مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الثلاثاء، ديسمبر 21، 2010

البنت النخلة وخدة بلحة


من الاشياء المعروفة والمؤكدة ان الرجل دائما لازم يكون اطول من العروسة او طول واحد دة شىء طبيعى لحاجات كتير واضحة المعالم لينا كلنا. طيب لو العكس هيحصل اية ممكن يكون فى اختلاف فى نظرة الناس.


اثنين دخل الحب بينهم وبقى بينهم ارتباط عاطفى لامفر منة ولاهروب بس المشكلة ان البنت اطول من الشاب يجى 20 سنتى كدة يعنى اطول منة بس الحب بيجرى جواهم نهر لايتوقف من العطاء والمحبة والتفاهم المتواصل بلا نهاية


البنت والشاب مش فارقة معاهم وراضين ببعض رغم مشكلة الطول دى بس ياترى الناس هتسبهم فى حالهم ومش هتتكلم عليهم واقل حاجة شوف الرجل واخد واحدة اطول منة ولا البنت النخلة وخدة بلحة فى فرع واكيد فى الموضوع سر


ياترى انتى بنت وياترى انت شاب لو صادف حد فيكم حاجة زى كدة هيكمل فيها دون اهتمام بكلام الناس ونظرتهم للموضوع ولا هتبكرو دماغكم وعلى راى المثل الباب اللى يجيلك منة الريح سدة واستريح

من راى ان الموضوع لو صادفنى هرضى بية وهكمل دون اهتمام بنظرة ناس وخلافة مدام فية حب وتفاهم بين الطرفين لية الانشغال بكلام الناس اللى مهما نعمل كدة كدة متكلمين

مستنى رايكم

مع خالص تحياتى

هناك 27 تعليقًا:

Dr/ walaa salah يقول...

موضوع حلو

بس شوف يا تامر

الناس بتتكلم عن اي حاجه

هو طويل

هى طويله

والله مبيسبوش حد مبيتكلموش عليه

وطالما انهم كده كده بيتكلموا

ليه اعمل حسابهم في حاجه تخص حياتي انا

طالما ان في توافق خلاص محدش ليه دخل نهائي


الموضوع بيخصني مش بيخصهم

ده رأيي


مشكور يا تامر

من كل بستان زهرة يقول...

يمكن موضوع ان الراجل لازم يكون اطول ده نشأ عندنا لأن الراجل هو الي بيحتوي البنت هو الي بياخدها في حضنه
علشان كده الناس بقى الموضوع ده عندها اساسي

بس لو اتنين مش فارقه معاهم
وفعلا بيحبوا بعض
المفروض ولا كأن في حد بيتكلم جنبهم
علشان لو الأتنين ملايكة نازلين من السما
الناس هطلع فيهم عيوب برضه

تحياتي

Ramy يقول...

الناس بقت حاجة تُخنق

و لا ليهم دعوة بحد

و يكملوا حياتهم

Tamer Nabil يقول...

Dr/ walaa salah


عندك حق ولاء

دة حاجة تخص طرفين لاغير

وصح مدام فى قبول وحب يبقى كلام الناس مش لية لازمة


منورة المدونة

مع خالص تحياتى

Tamer Nabil يقول...

من كل بستان زهرة

فعلاا دة واقع اساسى ان الشاب يكون اطول من البنت ولكن هنا العكس


لكن مع وجود الحب والاقتناع لامكان لكلام الناس


منورة المدونة


مع خالص تحياتى

Tamer Nabil يقول...

Ramy

عندك حق رامى


الناس بقت كتير مشسايبة حد فى حالو


منور المدونة


مع خالص تحياتى

هبة فاروق يقول...

اقولك على حاجة الناس ميعجبهاش العجب وبعدين اية يعنى لو كانت اطول منة يا سيدى يجيب سلم ويطلعلها ههههههههههه
موضوع جميل يا تامر مشكور وفى انتظار الجديد

شيرين سامي يقول...

كده كده الناس مالهاش تتدخل في حياة حد و موضوع المظهر ده حاجه مش أساسيه في اختيار رفيق العمر
بدليل اننا كتير بنشوف أزواج شتان في الجمال لكن في منتهى السعاده
لأن التفاهم و الحب الحقيقي أصبح شئ نادر جداً
تحياتي و احترامي لك

Dr Ibrahim يقول...

انا كنت هعمل زيك
لان الناس مفيش وراها غير الكلام سواء كانت حاجة حلوة أو وحشة
لان الواثق من نفسه ميهموش كلام الناس
تحياتى لك

MR.PRESIDENT يقول...

معلش يا تامر وإمتي الجواز كان بالطول إلا للمستويات الهابطة فكريا ..
الناس الفاضية .
فين الدين .
فين الجمال .
فين النسب .
فين المال .
سيبت كل دا يا معلم .. ومسكت في موضوع الطول .

علي العموم .. لو ربنا رزق .. هتجوز ياعم .. وسيبك من كلام الناس .كلام الناس مش بيستر ولا بيأكل عيش

Ms Venus يقول...

طبعا ولا تفرق

مالها الناس ؟


دى حاجات شخصية وكل انسان حر

طويل بقى او قصير تخين او رفيع

المهم فى توافق بينهم


شكرا ليك يا تامر

خالد أبجيك يقول...

في الغالب يبحث الشاب عن فتاة أقصر منه، ويستحي ان يمشي مع فتاة اطول منه، لأن الطول بالنسبة إليه معيار للرجولة، لكن فيما يخص الزواج، فالسبب غير منطقي، لأن الطول والقصر هي معايير ثانوية، الاصل ان يكون الحب والتفاهم هو الرابط الذي يجمع بين القلبين، فكم من فتاة طويلة تزوجت بشاب أقصر منها وعاشا سعيدين.. تبق في الأول والأخير هاته المسألة مرهونة بالأعراف والتقاليد التي تشربها كل من الشاب والفتاة

سعيد أني كنت هنا

شمس النهار يقول...

اللي هيحاول يرضي الناس مش هيعرف يرضي حتي نفسه

لو الحب سليم وصحيح ومكتمل العناصر كلها مش هتفرق
بس المهم انهم يكونوا واعيين للمشكله ومتفهمين علشان يقدروا يواجهوا التعليقات البايخه اللي هيسمعوها

عندي فزورة ياريت تيجي تحلها
:))

شمس النهار يقول...

اللي هيحاول يرضي الناس مش هيعرف يرضي حتي نفسه

لو الحب سليم وصحيح ومكتمل العناصر كلها مش هتفرق
بس المهم انهم يكونوا واعيين للمشكله ومتفهمين علشان يقدروا يواجهوا التعليقات البايخه اللي هيسمعوها

عندي فزورة ياريت تيجي تحلها
:))

Tamer Nabil يقول...

هبة فاروق


ههههههههه

على رايك يجيب سلم

معاكى حق الناس كدة كدة هتتكلم

منورة المدونة

مع خالص تحياتى

Tamer Nabil يقول...

شيرين سامي


عندك حق التفاهم والحب عملة نادرة الوجود فى هذة الايام

منورة المدونة


مع خالص تحياتى

Tamer Nabil يقول...

Dr Ibrahim


عندك حق ياصاحبى


الواثق من نفسة لاعنية كلام الناس فى شىء

منور المدونة


مع خالص تحياتى

Tamer Nabil يقول...

MR.PRESIDENT


كلامك صحيم يا ريس

فين الجمال والتتدين والاخلاق والحب والقبول كل دة اهم من حكاية طول وقصر

منور المدونة


مع خالص تحياتى

Tamer Nabil يقول...

Ms Venus


فعلا فينوس مالها الناس


بس نقول اية فى ناس كدة مش ليها غير فى القال والعاد

منورة المدونة


مع خالص تحياتى

Tamer Nabil يقول...

خالد أبجيك

صح كلامك ياخالد

عادات وتقاليد

ومنها كلام الناس اللى بيوجع ياتى


وزى ما قولت مدام فية حب وتفاهم يبقى خلاص مفيش مشكلة


منور المدونة

مع خالص تحياتى

Tamer Nabil يقول...

شمس النهار


كلامك صحيح

مدام الحب موجود مفيش مشكلة

وان كان على كلام الناس لايهتمون بة ولايعطون هذا الامر اى اهمية


منورة المدونة

مع خالص تحياتى

دكتور لغة العيون يقول...

كلام الناس لابيقدم ولابياخر

ومدام فية حب وتفاهم بين الاثنين

يبقى الف مبررروك

تحياتى

كلمات من نور يقول...

شوف يا تامر

اطول منه اقصر منه سمرا بيضا الناس متعرفش تكتم ولا تسكت

يعني الزواج داه قسمة ونصيب ومشاعر ومودة ورحمه لا حدد ربنا الطول ولا اللون وووووووووووووو

زمان جدي الله يرحمه كان يضحك مع خالتي علشان عريسها طويل قوي ويقولها : كده تمشي ايدك في جيبه على طول وتفلسيه

انما فكرك لو جالها واحد اقصر منها كان رفضه؟؟؟؟؟؟؟؟ لا اعتقد علشان كان متنور ومتعلم وفاهم الدنيا صح

حلمى البعيد يقول...

تامر
موضوع جميل وجديد

بص أنا هتكلم من وجهة نظرى ..لو أنا ف الموقف ده
مش هيهمنى أى كلام من الناس طالما أنا راضيه
دى حياتى مش حياتهم
والعيب اللى المفروض ان الناس تلومنى عليه
لو كان ده عيب ف أخلاقه أو بيتصرف تصرفات خارجه عن الصح
ده اللى ممكن أتأثر بسببه

والرسول "صلي الله عليه وسلم" قال شروط لإختيار الزوج
مكنش فيها لا طول ولا شكل
حدد الدين والخلق
ودول يغنوا عن أى حاجه تانيه

Dr Ibrahim يقول...

لحضرتك تاج عندى
من هنا ويحق لك الرفض أو الإجابة

يا مراكبي يقول...

كلام الناس لو حطيناه نُصب أعيننا طول الوقت وقتلنا مشاعرنا بسببُه، كل اللي هيحصل إننا إحنا اللي هنتعذب بينما الناس مش هتحس بحاجة وهينسونا وهينسوا تضحيتنا الساذجة دي علشانهم

أنا رأيي يدافعوا عن حُبهم ومش مهم كلام الناس طبعاً

ياسمين يقول...

ناس ناس ناس...
الناس مش هي اللي هتتجوز ...والواحد مش بيتجوز كل يوم .ولا هيطلق بكره عشان يجرب حد جديد...الجواز دا حياة كبيرة ومستمرة يبقي لازم نختار بعقلنا قبل قلبنا ...الإنسان عمره ما كان بشكله الإنسان بتفكيره وشخصيته ..ويوم لما افكر اتجوز هختار رجل وليس أي شيء آخر ...طالما انا حباه ومقتنعة انه رجل لا يفرق معي اي شيء...!!شكراا