recent

آخر الأخبار

recent
recent
جاري التحميل ...
إيمانيقول...

المشكله مش هيعملوا ايه بالموتسيكلات المسروق
اصلها معروفه هتفكك وهتتباع قطع غيار او حرامى زيهم يشتريهم ويركبوهم عادى
المشكله ف المسئول عن الموتيسكل ذنبه ايه
ولا الغلبان اللى ربنا وحده يعلم مشتريه ازاى ولا يكون شغله عليه
ربنا يحفظنا ويهدى الجميع
للدرجه دى السرقه بقت سهله على الناس
ربنايحفظنا

Ramyيقول...

هى بقت كده خلاص

بقينا زى بلاد بره مفيش أمان

و لا الناس بقت بتخاف على بعض

بس متخفش هما هيظبطوا الموتوسيكلات و يرجعوها


رمضاااان كرييييم

Ms Venusيقول...

الحال بقى من سىء الى اسوء يا تامر

ويا عالم بكرة فى ايه


شىء مؤسف

آخر أيام الخريفيقول...

يا حول الله ..الناس معدش عندها ضمير ولا رحمة

أتنين حبيبينيقول...

احنا فى زمن العجب ولسه ياما هنشوف

ربنا يهدى

وحسبى الله ونعمه الوكيل

Alaasalim2يقول...

السلام عليكم

أولا كل عام وانت بخير ورمضان كريم

بالنسبه للسرقات فهي زادت بشكل ملحوظ في الفترة الأخيرة ودا أكيد ناتج عن الأحوال الإقتصاديه السيئة وكمان التدهور الملحوظ في الأخلاقيات عند أغلب الناس
ربنا يرحمنا برحمتة

داليـ ـ ـ ـ ـ ـ ــــايقول...

أكيد طبعا هيتباع قطع غيار
متقلقش عليهم مش هيغلبوا
النوعيات دى ميتقلقش عليها

تحياتى

طوبه فضه وطوبه دهبيقول...

أكيد هيعملوا سباق موتسيكلات ذى سباق الخيول كدا بس مخلينها مفاجأه بجد هم يضحك وهم يبكى ربنا يعوض عليهم

الشاعر الفنان أحمد فتحى فؤاديقول...

حسبى الله و نعم الوكيل
مابقاش حد بيرحم حد
ربنا معاه الغلبان اللى إتسرق منه الموتوسيكل .. و اللى طبعا هيشيله هيشيله ...

ربنا يسترها معانا و علينا
أمين يا رب العالمين

دمت بخير

تيموريقول...

احنا فى زمن صعب

والعصابات دى بقت اشكال والوان

ولكل مجال عصابتة

ربنا يسترها

تحياتى

خابت بك ظنونييقول...

لا حول ولا قوة إلا بالله

بجد إحنا لو طبقنا الشرع ولو واحد سرق واتظبط وهو بيسرق وايده تتقطع

مش هنلاقي حرامية

حسبي الله ونعم الوكيل

واكيد اللي بيوصل الدليفيري يومه مفاتش على خير ابداً

Monaيقول...

لاحول ولاقوة الا بالله ياعينى على الراجل بتاع الديليفرى
يعنى حتى فى رمضان مافيش رحمة
حسبى الله ونعم الوكيل
أيه الى بيحصل ده بس؟

يا مراكبييقول...

أعتقد والله أعلم إن اللصوصو ناويين ينزلوا بإختراع جديد وهو التوك توك الرباعي

كل 2 موتوسيكل هيعملوا توك توك رباعي

:-)

اقصوصهيقول...

رمضان كريم

وكل عام وانتم بخير :)

ساسويقول...

حالنا يا تامر بيتغير يوم عن التاني
الدنيا ضاعت منها الراحه
بقت دنيا قاسيه جراحه
ربنا معانا
ويعنا
يارب

Tamer Nabil Moussaيقول...

emymony

ما هو اللى بيسرق مش بحط فى دماغة نتائج سرقتة على الضحية


السرقة بقت موضة الايام دى

ربنا يسترها


مع خالص تحياتى

Tamer Nabil Moussaيقول...

Ramy

مفيش امان

احنا عندنا الوضع بقى اخطر من برة ولسة ياما هنشوف


مع خالص تحياتى

Tamer Nabil Moussaيقول...

Ms Venus


عندك فينوس الحال من اسوء الى انيل بجد

مع خالض تحياتى

Tamer Nabil Moussaيقول...

آخر أيام الخريف


محدش دلوقتى يعرف يعنى اية ضمير ولا حد بقى عندة رحمة الا القليل

مع خالص تحياتى

Tamer Nabil Moussaيقول...

أتنين حبيبين


العجايب دة اسم مش مناسب محتاجين مصلح اعمق يوضح الخيبة اللى بقت فيها البلد


مع خالص تحياتى

Tamer Nabil Moussaيقول...

Alaa Salim - علاء سالم


وعليكم السلام ورحمة الله وبركاتة


وانت طيب وبصحة وبخير


عنك حق علاء فى كلامك

ربنا يسترها

مع خالص تحياتى

Tamer Nabil Moussaيقول...

داليـ ـ ـ ـ ـ ـ ــــا


عندك داليا

دول ناس مش عارف اطلق عليهم اية بس

مع خالص تحياتى

Tamer Nabil Moussaيقول...

طوبه فضه وطوبه دهب


ممكن يا طوبة

دى يبقى انجاز العصر هههه

ربنا معانا

مع خالص تحياتى

Tamer Nabil Moussaيقول...

الشاعر الفنان أحمد فتحى فؤاد


كلامك صح

واكيد الغلبان دة هيشل حق الموتوسيكل

ربنا معاة


مع خالص تحياتى

Tamer Nabil Moussaيقول...

تيمور


عندك حق

الواحد مابقاش عارف

حصل اية فى الناس


مع خالص تحياتى

Tamer Nabil Moussaيقول...

خابت بك ظنوني


ياريت الشرع يطبق بس مش وضع زى اللى احنا فية دة


ربنا معاة

مع خالص تحياتى

Tamer Nabil Moussaيقول...

Mona


الناس اللى زى دى يامنى مش تفرق معاها رمضان وممكن مش تعرفة اصلا.


مع خالص تحياتى

Tamer Nabil Moussaيقول...

يا مراكبي


ممكن ويبقى انجاز ههههه

مع خالص تحياتى

Tamer Nabil Moussaيقول...

اقصوصه


الله اكرم

وانتى طيبة وصحة


مع خالص تحياتى

Tamer Nabil Moussaيقول...

ساسو


عندك حق فى كلامك

الدنيا مفهاش امان


مع خالص تحياتى

كلمات من نوريقول...

لا حول ولا قوة إلا بالله
ذنبه إيه الموظف المطحون داه

ربي يستر والله أنا بقيت مبحبش الموتوسيكلات خاصة إن السرقات بتكتر من راكبيها يشدوا الشنطة ويجرجروا الستات لغاية الست ما كتفها يتخلع و تسيب الشنطة وتتسحل عالأرض....يارب سلم والله

frankoيقول...

منتديات العابك الحصرى
منتديات العابك الحصرى
mygames منتديات
Mygames منتديات
منتديات قهوتنا
قهوتنا
دردشة نجوم المستقبل
شات نجوم المستقبل
منتديات عيت ارفاد التميمي
افلام الانمى
افلام هنديه
افلام عربى
افلام اجنبى
البومات الكاملة
قسم الصور
رياضة x رياضة
منوعات
اغاني سينجل
English Songs and Albums
كليبات
برامج الموبايلات
الثيمات و الخلفيات
العاب للموبايلات
الكليبات والنغمات
الرسائل والمسجات Mobile SMS
العاب اكشن
العاب استراتيجيه

الفقيرة إلى الله أم البناتيقول...

إنا لله وإنا اليه راجعون
هى خربت خالص والسفينه اتخرمت

Unknownيقول...

والله انا لسه الموتسكل بتاعى مسروق من اربع ايام وحسبيا الله ونعمل الوكيل فى الحرامى

الموتوسيكل راح فين


مساء الخير دة مطعم كنتاكى . ايوة يا فندم تحت امرك. انا عايز الطلبات دى على العنوان دة. تحت امرك يا فندم

ويتم تجهيز الطلب وارسال الدليفرى لتوصيلة الى العنوان يطلع سائق الدليفرى الى الدور الخامس يفضل يخبط محدش يرد


يتصل على تليفون صاحب الطلب يرد يقول لية معلشى اصلى بجيب طلب من تحت خليك واقف قدام الشقة خمس دقائق واكون عندك


وتمر اكتر من 10 دقايق وصاحب الشقة لم ياتى ينزل الدليفرى لايجد الموتوسيكل راح فين اتسرق بالخطة السابقة

دى مش قصة دة حصلت بحد فى فرع كنتاكى اللى فى بنها عندنا وياعالم بقى الغلبان بتاع الدليفرى دة هيتعمل معاة اية وكنتاكى هتجيب حق الموتوسيكل علية الله اعلم هيكون التصرف ازى معاة مع انى سمعت انهم عايزينة يمضى على وصل امانة بحجة ان الموتوسيكل متامن علية والوصل دة هيساعد فى صرف فلوس التامين وشكلها كدة عايزين الغلبان بتاع الدليفرى يشيل الليلة


حكاية سرقة الموتوسيكلات دى كترت الايام دى واكيد فى عصابة متخصصة فى الموضوع دة

جارى واثنين اعرفهم اتسرق الموتوسيكل بتاعهم دة غير البلاغات اللى كل شوى عن سرقت موتوسيكل


ياترى العصابة دى هتعمل اية بالموتوسيكلات المسروقة؟

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل