recent

آخر الأخبار

recent
recent
جاري التحميل ...
Monaيقول...

ضحكتنى والله
بس تعرف أنا أبنى من كام سنة كده حصله موقف مشابه
بس العصبية ماكنتش حتنفعك
كويس أنك اتصرفت كده
تحياتى ومتغبيش كتير
:)

كلمات من نوريقول...

أضحك الله سنك ....الخنقه دي بقت متواجده في كل مكان ...اللي يحط دماغه في جريدتك أو كتابك أو موبايلك وتحس إنه خلاص دقيقه ويفتح شنطتك يطلع منها ورقه وقلم يكتب حاجه بسرعه ..........تحياتي

آخر أيام الخريفيقول...

هو انت يعنى لازم تذلنا ميت سنة عشان تتحفنا بتدوينة حلوة زى دى؟؟ :)))

حمد الله ع السلامة يا تامر ...نورت مدونتك من تانى

غير معرف يقول...

شكرا على البوست

ساسويقول...

هههههههه
بوست جميييييييل جدا

sweet angelيقول...

ههههههههههه
ياعيني
حضرتك مش صبرت عليه
الحكايه كلها انك كنت مندهش من ردود افعاله فمش عرفت تعمل حاجه

ربنا معاك

Ms Venusيقول...

هههههههههههههههههههه


يا ساتر يارب

بس تصدق يا تامر فعلا اوقات بنقف كده قدام مواقف غريبة ومش بنتصرف

ونرجع تانى نقول هو احنا ليه عملنا كده


بوست جميل

حمدلله على السلامة وبلاش تغيب كتير

تحية ليك

وصف الاحساسيقول...

ازيك يا استاذ تامر
فينك من زمااااااااااااااان
لعله خير
بالنسبه لموضوع بيتهيالي انك عملت احسن تصرف
وكويس انه ما قلتلكش عايز سيجارة تانيه بدل ال انت خلصتهاله وهو بيقرا الجرنال
هييييييييييييه دنياااااااا

أتنين حبيبينيقول...

ازيك يا تامر يارب تكون بخير ولا يحرمنى منك يارب

اخبارك ايه
معلهشى متأخره عليك بس والله كنت غايبه ولسه راجعه
قلت اطمنكم عليا
وهرجع اتابع تانى من جديد ان شاء الله تعالى

تحياتى
توتا

يا مراكبييقول...

لأ ده فعلا وصل لمستوى رهيب من الوقاحة بس بااااارد بشكل كبير

كويس إنك استحملته بجد

وكويس إنه ضحكك

:-))

دنيتى اتغيرت&& والرجل دة خنقنى بجد


كلنا بنعيش فى دنيا واحدة بنعيش فيها بكل ما فيها من اشكال والوان وبنقابل ناس نحبها ونقرب منها ونزعل لو غابت عننا لااى سبب وناس نكرها ونفرح لو غابت عننا

واحيانا كتير نظرا لظروف الحياة نتعامل مع نوعية الناس اللى احنا مش بنحبها لكن الظروف واحداث الحياة بتحكم علينا وبتفرض لزوم التعامل معاهم رغم عدم حبنا ليهم واختلافنا معهم شكلاا ومضمونا فى كل شىء

وفى الدنيا اللى احنا عايشين فيها بتحصل لينا حاجات بتغير الدنيا فى عنينا سواء الى الافضل او العكس سمعت اغنية حماقى اللى بتقول دنيتى اتغيرت اول ما شوفت عنيك انا يعنى حماقى الدنيا فى عيونة اتغيرت لما شاف عيون انسانة لفتت نظرة واتعلق بيها فمن نظرتة الى الامر الدنيا اتغيرت


وكلنا بتتغير الدنيا فى عنينا كل فترة سواء الى الافضل او العكس الدنيا بتتغير ويختلف التغير من انسان الى اخر حسب ما تأتى بة الحياة الينا كل حين واخر


والتغير فى حياتنا ينقسم فى حياتنا الى تغير مزاجى نسعى الية حسب نظرتنا الى الامر والصالح العام لنا اما التغير التى تفرضة علينا الحياة مجبرين على التعامل معة حتى لو كان غير مناسب لنا يجب التعامل معة


الرجل دة خنقنى بجد
------------------

فى يوم وانا رايح مشوار تعبت من اللف فكان قدامى جنينة وجدت فيها كرسى للجلوس جلست عشان ارتاح وكمان فرصة اتصفح الجرنال اللى معايا وانا جالس جاء رجل فى الاربعين من عمرة تقريبا وجلس جنبى وشوى بضرب بطرف عينى وجدتة عمال يتابع الجرنال اللى فى ايدى

ولما ابص ناحيتة يبعد عنية عن الجرنال لحد ما وصلت الى صفحة الحوادث وجدت الرجل قرب منى اوى وبقى يتابع بعنية وراسة دخلت بعد ايدى قومت بصيت لية وقولت لية لو حضرتك عايز تتابع الجرنال خدة وبلاش اتابع انا دلوقتى

وجدتة قام وخد الجرنال منى وقال ليا عندك حق وكمان الجرنال بتاعك ولما تروح البيت ابقى تابع براحتك وفضل يتابع وانا جنبة فى حالة تعجب من اللى بيحصل

قومت مولع سيجارة وجدتة بيقولى ممكن سيجارة رغم انها مش من النوع اللى بشربة بس المطر بقى واديتة سيجارة وفضل يتابع الجرنال بتاعى والسيجارة فى فمة وانا مولع وقرفان منة

وبعدين وجدتة قام من غير كلام ولاسلام والجرنال بتاعى معاة قومت منادى علية ياعم الجرنال بتاعى بص ليا وقال مالك يارجل متوتر لية دة جرنال لاراح ولاجة قولت لية مدام هو كدة خدتة منى لية قال ليا كنت بتسلى

وعلى العموم ياسيدى خد الجرنال بس ممكن تسلفنى صفحة الحوادث بصيت لية وقولت لية اشمعنا قال ليا اصل هحتفظ بيها قولت لية ولية نقطع الجرنال ما تخد جنية منى وتشترى واحد تانى واحتفظ بية كلة قال ليا ياسلام عليك رجل محترم قولت لية شكرا

قام باصص ليا وقال هات بقى الجنية عشان امشى اصلى مستعجل هو قال دى من هنا وانا مش عارف فضلت اضحك وهو فضل يضحك على ضحكى وكنت بضحك لانى افتكرت ان هيطلع ليا كمان شوى فريق عمل ويقولى اضحك انت مع الكمير الخفية

ولكن مش حصل من دى حاجة والرجل خد الجنية ومشى وانا مشيت بس لحد دلوقتى مستغرب من افعال الرجل الغريبة دى ومن سكوتى وتسليمى لكل ما حصل

المفروض كنت اتعصبت علية ودى اقل حاجة بس سبحان الله مع الرخامة دى كنت هادى

زى ما يكون الرجل عمل ليا عمل سحرى

عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل