إنفلونزا الخنازيروموش مهم إلاالإلفلوزه وشكرا لك.farouksam.blogspot.com(عصفورالجنة)

مهموهـــــــة يقول...

هههههههههههههههههههههههههههههه

الله يرحمها اللحمة

و الله كانت غالية علينا اوي

يللا ربنا يطرح البركة في الفراخ و السمك
ههههههههههههههههههههههه

ليك وحشة و الله يا تامر و عاش من شافك
و حمد الله على السلامة

خالص تحياتي

Tamer Nabil يقول...

emymony

الله يسلمك

ربنا يخليكى

اكيد الفراخ والسمك مهمين

بس اللحمة كمان مهمة

خلى حد يغنيها كدة ولا يسرقها هجيبة من افاة هههههه متخافيش عليا

منورة المدونة

مع خالص تحياتى

Tamer Nabil يقول...

فاروق بن النيل

اهلا بيك فاروق

عارف ياصاحبى لو نمتنع عن اللحمة فترة التجار غصب عنهم هيرخصوها

بس ناس كتير مش بتصبر

منور المدونة

مع خالص تحياتى

Tamer Nabil يقول...

مهموهـــــــة


الله يسلمك مها تسلمى

المرحومة لحمة هانم ههههه

بس عايزين نصحيها بقى ههههه

منورة المدونة

مع خالص تحياتى

Dr Ibrahim يقول...

حمدا لله على سلامتك يا غالى
ربنا يسترها على أيامنا الجاية من لحمة وفول وحاجات كتير كده ...
تحياتى

آخر أيام الخريف يقول...

هاهاهاهها الواحد مش عارف يقوللك حمد لله على السلامة و للا بالهنا و الشفا

دمت بود

فضفضه يقول...

هههههههههههههههه
عسل
انهارده كان الحوار فى شغلى عن اللحمه وتقريبا محدش بيشتريها ولا بيدقها
انا بقا قررت اربى بط وفراخ والكل اتريق عليا لان بخاف امسك الفرخه ههههههههههههه
حمدالله على السلامه
تحياتى

مرايتى يقول...

حمد الله على السلامه
وتسلم إيدك على الغدوه بالإيحاء
أهى كمان لقت حد يغنى لها ويألف عليها أشعار

الله يرحمها

Mona يقول...

حمدلله على السلامة :)

كلمات من نور يقول...

هههههههههههههه

اوعى ابو الليف يسرقها منك

إلا مين أبو الليف داه يا شباب؟

النهاردة لقيت رجهل كهف في التلفزيون بيغني وبينعر قلت اعوذ بالله مين الكائن داه؟ أولادي الصغار بصوا لي زي ما أكون أنا الكائن مش هو وقالولي بكل فخر : أبو البيف يا ماما ......معلش قصدي الليف بس اللي يحلم باللحمه بقى ....المهم قلتلهم سمعتوه فين يا أساتذه؟؟؟. قالي عند المستر بتاع الباص طبعا ..زالمستر بتاع الباص بوظ العيال يا جدعان ...الحمدلله السنة قربت تخلص وحاشوف لهم سواق مخصوص بيشغلقرآن و أغاني وطنية ودمتم سالمين مع او بدون اللحمة

من كل بستان زهرة يقول...

أستاذ تامر الشديد
حمد الله على السلامة

ياعيني ياعيني على الكلمات
طيب ممكن تجيب حته من اللحمه الي في الأغنيه
هههههههههههه

والله حرام حتى اللحمه بقينى من غلاوتها بنغنيلها

تحياتي

القمرالباكي يقول...

السلام عليكم ورحمه الله وبركاته

صباح الخير ازيك يااستاذ
عود احمد
حمد لله ع السلامه
ديما يارب منورنا
جاه اليوم نغني للحمه ههههههههه بشرة خير ربنا يستر
دومت بخير

فتافيت يقول...

هههههههههههههههههههههههه

انا كل يوم بفرح بنفسي اكتر
عشان انا مابحبش اللحمة خالص.. ومابكلهاش الا ضاني.. وكمان في العيد وبس

ربنا يعينكم بقى.. انا مالي عااااااااا

بلاها اللحمة وكل سمك :)

ليله شتاء يقول...

السلام عليكم
أولا: حمد الله على السلامة
دائما موضوعاتك ساخرة من الدرجة الأولى الهانم بنت الهانم لحمة غلبانة اوى معانا وحنييييييييييينة أوى فى سعرها بقت ب60 و70 جنيه بس تعملنا اه أكتر من كده علشان نرضى عنها
هههههههههه

دام قلمك

أميرة الأحلام يقول...

حمدالله على السلامه
حلوه كلمات الاغنيه
بجد بتعبر عن حال اللحمه اليومين دول
ربنا يرحمنا برحمته
تحياتى

ساره يقول...

السلام عليكم يا تامر
انا لسه ما قريت البوست
لكن لي مده بحاول ادخل عندك والصفحه تطلع لي مقفوله
مش عارفه ليه؟؟ جربت من كذا مكان لسه تطلع مقفوله ... واليوم بجرب ودخلت .. قول اقولك مأساتي مع مدونتك
وبس سلامتك
:)

sharks يقول...

مدونة الشلة ،شات الشلة ، دردشة الشلة ، شات الشلة

شات الشلة ، دردشة الشلة ، شات الشلة

شات الشلة ، دردشة الشلة ، شات الشلة

مدونة الربح , مدونة ربحية مميزة , مدونة ارباح , Earn from your site , مدونة جوجل ادسنس , شركات ربحية , Blog Profit , مدونة شاملة للربح , اربح دولارات من الانترنت , اربح مع جوجل ادسنس , google adsense , مدونة الشركات الربحية , اكسب دولارات من الانترنت , profit blog مدونة الربح , مدونة جوجل ادسنس

مدونة الشلة , شات الشلة , مدونة بنات كول , شات الشلة , شات الشله , Google AdSense blog , a blog to make money from the internet , الشله , شات الشله ,Forex Blog,Blog earnings , شات الشلة, Earn money from your blog , مدونة الشلة , شات الشلة , دردشة الشلة , الشلة , مدونة بنت مصر , شات بنت مصر , شات بنات مصر , دردشة مصرية , مدونة الربح من الانترنت , مدونة جوجل ادسنس , مدونة بنات كول , مدونة الربح

مدونة بنات كول , مدونة اصحاب كول , شات اصحاب كول , a blog to make money from the internet, Forex Blog,Blog earnings, Earn money from your blog ,مدونة بنات كول , مدونة اصحاب كول , مدونة الربح من النت

حلمى البعيد يقول...

ههههههههههههههههه
تسلم على إحساسك بمعانات الناس
أخرتها كده نغنيلها
محنا طول ما هنغنلها هتغلي
ربنا يعدل أمور الإقتصاد يارب
تسلم يارب

Tamer Nabil يقول...

Blogger Dr Ibrahim

الله يسلمك ياصاحبى

ربنا يسترها ان شاء الله

منور المدونة

مع خالص تحياتى

Tamer Nabil يقول...

آخر أيام الخريف

الاثنين ههههه

منورة المدونة

مع خالص تحياتى

Tamer Nabil يقول...

فضفضه

الله يسلمك

ما هى اللحمة بقت حديث كل يوم احتمال تتدخل موسوعة جينس هههه

منورة المدونة

مع خالص تحياتى

Tamer Nabil يقول...

مرايتى


الله يسلمك

احنا عندنا غير ها هى وبس ولحمة واحدة مفيش غيرها هههه

منورة المدونة

مع خالص تحياتى

Tamer Nabil يقول...

Mona

الله يسلمك

منورة المدونة

مع خالص تحياتى

Tamer Nabil يقول...

كلمات من نور

ههههههههه

والله يانور الاطفال والشباب عموما بيشدهم اى حاجة جديدة وختلفة حتى لو مش قيمة

كفاية تبصى على البوستر بتاعة يشدك انك تجيبة

واللحمة مهما كانت عزيزة علينا

منورة المدونة

مع خالص تحياتى

Tamer Nabil يقول...

من كل بستان زهرة

الله يسلمك

حتة بس الاغنية ولحمتها كلها حلال عليكى هههه

منورة المدونة

مع خالص تحياتى

Tamer Nabil يقول...

القمرالباكي


وعليكم السلام ورحمة الله وبركاتة

الله يسلمك

لو مش نغنى للحمة نغنى لمين بس هههه

ربنا يسترها يارب

منورة المدونة

مع خالص تحياتى

Tamer Nabil يقول...

فتافيت


يعنى هو السمك اللى حلو بس انا بحبة بس بحب اللحمة اكتر هههههه

منورة المدونة

مع خالص تحياتى

Tamer Nabil يقول...

ليله شتاء


الله يسلمك

هيا غالية علينا بس التجار اللى يخرب بيتهم مولعنها نار اوى

منورة المدونة

مع خالص تحياتى

Tamer Nabil يقول...

أميرة الأحلام

الله يسلمك

اكيد الحالة ولعة واسعار هادية هههه

منورة المدونة

مع خالص تحياتى

Tamer Nabil يقول...

ساره

وعليكم السلام ورحمة الله وبركاتة

مشكلة بجد سارة وساعات بتصادفنى

ان شاء الله يكون الحال افضل الان

منورة المدونة

مع خالص تحياتى

Tamer Nabil يقول...

حلمى البعيد

عندك حق

طول عمرنا بنغنى ليها

منورة المدونة

مع خالص تحياتى