مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الاثنين، ديسمبر 13، 2010

الى كل بنت تريد الزواج



خلاص مفيش بنت هتفضل فى مصر من غير جواز يعنى مفيش بنت بعد كدة هتبقى فى مصر او اى بلاد اخرى تحت لقب عازبة ولكن بشروط واضحة اذا مشيت بيها وعليها البنت من المؤكد بعدها هتكون عروسة مع عريسها فى عش الزوجية ويابخت من وفق راسين فى الحلال


قريت خبر بيقول اية ان الرجال فى موريتانيا لايرضون الزواج الا من الفتاة البدينة لاغير حيث يعتبرونها ملكة جمال عكس البنت الرفيعة كما ان الامهات هناك يجبرون البنات على الاكل حتى يتحولون من الرفيعة الى البدينة حيث الرفيعة هناك لانصيب لها فى الزواج



وتقوم الامهات كما قولنا على اجبار البنت على الاكل وهذى الطريقة تسمى التبلاح اى تسمين البنات وعليها تكون البنت عند عمر البلوغ ثمينة بدينة مؤهلة لتكون ملكة جمال لتدخل بعدها الى عش الزوجية السعيد


وعليها بقى على كل بنت مصرية او اى بنت من اى بلاد اخرى متسرعة على الزواج وتخشى ان يفوتها القطار وتصبح عانس عليها وعلى الاكل والتسمين ثم الذهاب الى موريتا نيا للحصول على عريس اكيد واهو تخفف البنات الضغط على الشباب فى البلاد التى تقيم بها


يلا يا بنات من الان اكل بلا توقف تسمين مستمر حتى تحصلين على العريس الموريتانى وتخرجى من نفق وشبح العنوسة المخيف


شروط بسيطة وسهلة على كل بنت واهو بالمرة البنت تجيب عريس موريتانى والشاب بقى يخد واحدة اجنبية وتتحل ازمة الزواج وايامة
انتم اية رايكم؟

هناك 34 تعليقًا:

فاروق بن النيل يقول...

نبيل ..........
رأيى إن ده كلام فارغ طبعا صديقى موش أقصدك والله لكن اقصد هذا التفكير تعرف ليه لأنهم بعد شوية سنين حايلاقوها بقت كرنبة وياريت يمكن بطيخة وكبيرة وقارعة
كمان وحايكرهوا التخان ويرجعوا تانى للرفيعين إوعوا يابنات مصر تسمعوا كلام نبيل لحسن حايوديكوا فى داهية سودة تخينة ( ضغط مرتفع - قلب مريض - سكر عالى -هشاشة عظام - ضعف بالمفاصل -وحركة بطيئة وربما جلوس حتى الأبد - مرض فيل ) عايزين بعد كده إيه تانى

Tamer Nabil يقول...

فاروق بن النيل

انا معاك فى كلامك واتفق معاك طبعا


لكن انا كنت مجرد عارض لفكرة قرتها يمكن تنول اعجاب بنات معينة تروح هناك بقى


ويابخت من وفق راسين فى الحلال


وطبعا البنت لما تكون وسط تكون افضل يعنى لاتخينة ولا رفيعة

منور المدونة

مع خالص تحياتى

Tears يقول...

و انا رايي انا بلاه الجواز اللى بشروط و بلاه الجواز اللى ح يبوظ صحة المرأة و جسمها و بالتالى نفسيتها

موريتانيا دولة متخلفة كمعظم دول افريقيا و اسيا و مش ح ينفعوا مثل اعلى

شيرين سامي يقول...

طب ما التخينه تخس و تتجوز في مصر أحسن ههههه
لأ بجد الجواز اللي بشروط فشل زريع ده في بلاد بتحب الودان المدلدله أو الأقدام الصغيره و بيلبسوهم جزم حديد
ده درب من التخلف
الحمد لله لسه مصر أحسن من بلاد تانيه

Tamer Nabil يقول...

Tears


اتفق معاكى تريز

طبعا حاجة مستحيل يكونوا فيها قدوة لااخرين


منورة المدونة


مع خالص تحياتى

Tamer Nabil يقول...

شيرين سامي


فكرة تمام الرفيعة تيجى عندنا وتتجوز ههههه

عندك حق افكار الاغلبية فى القارة غريبة ومجنونة


منورة المدونة

مع خالص تحياتى

WhItE HeArT يقول...

هههههههههههههه

انته عارف انا موافق ليه

لإنك قلت ان الواد هيتجوزوا اجانب

انا كده معاااااك طبعااا



تحياتي

Ms Venus يقول...

هههههههههههههههههه

اولا انا بضحك على الفكرة

لكن الجواز مش كده خالص

فين الفكر ؟


فين العقل ؟


فين انسجام الاتنين ؟


كده خلاها مجرد شىء بيكبره ويسمنوه علشان يدخل يندبح قصدى يتجوز ههههههههه


بوست دمه خفيف يا تامر رغم غرابته

تحية ليك

شمس النهار يقول...

ضحكتني يانبيل
ايه الجواز الغريب ده
:)))

كلمات من نور يقول...

أضحك الله سنك بس مش الاول تعرف نسبة النساء للرجال كام في موريتانيا الا بعدين تعمل أزمة جديدة وتوقف زواج البنات هناك يا عم تامر؟؟؟؟؟؟؟؟؟؟

وبعدين انت عايز تصدر بناتنا علشان تتجوزوا أجنبيات؟؟؟؟؟؟؟؟؟؟ داه بعدكواااااااا

Mona يقول...

أنت عارف أنا قريت المقال ده وضحكت على التفكير العقيم ده بس ضحكتنى مووووووووت على البوست ده
ياشيخ حرام عليك ده أنا أعرف ستات رفيعة وأجوزها يقعدوا يتريقوا عليهم ويقولوا لهم ده أنتوا تخنتوا وأتعجب من الكلام وأحمدالله على زوجى
معظم الرجال مش بيعجبها العجب رفيعة مش عاجب
تخينة مش عاجب
وبصراحة الجواز لا يصلح بشروط أبدا
بس بوست جميل بس أوعى البنات تصدقك

Tamer Nabil يقول...

WhItE HeArT


طبعا موافق اكيد هههه

لا ياعم بنت بلدى احلى من اى اجنبية

منور المدونة

مع خالص تحياتى

Tamer Nabil يقول...

Ms Venus


ممكن يكون فى فكر وعقل وانسجام لو كان الاختيار مش مبنى بس على البدانة غير كدة يكون محال طبعا هههه


طبعا تسمين يعنى على المدبح عدل هههه

منورة المدونة

مع خالص تحياتى

Tamer Nabil يقول...

شمس النهار


هو غريب بس

دى كلمة بسيطة علية هههه

بس لكل دولة افكارها بقى وهما حرين ههه

منورة المدونة

مع خالص تحياتى

Tamer Nabil يقول...

كلمات من نور


مش محتاجة نسبة يانور

التخينة هناك تتجوز

والرفيعة تيجى عندنا

مصالح متبادلة ههههه


صحيح الواحد عنية بتروح على الاجنبية احيانا

بس بنت بلدى افضل واحلى كتير

منورة المدونة

مع خالص تحياتى

Tamer Nabil يقول...

Mona


معاكى فى كلامك يامنى

زواج بشروط غير صالح اكيد

بس والله الرجالة مش تفكيرهم كدة خالص يعنى نقول قليل من يفكر تخينة رفيعة

لكن الاهم القبول والاعجاب الاول

ودة بيخلى الواحد لاينظر الى تخينة ولا رفيعة

منورة المدونة

مع خالص تحياتى

AHMED SAMIR يقول...

لولا اختلاف الأذواق لبارت السلع

Amira يقول...

فكرة تجنن ههههههههههههه


تسمين لية هيا عجولة على باب مدبح مستنى ههههه

طبعا جواز فاشل اللى بشروط دة

تحياتى

MR.PRESIDENT يقول...

طب مش طالبين عرسان سمان :)

Dr Ibrahim يقول...

ههههههههههههه
بس انا اسمع ان كان هنا فى مصر فعلا من زمان ان الست الجميلة هى التخينة اللى مبتخشش من الباب
ولكن حاليا الأمر اختلف
الرفيعين هما المطلوبين :)

sweet angel يقول...

والله انا مش عارفه
ايه الزمن المهبب الي احنا فيه ده استغفرالله العظيم

جه اليوم الي بقت البنت فيه هي الي تلف وتدور علشان تجيب عريس

اييييييييييييييه ده
انا اعرف ان الراجل هو المفروض يلف ويدور ويروج ويجي ويترفض مره واتنين وعشره
ده الطبيعي
ايه ده

ده حبه كمان هنروح نطلب ايديهم

قطيعه تقطع الجواز والي عاوزينه

الشاعر الفنان أحمد فتحى فؤاد يقول...

مهما كان

المصرى يوكل

هاهاهاهاهاهاها

تحياتى

يا مراكبي يقول...

قصدك إيه؟
قصدك إن البنات تُخان في مصر وألا قصدك إيه؟
قول ما تخافش

هو الجواز هناك بالكيلو وألا إيه؟

Dr/ walaa salah يقول...

بصراحه اذا كان ده شرط الزواج

يبقى مفيش احلى من العنوسه

ايه البنت تاكل وتاكل عشان تسمن

والله وانا بشوف البوست يا تامر افتكرت على طول خروف العيد

اللي بنسمنه عشان ندبحه في الاخر


ده تفكير غريب ان بناء اسره يقوم على فكره تافهه زي دي

البنات تتخن

والرجاله تقصر

ويا عالم بعد كده في ايه


ربنا يهدي بجد

اللي عايزه تروح مورتانيا يا بنات متنساش تروح قبل العيد الكبير بدل ما يضحوا بيها

الفراشة الصغيرة يقول...

هههههههههههههه

بس كده هنعمل ازمة فى الاكل والعيش عندنا

شكلها كده خربانه نحلها من هنا
تبوظ من هنا

Tamer Nabil يقول...

AHMED SAMIR


اكيد ياعم احمد

كلامك صحيح والله


منور المدونة

مع خالص تحياتى

Tamer Nabil يقول...

Amira


هيا كدة تبقى مدبحة فعلاا هههه

طبعا جواز كدة لاينجح اكيد

منورة المدونة


مع خالص تحياتى

Tamer Nabil يقول...

MR.PRESIDENT


حاليا لاياصاحبى هههه


منور المدونة


مع خالص تحياتى

Tamer Nabil يقول...

Dr Ibrahim

ولكل وقت ادان يادكتور هههه

منور المدونة


مع خالص تحياتى

Tamer Nabil يقول...

sweet angel


ملاك دة فى موريتانيا الكلام دة

هنا لسة احنا اللى بنجرى وراكم ههههه


منورة المدونة


مع خالص تحياتى

Tamer Nabil يقول...

الشاعر الفنان أحمد فتحى فؤاد


طبعا اكيد


بنتى بلد مفيشزيها


منور المدونة


مع خالص تحياتى

Tamer Nabil يقول...

يا مراكبي


وبعدين ياعم مراكبى انا جبت سيرة بنات مصر خالص هههههه


اكيد هناك بالكيلو

اسال واقولك كم بالظبط هههه


منور المدونة

مع خالص تحياتى

Tamer Nabil يقول...

Dr/ walaa salah


معاكى حق فى كلامك يا ولاء

فكرة غريبة


وعلى رايك البنات اللى عايزة تروح يكون قبل عيد الاضحى هههه


منورة المدونة


مع خالص تحياتى

Tamer Nabil يقول...

الفراشة الصغيرة


هيا خربانة خربانة يافراشة هههه


منورة المدونة


مع خالص تحياتى